تويت
☁ تجربة تستحق القراءة ☁ متى بتسوي تمارين ؟
أيامها كان عمر بنتي الكبيرة أربعة شهور و كانت الزيادة في وزني عشرة كيلو
المهم ما نزل غير خمسة كيلو , و كملت بنتي السنة و أنا على حالي و مستمرة بالتمرين من دون ريجيم , لكن مقاسي كان بينحف كل شهر عن اللي قبله
كنت أقول شكله دا وزن العضلة بيزيد مع زيادة شدها , البطن راح و الأرداف صغرت لكن لسة ما وصلت لمقاسي قبل الحمل
وصار عمر بنتي سنة و ثلاثة شهور , كنت بأتفرج على برنامج الضيفة فيه أخصائية تغذية , إتصلت عليها و حدة تبغى تزيد وزنها بس مو قادرة كل شوية تاكل بس وزنها ما بيزيد
قالت لها الأخصائية : سوي تمارين رياضية يوميا بعدها مباشرة كلي وجبتك , كدة كل السعرات الحرارية اللي في الأكل راح تروح للأماكن اللي شغلتيها في التمرين و تتوزع عليها الدهون
أما اللي يبغوا ينزلوا وزنهم يمتنعوا عن الأكل مدة ساعة و نص بعد التمرين عشان تفضل العضلات مشغولة بحرق السعرات الحرارية طول المدة هادي
بصراحة استغربت ,أنا دايما بعد التمرين آخد وجبة خفيفة , لكن قلت أجرب
المهم خلال أربعة شهور نزلت الخمسة كيلو أخيرا و رجع مقاسي الأول و الحمد لله , و هدي طريقتي حتى الآن لإنزال وزني بالتمارين
مين بتسوي زيي ؟
تعليق