تويت
انشودة دمعة اليتيم
http://www.woroodalkhaleej.com/worood/anasheed/14.rm
انشوده بصوت طفله
http://www.b7r11.com/yteem.swf
للحفظ حفظكم الله ورعاكم
السلام عليكم ورحمة الله وبركاته
اول موضوع لي اكتب فيه
وحبيت يكون موضوعي من حق صديقي فارس
لا اريد ان احدثكم عنه اريد ان تستمعوا الى قصته بنفسه وباسلوبه
طلبت منه ان يكتب قصته لي في ملف وورد ووافق
فارس احبه رغم سكوته الدائم وانطوائه وان تكلم لا يتكلم الا بعصبيه
اليكم قصته
انا مب مثقف مثلكم وماراح اكتب القصة بالفصحى لا ...
بدايتي
انا عشت طفولتي مثل اي طفل ... براءة ... وحب .... والاهم .. في ظل حنان الوالدين
كنا نعيش بالدمام انا (( فارس )) كنت بصف سادس واختي الكبيرة وكانت ايامها مخلصة الثانوية ومخطوبة واختي اللي اصغر مني بسنتين واخواني التوأم ياسر وشهد ...
كان اكبر همي اللعب ودايما في الشارع العب مع ذاك واضرب هذا ويضربني ذاك
تعبت من اللعب وصار لازم ادخل البيت لكن استغربت لقيت اخواتي يبكن وخاصة اختي الكبيرة تبكي بكى مو طبيعي تبكي بقوة بصوت مسموع سألتها وليتها ماعلمتني
امي وابوي راحوا بحادث سيارة ... وكملت بكاها
امتلى بيتنا بالجيران وخاصة الحريم
جانا عمي يبي ياخذنا معه للقصيم بعد مايكمل زواج اختي ... اختي كانت رافضه لكن عمي كان شديد عليها وتزوجت غصبا عنها مع انها رافضه وقت الزواج
بقي انا واختي الي اصغر مني وياسر وشهد
ورحنا للقصيم ببيت عمي ... عمي باختصار كان لا مبالي بنا متنا او عشنا ما هو مهم عنده وزوجته كانت متسلطة
تسب وتضرب وتشتم .. واكثر الاحيان انام انا واخواني جوعانين
دخلت المتوسطة وخلصتها بظروف كله ضرب وشتم وطرد ... ايه تميزت عن اخواني صار عمي
يطردني وارجع بنفس اليوم لسببين الاول مادري وين اروح ووين انام
والسبب الثاني اخواني انا اكبرهم ولازم ماخليهم خاصة اختي اللي بعدي ..
يكفيها ماجاها هي اكثر واحد منا عانى من بيت عمي دايما يشغلونها في البيت تطبخ وتغسل وتكنس
ومرة عمي ماتخلي لها مجال للدراسة مع ان لها بنات ... مسكينة دايما ترسب في الدراسة وماتنجح
الا في الدور الثاني و دايما تنام وهي جالسة كله من التعب من شغل البيت
واذا طردني عمي اغصب نفسي على الرجعة بس عشان اختي ... ارجع للبيت احسن واخليهم ينشغلون عنها فيني
يعذبوني انا احسن من يعذبونها هي
ايام ماكنت في المتوسطة زارتنا اختي الكبيرة مع زوجها اول زيارة لها بعد زواجها وعمي ماكان
موجود وطردتها مرة عمي بكل وقاحة
بعدها صارت اختي وزوجها الطيب اذا بغوا يزوروننا يوقفون عند الشارع ويطق الجرس زوجها
طبعا مافيه ببيت عمي يفتح الباب الا انا لأن عمي اكبر عياله بنات والبقية صغار
يطق الجرس زوجها واطلع له انا وبصعوبة اطلع اخواتي من البيت عشان يسلمون على اختهم
دخلت الثانوية كاره عمري بديت احس بالنقص بديت اسأل ابوي ماخلى لنا شي؟؟ .. ابوي ماله بيت ملك ؟؟ اجل وينه.. ماله راتب؟؟ اجل من ياخذه .. بديت اتسأل بس صعب اسأل عمي بيجلدني ان سألته
صرت احس نفسي ناقص احس نفسي محروم ... مقهور
اصحابي بالثانوي اشوف كل واحد منهم يتفنن بجوالاتهم وكلهم لهم سيارات الا انا ... ليش
انا مالي شي لا جوال ولا سيارة ... ولا أب
كانت مدرستي بعيدة شوي عن بيتنا اقصد بيت عمي تقريبا ساعة كاملة مشي
دايما انحرج من صديقي وولد جارنا فيصل هو طيب ومايقصر معي لكن انحرج منه دايما لاصق فيه
عشان الروحة والطلعة من المدرسة
طلبت مرة من عمي جوال بعد مابدوا يعايروني زملاء المدرسة
طلبت من عمي يشتري لي الجهاز لكن عمي لوى يدي بعد ماشيشته مرة عمي .. مدري ليه التعذيب
يقول لا وخلاص يعني لازم الضرب
والحين ماقدر اطلب منه سيارة مرة وحدة ... بيذبحني وماتجرأت اطلب الصراحة ... خفت
خلصت اولى ثانوي محروم وناقص ومقهور .. وووووو ... مشتاق لامي وابوي مشتاق لهم بقوة من
زمان ماشفتهم من يوم ماكنت بسادس
عطلوا الطلاب اختي كالعادة لها دور ثاني والبقية نجح حتى بنات عمي .. بنات عمي اكبرهم اكبر مني
بسنة
التسأولات مازالت تلح براسي ابوي ماخلى لنا شي ؟؟ طلبت المساعدة من صديقي فيصل
طلبت منه يسأل ابوه بشكل غير مباشر ... الموظف الحكومي يصرف لأبنائه راتب او ينقطع
وكان الجواب ايه يصرف لهم
هنا طفح الكيل وانقهرت وذات اليوم مارجعت للبيت بسرعة افور واغلي من القهر
لكن وين اروح لازم ارجع والا وين انام
وقررت اسأل عمي راتب ابوي وينه ؟؟ مع اني خايف منه
رجعت الساعة 2 في الليل والحمد الله كان الكل نايم ... ونمت وانا منقهر
في اليوم الثاني سألت عمي وحنا لحالنا
قلت :: عمي وين راتب ابوي ؟؟
عمي :: ............................ (( سكتت ومارد علي ))
سألته مرة ثانية
قلت :: عمي وين راتب ابوي ؟؟
مادريت الا بكف ضاربني فيه
وقال :: ياقليل الخاتمة عايشين ببيتي وتبي فلوس
لكني ماسكتت له جادلته
انا :: ابي راتب ابوي انا محتاج واخواني محتاجين ونبي الراتب
بعد شوي
جت النسرة مرة عمي على اصواتنا
وبعد ماعلمها عمي بسبب هواشنا قالت له ببساطة
مرة عمي :: اطرده وفكنا منه
وماصدقت خبر جابت له مرة عمي الخيزرانه عشان يضربني لكن فريت بجلدي وطلعت من البيت مقهور
خلاص ماله داعي ارجع البيت اختي ومعطله ليه ارجع اجل
بس صح لها دور ثاني ماراح يخلون لها مجال تذاكر
ياربي شسوي
رحت لبيت صديقي فيصل
فيصل دلوع اهله و له اخوان كبار وعايش حياته ماشاء الله عليه
طلبت منه اننا نتمشى شوي
وعرفني على اصدقاء له .. لهم استراحة يجتمعون فيها
وبقيت معهم اليوم باكمله ومارجعت البيت
اصدقاء فيصل عرفوا ضروفي واني مطرود وسمحوا لي اني ابات في الاستراحة
واخذت ثلاث ايام وانا في الاستراحة
وانحرفت وترك الصلاة وتعلمت التدخين لكن ماجاز لي الصراحة وهم ماغصبوني عليه
وتعلمت اغازل كنا في ثلاث ايام نروح للسوق وللمجمعات عشان نغازل هناك
لكن انا ماغازلت ابد لأنه ببساطة ماعندي جوال وماعندي سيارة عشان اخذها معي
ففترة مغازل الشباب في المجمعات كنت اخذها فرصة واعتزل بمكان لحالي كنت احب الوحدة
ماحب احد يقعد معي
كنت افكر بحالي ياربي مادري عن اخواني شي ووش صار عليهم ثلاث ايام ماشفتهم
لازم ارجع
بعد مارجعوا الشباب وكل واحد يسولف عن صيدته
طلبت من فيصل يرجعني البيت وماعارض على طول رجعني
لكن لما وصلت البيت كانت الساعة 2 في الليل خفت يكون احد بعده صاحي فانتظرت في الشارع لين جت الساعة 3
تسللت للبيت ودخلته واشوى غارق في الظلام تسللت لغرفة اختي وانا ادري انه ينامون معها بنات عمي لكن مااهتميت ابي اشوف اختي واتطمن ماعلي من احد
فتحت الباب لكن عجزت لعرف ايهم سرير اختي اخاف اكشف اللحاف وتطلع وحدة من بنات عمي وابتلش
وتخليت عن المحاولة .. اشوفها ان شاء الله بكرة
ورحت لفراشي ونمت لامن شاف ولامن دري
في اليوم اللي بعده لما شافني عمي ماقالي شي اقصد ماحاول يطردني مرة ثانية كان يهاوش وبس رغم تشيش مرته علي
تطمنت على اخواني وخاصة اختي كاسرة خاطري تغيرت في ثلاث ايام صارت كأنها عود وشكلها مبهذل مالها فرصة تهتم بنفسها شايلة البيت كله فوق راسها ولازم تهتم باخوانها الصغار ياسر وشهد
جوني ياسر وشهد فرحانين انهم السنة الجاية بيدخلون المدرسة
عرفت بعدها ان اختي لحت على عمي انه يسجلهم بالمدرسة عمي سجل ياسر واختي سجلت شهد
وانا وقتها كنت مطرود ... آآآه يالقهر
نجحت اختي في الدور الثاني
وبدت الدراسة
صرت انا الحين بثاني ثانوي واختي بثالث متوسط وياسر وشهد باولى ابتدائي
قبل بداية الدراسة باسبوع زارتنا اختي وكعادتها حطت بيدي فلوس علشان اذا احتجتها انا واخواني ...
لكن مرة عمي دايما تدخل غرفنا وتفتش فيها خاصة غرفتي
انا محتاج للفلوس لكن وين ادسها...
المهم راحت اختي الكبيرة هي وولدها وبنتها وزوجها بعد ماعطتني رقمها ورقم زوجها طبعا انا مالي جوال كتبت رقمها بورقة وحاولت ادس الفلوس بمكان ماتوصله القشرا اما الورقة اللي فيها الارقام لصقتها تحت سريري
مرت الايام وزاد الشغل على اختي شغل البيت ودراستها وتذاكر لاخواني ياسر وشهد ويالله يالله تتفرغ لنفسها
اذا شفتها تروح تذاكر او ترتاح وشفت بنات عمي وامهن يحاولن يتحرشن فيها بالكلام رديت عليهم بس علشان اشغلهم عن اختي هم مايرتاحون لين يسوون مشكلة
ومع مرو الايام .. وفي الاختبارات الشهرية
كنت جالس اذاكر لاختي المسكينة مادة صعبة عليها
مرة عمي دايما ماتخليني اجلس عندهم تقول علشان تاخذ حريتها وهي وبناتها عشان يكشفن بالبيت
انا هذاك اليوم عاندت ومارحت للمجلس تبغى تكشف تروح تكشف بوحدة من الغرف ماكثر الله الا من غرف البيت
وقعدت اذاكر لاختي ... فجأة دخل علينا عمي معصب سألته وحدة من بناته :: وشفيك يبه ؟؟
عمي :: كفرات سيارتي مفششه هالبزران مايفششون الا سيارتي لو اعرف من ولده بس
سكتنا شوي انا ماهتميت لو يفششون راسه بعد احسن
بعد شوي قالت مرة عمي لعمي
مرة عمي :: انا شفت هذا يدور حوالين السياره ... (( واشرت يمي ))
خافت اختي وهي تعرف عمي اذا عصب عصب
وقالت :: لا ياعمة فارس طوال اليوم وهو معانا ماطلع للسيارة ابد
مرة عمي :: الا انا شفته يدور حواليها اكيد هو اللي فشش الكفرات
عمي :: فااااااارس ليش فششتهن يالكلب
قلت انا لمرة عمي :: احلفي انك شفتيني
لكن عاد عمي مايكذب حرمته
توجه يمي انا من الخوف قمت مستعد للضرب
تقرب مني ودزني وطحت على الارض ... اختي حاولت تدافع عني مسكت يد عمي تحاول تهديه لكن دزها هي الثانية وطاحت علي
المسكينة قامت عني بسرعة على بالها انها ثقيلة علي
وقالت :: فارس عورتك
انا :: عمي مب انا صدقني ماقربت سيارتك اصلا
شفت مرة عمي تحط بيده خيزرانه يعني عليك فيه .. تقهرني تصرفاتها بناتها اعقل منها
تقرب عمي مني وهو فاير دمه ومسك شعري
عمي :: شف ياقليل الخاتمة تصلح الكفرات وانت ماتشوف الدرب فاااااهم
قلت لعمي وانا معصب ورفعت صوتي عليه
انا :: عطني راتب ابوي واصلحها
مادريت الا وعمي رفع رجله وداس بطني بقوة وبعدها ركلني
انا قعدت اتلوى من بطني
قالت اختي :: اخص الله ياخذك انت مانت عم
وسمعته يمحطها بالخيزرانة
عمي :: قم اشوف قم خذ السيارة ورح للمحطة يسوون الكفرات قم وخلهم يغيرون الكفرات بكفرات جديدة فااااهم
حذف علي المفاتيح والفلوس وطلع عمي من الصالة
يالله يالله قمت
سمعت مرة عمي تقول لي
مرة عمي :: علشان مرة ثانية ماتعاندني
طلعت من البيت و اخذت السيارة ... اشوى ان المحطة قريبة .. السيارة بنفسها يالله يالله وصلتها هي وكفراتها
وانا يالله يالله اسوق ... بطني يعورني
رجعت البيت وشفت لمبات غرفتي والعة عرفت انها النسرة اكيد كعادتها تفتش ... اووووووووه الفلوس اكيد اكيد بتشوف فلوس اختي الكبيرة اللي عطتنياهم وبتاخذهم
تعمدت افتح الباب بسرعة علشان ادخل عليها قبل ماتتغطى علشان تتأدب مرة ثانية
لكن اللي كان بالغرفة اختي ماهو مرة عمي جالسة على سريري وشكلها تحتريني
ماقلت شي ولا سلمت عليها حتى
اختي :: شلونه بطنك الحين ؟؟
ان تكلمت ببكي وانا مابغى ابكي قدامها
مارديت عليها نزلت ثوبي مستعد للنوم وعلشان تطلع هي بعد
اختي :: عجزت لا انسى شكله وهو يتوطاك الكلب
شكلي كاسر خاطرها مثل ماهي كاسره خاطري
طلعت من الغرفة بروح للحمام مااقدر اتكلم معها ببكي على طول
رجعت للغرفة والحمد الله ماكانت موجودة فيها ... حاوت انام لكن عجزت انام من بطني احس اني ابرجع ... مادري وش فيني
بعد يومين وانا بالمدرسة كنت اكثر الاحيان اجلس بلحالي مع ان فيصل دايما يطلب مني اتمشى معه لكن انا ماابي اجلس مع احد
وانا جالس جاني سعود زميلي بالمدرسة ومن جيراننا لكن شري وكلامه وصخ وفيه نذاله ومايخلي احد بحاله
جا وقال :: اقول فارس لقيت شي حلو مرة ياليتك تقراه .... (( ومد علي ورقة ))
اخذتها وراح عني واللي يشوفه يقول كأنه منتصر ... يمكن فاتح القدس وانا مادري
المهم فتحت الورقة وكان فيها
تدري وش اللي يجرح القلب جرحين
ويمد حبـل الحـزن فيـك ويشـده
::
انك تناظر طفل مـن غيـر ابويـن
يمشي ودمعـه سايـل فـوق خـده
::
منظر صعيب ويقسم القلـب قسميـن
لا قـام يمسـح دمعـه بكـف يـده
::
يمش ولا يدري طريقة علـى ويـن
لين التعب من كثـر مـا تـاه هـده
::
اثقل حـروف يشيلهـا فيـة حرفيـن
لا أب يـدريـبـه ولا أم تـــرده
::
في خطوته رحلـة ودمعـة وسكيـن
وحـظ توسـد بالمراسـي مـخـده
::
جيت اسألـه بالله قللـي ولـد ميـن
وبغي يجاوب وختنـق صـوت رده
::
أنـا يتيـم ومـا لدربـي عنـاويـن
وجزر الحزن فينـي يسـاوي لمـده
::
وطعم الطفولة ما عرفته لهـا لحيـن
وثوب السعادة صـرت مانيـب قـده
::
ابكي إلى من شفت غيـري سعيديـن
ليـن البكـا فينـي يوصـل لحـده
::
واقفي ورحت امسح دموعي من العين
وعيني تناظـر دمعتـه فـوق خـده
::
وهذا اللي يجـرح القلـب جرحيـن
ويمد حبل الحـزن غصـب ويشـده
طلعت دموعي غصب عني مسحتها مابغى احد يشوفني .. تلثمت وصرت اقلب في الورقة مابغى اقرا القصيدة مرة ثانية بس بحتفظ فيها
بالطلعة تهربت من فيصل لأني مابي ارجع البيت بسرعة
بالطريق للبيت مشي .. طلعت الورقة اللي فيها القصيدة وقعدت اقراها مرة ثانية
ليش انا يتيم ليش مامت معاهم ليش كل الناس لهم ام و اب الا انا
ابي كل الناس يموتون خاصة عمي ابيهم يموتون كلهم ابي اذبح كل الناس اكرههم كلهم
ليش انا ناقص ليش انا محروم .. يمة يبه تعالوا شوفوا .. تعالوا شوفوا عمي وش يسوي فيني
اخذت اهذي بالكلام واحس الدنيا ضايقة علي ... احس اني مخنوووووق
وصلت حارتنا الساعة 3 الظهر باقي مااذن العصر
لكن تفاجأت ... لقيت شهد وماسك يدها واحد ويمشي معها
ركضت لين وصلتهم لقيت اللي مع شهد سعود
يوم شافني
سعود :: عرفت انها اختك مسكينه تشبهك
مارديت عليه والتفت لشهد شكلها كانت تبكي وتوها ساكته ولاحظت ان خدها احمر اكيد القشرا مرة عمي من غيرها
قال سعود
سعود :: لقيتها ضايعة وتبكي وبغيت اوصلها لبيتكم
بيتنا كان اخر الحارة مسكت شهد ومشيت فيها رايح للبيت
سعود :: اشوف معاك دروسك توك تجي من المدرسة ؟؟
بعد مارديت عليه
سعود :: وش رايك بالقصيدة ؟؟ حلوة صح ؟؟
فارس :: ....................................
سعود :: ياخي كأنه يتكلم عنك
فارس ::...................................... ..
سعود :: ياخي ماشاء الله عليك رغم ظروفك الا انك دايما تنجح تصدق انه انا المفروض بثاني جامعة بس اسقط
فارس :: حاسدني .. تبي تاخذ مكاني خذه مابيه
سعود :: لا اعوذ بالله
فارس :: ........................................ .
سعود:: وشفيك كل شوي تمسك بطنك
فارس :: مافيني شي
فجأة تدخلت شهد :: عمي قبل يوميــ
وجريت شعرها علشان تسكت
سعود :: رح للحمام طيب لا تسويها علينا
ضحكت شهد اظنها تتخيل
بعد شوي قال سعود
سعود :: فارس انت لك خوال ؟؟
فارس :: ايه
سعود :: طيب ليه ماتروح لهم مدام انك مانت مرتاح هنا ؟؟ هم وين ساكنين
فارس :: بالرياض ... وعمي مانع خوالي انهم ياخذوننا اصلا انا ماعرفهم زين ماعرف الا اسمائهم
سعود :: طيب رح لهم خلاص انت الحين رجال
فارس :: مامعي سيارة
سعود :: بسيطة .. اسرق سيارة عمك
سعود لو يدري اني ماطلعت بطاقة احوال الى الحين بيضحك علي وبيعلم الشباب و بيتطنزون علي اكثر .. انا اسمي الى الحين بكرت العايلة وعمي ماهو مهتم فيني عشان يطلع لي بطاقة احوال
قلت مرة ثانية
فارس :: مامعي سيارة
سعود :: ايه فهمنا .. اقول اسرق سيارة عمك
فارس :: انت خبل تبغى الشرطة تمسكني
سعود :: اختك الكبيرة تلبس عباة صح ؟؟
فارس :: شكلك ناوي على حرش ياسعود شف تراني متعود على الطق تبغى تتظارب .. يله .. ماعندي مانع
سعود :: بسم الله وش قلت انا الحين
فارس :: وش تبي في اختي تسأل عنها
سعود :: علشان اعلمك وشلون تروح للرياض بسيارة مسروقة ... والا ماتبي تروح لهم ؟؟
فارس :: الا
سعود :: اختك تلبس عباة صح ؟؟
يقصد عباة على الراس
فارس :: اختي بثالث متوسط وماتطلع الا للمدرسة وطبيعي تلبس عباة على الراس
سعود :: اجل حلو ... خذ اخوانك .. والتفتيش اذا شافوا معك حرمة عليها عباة يأشرون لك يعني خلاص امش بدون مايفتشون .. انا عدة مرات صارت معي كذا اروح للرياض اذا صرت لحالي يطلبون رخصتي واذا صارت امي او وحدة من اخواتي اللي يتغطن معي مايفتشون .. ويأشرون لي يعني خلاص رح
فارس :: بس انا اذا سمعت كلامك عمي بيبلغ علي قبل اوصل الرياض واصلا مادري وين ساكنين خوالي بالضبط
سعود :: كيفك انا علمتك وانت كيفك .. مع السلامة
وراح سعود لبيته قلت لشهد
انا :: وانتي مايوصلك الا ذا
شهد :: كنت ادورك
فارس :: ليش تدوريني ضايع انا
شهد :: عمتي ضربتني
فارس :: وش قلت انا لاتقول لها عمتي فااااهمة
شهد :: زين
عطيتيها كتبي وشلتها
انا :: شهد هذا لا تروحين معه مرة ثانية هذا وصخ .. سوا فيك شي ؟؟
شهد :: ايه
انا هنا فرت وبغيت الحق سعود واذبحه .. الكلب النذل والله لاوريه الحقير...
انا :: وش سوالك قولي ؟؟
شهد :: وداني للبقالة وشرالي هذا
وورتني كوكاو كتكات
استغفر الله شكيت في الرجال
انا :: طيب وصلنا البيت كوليه قبل ندخل البيت اذا دخلناه ماكملتيه
ونزلتها وخذت كتبي عنها .. طولت وهي الى الحين باصبع واحد جلست على عتبة البيت احتريها وسمعت يأذن لصلاة العصر
انا :: شهد يلة سنة تاكلين
شهد :: مابيه يخلص حلو طعمه
مسكينة شهد .. وياسر بعد .. ماتهنوا بطفولتهم انا يوم اني بابتدائي كنت عايش طفولتي وكنت اللي ابيه اخذه ... العاب وحلويات وكل شي حلو
قلت لشهد عشان تخلصني .. تعبان وجوعان ماتغديت ولا افطرت حتى ... قلت لها
انا :: طيب يله بسرعة ياشهد عمي الحين بيطلع
فعلا خافت وبدت تاكل بسرعة مع ان عمي مايضربها لكن يكفي تتعقد لأنها دايما تشوف اخوانها الكبار ينضربون على يد هالعم
ياسر هو الوحيد اللي عايش حياته احسن منا
يذكرني بتصرفاتي يوم كنت بابتدائي
ياسر كل وقته بالشارع واكثر الاحيان القاه ببيت فيصل يلعب مع اخوان فيصل اللي كبر ياسر
طلع عمي عشان يروح يصلي ماكلمني ولا كلمته ولا سلمت عليه
مرت ايامي ثقيله
وقربت الامتحانات النصفية وكان ايامها شتاء برررد
ايام ماكنا بالدمام ماكنت احس بهالبرد هالكثر شكل برد بريدة اقوى من برد الدمام
او يمكن هنا مالي كوت او فروة مالي الا كوت واحد وله ثلاث سنين بعد ... اما بالدمام اذكر كانت امي تلبسني تخليني دبه من كثر اللبس وفوقه الكوت
حاولت اتفرغ لامتحاناتي اكثر ولازم احاول اخلي اختي ماتسقط .. شهد وياسر الحمد الله نجحوا وعطلوا
باقي انا واختي وبنات عمي
انا واختي علينا يوم السبت امتحان رياضيات
اما بنات عمي مدري عنهن و ان شاء الله يسقطن ابغاهن يذوقن اللي يذوقنه اختي كل سنة
وانا وهي لازم ننجح وخاصة اختي مابيها تسقط ... شكلي بانفذ كلام سعود ونكمل النصف الثاني بالرياض ان شاء الله
كنت بغرفتي اذاكر رياضيات دخلت علي اختي تشتكيلي من مرة عمها
اختي :: فارس عجزت اذاكر
انا :: ليش ... صعب ؟؟
اختي :: لا اصلا ماذكرت شي واليوم الجمعة
انا :: طيب ليه ماذكرتي
اختي :: القشرا دايما ترسلني ماتخلي لي فرصة اذاكر قومي سوي الغدا قومي سوي العشاء سويلي شاهي سويلي
قهوة ... اذتني
انا :: وش تبيني اسوي ... اذا تهاوشت معهم بيطردوني وان طردوني وين تبيني اروح بهالبرد ... مالي مكان انام فيه
اختي :: لا انــ ..........
ماكملت كلامها بكت
بعد شوي قلت لها
انا :: طيب روحي ذاكري بغرفة البنات احسن لك
قالت اختي ويالله يالله اميز كلامها من صياحها
اختي :: البنات مستحلات الغرفة
انا :: طيب خلاص روحي هاتي دروسك وذاكري عندي بالغرفة
اختي :: واخلي شهد لحالها ياسر ببيت ابو فيصل اما شهد اخاف عليها من عمتي
انا :: عمة في عينك ...
اختي :: ......................
انا :: طيب هاتي شهد هنا وخلصينا نبي نذاكر ماباقي شي ولازم ننجح هالسنة لازم
اختي :: وليش يعني لازم انا يمكن اسقط كالعادة
انا :: روحي هاتي شهد بس
اختي :: زين ابروح اجيب شهد واجيب دروسي واجي زين
انا :: زين
وراحت ... عجزت لاذاكر كل شوي افكر بكلام سعود
خذت عشر دقايق واختي ماجت لا هي ولا شهد
اكيد ارسلوها بشي ... اخذت دروسي ناوي اذاكر هناك ... خلوني أذيهم مثل مايأذوننا هن يتغطن عني ولا يدانني اقعد عندهن .. اقعد على قلوبهم احسن
وفعلا لقيت اختي المسكينة في المطبخ ... رحت لها ووقفت عند باب المطبخ
انا :: كل ذا تجيبين دروسك .. وين رحتي ؟؟
اختي :: عمتــ اقصد القشرا تبيني اسويلها شاهي
الفتت لمرة عمي
انا :: هالحزة شاهي
مرة عمي :: والله عاد كيفي
قلت لاختي
انا :: خليه لا تكملينه تبي تشرب شاهي هي تسويه والا ترسل وحدة من بناتها
اختي :: ماعليه فارس مايطول الحين يخلص
انا :: اقول خليه وروحي ذاكري
طلعت من المطبخ وجلست بالصالة جت اختي وجلست عندي ومعاها دروسها
عصبت مرة عمي واخذت تهاوش وتصارخ علينا
هي الحين ماتقدر تضربني .. اصلا ماتقدر تلمسني مايصح تلمس شاب غريب عليها مو مثل ماكنت صغير كانت تضربني وتكسر عصى المكنسة علي
الحين تتغطى عني وصعب عليها انها تضربني
المهم اخذت تهاوش ... الصراحة عجزنا لا نذاكر من صراخها ... ول كل هذا علشان شاهي
قلت لاختي بصوت واطي
انا :: صدعت راسي هذي وش رايك نروح للمجلس
اختي :: طيب وبناخذ شهد
انا :: اكيد
مرة عمي حاولت تضرب اختي او شهد لكن كنت ادافع عنهن ولا تقدر توصلهن
ورحنا للمجلس ... الله يازين الهدووووء
قعدنا نذاكر لين جت الساعة 12 بليل
انا استغربت سكوت مرة عمي .. مالحقتنا عشان تذينا كالعادة
المهم انا قربت اخلص لكن اختي باقيلها واجد
ارسلنا شهد تروح تشوف ياسر جا او لا وقالت انه جا ونايم بغرفتي
المهم قعدنا نكمل مذاكرة
جت الساعة 1 وحنا باقي نذاكر
فجأة دخل علينا عمي معصب ووراه مرة عمي
رفع عمي فلوس كانت بيده عرفت انها فلوسي اللي عطتنياهم اختي الكبيرة بزيارتها الاخيرة لنا
قال عمي :: يالحرامي من وين لك هالفلوس سارقهن هااااه ... 2000 يالحرامي تسرق الفين
هن اصلا كانوا 3000 كنت اصرفهن لي ولخواني فسحة وعشا اذا مر علينا يوم ماتعشينا فيه
عاد عمي كلامه
عمي :: قل من وين لك هالفلوس ؟؟
قالت مرة عمي
مرة عمي :: اكيد سارقهن منك يعني من وين
انا :: وين لقيتوهم
مرة عمي :: بغرفتك يالحرامي وين بعد
انا :: انتي كولي تبن انتي الحرامية ليش تدخلين غرفتي
قالت مرة عمي لعمي :: سامع قليل الادب
اختي مسكت يدي خايفة وشهد ركضت يمنا واندست وراي
قال عمي :: قم اطلع برا .. مابي اسكّن حرامي ببيتي
اوووووه هذا اللي خايف منه ... انه يطردني
قالت اختي تترجاني
اختي :: فارس لا .. لا تطلع الله يخليك
انا :: عمي صدقني ماسرقت شي هذي فلوسي عطتنياهم فلانة (( اقصد اختي الكبيرة ))
مرة عمي :: اخص يالكذوب .. حرامي وكذوب بعد
انا :: انتي لا تدخلين
جا عمي لي واخذ يجرني للباب علشان اطلع وهو يسب ويضرب
قلت له اترجاه
انا :: الساعة 1 وين تبيني اروح
عمي :: لـ ابليس ...
انا :: هااااه ... طيب انت ابليس خلني اجلس
عمي :: وش قلت ؟؟ .. انا ابليس .. لا ياقليل الادب
مسكني مع شعري وعطاني كف ماشفت اقوى منه ... زاد من صداع راسي
وطلعني بالشارع وقفل الباب
جلست على عتبة البيت واسمع اصواتهم يهاوشون اختي الله يستر لا يضربونها
وين اروح الحين ؟؟
اخذت ربع ساعة وانا جالس ... بررد عجزت لااحتمل
رحت لبيت فيصل .. اذينا فيصل واهله قبل شوي عندهم ياسر والحين انا
وبعدين فيصل صاير مايطلع واجد من بيته يقول عندهم دي اس ال مدري وش هالدي اس ال
اللي يخلي الناس ماتطلع من بيتهم
الله ياخذ الناس والدي اس ال بعد
طقيت الجرس وطلعلي واحد من اخوان فيصل
اخو فيصل :: هلا فارس .. وشفيه فمك فيه دم .. اشوف ... لا اشوى شكل الدم من برطمك .. وشفيك ؟؟
انا :: مافيني شي .. وين فيصل ؟؟
اخو فيصل :: الحين اناديه .. حياك ادخل
انا :: لا ماله داعي ابي فيصل شوي
اخو فيصل :: لا لا حياك ادخل
انا :: ياهو نشبه انت .. ماتفهم .. نادلي فيصل وخلاص
اخو فيصل :: بسم الله طيب لا تدف
وراح .. بعد شوي جاني فيصل
فيصل :: هلا فارس .. وشفيك .. فيك دم هنا
انا :: مافيني شي
فيصل :: ايه هين مافيك شي .. خلصت مذاكرة ؟؟
انا :: لا باقيلي درس .. وانت ؟؟
فيصل :: ايه خلصت والحين قاعد على النت ههههه
انا :: وشفيك صاير ماتطلع كل هذا على النت حقك
فيصل :: ههههه ياخي منه القى صيده اسهل من السوق ههههه
انا :: طيب عطني سيارتك وانت رح لصيدتك .. على كيفك
فيصل :: ليه وين بتروح الحين ؟؟
انا :: بروح لاستراحة الشباب اللي عرفتني عليهم ذيك المرة اللي قعدت عندهم ثلاث ايام
فيصل :: ليش فارس ؟؟
انا :: ..............................
فيصل :: طردك .. صح ؟؟
انا :: .........................
فيصل :: طيب خلاص بروح اجيب المفاتيح الحين
وراح وبعد شوي جا وعطاني المفاتيح
فيصل :: غسل وجهك لا تروح للشباب كذا
انا :: فيصل وشلون تروح للامتحان بكرة .. يمكن ماقدر ارجع لك السيارة بدري
فيصل :: لا ما عليك اباخذ سيارة واحد من اخواني ماعليك انت .. والسيارة لا ترجعها لين تقضي منها
انا :: مشكور فيصل .. جزاك الله خير
فيصل :: ولو للطيبين ... يله برررب
انا :: وش ؟؟
فيصل :: هههههه لا ولا شي
ركبت سيارة فيصل ..
ادري ان الكلمة الاخيرة اللي قالها مصطلح بالانترنت ماني غبي انا .. اصلا الشباب بالمدرسة طايحين بهالمصطلحات ... تم بنجاح .. حاول مرة اخرى ... تسجيل خروج ... انت مشرف وانت عضو
حسبي الله عليك ياعمي خليتني كأنني جاهل بين اصحابي .. و شردتني وجوعتني
ياربي وش يسوون باختي الحين .. ابي اعرف ..
جلست بالسيارة وماتحركت .. ناوي احتري الفجر اكيد بتروح للمدرسة ابي اتطمن
نمت بالسيارة لكن ذبحني البرد عجزت لانام زين ... انام شوي واقوم من البرد وارجع انام
واخيرا جا الفجر شفت عمي يطلع رايح يصلي .. انا من بعد ماتعرفت على شباب الاستراحة تركت الصلاة ويالله ويالله رجعت اصلي والحين ابرجع لهم .. الله يستر
.. صليت بمسجد ثاني علشان مايشوفني عمي
رجعت للسيارة وقعدت احتري اختي .. شفت ابو فيصل يطلع .. ونزلت راسي علشان مايشوفني بسيارة ولده
بعد ماراح .. تذكرت اني لازم اخفي نفسي والسيارة عن انظار فيصل مالي نفس اكلم احد
وقفت السيارة بمكان مايشوفه فيصل ولا اخوانه ورجعت مشي لبيت عمي احتري اختي تطلع
لكن هذي تأخرت ماطلعت وانا لازم اروح للمدرسة بيفوتني الامتحان
احتريت شوي بس ماطلعت .. ياربي وش صار فيها ..
صار لازم اروح الحق على الاختبار
رحت واختبرت وعلى طول طلعت من المدرسة وماكلمت احد من زملائي
بحاول اشوف اختي خايف عليها مدري وش صار فيها
دخلت الحارة والحمد الله لقيت ياسر يلعب بالشارع مع عيال الحارة
لما شافني جاني يركض قلت له
انا :: عمي بالبيت ؟؟
ياسر :: لا
انا :: اشوى الحمد الله
ياسر :: الكلب والسلقة والجروات كلهم طلعوا رايحين للسوق
ضحكت على ياسر
انا :: حلوة .... من وين جبت هالكلام انت هههههه
ياسر :: من هذا
واشر على واحد كان يشوفنا ... وكان سعود ... سعود ماعلّم ياسر عن عمي واهله بهالتشبيه الا انه عارف عن معاناتي انا واخواني ببيت عمي
قلت لياسر اسأله ليه راحوا للسوق بهالوقت
انا :: صدق خبول ... الناس امتحانات وهم يرحون للسوق
ياسر :: الجروات اسمعهن يقولن لعمي حنا ماشرينا شي لعرس خالهن مدري خالتهن
انا :: حلو .. يعني البيت مافيه احد منهم الحين ؟؟
ورحت امشي بسرعة للبيت .. اخاف يجي عمي الحين واتورط ..
كان بيتنا اخر الحارة ولازم امر على سعود
سعود :: اشوف سيارة فيصل معك ... فيصل وينه
انا :: مدري
سعود :: وشلون ماتدري ؟؟
مارديت عليه انا مستعجل وهو فاضي
دخلت البيت ادور اختي وشهد
دورتهم بسرعة مالقيتهم .. استغربت .. رحت لغرفتي بعد مالقيتهم
رحت للمجلس .. وشفت المجلس على حاله
كتبي وكتب اختي طايحات بالارض
واختي جالسة تبكي وشهد نايمه و متلحفات ببطانيتي
اختي اول ماشافتني جت ركض وتمسكت فيني
وماقالت شي .. قعدت تبكي
انا :: رحتي للمدرسة ؟؟
اختي :: لا ... ماخلوني اروح
انا :: ليش .. لازم تنجحين .. اذا مانجحتي بنقعد هنا النصف الثاني بعد .. خبلة انتي
اختي :: مابي انجح .. مابي شي .. ابي اموت وبس
سكت اكيد مسوين فيها شي
انا :: ليه وش سووا لك البارحة بعد ماطلعت ؟؟
اختي :: عمي هاوشني اما مرة عمي ضربتني بالعصا .. شف
وورتني يدها وذراعها
سكت وانا شوي وببكي
انا :: ليه ضربوك انا يقولون اني سرقت .. انتي ليه ...
وعجزت اكمل خنقتني العبرة
اختي :: تقول ليه ماسويتيلي الشاهي ليه طعتي فارس وما طعتيني
بكيت غصبا عني وضميتها لي
انا :: هي ماقصدها الشاهي هي تبي تضرب وبس
اسمعها تبكي .. اختي مسكينة .. ياويلها اذا قالت لا
و اللا اللي امس سببه انا
رحت لشهد وحبيتها ورجعت لاختي
انا :: شوفي ... لازم اطلع الحين ... اذا صار شي قولي لياسر يقول لفيصل يعلمني .. فيصل يعرف مكاني
اختي :: ليه انت وين مكانك ؟؟
انا :: انا قاعد باستراحة
اختي :: خذنا معك امانة فارس خذنا معك
انا :: كلهم شباب
احتي :: مافيه قسم نساء ؟؟
انا :: انا بروح اقول لياسر مايطلع علشان يقعد عندك
اختي :: لا .. خله برا ارحمله من هنا .. وافكر بعد اخلي شهد تلعب طوال اليوم بالشارع احسن لها
تذكرت سعود وحركاته الوصخة
انا :: لا .. لا تخلينها تلعب بالشارع ... قولي لها تلعب ببيت ابو فيصل مع بناته احسن لها .. ببيت ابو فيصل .. بالبيت مب بالشارع .. فهمتي ؟؟
اختي :: زين
قاهرني حال اختي حنا كلنا نقدر نطلع الا هي ... حنا لنا امل ناخذ ساعة ساعتين نرتاح من خشش عمي واهله
قلت لها
انا :: خلاص مثل ماقلت .. اذا صار شي قولي لياسر يقول لفيصل يعلمني .. زين
وطلعت بسرعة من البيت
بالشارع لقيت سعود بعده واقف بالشارع ..
ناداني ... واصلا انا لازم امره علشان اروح لسيارة فيصل
سعود :: فويرس شف شف
وطلع جواله يوريني صورة بجواله ... لما شفت الصورة انهبلت .. صورة حرمة عارية
انا :: من وين لك هذي ... حراااام
سعود :: هههههههههه
سكت عنه ورجعت للبيت ورجعت لاختي اقول لها
انا :: ان خليتي شهد تروح لبيت ابو فيصل ياويلك ... فاهمة
اختي :: ليش فارس احسن من هنا
انا :: سمعتيني والا لا ؟؟
اختي :: طيب طيب سمعت
طلعت من البيت مرة ثانية ورحت لياسر مااقدر اروح للاستراحة الحين لين يرجع عمي للبيت خاصة ان سعود يدري ان البيت مافيه الا اختي وشهد
قلت لياسر
انا :: ياسر خلك بالبيت لاتطلع منه واجد زين ؟؟
ياسر :: ليه ؟؟ ابي العب
انا :: معليش لين ارجع بس
ياسر :: ومتى ترجع ؟؟
انا :: مدري ... شف انا ابروح اذا جا عمي .. لكن شف .. اذا صار شي قل لفيصل علشان يعلمني .. زين ؟؟
ياسر :: زين
فجأة دخلت سيارة عمي الحارة .. انا سحبت ياسر معاي واندسيت عنه ورا وحدة من السيارات ... وسعود يشوفنا
احتريت لين يدخلون عمي واهله للبيت ... ورحت للاستراحة .. والصورة اللي شفتها بجوال سعود عيت تطلع من بالي
اول مرة اشوف هالصور ...
مر علي يومين وانا باستراحة الشباب كلهم يقطون الا انا .. سامحيلي الشباب اقعد معاهم بدون ماادفع شي
عرفت ان الشباب بعضهم طلاب جامعة وبعضهم طلاب ثانوية
كنت جالس معهم لكن ساكت .. هالشباب مايملون كله لعب وضحك وتعليقات وسوالف ماتخلص
ازعاج وانا احس حرارتي هاليومين مرتفعة ...
اسمع تعليقاتهم ... وانا اتأمل فيهم .. غريب امرهم .. ليش يجون الاستراحة مع ان لهم ام واب
انا لي يومين ماطلع واجد من الاستراحة ... سيارة فيصل ماكان معي شي علشان اعبيها بنزين .. لكن حمدت ربي ان سيارته جديدة وكشخة وبعض شباب الاستراحة اذا حبوا يروحون للسوق او أي مكان يطلبون مني بعض الاحيان سيارة فيصل .. وانا اسلمها لهم مو لسواد عيونهم ... اسلمها اذا شرطت عليهم انهم يعبونها .. والحمد الله
اما المدرسة صرت ماروح لها مدام ان اختي سقطت ليش اتعب نفسي واروح انا كنت مخطط اننا نروح للرياض بعد ماننجح عشان نكمل النصف الثاني هناك مع ان مالي لا بطاقة احوال ولاشي لكن بنفذ كلام سعود .. وان شاء الله نوصل الرياض بسلام
كان واحد من الشباب يجي من عنيزة يوميا ويعقد شوي عندنا ويروح
بعد مرور اليوم الثالث علي وانا بعيد عن اخواني
كنت جالس مع الشباب غناء وطبل ودخان .. فجروا راسي بهالاغاني وانا حرارتي مرتفعة احس بتعب
في الليل جا هذا ولد عنيزة وقعد يقول لنا موقف مع امه صار لهم وهم جايين من عنيزة
امه على حد كلامه كانت تبي تزور وحدة ببريدة.. لكن صار عليهم حادث بسيط وطلعوا سالمين منها وهو الحين قاعد يقص على الشباب الموقف
تذكرت امي ... آآآآآه يايمة
طلعت من الغرفة اللي فيها الشباب مابي اسمع شي ... امه سلمت اما امي انا لا ...
وقعدت بلحالي بحديقة الاستراحة
بعد شوي جاني ولد عنيزة .. ماعرف اسمه
ولد عنيزة :: هلووووووووووو ابو الشباب هههه
انا :: .......................
ولد عنيزة :: لي فترة اشوف سيارة فيصل معك وهو مااشوفه ... وينه
انا :: ...........................
ولد عنيزة :: صايرن مااشوفه فيصل .. مريت بيته قبل اجي ولا لقيته
انا :: ...................
ولد عنيزة :: ماتلاحظ اني اكلملي جدار ؟؟
انا :: الحمد الله على سلامة امك
ولد عنيزة :: الله يسلمك .. تصدق شكيت انك اطرم
انا :: تعرف فيصل انت ؟؟
ولد عنيزة :: ايه فيصل ولد خالتي
انا :: ماعمري شفتك بالحارة
ولد عنيزة :: ماحب حارتكم ... انت فارس .. صح ؟؟
انا :: ايه .. وش اسمك انت ؟؟
ولد عنيزة :: خالد تقدر تدلعني خلودي هههههه
انا :: ماتضحك
و قمت عنه احس اني تعبان وابي انام
لأننا بوقت امتحانات الشباب مايسهرون واجد والاستراحة تصير فاضية من الفجر الى العصر
انا صرت ماقدر اقوم من فراشي حرارتي مرتفعة
في الليل الشباب ماقصروا اللي يجيبلي بندول واللي يحاول يخليني اكل واللي يلحفني بعضهم يلحفني بفروته .. حتى الاغاني صاروا مايسمعونها الا في غرفة ثانية علشان مايزعجوني .. اما خالد يغصبني اروح للاسعاف علشان اخذ مغذي او أي شي
تحسنت صحتي لكن مر علي اسبوع وانا بالاستراحة والتفكير باخواني ذبحني .. مدري عنهم شي .. اكيد جواعنين وبردانين .. واختي اكيد جوعانه وبردانه وتعبانة من شغل البيت .. ليت الاستراحة هذي لي علشان اجيبهم نعيش هنا بسلام
واخذت طوال الليل وانا افكر فيهم وقررت اروح لهم الصبح اذا ذلف عمي لشغله
احتريت لين جت الساعة عشرة الصباح
ورحت للحارة بس ماشفت ياسر .. كان على بالي اني ابشوفه يلعب بالشارع كالعادة
جيت ابدخل البيت لكن لقيته مقفل وانا مامعاي مفتاح .. ورجعت للاستراحة ناوي ارجع المغرب .. انا لازم اشوف اخواني اليوم .. لازم
الاستراحة فاضية .. اليوم السبت اخر اسبوع من امتحانات الثانوية ..
عجزت لارتاح ابي اشوف اخواني .. اسبوع .. اسبوع ماشفتهم .. وهم محتاجين لي
احترت مدري وين اروح .. والمغرب عيا لايجي
حسيت الدنيا صغيرة علي من الهم .. لا بيت ولا فلوس ولا شي واخواني كاسرين ظهري خاصة اختي .. ياسر اكيد يروح لبيت ابو فيصل او يلعب بالشارع طوال اليوم وشهد تدافع عنها اختي لكن اختي من لها سند غيري وسندها متشرد
الحمد الله اخيرا اذن المغرب .. طيران لبيت عمي ابنتظر عمي لين يطلع يصلي وبعدين ادخل البيت
وصلت الحارة واحتريت شوي لكن عمي ماطلع .. قوموا للصلاة وعمي الى الحين ماطلع
لقيت باب البيت مقفل
ماقدامي حل الا اني اتسلق الجدار .. والناس بالمسجد الحين .. ركبت على سيارة فيصل وبعدها تسلقت الجدار وطبحت كأني حرامي
بررررد
لكن تفاجأت .. لقيت اخواني ياسر وشهد يبكون بالحوش ويتنافضون من البرد
هم خافوا مني على بالهم اني حرامي لكن بعد ماميّزوا اني اخوهم جولي ركض وتمسكوا فيني بقوة .. اطرافهم ووجيهم كانت باردة زادت من برودة جسمي .. حاولت ابعدهم عني شوي علشان اكلمهم لكن متعلقين فيني بقوة
وكل واحد منهم يجر طرف كوتي علشان يتدفى
قلت لهم اسألهم
انا :: ليش انتم برا بهالبرد ؟؟
ماردوا علي يتنافضون ويبكون ويهذون بالكلام مدري وش يقولون
ضميتهم لي اكثر احاول ادفيهم لكن انا بنفسي بردان
انا :: ياسر شهد ليش انتم بالحوش ؟؟
قال ياسر وهي يبكي
ياسر :: الصباح ارسلتني عمتي للبقالة وانا نسيت ورحت العب انا وشهد ورحنا لبيت ابو فيصل ونسيت ماجبت الخبز .. صدقني فارس نسيت
انا :: طيب هذا الصبح .. وحنا الحين المغرب
ياسر :: عيت تدخلنا البيت وقالت ياويلكم اذا طلعتم للشارع
شهد :: فارس انا جوعانه
ياسر :: وانا بعد
فار دمي وعصبت
انا :: والخبلة اختكم وينهي ليه ماتدخلكم ؟؟
ياسر :: مدري
قمت ورحت امشي بسرعة رايح لباب البيت الداخلي لكن كان مقفل .. ورحت لدريشة المطبخ واخواني وراي
من دريشة المطبخ .. شفت اختي بالمطبخ تمسح دموعها وهي تطبخ العشاء مدري تغسل الصحون ..
صرت بدل مااحس بالبرد احس بالحر ... منظر اختي زاد من عصبيتي ..
انا :: مااكون فارس ان ماوريتكم .. ان ماوريتك ياعم انت واهلك .. هين .. هين
صرت كأني اركض وانا رايح لدريشة غرفتي واخواني يركضون وراي
لقيت بالحوش مكنسة .. واخذت عصاها بس
دخلت البيت عن طريق دريشة غرفتي ودخلت اخواني بعد عن طريق الدريشة .. والعصا مازالت معاي
مشّوت مااشوف دربي .. ولد عمي صغير عمره سنتين كان على طريقي وانا ماشي
دزيته متعمد وطاح على خشمه وقعد يبكي
وصلت لهم
بنات عمي ثنتين اللي يتغطن عني ركضن لوحدة من الغرف وطلعن وهن متغطيات
اما مرة عمي لما شافتني تغطت بشيلتها وقالت
مرة عمي :: فويرس .. وش جابك يالصايع ؟؟
انا :: ومن خلاني صايع غيرك ؟؟
مرة عمي :: اطلع برا اشوف .. فارق
اختي اول ماسمعت صوتي جتني
اختي :: فارس وينك اسبوع ماجيت
لكن اول ماشافت ياسر وشهد راحت لهم تضمهم
سألت مرة عمي .. وانا اهز العصا قدامها
انا :: وين عمي ؟؟
مرة عمي :: مالك دخل .. اطلع برا
انا :: اطلع برا .. هااااه .. على كيفك هو .. وين عمي ؟؟
قالت اختي :: عمي مسافر له يومين واليوم اتصل يقول انه بيجي اليوم
انا :: حسافة كنت ناوي اخلّص عليه هو الاول ..
الحريم كلهن شهقن حتى اختي .. و تمنيت روح مرة عمي تطلع مع شهقتها
قلت لمرة عمي وانا اهز العصا
انا :: ليش مطلعة ياسر وشهد برا بهالبرد .. هاااه ؟؟
مرة عمي :: ........................
قال ياسر :: فارس نسيت .. علمتك انا .. علشان نسيت اجيب خبز
قلت لمرة عمي :: تبين خبز .. هاااه ؟؟ انا اعلمك وشلون تبين خبز ..
ورحت لمرة عمي وكشفت غطوتها وسحبت الشيلة عنها
وقعدت اضربها بالعصا .. قاومتني بالبداية وبعدين ضعفت .. وصرت اضرب واضرب
الصغيرة من اللي يتغطن من بنات عمي على طول انهارت وجلست بالارض تبكي .. جعلها ماقامت هذي راس المشاكل ودلوعة امها وابوها
اما الكبيرة الي اكبر مني بسنة .. تحاول تدافع عن امها ادزها وترجع .. ادزها وترجع .. اذتني ماخلتني اتفرغ لامها اكثر
انا بالبداية على بالي انها تهمزني اثرها تضربني دفاعا عن امها .. ادزها وترجع ..
ما تفرغت لامها الا لما تجاشرت اختي مع بنت عمي الكبيرة وياسر يساعد اختي بضرب بنت عمهم ..
ورجعت اضرب مرة عمي اكثر .. حسيت اني مجرم .. لكن هي اكثر اجرام مني .. مارحمتني يوم محتاج
اختي :: فارس اخاف يجي عمي الحين .. اطلع الله يخليك
بنات عمي لهن جوالات كاميرا جدد سألت اختي
انا :: وين الجوالات ؟؟
راحت اختي وجابت جوالات بنات عمي وكان الجوالات ثنين بس .. لان مرة عمي ماطلعت جوال
قالت اختي
اختي :: اظن واحد فيه شحن بس الثاني مقطوع
اخذت الجوالات ناوي ابيع واحد واخذ الثاني يمكن احتاجه ورحت للتلفون وقطعت السلك .. شفت الكمبيوتر اللي بالصالة موصل بسلك شوي كبير .. ماكان موصل بسلك قبل يتهموني بالسرقة ويطردوني .. استغربت
سألت اختي بسرعة
انا :: وش السلك هذا ؟؟
اختي :: سلك الدي اس ال
انقهرت انا متشرد وهم يشتركون بدي اس ال ويمكن بالـ 2000 حقاتي
رحت للكمبيوتر وكسرت الشاشة لكن تحسفت بسرعة .. لو ماخذه ابيعه .. لكن فات .. وكملت عليه وقطعت اسلاكه
قالت اختي
اختي :: فارس ياخبل .. اطلع يمكن يجي عمي الحين
انا :: روحي البسي عباتك .. بنطلع كلنا
اختي :: هااااه
ولأن اللي ببطنه ريح مايستريح قلت لها
انا :: خلي نفسك حرمة كبيرة والبسي العباه
اختي :: وشلون يعني اخلي نفسي حرمة كبيرة ؟؟
انا :: يوووووووووووه روحي البسي وانتي ساكته
راحت اختي ولبست عباتها ..
انا لازم احبس اهل عمي بمكان علشان مايبلغون علي بسرعة
المطبخ هي الغرفة الوحيدة اللي لها مفتاح بس يمكن يطلعون من الدريشة .. والله البلشة
قلت مافيه الا الحمام اجل .. دريشته صغيرة وبعيدة ..
مرة عمي كانت طايحة بالارض تتألم .. سحبتها وحطيتها بالحمام وطلبت من اختي تاخذ البنات وتدخلهن الحمام بعد .. قاومن اختي بالبداية وحاولن يضربنها لكن بهزة وحدة بالعصا اللي معي .. دخلن وهن مايشوفن الدرب .. اكيد خايفات يصير لهن مثل ماصار لامهن ..
ودخلت بزارين عمي الباقين .. اللي نايم مايدري وين الله حاطه .. واللي يبكي
دخلتهم كلهم بالحمام وقفلت عليهم الباب .. يقولون عمي بيجي بعد شوي .. خله يشوف من هو فارس .. وان ماوريته هو الثاني .. مااكون فارس ..
رحت لغرفة عمي ومرته .. لأني تذكرت اني لازم اخذ كرت العايلة حقنا واخذ الاوراق اللي ترجعلي حقي وحق اخواني
فتحت الدواليب ولقيت اوراق وملفات واجد والصراحة ماعرفت وش لازم اخذ علشان يثبت حقي
لكن اخذت كرت العايلة وهو الاهم .. منه اقدر اطلع لي بطاقة احوال و اتوظف وملفي بالمدرسة اقدر اسحبه ..
قالت اختي :: فارس وش ناوي عليه انت ؟؟
مارديت عليها ادور بهالاوراق والملفات
اختي :: فارس اخاف عمي يجي الحين
انا :: تراك اذيتيني بعمك انتي .. يالله امشوا خلونا نطلع
وطلعوا وراي .. ركبنا سيارة فيصل .. الشارع كان فيه عيال الحارة .. حاولت اخلي نفسي طبيعي .. قفلت الباب وراي .. وكأن شيئا لم يكن
وسمعته يأذن العشا ..
طلعت بالسيارة من الحارة .. مدري وين اروح .. لو اني بلحالي كان رحت للاستراحة لكن الحين معاي اخواني
صرت امشي بالسيارة مدري وين اروح ومدري وش اسوي .. لما انتبهت للبنزين كان باقيله الربع ..
مامعاي شي اعبي السيارة .. علشان كذا وقفت عند وحدة من الحارات البعيدة شوي عن حارتنا .. محتار مدري شسوي .. والمشكلة ماقدر اروح للرياض اخاف يجي عمي الليلة ويكتشف وش سويت باهله ويبلغ علي قبل اوصل الرياض
قلت لاختي خايف
انا :: انتي متأكدة انه بيجي اليوم ؟؟ يمكن قال بكرة ؟؟
اختي :: لا .. هو اتصل عليهم وقال انه بيجي اليوم .. حتى قالوا لي اني احسبه بالعشاء واسوي له قهوة
قال ياسر :: فارس اشترلنا شي ابي آكل
شهد :: وانا بعد
آآآآه مدري وش اسوي .. جوعانين ولا ادري وين ننام الليلة وسيارة فيصل معاي مااقدر اروح فيها للرياض بعد
ياربي شسوي
قعدت ساكت واختي بعد ساكته
وياسر وشهد يعلقون على الرايح والجاي ويسولفون بسوالفهم البريئة وكل شوي يذكروني انهم جوعانين
ضاق صدري .. وش اسوي اروح اتسلف علشان نستاجر ؟؟ .. بس من وين اتسلف .. فيصل يكفي اني ماخذ سيارته وسعود مابي اروح له ..
فجأة بكت اختي شكلها حست بضيقة صدري وبحيرتي
قالت :: فارس انت ماتدري وين تودينا .. صح ؟؟
ماقدرت اتحمل .. بكيت .. حاولت اقول لها اني مامعي شي علشان استاجر لكن عجزت اتكلم .. وقعدت ابكي
ياسر وشهد لما شافوا اخوانهم الكبار يبكون بكوا
مر علينا خمس دقايق تقريبا وحنا الاربعة نبكي .. نزلت من السيارة ضايق صدري .. محتار مدري وين اروح .. لكن حسيت ان مخباتي ثقيلة تذكرت الجوالات انها معي .. انا ماني متعود على الجوال والحين صار معي اثنين
رجعت للسيارة وقلت لاختي
انا :: ايهم اللي فيه شحن ؟؟
اختي :: هذا .. امس شفتهم شروا له بطاقة
انا :: اجل ابتصل بفهد ابخليه يجينا علشان ياخذنا للرياض .. ماعندي الا هالحل .............. ((اقصد زوج اختي الكبيرة اللي بالرياض ))
فرحوا اخواني كلهم
وقعد ياسر وشهد يتذكرون اختي وعيالها حتى اختي دخلت جو معهم .. اما انا تذكرت ان رقم اختي المتزوجة وزوجها تحت سريري يعني لازم ارجع للبيت .. بس يمكن وصل عمي وبلغ علي وين اروح .. الله يستر ..
وقربت الامتحانات النصفية وكان ايامها شتاء برررد
ايام ماكنا بالدمام ماكنت احس بهالبرد هالكثر شكل برد بريدة اقوى من برد الدمام
او يمكن هنا مالي كوت او فروة مالي الا كوت واحد وله ثلاث سنين بعد ... اما بالدمام اذكر كانت امي تلبسني تخليني دبه من كثر اللبس وفوقه الكوت
حاولت اتفرغ لامتحاناتي اكثر ولازم احاول اخلي اختي ماتسقط .. شهد وياسر الحمد الله نجحوا وعطلوا
باقي انا واختي وبنات عمي
انا واختي علينا يوم السبت امتحان رياضيات
اما بنات عمي مدري عنهن و ان شاء الله يسقطن ابغاهن يذوقن اللي يذوقنه اختي كل سنة
وانا وهي لازم ننجح وخاصة اختي مابيها تسقط ... شكلي بانفذ كلام سعود ونكمل النصف الثاني بالرياض ان شاء الله
كنت بغرفتي اذاكر رياضيات دخلت علي اختي تشتكيلي من مرة عمها
اختي :: فارس عجزت اذاكر
انا :: ليش ... صعب ؟؟
اختي :: لا اصلا ماذكرت شي واليوم الجمعة
انا :: طيب ليه ماذكرتي
اختي :: القشرا دايما ترسلني ماتخلي لي فرصة اذاكر قومي سوي الغدا قومي سوي العشاء سويلي شاهي سويلي
قهوة ... اذتني
انا :: وش تبيني اسوي ... اذا تهاوشت معهم بيطردوني وان طردوني وين تبيني اروح بهالبرد ... مالي مكان انام فيه
اختي :: لا انــ ..........
ماكملت كلامها بكت
بعد شوي قلت لها
انا :: طيب روحي ذاكري بغرفة البنات احسن لك
قالت اختي ويالله يالله اميز كلامها من صياحها
اختي :: البنات مستحلات الغرفة
انا :: طيب خلاص روحي هاتي دروسك وذاكري عندي بالغرفة
اختي :: واخلي شهد لحالها ياسر ببيت ابو فيصل اما شهد اخاف عليها من عمتي
انا :: عمة في عينك ...
اختي :: ......................
انا :: طيب هاتي شهد هنا وخلصينا نبي نذاكر ماباقي شي ولازم ننجح هالسنة لازم
اختي :: وليش يعني لازم انا يمكن اسقط كالعادة
انا :: روحي هاتي شهد بس
اختي :: زين ابروح اجيب شهد واجيب دروسي واجي زين
انا :: زين
وراحت ... عجزت لاذاكر كل شوي افكر بكلام سعود
خذت عشر دقايق واختي ماجت لا هي ولا شهد
اكيد ارسلوها بشي ... اخذت دروسي ناوي اذاكر هناك ... خلوني أذيهم مثل مايأذوننا هن يتغطن عني ولا يدانني اقعد عندهن .. اقعد على قلوبهم احسن
وفعلا لقيت اختي المسكينة في المطبخ ... رحت لها ووقفت عند باب المطبخ
انا :: كل ذا تجيبين دروسك .. وين رحتي ؟؟
اختي :: عمتــ اقصد القشرا تبيني اسويلها شاهي
الفتت لمرة عمي
انا :: هالحزة شاهي
مرة عمي :: والله عاد كيفي
قلت لاختي
انا :: خليه لا تكملينه تبي تشرب شاهي هي تسويه والا ترسل وحدة من بناتها
اختي :: ماعليه فارس مايطول الحين يخلص
انا :: اقول خليه وروحي ذاكري
طلعت من المطبخ وجلست بالصالة جت اختي وجلست عندي ومعاها دروسها
عصبت مرة عمي واخذت تهاوش وتصارخ علينا
هي الحين ماتقدر تضربني .. اصلا ماتقدر تلمسني مايصح تلمس شاب غريب عليها مو مثل ماكنت صغير كانت تضربني وتكسر عصى المكنسة علي
الحين تتغطى عني وصعب عليها انها تضربني
المهم اخذت تهاوش ... الصراحة عجزنا لا نذاكر من صراخها ... ول كل هذا علشان شاهي
قلت لاختي بصوت واطي
انا :: صدعت راسي هذي وش رايك نروح للمجلس
اختي :: طيب وبناخذ شهد
انا :: اكيد
مرة عمي حاولت تضرب اختي او شهد لكن كنت ادافع عنهن ولا تقدر توصلهن
ورحنا للمجلس ... الله يازين الهدووووء
قعدنا نذاكر لين جت الساعة 12 بليل
انا استغربت سكوت مرة عمي .. مالحقتنا عشان تذينا كالعادة
المهم انا قربت اخلص لكن اختي باقيلها واجد
ارسلنا شهد تروح تشوف ياسر جا او لا وقالت انه جا ونايم بغرفتي
المهم قعدنا نكمل مذاكرة
جت الساعة 1 وحنا باقي نذاكر
فجأة دخل علينا عمي معصب ووراه مرة عمي
رفع عمي فلوس كانت بيده عرفت انها فلوسي اللي عطتنياهم اختي الكبيرة بزيارتها الاخيرة لنا
قال عمي :: يالحرامي من وين لك هالفلوس سارقهن هااااه ... 2000 يالحرامي تسرق الفين
هن اصلا كانوا 3000 كنت اصرفهن لي ولخواني فسحة وعشا اذا مر علينا يوم ماتعشينا فيه
عاد عمي كلامه
عمي :: قل من وين لك هالفلوس ؟؟
قالت مرة عمي
مرة عمي :: اكيد سارقهن منك يعني من وين
انا :: وين لقيتوهم
مرة عمي :: بغرفتك يالحرامي وين بعد
انا :: انتي كولي تبن انتي الحرامية ليش تدخلين غرفتي
قالت مرة عمي لعمي :: سامع قليل الادب
اختي مسكت يدي خايفة وشهد ركضت يمنا واندست وراي
قال عمي :: قم اطلع برا .. مابي اسكّن حرامي ببيتي
اوووووه هذا اللي خايف منه ... انه يطردني
قالت اختي تترجاني
اختي :: فارس لا .. لا تطلع الله يخليك
انا :: عمي صدقني ماسرقت شي هذي فلوسي عطتنياهم فلانة (( اقصد اختي الكبيرة ))
مرة عمي :: اخص يالكذوب .. حرامي وكذوب بعد
انا :: انتي لا تدخلين
جا عمي لي واخذ يجرني للباب علشان اطلع وهو يسب ويضرب
قلت له اترجاه
انا :: الساعة 1 وين تبيني اروح
عمي :: لـ ابليس ...
انا :: هااااه ... طيب انت ابليس خلني اجلس
عمي :: وش قلت ؟؟ .. انا ابليس .. لا ياقليل الادب
مسكني مع شعري وعطاني كف ماشفت اقوى منه ... زاد من صداع راسي
وطلعني بالشارع وقفل الباب
جلست على عتبة البيت واسمع اصواتهم يهاوشون اختي الله يستر لا يضربونها
وين اروح الحين ؟؟
اخذت ربع ساعة وانا جالس ... بررد عجزت لااحتمل
رحت لبيت فيصل .. اذينا فيصل واهله قبل شوي عندهم ياسر والحين انا
وبعدين فيصل صاير مايطلع واجد من بيته يقول عندهم دي اس ال مدري وش هالدي اس ال
اللي يخلي الناس ماتطلع من بيتهم
الله ياخذ الناس والدي اس ال بعد
طقيت الجرس وطلعلي واحد من اخوان فيصل
اخو فيصل :: هلا فارس .. وشفيه فمك فيه دم .. اشوف ... لا اشوى شكل الدم من برطمك .. وشفيك ؟؟
انا :: مافيني شي .. وين فيصل ؟؟
اخو فيصل :: الحين اناديه .. حياك ادخل
انا :: لا ماله داعي ابي فيصل شوي
اخو فيصل :: لا لا حياك ادخل
انا :: ياهو نشبه انت .. ماتفهم .. نادلي فيصل وخلاص
اخو فيصل :: بسم الله طيب لا تدف
وراح .. بعد شوي جاني فيصل
فيصل :: هلا فارس .. وشفيك .. فيك دم هنا
انا :: مافيني شي
فيصل :: ايه هين مافيك شي .. خلصت مذاكرة ؟؟
انا :: لا باقيلي درس .. وانت ؟؟
فيصل :: ايه خلصت والحين قاعد على النت ههههه
انا :: وشفيك صاير ماتطلع كل هذا على النت حقك
فيصل :: ههههه ياخي منه القى صيده اسهل من السوق ههههه
انا :: طيب عطني سيارتك وانت رح لصيدتك .. على كيفك
فيصل :: ليه وين بتروح الحين ؟؟
انا :: بروح لاستراحة الشباب اللي عرفتني عليهم ذيك المرة اللي قعدت عندهم ثلاث ايام
فيصل :: ليش فارس ؟؟
انا :: ..............................
فيصل :: طردك .. صح ؟؟
انا :: .........................
فيصل :: طيب خلاص بروح اجيب المفاتيح الحين
وراح وبعد شوي جا وعطاني المفاتيح
فيصل :: غسل وجهك لا تروح للشباب كذا
انا :: فيصل وشلون تروح للامتحان بكرة .. يمكن ماقدر ارجع لك السيارة بدري
فيصل :: لا ما عليك اباخذ سيارة واحد من اخواني ماعليك انت .. والسيارة لا ترجعها لين تقضي منها
انا :: مشكور فيصل .. جزاك الله خير
فيصل :: ولو للطيبين ... يله برررب
انا :: وش ؟؟
فيصل :: هههههه لا ولا شي
ركبت سيارة فيصل ..
ادري ان الكلمة الاخيرة اللي قالها مصطلح بالانترنت ماني غبي انا .. اصلا الشباب بالمدرسة طايحين بهالمصطلحات ... تم بنجاح .. حاول مرة اخرى ... تسجيل خروج ... انت مشرف وانت عضو
حسبي الله عليك ياعمي خليتني كأنني جاهل بين اصحابي .. و شردتني وجوعتني
ياربي وش يسوون باختي الحين .. ابي اعرف ..
جلست بالسيارة وماتحركت .. ناوي احتري الفجر اكيد بتروح للمدرسة ابي اتطمن
نمت بالسيارة لكن ذبحني البرد عجزت لانام زين ... انام شوي واقوم من البرد وارجع انام
واخيرا جا الفجر شفت عمي يطلع رايح يصلي .. انا من بعد ماتعرفت على شباب الاستراحة تركت الصلاة ويالله ويالله رجعت اصلي والحين ابرجع لهم .. الله يستر
.. صليت بمسجد ثاني علشان مايشوفني عمي
رجعت للسيارة وقعدت احتري اختي .. شفت ابو فيصل يطلع .. ونزلت راسي علشان مايشوفني بسيارة ولده
بعد ماراح .. تذكرت اني لازم اخفي نفسي والسيارة عن انظار فيصل مالي نفس اكلم احد
وقفت السيارة بمكان مايشوفه فيصل ولا اخوانه ورجعت مشي لبيت عمي احتري اختي تطلع
لكن هذي تأخرت ماطلعت وانا لازم اروح للمدرسة بيفوتني الامتحان
احتريت شوي بس ماطلعت .. ياربي وش صار فيها ..
صار لازم اروح الحق على الاختبار
رحت واختبرت وعلى طول طلعت من المدرسة وماكلمت احد من زملائي
بحاول اشوف اختي خايف عليها مدري وش صار فيها
دخلت الحارة والحمد الله لقيت ياسر يلعب بالشارع مع عيال الحارة
لما شافني جاني يركض قلت له
انا :: عمي بالبيت ؟؟
ياسر :: لا
انا :: اشوى الحمد الله
ياسر :: الكلب والسلقة والجروات كلهم طلعوا رايحين للسوق
ضحكت على ياسر
انا :: حلوة .... من وين جبت هالكلام انت هههههه
ياسر :: من هذا
واشر على واحد كان يشوفنا ... وكان سعود ... سعود ماعلّم ياسر عن عمي واهله بهالتشبيه الا انه عارف عن معاناتي انا واخواني ببيت عمي
قلت لياسر اسأله ليه راحوا للسوق بهالوقت
انا :: صدق خبول ... الناس امتحانات وهم يرحون للسوق
ياسر :: الجروات اسمعهن يقولن لعمي حنا ماشرينا شي لعرس خالهن مدري خالتهن
انا :: حلو .. يعني البيت مافيه احد منهم الحين ؟؟
ورحت امشي بسرعة للبيت .. اخاف يجي عمي الحين واتورط ..
كان بيتنا اخر الحارة ولازم امر على سعود
سعود :: اشوف سيارة فيصل معك ... فيصل وينه
انا :: مدري
سعود :: وشلون ماتدري ؟؟
مارديت عليه انا مستعجل وهو فاضي
دخلت البيت ادور اختي وشهد
دورتهم بسرعة مالقيتهم .. استغربت .. رحت لغرفتي بعد مالقيتهم
رحت للمجلس .. وشفت المجلس على حاله
كتبي وكتب اختي طايحات بالارض
واختي جالسة تبكي وشهد نايمه و متلحفات ببطانيتي
اختي اول ماشافتني جت ركض وتمسكت فيني
وماقالت شي .. قعدت تبكي
انا :: رحتي للمدرسة ؟؟
اختي :: لا ... ماخلوني اروح
انا :: ليش .. لازم تنجحين .. اذا مانجحتي بنقعد هنا النصف الثاني بعد .. خبلة انتي
اختي :: مابي انجح .. مابي شي .. ابي اموت وبس
سكت اكيد مسوين فيها شي
انا :: ليه وش سووا لك البارحة بعد ماطلعت ؟؟
اختي :: عمي هاوشني اما مرة عمي ضربتني بالعصا .. شف
وورتني يدها وذراعها
سكت وانا شوي وببكي
انا :: ليه ضربوك انا يقولون اني سرقت .. انتي ليه ...
وعجزت اكمل خنقتني العبرة
اختي :: تقول ليه ماسويتيلي الشاهي ليه طعتي فارس وما طعتيني
بكيت غصبا عني وضميتها لي
انا :: هي ماقصدها الشاهي هي تبي تضرب وبس
اسمعها تبكي .. اختي مسكينة .. ياويلها اذا قالت لا
و اللا اللي امس سببه انا
رحت لشهد وحبيتها ورجعت لاختي
انا :: شوفي ... لازم اطلع الحين ... اذا صار شي قولي لياسر يقول لفيصل يعلمني .. فيصل يعرف مكاني
اختي :: ليه انت وين مكانك ؟؟
انا :: انا قاعد باستراحة
اختي :: خذنا معك امانة فارس خذنا معك
انا :: كلهم شباب
احتي :: مافيه قسم نساء ؟؟
انا :: انا بروح اقول لياسر مايطلع علشان يقعد عندك
اختي :: لا .. خله برا ارحمله من هنا .. وافكر بعد اخلي شهد تلعب طوال اليوم بالشارع احسن لها
تذكرت سعود وحركاته الوصخة
انا :: لا .. لا تخلينها تلعب بالشارع ... قولي لها تلعب ببيت ابو فيصل مع بناته احسن لها .. ببيت ابو فيصل .. بالبيت مب بالشارع .. فهمتي ؟؟
اختي :: زين
قاهرني حال اختي حنا كلنا نقدر نطلع الا هي ... حنا لنا امل ناخذ ساعة ساعتين نرتاح من خشش عمي واهله
قلت لها
انا :: خلاص مثل ماقلت .. اذا صار شي قولي لياسر يقول لفيصل يعلمني .. زين
وطلعت بسرعة من البيت
بالشارع لقيت سعود بعده واقف بالشارع ..
ناداني ... واصلا انا لازم امره علشان اروح لسيارة فيصل
سعود :: فويرس شف شف
وطلع جواله يوريني صورة بجواله ... لما شفت الصورة انهبلت .. صورة حرمة عارية
انا :: من وين لك هذي ... حراااام
سعود :: هههههههههه
سكت عنه ورجعت للبيت ورجعت لاختي اقول لها
انا :: ان خليتي شهد تروح لبيت ابو فيصل ياويلك ... فاهمة
اختي :: ليش فارس احسن من هنا
انا :: سمعتيني والا لا ؟؟
اختي :: طيب طيب سمعت
طلعت من البيت مرة ثانية ورحت لياسر مااقدر اروح للاستراحة الحين لين يرجع عمي للبيت خاصة ان سعود يدري ان البيت مافيه الا اختي وشهد
قلت لياسر
انا :: ياسر خلك بالبيت لاتطلع منه واجد زين ؟؟
ياسر :: ليه ؟؟ ابي العب
انا :: معليش لين ارجع بس
ياسر :: ومتى ترجع ؟؟
انا :: مدري ... شف انا ابروح اذا جا عمي .. لكن شف .. اذا صار شي قل لفيصل علشان يعلمني .. زين ؟؟
ياسر :: زين
فجأة دخلت سيارة عمي الحارة .. انا سحبت ياسر معاي واندسيت عنه ورا وحدة من السيارات ... وسعود يشوفنا
احتريت لين يدخلون عمي واهله للبيت ... ورحت للاستراحة .. والصورة اللي شفتها بجوال سعود عيت تطلع من بالي
اول مرة اشوف هالصور ...
مر علي يومين وانا باستراحة الشباب كلهم يقطون الا انا .. سامحيلي الشباب اقعد معاهم بدون ماادفع شي
عرفت ان الشباب بعضهم طلاب جامعة وبعضهم طلاب ثانوية
كنت جالس معهم لكن ساكت .. هالشباب مايملون كله لعب وضحك وتعليقات وسوالف ماتخلص
ازعاج وانا احس حرارتي هاليومين مرتفعة ...
اسمع تعليقاتهم ... وانا اتأمل فيهم .. غريب امرهم .. ليش يجون الاستراحة مع ان لهم ام واب
انا لي يومين ماطلع واجد من الاستراحة ... سيارة فيصل ماكان معي شي علشان اعبيها بنزين .. لكن حمدت ربي ان سيارته جديدة وكشخة وبعض شباب الاستراحة اذا حبوا يروحون للسوق او أي مكان يطلبون مني بعض الاحيان سيارة فيصل .. وانا اسلمها لهم مو لسواد عيونهم ... اسلمها اذا شرطت عليهم انهم يعبونها .. والحمد الله
اما المدرسة صرت ماروح لها مدام ان اختي سقطت ليش اتعب نفسي واروح انا كنت مخطط اننا نروح للرياض بعد ماننجح عشان نكمل النصف الثاني هناك مع ان مالي لا بطاقة احوال ولاشي لكن بنفذ كلام سعود .. وان شاء الله نوصل الرياض بسلام
كان واحد من الشباب يجي من عنيزة يوميا ويعقد شوي عندنا ويروح
بعد مرور اليوم الثالث علي وانا بعيد عن اخواني
كنت جالس مع الشباب غناء وطبل ودخان .. فجروا راسي بهالاغاني وانا حرارتي مرتفعة احس بتعب
في الليل جا هذا ولد عنيزة وقعد يقول لنا موقف مع امه صار لهم وهم جايين من عنيزة
امه على حد كلامه كانت تبي تزور وحدة ببريدة.. لكن صار عليهم حادث بسيط وطلعوا سالمين منها وهو الحين قاعد يقص على الشباب الموقف
تذكرت امي ... آآآآآه يايمة
طلعت من الغرفة اللي فيها الشباب مابي اسمع شي ... امه سلمت اما امي انا لا ...
وقعدت بلحالي بحديقة الاستراحة
بعد شوي جاني ولد عنيزة .. ماعرف اسمه
ولد عنيزة :: هلووووووووووو ابو الشباب هههه
انا :: .......................
ولد عنيزة :: لي فترة اشوف سيارة فيصل معك وهو مااشوفه ... وينه
انا :: ...........................
ولد عنيزة :: صايرن مااشوفه فيصل .. مريت بيته قبل اجي ولا لقيته
انا :: ...................
ولد عنيزة :: ماتلاحظ اني اكلملي جدار ؟؟
انا :: الحمد الله على سلامة امك
ولد عنيزة :: الله يسلمك .. تصدق شكيت انك اطرم
انا :: تعرف فيصل انت ؟؟
ولد عنيزة :: ايه فيصل ولد خالتي
انا :: ماعمري شفتك بالحارة
ولد عنيزة :: ماحب حارتكم ... انت فارس .. صح ؟؟
انا :: ايه .. وش اسمك انت ؟؟
ولد عنيزة :: خالد تقدر تدلعني خلودي هههههه
انا :: ماتضحك
و قمت عنه احس اني تعبان وابي انام
لأننا بوقت امتحانات الشباب مايسهرون واجد والاستراحة تصير فاضية من الفجر الى العصر
انا صرت ماقدر اقوم من فراشي حرارتي مرتفعة
في الليل الشباب ماقصروا اللي يجيبلي بندول واللي يحاول يخليني اكل واللي يلحفني بعضهم يلحفني بفروته .. حتى الاغاني صاروا مايسمعونها الا في غرفة ثانية علشان مايزعجوني .. اما خالد يغصبني اروح للاسعاف علشان اخذ مغذي او أي شي
تحسنت صحتي لكن مر علي اسبوع وانا بالاستراحة والتفكير باخواني ذبحني .. مدري عنهم شي .. اكيد جواعنين وبردانين .. واختي اكيد جوعانه وبردانه وتعبانة من شغل البيت .. ليت الاستراحة هذي لي علشان اجيبهم نعيش هنا بسلام
واخذت طوال الليل وانا افكر فيهم وقررت اروح لهم الصبح اذا ذلف عمي لشغله
احتريت لين جت الساعة عشرة الصباح
ورحت للحارة بس ماشفت ياسر .. كان على بالي اني ابشوفه يلعب بالشارع كالعادة
جيت ابدخل البيت لكن لقيته مقفل وانا مامعاي مفتاح .. ورجعت للاستراحة ناوي ارجع المغرب .. انا لازم اشوف اخواني اليوم .. لازم
الاستراحة فاضية .. اليوم السبت اخر اسبوع من امتحانات الثانوية ..
عجزت لارتاح ابي اشوف اخواني .. اسبوع .. اسبوع ماشفتهم .. وهم محتاجين لي
احترت مدري وين اروح .. والمغرب عيا لايجي
حسيت الدنيا صغيرة علي من الهم .. لا بيت ولا فلوس ولا شي واخواني كاسرين ظهري خاصة اختي .. ياسر اكيد يروح لبيت ابو فيصل او يلعب بالشارع طوال اليوم وشهد تدافع عنها اختي لكن اختي من لها سند غيري وسندها متشرد
الحمد الله اخيرا اذن المغرب .. طيران لبيت عمي ابنتظر عمي لين يطلع يصلي وبعدين ادخل البيت
وصلت الحارة واحتريت شوي لكن عمي ماطلع .. قوموا للصلاة وعمي الى الحين ماطلع
لقيت باب البيت مقفل
ماقدامي حل الا اني اتسلق الجدار .. والناس بالمسجد الحين .. ركبت على سيارة فيصل وبعدها تسلقت الجدار وطبحت كأني حرامي
بررررد
لكن تفاجأت .. لقيت اخواني ياسر وشهد يبكون بالحوش ويتنافضون من البرد
هم خافوا مني على بالهم اني حرامي لكن بعد ماميّزوا اني اخوهم جولي ركض وتمسكوا فيني بقوة .. اطرافهم ووجيهم كانت باردة زادت من برودة جسمي .. حاولت ابعدهم عني شوي علشان اكلمهم لكن متعلقين فيني بقوة
وكل واحد منهم يجر طرف كوتي علشان يتدفى
قلت لهم اسألهم
انا :: ليش انتم برا بهالبرد ؟؟
ماردوا علي يتنافضون ويبكون ويهذون بالكلام مدري وش يقولون
ضميتهم لي اكثر احاول ادفيهم لكن انا بنفسي بردان
انا :: ياسر شهد ليش انتم بالحوش ؟؟
قال ياسر وهي يبكي
ياسر :: الصباح ارسلتني عمتي للبقالة وانا نسيت ورحت العب انا وشهد ورحنا لبيت ابو فيصل ونسيت ماجبت الخبز .. صدقني فارس نسيت
انا :: طيب هذا الصبح .. وحنا الحين المغرب
ياسر :: عيت تدخلنا البيت وقالت ياويلكم اذا طلعتم للشارع
شهد :: فارس انا جوعانه
ياسر :: وانا بعد
فار دمي وعصبت
انا :: والخبلة اختكم وينهي ليه ماتدخلكم ؟؟
ياسر :: مدري
قمت ورحت امشي بسرعة رايح لباب البيت الداخلي لكن كان مقفل .. ورحت لدريشة المطبخ واخواني وراي
من دريشة المطبخ .. شفت اختي بالمطبخ تمسح دموعها وهي تطبخ العشاء مدري تغسل الصحون ..
صرت بدل مااحس بالبرد احس بالحر ... منظر اختي زاد من عصبيتي ..
انا :: مااكون فارس ان ماوريتكم .. ان ماوريتك ياعم انت واهلك .. هين .. هين
صرت كأني اركض وانا رايح لدريشة غرفتي واخواني يركضون وراي
لقيت بالحوش مكنسة .. واخذت عصاها بس
دخلت البيت عن طريق دريشة غرفتي ودخلت اخواني بعد عن طريق الدريشة .. والعصا مازالت معاي
مشّوت مااشوف دربي .. ولد عمي صغير عمره سنتين كان على طريقي وانا ماشي
دزيته متعمد وطاح على خشمه وقعد يبكي
وصلت لهم
بنات عمي ثنتين اللي يتغطن عني ركضن لوحدة من الغرف وطلعن وهن متغطيات
اما مرة عمي لما شافتني تغطت بشيلتها وقالت
مرة عمي :: فويرس .. وش جابك يالصايع ؟؟
انا :: ومن خلاني صايع غيرك ؟؟
مرة عمي :: اطلع برا اشوف .. فارق
اختي اول ماسمعت صوتي جتني
اختي :: فارس وينك اسبوع ماجيت
لكن اول ماشافت ياسر وشهد راحت لهم تضمهم
سألت مرة عمي .. وانا اهز العصا قدامها
انا :: وين عمي ؟؟
مرة عمي :: مالك دخل .. اطلع برا
انا :: اطلع برا .. هااااه .. على كيفك هو .. وين عمي ؟؟
قالت اختي :: عمي مسافر له يومين واليوم اتصل يقول انه بيجي اليوم
انا :: حسافة كنت ناوي اخلّص عليه هو الاول ..
الحريم كلهن شهقن حتى اختي .. و تمنيت روح مرة عمي تطلع مع شهقتها
قلت لمرة عمي وانا اهز العصا
انا :: ليش مطلعة ياسر وشهد برا بهالبرد .. هاااه ؟؟
مرة عمي :: ........................
قال ياسر :: فارس نسيت .. علمتك انا .. علشان نسيت اجيب خبز
قلت لمرة عمي :: تبين خبز .. هاااه ؟؟ انا اعلمك وشلون تبين خبز ..
ورحت لمرة عمي وكشفت غطوتها وسحبت الشيلة عنها
وقعدت اضربها بالعصا .. قاومتني بالبداية وبعدين ضعفت .. وصرت اضرب واضرب
الصغيرة من اللي يتغطن من بنات عمي على طول انهارت وجلست بالارض تبكي .. جعلها ماقامت هذي راس المشاكل ودلوعة امها وابوها
اما الكبيرة الي اكبر مني بسنة .. تحاول تدافع عن امها ادزها وترجع .. ادزها وترجع .. اذتني ماخلتني اتفرغ لامها اكثر
انا بالبداية على بالي انها تهمزني اثرها تضربني دفاعا عن امها .. ادزها وترجع ..
ما تفرغت لامها الا لما تجاشرت اختي مع بنت عمي الكبيرة وياسر يساعد اختي بضرب بنت عمهم ..
ورجعت اضرب مرة عمي اكثر .. حسيت اني مجرم .. لكن هي اكثر اجرام مني .. مارحمتني يوم محتاج
اختي :: فارس اخاف يجي عمي الحين .. اطلع الله يخليك
بنات عمي لهن جوالات كاميرا جدد سألت اختي
انا :: وين الجوالات ؟؟
راحت اختي وجابت جوالات بنات عمي وكان الجوالات ثنين بس .. لان مرة عمي ماطلعت جوال
قالت اختي
اختي :: اظن واحد فيه شحن بس الثاني مقطوع
اخذت الجوالات ناوي ابيع واحد واخذ الثاني يمكن احتاجه ورحت للتلفون وقطعت السلك .. شفت الكمبيوتر اللي بالصالة موصل بسلك شوي كبير .. ماكان موصل بسلك قبل يتهموني بالسرقة ويطردوني .. استغربت
سألت اختي بسرعة
انا :: وش السلك هذا ؟؟
اختي :: سلك الدي اس ال
انقهرت انا متشرد وهم يشتركون بدي اس ال ويمكن بالـ 2000 حقاتي
رحت للكمبيوتر وكسرت الشاشة لكن تحسفت بسرعة .. لو ماخذه ابيعه .. لكن فات .. وكملت عليه وقطعت اسلاكه
قالت اختي
اختي :: فارس ياخبل .. اطلع يمكن يجي عمي الحين
انا :: روحي البسي عباتك .. بنطلع كلنا
اختي :: هااااه
ولأن اللي ببطنه ريح مايستريح قلت لها
انا :: خلي نفسك حرمة كبيرة والبسي العباه
اختي :: وشلون يعني اخلي نفسي حرمة كبيرة ؟؟
انا :: يوووووووووووه روحي البسي وانتي ساكته
راحت اختي ولبست عباتها ..
انا لازم احبس اهل عمي بمكان علشان مايبلغون علي بسرعة
المطبخ هي الغرفة الوحيدة اللي لها مفتاح بس يمكن يطلعون من الدريشة .. والله البلشة
قلت مافيه الا الحمام اجل .. دريشته صغيرة وبعيدة ..
مرة عمي كانت طايحة بالارض تتألم .. سحبتها وحطيتها بالحمام وطلبت من اختي تاخذ البنات وتدخلهن الحمام بعد .. قاومن اختي بالبداية وحاولن يضربنها لكن بهزة وحدة بالعصا اللي معي .. دخلن وهن مايشوفن الدرب .. اكيد خايفات يصير لهن مثل ماصار لامهن ..
ودخلت بزارين عمي الباقين .. اللي نايم مايدري وين الله حاطه .. واللي يبكي
دخلتهم كلهم بالحمام وقفلت عليهم الباب .. يقولون عمي بيجي بعد شوي .. خله يشوف من هو فارس .. وان ماوريته هو الثاني .. مااكون فارس ..
رحت لغرفة عمي ومرته .. لأني تذكرت اني لازم اخذ كرت العايلة حقنا واخذ الاوراق اللي ترجعلي حقي وحق اخواني
فتحت الدواليب ولقيت اوراق وملفات واجد والصراحة ماعرفت وش لازم اخذ علشان يثبت حقي
لكن اخذت كرت العايلة وهو الاهم .. منه اقدر اطلع لي بطاقة احوال و اتوظف وملفي بالمدرسة اقدر اسحبه ..
قالت اختي :: فارس وش ناوي عليه انت ؟؟
مارديت عليها ادور بهالاوراق والملفات
اختي :: فارس اخاف عمي يجي الحين
انا :: تراك اذيتيني بعمك انتي .. يالله امشوا خلونا نطلع
وطلعوا وراي .. ركبنا سيارة فيصل .. الشارع كان فيه عيال الحارة .. حاولت اخلي نفسي طبيعي .. قفلت الباب وراي .. وكأن شيئا لم يكن
وسمعته يأذن العشا ..
طلعت بالسيارة من الحارة .. مدري وين اروح .. لو اني بلحالي كان رحت للاستراحة لكن الحين معاي اخواني
صرت امشي بالسيارة مدري وين اروح ومدري وش اسوي .. لما انتبهت للبنزين كان باقيله الربع ..
مامعاي شي اعبي السيارة .. علشان كذا وقفت عند وحدة من الحارات البعيدة شوي عن حارتنا .. محتار مدري شسوي .. والمشكلة ماقدر اروح للرياض اخاف يجي عمي الليلة ويكتشف وش سويت باهله ويبلغ علي قبل اوصل الرياض
قلت لاختي خايف
انا :: انتي متأكدة انه بيجي اليوم ؟؟ يمكن قال بكرة ؟؟
اختي :: لا .. هو اتصل عليهم وقال انه بيجي اليوم .. حتى قالوا لي اني احسبه بالعشاء واسوي له قهوة
قال ياسر :: فارس اشترلنا شي ابي آكل
شهد :: وانا بعد
آآآآه مدري وش اسوي .. جوعانين ولا ادري وين ننام الليلة وسيارة فيصل معاي مااقدر اروح فيها للرياض بعد
ياربي شسوي
قعدت ساكت واختي بعد ساكته
وياسر وشهد يعلقون على الرايح والجاي ويسولفون بسوالفهم البريئة وكل شوي يذكروني انهم جوعانين
ضاق صدري .. وش اسوي اروح اتسلف علشان نستاجر ؟؟ .. بس من وين اتسلف .. فيصل يكفي اني ماخذ سيارته وسعود مابي اروح له ..
فجأة بكت اختي شكلها حست بضيقة صدري وبحيرتي
قالت :: فارس انت ماتدري وين تودينا .. صح ؟؟
ماقدرت اتحمل .. بكيت .. حاولت اقول لها اني مامعي شي علشان استاجر لكن عجزت اتكلم .. وقعدت ابكي
ياسر وشهد لما شافوا اخوانهم الكبار يبكون بكوا
مر علينا خمس دقايق تقريبا وحنا الاربعة نبكي .. نزلت من السيارة ضايق صدري .. محتار مدري وين اروح .. لكن حسيت ان مخباتي ثقيلة تذكرت الجوالات انها معي .. انا ماني متعود على الجوال والحين صار معي اثنين
رجعت للسيارة وقلت لاختي
انا :: ايهم اللي فيه شحن ؟؟
اختي :: هذا .. امس شفتهم شروا له بطاقة
انا :: اجل ابتصل بفهد ابخليه يجينا علشان ياخذنا للرياض .. ماعندي الا هالحل .............. ((اقصد زوج اختي الكبيرة اللي بالرياض ))
فرحوا اخواني كلهم
وقعد ياسر وشهد يتذكرون اختي وعيالها حتى اختي دخلت جو معهم .. اما انا تذكرت ان رقم اختي المتزوجة وزوجها تحت سريري يعني لازم ارجع للبيت .. بس يمكن وصل عمي وبلغ علي وين اروح .. الله يستر ..
تعليق