--فرصه ثمينه.. لاتدع الوقت يفوووتك--

[بسمة فرح]

السلام عليكم ورحمه الله وبركاته...

كنت قد عزمت أن لاأدخل إلى المنتدى هذا الاسبوع بسبب الدراسه ..

ولكن وصلني خبر .. لايحتمل تأجيله..

لانني كنت أبحث عنه من فتره ..

وأنتظره بصبر..والان وصل لي.. فأحببت أن أنقله لكم..

أن الموضوع الذي أتيت لأخبركم عنه هو

http://www.qurani.cc/images/quran.gif

دورة في الصيف لحفظ القرآن الكريم بشهرين

أعرف بنات سجلوا وحفظوا القران وهم الان ينصحون الجميع بالتسجيل بها..

وهذه الدوره تقام في (مكة المكرمة والمدينة المنورة والرياض والقصيم والدمام وبعض المدن الاخرى سوف تذكر في وقتها )

وأحب أن أخبركم أن أخر موعد للتسجيل صباح يوم 20/ 3/ 1425 هـ فالرجاء سرعة التسجيل ولن يقبل أي طالب أو طالبة بعد هذا التاريخ..
أي ان الوقت الباقي قصير.. فأعزموا وتوكلوا على الله ...


وطريقه التسجيل هي من هذا الموقع فقط سجل البيانات ثم يتم الاتصال بك..
هنــــــا (http://www.qurani.cc)

مع العلم أن هناك دوره لمن يحفظ أكثر من 10 أجزاء
وهناك دورة لمن يحفظ لم يحفظ شي .. أي ان الدورات متنوعة


http://www.enshad.net/audio/Fartaqi/Fartaqi_-_04_-_Ketaab_Allah.rm

أسال الله أن يسعدنا بحفظ كتابه الكريم ..
وإن يجعله حجه لنا لاعلينا..
--اتمنى نشر الموضوع.. لتعم الفائده والاجر--

[الجمان]

ما أروعها من دورة لو كنت هناك لسارعت بالتسجيل..
لاحرمت الجنه اختي بسمة فرح على هذا الإعلان..
وهنيئا لكم..

[مرارة البحر]

وعليكم السلام ورحمة الله وبركاته:)..
راااااااااااااائع ماشاء الله تبارك الله:)..لاحرمك الله الأجر عزيزتي..

نعم والله..هنيئاً لكم

[أمنيه]

جزاك الله خير ...وبارك فيك ..

ونعم البشارة ..

[أزاهير الشوق]

تسلمي بسوووووووووووم و جزاك الله خير ...سباقة دائما في الخير و للخير ......

[توتي]

بشرى رااااااااائعه ..الله يبشرك بالجنه ..
الله يجزاك خير بسوووومه :)

[محبة القرآن]

بارك الله فيك غاليتي..

وجزاك خير الجزاء...

اللهم أجعلنا من أهل القرآن وخاصته....

[** الامل **]

وعليكم السلام ورحمة الله وبركاته ...
راااائع ماشاء الله....
سبحان الله ..معقول في شهرين!!في 60 يوم ..
طيب المكان هل هو في مدرسة معينة يتم تحديدها ام مركز ام ماذا؟؟
ومقدار الحفظ اتوقع يكون نصف جزء في اليوم ..هل هذا صحيح ام كيف؟؟
اتمنى اجد الاجابة ..ان كان لديك علم بذلك..

جزاك الله خيرغاليتي وبشرك بما يسرك في الدنيا والآخرة..

[بسمة فرح]

الجمان
نيومون
أمنية
الجهادية
توتي
محبة القران
الامل

جــــــزاكــــم الله خيــــراً

[بسمة فرح]

--معلومات--


ما أروعها من دورة لو كنت هناك لسارعت بالتسجيل..

نعم والله..هنيئاً لكم
حسب ماقرأت وسمعت عن الدوره فأنها تقام في الاماكن التي يكثر فيها الراغبين في التسجيل.. أي عندما يسجل عدد كبير تفتتح دار في تلك المدينه...لاني عندما سألت هل ستقام هذه السنه في الرياض قالت لي سجلي ثم نرى ! (هذا ما أعتقده ومافهمته من الكلام التالي)



وهذه الدوره تقام في (مكة المكرمة والمدينة المنورة والرياض والقصيم والدمام وبعض المدن الاخرى سوف تذكر في وقتها ) ووجدت عندهم [بالتعاون مع الدورة المكثفة أقيم عدد من الدورات المكثفة وذلك في الرياض والقصيم والمدينة المنورة والدمام والبحرين والإمارات العربية المتحدة]

=-=-=-=-=

طيب المكان هل هو في مدرسة معينة يتم تحديدها ام مركز ام ماذا؟؟
اتصلت وسألتهم أخبروني أن المكان لم يتم تحديده الى الان..
والبنات الذين حفظوا العام كانوا في دار للتحفيظ..
أي بعد القبول يتم التحديد..


ومقدار الحفظ اتوقع يكون نصف جزء في اليوم ..هل هذا صحيح ام كيف؟؟
يحفظون في اليوم الواحد 12 وجه..
----
أي أستفسار أخر أنا في الخدمه..:)
أعيد وأكرر.. الرجاء نشر الموضوع في المنتديات ورسائل الجوال..
وفقكم الله..

[ثلوج الشاطيء]

بارك الله فيكِ

[حمامة الجنة]

وعليكم السلام ورحمة الله وبركاته
ما شاء الله ، ما شاء الله ...
بشرى جميلة .. :)

[*أم عامر*]

وعليكم السلام ورحمة الله وبركاته

هنيئا لكن اخواتي في المملكة على هذه الفرصه وادعوا جميع الاخوات القادرات بالمسارعه للأشتراك وعدم تفويت الفرصة والله يعوض علينا بالخير

[بسمة فرح]

ثلوج الشاطى
حمامه الجنه
*أم عامر*

مشكــــورين على المرور.....

أختي *أم عامر*..

هنيئا لكن اخواتي في المملكة على هذه الفرصه وادعوا جميع الاخوات القادرات بالمسارعه للأشتراك وعدم تفويت الفرصة والله يعوض علينا بالخير
الدوره العام الماضي كانت في الامارات أيضاًَ.. ولكن لأعلم هل هي للرجال أو النساء..

[** الامل **]

جزاك الله خير على الاجابة والمعلومات..

تقولين يحفظون في اليوم الواحد 12 وجه..طيب اخاف يكون الحفظ بسرعة بعدين يتنسى بسرعة ..فهمتِ قصدي يعني اخاف ما يثبت ..احيانا اقول مدري ..اقدر على 12 وجه في اليوم؟؟
واحيانا اقول لا بأيام الامتحانات قاعدين نذاكر ملازم وش كبرها ..وياما حفظنا معادلات ورموز وصيغ و و و... يوم انه جاء على حفظ القرآن اللي هو اولى وانفع باذن الله اروح اقول ما اقدر ..


الله يعين ويكتب اللي فيه الخير..

[بسمة فرح]

واياك يالغاليه ;)
نعم يحفظون 12 وجه..
سبحان الله !!!
أنا نفس الشي أقول هل بقدر..وكل ما أشوف دروسي ترتفع معنويات وأقول هذا كله كلام الشيطاااان...
بعدين مع الاتكال على الله والاراده مافي شي مستحيل
بس هي تبي خطوة وحده للامام واذا بدأ الواحد يروح التردد..
هو أكيد بيكون فيها تعب.. بس كل ما تذكر الشخص الهدف الي يبيه يصبر نفسه كلها شهرين..
وكم مرت سنين علينا ماحفظنا شي..
يعني مانصبر شهرين وحنا الي صبرنا 12 سنه في المدارس و...في الكليات؟!!!!!!!
وترى الوقت الي يجلس الشخص فيها في الدوره ..
حسب ما أتذكر من الساعه (9) الصباح الى (4) العصر..كل يوم الا الجمعه
حتى البنات الي مسجلين العام يقولون انه اول اسبوع كنا نتمنى يجي الجمعه وبعد كذا صرنا نطفش يوم الجمعه ونحتري السبت بحماااااااس...
ويقولون اول الايام رجعنا البيت ماحفظنا ال 12 وجه
واخر الايام صاروا يجلسون بالدوره وهم مخلصين من بدري..
يعني صار الوجه مايأخذ منهم الا 5 دقائق (ماشاء الله تبارك الله )
يله اتكلي على الله ..وربي يكتب الي فيه الخير

[خواطر الرماح]

جزاك الله خيرا

[بسمة فرح]

ولك بالمثل أختي ونه

[** الامل **]

آآه يا بسوم كلامك يشجع ..والواحد المفروض ما يتردد بس شتقولين فيني ..يمكن لان ودي بالمركز..المركز هذا اللي اتحسف على السنوات اللي مضت وماكنت اسجل فيه ..لاني ما جربته الا العام ..وكان رووووعة من جد ..حفظ قرآن وانشطة ثانية ودورات ..غير البنات الروعة اللي عرفتهم فيه ..وكان 3 أيام بالاسبوع العصر واحد الايام نجلس الى 8 ..على كذا يمكن ما اقدر اجمع بين الاثنين لانك تقولين من 9 الصبح الى 4 ..أو الى 5 زي ما قالت لي ..
بس تدرين يمكن اللي بحدد هو المكان اللي بيختارونه ان كان قريب جمبنا والا لا ..وفعلا مثل ما انتِ كتبت ..قالت لي انه بأحد دور التحفيظ يحددونها ويكتبونها في موقع الدورة...وانها تبدأ ان شاء الله في 1/5 ..يعني في مجال مهب مباشرة اول مانطلع ..


يالله ..قلبتها سالفة كالعادة
الله يعين ويجزاك خير:)

[** الامل **]

خطأ مطبعي
نطلع = نعطل

[بسمة فرح]

أمووول
يله الهمه الهمه...
بإذن الله ما يكون كلهم بنفس الوقت ...
بعدين مافهمت

أو الى 5 زي ما قالت لي

قالت لي انه بأحد دور التحفيظ يحددونها ويكتبونها في موقع الدورة
تعرفين أحد سجل فيها؟؟!
والا تتكلمين عن المركز الي كنتِ فيه!؟



وانها تبدأ ان شاء الله في 1/5 .
صحيح؟!:(
توقعته من نص شهر خمسه
هل هذا الخبر أكيد أو لا؟!

بعدين أمول .. المركز لاحقه عليه.. بس هذي فرصه ماتتعوض
يله عشان نصير انا واياك نراجع مع بعض على النت الي حفظناه
هذا برأيي.. وانتِ لك الاختيار..يله الله يكتب الي فيه الخيره

أدعــــوا أنهم يقبــلونـــي لانهم يبون معدل زين العام ..
وانا معدلي ما كان زين :(
طبعاً ما نكون الامل وبسمه اذا ما قلبنا الموضوع
بس هالمره غير.. كلام مفيد .. في تقدم يعني :)

[** الامل **]

السلام عليكم ..
تصدقين كنت بسأل .. المنتدى وشفيه تجيه حالات ما يفتح!!!! ..بعدين انتبهت للكلام اللي فوق
ما اقول الا حسبي الله ونعم الوكيل..

نجي للتوضيح ..
شوفي سلمك الله ..انا يوم قلت (أو الى 5 زي ما قالت لي) و ( قالت لي انه بأحد دور التحفيظ يحددونها ويكتبونها في موقع الدورة) اقصد لمّا اتصلت على الرقم الموجود في الموقع علشان اللي يبي يستفسر..ردت علي وحدة ..وقالت لي هالكلام ..لاني سألتها وين بيكون الحفظ فيه قالت انه بأحد دور التحفيظ وانهم بعد ما يحددونها ينزلونها في موقع الدورة ان شاء الله (حسب ما فهمت)
وقلت لها انه من 9 الى 4 ؟؟..قالت الى 5
وسألتها بعد اذا كانوا يوفرون موصلات ..اللي اتذكر انها قالت حاليا لا

وبالنسبة انها تبدأ في 1/5 ..صراحة هذا هو اللي قالته لي يوم سألتها متى تبدأ..وقالت لي بعد انها تستمر الى متى ..لكن مااذكر كم قالت بالضبط ..بس دام انه شهرين اتوقع انه يكون الى 1/7

بس ليه بداية شهر خمسة ما يناسبك؟؟ ما تدرين يمكن يغيرون الموعد ..بس ان شاء الله ما يصير الا اللي يناسبك:) وباذن الله تكونين اووول المقبولات


وعلى طاري المعدل تصدقين انا مدري كم معدلي العام ..اقصد النسبة ..لان النتايج اللي ناخذها ما فيها درجات فيها تقادير فقط ..و ما تعرفين درجاتك الا اذا تخرجتي..

يالله ما اطول عليك
سبحاان الله مررر الوقت الحين 7 وزيادة ..الله يعين اليوم علي اختبار معمل (نهائي) ومن زود الفلاحة داخلة للمنتدى بس على اساس ان الصبح اخف لاني ظنيت انه ما يفتح من الزحمة..

يالله ان شاء الله تجين تجربة سهلة
الله يوفقنا وياك..

[بسمة فرح]

أها ..فهمت..:)
أنا أتصلت بس ما سألت الى متى نجلس ...ويوم سألت متى تبدأ قالت ما حددنا..
يمكن ماحددوا الابعد ما أتصلت..
يله الله يكتب الي فيه الخيره..
بدايه شهر خمسه عندنا مناسبتين وأكيد بنشغل ذيك الايام ومو معقول اول ايام الدوره تلهين..

وباذن الله تكونين اووول المقبولات
اللهم آميــــــن
آميـــــــن
آمـــيــــن
وكل الي يتمناها..
==
صحيح ماتعرفين الدرجات الابعد التخرج بس التقدير العام لكل المواد..أكيد يكون مكتوب...
الله يوفقك بإختباراتك

[** الامل **]

اللهم آآمين :)

[الحلم الجميل]

دخلت الموقع وشفته
وشفت التسجيل
و رسوم التجسيل !!!!!!!!!!!
مبالغ خرافيه

أن يكون حافظا لأكثر من 10 أجزاء إلى 30 جزء من القرآن الكريم ولم ينساها
دفع رسوم اجبارية كحد أدنى 3950 ريال للأولاد 1750 للبنات

أن يكون سبق أن حفظ 10 أجزاء لكن نسيها أو نسي أكثرها
دفع رسوم إجبارية كحد أدنى 2950 ريال للأولاد 1450 للبنات

أنه لم يسبق أن حفظ أكثر من 10 أجزاء في حياته كلها
دفع رسوم إجبارية كحد أدنى 850 ريال للأولاد و 350 للبنات

انا اول شئ شفت ال 850 و ال 350 و وجدتها غاليه
و فجاه القاها توصل قريب ال 4000 !!!!!!
ليش؟
وبعدين اش السبب الي يجعل البنات ارخص بمقدار النصف تقريبا !!!!!
شئ غير طبيعي

الا اذا فهمي غير طبيعي و فهمت غلط :rolleyes:

[بسمة فرح]

هلا بك الحلم الجميل...
بالنسبه للرسوم انا شفت 350 وسجلت وماشفت الباقي..وإحس إنها مناسبه
بس قالت لي وحده من البنات وإستغربت لان..

أن يكون حافظا لأكثر من 10 أجزاء إلى 30 جزء من القرآن الكريم ولم ينساها
دفع رسوم اجبارية كحد أدنى 3950 ريال للأولاد 1750 للبنات

أن يكون سبق أن حفظ 10 أجزاء لكن نسيها أو نسي أكثرها
دفع رسوم إجبارية كحد أدنى 2950 ريال للأولاد 1450 للبنات

يعتبر غــــــالي:rolleyes:
بس أظن عشان الواحد بيجلس عندهم يأكل وجبتين فطور وغداء.. رغم أنه مع ذلك 1750 غالي!


وبعدين اش السبب الي يجعل البنات ارخص بمقدار النصف تقريبا !!!!!
إعتقد إن الاولاد يروحون رحلات وماشابه ذلك ..
بعدين الاولاد الي بيكونون في الحرم تذكرين مصاريف الفندق والاكل .

[الحلم الجميل]

اوكي
يعني في فطور و غذاء كل يوم
اضافه الى رحلات
نوعا ما اصبحت مفهومه بس تبقى بصراحه غاليه
يعني الموظقف الي راتبه 4 او 5 الاف ما يقدر يرسل اولاده

جزاك الله كل خير :)

[شذى المحبه]

وعليكم السلام ورحمة الله

جزاك الله خير

خلصتيني من تعب التفكير وش اسوي بذا العطله
الله يجزاك الجنه

[شذى المحبه]

يالغاليه الرابط مايشتغل
:(

[بسمة فرح]

الحلم الجميل / بالنسبه للرحلات اظن للاولاد
شذى المحبه
الرابط عندي يشتغل
جربي هنــــــــــا (http://www.qurani.cc/)