تويت
منتجات التخسيس .. تجربتي الشخصية مع منتجين .. ( خااااص بالمسابقة )
منتجات التخسيس .. ؟
آه منها ومن اعلاناتها البراقة
( قبل و بعد)
أهم الشي بالموضوع ..
و مافي إعلان ما فيه قبل و بعد
و هالنساءالعاطفيات الله يعينن بيتاخدوا بالإعلان ووووووو بسرعة بيشتروا على مبدأ الغريق بيتعلق بقشة
يعني مو مشكلة خسارة الألوف في سبيل بنطلون
كلها كم حبة بتنبلع بسرعة بدون تفكيييييير بأنها مواد كيميائية ضررها ممكن يكون أكبر بكتير من نفعها
أو كريم يدهن به الجسم أيضا بدون التفكير بمكوناته
أوشاي هو عبارة عن عشبة بتعمل إسهال و بتفقد الجسم من السوائل
أما خل التفاح .. بعرف بيستخدموه للفتوش غير لهيك ما بيصلح ..؟ خخخخ
و اللي جنني الصابونة.. كيف يعني ؟ شوية رغوة بدها تحل هالمشكلة المزمنة ؟
صراحة ما بعتقد بهيك شغلات بالمرررررررررة
بسسسسسسسسس
مو معنى هالشي إني ما جربت
جربت بس و أنا خايفة و بإقتراح من أخصائية تغذية و تحت اشرافها .. الله يسامحها كنت رحت فيها
الدواء اللي جربته هو ميريديا
أخدت منه و و و انسطحت عملي تسرع بدقات القلب و صرت الهت عند أقل مجهود و لما اتصلت بالدكتورة قالتلي : وقفه فووووووووووووورا
و وصلني خبر من فترة إنه صار ممنوع بالبلد ..
و جربت كمان الإبر الصينية و طبعا باقتراح من طبيب .. كمان ما استفدت عليها .. ضحك عالدقون خخخخخخ
أما بالنسبة للتجارب اللي سمعت عنها :
قريبتي جربت دواء اسمه سليمنغ و نزل وزنها عليه بس صاريعمللها نرفزة و تعصب كتير .. كمان منعوا استيراده
أما عن أورليستات اللي جربته جارتي عمل معها ( أكرمكم الله ): إسهال و عدم التحكم بالفضلات .. ويا عليم شو بيعمل بالأمعاء
و أنا من كم سنة شفت دكتور أخصائي عالتلفزيون قال :
ميريديا وزينيكال هما الدواءين الوحيدين اللذين يوصفا كأدوية تستخدم لفترات طويلة.
رغم أن فعالية هذين الدواءين لم تدرس عند استخدامهما لأكثر من عامين على التوالي
( و ما بظن فيه إنسان بيأمن على نفسه يجرب مستحضر طبي مو مجرب لأكثر من عامين ) ؟؟
المشاكل الصحية المرتبطة بالمستحضرات الطبية لخسارة الوزن :
الإدمان - تطور الجرعة
تطور الجرعة: معظم الذين يعانون من زيادة الوزن يصلون إلى مرحلة معينة بعد مضي ستة أشهر يفقد عندها الدواء معفوله. وهذا يعود لحقيقة
أن جسم الشخص قد طور مناعة خاصة بهذا الدواء. وعلى كل حال إنه ليس من الواضح ما إذا كان الجسم فعلا قد طور مناعة ضد هذا الدواء أو
أن هذا الدواء قد استنفد فعاليته القصوى
أما الآثار الجانبية :
زيادة في سرعة نبضات القلب – زيادة ضغط الدم – زيادة التعرق – الإمساك – الأرق – العطش – صداع خفيف – دوخة – أنف جاف – اهتزاز
الرؤية – فم جاف - توتر
باختصار :
1_ معدل السعرات الداخل للجسم بالطعام ّ(أكبر من ) معدل الحرق =تراكم دهون (سمنة)
2_معدل السعرات الحرارية الداخلة للجسم (أقل من) معدل الحرق = نقص الوزن
3_معدل السعرات الحرارية الداخل للجسم = معدل الحرق = ثبات فى الوزن
لذلكـ ..
المعادلة الذهبية الخاصة بركننا الغالي هي :
رياضة + غذاء متوازن = رشاقة و جسم صحي
أمنيتي من البنات اللي بيدخلوا عالركن و بيقرأوا تجارب غيرهن ياخدوها بعين الاعتبار و ما يرموها وراء ظهرن و يكرروا التجارب المضرة بالجسم
و دمتم ســــــــــــــــــــــــالمين
تعليق