تجمع مغتربات المانيا ..

[جوتشي]

السلام عليكم .. كيفكم خواتي المغتربات في المانيا .. شفت قبل فتره تجمع
في المنتدى بس للاسف ما كنت مسجله .. خلينا نتعرف على بعض ونشوف
كيف ممكن نفيد ونستفيد وخاصه متل ما بتعرفوا ما في حدا في الغربه الا واله
مشاكله حتى لو على المستوى النفسي .. يا ريت كل وحده تعرف عن نفسها
ونبدا بالتواصل ...

[جوتشي]

غريب ما في حدا من المانيا .. في منتدى كنت اشوفه مليان بس سبحان الله انا رغم
اني مش من زمان مسجله بس خلص قفلت معي عند منتدى لك .. بحبه كتير
على العموم انشاء الله اجد ردود

[zomorod]

الله أكبر
وأخيرا تجمع مغتربات ألمانيا
أنا كنت فقدت الأمل
المهم:
أسعدني موضوعك أختي ويارب تكون معرفتنا
معرفة أخوة لوجه الله سبحانه

[جوتشي]

اهلا حبيبتي واختي في الله zomorod امين يا رب العالمين الله يسمع منك
عرفينا عنك ..
انا متزوجه وعايشه في المانيا من 7 سنوات .. في Reutlingen
وين الباقي يلا يعني الواحد بهالغربه بدو بس ريحه اهل وصحبه عرب
وين ساكنه

[liyawa]

شفتكو وانا ماره حبيت أسلم عليكو

[جوتشي]

اهلين حبيبتي وصل السلام .. وعليكم السلام

[zomorod]

أختي جوتشي
معرفة خير يا رب
أنا متزوجة و ساكنا في ألمانيا منذ 7سنوات تقريبا عندي بنت و واد الله يفرحني بهم ويفرح كلواحدة بأولادها يا رب
ساكنا في Gelsenkirchen
شو عملتي مع اللغةالألمانية
أنا أخذت دروس مدة 6 أشهر لكن م راضيا على نفسي يعني تحسنت لكن ليس بشكل جيد
أنا ماعندي صديقات هنا
تصبحين على خير

[zomorod]

شفتكو وانا ماره حبيت أسلم عليكو

الله يسلمك يا أختي
سلامي لك أيضا

[zomorod]

سلامات

[. تيوليب***]

جوتن تاج

ههههههههههه مبروك جوتشي حبيبتي التجمع

ليا أخت غاليه جدا هنا في المنتدى اسمها جنة الطيور كمان عايشه بألمانيا
حدور عليها وابعتلها تيجي تقابلكم هنا

[جوتشي]

اهلا حبيبتي زمرد كيفك سامحيني من امبارح وانا انتظر الفرصه ارد عليكي .. اليوم كنت عند
طبيب الاسنان وكان يوم صعب كتير بس الحمد لله لسه المراجعه بعد اربع اسابيع
والان لحتى ارتحت شوي وجع راس مش طبيعي ... الحمد لله على كل حال
انا يا عزيزتي بالنسبه للغه كمان مش راضيه عن نفسي يعني بمشي حالي بدون مساعده يعني بروح اطباء بروح محلات بريد لوحدي بس يعني بخاف اعمل مواعيد على التليفون
او احجز لسفر .. يعني شويه جبن بصراحه اكثر ..
بس ليش ما عندك اصدقاء انا عندي كتير صاحبات جزائريات ... اغلبهم عرفتهم عن طريق المدرسه وتجمع المسلمين في الجامع

[zomorod]

عزيزتي جوتشي
سلامتك ألف سلامة
أنا أيضا بالنسبة للغة نفس الشيئ
أما ليش ما عندي صديقات فأظن أنك عارفا سيطرة الحمات لم تكن تريد أن أتعرف على أي أحد لكن ربك كريم
والآن أود آن أتعرف على أخوات بمعنى الكلمة حب لله فقط دون غش أو نفاق أو مصلحة أو أو ....
لكن عندي أختي تسكن في الطابق العلوي تقريبا كل مشاويرنا معا
بالنسبة لعائلتي الصغيرة فالحمد لله رب أنعم عليا بزوج صالح محب وأطفال
يجعلونني أصبر على قساوة الغربة

[جوتشي]

اهلا اهلا حبيبه قلبي تيوليب
الله يبارك فيك يا رب .. بس يعني ما قلتيلي انه ليكي بالاماني ... بعد جوتن تاج لازم تستلمي
التجمع .. تسلميلي حبيبتي لما تيجي اختنا جنه الطيور لازم تكوني معاها
اسعدني مرورك

[zomorod]

جوتشي
أرسلت رسالة خاصة لجنة الطيور
أدعوها للمشاركة في التجمع
ويارب تلبي الدعوة
سلام

[جوتشي]

الله يخليكي يا زمرد .. انشاء الله نكتر في التجمع وتكون محبتنا جميعا لله .. بس قوليلي
انت حماتك عندك في المانيا .. ومعلش حبيبتي الله المستعان الوحده لما تتزوج بدها
وقت حتى تعرف وتتاقلم ويمكن في هالوقت تتعب .. بس اكيد الله ما بيكون دايما للصالح
الا معين .. كم طفل عندك ما شاء الله