حلقات مواضيع لكوفي شوب المغتربات- حلقه اليوم -طريقتك في تعلم اللغه الانجليزيه - 3 -

[mayaaa]

مرحبا مغترباتنا الفاضلات
نظرا لاهمية المواضيع وكثرة الردود فيها
حبينا نفتح كل موضوع على حدة كي لا تقل أهميته بالنسبة للمواضيع الأخرى
وكل من تذكرت معلومة تضيفها في موضوعها الأصلي على حسب العناوين
*************

ان شاء الله مروا


رح ابدا بموضوع اللغه

انا اول ما اتعملت من التلفزيون ومن زوجي يعني احضر عالتيفي واسال زوجي شو يعني وشومعنى كلمة كذا واحيانا اخاف انسى اكتبها على ورقه بحروف عربيه وبس يرجع اساله

بعد هيك اجا النت ووصل بالسلامه وصرت افتح مواقع الشابنق وصرت اعرف منها اسماء الملابس والمحلات اطبع الدايركشن عشان اعرف العناوين وشغلات يوميه كثير مثلا عجبني اكل معين عالتلفزيون اطلع اعمل سيرتش واحاول اترجم المكتوب واساعد حالي وامشي اموري اليوميه
ضليت بطيئه بالتعلم افهم كويس بس ما احكي اخاف وانحرج خصوصا قدام زوجي ينربط لساني وما بعرف ارد علاتلفون ما كنت افهم كويس عالتلفون وبعدين جبت بنتي وبلشنا نشتري قصص اطفال والعاب فيها اغاني فبديت مع بنتي بالكرتون والاعاب والاغاني ولان كلماتها بسيطه والكرتون بطيئ وكل يوم يعيدوا ويزيدوا حفظت بعض الجمل وبعدها جمل اكثر

صرت ادور على كورسات مجانيه عالنت واخذ دروس وقت فراغي وصرت اطلع من غير زوجي واطضر احكي وادبر اموري وطبعا صح الاميركان ما بيمانعوا الاجانب وبيساعدوا بس بيختصروا كثير مع اللي لغتهم ضعيفه يعني لقيت الموظفه بس بدها تخلص مني وانا طبعا مكيفه بديش تسالني وانا ما اعرف اجاوب بس بدي اخلص فهمه يحسوا بهاد الموضوع ويختصروا معي كثير لكن لما اكون مع زوجي خذي مزح وسوالف هو والموظفين حسيت انه انا عندي نقص ومتل المتخلفه صراحه ...
اشتغلت اكثر عاللغه كورسات احاول اقرا اي شي اي ورقه واترجمها كنت اتحسن بس تحسن بطئ او خلينا نقول التحسن ما فادني بالسوئلايز مع الاميركان يعني اقرا اكتب وامشي اموري فقط اما اوقف مع وحده وهاتي قرقر لأ ما بتجرا
بعدين اتعرفت على بنت باكستانيه مسلمه وبلشنا نحكي تلفون وشوي شوي تعودت اسمع الانجليزي عالتلفون وطولت بالها علي كثير وكانت تحكيلي اني بتحسن ولغتي بتتطور بتحكيلي فيه كثير ناس بيقعدوا بالعشر سنين وما بيتقدموا خطوه وحده

لما اولادي دخلوا المدرسه الاونلاين انجبرت اقرا اكثر واحضر دروس واقضي وقت اطول مع اللغه واحكي مع المعلمات وانا فيها وفيها حبيت القراءه كثير جدن وبلشت بقرائة قصص التين ايج والينق ادلت يعني الموراهقين والشباب قصص رومنسيه ودراما بالاول كنت متغلبه بالقراءه كثير لاني ما عندي مجموع كلمات كثير يعني اقعد عالصفحه ساعه وبالكتاب يعقد شهر بس ساعدني اني اختار شغلات احبها وعشان بدي اعرف شو صار بالقصه تلاقيني اترجم واحاول امشي بالكتاب
والكتاب اله جزء ثاني وابلش فيه صارعندي مجموع كبير من الكلمات مو مضطره كل شوي ارجع للدكشنري ومع القراءه الي يمكن خلصت فيهم اكثر من 100 كتاب روايات طويله قفزت قفزه كبيره باللغه يعني لو اول ما اجيت مشكت الكتب وترجمت كنت زمااااااااااااااااااااااان وصلت للي انا فيه هلأ بس الحمدلله ربي يسرلي ولقيت طريقه من البيت بدون معاهد ودوامات وبدون ضغط الامتحانات والمعلمات


وهادي تجربتي بالتفصيل من اول ما وصلت ليومي هاد

[متسننة]

ماشاء الله ياهومي نفسك طويل تحبي الروايات تعرفي انا من وانا صغيرة اقرا اول صفحة بالقصة واانط لاخر صفحة حتى اعرف النهاية وسلامة تسلمك خخخخخ

[صاحبة الـ@ـسك]

بالنسبة لى احب اللغة الإنجليزية من زمااااااااان من ٢٥ سنة وأنا بالصفوف الإعدادية ... إحم .... ٢٥ سنة إيه قصدى يا دوب من ٥ سنين وأنا فى إعدادى خخخخخخ

المهم كنت أسمع الأغانى - أيام الجاهلية قبل ما أعلن إسلامى - مايكل جاكسون جورج مايكل - مادونا - ساندرا - مودرن توكينج ... كلها فرق عفا عليه الزماااان من التمانينات المهم أيامها لا كان فيه إنترنت ولا هباب هم يا دوب قناتين فى التليفزيون المصرى وخلاص

كنت أحاول أسمع الأغانى وأكتب الكلمات وأشبه عليها وأطلعها من القاموس وأسأل فيها مدرسين اللغة الإنجليزية << شفتوا البجاحة

وبعدين فى ثانوى بدأت أتفرج على الأفلام والمسلسلات الأمريكية فى التليفزيون وأتابع اللغة

لما جيت هنا وجدت إختلاف كبير بين اللغة اللى درسناها وبين الكلام الأكسنت مختلفة وبيتكلموا بسرعة جدا جدا

كنت فى الأول أنحرج وأبقى فى نص هدومى وبعدين بقيت قبل ما أتكلم أكتب كل الاسئلة وكل حاجة هأقولها من أول هاى لغاية هاف آ جود داى

وبقيت لما أحس إن فيه حد بيتكلم بسرعة أقول لهم سلولى بليز علشان يتكلم بالراحة وأربط الكلمات ببعضها

طبعا لغاية دلوقتى ساعات لما أقف أتكلم مع حد أتلجلج لأنى بأفكر بالعربى وبأترجم ... يعنى الكلام مش طالع على طول على لسانى زى ولادى مش بيفكروا بيتكلموا على طول وساعات كتير العيال بيصلحوا لنا الأكسنت والكلام

بس بصراحة الناس هنا بتستغرب لما تسمعنى بتقول لى ما عندكيش أكسنت خالص وده طبعا راجع لسماعى الأغانى والمسلسلات إتعلمت الأكسنت بتاعتهم من زمان بتكون إزاى

[mayaaa]

مسوكه اللغه الانجليزيه ما بينفع انك تترجمي بعقلك لازم تحفظي الجمل جاهزه وتستعمليها عشان هيك الاطفال سهل يتعلموا انهم مو متخربطين بالعربي هل جيبي ابنك وعلميه عربي بيصير يرقع عربي وانجليزي لانك بيعمل نفس المستيك يعني بناتي كانوا احيانا ماما ثنقي (يعني الغرض الخاص بي ) thingeeههههههههه بس جد مش معقول كنتي تسالي المدرسين خصوصا مدونا يعني ممكن تقول كلمه نص كم وتروحي تسالي ههههههه انا كذا مره اسال زوجي عن معنى كلمه وتطلع على رأيك مهببه بهباب واصير بنص هدومي واتفاجا من المعنى الحرفي ههههههه صرت مو دايمن اسال بالغالب احطها بقوقل واشوف الدفنشن ولايش بتنقال واحفظ ميت وجهي ..........يختي بتكون الكلمه عاديه بالمره والكل بيستعملها بتطلع بالاغاني وبالكلام عالتلفزيون وبس تيجي تسالي والاهي ياعيب الشوم ايش هاد .......

[mayaaa]

متسننه اظن اخذنا فكره واضحه عن طفولتك ومتوقعيتلك مستقبل باهر فيه عالم الراحه والكسل ههههههههههههههههههههههههه

[tuta.]

ﺍﻟﻤﻮﺿﻮﻉ ﻛﺜﻴﺮ ﺣﻠﻮ و ﺍﻥ ﺷﺎﺀ ﺍﻟﻠﻪ ﻳﺴﺘﻔﻴﺪﻭﺍ ﺍﻟﺒﻨﺎﺕ ﻣﻦ ﺗﺠﺎﺭﺑﻜﻢ.
ﻟﻠﺎﺳﻒ ﻣﺎ ﻓﻴﻨﻲ ﺍﻛﺘﺐ ﺍﻳﺎ ﺷﻲ ﻳﻔﻴﺪﻛم, ﻣﺎ ﻋﻤﺮﻱ ﺳﻤﻌﺖ ﺍﻏﺎﻧﻲ ﺍﺟﻨﺒﻴﻪ ﺍﻫﻠﻲ ﺿﺪﻫﺎ ﺍﺳﺎﺳﺎ ﻟﺎﻧﻪ ﻭﺍﻟﺠﻲ ﻋﺎﺵ ﻓﺘﺮﻩ ﺑﺎﻣﺮﻳﻜﺎ و ﺷﺎﻑ ﻛﻠﻴﺒﺎﺗﻬﻢ و ﺍﻟﻮﺳﺎﺧﻪ ﺍﻟﻠﻲ ﻓﻴﻬﺎ ﻓﻜﺎﻥ ﺍﻟﺎﺟﻨﺒﻲ ﻣﻤﻨﻮﻉ ﺑﺎﻟﺒﻴﺖ ﺍﻟﺎ ﺍﺫﺍ ﻓﻠﻢ ﺍﻛﺸﻦ ﺭﺍﻣﺒﻮ ﻋﻠﻰ ﻛﺎﺭﺍﺗﻴﻪ ﻋﻠﻰ ﻗﻨﺎﺑﻞ ﺍﺷﻴﺎﺀ ﺯﻱ ﻫﻴﻚ و ﺑﺲ ﻛﺒﺮﻧﺎ ﺷﻮﻱ ﺻﺮﻧﺎ ﻧﺘﻔﺮﺝ ﻋﻠﻰ ﺣﺒﻴﺒﺘﻨﺎ ﺫﺍ ﻧﺎﻧﻲ ﺧﺨﺨﺨﺦ
ﺍﻟﻤﻬﻢ ﻣﺸﻮﺍﺭﻱ ﺑﺎﻟﺎﻧﺠﻠﻴﺶ ﺑﺪﺃ ﺑﺎﻟﻮﺭﻕ و ﺍﻟﻘﻠﻢ و ﺍﻟﻜﺘﺐ ﻛﺎﻧﺖ ﺩﺭﺍﺳﻪ ﻟﻴﻫﺎ ﻣﻦ ﺍﻟﺘﻤﻬﻴﺪﻱ ﺑﺪﺃﻧﺎ ﻓﻴﻬﺎ ﻟﺼﺮﻧﺎ ﺑﺎﻟﺜﺎﻧﻲ ﺛﺎﻧﻮﻱ, ﻛﻨﺎ ﻧﺠﻴﺐ ﺍﻟﻘﺎﻣﻮﺱ و ﻧﻂﻠﻊ ﻣﻨﻪ ﻋﺸﺮ ﻛﻠﻤﺎﺕ ﺑﺎﻟﺎﺳﺒﻮﻉ ﺟﺪﺍﺩ و ﻧﺘﻨﺎﻗﺶ ﻓﻴﻬﻢ ﺑﺎﻟﺤﺼﺺ ﺑﺎﻟﺜﺎﻧﻮﻳﻪ و ﺑﻌﺮﻑ ﻭﺣﺪﻩ ﻣﻦ ﺯﻣﻴﻠﺎﺗﻲ ﻗﺮﺃﺕ ﺍﻟﻘﺎﻣﻮﺱ ﺑﺎﻟﻜﺎﻣﻞ ﺑﻤﻌﺎﻧﻴﻪ!!! ﺍﻟﻤﻬﻢ ﻟﻤﺎ ﺟﺨﻠﺘﻮﺍﻟﺘﻮﺟﻴﻬﻲ ﺑﺼﺮﺍﺣﻪ ﺍﻧﺼﺪﻣﺖ ﻣﻦ ﺍﻟﻠﻐﻪ ﺍﻟﻠﻲ ﺑﻴﺪﺭﺳﻮﻫﺎ ﺑﻘﻴﻪ ﺍﻟﻤﺪﺍﺭﺱ ﻟﺎﻧﻬﺎ ﻛﺎﻧﺖ ﺳﻬﻠﻪ ﺟﺪﺍ ﺟﺪﺍ ﻛﺎﻧﻬﺎ ﻣﺴﺘﻮﻯ ﺻﻒ ﺭﺍﺑﻊ ﺍﻭ ﺧﺎﻣﺲ ﺑﺎﻟﻨﺴﺒﻪ ﻟﻴﻨﺎ ﺣﺘﻰ ﺍﻣﺘﺤﺎﻥ ﺍﻟﺘﻮﺟﻴﻬﻲ ﻣﺎ ﺩﺭﺳﻨﺎ ﻟﻴﻪ و ﻧﺠﺤﻨﺎ ﺑﺘﻔﻮﻕ ﺍﻟﺤﻤﺪ ﻟﻠﻪ.
ﺩﺧﻠﺖ ﺍﻣﺮﻳﻜﺎ ﻟﻐﺘﻲ ﻗﻮﻳﻪ ﺟﺪﺍ ﺑﺲ ﺯﻱ ﻣﺎ ﻗﻠﺖ ﻛﺘﺎﺑﻪ و ﻗﺮﺍﺋﻪ ﻣﺎ ﻛﺎﻥ ﻓﻲ ﻋﻨﺪﻱ ﻣﺤﺎﺩﺛﻪ ﺑﺘﺎﺗﺎ. ﺍﻭﻝ ﺟﺮﺱ ﺟﺮﺳﺘﻪ ﺑﺎﻟﺎﻧﺠﻠﻴﺶ ﻛﻨﺖ ﺍﺳﺘﺤﻲ ﻟﺎﻧﻪ ﻓﻴﻪ ﻣﺸﺎﺭﻛﻪ و ﻃﻠﺎﺏ ﻋﺮﺏ ﺑﺲ ﻣﺪﺭﺳﺘﻲ ﻛﺎﻧﺖ ﻛﺒﻴﺮﻩ ﺑﺎﻟﺴﻦ ﺷﺠﻌﺘﻨﻲ ﻣﺴﻜﺘﻨﻲ و ﻗﺎﻟﺖ ﺍﻧﺘﻲ ﻣﺶ ﻋﺎﺭﻓﻪ ﻟﻴﻪ ﺣﻂﻮﻛﻲ ﺑﻬﺎﻟﺪﺭﺱ ﻣﺶ ﺑﺤﺎﺟﻬﻮﻟﻴﻪ ﻟﻐﺘﻚ ﻗﻮﻱ ﺑﺲ ﺑﺪﻱ ﺍﺗﺸﺎﺭﻛﻲ ﺍﻛﺜﺮ ﺑﺎﻟﺪﺭﺱ ﺍﻋﻂﺘﻨﻲ ﺑﻮﺳﺖ ﺍﻟﻠﻪ ﻳﺴﻬﻞ ﻋﻠﻴﻬﺎ و ﺻﺮﺕ ﺍﺗﺸﺠﻊ و ﺍﺷﺎﺭﻙ ﻛﻨﺖ ﻳﻤﻜﻦ ﺍﻛﺜﺮ ﻭﺣﺪﻩ ﺍﺷﺎﺭﻙ. ﺻﺎﺩﻗﺖ ﺑﻨﺖ ﻛﻮﺭﻳﻪ و ﻛﻨﺎ ﻣﻊ ﺑﻌﺾ ﺍﻏﻠﺐ ﻭﻗﺘﻨﺎ ﺍﻧﺎ ﺍﺗﻤﺮﻥ ﻋﻠﻰ ﺍﻟﻤﺤﺎﺩﺛه ﻣﻌﺎﻫﺎ و ﻫﻲ ﻳﻠﺎ ﺩﺍﺩﺍ ﺑﺎﻟﻤﺤﺎﺩﺛﻪ ﻳﻌﻨﻲ ﻫﻲ ﺷﺠﻌﺘﻨﻲ و ﺍﻧﺎ ﻗﻮﻳﺘﻬﺎ. ﺍﺳﺘﻤﺮﻳﻨﺎ ﻳﻤﻜﻦ ﺳﻨﺘﻴﻦ و ﻧﻘﻠﺖ ﺟﺎﻣﻌﻪ ﺛﺎﻧﻴﻪ و ﻛﻨﺖ ﺑﻨﻔﺲ ﺍﻟﻮﻗﺖ ﻣﺘﻌﺮﻓﻪ ﻋﻠﻰ ﻭﺣﺪﻩ ﻣﻜﺴﻴﻜﻴﻪ و ﻭﺣﺪﻩ ﻳﻤﻨﻴﻪ ﻣﻮﻟﻴﺪ ﺍﻣﺮﻳﻜﺎ ﻣﺎ ﺑﺘﺤﺐ ﺗﺤﻜﻲ ﻋﺮﺑﻲ ﺑﺘﺨﺎﻑ ﻣﺎ ﺍﻓﻬﻢ ﻋﻠﻰ ﻟﻐﺘﻬﺎ ﻓﻜﺎﻧﺖ ﻣﺤﺎﺩﺛﺘﻨﺎ ﻛﻠﻬﺎ ﺑﺎﻟﺎﻧﺠﻠﻴش.

ﺷﻮﻱ ﺷﻮﻱ ﻧﺴﻴﺖ ﺍﻟﻌﺮﺑﻲ و ﺻﺎﺭ ﺍﻏﻠﺐ ﺗﻌﺒﻴﺮﻱ ﺑﺎﻟﺎﻧﺠﻠﻴﺶ ز ﻛﻠﺎﻣﻲ ﺑﺎﻟﺎﻣﺠﻠﻴﺶ ﺑﺼﺮﺍﺣه ﻭﺟﻮﺩﻱ ﺑﻴﻨﻜﻢ ﺑﺘﻠﻤﻨﺘﺪﻳﺎﺕ ﻫﻮ ﺍﻟﻠﻲ ﺭﺟﻊ ﻟﻲ ﻟﻐﺘﻲ ﺍﻟﻌﺮﺑﻴﻪ ﻛﻨت ﻧﺎﺳﻴﺘﻬﺎ ﻛﻮﻣﺒﻠﻴﺘﻠﻲ و ﻟﺤﺪ ﻫﻠﺄ ﺑﻀﻞ ﻓﻲ ﺗﻌﺒﻴﺮﺍﺕ و ﻛﻠﻤﺎﺕ ﺑﺎﻟﻌﺮﺑﻲ ﻣﺎ ﺑﺘﻂﻠﻊ ﻣﻋﻲ.

و ﺑﺲ ﻫﺎﻱ ﻫﻲ ﻛﻞ ﻗﺼﺘﻲ.

[mayaaa]

انتي توتا عامله متل جوزي اول ما تعرفت عليكي بالمنتدى وانتي ترقعي كان يجي ببالي جوزي اول ما تجوزنا ههههههه يقد ساعه ويقوللي دد يو دد يو وتا ينذكر بالعربي شو اللي دد did هههههههههههههه لا هلا احسن بكثير

متسننه منشان الله شاركي لاتضلي اعجبني اعجبني شاركي قولي ما تعلمتش والا تعلمت بشوفك اسم الله بتعرفي مو انك بالمره بتعرفيش تقوليش متعاجزه بخنقك

[متسننة]

اكبر لايك لعيونك ياقلبي خخخخ
انتظريني بكرى باذن الله الحين مشغولة ياحبيبتي ولن مراح يطلع مني غير سطر خخخخ

[mayaaa]

امواههههههه(بوثه على رأي ابني بطوط ) متسننه مش بس لايك
اله يومين داير بالبيت بيغني بوثه بوثه عشان بضل اقوله بوسه بوسه وقال شو بيعطيني قرعته هههههههههه عشان ابوس .......

[amani1]

السلام عليكم
مووووووضووع مهم وبشغل البال وخاصه للبنات الجدد علي البلاد
بالنسبه لي انا كنت افهم شو بحكوا معي الناس بس ما قدرت اجاوبهم بحس كل الكلام محبوس في راسي وكنت استحي اذا حكيت شئ غلط ان يضحكوا عليي
طلع غلط اولا الناس هون متعوده علي جنسيات ولغات مختلفه ما بضحكوا علي اي حدي
تانيا اذا ما مفهموا عليكي بحاولوا يشرحوا لك علي طريق الاشارات او باسلوب بسيط حتي يوصلوا لك المعلومه
بعد ما ايجيت هون ب3 اشهر زوجي دخلي كليه علشان اتعلم الانجلزي وهم المراحل اول شئ بعملوا لك امتحان حتي يعرفوا باي ليفيل او مرحله لانهم عندهم 4 مراحل مش كريديت يعني ما بدخلوا برصيدك اذا حبيتي تكملي دراسه
طلعت انا باللفير 3 اخدت 3 و4
وبعدها قعدت بالبيت بس كنت اطلع علي المحلات او علي الطبيب بالاول زوجي يوقلي شو احكي لما بدي اروح مكان معين شو احكي علشان اخزنها براسي
وبعدين اخدت كرديت في كليه يتانيه ايسيه يعني تعليم كتابه موضوع انشائي وكنت حامل باحمد وما كملت
بس انا ما عندي دش عربي ولا اي شئ عربي كلها قنوات محليه امريكيه وكنت اقعد علي الاخبار حتي افهم عليهم شو بحكوا وبعدين احكي لزوجي صار صار بالبلد خخخخخ
وكنت اقرء كتب بسيطه او جرائد ومع السنين شوي شوي يتتحسن اللغه ولما انتقلت علي هذا البيت تعرفت علي وحده مكسيكيه زوجها لبناني هي بتفهم عربي بس ما بتقدر تحكي فاشتغلت علي الحكي معاها بالانجليزي وبعدني بتعلم طبعا بس انا متطوعه بالمدرسه وهذا بفيد كتير لانه بخليطي تختلطي بالناس
العام كانوا عاكلين دوات ببلاش انجليزي وحتي ged
وهو برنامج للتوجيهي ببلاش وروحت عليه وفي موقع رائئئئئع لتعليم الللغه سواء كتابه او قرءه او استماع وبشمل جمييييع حياتنا هون اسمه
U.S.A. Learns

بعد ما تدخلي عليه اختاري start now
وحتلاقي مواضيع في كل شئ شو تعملي لما بدك تروحي عند طبيب او علي شغل وفي اختبارت سواء كتابه او قرءه وتقدري تكتبي البدك اياه علي ورقه وتوخديه معاكي اذا مش عارفه شو تحكي يعني شااااااااااامل وانا مختزته عندي وان شاء الله ينفع الجميع

[MARWAH]

انا لما جيت لهون كان عندي قواعد قوية بحكم كتبنا ودراستنا وكنت فكر انها رح تنفعني تاريها ما بتفيد شي لانهم ما بيفهمو بالقواعد اصلا ههههههه
عملت دورة تلات شهور عند استاذ هندي مسلم من بريطانيا كان بسوريا وعامل دورات بمجمع اسلامي تعلمت مبادئ الحديث
بس زوجي كان يضحك عليي وخلاني افقد ثقتي بنفسي وما احكي قدامو شي بس صرت احكي مع اهلو والعالم يلي هون وبالفعل ما حدا بيضحك عليكي لانهم بيعرفو انو في عالم عم تتعلم بس بالعكس كانو يقولولي لغتك منيحة مع اني كنت علق واتلبك وما اعرف احكي منيح وبحكم اني حملت مرتين ورا بعض بقيت اول تلات سنين يادوب اقدر احكي الضروري واعمل شوبينغ وخاف رد على التلفون وهيك
بعدها اتشجعت وصرت اسمع من الراديو اقرا من النت وشوف تعبيرات الناس وكيف بيستعملوها وجرب استعملها
المهم سجلت دورة بالكوليج اول مرة حطوني انتري ٣ وما قدرت كمل بحكم حملي التاني وتركت
وبعدين بس ولدت وارتحت سجلت مرة تانية وحطوني ليفل ون يعني مستوايي ارتفع لحالو من معاشرة الناس ونجحت ليفل ون واتعلمت كتير منو وصرت روح الطبيب لحالي واتصل بالتلفون بالاماكن يلي بتلزمني وما عاد اعتمدت على زوجي واتعرفت على وصديقات باكستانيات بيحكو انكليزي وصرت دردش معهم
وشي تاني ساعدني انو الكوميونتي سنتر فيو جروبات شي دردشة وشي اشغال يدوية وشي نصايح فكنت روح عليها واضطر اسمع اللغة واتناقش مع الناس وبهيك مستوى لغتي ارتفع والحمد لله طبعا لسا باقيلي ليفل تو لو حبيت بعدو كمل دراسة بالجامعة او اي مجال بس بعد ما اولد ان شالله
هي تجربتي البسيطة وان شالله تفيدكم

[amani1]

حلقات مواضيع لكوفي شوب المغتربات- حلقه اليوم -طريقتك في تعلم اللغه الانجليزيه

[متسننة]

انا الحمد لله من اجيت على كندا كانت لغتي كويسة من الاول حتى اكسنت ماعندي لا من فلم ولا من اغنية كذا من الله شي يدعو للعجب .
دخلت توفل مباشرة والحمد لله طلعت درجة عالية ودخلت جامعة ، ماكملت ظروفي كانت اصعب مني المهم ماشفت صعوبة باللغة بالبداية ابدا ، بعد ماتزوجت وانجبت عندنا بالبيت كله عربي خاصة اول طفل ربي رزقني وانا حريصة جدا على العربي الى ان وصل عمره سن المدرسة وهو مايعرف غير العربي ، وبعد المدرسة بالبيت عندي مايصير غير العربي من نطلع مافي غير العربي وهكذا ، بحيث نزلت لغتي كثير يعني كنت ابدا مااتلكئ وانا اتكلم مع الاجانب بس الحين فرق شاسع خخخخ مو اقولكم تجربتي مراح تفيدكم لان عكس العالم

[* شهدوده *]

غالياتي تمّ نقل ردودكم من الموضوع الأصلي
كوفي شوب المغتربات- موضوع اليوم - تربية الأطفال بالغربة

لو نسيت أي ردّ وجب عليا نقله هنا نبهوني

* تناقش المواضيع على حسب عنوانيها *

[mayaaa]

مروا هو عادي انه جوزك بيضحك عليكي اذا من باب اللعب وهيك بس فعليا فيش اشي بيضحك هو اكتر واحد يفترض يكون عارف قديش صعب انه الواحد يكتسب لغه ثانيه على كبر فهون دايمن بيشجعوا اصحاب اللغتين انه يتعلموا وبيكونوا معتبرينا LUCKYانه عننا لغتين دايمن اتذكري انك مش خرسا انتي عندك لغه ثانيه بتحكي فيها كويس بس بتتعلمي لغه جديده

متسننه اللغه الانجليزيه للكبار سهل تروح وتنتسى بس كمان سهل الواحد يتذكرها يعني هل لو تبدئي تطلعي بسرعه رح تتذكريها وبدي اقولك بالنسبه لللصغار اللغه عندهم بتتثبت بسن 12 سنه بيصير نيتف قبل الخمسه بيضل مخربط ما بيكتسب لغه يعني مثلا هل علمي ابنك عربي او جيبي ولد من بلاد عربيه عمره خمس سنوات على طول بيكتسب الانجليزي وبينسة العربي ولا كانه كان عربي وبيصير انجليش نيتف معه لل12 لحتى وين ما وديتيه يضل انجليش تنيتف وما بنساها ابدن بالدم لغه اولى يعني هل بعد ال12 جيبي اي طفال بيتعلم انجليزي ايوه بس بيضل عنده اكسنت وبتكون سكند لانقويج فانا بسرتغرف اللي بيقولوا ماعنا اكسنت الا بيكون فيه اكسنت مستحيل النيتف فقط اللي بيتعلموا اللغه بالبلد من سن صغير علميا اظن سمعت انه 12 سنه غير هيك بيكون فيه اكسنت بيميزها السامع ويعرف انه انتي مثلا مش من امريكية الاصل او مش بريطانية الاصل فكل انسان عنده اكسنت بتدل من وين هو جاي يعني جوزي اله عشرين سنه هون كان ماخذ اكسنت شوي من نيويورك الكل يقوله انت من نيويورك بس كمان باين انه مش امريكي الاصل فيه اكسنت ثانيه بتدل انه الانجليزي لغه ثانيه وهكذا اهل فلوريدا الهم اكسنت كاليفورنيا واشنطن بريطانيا ويلز الهم لغه كمبليتلي بتختلف ايرلندا عندهم اكسنت واالايرش عندهم اكسنت فبحس انه الاصح اننا نقول انه منحكي فلونت او بسرعه بس بدون اكسنت مابعرف بحسه فني حتى ما بتقدري تقولي نيتف لانه حتى اللي متل توتا ما بيكونوا نيتف اولادنا نيتف أه بس احنا لو نقعد عشرين سنه كمان منضل نيتف يعني هل الباكستان بيكونوا جد موليد امريكا ونوعا بتلاقي الاكسنت الهندي بالحكي المصريين كذالك بيضلوا يظهروا بعض النغمات المصريه وكانهم بيقوله ايه فيه ايه؟ بس بالانجليزي انا ما بيميز الارديين والسوريين بعرف انه اللي قبالي عربيه بس بقدرش اطلعا من الاكسنت بس بعرف المصريات والباكستان والهنود حتى بيكونوا عاديين بيشبهونا بس الاكسنت تبعهم واضح انا طبعا عندي اكسنت بس قلت ما بيزها بحس فيه اكثر من دوله عربيه بنفس الاكسنت حتى المغاربه ما بيميزهم لما يحكوا انجليزي لازم تقلب عالعربي ولا العراقيات


فالسماع مهم جدن بالانجليزي القراءه والكتابه مهمه عالاقل القراءه عشان مخارج الحروف والفاول وبس بالاخر بيجي التخاطب والحكي لانه بيكون فيه مخزون جمل (ليس كلمات ) يعني اتحدا وحده تحفظ المعجم من الجلده للجلده يساعدها بالكلام لازم تحفظ جمل كامله وكيفيه استعمالها يعني انا حفظت اول ما اجيت اكمن جمله مثل ماهنه زي (قراقو ) بالانجليزي (I got to go) وكمان وانابي (iwant to be)وكمان ار ف هير(out of here) وغير اختصارات الحروف بالنسبه للامريكان كلشي بيختصروه متل بناتي البي اف اف تبعتي اللي هي البيست فرند فور افر ههههههههه واف يو اي اللي هي فور يور انفورميشن ههههه البريكان اسهل ما بيختصروا بيحكوا كل الحروف وعلى اقل من مهلمهم لسه مطولين وهمه يمطوا بالكلمه

صححيني توتا اذا انا غلطانه؟
مممممم