كيف الزوجه تقدر تعود زوجها على......؟؟؟

[شيمـاء]

كيف الزوجه تقدر تعود زوجها على......؟؟؟

مرحبا بنات موضوع اعجبني في احد المنتديات فحبيت أنا وياكم نتشارك بأفكار تفيدنا من خلال هالموضوع.


. وهو كيف الزوجه تعود زوجها إنه يهديها
مثلا فالأعياد أو المناسبات الخاصه أو لو كان مزعلها وراضاها لكن ودها تكون مع رضاوتها هديه حلوه(مش كل زعل طبعا)
هل الزوجه تطلب الهديه بشكل مباشر أو غير مباشر أو لها طرق معينه عودت الزوج فيها انه يهديها...
يالله نبي نستفيد من كل وحده ونبي نفيد بعض لان في ازواج ينسون يهدون زوجاتهم وفي ازواج يعرفون يهدون...
شو رايكم

[شيمـاء]

شوفو حبيباتي انا زوجي مايهديني وانا شوي مضايقه اقول ليش ما يهديني هههههههههههه مع اني اهديه بصراحه تعبت اهديه وهو ما يفهم

[ص_س]

سلام انا مو كل مرة يهديني ما ازعل اكتير بجد انا احب انو يهديني ومشكورين

[سحايب 1]

انا زوجي مايهديني

[المسك والعنبر]

السلام عليكم ورحمة الله وبركاته
أولا: شكرا أختي على طرحك هذا الموضوع الشيق

ثانيا: أنا أتوقع انه موضوع الهدايا تكون حسب شخصية الرجل
أنا مثلا زوجي ما أفتكر إنه هداني شئ (أنا أقصد هديه عينيه غير المال)
يمكن مرة واحد أو مرتين مع إنه تجي اوقات كثيرة مناسبة للهدايا
مع إني دائما أهديه في كل المناسبات يوم ميلاده أو يوم زواجنا ،في العيد
وبصراحة كثير أزعل عشان ما يهديني وعموما زوجي أبدا مو رومنسي

هذا يعود للي قلته أول إنه كل رجل وشخصيته
ييمكن الرومانسي بطبعه يحب الهدايا ويحب هدي زوجته

انا أعرف صديقتي (ما شاء الله لا قوة إلا بالله ) زوجها كثير رومانسي وكل ما تزعل يراضيها حتى لو كانت هي الغلطانه وما شاء الله في أغلب المناسبات اللي تخصهم مثل يوم زواجهم وعقد القران ....إلخ
يهديها شئ أو يعزمها على العشاء في مطعم تختاره !!!!! اللهم لا حسد

لكن حبيت أنقل لكم فكرتي إنه هذا الشئ (موضوع الهدايا) إحنا الحريم ما نقدر نعود عليه رجالنا لأنه هذا يكون بطبيعة كل واحد

شكرا لكم وآآآآآآآآآسفة لأني طولت عليكم

[وحيدة في الزحمة]

انا زوجي احيانا يهديني
مناسبات يحسبلها حساب و مناسبات يتركها تمر و لا كأن في شي!!
و صراحة انا احيانا المح له قبل المناسبة لاني اخاف انه ينساها و انجرح

لكن هو بشكل عام ما يحب الهدايا
و احيانا قبل المناسبة ينبهني انه ( ما له خلق على الهدية!!)
و يمكن احلى هدية و اغلاهم على قلبي هدية الولادة، كانت كثير حلوة و الاحلى انها من قلبه و ما طلبتها...


يعني باختصار زوجي وسط !

[liyawa]

شكرا يا قمر

[lubnam]

انا زوجي ساعات بس مش كتير
بس الغلس في الموضوع انه ما تكون مفاجئة يعني يخليني اروح اشتري معاه
و ساعات انبه قبل المناسبه بمده

[درة فنر]

حبيباتي :
الهديه ليست هي كل شيء ....
الهدية نافلة وليست فرض ...
لاتجعلي الهدية تستحوذ على تفكيرك وإن لم تأتي تقلبيها إلى مشكلة ...
انظري للجوانب الإيجابية في زوجك ...
فغالب الأزواج الذين يقدمون هدايا لزوجاتهم لا يضعون في أيدي زوجاتهم مبالغ مالية ...
على عكس من لالالالالا يهدي لزوجتة فهو يغدق عليها بالمال من غير أن يسألها عنه ...
وكأنه يقول في نفسه : اشتري لنفسك ما شأت [ لاتصجينا هدية هدية ]
وأنا عن نفسي زوجي لالا يهديني شئ أبداً .... وإذا بغى يهدي مثل التخرج [وهي الوحيدة] يقول تعالي معاي أنا ما أعرف انتي شتحبين أخاف ما يعجبك ذوقي ... مع أنة صاحب ذوق رفيع جداً
لكن ما تعبت نفسي بمشاكل معاه بخصوص هالشئ لأنه ماعند مانع يسحب ثلاث أرباع راتبه ويعطيني إياه من غير ما يسألني شتبين فيه ؟!
الحمد لله على كل كل كل حال ....
وعلى فكرة : الهدية عند الرجل شئ تافه أو لايلقي له بال ..
وتركيز الرجل غالباً على الرئيسيات .... والنساء على الثانويات ....
والتعويد على الإهداء شئ راجع لدهاء المرأة .

[اسماء المغرب]

أنا عكسكم زوجي يهديلي الهدايا في مناسبات زي عيد ميلاد او عيد زواج وانا ولا هنا زوجي رومانسي اكتر مني اللازم والله اني بنسى اهديه ولكن بحبو موت وهو فاهمني الحمد لله

[لحن القول]

طيب
الناس تتختلف مين زوجها رومانسي مايحب الهدايا ؟ اكيد مافي
والعكس زوجه؟
لكن ننحن نستقل الاوقات مو شرط الهديه ماديه ممكن طبخه يحبها تتعتبر هديه
ممكن حفله تسوينها له ممكن زياره مفاجئه من اقربائه تفكرين فيها وتتعزيمنهم عندك
تتعتبر هديه
الكلمه الحلووووووووه هديه
ايش رايكم؟؟ظ

[* اليازية *]

السلام عليكم ورحمه الله وبركاته

أسعد الله مساكِ بالخير و السرور غاليتي شيماء ...

الله يعطيكِ العافية على نقلك لنا هذا الموضوع الحيوى ...

تبادل الهدايا بين الناس عامة وبين الازواج خاصة
يدل على الإهتمام و الحب للطرف الأخر
ورسولنا الكريم عليه الصلاة والسلام
قال ... ( تهادوا تحابوا )

والزوجة في إمكانها ان تعود زوجها على الإهداء
من خلال ان تكون هي قدوة بالنسبة له بحيث انها
تشترى له هدايا وتهاديه في مختلف المناسبات
فمن الممكن ان الزوج يتأثر بأسلوب زوجتة الراقي
في التعامل و يتأسى بها ويتبع معها نفس
الأسلوب في التعامل ...

أيضاً ممكن ان الزوجة تلمح لزوجها بحاجتها لغرض
معين او انها شافت فلانه عندها غرض معين
واحبة ان يكون عندها واحد مثلة ...

ولا مانع من ان الزوجه تستخدم مع زوجها
أيضاً أسلوب المصارحة بأسلوب لطيف
بحيث تقول لزوجها " صار لك فترة
طويلة ما اشتريت لى هدية "...

ومن الأفضل ان الزوجة لا تشغل فكرها كثير
بهذه الأمور الثانوية و الغير أساسية والتي
ليس لها تأثير سلبي على الحياة الزوجية ...
الرجل يتصف غالباً بالعقلانية في حين أن المرأة
عاطفية ...
لذا فإن الرجل لا يلتفت كثيراً لهذه الأمور التي
يعتبرها من الصغائر ...
فإذا كان الزوج كذلك فعلي الزوجة أن تكيف نفسها
وتعيش و فق أسلوب و طبع الزوج حتي لا تعكر
صفو حياتها الزوجية ...

[ام فجروه]

هلا موضوعك حلو
الصراحة انا زوجي يهديني بسبب وغير سبب
والله يهدي ازواجنا ويسخرهم لنا قولو امين

[بندولة]

انا زوجي ما يهديني

و مرة هددته اذا عيد زواجنا اللي بعد اسبوع ما اهديتني هدية راح ازعل

و تصدقون شنو صار












































جابلي تلفون نقال هدية بنفس يوم عيد زواجنا

[وسام المحبه]

موضوعك مره حلو
وانا بصراحه والحمدالله زوجي كثير رومانسي وقبل كم يوم اهداني هديه والحمدالله من فتره لفتره يهديني
والله يهديهم لنا ويسخرهم قولوا اااااااااااااامين