دوره تريكو(3)--المستوي الاول

[أم قسمت]

بسم الله الرحمن الرحيم
(الغرز الاساسيه في التريكو)
[الغرزه العدل]والغرزه المقلوب
الغرزتين دول هم اساس التريكو وخدوا بالكوا هم وجهين لعمله واحده
بمعني ان العدل لما تشتغليها بيكون ضهر الغرزه دي شكله غرزه مقلوب والعكس صحيح
يعني زي ماتشوفي واحده حبيبتك من وجهها دي مثلا الغرزه العدل
لما تيجي من وراها وتشوفي ضهرها دي الغرزه المقلوب بس انتي لما بتشوفي ضهر صاحبتك بتكوني متاكده ان دي صاحبتك وان وشها شكله انتي عارفاه اللي هو الغرزه العدل
خلاص فهمتوا كده
خدوا مثال تاني
لما تشتغلي غرزه عدل اوسطر عدل وتحطيه امام المرايه وبيكون المواجه لكي السطر العدل او الغرزه العدل
لما تبصي في المرايع بتشوفي ضهر السطر او ضهر الغرزه بتلاقيها مقلوب
انا قصدت اني اطول في الشرح ده علشان اهم حاجه وانتي بتشتغلي تريكو انك تعرفي الحقيقه البسيطه دي
علي كده لما نشتغل اي غرز ونيجي نشتغل الضهر حانكون عارفين بالظبط ايه اللي اشتغلناه في السطر السابق وحاتساعدنا في كل الغرز
عايزين دلوقت ناخد الغرزه الاولي
الغرزه العدلThe knit stitch (k)
احنا دلوقت بدانا عدد من الغرز علي الابره
بتخلي الخيط خلف الشغل وتحطي اوتدخلي الابره اليمني في اول غرزه من السطر من ايلسار لليمين خلال الخيط الامامي للغرزه اللي علي الابره اليسري كده


الخطوه الثانيه- لفي الخيط علي الابره اليمني كده

الخطوه 3- اسحبي الخيط بالابره اليمني واطلعي بيه



الخطوه 4- اسحبي الابره اليمني بالغرزه واطلعي بيها وكده عملتي اول غرزه عدل



وادي الفيديو

http://www.knittinghelp.com/apps/flash/video_player/play/125/1

بسم الله الرحمن الرحيم
الغرزه المقلوب ( purl stitch) ده اسمها في البترون
]
1- اغرزي سن الابره اليمين في اول غرزه علي الابره اليسري من الامام كما في الشكل


2- لفي الخيط علي الابره اليمني كده

وممكن تلفيه في عكس الاتجاه يعني هنا بتلفه من تحت الابره في اتجاه عقارب الساعه لا ممكن تجيبيه من فوق لابره لتحت عكس اتجاه عقارب الساعه
3- خدي الابره وعليها الخيط وارجعي بيها للخلف وانتي بتطلعي من الغرزه اللي دخلتي فيها

4-طلعي الغرزه من علي الابره اليسري وانقليها علي الابره اليمني كده

وكده تكوني عملتي غرزه مقلوب وكرري بقي

ودي صوره متحركه


وده الفيديو

http://www.knittinghelp.com/apps/fla...yer/play/127/1

[وردة مودة]

وهذا تطبيقي بس حاسته خطأ

[قطعت السكر]

جاري الطبيق

[أم قسمت]

وهذا تطبيقي بس حاسته خطأ

ليه ياقمر حاساه غلط
انتي طبقتي الغرزه العدل ولا المقلوب

جاري الطبيق

ماشي ياقمر ومستنيه التطبيق الجميل

[أم قسمت]

الغاليه علي قلبي السمحه بعتت لي الرسوم الهايله دي
دي البدايه بالطريقه التانيه

ودي طريقه من طرق تزويد غرزه وبتكون بطريقه البدايه بالطريقه الاولي



وفيه حاجات تانيه حلوه بس حاانزلها في وقتها

[ام حلاوه]

بالتوفيق للجميع

[محيره البشر]

جاري لتطبيق يالغلا

[D/HEBA]

صباح الفل على عيون الكل
انا عملت التطبيق ماما قسمت
دى الغرزة العدله



ودى المقلوب


مستنيه تصحيحك ماما قسمت

[قطعت السكر]

واني هذا تطبيقي

هذا العدل


وهذا المقلوبي

[بسمة & حزن]

جعل الله ما تقومين به سبيلا لدخولك الجنة

[D/HEBA]

ماما قسمت ليا سؤال
احنا لما بنعمل الغرزة العدل مش بنعمل وجه وظهر الشغل عدل
وبنعمل المقلوب برضه كده تمام
بتطلع الغرزة نفس الشكل ؟؟
ولا احنا فى الظهر بنقلب الغرزة

[***السمحة***]

السلام عليكم
هذا تطبيقى
مازلت ماافرق بين العدل والمقلوب
تطبيقى صح ام غلط؟
تحياتى

[السيدة فاطمة]

تسلم ايدج ياسموحة هذا المقلوب
بس عندك شوية لخبطة صح
بس هذا بالبداية وان شاء الله يوم عن يوم بيتحسن الشغل
الله يعطيج العافية

[* أم عبودي *]

السلام عليكم

تطبيقي للغرزة العدلة والمقلوبة

[* أم عبودي *]