ورشة عمل بلوفر تريكو للاطفال

[rasha_zeze]

السلام عليكم يا رشا
بصى يا ستى احنا اصلا عندنا الامام مقفول وانتى قلتى قفلوه واحنا بننهى الشغل
ازاى دلوأتى هنحط الغرز على حامل واحنا قافلينهم
وبعدين الكتف فى الامام اعرض من الخلف الفرق بين الغرز ده هيروح فين
ونقفل هنا قصدك الخياطه العاديه ولا ايه
معلش أحنا مش فاهمين الخطوه دى خالص عشان اول مره نعمل بلوفر تريكو
ياريت تورينا صوره او تشرحيلى بطريقه تانيه
جزاك الله خيرا

رومة احنا اصلا مبنقفلش الامام كلة

انت قفلتية كلة علشان كدة هو اعرض

ياريت تفكى تانى الجزء الى انت قفلتية وتعملى نفس الخطوات الى شرحتهالك

ياريت تكونى كدة فهمتينى

فى انتظار ردك

[rasha_zeze]

سلمتي وسلمت أناملك حبيبتي رشا
البلوفر شكله راائع جدا حببتي
جزاكي الله خيراً وبارك الله فيكي حبيبتي
شكراً جزيلاً لتعبك ومجهودك حبيبتي

وجزاك اللة مثلة

شكرا لمرورك

استاذتي الحبيبة رشا
في فترة غيابك بسبب تعطل جهازك قمت بصنع هذا الــــHoodie
وهو مشابه لما كنا نعمله في ورشتنا هذه
يعطيك العافية

ما شاء اللة

تسلم ايديكى

جميل جدا جدا

[rasha_zeze]

رومة

وصلتى لحد فين

انا فى انتظارك

[رومة]

رشا حبيبتى شكرا جدا ليكى انك مستحملانى
انا تعبتك معايا وكمان اتأخرت اوى فى الرد عليكى
بس معلش كنت تعبانه ومكنتش بدخل المنتدى

انا عملت زى مشرحتيلى فى أخر مره وأن شاء الله يكون صح
خليت غرز من الامام على الماسك وقفلت الباقى وكذلك جناب البلوفر وسبت مكان للكمام







رشا معلش لو فيها تعب قليلى على الخطوتين بتاعت الكم و الكبيشو
عشان اللى تعرفها ماما تعملها على طول وتخلصه قبل العيد
وكل سنه وانتى طيبه

[الوردة القرمزية]

انا فى انتظار هذا العمل لشوق وتلهف
ارجو الشرح مع الصور .......ز
لك جزيل الشكرررررررررررررر

[rasha_zeze]

رشا حبيبتى شكرا جدا ليكى انك مستحملانى
انا تعبتك معايا وكمان اتأخرت اوى فى الرد عليكى
بس معلش كنت تعبانه ومكنتش بدخل المنتدى

انا عملت زى مشرحتيلى فى أخر مره وأن شاء الله يكون صح
خليت غرز من الامام على الماسك وقفلت الباقى وكذلك جناب البلوفر وسبت مكان للكمام







رشا معلش لو فيها تعب قليلى على الخطوتين بتاعت الكم و الكبيشو
عشان اللى تعرفها ماما تعملها على طول وتخلصه قبل العيد
وكل سنه وانتى طيبه

معلش يا رومة اتاخرت عليكى

حبيبتى معلش احنا مبنقفلش الاجناب علشان نعرف نشتغل الكم

ولو انت عندك ابر دائرية مفيش اى مشكلة خليهم مقفولين

هكملك با قى الشرح من عيونى

[rasha_zeze]

الكابيشون


ووجه الشغل في مواجهتك وباستعمال الابرالاكبر ابدئي عند الحافه اليمني للرقبه وصلي الخيط واشتغلي 6(7-8)غرز عدل من الماسك ثم القطي 3 غرز واشتغليهم عدل1 من خياطه الكتف و2 علي جانبي الخياطه ثم اشتغلي 18(20-22)غرزه عدل من ماسك الغرز في الرقبه من الضهر ثم القطي 3 غرز من الكتف الثاني كما سبق واشتغليهم عدل ثم ال6(7-8)غرزه من ماسك الغرز للجنب الامامي الاخر وكده حايكون عندك 36(40-44)غرزه
السطر التالي علي ضهر الشغل اشتغلي مقلوبمع زياده 8(10-12)غرزه موزعه علي السطر وكده حايكون عندك 44(50-56)غرزه ثم اشتغلي حتي يصل طول الكبيشون6(6ونص-7)بوصه من بداينه لغايه ماانتي واقفه ثم اقفلي الغرز كلها واثني الكبيشون من النص بحيث يكون الوجهين علي الوجه الامامي مواجهين لبعضهما ثم خيطي قمه الكبيشون (يعني خيطي علي الوجه الخلفي للشغل

حافه الكبيشون


ووجه الشغل في مواجهتك وابدئي عند مركز اسفل جزء في الرقبه – القطي 78(82-86)غرزه واشتغلي عدل حول حافه الرقبه والكبيشون كما يلي؛3غرز من اسفل جزء في الرقبه ثم36(38-40)غرز لاعلي علي حافه الرقبه و الكبيشون حتي الخياطه في اعلاه ثم36(38-40)غرزه لاسفل حتي حافه الرقبه ثم 3غرز علي الحرف السفلي للرقبه وحطي علامه لبيان بدايه الدوره

السطر 1و3 مقلوب

السطر 2- 2عدل- 2عدل معا- عدل حتي اخر 4غرز قبل العلامه ثم اعملي تنقيص لليسار – 2عدل

السطر4- 1عدل- 2عدل معا- اشتغلي عدل حتي اخر3 غرز قبل العلامع ثم اشتغلي تنقيص لليسار ثم1عدل

اقفلي كل الغرز بدون شد وبالغرزه المقلوب


هو دة الباترون الاساسى انت ملكيش دعوة بعدد الغرز

انت خليكى على عدد الغرز الى انت عاملاها

[rasha_zeze]

الاكمام

ووجه الشغل في مواجهتك وباللون الروز وبالابرالاصغر القطي 36(40-44)غرزه من حرده الباط اللي احنا علمناها قبل كده واشتغلي عدل (يعني ابدئي من علامه الامام صعودا الي الكتف ثم نزولا الي العلامه المقابله علي الضهر) وحاتلقطي تقريبا 4غرز كل 5سطور وبالغرزه المرنه اشتغلي 3سطور منتهيه بسطر علي الوجه الخلفي ثم غيري للابر الاكبر واشتغلي جرسيه 4سطور منتهيه بسطر علي الوجه الخلفي


علي الوجه الامامي للشغل نقصي غرزه علي الجانبين في هذا السطر ثم كل 8(7-7)سطور 3(4-5)مرات كده حايفضل عندك 28(30-32)غرزه

السطر التالي (علي الوجه الخلفي) اشتغلي بالغرزه المرنه واشتغلي بدون تنقيص 4سطور منتهيه بسطر علي الوجه الامامي للشغل ثم اقفلي كل الغرز بدون شد في السطر التالي (علي الوجه الخلفي للشغل

التشطيب

خيطي الاكمام والجنبين وباستخدام ابره التطريز اخفي نهايات الخيوط


التطريز

باستخدام الالوان المبينه في الصوره او اي الوان ترغبي فيها اعملي التطريز
اشتغلي كالمبين في الدايجرام في منتصف الامام و موتيف الحافه السفلي حول الحافه وعلي الحافه المشغوله بالغرزه المرنه وعلي الاكمام كما هو مبين في الصوره

ولو فى اى حاجة اسالى انا موجودة معاكى فى اى وقت

[rasha_zeze]

فينك يا رومة

انا نزلتلك الشرح كلة

[rasha_zeze]

فينك يا رومة

انا نزلتلك الشرح كلة

[ايمان مؤمن]

الله يعطيك العافية ويوفقك

[totoankhamon]

الصورة ما فيش00 توتو فخرى0

[الوردة القرمزية]

تسلم الايادى وجزاك الله كل خير
وكل علم وانت بخيييييييييير

[الوردة القرمزية]

جميل جددددددددا