دكتورة

[tm_2005]

أخواتى المصريات
ياريت تكتبولى اسم وتليفون دكتورة هنا فى القاهرة تكون شاطرة اروحلها لانى مش عاوزة اروح لطبيب راجل وجزاكم الله خير ويكرمنا جميعاً يااااااااااااااااااااارب.

[كيرلي]

ان شاء الله بنات مصر يفيدوك

[ملك المالكى]

بصى ان ااعرف مستشفى اسمها مستشفى العزيز بالله فى الزيتون ودى كلها ستات وهى مستشفى نسا وولادة ومستواها حلو اوى اتنين من صحابى تابعو وولدو فيها وومكن تتعرفى على الدكتورة اللى ترتاحيلها هناك وتروحيلها عيادتها لو مش حابه تروحى المستشفى بس هى مستشفى خاص لسيدات كل الطاقم بتاعها دكاترة وممرضات كلهم ستات وكلهم منقبات او محجبات هى تقريبا تبع حاجة سنية او كدة معرفش بس انا اعرف اتنين راحوها وبيقولو كويسة
يارب تعجبك عشان ابقى افدتك

[tm_2005]

متشكرة أوى يا ملك الله يباركلك وجزاكى الله خير بالخلف الصالح ياااااااااااارب.

[tm_2005]

يا بنااااااااات مصر انا عاوزة اتابع مع دكتورة كويسة ساعدونى جزاكم الله خير

[ghada00]

السلام عليكم ، اختى tm

انا كنت زيك كده مش عاوزة اتابع مع دكتور و رحت فعلا لدكتورة هى للامانة كويسة و سلفتى ولدت عندها قيصيرية ، و تابعت معاها التبويض و قالت لى كله تمام
انا اصلا كنت رايحة لها علشان الالتهابات و قالت لى دى بداية قرحة و اخدت دوا كريم و تشطيف مهبلى المهم الشهر ده رجعت لى الالتهابات تانى فرحت لدكتور تانى معروف و شاطر وناس كتير بتشكر فيه
ادانى دوا تانى خالص و طلب منى تحاليل اعملها تالت يوم من الدورة لو جت الشهر الجاى(يا رب ماتيجلنا كلنا) ،الدكتورة دى ماطلبتش اى تحاليل و اللى عرفته من المنتدى ان في تحاليل ضرورية علشان ممكن يكون فيها حاجة بتمنع الحمل
على العموم الدكتورة اسمها ايمان يوسف في مستشفى السودان للولادة في شارع السودان هى شاطرة بس مش عارفة انا اللى قفلت من ناحيتها ، المستشفى اسعارها رخيصة و كويسة و موبايل الدكتورة 0105175393
على فكرة انا دلوقت مع دكتور احمد حمزة عيادته في ش التحرير - الدقى هو راجل مريح جدا و كمان متدين و كبير في السن يعنى خبرة و شاف حالات كتير - ربنا يسهلها لنا كلنا و يرزقنا من عنده من دكاترة و لا ادوية يا رب
معلش طولت عليكى بس قولت اقولك تجربتى *****

[em albanat]

في موضوع لاخت ريناملاك(حوامل مصر اتفضلوا)في رقم هاتف لطبيبة موجود في الصفحة السابعة

[tm_2005]

متشكرة جداً يا أختى ghada00 جزاكى الله كل خير وفى كل الاحوال الست شرعاً أفضل من الراجل طالما موجوده وربنا يقدم اللى فية الخير وميرسى أختى haloula جداً وجزاكى الله كل خير وأكرمنا جميعاً ياااااااااااااارب بالذرية الصالحة ونبشر بعض قريب والشفاء من عندك يا رحيم.