حوامل وامهات الكويت والبحرين ممكن مساعده ؟

[mariooma]

بنات بغيت اسئلكم
بالنسبة لسرير البيبي في البيت لاستقبال الضيوف اخذ سلة على قولتهم "سلة موسى" ولا السرير العادي نفسه اللي حق غرفته !!
انا اللي خابرته سلة بس امي تقول تخرع السلة محد يحط سلة بسرعه يطيح شرااايكم ؟؟

وسؤال بعد تعرفون اماكن يبيعون سلة موسى غير لاند مارك ومذركير ؟؟

[~lulu~]

لا لولو الله يهداج ليش تحاتين ؟
مو الدكتوره بالسونار قالتلج شوفيه قاعد يتحرك بس انتي ماحسيتي فييييه !!
انشالله مافيه الا العافيه بس اقولج شكلها رفسات بنوته ناعمه وانتي مو حاسه فيها
الله يسهل عليج ويرزقج احلى بنوته بالعالم يارب

ياقلبي انتي ان شاء الله رفسات بنوته ناعمه هههههههههه
شكله بيبي هادي يحليله ههههه

مرات احاتي ومرات اتعوذ من ابليس واذكر الله

بالنسبه للسرير فيه اسره تهبل اكبر شوي من السله تصير مربعه ومن فوق ستاره
انا كنت شاريه منها حق ولدي وله كبر عليها فججتها ولفيتها بجياس
ان شاءالله بس تقرب ولادتي بطلعها واودي الكفر مالها والستره المصبغه واستعملها

وهم السله حلوه ولها قاعده بعد تتثبت فيها انتي ردي الكويت وتفرفر بتلقييييييييييييين شغلات زوغه

[~lulu~]

احلى شي بلاند مارك ووو مذركير للاسف مااعرف غيرهم

[mariooma]

شكراً لولو
بس شنو تنصحيني آخذ من لاند مارك ولا مذركير ؟
احس مذركير احلى شي البيج اللي على دبدوب الباجي ماعجبوني
واللي بلاند مارك الوانهم فسفوري !
شرايج ؟

[~lulu~]

والله شوفي انا توني شايفه الي بمذركييير وايد حلوين وللاسف صارلي مده مو داشه لاند مارك
كنت رايحه مذركير ابي بجامات حمل وملابس داخليه وهالسوالف
فميرت على السراير بس هم لاند مارك شغلاته تهبل وصراحه اسعاره معقوله واايد ارخص من مذكريييييييييييير
خبري اول طبعا

انتي مري الانثين وقارني الاسعار والاشكال وان شاء الله تحصلييين الي ناسبج وويوزلج

[mariooma]

اممممممم
خلاص شكلي قررت اخذ من لاند مارك
خصوصا اني مابي السله يعني بس حق لمن ناس اييون بعدين حتى ماراح اخذها معاي
فانشالله بشوف لاند مارك
مشكوووووره لولو
بس انا اتكلم عن بضاعة البحرين
ترا وايد اشياء بالكويت مو موجوده بالبحرين واشياء بالبحرين مو موجوده بالكويت
فإنشالله افتر واشوف
مشكووووره حبيبتي ماقصرتي

[chowchow 81]

مريووووم اشلونج ،، شوفي بالنسبه حق سل موسة انا ماخذته من مذركير الي على دبدوب



هذا الشكل وفي نوعين استاند هذا النوع احسن وواااايد زييين



وهم تلاقين عند باباز وماماز بالافنيوز

[mariooma]

هلا والله شوشو ,, انا بخير الله يسلمج حبيبتي
تصدقين شكلها احسن من سلال لاند مارك وشكل الستاند سيفتي اكثر !
وحتى الألوان حلوه وناعمه ،،
انشالله خلاص قررت اخذ من مذركير مشكووووره حبيبتي وماقصرتي

[سمورة الكويت]

هااااي مريومة
شلونج حبيبتي هاا متى بتردون الكويت علشان تخلصين اغراضج
وابشرج ان شاء الله باجر راح يولدوني باذن الله واول شي راح يبلشون معاي طبيعي من تحاميل وطلق صناعي وان شاء الله يكون فيه استجابة واذا مافي راح يولدوني قيصيرية بس ان شاء الله ماكو قيصيرية والله اتمنى اني اولد طبيعي وااايد احسن لي من القيصيرية والله كريم ان شاء الله

[حنونةq8]

مساء الورد للجميع شلوكم وشخباركم ؟؟؟؟
انا اخباري اني ليلحين ماولدت الله كريم ان شاءالله لاني من امس بليل فينتي عوار مو طبيعي وان شاءالله يزيد والد
مريومه حبيبتي شخبارج ؟
بالنسبه للسله في محل عيد النصار من وره حده عجيييييييييييييييييييب كله من ايطاليا وشغله نظييف واسعاره معقوله بس صج حلويييين شويهم؟
لولو وشوشو شخباركم؟
سموره الله يقومج بالسلامة يا الغاليه وتولديين طبيعي يارب يارب

[~lulu~]

مريوم شخبارج حبيبتي صج الي حطتها شوشو روعه لاطوفينها هههههههههه

شوشوه شخبارج وشلون شواقه عجيبه السلمه وايد حلوه عليها بالعافيه شواقه

سموره شخبارج يارب الله يهونها علييييييييييييييييييييييج وتكون ولادتج سهله طمنينا عاد مااوصيييييييييج

حنونه هههههههههههههههه انا قلت ولدتي يالله هانت حبيبتي الله يهونها علييييييييييييج ويزيد العوار وتولدييييييييييييييين قريب يارب

[mariooma]

هايات هلا والله سمورة ديرتنا الحلوه
انا انشالله بعد اسبووع ارد الكويت ،، الله يسهل عليييييييييييج يا سمووور وتولدين طبيعي وبالسلامه انشالله
اييي والله الطبيعي حده احسن من القيصرية انا شايفه عمتي وامي شلون تعبو من القيصرية حاسه فيج والله والله يعين وتكون ولادتج طبيعي وبسهاله يارب ،،
لاتنسين اطمنينا عليج وعلى البيبي !

[mariooma]

مسااااااء النور يا حنووون
وانا اقووول اكيد حنونه ولدت مسكينه الله يسهل عليها انشالله
والله امس قعدت افكر فيج اقول ولدت ماولدت لا لا اكيد ولدت
الله يسهل علييييييييج انشالله ياقلبي وهانت كلها ساعات انشااااااااااالله وتشوفين ولدج بحظنج يااااااااارب

[mariooma]

لولوووووووووووو
انا بخير الحمدلله
واليوم حدييييييي مستانسه لاني رحت سويت سونار وقالتلي الدكتوره ان المشيمه صعدت مكانها الحمدلله والراس طبيعي والحمدلله كل شي طبيعي واي حدي حدي مستانسه
سبحان الله والله مو مصدقه
الله يرزق وليدي الصحة والعافيه انشالله ويسهل على سمور وحنوون ويرزقج احلى بنوته ويحفظ شواقه حق شوشو يااااارب
والله تصدقييين رحت اليوم مذركير وشفت الستاند مع السله بس حسافه مافي الدب مخلص بس قلت باخذ الصفره اللي على زرافه بس ناطره المعاش ههههه

[حنونةq8]

تسلمين يا مريوم ولولو الله يسمع منكم يارب
اليوم رحت الطبيب وقالي ان شاءالله هالاسبوع اولد ادعولي يا خواتي تكفوووووووووووووووووووووون وانا ان شاءالله بدعيلكم بولاده سهله يارب