¯−ـ‗ऊ_»ऋँ استضافة أخصائية تغذية م. سوسن العمري .. أهلا بها ونستقبل أسألتكم هناऋँ«_ऊ‗ـ

[م.سوسن العمري]

اختي نسائم حائرة يااهلا وسهلا فيكي
بالنسبة للرياضة بعد الاكل
اذا كانت الوجبة اساسية بدك تمارسي الرياضة بعد 3 الى 4 ساعات
اما اذا كانت الوجبة خفيفة تكون بعد 1 او 2 ساعة
هو المفضل انك تكوني متناولة وجبة رئيسية وبعدها وجبة خفيفة وتعملي رياضة من بعد 2 ساعة من الوجبة الخفيفة
واهم شي لاتنسي الماء قبل واثناء وبعد التمرين
واتمنالك الصحة والرشاقة على طول

[م.سوسن العمري]

حبيبتي بنت الاحرار الله يخليكي وتضلي تدعميني كمان وكمان
ان شاء الله نحاول نفيد الجميع وهالشي مابكون الا بدعمكم والتعاون مع بعضنا
اتمنى الخير والفائدة للجميع مع كل المحبة
دمتم بخير

[م.سوسن العمري]

اختي hala2
يامرحبا فيكي وشكرا كتير لمرورك هالشي بيعطينا دعم للصفحة
الله يحميكي وانا بانتظار استفساراتك

[الغربة الصعبة]

شكرا على اجاباتك الوافية بس انا ابني ما رضع من صدري الا بس 10 ايام لظروف مرضية وانا ما اتبعت نظام قاسي بس بعد الاربعين صرت امشي كل يوم ساعتين ووقفت الحلويات والدهنيات وصرت اكل اكل صحي وعادي بس حاليا ما عدت اقدر امشي كل يوم ممكن مرتين او 3 بالجمعة هل هالشي كافي

[م.سوسن العمري]

تصحيح

اختي قرب وان شاء الله نضل على قرب على طوووول
ثبات الوزن عندك شي طبيعي لما الشخص يتبع الحمية ونحنا مابنهتم كتير بالوزن على قدر اهتمامنا بالقياسات لان هي المهمة
بس انتي لاتحبطي وتغيري من نظامك اذا كان متوازن وصحي ومدروس اكيد
بالنسبة للزيادة الي بتلاحظيها هل هي مجرد احساس او عبارة عن انتفاخات في البطن والامعاء ياريت تحددي
اذا كانت عبارة عن انتفاخات فهالشي طبيعي لان جسمك متعود على نظام وبهاليوم تغير
اما بالنسبة للفيتامينات والكاسيوم ياريت تكوني عاملة فحوصات للدم لتبين ان كنتي بحاجة او لأ لان حتا المكملات بدون اي استشارة او حاجة ضرورية بتعمل مشاكل خاصة للقلب
ياترى تساقط الشعر الي عندك سببه الحمية الي اتبعتيها ؟؟ على هيك بتكون حميتك مو صحية واكيد نزلتي بسرعة صح
بالنسبة لحبوب منع الحمل اذا كانت الهرمونات الي فيها بروجسترون تعمل على حصر الماء في الجسم وبالتالي زيادة الوزن عند المرأة وعدم حصول نتائج في تغيير الوزن عند اتباع حمية
من فترة طويلة بتستعمليها ؟؟؟
بالسلامة حبيبتي

التصحيح اختي الهرمون هو استروجين وليس بروجسترون اسفة على الخطأ

[رهف الروح]

اختي سوسن جزاك الله كل الخير لاهتمامك
بالفعل اجوبتك توحي عن سعة صدرك ...ربنا يحميك
بالنسبة لاستفساراتك سأجيبك حالا...
بالنسبة لنقص كريات الدم عندي انا عملت تحاليل و اثبتت هذا الشي و وصف لي مكملات
عبارة عن حديد و حمض الفوليك و فيتامين ب12 ...لكن الدواء كان يتعب معدتي كثير و زاد من
مشاكل الهضم عندي حتى ان بطني صار مثل وحدة حامل بالشهر الخامس...ههههه
اما بالنسبة لخمول الغدة و بطء الايض فهذا كان استنتاج الطبيب لما شرحت له الاعراض
و انا توقعت هذا الشي لزيادة وزني السريعة مع اني اكلي صحي و معقول و بعيد عن الحرمان..
بالنسبة للحوم فأنا ابتعد عنها لاني لا اهضمها بسهولة و تتعب امعائي...اما الالبان فأنا اتناولها لاهميتها
اخد علبة زبادي صباحا و قطعة جبن مساءا...اما الدورة فهي منتظمة نسبيا يعني زيادة يوم او يومين او العكس
بالنسبة للرياضة انا لا اعتبر نفسي من الرياضيات العنيفات فأحيانا اتوقف عن الرياضة لمدة ايام ثم اعود
العب حوالي ساعة او نصف ساعة ...

عندي سؤال آخر عزيزتي و اعذريني لكثرة الاسئلة...بالنسبة لحبوب منع الحمل
بماذا تنصحينني او بأي نوع حتى لا يزيد وزني لاني باذن الله مقبلة على الزواج و خائفة من هذه النقطة...

تقبلي تحياتي القلبي و وفقك الله في كل امورك...

[م.سوسن العمري]

اختي الغربة الصعبة الف سلامة عليكي
كتير حلو انك اتبعتي هيك نظام والي اعدك اكتر هو فترة المشي انها كانت ساعتين هالشي بساعد كتير
اما حاليا لانك مابتقدري تمشي متل اول فالمشي 3 مرات بالسبوع كتير كويس بس ياترى المدة ساعتين نفس اول او تغيرت
بس حلو كتير هيك جسمك بضل عنده لياقة وفي مساعدة للحرق من خلال المشي
لاتخافي اذا ضليتي متبعة هالنظام مارح يكون عندك باذن الله اي مشاكل صحية

[م.سوسن العمري]

اختي رهف الروح وان شاء الله ربنا يباركلك بزواجك وتكونو اسرة سعيدة تخدم الامة
المكملات الغذائية ضروري تاخديها انها رح تفيدك بتعويض النقص واول فترة من استخدامها بتعمل مشاكل بالهضم خاصة الحديد بس بعد فترة بتزول الاعراض
انتي دائما قارني بين التائج والعوارض وشوفي اي واحد ممكن تتحمليه
يعني نفخة البطن او الاضطرابات الهضمية ممكن تتحمليها اما نقص الحديد في الجسم وعدم تعويضه يسبب مشاكل اكتر بكتير خاصة وانك مقبلة على الزواج يعني لازم تكوني محضره جسمك لاستقبال اي تغير خاصة مشروع الحمل وان شاء الله ربنا يرزقك الذرية الصالحة
ياريت لو تركزي تاخدي حبوب الحديد على الاقل وبالنسبة للفوليك و ب 12 اذا ماكان عندك نقص حاد ممكن تعوضيهم بالغذاء
يعني حاولي تركزي على الورقيات الخضراء والمكسرات لتعوضي الفوليك واللبن الزبادي حاولي تاخدي اكتر من مرة لانه غني ب ب12 غير هيك بساعدك بحل المشاكل الهضمية عندك ولاتنسي الشوفان بساعد ايضا وحاولي تاخدي الزهورات لانها بتفيد في هالحالة ونصيحة ايضا اذا كان اكلك سريع حاولي تنظمي المضغ عندك ليكون ببطء وتجنبي المشروبات الغازية وماتاكلي فواكه بعد الوجبة الي بتحسي انها ثقيلة على معدتك مباشرة .واذا عندك حب للعلكة حاولي تخففي منها
الفوليك بننصح الفتاة المقبلة على الزواج وعندها استعداد للحمل بأول فترة للزواج بأخذه على الاقل شهر ماقبل الحمل تجنبا لحدوث مشاكل تشوهية عند الجنين لاقدر الله
بالنسبة لحبوب منع الحمل اذا كنتي حابة تاخديها اول فترة الزواج لازم تكوني اخدتي استشارة دكتور نسائية وتوليد لان اكثر الاطباء مابينصحو فيها اول الزواج
وغير هيك طبيعة اجسام النساء مختلفة ممكن جسمك يتقبلها وغيرك من النساء مايتقبلها
الافضل تعملي زيارة ليتم فحصك وعليه يقرر الك الافضل حفاظا على سلامتك لان اغلبية النساء بصير عندهم مشاكل يمكن تكون خفية وماتربطها الست بالحبوب بس بتكون هي السبب فالاهم تتعرفي على طبيعة جسمك قبل ماتاخديها وان شاء الله ربنا ييسرلك الافضل غاليتي
اذا الذورة عندك منتظمة يمكن مايكون عندك خلل في الغدة لان من اراض نقصها يكون عدم انتظام في الدورة الشهرية هو افضل شي يكون هالتشخيص مبني على تحليل مخبري لان علاجها من دون تشخيص يمكن يضرك اكتر ماينفعك
وبالنسبة للرياضة اذا مابتقدري تكوني منتظمة بممارستها خليكي على هالنظام بضل افضل من عدم الممارسة اهم شي لو كنتي مابتعمليها لسبب انقاص الوزن هو انك تتمتعي بلياقة لجسمك
لتنى اكون قدمتلك الافادة حبيبتي

[رهف الروح]

اشكرك من اعماقي غاليتي
اكيد افدتيني كثير...ربنا يجعله في ميزان حسناتك
ان شاء الله اعمل بنصائحك و اخبرك عن النتائج

[j'ardind'amour]

اختي
j'ardind 'amour
الدوخة الي بتصير عندك من اتباعك الحمية القاسية فجسمك بكون عنده نقص في الموارد ولما انتي تشربي الشاي السكر الموجود فيه هو الي بيعملك هيك لانه الدماغ عندك بكون بحاجة ماسة للسكريات فبصير عندك عدم هالتركيز
ياريت تزوديني بالحمية الي بتتبعيها
انا ان شاء الله رح انزللكم الحميات قريبا بس بالأول خلينا نجاوب على الاسئلة بأكبر قدر ممكن
وسلامات

شكرا يا غالية
الحمية لي بتبعها
الفطار كوب حليب
الغذاء 2 بيض مسلوقتين +صحن سلطة و احيانا بدل البيض بعمل حساء خضر
العشاء تفاحة

[كريمة الواني]

الله يجزيكي الخير يارب عنا جميعا للافادة اللي عم تقدميلنا ياها خصوصا انو مشكلة السمنة صارت من مشاكل العصر ولازم العالم تلحق حالها قبل مايصير المجتمع كلو سمين
بتعرفي انا كتير بنزعج من الاعلانات التجارية عن منتجات الاطعمة لانها بتدفش العالم للاكل والسمنة ومحطة فتافيت هي اخطر محطة صراحة وانا من سورية الناس هونيك ماعندها هالنهم على الاكل بس لما اجيت وسكنت بالرياض الامور عم تصير معي فظيعة خصوصا انو مافي حركة مستمرة متل الشام الله يعين هالعباد
مشكورة كتير

[دندوشه1]

السلام عليكم
كيفك دكتوره
نورتي المنتدى بوجودك
وجودك يفرحنا ويرد على تساؤلاتنا اللي تدوووووور في راسنا
ههههههههههههه شفتي كيف الترحيب
انا بقولك على حاجتين اولا شفط البطن جوا يرجع لي البواسير اكرمك الله
مع انه زمان تركتها الشفط والبواسير زمان ماشفتها يارب تكون راحت لانها عذبتني بعد ولادتي
باسالك هل لهم علاقه ببعض ؟؟؟؟؟؟ وهل اختفاء البواسير يعني شفائها

وبالنسبه لوزني انا طولي 160 والان وزني 61 ونصف وزني كان ينزل من كيلو الى كيلو ونصف
الان وانا قربت من المثالي نفسي اوصل الى 58 كبدايه وبرمضان اوصل ل55 بس صاير وزني ينزل كل اسبوع نصف كيلو او
يثبت افكر اسوي حميه سريع وارتاااااااااح من هم الوزن الباقي لانه صاير بطي والاجازه قربت اش رايك؟
ودمتي ذخرا للمنتدى

[م.سوسن العمري]

غاليتي j'ardind 'amour
الحمية الي عم تتبعيه خطأ 100%
اولا السعرات الي فيها قليلة كتير يعني عم تدمري جسمك وبتحرميه كتيييييييييييييييييييييييييير
الحمية المتوازنة بتكون السعرات الحرارية متوزعة على الكربوهيدرات والبروتين والدهون بنسب تكون ال 100%من السعرات اللازمة يوميا للجسم
يعني وين الكربوهيدرات الي عندك يعني بتاخدي جزء اقل من القليل من التفاحة بس وين الخبز الارز المعكرونة او البقوليات
البروتينات مابكفيكي بيضتين بالنهار كمصدر
انتي بصراحة فاجأتيني كتير حرام عليكي الي بتعمليه بروحك انتي عم تدمري حالك وانتي مو حاسة حتا لو مابين عليكي شي من هالضرر بالمستقبل رح تتضرري كتير
انا بنصحك من اليوم تغيري اسلوبك 180 درجة وترجعي تنتبهي لأكلك وتحاولي تنوعي وتغيري بالاكل لان الجسم مابصير كل يوم ياخد نفس الاكل في كتير مصادر غنية بالمعادن والفيتامينات والمغذيات لازم جسمك يستفيد منهم
انا ان شاء الله رح انزل برنامج ولازم تتبعيه
حرام حرام الي عملتيه بروحك

[j'ardind'amour]

غاليتي j'ardind 'amour
الحمية الي عم تتبعيه خطأ 100%
اولا السعرات الي فيها قليلة كتير يعني عم تدمري جسمك وبتحرميه كتيييييييييييييييييييييييييير
الحمية المتوازنة بتكون السعرات الحرارية متوزعة على الكربوهيدرات والبروتين والدهون بنسب تكون ال 100%من السعرات اللازمة يوميا للجسم
يعني وين الكربوهيدرات الي عندك يعني بتاخدي جزء اقل من القليل من التفاحة بس وين الخبز الارز المعكرونة او البقوليات
البروتينات مابكفيكي بيضتين بالنهار كمصدر
انتي بصراحة فاجأتيني كتير حرام عليكي الي بتعمليه بروحك انتي عم تدمري حالك وانتي مو حاسة حتا لو مابين عليكي شي من هالضرر بالمستقبل رح تتضرري كتير
انا بنصحك من اليوم تغيري اسلوبك 180 درجة وترجعي تنتبهي لأكلك وتحاولي تنوعي وتغيري بالاكل لان الجسم مابصير كل يوم ياخد نفس الاكل في كتير مصادر غنية بالمعادن والفيتامينات والمغذيات لازم جسمك يستفيد منهم
انا ان شاء الله رح انزل برنامج ولازم تتبعيه
حرام حرام الي عملتيه بروحك

شطرا على الرد و انا من اليوم راح اغير النظام و تسلميلنا يا غالية

[م.سوسن العمري]

مساء الخير اختي دندوشة1
المنتدى منور بوجودك حبيبتي
بالنسبة لسؤالك عن البواسير هل ياترى كانت من الدرجة الاولى او من الثانية,الثالثة ؟؟؟
البواسير من الدرجة الاولى تختفي بمجرد التخلص من الامساك ولاتحتاج الى معالجة دوائية او تدخل طبي لكن من المهم الاهتمام بنوعية الطعام والتركيز على الاغذية الغنية بالالياف كالخضار والفواكه والحبوب الكاملة والحرص على شرب كميات كافية من السوائل خاصة الماء وطبعا الاستجابة دائما للرغبة للذهاب للحمام وعدم التأخير
اذا كنتي مهتمة بهالامور ان شاء الله مارح يرجعلك ابدا
ياترى هالمشكلة كانت عندك وانتي حامل ؟؟لان اغلب الحوامل بيتعرضولها اذا ماكان في اهتمام بالتغذية اثناء الحمل
بالنسبة لشفط البطن وعلاقتها بالبواسير مافي اي علاقة لان شفط البطن عبارة عن تمرين لعضلات المعدة والبواسير احد مسبباته الامساك فاذا كنتي مهتمه بامور معدتك تغذويا فلاتخافي من اي شي متل هيك
بالنسبة لطولك ووزنك------- طولك مناسب مع وزنك ومو شرط الشخص دائما يوصل للوزن المثالي كل جسم اله بنية مختلفة نحنا بنحب نحدد الوزن المثالي للشخص حسب تنسيق جسمه وتوزيع الدهون بالجسم
انتي حاسة جسمك متناسق او بده كمان يخس لحتا يكون متناسق اكتر ؟؟؟؟؟
ومتل مابتحكيلي انك بتخسي 5.كغ بالاسبوع هيك كتير كويس لان هيك معدلك طبيعي
هو بالمجمل الطبيعي الشخص ينزل من 5.كغ الى كيلو في الاسبوع وهيك بيضمن عدم العودة للوزن السابق والمحافظة على معادلة التوازن في جسمه
اذا انتي حابة تنزلي اكتر زيدي الرياضة شوي كيفك مع الرياضة بتمارسي تمارين ولا مو من مشجعيها
وبالنسبة للثبات في الوزن لاتخافي بماانها فترة قصيرة ومو ثابتة لفترة طويلة هو الجسم لما يتعود على نظام معين ببرمج حاله على هيك وبيضل عامل حماية لحتا مايفقد اي طاقة زيادة عن اليومي
بالتوفيق حبيبتي وان شاء الله تكون الاجازة حلوة الك وللجميع