تويت
اسكارف الورود (( فن وابداع مع غزل البنات ))
قبل كل شئ احب اشكر كل اخت صوتت لى ولإخواتى وحبايبى واتمنى ان اعمالنا تحوز على اعجابكم
ودى مشاركتى للاسبوع الثانى يارب تعجبكم
اسكارف الورود
الخيط المستخدم بواقى خيوط عندى منها البيج والبنى ( اليزا ) والروز خيط بيبى سوفت
الابرة رقم 3.5
والاسكارف عبارة عن اربعة شرايط 2 بنى وواحد روز وواحد بيج
اولا شريط بنى والشريط الروز
البداية خمس سلسلة تغلق بمنزلقة لعمل دائرة ثم داخل الدائرة نعمل وردة من خمس بتلات البتله تتكون من ( حشو - نصف عمود - 2عمود - نصف عمود - حشو)وبعد منخلص الوردة بحشو نشتغل 20سلسلة ونقفل خمسة منهم لتكوين دائرة ثانية ونشتغل داخلها وردة زى البداية وهكذا حتى نخلص الشريط بالطول اللى نحبه
يعنى الشريط مكون من وردات وبين كل ورده والتانية 15سلسلة
اما الشريط البنى التانى والبيج بنفس طريقة الشريط البنى الا ان الورد بيتكون من 3 بتلات فقط
بنعمل وردة روز كبيرة لتجميع الشرايط ممكن نركبها على توكة شعر او اى استيك لسهولة فكها عن الشرائط وتركيبها وتغيير مكانها زى منحب مرة فوق عند الرقبة ومره نلف الاسكارف على الرقبة لفتين ونركب الوردة من باب التغيير
ارجو الشرح يكون واضح
واى استفسار انا تحت امركم
اتمنى الاسكارف يعجبكم
ولكم منى كل الحب
تعليق