* وصفةمتميزه*طاجن العكاوى المصرى بالبطاطس حصرياً من مطبخ نور الهدى بالصور

[noorelhoda]

السلام عليكم ورحمه الله وبركاته

حبيبات قلبى صدقونى لو قلتلكم وحشتونى بمعنى الكلمه
ووحشتنى صحبتكم ولمتكم وردودكم واكلاتكم
وتعليقاتكم انا مقدرة غياب ناس كتير منكم وياريت انتوا كمان تقدروا غيابى وانشغالى غصب عنى
المسئوليه زادت عليا بقى عندى بنتين ولله الحمد وبنتى الكبيره دخلت كمان المدرسه واليوم يادوب بيقضى بالعافيه الحمد لله على كل حال

النهارده حقدم لكم اكله مصريه اصيله تتميز بالدسامه والفائده فى نفس الوقت الا وهى
العكاوى

نبذه عن العكاوى
العكاوى عباره عن ذيل العجل
يفضل يكون كندوز وهى عباره عن فقرات
بعد سلخها بيقطعها اللحام او الجزار لانه عارف مقاس كل فقره بالظبط وتقريبا بتكون 3 سنتيمتر ولحم العكاوى من اطعم انواع اللحوم ومفيده للعظام وزياده الخصوبة

المقادير

عكاوى مقطعه
بطاطس مقطعه مكعبات
2 كوب طماطم معصورة ومصفاة
2 بصله مقطعه مكعبات
ملعقه توم مفروم
توابل ( ملح فلفل ورق لورا حبهان مستكه

الطريقه

هنا العكاوى مقطعه

نغسلها كويس زى ما بنغسل اللحوم بالظبط

وفى صنيه نضع الزبده

ونضيف الحبهان والمستكه ونضع قطع العكاوى ونشوحها لمده عشر دقائق مع التقليب المستمر

وبعدها نضيف الماء ويغطى العكاوى بشكل كافى ونتركها عالنار حوالى ساعه لانها بتحتاج وقت طويل فى النضج

وفى الوقت ده نجهز الصلصه الى عباره عن بصل مشوح فى قطعه زبده وتوم وطماطم وعند بدء الغليان نطفى النار

وهنا وضعنا البطاطس مع العكاوى فى طاجن

ونصب الصلصه اللى جهزناها وبهرناها بالتوابل ونغطى الطاجن ويترك ساعه اخرى فى الفرن وده شكله بعد ما البطاطس والعكاوى نضجوا

يارب طاجن العكاوى يكون عجبكم وعاوزه اقول لكم فيه ناس بتحبه بخضار مشكل وممكن بالفريك وممكن بلسان العصفور يعنى ليكى حريه الاختيار
وهى سهله وبسيطه وزى ما قلت مفيده جدا
وأشوفكم على خير فى وصفات تانيه ان شاء الله من مطبخى
والسلام عليكم ورحمه الله وبركاته

[ام جود و جواد]

معقول لاول مرة اكون انا اول واحدة ترد وعلى مين على حبيبة قلبنا نور الهدى اشتقنالك ياغالية واشتقنا لملفاتك الحلوة ومعذورة حبيبتي وما عليك اي تقصير بس بنشتاق لطلتك الحلوة والله يخليلك حبايبك الحلوين

وبالنسبة للعكاوي عن جد شكله بشهي وخصوصي من ايديك انا من زمان كان نفسي اعرف طريقة عمله لاني بسمع كتير عن هالطبق بس عمري ما عملته

بارك الله فيك حبيبتي وجزاك عنا كل خير ويرحم والدينا ووالديك

[. تيوليب***]

وعليكم السلام السلام ورحمة الله وبركاته

أنا مش من عشاق العكاوي بس من عشاق اللي عملتها
وحشتينا يا أم نور ووحشتنا عمايل إيديك الحلوة
تسلمي على الطبق الجميل
مع إني مليش فيها بس بعملها لزوجي لأنه بيحبها
إن شاء الله أبقى أجربها بطريقتك دي
نورتي وإوعي تغيبي تاني
الله يعينك ويحفظ لك بنوتاتك ويطرح فيهم البركة

[وعود الخير]

نور المنتدى بطلتك يا ام نور

واحلى طبق من احلى ام نور

يسعدها نور اللي دخلت المدرسة
ربنا يسعدك ويسعدها

اشوف الطبق وارجع

[أم مــــالــــك]

تسلم ايدك يا غاليه
وحشتنا اكلاكتك بجد
وكالعاده شهادتنا مجروحه اكيد فيكي


حاجه تفرح القلب بصراحه
الف هنا عليكم
و بوسااات كبار جدا جدا لنور ورحمه
ربي يحفظهم ليكي

[حنان(البحرين)]

عوداً حميداً يالغاليه والله يشغلكِ بخير

وسلمت يداكِ على الأكله الطيبه

[ناني2007]

يسلمو ايديك غاليتي ام نور ...نور المنتدى بطلتك غاليتي

[مجد الاقصى]

الله يسلم هالادين يا يارب يا ام نور
والمنتدى نور بوجودك حبيبتي

[amani1]

اهلا وسهلا فيكي نور المنتدي بطلتك ومبروك دخول نور المدرسه ان شاء الله تشوفيها في اعلي المراتب يارب

نيجي للطبق رووعه انا زمان سمعت عنه بس ما بعرف لانه ما حدي بوكله بالبيت عندي
الف صحه هنا علي قلبكم

[MISS_CHEF]

بسم الله

تسلم ايدك

واللى عنده بنات مرزوق من رب العالمين )

دائما اسمع العكاوى في التلفزيون المصري

وانها طلبيه مخصوص

يعني ما تلقيها الا نادر

طبعا منتشرة في مصر

وانا في الامارات وين القاها والممبار والمغات ودقيق الذره يعني المطبخ المصري غني جدا جدا بالحاجات الحلوة وغير موجوده في خارجها

[حبيبة قلب امها]

اهلا ياام نور والله المنتدى مفتقد الناس الاصيله اللى اثرو الركن بكثير من الاطباق الجميله واللمه الحلوه احنا تركنا الساحه للجيل الجديد هههههههههه بس ان شاء الله نرجع من تانى
وتسلم ايدك على العكاوى مجربتهاش قبل كده بصراحه لكن شكلها شهى

[omroro-4]

ما شاءالله رااااااائع تسلم ايديك

[intidhar]

ما شاء الله
عاشت الايادي وان شاء الله صحه وهنا

[احلى من الشهد]

الله يعطيكي العافيه

ما شاء الله روعه تسلم الايادي يا عسل

[rawanalomrany]