اريد المساعده بصنع ديكور لبيتي

[M O D E R N]

مرحبا الى مشرفين المنتدى
انا بيتي بسيط لكن ماذا افعل حتى اضع لمسه سحريه على غرفة الصالون
وغرفة التلفزيون
يعيني صاولني فيه الكنب امريكي مكون من 3 قطع و 3 طاولات فقط مافي تحف ايش ازيد

[عسل الجنه]

اول شئ هلا بك معنا...
حبيبتي خذيها قاعده
تبغين الديكور باي غرفه يصير ناطق ورائع
اتخيلي الغرفه فستان سهرة وكل لون خليه لفستانه
يعني مثلا عندك فستان سهره اسود ساده ايش راح تحطين فيه عشان يبرز زياده ويصير افخم
شفتي الفستان مثل الكنب:
يالله راح نحتاج للفستان وشاح اذن
1- مفارش لطاولات اللي من النوع المطرز بس ماتغطي الطاوله لا تجي بنص الطاوله
وراح نحتاج للفستان بروش اذن
2- نبي فازات او اباجورات معتقه رائعه تحطينها على الطاولات الجانبيه
وبالطاوله الوسط تحطي شمعدان رائع
الكنب نفسه اذا كان ساده
خذي مخداته وفصلي لها تلبيسه تكون مطرزة تناسب الكنب كذا راح تتغير معالم الغرفه عندك
شفتي هاللمسات البسيطه
حولت لك المكان
ـــــــــــــــــــــــــــــــ
والكنب عندك مادامه امريكي فما يجي بلون واحد الا القله
عشان كذا اذاكان فيه صوفا وكنبتين صغار خلي الصوفا بالوسط والكنبتين على جنبينها
اذا كان الكنب غامق وساده شوي ومو بمكان يحتاج للفخامه مثل استقبال الضيوف بل يحتاج لحميميه اكثر
اشتري قطع قماش متينه او كروشيه فاتحه وحطيها باعلى الكنبه بشكل مثلث كانك ناشرتها عليها كذا راح يتغير الموديل كله
وطاولة الشاي بما انها بالصاله فماافضل تحطي عليها اشياء ثقيله لان المكان عملي
فلو بتحطين شئ حطي مكعبات الشمع العاديه الكبار راح يصير شكلها حلو ولو طاحت من الحركه مافي مشكله وماراح تخلي شكل الصاله غلط
ـــــــــــــــــــــ
حبيبتي هذا اللي حاضرني والله خليني اصحصح واجيك ثاني اذا فضيت
اتمن اني افدتك....
كلمه اخيرة:
كل واحد مننا جواته فنان خليه يطلع ايش اللي يمنع؟؟؟
هذا بيتك يعني يحق لك انتي تحطي لمساتك
وتبي تتاكدي ان شغلك رائع
ادخلي بيتك كزائرة مو كصاحبته وتخيلي انه مو بيتك وجايه تزورين هالبيت وادخلي كل ركن راح تعرفي اذا كانت الاشياء متناسقه والا لا....

[دندون]

عسل الجنة ما قصرت بالافكار

يعطيها العافية....كلامها 100%