القوانين الجديده للعماله المنزليه في الكويت وابي رايكم خواتي الكويتيات ومشاركه من ال

[سموالاميره]

السلام عليكم ورحمة الله وبركاته

ياالغاليات السالفه ومافيها من تقريبا يومين قريت في جريدة الوطن ان في قرارات جديده تخص العماله

المنزليه فأت الاناث وهي ان مخصص لها اجازه باليوم خارج البيت اسبوعيا وهذا يعم الكل من جميع

الديانا والصراحه صابتني صدمه والسبب ان احنا موقادرين نسيطر على بلاويهم داخل البيت فما بالكم

لو تكون لهم اجازه برا البيت وطبعا انا ماني ضد هالاجازه بس ماتكون برا البيت ولكن داخل البيت ولا اولا انتوا شنو رايكم يعني لما تطلع اسبوعيا برا البيت شنو العواقب اللي راح تنجم عن هذي الطلعه
يعني مثلا التعارف من الفأه الاخرا وهم الذكور يعني هل نضمنهم ان هالعلاقات ماينجم عنها علاقات

محرمه كامعاشره او غيرها اعزكم الله يعني انا بيني وبين نفسي قاعده افكر لما يطبق هالقرار هل

انا مستعده اني ادخل هالخادمه داخل بيتي بعد هذي الاشياء القذره واكيد فهمتوا قصدي يعني ماراح

اطيقها تشتغل عندي وانا ماادري شنو كانت تسوي برا ايت في اجازتها والصراحه اكثرهم يتمنون

هالاجازه لتعارف مع الجنس الاخر ولا شرايكم ياخواتي والصراحه اذا تطبق هذا القرار فعلا انا

مالراح اكون مستعده اني ادخلها بيتي وانا ماني ضامنه شنو سويت برا البيت من زين او شين
وعلى فكرا قالوا القرار سيطبق اما شهر 9 او 10 الجاي

وبكل صراحه هل تايدون فكرة الاجازه برا البيت؟

وهل راح تقبلون بهذا القرار؟

وهل احساسكم مثل احساسي لما يطري عليكم انها راح تسوي بلاوي برا البيت لان لا رقيب ولا حسيب عليها ؟

والله اني محتاره

بنتظار ردودكم

[سموالاميره]

شسالفه يابنات

الضاهر الموضوع عندكم عادي وشكلي كبرت السالفه ولا شنو رايكم

سبحان الله اناس اجناس وبامانه هل مقتنعين بهذي القوانين؟؟؟؟؟؟؟؟؟؟؟؟؟؟؟؟

وين ردودكم؟؟؟؟؟؟؟؟؟؟؟!!!!!!!!!!!!!!!!!!!

[هالة البدر]

بسم الله الرحمن الرحيم ،،

عزيزتي أميرة فعلا" الموضوع مهم جدا" وغير جائز أبدا" ومثلما تفضلت لو الإجازة داخل المنزل ما في مانع لكن خارج المنزل لا أقبل أبدا" إحنا من غير هالواسطة مو عارفين نسيطر عليهم وأكيد بهذي الإجازة حتزيد مشاكلهم وعنادهم غير الأشياء إللي يتعلموها من بعض وطبعا" حدث ولا حرج، أكيد عزيزتي أوافق معك على رفض مثل هذا القانون والله مو ناقصين وجع راس.

[ورد الصبا]

والله يا اختي اضم صوتي لك ترا ما في داعي للضجة الاعلامية اللي صايره هالايام بسبب الخدم اذا في فئة قليلة تظلم الخدم خليهم يشوفون الخدم شنو مسوين مشاكل اشكال والوان جرائم قتل واغتصاب وغيره
بس لو تلاحظين ان نوعية الخدم اللي قامت تجي هالايام الى البلاد غير شكل يعني تجي ومعاها لستة ارقام تليفونات للسفارة ولاصدقائها وارقام التاكسي ولازم هالموبايل معاها وبالذات الجنسية الفلبينية وتخيلي لما تطلبين منها أي شيئ بسهولة ترد عليج انا ما اعرف او انا ما اسوي هذا مثلي انا من كم شهر طلبت لي خدامه فلبينية وعندي انا من الاساس هندية تخيلي خليتها في بيت اهلي علشان يعلمونها الطبخ وبعد مرور اسبوع اسئلها جان تقولي لي انا ما ابي اطبخ يسبب لي صداع فقلت لها لا شوفي انا جايبتك تطبخين عيل يوم كنتي ببلادك شنو تاكلين وتوكلين اعيالك وبعدها قالت لي ما ابي اشتغل والله يشهد انها كانت مدلله لانه اساسا اهلي عندهم من الخدم الكثير فهم مو بحاجة لخدماتها نهائيا وفعلا خذيتها الى مكتب الخدم والله يشهد اني عطيتها معاشها معنها ما اشتغلت لي بالمرة بس قلت حرام اخاف اظلمها وشوفي اللي ما تعرف لا دين ولامذهب قالت لهم اني ماعطيتها معاشها والحمدلله عندي الورقة اللي موقعه عليها انها استلمت شوفي هذي صار لها كم يوم وتمردت فما بالك اللي تمت كم سنه اهو تمرد واهي طوالة لسان واهي سرقات واهي اعمال مخلة بالاداب
اتصديق صديقتي وايد حريصة على الخدم وتجيك على كل شيئ بالنهاية اتصلوا فيها الشرطة وقالوا لها انه خدمها ماسكينهم مع واحد في الفجر في منطقة معروفة بالخرابيط ومعاهم موبايلات واهي صديقتي وايد حريصة ولا تطلعهم وعلى طول تقفل البيبان مع هذا معطيتهم كل حقوقهم بس ما يبين بالعين لئمنه على الاخر
ولا تقولون لا تجيبون خدم اشلون واحنا موظفات نشتغل الى ساعات طويلة نحن بحاجة الى من يقوم بالتنظيف والطبخ والغسيل فالمرة ترجع البيت مهدود حيلها وترجع تدرس في الاولاد يعني مسكينه فمابالكم ترجع تشتغل بالبيت ومن ثم تدرس يعني هم كم سنة وبعدها المرة في مستشفى المجانين
ادري طولت بس والله منبطه كبدي من هذا القرار خلي يجون يشوفون اشلون مدللين الخدم الساعه 8 اهي بغرفتها وياويل اللي يناديها حرام خلوها ترتاح ولا رحنا الجمعيه نشتري لها حالها حالنا وحتى المطاعم الله يرحم
الله يستر من الجاي
تحياتي