دوره تريكو - المستوي الثاني

[أم قسمت]

حبايبي عملنا قبل كده دوره تريكو واتعرفنا علي الاساسيات في الرابط ده

http://www.lakii.com/vb/showthread.php?t=538632

ودي الاوسمه علشان لو مادخلتوش الدوره الاولي تلاقوا الاوسمه بتاعتكوا هنا




وده اللي بعتته بنتي الغاليه لمياء


وده اللي عملته القمر ام عمر المصريه


وانا شايفه ان التلاته روعه واحلي من بعض وياللا كل بنت من اللي حااذكر اسماءهم تتقدم وتختار الوسام اللي يعجبها وتلحقني علي المستوي الثاني هههه
مش عايزه تزويغ ومش عايزه حد يندس بين الصفوف ههههه ولو اني برضه باقول اهلا وسهلا بالجميع
لبنانيه بجده- طالبه النور- كريزي روزي- هنهن- نوجا- ام يمني وهاجر- امي حواء- لمياء- ام عمر المصريه- فوزيه الحربي- الحوراء الانسيه- كربوجه- شاوي- اسيره الاحزان- نورفا
ده حصر كده مبدئي ولو نسيت اي واحده يبقي العتب علي النظر وليس تعمد والله
والف مبروك لي ولكم
ودلوقتي بعد مااخدنا علي شغل التريكو وايدينا اخدت علي مسكه الابره وماشاء الله الانتاج كان اكتر من رائع ندخل بقي علي حاجه متقدمه شويه
شغل الاجور او التخريم
وده نوع من التريكو بيدي منظر جميل جدا ورقيق ويشبه الكروشيه
علشان تعملي الاجور يلزم نتعرف علي بعض الاساسيات
اهم حاجه اللفه
واللفه من اسمها انك بتلفي الخيط علي الابره اليمني لانتاج غرزه جديده تضاف للسطر بس مش بتكون بشكل غرزه عاديه بتكون بشكل الخرم وعلي فكره العراوي بتتعمل باللفه دي (العراوي الافقيه)
اللفه3 انواع
1-لفه بين غرزتين عدل واسمها في الباترون

(Yarn forward (yfوبتتعمل بانك وانتي ماشيه السطر العدل بتجيبي الخيط للامام زي ماتكوني حاتشتغلي عدل وتاخدي الغرزه عدل عادي وكده بتتكون عندك لفه زي الشكل ده

فيه نوع تاني بيكون بين غرزتين مقلوب او غرزه عدل يتبعها غرزه مقلوب وبيكون اسمه في الباترونYarn round needle (yrn)

وفي النوع ده بتاخدي الخيط من فوق الابره للخلف وبعدين بتجيبيه تاني للامام لشغل الغرزه المفلوب التاليه وبيكون شكله كده

النوع التالت من اللفات بيكون غرزه مقلوب يتبعها غرزه عدل وبيكون اسمه في الباترون المكتوب كدهYarn over needle (yon)
وبيكون شكله كده

دول 3 انواع او 3 اسماء للفات
وطبعا اللفه بتكون غرزه زياده في السطر وللمحافظه علي عدد الغرز اللفه دايما بيقابلها تنقيص

[أم قسمت]

وده فيديو للفه في السطر العدل

http://www.knittinghelp.com/apps/flash/video_player/play/109/1

طبعا حاتسالوني طيب عملنا اللفه في السطر ده والسطر التالي حانشتغلها ازاي
عموما اللفه بتشتغليها في السطر التالي مقلوب مالم يذكر في الباترون غير ذلك
واللفه طبعا بتزود غرزه وعلشان كده بيقابلها تنقيص وعلشان يطلع معاكي عدد الغرز في السطر صح ومش يزيد بيكون عدد اللفات بيساوي عدد التنقيصات

[_lamiae_]

ما شاء الله
شرحك كالعادة وافي و كافي
انا قرات الدرس و ححاول اقراه اكثر من مرة لاستوعب اكثر
حضري نفسك للاسئلة
انا كنت منتضرة الاجور بفارغ الصبر
ان شاء الله المساء بطبق و اوريكي

[rose d'or]

جيت في الوقت المناسب هههه
ان شاء الله أطبق وأحط التطبيق لاني احب الاجور كثير
تسلمي لنا يا غاليه الله يعطيك الصحه
ليمو وش راكي ؟؟ من مده ما تكلمنا مع بعض
ان شاء الله كل أموررك ما شيه تماااااااااام
احبكم في الله يا اغلى اخوااااااااااااااااات

[rose d'or]

انا كنت منتضرة الاجور بفارغ الصبر

حتى انا ههههههههههه

[rose d'or]

مافهمت الشرح يا استاذه
وما قدر اطبق الاجور الا على غرز العدل

[هنهن2007]

اية الجمال دة ام قسمت اسمى مكتوب احمدك يارب
ايوة عايزين ندخل على الشغل الكبير والصعب هههههههههه
ربنا يباركلنا فيكى يارب
ماشاء الله الشرح واضح ومفهوم حبيبتى

[saraj]

ما شاء الله ماما تسلم ايدك على الدوره مبروك يا بنات النجاح
الله يعطيكي العافيه

[الحوراء الأنسية]

الشرح واضح والتوقيع يجنن وأنتي يا أستاذة روعة وبتستاهلي أن نكون مجتهدين معك الله يوفقك..

[شاوي]

اية الجمال دة ام قسمت اسمى مكتوب احمدك يارب
ايوة عايزين ندخل على الشغل الكبير والصعب هههههههههه
ربنا يباركلنا فيكى يارب
ماشاء الله الشرح واضح ومفهوم حبيبتى

مبروك استا>ة هنهن على النجاح ومن ناحية صعب صعب وقعديني جنبك حتى اغش صعب الدرس غشيشيني وليك الحلاوة لكن بشويش حتى ما تسمع الاستادة وتعاقبني ههههههههههه

[وردة مودة]

ما شاء الله عليكم ما اقدر الحق بعدني في المستوى الثاني للكروشة

[Rana363]

بالتوفيق للجميع

[لبنانية بجدة]

انا طبقت وهذا تطبيقي


الدرس جميل جدا
دعواتي بالتوفيق للجميع
شكرا لك ام قسمت

[هنهن2007]

مبروك استا>ة هنهن على النجاح ومن ناحية صعب صعب وقعديني جنبك حتى اغش صعب الدرس غشيشيني وليك الحلاوة لكن بشويش حتى ما تسمع الاستادة وتعاقبني ههههههههههه

الله يبارك فيك ياشاوى ياعسل
حقولك ست الكل ام قست كل شرح وضعة معاة شرح بالفديو اتفرجى علية وان شاء الله تستفيدى حبيبتى
ام قسمت الدرس دة لة تطبيق؟

[أم قسمت]

ما شاء الله
شرحك كالعادة وافي و كافي
انا قرات الدرس و ححاول اقراه اكثر من مرة لاستوعب اكثر
حضري نفسك للاسئلة
انا كنت منتضرة الاجور بفارغ الصبر
ان شاء الله المساء بطبق و اوريكي

الف شكر لكي ياحبيبه ماما
طبعا مين يشهد للعروسه قصدي للماما هههههه
حبيبتي ولايهمك اسالي زي ماانتي عايزه وانا باذن الله حاضره ومستعده

جيت في الوقت المناسب هههه
ان شاء الله أطبق وأحط التطبيق لاني احب الاجور كثير
تسلمي لنا يا غاليه الله يعطيك الصحه
ليمو وش راكي ؟؟ من مده ما تكلمنا مع بعض
ان شاء الله كل أموررك ما شيه تماااااااااام
احبكم في الله يا اغلى اخوااااااااااااااااات

لا مش ممكن حبيبتي ووردتي معانا هنا
والله ماانا مصدقه عينيه منوره يااجمل روز في الدنيا

مافهمت الشرح يا استاذه
وما قدر اطبق الاجور الا على غرز العدل

ليه ياروزي ايه اللي مش فاهماه
الاجور بيمشي مع العدل والمقلوب بس انتي اتمرني علي انواع اللفه ونشوف بعد كده حانعمل ايه

اية الجمال دة ام قسمت اسمى مكتوب احمدك يارب
ايوة عايزين ندخل على الشغل الكبير والصعب هههههههههه
ربنا يباركلنا فيكى يارب
ماشاء الله الشرح واضح ومفهوم حبيبتى

طبعا ياقمر اسمك مكتوب وبحروف من نور كمان
وربنا يبارك في عمرك ياعسل

ما شاء الله ماما تسلم ايدك على الدوره مبروك يا بنات النجاح
الله يعطيكي العافيه

سراج حبيبه ماما منوراني دايما ياغاليه

الشرح واضح والتوقيع يجنن وأنتي يا أستاذة روعة وبتستاهلي أن نكون مجتهدين معك الله يوفقك..

ايه ده كله مااقدرش علي الكلام الجميل ده كله ههههه
ربنا يخليكي لي ياحبيبتي وياللا ورينا الابداع

مبروك استا>ة هنهن على النجاح ومن ناحية صعب صعب وقعديني جنبك حتى اغش صعب الدرس غشيشيني وليك الحلاوة لكن بشويش حتى ما تسمع الاستادة وتعاقبني ههههههههههه

ههههههه انا سمعت
من الاول كده حانبداها غش ههههه
قومي من جنب هنهن وتعالي جنبي هنا