مكرونة بالكريمة

[دبدوبة]

السلام عليكم ورحمة الله وبركاته
طريقة مكرونة بالكريمة ان شاء الله تعجبكم

المقادير :
1-دجاجة مقطعة مكعبات
2-علبة كريمة الطبيخ اللي يسمونها قشطة الخفق تلقينها في السوبر ماركت في الثلاجات الحجم الكبير
3-مكرونة ملونة بعد تلقينها في السوبر ماركت بلونين الاخضر اللي هو بالسبانخ والاحمر بالطماطم
4- قرنبيط
5- ملح
6- مرقة كنور اللي تجي بأكياس من مازولا جديدة
7- جبنة موزاريلا
الطريقة :
1=اسلقي المكرونة والقرنبيط والدجاج بعد تقطيعه كلاً على حده يعني كل شئ لوحده بقدر وملحيهم يعني ضيفي لكل شئ تسلقيه شوية ملح
2=بعد ما تستوي المكرونة والدجاج والقرنبيط ضيفيهم مع بعض في صينية ولخبطيهم مع بعض يعني ضعي القرنبيط على المكرونة وضعي الدجاج على المكرونة وسويهم مكس مع بعض
3= جيبي كريمة الطبيخ وضعيها في قدر على النار وضعي عليها اثنين مرقة كنور الدجاج الاكياس على علبة الكريمة الكبيرة وبعد ما تصير حارة ضيفيها على المكرونة لين تغطيها
4= رشي عليها الجبن الموزاريلا ودخليها الفرن لين تسيح الجبنة وبالهنا والعافية ويارب تعجبكم
ملاحظة:
انا احب اسويها بالفطر يعني ممكن قلي الفطر بالزبدة وبعدين نضيفة على المكرونة

[لآلئ]

مشكوره اختي دبدوبه انا احب الاطباق الي فيها قشطه خفق وخاصه با المعكرونه وانا منزله طبق مشابه له من فترهوالله يعطيك العافيه

[دبدوبة]

هلا عزيزتي لآلي والله انا مثلك هو في شئ زايد وززنننا غير هالقشطة والكريمات خليها على ربك يالغالية ودام تحبين الأطاق اللي بالقشطة باعطيكي طريقة ثانية اعطتني هي بنت خالي الله يرحمه الحين ان شاء الله انزلها لكم

[شمالية غربية]

يعطيك العافية وانا مثلكم بعد اي طبق فيه قشطة الخفق ..احبه

[دبدوبة]

هلا شمالية الله يعافيكي اختي