كيف خسرت من وزني 45 كيلو

[هبهوبة]

حبيبتي رواد والله ما غظتيني بالعكس فرحتلك لأنو يا هيك الهمة يا بلاش ..وبرافو عليكي

روزاليندا ..ريجيمك عنجد عجبني وبيشبه اللي كنا متبعينه وبهنيكي على إرادتك الحديد ..وأنا عمبتحسر على حالي لأنو كل الوزن اللي زاد عندي بس من شهر ومع إني أخدت حب ريداكتيل بس ما عمل معي شي والشهية مفتوحة عالآخر عالحلو بالذات والشوكولا ..مع إنو كتير من اللي بعرفهن أخدو حب ريداكتيل وانسدت الشهية عالآخر..يمكن أنا شهيتي قوية كالحديد ما حدا بيقدر عليها!!!ههههههه

[queen74]

مرحبا يا احلى بنات في احلى منتدى
كيفكم وشو اخباركم كيفك يا يسورة ويا هبهوبة
ويا رواد واكيد ماراح انسى حبيبتي روز
الي عجبني في الموضوع تشجيع البنات
وحسيت بحماس كتير حلو الواحد يلاقي تشجيع باستمرار
على فكرة انا بعرفكم من زمان من ايام لولو الي كانت تشجعكم
بس كنت متبعاكم على طول وهلا انا حابة اني اشترك معاكم
انا الي فترة عاملة تخفيف مع مشي والحمد لله نزلت بس شيء بسيط
وبدي ابدأمعاكم بس مش عارفه على اي نظام انا طولي 162 سم
ووزني 71 ونفسي انزل ل65
وشكرا الكم كتير وياريت يستمر التشجيع وماتهبط ارادتنا يارب

[ROZALENDA]

السلام عليكم ورحمة الله وبركاته
اخواتي يسر الرحمن وهبهوبه و RAWAD وQUEEN
برافو عليكي يا رواد ماشاءالله باديه بهمه عاليه والفيتامينات مو مشكله يومين ما حتخرب الدنيا
يسوره شو هي لبعد العيد حبيبتي بعدين حبيبتي الخمسه كيلو بصيرو عشره خلينا نلم المعده شوي قبل العيد يا حلوه حتى لو اخدتي استراحه بالعيد تاخديها وضميرك مرتاح
بالنسبه لجهاز المشي عزيزتي الموضوع بيعتمد عليكي يعني انا مثلا بستعمله كل يوم ساعه والحمدلله ما اهملته واذا بتقدري تمشي شوي على شوية ايروبكس بكون خير وبركه منها حرقتي ومنها شديتي جسمك واللي يقدرك عليه الله هلأ مبدئيا خير وبركه لحد جسمك ما يتعود على الرياضه
عزيزتي هبهوبه ما تتحسري حبيبتي ولا على بالك الله يجعله عوافي وهنا ما استمتعتي بهالاجازه الطويله ؟ خلص يبقى فداكي ابدئي من جديد وقولي يارب وهالمره ما توقفي الا لما تكوني راضيه عن وزنك ساعتها بتصيري بتخافي تزيديهم
اخت QUEEN اهلا وسهلا فيكي ويالله اتشجعي معنا وان شاءالله بتستفيدي وبتوصلي لهدفك
هلا انتو في الاسبوع الأول يعني حتحسو بجوع عادي ان شاءالله كم يوم وجسمك بيتعود ومعدتك بيصغر حجمها والجوع بصير اقل يعني ما تدايقو لو حسيتو بجوع اتسلو بأي شي خيار فنجان قهوه مثلا
قبل ما انسى انا طولي 160 ووزني صراحه ماعندي ميزان ولما بدي اوزن بروح عند زوجي عالعياده وبزين لأنه لو حطيت الميزان بوشي بصير وسواس فقررت من يوم ما جيت كندا انه ما حاشتري ميزان ان شاءالله بس يرجعو الاولاد المدارس بروح بوزن مو مستعجله لأني صرلي كم يوم عم خبص وما بدي تنزل همتي
شو رأيكم يا بنات ننقل هالإتحاد على موضوع تاني منفصل ؟

[هبهوبة]

السلام عليكم ورحمة الله وبركاته
شكرا يا روزاليندا على تشجيعك إلنا ...والله يوفقنا كلنا
على فكرة أنا بس أفتح النت وشارك معكن عمبتشجع .و بعدين بس فوت عالمطبخ بنسى التشجيع والريجيم وبنزل بالأكل ..يا ربي أنا كتير متعقدة من حالي ادعولي اقدر قاوم
وبالنسبة لفتح موضوع منفصل وخاص باتحادنا..بالفعل ونعم الرأي...هيك أحسن ..مشان اللي بحب يستفاد ما يفتح ويلاقي كلام مالو علاقة بالريجيم
وهيك بتبلشيه بطريقة الريجيم المفصلة ..وممكن كل واحدة بتدخل بتسجل بياناتها..مشان بعد فترة نلاحظ الفرق

queen >> كيفك حبيبتي ..يلا نتشجع كلنا مع بعض

[يُسر الرحمن]

السلام عليكم ورحمه الله وبركاته
رودى والله ماشاء الله عليكى يلاه الهمه يا بنوتات
والله انا بجد ربنا يعلم فرحتى اد ايه مع انى لسه مبتدش فى لارجيم
بس فكرتونى بأيام زمان روز يا قمر خلاص يا فندم علم وان شاء الله ينفذ
من غير ضرب بنادق ولا غيره هههههههههه
وان شاء الله ايد بيانات البنوتات الى فى الرجيم الجديد
وطلب يا روزى لو سمحتى اوعى اوعى أوعى تسيبينا زى ما عملت لوليتا
خليكى معااااااااااااااااااانا ممكن؟؟
كوين اهلا بيكى وان شاء الله نبقى مجموعه خير وننزل وربنا ييسرلنا الحال

[يُسر الرحمن]

المتسابقات
1-روزلندا ----- --- الطول 160 ----- الوزن .....
2-يُسر الرحمن ---- الطول 175 ----- الوزن تقريبا 89 – الوزن المطلوب 75
3-رواد ----------- الطول 160 ------ الوزن 70.5 ----- الوزن المطلوب 65 (جبته من الجدول القديم يا رودى)
4-هبهوبه -------- الطول 158 ------ الوزن 71 ------- الوزن المطلوب 55
5-كوين -------- الطول 162 ------ الوزن 71 -------- الوزن المطلوب 65

[هبهوبة]

السلام عليكم ورحمة الله وبركاته
كيفكن يا حلوين؟؟

روزاليندا ..وينك حبيبتي وين الموضوع الجديد؟؟؟مشان نشجع بعض...
مبارح كنت صايمة وحاولت إني بلش وما خبص بالأكل بعد الفطور ..بسسسس ما قدرت!!
واليوم ما بعرف شو بدي آكل ..رح حاول آكل بس فتوش يممممم وفواكه...لأني طابخة رز بالبزاليا ومالي حيل أعمل أكل إلي ..ولنشوف

يسورة ما شا الله عليكي رجعتي تتابعي نشاطاتك

[RAWAD]

السلام عليكم و رحمة الله و بركاته
كيف حالكم يا بنات
و الله انا شاكرة لكم التشجيع .. بس لازم تعرفوا ليش انا متحمسة بعد فتور الهمة المدة الماضية.
يا ستى هذا لما نقصت التسعة كيلو.. الكل لاحظ الفرق ابتداءا من زوجى . و نظرا لانى ماعندى زيارات كثير ,
لما زرت صديقة ليا ما شفتهاش من اكثر من ستة اشهر صدمت بشوفتى (و كنت ايضا قاصة شعرى قصير )
فقالت لى : اذا ما كنت عارفة انت اللى جاية ما كنت عرفتك .
طبعا ما تصدقوا كم فرحت .
تصوروا رجعت عروس من كثر ما الاحظ نظرات الاعجاب حوليا .
طبعا ناهيك على الشعور بالصحة و الخفة فى الحركة .
و الله شئ رائع ان الانسان ينقص وزن بصراحة.
يلا شدوا الهمة معاى.

[RAWAD]

هبهوبة : كيفك يا عسل , انا مش قصدى اغيظكم بالفعل . انا قصدى اشجع اللى مترددين بس .
يسور حبيبى : مشكورة يا عسل (من فضلك غيرى الوزن ... انا حتى غيرت المسطرة)
و شدو الهمة يلا خلينا نرجع ايام زمان (اللى يسمع يقول سنين هههههههههه)
باقى البنات : يلا معانا و ماتتاخروش .. و النتائج مضمونة ان شاء الله (بياعة على الرصيف هههههه)
الغالية روز .. شوفى ايش اكلت من الصباح و حتى الساعة التاسعة مساءا:
بعد الفجر 2 كوب ما بقليل جدا من عصير الليمون.
اخرت الافطار الى الساعة 11 ظهرا.
كوب ماء بقليل من الليمون.
بعده بنص ساعة
كوب شاى بدون سكر مع حليب خالى الدسم
شريحة توست اسمر مع قطعة جبن عادى (ادام) بنص حجم البيضة (لان ما عندى قليل الدسم بالبيت).
شرائح حبة طماطم صغيرة +5 شرائح خيار و معصور عليهم ليمون .
الغدا: الساعة 4 , لان زوجى كان صايم( هو فطر و انا تغديت)
مغرفةالا ربع شوربة (اللحم بطبيعتى انزع عنه الشحم).
1 سبرنج رول (بالفرن)
صحن سلطة كبير مكون من : خس +طماطم + خيار+ فليفلة + ملعقتيم من السويت كورن+ ملعقة تونة+ ليمون+ زيت زيتون.(قطعت فيه شريحة توست اسمر محمسة جيدا.)

العشاء :الساعة بين 8 و 9
كوب كابتشينو بسكر الدايت(حبتين) بس الحليب كامل الدسم و مركز كمان .
معاه معمول .(اى رجيم هذا )
بس حسيت نفسى كويس .
لان ضرورى فى البداية بيكون التخبيص بعد الواحد ما تعود على الاكل .

اليوم و الحمد لله صايمة : و برنامجى كالاتى :
افطار السنة (تمرة ) و بعده كوب ماء بالليمون.
بعده بنصف ساعة
شوربة + سلطة.

ادعولى بالتوفيق.

[queen74]

السلام عليكم ورحمة الله وبركاته
مرحبا يا بنات كيفكم وشو اخبار الرجيم معكم انا بصراحة لسة ما بديت اهي اهي
لانه الي بالي بالكم على وشك الوصول فحسيت نفسي اليوم بفجعة على الاكل
وخصوصا الحلو حاولت اني اقاوم بس ما قدرت بس اوعدكم ان شاء الله
ابدأ يوم السبت بتكون المحروسة اجت وخلصت
وساعتها الواحد بيقدر يتحكم في نفسه

صحيح يا روز انا معك في نقل هدا التحاد في موضوع منفصل وياريت يكون فيه
وجبات الاسبوع الاول من الرجيم

كيفك حبيبتي يسر وكيف الرجيم معك بدأت ولا لسة وانتي ياهبهوبه كيفك وشو أخبار
الرجيم معك والله انو انا متلك ما بقدر اقاوم الاكل الله يعينا على هذا الابتلاء
الحمد لله على الصحه وهي اهم شيء وان شاء الله ننحف واحنا صحتنا مية مية

[هبهوبة]

السلام عليكم ورحمة الله وبركاته

كيفكن يا رشيقات؟؟
روزاليندا ..وينك؟؟؟؟ خير شو القصة ..عمننتظرك بالموضوع الجديد بفارغ الصبر

رواد ..كيفك حبيبتي وكيف بناتك الأمامير بوسيلياهن..ما شاء الله عليكي بديتي بداية موفقة وبالنسبة لأكلك بعد الفطور بس شوربة وسلطة؟؟!! مو معقول

كوين كيفك يا حلوة؟؟ شو ناوية تخبصي بأكل الحلو؟؟على مهلك خليلي شوي!!هههههه

يسورة وينك بلشتي ولا لسه؟؟؟

بالنسبة لي الحمدلله مبارح قاومت وما خبصت كتير

كنت صايمة والحمدلله أفطرت على 3 تمرات وشربت ماء

أكلت فواكه (2 حبة برتقال حلو - 2 يوسفي )

بعدين عملت فتوش وحطيتله شوية زيت بس ما انبلع معي بسهولة!!لأني بحب الزيت واضح مع الفتوش وعملت شوربة خضار (لحمة مسلوقة - جزر -قرنبيط - بصل - حبة بطاطا ) طبعا طبختهم مع مرقة اللحم دون زيت
وبس ..منيح هيك ؟؟؟؟
وما استيقظت عالسحور

[ROZALENDA]

السلام عليكم ورحمة الله وبركاته
سامحوني اخواتي مع هالاجازه الاولاد ما خلو للواحد وقت ينتفس بس يالله الحمدلله بكره المدارس وياشوقي لبكره
هبهوبه
حبيبتي ما تزعلي مني بس بدك تقاومي الأكل شوي كل ما بتجوعي اشربي كاستين مي واستني ربع ساعه كلي فاكهه بعدها وقولي مابدي خبص جسمي وصحتي اهم الأكل لا تنسي الدعاء بالصلاه كمان حبيبتي ليش ما تعملي بزاليه بالجزر الك هي سهله وسريع وما بدها شغل متل العاده وللي ما بتعرف حمري البصل وبعدين حطي معه اللحمه المفرومه او لحمة راس العصفور مسلوقه مسبقا وبعدين اضيفي البزاليه وجزر مقطع وفيكي تضيفي اي خضار وبعدين اطحني بندوره بالخلاط واضيفيها وخليها تتسبك وتستوي مع بعضها صحن الفتوش حمصي الخبز الأسمر بالفرن وخليه دايما جاهز للفتوش وهيك ما عندك حجه تخبصي بالاكل مع الخضار والفتوش يمي
يسوره
والله قلبي معكم ومعي لأني كمان ماشيه على نفس الدرب طمنيني كيف كان اول يوم ؟ اكيد ما جعتي كتير لأنه جسمك لسه عنده خزين الله يهون عليكي وعلينا يارب
رواد
عزيزتي انا شاده الهمه وعلى كيفك بعون الله تعالى وهلا خلصت رياضه ماشاءاله نظامك عجبني كتير وخصووووووووووصا المعمول تؤبشي قلبي بس معك حق هي اول اسبوع ما بدك تشدي كتير على حالك حتى ما تطفشي وتتركي لحد ما تصغر المعده انا كمان صايمه لحد العيد ان شاءالله وعملت طنجره كبيره شوربة الملفوف على فكره كنت اعملها من زمان وارميها ما تنبلع معي لحد ما اختي علمتني طريقه احسن من طريقتي وصرت اكلها بدون اي معاناه والحمدلله حدا بدو الطريقه ؟ وكمان بدي قلك انا كتير بحب الكابتشينو بس بعملها بحليب قليل الدسم والظرف باخد تلته وبضيف نسكافيه وبخلطها بالخلاط بتطلع طيبه كتيروخفيفه احيانا بحط بس بودره حليب خالي الدسم بالخلاط مع مي مغليه وممكن ضيف نتفة حليب ماعقه صغيره كابتشينو ونسكافيه جربيها
اذا بتحبو السكر في سكر اسمه SPLENDA بتلاقيه مع السكر العادي هوه مصنوع من سكر حقيقي بس مافي سعرات حراريه حتى ممكن تعملي منه حلويات طعمه مقبول كتير
ما تنسو يا حلوات الشاي الأخضر كتير منيح بعد الوجبه الرئيسيه او بعد كل وجبه اذا بتحبو
عزيزتي كوين
طبعا وضعك مفهوم جدا وصعب كتير تبدئي الريجيم بهالوقت بس ان شاءالله قريبا بيروح الاحساس بالجوع وبلشي معنا يالله ولا يهمك كلنا بنمربالمحنه كللللللللل شهر الله يكون بعونا على كل حال انتي عم تحسي بجوع هلا لأنه جسمك محتاج سكر كتري من الفاكهه بتضل سعراتها اخف من غيرها يانتظار انضمامك النا يا حلوه
هبهوبه
ما تاخذيني هلا شفت ردك الاخير حبيبتي اي برافو عليكي ميه ميه بس ليش ما تحاولي تستغني عن البطاطا مع الخضار ؟ الا اذا كان فتوشك بلا خبز وهيك صارت سلطه الفتوش متل ما قلتلك خبز اسمر محمر بالفرن على وشه مع رشة سماق بيطلع مقبول كتير
على فكره اللي صايمه مجرد اقتراح ممكن تعملي كاسة تمر هندي وتحليها بالسكر اللي ذكرته فوق انا بحب التمر هندي كتير وهيك ما بكون انحرمت منه
الموضوع الجديد بكره اول شي بعمله الصبح ان شاءالله تعالى

[يُسر الرحمن]

السلام عليكم جميعا ماشاء الله على الهمه
رواد يا الجمال ده وان شاء الله توصلى للوز المثالى يا قمر
هبهوبه ازيك يا جميل والله حكايه الضعف قدام الاكل دى مشكله انا برضو بعانى منها مع ان بيكون اكل ميستهلش الضعف اساسا بس يلاه ربنا يقوينا
كوين حبيبتى والله انا لسه مبدأتش لكن الصيام الحمد لله فارق معايا
وان شاء الله ابدأ قريب انتى كمان شدى حيلك روزى يا قمر عمله ايه فى الرجيم وصحيح انا عاوز اعرف شوربه الملفوف دى مش هو الكرنب برضو وياريت تقوليلى عليها لان مجربتش اعملها خالص
سلامى للجميع

[Homa]

السلام عليكم ورحمة الله وبركاته

ازيك انتي اون لاين

عندك كلام و نصائح... الله يديكي العافيه عليها الله يجعله في ميزان حسناتك يارب

لكي كل التحيه

[هبهوبة]

السلام عليكم ورحمة الله وبركاته
روزاليندا.. أول شي قوليلنا كيف طريقتك بشوربة الملفوف؟؟
تاني شي شكرا لردك علي ..معك حق لازم قاوم الأكل بس شوي شوي بركي الله بيسرها ..بالنسبة للفتوش الصراحة حطيت خبز أبيض لأنو ما عندي أسمر ..وجربته مرة وما حبيته بعدين أنا بحب الخبز مع الفتوش ناشف بدون لا قلي ولا تحميص...وشوربة الخضار اللي عملتها وحطيت حبة بطاطا فيها الكمية تبعها كتيرة يعني أكلت منها مبارح واليوم وطعميت ولادي الصغار وزاد شوي لبكرة إن شاء الله أنا بحبها كتير ...بس في شغلة إني اليوم كتييييييييير جاية على بالي الحلو وكنت طالبة من زوجي كنافة نابلسية من كم يوم وما كان فاضي يجيبلي واليوم كمان مشان ما يتأخر راح جبلي محلاية (مهلبية) ..(شو جاب لجاب!!بس قلت لحالي أحسن بالناقص من كم سعر زيادة) .. طبعا أكلتها فورا أول ما إجى بس لهلق ببالي الكنافة ورح طق على ما آكلها
بدي أعرف قطعة الكنافة كم سعر فيها ؟؟
وبعدين عندي بسكوت محشي بحبه كتير مكتوب عليه فيه 199 سعر حراري ممكن آكله بدل وجبة العشاء أو مثلا بدل السحور؟؟ (خدي راحتك واحكي اللي بدك ياه ما رح ازعل )