ملف لشغل لاسيه؟؟؟ ربنا يقدرني عليه يارب

[sabahbouha]

ما شاء الله يا دودي إنتي بديتي الدورة من غير ما تقوليلي
أنا زعلانة هه
بهزر
الغلطة غلطتي دخلت ركن الكروشيه ما طلعتش منو
على العموم مش هأقدر ابتدي الشغل معاكم دلوقت بس أخذت فكرة عنو
مشكورة حبيبتي و جزاك الله خيييييييييييير
و ربنا معاكم و كل سنة و انتو طيبين

[ماما رلى]

عزيزتي دعوة هذا رابط لاشغال الاسية فيه موديلات حلوة

http://www.discoverees.net/Lace/Crochet%20Lace.html

[دعوة للتفاؤل]

أنا متابعة معاكي يا دودي دروس اللاسيه

تسلم إيديك على تعبك معايا ومع الكل

انا تحت امركم يا ام مريومي

[دعوة للتفاؤل]

اولا مشكورة على المجهود حبيتى
بس لى طلب هو انك تعرضى الموضوع كامل بحيث نستطيع التواصل معك فى التعلم
وبعدين تردى على العضوات
شكرا

ربنا يخليكي علي باقه الورد الحلوه دي

انا حطه الموضوع علي اجرزاء علشان تبقوا متابعين معايا واحده واحده مش تتلخبطوا

[دعوة للتفاؤل]

ما شاء الله يا دودي إنتي بديتي الدورة من غير ما تقوليلي
أنا زعلانة هه
بهزر
الغلطة غلطتي دخلت ركن الكروشيه ما طلعتش منو
على العموم مش هأقدر ابتدي الشغل معاكم دلوقت بس أخذت فكرة عنو
مشكورة حبيبتي و جزاك الله خيييييييييييير
و ربنا معاكم و كل سنة و انتو طيبين

انا مش اقدر علي زعلك خالص
ل و عايزيني اعيد من الاول تحت امرك

علي العموم احفظي الموضوع عندك لوحبيتي اي ستفسار انا موجوده

وكل سنه وانت طيبه

[دعوة للتفاؤل]

عزيزتي دعوة هذا رابط لاشغال الاسية فيه موديلات حلوة
http://www.discoverees.net/Lace/Crochet%20Lace.html

جزاك الله كل الخير يا ماما رلي

[المخضرمة]

تسلمى يعطيك العافية

[أم مريومي]

جزاكي الله خيراً يا ماما رلى

تسلم إيديكي على الموقع الجميل ده

[دعوة للتفاؤل]

تسلمى يعطيك العافية

جزاكي الله كل الخير شكرا علي المرور والرد

[دعوة للتفاؤل]

جزاكي الله خيراً يا ماما رلى

تسلم إيديكي على الموقع الجميل ده

منوره يا ام مريومي

[دعوة للتفاؤل]

الدروس ابتدت

السلام عليكم ورحمه الله وبركاته

الاخوات العزيزات

النهارده غرزه جديده هي غرزه الشطرنج

وهي بتكون زي لوحه الشطرنج


نشوف مع بعض ومع صور ننوش


من أسمها نعرف أن
1)شكلها هيكون زي مربعات الشطرنج مربع أسود ومربع أبيض وفي السطر التاني تحت المربع الأسود مربع أبيض وتحت الأبيض أسود لكن في الشغل عندنا هنا هيكون المربع الأسود مشغول والمربع الأبيض فاضي مفيهوش شغل
2)مساحة المربعات لازم تكون زي بعضها علشان تكون الغرزة منتظمة وشكل الشغل حلو

*نمد خط موازي لشريط اللاسيه وهنعمل فستونات عليه متشبكة بشريط اللاسيه اللي تحت زي بداية غرزة النسيج وهنستعمل خط الفستونات ده أساس نشبك فيه غرزة الشطرنج علشان تكون ثابته





* عند نقطة نهاية خط الفستونات بنرتفع عنها حوالي نصف سم ودي متحددة في النماذج اللي بنشتغل عليها ومن النقطة دي بنمد خط تاني موازي لخط الفستونات اللي عملناه في الأول زي الصورة اللي جايه

* علشان نحكم الغرزة ونضبطها نبدأ أول مربع فاضي ودة بشغل عدد من الفستونات في مساحة نصف سم على الخط التاني

وبعدين نبتدى فى مد اربعه خطوط جنب بعض وعمودية علي الخط التاني وخط الفستونات اللي عملناه يعني بنرفع الخيط والأبرة لأعلى وبنمرر الأبرة من خلف الخيط التاني ونمر بها من الخلف داخل الفستونه اللي في أول السطر

ونطلع نمرر الأبرة من خلف الخط التاني ونمررها من الخلف في داخل الفستونه التانيه ونلف من خلف الخط التاني ونرجع نمررها في الفستونه التالته من الخلف ونخرج منها من فوق الخط التاني وأخيرا" نمررها في الفستونه الرابعه ونخرج منها من فوق الخط التاني وبكدة يكون عندنا وثلاثة خطوط من خلف المفرش وأربع خطوط من وجهه وناخد الرابع نلضم فيه أول فستونه في المربع الفاضي اللي بعد كدة




و بشتغلنا عدد من الفستونات على مساحة نصف سم علشان تكون في المربع الفاضي وبعدين نعمل مربع مشغول وهكذا لنهاية السطر

*****ملحوظة مهمة ****
لازم نرخي الخيط وأحنا بنشتغل الأربع خطوط العمودية علشان تدينا الشكل العمودي المطلوب


* نمرر الخيط فى شريط اللاسيه علشان نمد الخط التالت





*****ملحوظة مهمة ****

1)اذا كان المربع الاول فى السطر الاول مشغول بالخيط فلازم يكون المربع الذى فوقه فاضي وهكذا يكون المربع الثانى فى السطر الاول فاضي فيكون المربع اللي فوقه مشغول وهكذا
2) لما نشتغل مربع مليان فوق مربع فاضي في السطر التالت والأسطر كلها اللي جاية لغاية نهاية الشغل هنلف الأربع خطوط حول الخط الجديد من غيرما نمرر الأبرة داخل الفستونات اللي في السطر اللي تحت يعني الشغل في الفستونات هيكون في السطر التاني فقط


ودة الشكل النهائي للغرزة

اتمني انكم تكونو متابعين

[bosy_md]

بسم الله ما شاء الله عليكى يا دعوتنا الحلوة
بجد شرحك جميل
انا اتعلمت معاكى غرز جديده


على فكرة انا خلصت مفرش صغير كنت بشتغل فيه و سبته من فترة
ان شاء الله اول ما ترجع الكاميرا اصوره و اجيبهولك تشوفيه

[دعوة للتفاؤل]

بسم الله ما شاء الله عليكى يا دعوتنا الحلوة
بجد شرحك جميل
انا اتعلمت معاكى غرز جديده


على فكرة انا خلصت مفرش صغير كنت بشتغل فيه و سبته من فترة
ان شاء الله اول ما ترجع الكاميرا اصوره و اجيبهولك تشوفيه

منحرمش منك يا بوسي يارب

في انتظار مفرشك الصغير

[أم مريومي]

تسلم إيديكي يا دودي على تعبك ومجهودك شكراً لك

[دعوة للتفاؤل]

تسلم إيديكي يا دودي على تعبك ومجهودك شكراً لك

تعبكم راحه يا ام مريومي

المهم تكونوا فاهمين الشرح