انهارده عيد ميلادي ..كل سنه وانا طيبه

[still_here]

كل سنه وانتي طيبه وعقبال 100 سنه
..كل سنه نفس الكلمه من نفس الناس بفرح انهم فاكرني..بس ياتري هو انا فعلا طيبه ولا حتي هعيش 100 سنه...
..انهارده تميت 24 سنه لحد امبارك كنت متمسكه ان عمري 23
مش قادره استوعب الرقم 24 يعني 24 سنه فعلا عدت من عمري...ياتري هعيش قدهم ولا نصهم ولا ازيد منهم.. الله اعلم قد ايه..؟
ياتري عملت ايه في 24 سنه اللي فاتت ؟ سألت نفسي السؤال ده لأني من وسني 12 سنه كل ماييجي عيد ميلادي كنت افرح ب"كل سنه وانتي طيبه"واتبسط بالهدايا ..بس دايما كنت بزعل ان سنه من عمري عدت..
انا قلت احاول اقيم السنين اللي عدت مني اشوف انا كنت ايه ووصلت لفين..لقيتني كنت مبسوطه فحياتي ربنا يخليلي مامتي وبابايا..ومع اخواتي واصحابي..مدرستي والكليه..خطيبي وبعدين جوزي وبعدين سنتين جواز ..و..بس
لقيتني هي دي انا
هي دي محصله ال24 سنه اللي اكتر مره فرحت فيهم يوم ايام نجاحي..واكتر مره زعلت فيهم ايام قبل فرحي..واكتر وقت اتنبسط فيه فبيتنا ..واول مره ندمت كانت غلطه عيال عبيطه..واول مره حبيت كان جوزي..واول مره كرهت..عرفت اني مازلت مش عارفه اكره..واكتر حد حبيته مامتي ..واخر حد تخيلت اتجوزه جوزي..واكتر حد بخاف عليه اخواتي ..واكتر حد بتمني يتغير بابا ..واكتر حد حرقت دمه..انا

مش عارفه ليه كتبت الكلام ده ..بس السنه الجايه نفسي اكتر حد يقولي من قلبه كل سنه وانتي طيبه ..برضه يبقي انا

[waaardah]

السلام عليكم

كل سنه وانت طيبه

[اميرة صلاح]

كل سنة وانتى طيبة
العمر مبيتحسبش بالسنين ومش مهم كام سنة المهم عملنا اة فيهم
فلعمر قصة انت بطلها وبين الجلدتين اكتب انت الاحداث وانت وشطرتك
وعقبال ملييييييييييييييييييييييييييييون سنة سعادة وحب

[ام زياد وسالم]

اسعدك الله يااختي 00ولكن الا تعلمين ان اعياد الميلاد حرام00ونحن المسلمون قد ابدلنا الله عنها بما هو خير لنا منها عيدين للمسلمين نفرح فيهما بطاعة الله 00فانتبهي لنفسك اخية ولاتغرك فرحة يوم محرمه تلقينها عليك وزرا ووبالا يوم القيامة000والسلام عليكم

[احلامنا الحلوة]

كل سنة وانتى طيبه وفطاعة الله يارب
ويارب يكون ايامك الى جايه كلها جميله وصالحه وانسي كل الوحش الى فات افتكرى الحلو بس

[نور تقية]

كل سنة و انت طيبة حبيبتى و عقبال مليون سنة مش100 بس و انت بصحة و سعادة

و ربنا يسعد ايامك يا رب

[still_here]

#2
اليوم, 06:06 PM
waaardah
عضو جديد
,وانتي اطيب اميرة صلاح
عضو نشيط


كلامك مظبوط فعلا بس انا دايما اقول الحياه اسطوره ..انا لست بطلتها..لكن حياتي انا اكيد انا بطلتها..وميرسي لمرورك


ام زياد وسالم
عضو نشيط

اشكرك ..بس انا فعلا مش بحتفل خلاص من يوم ماعرفت حرمانيه اعياد الميلاد بس هي يادوب كل سنه وانتي طيبه بسمعها من قرايبي واصحابي زي ما اتعودو ..وعلي فكره انا فعلا ببقي فرحانه يوم العيد اكتر من يوم عيد ميلادي


احلامنا الحلوة
النجم البرونزي

يارب يستجيب لدوعتك انا اتمنيت لنفسي اني اكون السنه الجايه لطاعه الله اقرب..ومتشكره علي مرورك


نور تقية
النجم الفضي


وانتي طيبه ويارب يسعد ايامنا وايام المسلمين..ويارب اشوفك عندنا هنا قريب تنورينا وتاكلي مشبك وتتبسطي زي ما كنتي عاوزه..فاكره..؟؟؟

[طالبة حكمة]

كل عام وانت الى الله اقرب يا قمر

[Salma1]

اختي في الله still_here
ادام الله عمرك في طاعته..
واليك هذه الفتوى:

ما حكم أعياد الميلاد؟

الحمد لله والصلاة والسلام على رسول الله، وبعد:
فأجاب بقوله: يظهر من السؤال أن المراد بعيد الميلاد عيد ميلاد الإنسان، كلما دارت السنة من ميلاده أحدثوا له عيداً تجتمع فيه أفراد العائلة على مأدبة كبيرة أو صغيرة.
وقولي في ذلك أنه ممنوع؛ لأنه ليس في الإسلام عيد لأي مناسبة سوى عيد الأضحى، وعيد الفطر من رمضان، وعيد الأسبوع وهو يوم الجمعة وفي سنن النسائي عن أنس بن مالك رضي الله عنه قال:كان لأهل الجاهلية، يومان في كل سنة يلعبون فيهما فلما قدم النبي، صلى الله عليه وسلم، المدينة قال : "كان لكم يومان تلعبون فيهما، وقد بدلكم الله بهما خيراً منهما يوم الفطر ويوم الأضحى". ولأن هذا يفتح باباً إلى البدع مثل أن يقول: قائل: إذا جاز العيد لمولد المولود فجوازه لرسول الله -صلى الله عليه وسلم- أولى وكل ما فتح باباً للممنوع كان ممنوعاً. والله الموفق.

المصدر: islamtoday