ملف لشغل لاسيه؟؟؟ ربنا يقدرني عليه يارب

[ام عهودة]

السلام عليكم ام مريومى انا اختك فى الله ام عهوده وبدعو لكى الله ان يذهب عنك الهم و الكرب وان يشفى لك والدتك ويشفى مرضانا ومرضى المسلمين

[rousha1510]

يارب يا أم مريم يزيح همك يارب ويفرح قلبه بزوال الهم قريباااا
وابداله فرح
امين يارب

[أم مريومي]

اللهم إجزهم عني وعن أمي وإبنتي وأسرتي خير الجزاء

جزاكم الله خيراً يا إخوتي وأخواتي أنا مش عارفه أقول لكم إيه غير ربنا يكرمكم جميعاً دنيا وآخرة.

[دعوة للتفاؤل]

ياجماعه ها اكمل الغرز ولا لا

احنا كده مش فاضل لينا غير الغرز الحش بيتاعت المفارش وهما مش كتير حوالي 6

انا منتظره نكمل سوا

[أم مريومي]

كملي الغرز يا دعوة

أختي دعوة للتفاؤل كملي على بركة الله الغرز أنا بالرغم من كل إنشغالاتي متابعة معاكي لأني عاوزه أتعلم

ربنا يكرمك

[دعوة للتفاؤل]

من عنايا يا ام مريومي

ربنا يخليكها ليكي وتشوفيها عروسه

[ام عهودة]

اكملى يا دعوه على بركة الله وجزاك الله عنا كل الخير

[أم مريومي]

من غير ما أشوفك أنا بحبك في الله يا دودي ربنا يكرمك

[dr.rony]

شغل جمييييل
اشكرك علي تقديم هذا الشغل الراقي

[دعوة للتفاؤل]

حيباتي بجد اانا مبسوطه من ردودكم كلكم

النت عمل معايا حركه رخمه اووووي

بعد ما كتبت الدرس الجديد اتمسح واتقفل لوحده

بس ولايهمكم انا هكتب تاني

[MANAL SHAKIR]

تسلم يداك توتة
انا قبل سنة تقريبا تعلمت الغرز جميعها من برنامج كارلا دكاش وقد اعيد عدة مرات استفدت منه كثيرا
ولكن المشكلة هنا في بغداد لايوجد لا القيطان ولا الخرائط
وعملت قطعة صغيرة تدربت فيها على الغرز
برافو عليك

[دعوة للتفاؤل]

الدروس ابتدت

السلام عليكم ورحمه الله وبركاته

انا اسفه يا جماعه علشان تاخير الدروس بس اعذروني ظروفي اليومين دول مشغوله شويه


دلوقتي بقي هنبتدي في شرح الغرز

ملحوظه

علشان الشغل يكون حلو ان شاء الله


1 ) علشان يكون شكل الشغل منظم وحلو لازم يكون أتجاه الشغل واحد بمعنى أذا أشتغلت من جهة قاعدة الوردة في النموذج ونتجه بالشغل للخارج (من الداخل للخارج ) لازم ومستحب نشتغل كل النموذج بنفس الطريقة علشان نوحد أتجاه الغرز بتعطي شكل جميل للشغل

2) أذا كنا بنشتغل بخيط جنجاه (لون متدرج من الفاتح للغامق حوالي 5 درجات من نفس اللون ) من المستحب أن نبدأ الشغل بالغامق ليتدرج اللون معانا للفاتح فسيظهر الشغل حلو قوي ونشتغل المفرش كله بنفس الطريقة هتعطي نتيجه مذهلة

دي رسمه توضيحه للغرز وشكلها بيكون ازاي في الباترون




من النموذج والأرقام اللي عليه يتضح أن
رقم ( 1) غرزة مربعات الشطرنج
رقم ( 2) غرزة النسيج
رقم ( 3) غرزة رجل الغراب
رقم ( 4) غرزة قشر السمك
رقم (5 ) الخطوط بالفوستونات اللي هتربط شريط القيطان ببعض لتكون
هيكل المفرش
رقم ( 6) غرزة عش النحل

[ostoora]

انا جبت الرسمه وبتابع معاكى خطوة خطوة

[دعوة للتفاؤل]

تسلم يداك توتة
انا قبل سنة تقريبا تعلمت الغرز جميعها من برنامج كارلا دكاش وقد اعيد عدة مرات استفدت منه كثيرا
ولكن المشكلة هنا في بغداد لايوجد لا القيطان ولا الخرائط
وعملت قطعة صغيرة تدربت فيها على الغرز
برافو عليك

الموضوع نور بيكي يا منال

ربنا يخليكي

لو اقدر ابعت ليكي الخيط والباترونات انا تحت امرك

انت قوللي اللي عايزه
ياريت كنت اقدر

انتي ممكن تطبعي الصور

لو عايرزه ممكن احط ليكي الباترونات وانت تنزليهم عندك

وممكن تعملي كوردن وتشتغلي عليه

[دعوة للتفاؤل]

انا جبت الرسمه وبتابع معاكى خطوة خطوة

وانا فرحانه بيكي جدااااااااااا


ياريت لو تقدري تورينا الشغل

علشان احس اني عرفت اعلمكم