$$$ على بركة الله نبدا ورشة الشال الأول $$$ "تريكو وبس"

[mistry]

ماشاء الله ....ورشه رائعه ...عجبتني شكل الغرزه
كنت اتمنى اشارك معاكم
لكن خبرتي في الكروشه من ايام المدرسه
اعتقد لو مسكت الابره والخيط مش هفتكر حاجه

حبيبتى ده تريكو مش كروشيه
وإذا انتى حابة تبتدى معانا وتفتكرى
أنا ما عنديش مشكلة
امشى واحدة واحدة
ونعمله سوا

[mistry]

ما شااء الله

ورشه جميله ومميزه وان شااء الله نشوف اجمل تطبيقات فيها

::

غاليتي يمنع عرض مقااطع الفيديو التي تحتوي على صور نساائيه ووصلات موسيقيه وغير ذلك من المخالفات...

ولعرض مقطع من اليوتيوب يمكنك استخدام الطريقه في الرابط التالي وعدم عرضها بصووره مبااشره

http://www.lakii.com/vb/showthread.php?t=636528


وبالتوفيق يااارب

أوكى يا أمانى
أنا حبيت بس أسهل على البنات الغرزة
مشكورة على التنبيه

وان شاء الله أبقى أبص على الطريقة وانزله مرة تانية

[بيبي مورو]

حسبته يا قمر ومستنيه البدايه

[mistry]

صعبه
مو فاهمه ولا حااااااااااااااااااجه

ليه بس يا حبيبتى
طيب خلينا نبدا خطوة خطوة
طبقتى العينة ولا لأ؟
إذا كان فيه عندك مشكلة فى تطبيق العينة نفسه
قوليلى انتى وقفت عند فين بالضبط
ماشى يا جميلة

[mistry]

حسبته يا قمر ومستنيه البدايه

عيونى يا جميلة حالاً

[mistry]

لو سمحتي أستاذتي ممكن أستفسر عن مقاس الإبرة إلي أنت تستخدمينها
لأن الخيط الي عندي مو مكتوب المقاسات وبعد مكتوب كل شئ بالصيني
والإبرة الي عندي مقاس 9

بصى يا جميلة أعتقد ان مقاس 9 (اللى هوة مقاس 5 بالأمريكى) كبير شوية على الخيط ده
لكن ممكن تجربى العينة بالخيط ده
إذا طلع كويس توكلى على الله

لأن أنا متهيأ لى ان مقاس 10 (اللى هوة مقاس 4) أنسب
بس جربى ونشوف
مش هنخسر حاجة

[mistry]

أشكر المشرفات الغاليات على الشعار
وإن شاء الل أكون دايماً عند حسن الظن

[mistry]

نبدا حبيباتى فى التطبيق العملى للموديل

المفروض ان كل واحدة طبقت العينة
وعرفت هبدأ بكام غرزة حسب الحسبة اللى فاتت

اللى عندها مشكلة تكتب لى بس عرض العينة اللى هى طبقتها
وانا احسب لها


بصوا بأة
احنا قلنا ان عرض الشال 50سم
أنا هأطبق على العينة بتاعتى

أنا عندى 20 غرزة = 10 سم عرض
معنى كدة ان انا محتاجة 100 غرزة عشان يدونى العرض اللى انا محتاجاه
أنا بأكرر تانى للافادة

[mistry]

تانى خطورة أساسية قب بداية الشغل هى تقسيم الغرزة

بمعنى إننا نوزع الغرزة على العرض المطلوب

لاحضوا اننا المفروض هنعمل برواز بغرزة الرزة
حسب البترون
هنعمل 5 غرز رزة فى بداية السطر و 5 غرز رزة برضه فى آخره

يبقى لو أنا هأعمل 100 غرزة
نشيل منهم 10 للحافة الرزة
يبقى الباقى 90 غرزة همة المروض انى أقسمهم عشان الغرزة

الغرزة زى ما قلنا تكرار 12 + 8
يبقى نشيل الـ 8 غرز همة كمان وبعدين نقسم العدد اللى باقى

طيب يبقى 90 - 8 = 82
يبقى اللى المفروض اننا نقسمهم على (12) اللى همة عرض الغرزة (تكرار الوحدة الواحدة) همة 82 غرزة

نقسم 82 / 12 = هيدونى 6 ويزيد 10 غرز
وبما انى محتاجة 12 غرزة
يبقى نخلى الـ 100 يبقوا 102

الخلاصة:

نبدأ بـ 102 غزة منهم 10 غرز للحافة (الرزة) والباقى هيعمل لنا 7 وحدات من غرزة الـ Basket Weave

يعنى بطريقة أخرى
ترتيب السطر هيكون كالتالى

5 غرزة رزة (وحدة الـ Basket Weave) تكرر 7 مرات وينتهى السطر بـ 5 غرزة رزة مرة تانية

أنا بأكرر بأكتر من طريقة عشان نفهم

وإذا فيه حاجة مش اضحة
اسألوا ولا تتحرجوا

[mistry]

بعد ما قسمنا الشغل على الورق وعرفنا ازاى هنشتغل السطر بتاعنا

هنبدأ بعمل البرواز
اللى هوة بغرزة الرزة

شرح غرزة الرزة

غرزة الرزة سهلة جدااااااااااااااااااااااا
طبعاً بالنسبة لنا عندنا عدد زوجى من الغرز
فيكون الشغل كالتالى

السطر الأول: (غرزة عدل - غرزة مقلوب) يكرر على أن ينتهى السطر بغرزة مقلوب
يكرر هذا السطر

احنا محتاجين نعمل 7 أسطر بغرزة الرزة

ماشى
وفى السطر الثامن هنبدا شغل الغرزة الأساسية
يلا ورونى الهمة

وآدى صورة تطبيقى

[mistry]

يا اهل الدااااااااااااااااااااار
انتم فين

ما حدش بيقول حاجة ليه؟!!!!!!!!!!!

[rose d'or]

ماشاء الله يعطيك العافيه حبيبتي
شدي حيلك واعملي لنا واحد مثلث واشارك معكم

[mistry]

ماشاء الله يعطيك العافيه حبيبتي
شدي حيلك واعملي لنا واحد مثلث واشارك معكم

ان شاء الله حبيبتى

[جبال الثلج]

ماشاء الله
الشال رووووووووعه كثير

تسلم ايديكِ

ممكن اعرف كمية الخيط عشان اوفرها ان شاء الله

وغير هذا بجد بنحرج لما اسأل
لأني ماعرف كثير في التريكو

[بيبي مورو]

أولا : مبروك عليكي شعار الورشه المميزه

ثانيا : بإذن الله أبدأها النهارده وتشوفي تطبيق المصور بكره يا قمر

ثالثا : شرحك كافي ووافي وفي منتهي الروعه والجمال وينفع المبتدئين جدا ويشجعهم علي الشغل