كوفي شوب المغتربات-الحلقه 5-علاقتك مع الناس بالغربة من عرب او اجانب*مروا *

[mayaaa]

السلام عليكم ورحمة الله وبركاته

موضوع الكوفي اليوم للاخت مروا علاقتك مع الناس بالغربة من عرب او اجانب
المايك معك مروا حبيبتي هاتي شو متعبك بالموضوع ؟؟ نقاش هادف ان شاء الله مع ارقى واحلى مغتربات

[MARWAH]

احم احم
الو الو
بسم الله بسم الله
سمعانيني المايك عم يشتغل ؟
اولا تسلميلي مايا بس ملاحظة اسمي مروة بالتاء وليس مروى او مروا
ثانيا
علاقاتنا مع الناس في بلادنا بتختلف من العلاقات في الغربة ففي ببلادنا غالبا العلاقات تكون بين الأهل والأقرباء أكثر بالذات للمتزوجات وطبعا بغض النظر عن المزايا والسيئات او المشاكل التي تواجهنا ولكن في النهاية تبقى عائلة
حتى الاصدقاء الذين نتعرف عليهم في بلادنا نستطيع ان نتحكم ونختار بحسب ما نشعر بالراحة والطمئنينة

لكن أغلبنا لن أقول كلنا عندما سافرت إلى بلاد الغربة كانت تطمح باقامة علاقات اجتماعية مع الناس وخصوصا المسلمين والعرب من باب ( ما بيحن على العود غير قشره)
المشكلة اننا أتينا هنا بخبرتنا حول الناس في بلدنا فقط وطباعهم وبعض منا بدون خبرة ولكن كان عندنا حسن ظن قوي بالناس هنا وكنا في البداية نتسرع في التعرف على اول عربية نلتقي بها ونحاول نتبادل الأرقام ونكون الصداقات حتى لا نشعر بالوحدة
تجربتي الخاصة وأظن أنها تشترك بنقاط كثيرة مع بعض تجاربكم
كنت في بلدي انسانة اجتماعية وكتاب مفتوح وكانت اغلب صداقاتي صداقات دراسية لذلك كانت صديقاتي تعرفني واعرفهن جيدا نسامح بعض ونلعب وندرس ونساعد بعضنا البعض بكل طيبة وبراءة طفولة واستمرت بعض علاقاتي حتى تخرجت من الجامعة واغلب المشاكل والصدامات لا تتعدى قلتي كذا وازعجتني بكذا يعني برايي مشاكل أطفال وبعد فترة كل شي يصلح ويعود افضل مما كان
تزوجت وجئت إلى هنا وأنا بحيوية وتفاؤل أن المسلمين في بلاد الغربة يحبون بعضهم أكثر مما لو كانو في بلدهم لان عندهم الم مشترك وهو الم الغربة كنت اذا التقيت بعربية في المول او اي مكان اسلم عليها واحاول ان نبقى على صلة واعطيها رقمي واعرض عليها زيارتي
في البداية كانت علاقاتي شبه منعدمة فقط اعرف اثنتين او ثلاثة كحد ادنى واستمررت هكذا لسنتين حتى انتقلت لمكان فيه جالية اسلامية وبعض عائلات عربية
واحدة من صديقاتي كانت على قدر من الاخلاق والالتزام والطيبة ولكن شاء القدر ان ترجع الى بلدها
بعد ذلك بدأت اتعرف على الناس هنا والتقي بهم في دعوات وعزايم فطور شاي الخ
وعندما اتكلم كنت اشعر بنظرة غريبة وبعض الملاحظات ما شاء الله انت بريئة مثل طفلة طيبة وهكذا وكنت اخذ هذه الكلمات مدحا وليس ذما لاني ما كنت اعرف معنا لها غير المدح
بعد مدة بدأ يذوب الثلج ويبان المرج اكتشفت ان كل واحد منهم اللهم ان أسالك نفسي سمعت كلام من غيبة ونميمة على بعض
الحسد والغيرة منتشر بكثرة والكلام على الاعراض حدث ولا حرج والصدمة الحقيقة ان اغلبهم كان ذو وجهين يالطيف وبعض الامور يوصلونها للشرطة بكل سهولة :(
لما شعرت ان بعضهم بدا يستغل طيبتي والبل يوصل لذقني خففت علاقاتي وانطويت على نفسي وأغلقت بابي وفكرت في تربية أولادي والاهتمام ببيتي ونفسي افضل حل لي واخاف من ان التقي باحد جديد
طيب يا عرب يا حبايبي ليش كل هذا الحقد ليش ما نحب بعض بغربتنا ونحن على بعض ونترك فكرة جيدة عنا امام الاجانب
احيانا بشعر بغصة بتدبحني وبتمنى لو لاقي مجموعة قريبة مني حبهم ويحبوني واقدر احكي معاهم براحتي بدون خوف
الاجانب العلاقات معهم محدودةغالبا حتى لو كانو مسلمين باكستان او من جنسيات اخرى بحكم اللغة والتعبيرات والتقاليد واعتبارات اخرى لذلك تبقى العلاقة فيها ود واحترام اكبر وممكن اعجاب بما نفعله لان الكلام والزيارات محدودة
وطبعا مهما عاشرت من جنسيات اخرى تبقى بنفسي حنين لصديقات عرب
حسيت حالي عم القي محاضرة يا عم اكتب موضوع تعبير ههههههه
هذه بعض ما عندي والافكار والحلول نتناقشها معا ان شالله

[. تيوليب***]

هههه يا خراشتي عليك يا مروة ( بالتاء المربوطة ) :)
ماشاء الله عليك زي العسل
صحيح يا أختي كلنا قابلنا في الغربة ناس تعشمنا فيهم الصدق والإخلاص بس بعد ما تعاملنا معهم عن قرب انكوينا بنار الحقد والغيرة وكمان الحسد يا لطيف
وبعد ما اعطينا الناس ثقة مكانتش في محلها رجعنا اتندمنا على سذاجتنا
شوفي يا مروة رغم إن سني مش صغير بس لسه لغاية قريب بنخدع في الناس وكل ما اقول خلاص حرررررمت وبطلت اعطي ثقتي لكل من هب ودب ارجع اتعرف على واحده واشوف منها مواقف اصيلة بس في نهاية الامر الاقي منها عيوب واشياء مش ممكن يتحملها احد
بس قررت من بعد قرصات كتير اني احجم العلاقة بيني وبين اي واحده وما تزيد المعرفه عن مجاملات لا تخلو من طلعات مع الصاحبات
رغم اني برضو بعد ما اكون كونت صورة كويسه عنهم انهم تقيات وملتزمات وحافظات كتاب الله الاقي حديثهم لا يخلوا من النميمة يوم ما اكتشفت نمهم كنا في حديقه مع اولادنا حزنت وما انبسطت ورجعت وانا مقرره ما اطلع معاهم تاني بس دلوقتي بنتقابل عند واحده منهم على درس قراءة قرآن وتفسير وحفظ والوقت الحمد لله بيضيع فيما ينفعنا وما بيلاقوا وقت ينموا على احد
المهم المشاكل بتظل تيجي للواحده حتى لو اقتصرت علاقتها بالأخريات على المجامله وزيارات الواجب فقط انما مش زي ما تكون العلاقة على البحري وكل يوم زياره او بنشجعهم على جيب سيرة الناس والنميمة معهم
الله يحفظك ويحفظنا من كل شر وماتنسي تدعي بأن يكفيك الله شر خلقه ويكفيك أذاهم وكل يوم استودعي نفسك وأولادك وزوجك الله الذي لا تضيع ودائعه
خلينا نشوف رأي بقية الأخوات علشان نستفيد سوا

ما انسى اشكر مايا على فتح النقاش بارك الله فيها

[new light]

مرمورتي ياقلبي شكلك مجربة ومعانيه من الناس اللي هون
يعني انا كمان مريت بمواقف بحس بغصة بس اتدكرها بس ابدا ما بتوصل للي انت مريتي بيه
يعني ماعمري صارتلي مشاكل او في حكي انتشر الحمد لله كان الموقف يخلص بلحظتها
بس انا اصلا بطلت انعجق وادخل في الناس زي الهبلة
صرت اخااااااف
وعندك حق انا كمان بضل احن لصديقات عربيات
لاني مابحس بالراحة التامة مع المسلمين من جنسيات تانية
وطبعا الحقد والحسد والغيرةوالنميمة بكل مكان
بس انا اللي بيدايقني اكتر اشي كانه في شويه عنصريه
يعني بتلاقي قروب الدكاترة لحالهم والمهندسين لحالهم والعرب تبعون الكاونسل الهم مجموعة لوحدهم
طبعا الا اللي بيكون في البلد من زمان من وقت الدراسة او اللي بيكون ولدان ومتربي هنا متلا فبيكونوا متصاحبين عبعض عادي
كتير بيقهرني هالموضوع

[mayaaa]

مروة بتصدقي ما بعرف وين هي التاء المربوطه عالكيبورد وهيني لقيتها لعيناتش هههههههه قتحتي على حالك باب هل الكل بيقعد يقول مروا بالتاء المربوطه وسبقتني توليب العسوله ........


شوفي موضوعك مهم وانا كوني من زمان بملتقى المغتربات ومنتدى ثاني مو هاد فبدي اقولك حكينا بهاد الموضوع كثثثثثثثثثثثثير مش شوي نفس المعاناه يعني الكل بيقول انا مسكين وانضحك علي فشكلهم هدول القوايا ماعندهم نت هههههههه

طبعا انا ما بشكك ابدن بكلام اي وحده بس بدي من خلال تفكيري بالموضوع اكثر من المره لما كنا زمان نطرح هاد الموضوع لقيت عدة نقاط
اول شي اغلب المغتربات جايين من بيت الاهل عالزواج وغربه فرد مره وحده يعني الخبره بالحياه نادره والضغط بيكون اجا مع بعضه زوج وبيت ومسئوليه وصرتي صاحبت بيت بدال ما تتدربي عند اهلك ببلدك كيف تتعاملي مع الناس باختلافهم اجيتي على مجتمع متعدد ومتنوع الاشكال وبدون مساعده بمعنى وجود الام والحمايه مع البنت بيساعد وبيفتح العيون نوعا ما

كل وحده مفكره ان الغربه ممكن تتشكل وتصير وطن بتنصدم بالواقع المفروض كلنا نحط بعين الاعتبار وتستعد نفسيا لنقطة اختلاف النفسيات والبشر يعني اهلك وجيرانك وصديقاتك خليني اشبههم شوي الجيولوجيا متل الحجار اللي تشكلت بنفس المكان ( البيئه) يعني لو قلنا احنا بالاردن احجار بركانيه كلنا من نفس البيئه والاختلاف بسيط بالشكل او بالحجم بس كلنا مرينا بنفس الظرزف اللي صقلت شخصياتنا فبتلاقينا نشبه بعض هل لما الواحد بيتغرب بصير مخلوطه حجر بركاني على رملي على ترابي ومن كل شكل ولون كل واحد مر بظروف بتختلف وتشكل بطريقه مختلفه وبيكي انت مش متلي احنا ببلدنا غير بس هل حد فكر انه يتعامل مع الشخص القباله مع الحيطه والحذر بكل كلمه بكل حرف بكل تصرف لأ بتلاقيكم تفتحوا البيت والقلب وتحكوا كلشي ما بتفكروا انه هالانسان بجوز يحسدك على طبع زوجك او على اثاثك او على شكلك او على فلوسك واذا فقيره بيقول شوفوا جوزها بيحبها اهلها بيحبوها حماتها كيف بتعاملها كيب لو خلينا هالامور كلها غامضه وسريه لبين ما نتاكد ان هالشخص اللي لقيناه بالصدفه بيستاهل يعرفني بيستاهل يصير صديقي درستيها اختبرتيها لأ اذن انتي حطيتي حالك بهالموقف وكله منك مو من الناس

بعرف وحده مشاكلها كثثثثثثثير على انها رائعه بس حماتها مش راضيه زوكها مش راضي اولادها مش مبسوطين ولو تشوفوها دابحه حالها دبح عشان ترضيهم ولا حط راضي حتى اصدقائها بالشغل بيطلبوا منها MORE....WHY???لانها شفافه وسمحتلهم يعملوا فيها هيك اعطتهم اشاره خضرا مفتوحه على طول مافيه لا احمر ولا نيلي كله اوكيه وبس بتضغط على حالها وانا انبري لساني وانا اقول حطي حدود يختي عصبي ازعلي منشان الله....
انا انقرصت كثير من النسوان وانا بنوته بحكم طبيعة شغلي كنت اول بنوته بالمديريه وتعلمت من اغلاطي معهم لما تزوجت كنت خبيره بالناس والنسوان مو سهل حدى يضحك علي ولا بعطي وجه لحدى ولا بقول عن بنت صديقتي الا بعد سنه عالاقل اتاكد فيها اني بقدر اتعامل معها بامان واكون بعرف طبعها وعاجبني او عالاقل بقدر اسيطر عالمواقف معها يعني بعرف اسوق عليها .........اذا ما عجبتني خلص صراحه حسب الضرر اذا بالمره مافيها فايده بالشلوط يعني بقوللها اسمعي يا بنت الناس رقمي انسيه انتي عملتي كذا كذا انا هاد الاسلوب ما بينفع معي ....اذا هي عاديه بس ماعجبتني بسحب شوي شوي بضل اتحجج بجوزي باولادي طبعا بجوز تقولي حرام اتسلي معها بقولك بيتي اولى بوقتي ونتفرق صاحبات احين ما نتفرق اعداء ....عندي اموت من زهقي ولا اصاحب بنت ما بقدر اتعامل معها بلا وجع قلب مال جوزي بصاحب جوزي والله مره عملتها فيه قاعده وبخاطبه بصبغة انثى ومحنا قاعدات !!!! بروتند

طولت عليكم انا عارفه بس بدي اقولكم اسلوب الهجوم عالناس بحجة زهقان هاد حكي فاضي العائله اللي اجيتوا منها مو بتعرفوا بعض من سنين ومع ذلك بتفضلي مثلا بنت عمك على بنت عم ثانيه صح؟ وبدك بغربه وتلاقي بيوم وليله البي اف اف تبعتك ولا يمكن لازم نعطي الناس وانفسنا وقت سنين متل ما صاحبنا اصدقاء الدراسه سنين حتى اخذوا لقب صديقي مو بسهوله اي بنت بتكون صديقتك

انا عندي صديقات مفضلات عربيا وباكستانيات وصراحه اكتشفت المرءه هي مرءه يعني الغيبه هون وعند الباكستانيات والله اشي بيضحك بضل اقول سبحان الله اللي جبل المرءه على حب الكلام والقرقره لما ما بدي اسمع غيبه بس بقعد ادافع عن الطرف المش موجود مابهاجم المستغيب ابدن الناس ما بتحب تحطي ايدك عالجرح رح تنفريهم منك الرسول تقبل المشركين وعلمهم الدين تعليم ما امرهم فيه فانا طريقتي بضل اقول بلكي فلانه مش قصدها بلكي كذا بلكي مزا اللي قبالي صدقيني خلص مره مرتين وبيبطلوا يجيبوا سيرة حد قدامي عشان ما اقعد ادافع او بيكونوا استحوا على دمهم

طريقة تجنب الناس ما تفيدكم باشي لازم نغلط ونتعلم من غلطنا انا مابزعل لما الاقي بنت مو كويسه او عملت او سموت لان اول اشي انا ماخليتها تضحك علي وانا اللي قررت اتركها مو متل الهبله مشكلتني وكبتني لا بضل مفتحه عيوني ومنتبهه فلازلت ابحث عن ناس محترمين وعندي مجموعه طيبه الحمدلله بس ما اغنتني عن الاهل والبلاد
شغله تانيه بلاحظ ناس لئيمين معي ماشيين تمام لانه انا عرفت ادير علاقتي فيهم وبكون متفاجئه ايش عملوا او ايش حكوا او او او بس مو معي مع غيرري


جد اسفه طولت عليكم بس بدي اقولكم اني بفضل اصاحبمن بلديعشان بحب استعمل لهجتي واحكي عن شغلات ببلدنا بحس بترجعني لبلدي خصوصا لما بذكر اماكن ومحلات واخبار البلد وهيك واظن الكل متلي ولسه ما صارلي اعرف اردنيه او فلسطينيه من بلدي طبعا مليان بس انا مختصره ما لقيت اللي ارتاحلها

[MARWAH]

تعرفي تيوليب هدول الناس يلي بيحكو باعراض بعض وكلام والله عيب ينقال راحو اجتمعو عند وحدة بدروس قرآن بس أقسم بربي كانت للمنظرة مو أكتر يعني المسكينة يلي تدرسهم عم يضحكو عليها ومن وراها يعملو يلي بدهم ياه او يتغامزو عليها بس قدام الباقيين يلي ما بيروحو يعقدو يقولو يالله ما احلاه وروحانية وعم نستفيد ويبالغو بالكلام من باب المجاكرة مو أكتر
مع اني اول ما اجيت لهون واتعرفت على الناس عرضت عليهم يعملو دروس قرآن بحكم انو دراستي دراسات إسلامية قعدو وقتها لاء مافي وقت يادوب بيتنا وولاد وماطلو ومن هالقصص بس لما مرة وقفت مع الحق ودافعت عنو عملو هالحركة فكرهم يغيظوني الي هههههههههههههه تقولي رح ازعل والله ما زعلت المهم يستفادو مو المهم مين عم يدرس


نيو لايت بالفعل حتى أنا ما عدت انعجقت بالناس بس المشكلة صارو يحكو عني اني سلبية ومالي خلطة بحدا يعني ما خلصت من شرهم وبالفعل راس الافعى يلي بتدير كل هالمشاكل قاطعتها نهائيا مع اني ما بحب قاطع حدا بس للضرورة احكام
والباقي علاقتي فيهم للمناسبات بس ولادة وفاة واجب مو اكتر
بس والحل يعني معقول نعيش بدون علاقات مثلا ؟

[MARWAH]

هههههههههههههه حتى انا بقول هيك اذا كلياتنا مخدوعين بالناس طيب وين الناس الخبيثة والخداعة
تعرفي مايا حتى انا بحط كتير أعذار للناس لدرجة مرة وحدة كانت معصبة من شي ولما قلتلها بركي فلانة ما قصدت قالتلي شبك انتي ولامرة وقفتي معي دايما يمكن وبركي وتخيلي بطلت تحاكيني سنة كاملة
طبعا طبائع الناس بتختلف هون وببلدك بس ببلدنا نحنا أقوى كنا بحكم وجود الأهل والاهل بيكفو وبيوفو بس أنا أهلي من النوع الطيب يلي ما عندو خبث على الناس تخيلي أمي كانت تخليني أعتذر من حدا حتى لو مو الحق علي وانا كنت مفكرة انو صح يلي امي بتعملو بس لما كبرت تعلمت انو لاء مش صح بس لسا الطبع عندي اذا بتخانق مع أي حدا أنا بكون الطرف اللي بيطري الجو بعد المشكلة ان كنت مع زوجي اختي رفيقتي اي حدا حتى لو ما اعتذرت بطري الجو وبعدين بعقد ببكي انو ايمتى بدي قسي قلبي شوي وخلي الناس هي تجي تعتذر ولو لمرة وحدة
بس الغربة بتحسسنا اصلا بحاجة لنستانس بحدا ومن هون بتبدا رحلة الخلطة والمشاكل وصعب نتقبل وضع انو الناس أطباع حتى لو خارجنا تقبل من جوا منبقى تعبانين وما عم نقبل الواقع

[mayaaa]

مروه انتي عندك مشكله بشخصيتك من امك الله يحفظها بعرف ناس كثير هيك انا بقوللهم مستضعفين ماما علمتنا نوقف بوجه الناس ونطلع حقنا من حباب عيونهم وبابا علمنا ان ما نخاف الا من اللي خلقنا ولا نخلي حدى يستوطى حيطنا وعملنا ان مو شرط نحترم اللي اكبر منا على حساب حقنا ولما نسامح الناس بسامحهم بقلوبنا مو نخليهم يستقووا علينا ونقول احنا متسامحين لأمناخذ حقنا او منستد ومنسامح باللي ما قدرنا ناخذه اما انسان قوي ومستقوي هاد ايش بده يفسر التسامح ؟ خوف صح؟

كثير سمعت كلمة انت قويه ومش مقدوره ردي انه اكيد اي حدى بده يستقوى علي وما يقدر ما رح يعجبه
بس مروه ما تزعلي من امك ترى حظ الطيبين بالاخره كبير ووافر يعني انا مطلعه حقي بالدنيا انتي بتاخذيه بالاخره واللي بالاخره احسن صح والا لأ انا احيانا بقول لوني اخلي حقي بالاخره احسنلي بس مابقدر بضل جلدي يهرشني وجوابي جاهز على طرف لساني وما حد بيطلع معي راس

ولما بدك تعطي دروس اعمليهم بمركز اسلامي او مسجد وخلي علاقتك بالحضور علاقة رسميه اللي بيحكي عليكي حقك بتوخذيه من عيونه بالاخره ومو غلط لو انه تعطي دروس حسب ما بتشوفي قدامك يعني عن اللي بيضحكوا على الناس ورب كلمة تلقي بالانسان 70 خريف بنار جهنم نصيحتي الك كمان لا تغمقي مع الناس كثير ولا تتعمقي معهم وخلي حوليكي طبقه ماحد يعرف بايش تفكري ولا كيف عيشتك ولا مين بيحبك ولا تجيبي سيرة اشي عشان تحمي حالك ولا تكثري ابتسامات ومزح اتدربي وابدئي من الصفر صدقيني الكل رح يتغير معك عالم ما بتيجي غير بالعين الحمرا ههههههه

[mayaaa]

بنات اللي عندها موضوع حابه نحكي فيه تراسلني اوكي دوكي؟!!!

[MARWAH]

صح الحق معك مايا بس امي الله يخليلي ياها هيك طبيعتها حتى لو عصبت بتعصب علينا بس ههههههههههه مع الناس بتكتفي انها ما تحكي بالموضوع يلي مضايقها او تلطف الجو
هلق انا هون اتخذت اجراءات كتيرة بهالموضوع
اولا بيتي وولادي وزوجي رقم واحد فصرت شوف وين في نشاطات خاصة بالاطفال اماكن اجتماعات اخدهم عليه وبالبيت بهتم فيهم وبابوهم

تانيا حددت تلفوناتي تقريبا الا مع واحدة تنيتين
مشاوير وعزايم وطلعات اذا ما عجبتني ما بروحها ابدا

ولما بلتقي بحدا ما عاد عزمت على بيتي ولا عاد فتحت مواضيع ولو عامة بحاول حدد الموضوع مشان ما يتاخد على كلامي كلام تاني ويقولو مروة ( بالتاء ) قالت :)
بس المشكلة الاساسية بتبقى انو لما بحس بفراغ او تعب نفسي وبحس اني بحاجة حدا بكتفي بالبكا لانو مافي مين فضفضلو ولاىفي مين افرح معو ويفرح معي
ولاهلي ما بحكيلهم شي عن مشاكلي بقول بيكفي البعد تاعبهم كمان اشغل بالهم صعب

انا عارفة الموضوع اغلبو شكاوي بس انا حابة نتناقش بحلول سليمة كمان لتجنب الحاجة للناس

[amani1]

السلام عليكم
يسلموا يا مايا ومروه عليالموضوع الحلوه
بالنسبه لي انا لما اجيبت كنت هبله وبعدني شوي بس عم بتعدل اول شئ وانا بعمان ما لنا خلطه كتير بالناس يعني ماما مش من النوع بتعمل زيارات كتير وقهوه صباحيه لا كانت تغسل وتطبخ وحالتها حاله وخاصه بعد ما تغرب بابا وبقينا معها كنت بتحمل المسؤوله يعني ماكان عندي عندي صاحبه وحده بس بعمان ما بعرف ليش يمكن هي العقلها ايجي علي عقلي يعني حتي لو بحكي مع وحده بحكي معاها بس اذا ما عجبني ويحسيها بتنم ما برجع بحكي معاها ولا اصلا بزورها
المهم لما ايجيت هون اصلا زوجي ما بعرف يختلط مع العرب وما عنده عرب عاس هون تقريبا 28 سنه وما بعرف عرب لانه كان يعرب اجانب بحكم شغله وعلاقته
المهم كنت كل ما اشوف وحده لابسه حجاب اركض عليها اسالها انت عربيه وشويت اساله من وين وندردش وين ساكنه ونتبادل تلفونات بس عمري ما حكيت مع حدي
اول شئ زوجي من النوع ما بخليني اروح ازور اي حدي عربي بدون ما يتعرف هو بالاول عليه يعني كعائله او اكون التقيت فيها اكثر من مره بالسوق وهو معاي ويشوفها مش قصدي شكلها لا
وبعدين لازم تصير زياده عائليه وبصير ينبه عليي لا بدنا حكي ولا نميمه واذا بلشت انت سكري عليها خليها دبلوماسيه
وبعدين صار كم موقف سخيف وللاسف الزلام بكونوا نسوان مش زلام يعني شو مارته حكت بروح يعاتب الزلمه طرطور يعني
وصيرت اتجنب فيهم ولقيت علاقتي مع الامريكان افضل ميت مره من العرب للاسف
وعلي الاقل الامركيان بحاملوا فيكي وما بحكوا كلمه مش كويسه لانه بنضروا ما يجرحوا المشاعر عند الاخرين
وكمان شو ما تلبيسي هذه من تجربتي وتجربه زوجي بالشغل لانه بكون بشتغل مع نسوان حتي لو تلبسي كندره بعيد عنكم قديمه من عهد الهجره بصيروا يجاملوكي حلوه ومن وين اشتريها
وشو تعملي لهم بقدروا وبكافؤ حتي لو بكرت شكر
ان اتطوعت العام واعطوني 50 دولار جيفت كارد والمديره اشترت لي مجموعه كريم للجسم وليفه والكرت احلي من الاغراض تعرفوا ليش لانه كنت كل مره اعمل كيكه او اقراص سبانخ او اتذكرها ببسكوته فقدتها وقالت لي انت دارما بتطعمني هون ما حدي بذكر حدي عاده
طيب لو عند العرب كان بلشوا انتقدوا اكلي وبصيروا يعطوا نصائح فاضيه لو انك حطيتي هيك او عملتي هيك
وبعدين اعتقد هي النميمه وين ما تكون بس هون لانهم مش عارفين شو يعملوا
لو بالبلاد بتكون بلشانه بالطبخ ولانفخ والحياه الصعيه والشغل والتدريس والباصات والتوصيل والحماي وبنت الحماي بس هون كل شئ متوفر ولله الحمد ومش لاقين شو يعملوا وببلشوا بالناس
يعني انا روحت العام علي البارك وفت وحده بعرفوها ومعها شله نسوان ماشاء الله عليهم محجبات ولابسات عبايات تحكوا جايين من مكه
اول شئ بلشوا يتوتوتوا بين بعض وبعدين نادت عليي وحده مش البعدها بدل ما تسالني انت شو اسمك اام ام شو
سالتني قديش عمره زوجي لانه كان معي وعم بلعب الصغار :eek:
خير بدك تزوجه ؟؟ وقديش عمره يعني اكثر شئ الامريكان بكرهوا ان تسالوا الامور الشخصيه زي العمر والوزن بس سبحان الله دائما بنجيب العادات السئيه معانا من البلاد
وحده ايجت عندي قبل 4 سنين هي وحماتها وصارت بدها تسالني عن دار حماي ابصر زوجها شو حكي لها لانه زوجها زي النسوان بحب النميمه واخذ الاخبار
انا زوجي بموت من هيك امور وبكرها ولما ننزل علي عمان بصير يتقاتل مع اهله علي هيك عاده
عيب تسالوا قديس بتعمل مصاري او قديش عمرك او اي امور شخصيه
انا تعرفت الاسبوع الماضي علي نسوان وقلت الله يستر في المدرسه جابوا اولادهم علي المدرسه وحده عراقيه ووحده فلسطينه وانا بساعد في صفهم بس انا بحكي معاهم علي المدرسه وعلي الصغار وانهم يتطوعوا وهيك حكي بس الله يستر واذا تذكري شئ تاني بقولكم
بس 99 من التجارب مع العرب بناء علي حكي العرب وخاصه الهم علاقه بالجامع والدورس والتجمعات فاشله وبتنتهي بالمشاكل والمقاتلات وسببها انه الزلمه ما بقدر يوقف مرته وبسمع لها حتي لو غلط وما بتاكد

[amani1]

ماشاء الله كتبت مجلد

[*سهام الليل*]

اكتبي امون ما في مشكلة الانسان يتعلم من اخاطئه

انا اول ما جيت عملت صداقات ولحد الان مع صديقاتي لكن علاقتي معهم محدودة لما احب اعزهمهم كلهم مع بعض لاني جربت الزيارات الفردية وكانت مضيعة للوقت وفيها غيبة ونميمة ..فاحسن شيء يجوني كلهم في وقت واحد
واعمل الواجب مع الي اعرف انهم محتاجين مساعدة ولادة مرض سفر .....
لكن اسراري واموري الخاصة تبقى معي ..انا انصدمت صدمات وحوادث عنيفة في حياتي هنا ومجرد التفكير فيها يتعبني ..
وحدة من الي تعرفت عليهم جاءت جديدة وما تعرف حد قربتها مني من باب المساعدة فهي بدل ما تقدر ذلك قامت اتتلاعب بثقتي فيها .
اول الامور كانت تجيني بدون مواعيد ..وبعدها بدات تتهاون في حجابها ومرة تقول لي التقت مع فلان وعلان وفلان قال لها.... ومن هذا الكلام
فحسيت اانه في شيء غير طبيعي في البنت ...
فيدات اسحب نفسي ببطئ حتى ما تحس لكن هي ذكية وحست فصارت تجيب في سيرتي لصاحياتي وتحكي عن بعض اسراري ..وحتى ملابسي
والقشة الي قصمت ظهر البعير كانت يوم دخلت اولد ابني جات عندي للمشفى بعد الولادة وجلست معي شوي وبعدين راحت . وشوي اتصل زوجي بي فقال لي انوس شابع بكى ورافض اىه يروح لجارتي نهائيا وقال لى اىه جاي معاه للمشفى واىه اجهز هديته على اساس هدية من البيبي لانوس ...وقعدت استنى ولما جاء زوجي قال لي بالله عليك فلانة شو جابها للبيت ,,,قال جاية تسال اذا محتاجة شيء ولا لا ؟؟؟
اللئيمة خرجت من عىدي لبيت زوجي عاملة نفسها تسال على ؟؟؟

[متسننة]

يالطيف ايش هاذي ياسهام الله لايبلانا ويصلح هالمخلوقة ويهديها

[MARWAH]

تعرفي أماني صح حتى انا حسيت الرجال العرب بالغربة متل النسوان بيضيرو وهنن يلي بيغتابو وبينمو وبيعملو المشاكل مرة زوج وحدة شافني مع ولادي بالسوبر ماركت وبتعرفي الولاد كيف بكونو هنيك على نق واسئلة بس كانو جنبي يعني بعد يومين بسمع من وحدة بتقلي انو ولادي بيوجعو الراس وما بعرف شو وانو فلان شافني وكانو ضايجين بذمتك هي قصة بتنتقل . طيب انا بالسوبر ماركت مو ببيتك ولا فوق راسك وعم حاول اضبط ولادي قد ما بقدر بس عنجد نسونة
مرة تانية حبيت افتح صف بالمسجد فقلت لزوجي يحكيلي مع الشيخ من طريق ما دريو النسوان اني سائلة الشيخ مشان الغرفة بتعرفي شو عملو زوج وحدة راح المسجد وقعد يقلو للشيخ بدنا الغرفة ومن هالكلام لندرس ولادنا عربي قام بعد يومين بيجي زوجي لعندي وبيقلي رفضو لانو في شخص تاني اسمو فلان طلبها والشيخ قال هاد مسجد مو بزنس انا انصدمت لاني عارفتهم ما بدهم الغرفة وانهم عم يلعبو وبعد كم يوم وحدة بتقلي اسمعت عم يقولو انو طلبتي الغرفة من الشيخ قام طردك صدقوني غصيت من قهري شوبدهم فيني غيرة وحسد
وهي قصتين من القصص وهي انا اقسم بربي بعيدة عنهم لا بزورهم ولا بتصل بحدا الا اذا كان في مباركة او وفاة مو اكتر بس فكرهم كترة حكي وبتعرفي ردة فعلي شو بتكون لا بتخانق مع حدا ولا بسال ليش هيك ساويتو بطنش وباكلها ببدني وبس شوف اي حدا من تبعات الوجهين بس بسلم وبسال كيف الصحة مو اكتر
والمشكلة انو حتى الناس الحبابين ما بيعرفو ياخدو موقف وبتلاقوهم واقفين مع الباطل كرمال ما يخسرولهم شي قعدة او زيارة او كاسة شاي هههههههههههه

[MARWAH]

سهام تعرفي هي مريضة نفسيا وعلى قولة امي الله يبعتلك الحناين والطيبين ويبعد عنك الخبثا والخبيثين

[MARWAH]

طيب قولولي شو هي الحدود برأيكم لإقامة علاقات مع الأجانب مسلمين أو غير مسلمين ؟
من ناحية اختلاف الدين والعادات والتقاليد واللغة ؟

[mayaaa]

سهام ضحكتيني على البنت اللي رايحه لزوجك الحزين توه جايه بيبي هو ناقصه نسوان لو مكانك وبتصل فيها وبقوللها قديمه قال صاحب المره وتوخذ جوزها بطلت تزبط الله يستر عليها انا بعرف وحده اتصلت بوحده تقوللها ايش فيها لوزوجك يتزوج مره ثانيه البنت تقولي انا شايفيتها بتلف وبتدور حولين الزلمه الها فتره وعارفه كلشي مو نايمه على اذني بس ما توقعت تتصل فييه تقنعني بالموضوع ........


اماني بموت عالمجلدات اكتبي قد مابدك يا شيخه بس بدي اقولك
لا تصاحبي كبلز اوعك جوزك بتعرف عالبنت ووقوليله لازم يكون عندك ثقه اني كبيره وبعرف اصاحب لحالي واني اقدر ادير علاقاتي بالناس ولك زوجك نسخه كربونه عن جوزي من سوالفك نفس الطبع وكان يحاول يتدخل يضل يقولي العرب مشاكل ووجع راس ووووشوفيلك وحده من الختيارات جاراتنا او ام فلان (مرت ابن خاله او ابن عمه )عشان يضل داير باله علي (daddy) وكل علاقاتي مع نسوان قرايبه فشلت فشل ذريع والسوالف وصلت الاردن يعني انا اقح من هون عمتي بالاردن وسلفاتي وكل قرايبهم يعرفوا بالقحه
المهم هو نفسه رجع منعني اروح وبعدها صرت اذا منروح رسمي ولا بتصل عليهن ولا بعزمهن هو يعزم وهو يقرر نروح ماليش دخل وانا عملت صداقات ثانيه بدون رجال خربت صلحت هو ما بيعرف شو بيناتنا وانا بحاول اسيطر عالعلاقات كلها ولما بدي اجيبله قصه بحاول يكون فيها درس اله يعني فلانه ياحرام جوزها منعها كذا (عشان اشجعه يخليني اساوي الشغله ههههههه) فخلص هل انتي تعملتي لا تضلي تقولي العرب مو مناح لا ياعزيزتي العرب خير الامم والا ماكان ربي نزل الاسلام عالعرب ورسولنا عربي وفهمي زوجك لا يغلط بالعرب لان زوجنا عربي بس الانفس صح انا معك نادر تلاقي انسان يعجبك يعني الله اعلم بجوز الاجانب المغتربين بيعانوا مثلنا من جنسياتهم يمكن العله بالاغتراب نفسه لان بلدنا مليان اهل خير صح؟ فهل خلص قولي لدادي انا كبرت وبصاحب لحالي والبنات اللي تعرفتي عليهم حبه حبه لا تهجمي مره وحده خذي وقت طويييييييييييل تاتتعرفي عليهن وخليي الك تاثير حلو عالناس انا بعرف كذا بنت بالاردن انجبرت عليهم بحكم الشغل يعني نكون بغرفه وحده وغيرتهم لما يتناسب مع شخصيتي وحده كانت بالمره فلاحه ومسكينه هجينه جايه من الادغال ما تركت الشغل والا هي شو اتيكيت وشو اناقه وادب هههههههه مابتعرفيهاش فبعض ناس بتتقبل التغيير وانتي دايمن خلي الدين مقياسك بتنجحي ان شاء الله ......

[mayaaa]

مروا الحدود ما يدخلوا حياتك الشخصيه الا لما يثبتوا جاهزيتهم وانهم بيستاهلوا وتكسبي ثقتهم ويكسبوا ثقتك خليكي صديقه بعيده ماحد بيعرف اقل التفاصيل قولت اماني كم عمر جوزك وكم بيجيكم دخل وشو بتوكلوا وشو بتحبوا هاد كله جوابه اما ابتسامه او بتكرشيها وبتخلصي بلا قلت ادب هههههههه حسب تقديرك للامور

[MARWAH]

صح مايا لازم ما يتدخلو بحياتنا الشخصية تعرفي وحدة اتصلت تسألني كيف اشتريتو البيت قلتلها اشترينا بقرض اسلامي قعدت تكذبني وتشكك بصدق زوجي وتقلي لو خايفة تعطيني التفاصيل والله انا ما بحكي لحدا قلتلها انا قلت اللي عندي تقلي الظاهر زوجك مخبي عليك ، مشان الله قوليلي شو دخلها وبذمتك مو حكيها مالو طعمة وانا عم حط حدود يعني طريقتي بالكلام بتقول وقفي اسئلة وهي بتتعمق .

سؤالي يلي طرحتو قصدت انو في ناس بتحذر من مصاحبة الاجانب بحكم اختلاف دينهم وانو مابيجوز ومن هالشي ؟
سؤالي انو شو رايكم بالفكرة ؟ وهل انتو على استعداد لاقامة علاقات مع اجانب غير مسلمين ؟
وبالنسبة للاجانب المسلمين شو هي حدود العلاقة المحبذة ؟

[amani1]

كلامك صح بس تعرفي يا مايا ماهو كم كتير ما سمع عن العرب وشو بفضعه هون يعني بقولي شو عرفك انه المره ما بتشربك شئ ببتها حتي لو عربيه ما هو من الاخبار المش كويسه للاسف وكلامه صح بيني وبينك بس
علشان هيك انا بقابلها بالبارك مع اولادها وبكون زوجي معي بس من بعيد يعني ما براقبني بلعب مع الصغار وبعدين علي المول وشوي وشوي بنروح علي بتها اذا عزمتني وبعدين بعزمها
بس بخلي الحكي عن المدرسه والولاد والحياه الاجتماعيه والانتخابات المش عارفين مين بده يفوز وهيك حكي بس يماما في نسوان بدهم يعرفوا البيضه مين بده بيضها
تعرفي زوجي علي نياته يعني لو بعيش بعمان بضيع
يعني مره صاحبه اول ما ايجت هون قبل ما توصل هي واياه لاول مره روحنا علي المحل اشترينا فواكه وحليب وسيريل قالي زوجي حرام بتكون جوعانه وهم تعبانين واشترينا اناناس وحطيها بالبيت لانه معانا مفتاحهم المهم بعد شهر ايجت ترزونا وجايبه معها الاناناس مخمجه قال ما بتحبها يمكن عمرها ما شافتها بعمان يعني قليله زوق ان ارميتها بس ما حكيت شئ وزوجي تضايق بس ما حكي شئ قالي طنشي
بس لو انا بعمل هيك كانت نشرتني علي اليوتيوب مش علي البلاد والجريده
للاسف ابعد عن العرب قد ما بتقدر ما بحب اروح عند طبيب عربي ولا ميكاني
تعرفي زوجي عمل حادث قبل 3 سنين ضرب المرسيدس بالثلج اخدها عند واحد عربي صار بده 4 الف واحنا اشترينها اصلا ب 5 المهم بعرف وحده عربيه زوجي بتعامل مع بوذي مش مسلم حكت لزوجها وزوجها حكي مع صاحبه وبعدين اعطانا العنوان تعرفي قديش اخد 800 دولار وطلعها عروس
ما احلاكي لو رايحه عند وحده عربيه تبعت صالون او اي شئ ان ابحب اروح عند الامريكان واذا ما عجبك بتعدل لك وبترجع تضبطه كمان

[mayaaa]

مروا حبيبتي رأي الدين واضح الانسان ما لازم يتخذ ولي منهم مندون المسلمين يعني علاقه رسميه مافيه مانع اما تصير البي افاف تبعتك امريكيه انا بقول اذا حسيتي انك بتقدري تاثري عليها وتكسبيها مسلمه اه اما صحبه لغير هدف حرام المسلمين اولى يعني جاره توديها تودك بدون تعمق منشان اللغه ومنشان حكم الجيره الرسول احسن لجاره اليهودي صح ؟
انا جربت الصحبه مع غير العرب ولك هاي اذني وهاي اذني النسوان ما بينعطن وجه كلهن مثل بعض انا صاحبتي منيحه بس يتقولي كيف علاقتها مع صديقاتها مسلمات من جنسيتهم اشي بيقهر قهر وهي قويه مو انها هبله بس فيه بعض عن الدين وبتلاقيهن يحشن ببعض وخصوصا اللي غير متدينات بتلاقيها حملت مثلا من غير زوجها او بنت وهربت مع واحد وبيستلمن السولافه الف سنه وهي بتشاركني شو بيسولفن وبضل اقوللها فلانه انتي حاولي تدافعي عنها حرام هي غايبه وربي حاضر سامعكم اذا بدك لا تتدخلي بس لاتقعدي تساهمي بنشر القصه الله بيحاسبك وبتوقفي قدامها يوم القيامه بتاخذ صلاتك وحسناته بجوز يغفرلها ربي وما يغفرلك انتي هبله لا تتدخلي مرات بتقولي كله صحيح بقوللها مهو لو مش صحيح بتصيري مستغيبه وكذابه مادخل صح او مش صح مش لازم تحكي على حدى بغيابه اذا عندك اشي قوليلها بوجها شو بدك فيها قولي الحمدلله اللذي عافانا مما ابتلاها .....وطبعا انا مصاحبيتها لانه فيها خير ولانها بتسمع مني للاخر بحس اني بكسب اجر بصداقتي معها بس اقولك ما بتعرف عني الا 10 % من حياتي وانا بعرف 99 % من حياتها لما جبت ابني ما قولتلها الا لما خلفت لسبب بنفسي ومازعلت مني انا دايمن بقول صداقتي معها لله اذا بيوم حبت هي تزعل وتتركني انا موخسرانه اشي بس اهم اشي ما اخليها تاثر فييه وبحياتي .....ف بالنهايه الواد لازم يتعلم فن التعامل مع الاخرين ما بقول هي هبه من الله لا هي خبره فخليكم شجاعات تقولوا اللي بدكم اياه يعني مروا اللي كذبتك ووووو انا لو مكانك ما بسمحلها بقوللها هاد الله عندي حبيتي تصدقي حياكي الله ما حبيتي مع السلامه لو نه سر كان قولتلك بديش اقولك عالم ما بتستحي والله لا تخلوا حدى يتطاول عليكم حاكيين وحاكيين من ايش بتخافوا ولما قالتلك شكل الشيخ طرك بضحك من كل قلبي وبحكيلها كيف بده يطردني ؟ وبقوللها بس لو تنامي وتريحي راسك مني ترى صحتك بالدنيا انا نا سيتك بالشهور تا تيجيلي ببال ولما بتيجي ببالي بقول الله يهديها .........

[amani1]

بالنسبه لعلاقي مع الاجانب ما بقدر احكي لهم كل شئ لانه اختلاف الدين والعادات يمكن احنا بنشوفها صح هم يشوفها غلط او العكس لانه احنا دينا هو حياتنا بس مش غلط يكون معك وحده تساعدها وتساعدك وفي ناس لطفاء والله
بس بحدود يعني لو شكيتي عن الحماي ما حتعرف شو تحكي لانه مجتمعنا غير عنهم احنا لازم نحترم الحماي ونكون نسايرها بس هم بجاوبوها بغض النظر اذا قد امها او لا

[mayaaa]

اماني يا قلبي انتي ماعندك حاسه سادسه لما بتشوفي البنت ما بتقدري تقدري تقدير مبدئي انه هاي البنت كويسه او لأ والله لما بروح المسجد بلاقي عربيات كثير وبدي اقولك لولا وقتي وبلشتي بولادي كان بلاقي الف صاحبه وبحب وحاسه كاهن مناح بيطلع منهن بس مافيه وقت للعجقه وزوجي مو زي زمان طول اليوم غايب عن البيت شغله المسا بقدرش افتح حالي عالنسوان مره وحده .........وحده بدها تعرف البيضا مين باضها ما بقوللها الا القليل اللي عند كل الناس وطريقت كوجك صحيحه انه تتعرفي شوي شوي وبالتدريج انا ما بعارضه اللي معارضيته انه يساعدك بالموضوع شو دخله زوجي كان هيك بس انا دايمن جوابي انا مو طارده بنت الناس بس تغلط بتصرف معها ويضل يقولي مش تقوليلي عملتلي وسوتلي بقوله ماعليك منا نسوان مندبر حالنا فتركني تعب مني .......وايش بدي اقولك شغلة تحطلك بالاكل وهيك ماعمري سمعتها صارت يا بنتي الناس بترج من الخوف شو بدها تحطلك قصده مخدر وتعمل اشي طيب منتي زوجك عارف وين رايحه وباي بيت وعند مين مجنونه هي تضيع حالها الناس بتنخطف بالباركات وبعيد عن العين مو هيك عينك عينك ببيوت بعض شوي زوجك كزودها ابصر مين جايبله قصه انا بقول صعب تصير ماعمري سمعت فيها كنا نسمع هيك اشي بالبلاد بس مع البنات الصغار بتلاقيها ماحد داري عنها وين راحت او باي بيت فانتي قوليله مارح تعمل اشي وهي عارفه انه معك خبر وينني وعنوان البيت
بالنسبه للتجاره مع العرب وهيك انا بحب انفعهم بس صالونات وهيك لأ انا بفضل اخرب شعري بايدي ولا وحده تلعبلي فيه اي بالاردن وهي مليانه طالونات بروحش غير عند وحده بس فصراحه راسي مره وحده سلمته امريكيه عجبت علي وخلاص ولا عاد اسلم قرعتي لحدى انا بسوي لبلد كلشي موجود واليوتيوب موجود بسوي لبلد حتى قص بقص لحالي وبقص لبناتي اتوكلي على الله ترى الاميركيات كمان مش شاطرات


بنات لا تيأسوا من تجربه او تجربتين فيه ناس كثير بالدنيا مناح حوليكم بس انتوا ضلوا جربوا بطريقه دبلوماسيه لاتخلوا حدى يضحك عليكم واذا انضحك عليكم هيه درس والناس بتدفع مصاري وتتعلم درس

[MARWAH]

مايا البنت ما قالت الشيخ طردني من عندها هي وصلتيلي انو زوج فلانة عم يقول هالكلام يعني مشغلين رجالهم نسوان وعم يلتلتو والنسوان هيك عم يحكو وانا الحمد لله ما بقرقر متلهم اخدة اسلوب التطنيش مع انهم اذوني كتير وزوجي طبيعتو ما بيحب لتلتة النسوان والرجال يعني لما قلتلو احكي مع الشيخ وفهمو انو هدول عم يلعبو ليخسروني هدفي ما رضي وقلي شو بدك فيهم والا ما الله يبعتلك مكان تاني ترتاحي فيه منهم
شخصيتي بعد كل هالقصص قوية كتير وآخر مشكلة صارت من سنة قلتلها ليلي بتحاكيني شوفي يا بتجي لعندي زيارة مودة وفنجان شاي او قهوة يا اما لا تجي لو بدك تفتحي اي موضوع عن اي حدا وتوصلي اخبار غير هيك انا ما عندي ومن وقتها وانا قد حالي وما عاد خليت حدا يتطاول
بس يلي بيقهرني انو نحنا عرب وعنا دين وشريعة وقانون اسلامي ليش ما نلتزم فيه ونحن على بعض واضعف الايمان نكفي بعض شرنا

[MARWAH]

هلق بالنسبة للاجانب صح حسن الجوار وعدم اتخاذ اولياء منهم ومن هالكلام بس تعرفي صدفتني مرتين اول مرة في وحدة مبشرة مسيحية من يلي بيدقو البواب وبيعطو كتب كنت انا برا البيت ودقت الباب وعطت زوجي كتاب وبعد شوي رجعت دقت الباب وطلبت من زوجي يعطيها تلفونو لانو سيارتها تعطلت زوجي خلاها تتصل عادي بس زوجها ما كان يرد وهي وابنها قلقانة كتير
المهم زوجي عرض عليهم يوصلهم لبيتهم وبعدين بتجيب زوجها وبتجي لياخدو السيارة من جنب بابنا وهية كانت مو مصدقة يلي عم تشوفو وصلها زوجي عرضت عليه مصاري ما قبل بعد كم يوم بتجي معاها هدية وكرت شكر وقعدت عنا هي وابنها وشربت شاي ولما عرضت عليها الشاي كانها مصدومة وكل الوقت بتتشكرنا وبتقلي اخلاقكم ما شفتها عند الانكليز لانهم رفضو يساعدوني وهيك وبعدي هي عاودت زيارتها اكتر من مرة وعزمتني على بيتها وانا ماطلت وما رحت ولهلق بفكر انو لازم روح ولا لاء مع اني طول الوقت بحكيلها عن الاسلام ودينا وبقلها في اشياء مشتركة بينا وبين المسيحية وهيك......

الموقف التاني رئيسة الكوميونتي سنتر ما الها دين بس من النوع يلي بيساير كل الاديان ولكل عيد من اعياد الدينية بتنظم حفلة طبعا انا مابروح الا على حفلتنا تبع المسلمين وهي انسانة طيبة كتير

[متسننة]

شوفي يامروة ياقلبي هذي مالها علاقة بالصداقات مع الاجانب المواقف اللي صارت فيكي المفروض الواحد يتصرف كذا يعني بمعروف وسماحة وحسن الخلق هذي صفاتنا كمسلمين ولله الحمد بس من تقولين صداقة مع اجانب قصدك ايش؟ الصداقة يعني تدخل وتطلع للبيت وعزايم وتعرف حياتي وكيف عايشة وهلم جرا، انا كذا ماحبذ لان فيه اخلاف شاسع اذا تجاهلنا الدين فالعادات والتقاليد ، يعني الصراحة انا شخصيا ماحب بالمرة اتعمق مع اي اجنبية لان عندهم فضول مو طبيعي وبس يشوفون عندك استعداد تجاوبي اسالتهم يبدون يسالون اشياء مالها لزمة بالمرة ( انا ماعم اتكلم عن الدين ) ، يعني لازم تكوني حذرة معاهم لان محدا بيتامن .

[MARWAH]

انا قصدت من خلال هالمواقف هل برايكم فينا نعمق الصداقات بالذات لو بدت علاقة ود وبدؤو يعرضو عليي زيارة لبيتهم ؟

[mayaaa]

مروا اذا بدم تصاحبيها بهدف تهديها للدين تعمقي معها مو غلط اما اذا بس تكونلك صديقه بدال مسلمه لا هيك حرام الدين واضح يا بنتي

اللي قالتلك الشيخ طرك قالت على لسان حدى ثاني لانها جبانه والمفروض هزئتيها وقلتيلها تسكر ثمها وقوليلها انا وفلان (اللي حكى عليكي مندبر حالنا بس انتي نامي وارتاحي) عالم ما بتستحي هاد اسمه قلقله ونقل حكي ا نا بشوف اللي نقلك بينقل لغيرك عالم فاضيه صراحه

[MARWAH]

اي صح كلامك مايا يلي بينملك بينم عليكي وانا لهيك ما عاد ناقشت لاني لما كنت ناقش وسكت الناس تزيد المشاكل بس لما اكتشفت انهم عالم فاضي صرت طنش وسكر اذاني اكتر شي لو سمعت شي هز براسي وامشي لانو النقاش ما منو نتيجة مع هيك ناس الا وجع الراس

بالنسبة للعلاقات مع الاجانب انا فاهمة انو من باب الدعوة مو أكتر بس انا بلاقي مثلا باكستانيات ملتزمين عندهم علاقات مع انكليز وبيعاملوهم بتقاليدهم الانكليزية يعني بيطلعو معاهم للسينما او ياكلو بيتزا او زيارة شاي بس ما بيحكو بامور الدين اصلا بس صداقة انا اتعرفت على تنتين زملاء عمل مع بعضهم وكانو يديرولنا كورس اشغال يدوية وحدة مسلمة باكستانية والتانية انكليزية وعندهم علاقة قويةمع بعض ومن خلال حديثهم حسيتهم بس بيحكو بامور عامة مو اكتر وما بيدخلو الدين هلق الباكستانية صارت صديقتي بعد ما خلص الكورس وبتجي لعندي بين فترة وفترة وبتعزمني لعندا ومن الحديث تبعها بتحكيلي على صاحبتا الانكليزية كتير
وهي عينة من عينات انا لهيك حابة نتناقش بهالموضوع لحتى نتبادل الافكار حول هيك علاقات

[صاحبة الـ@ـسك]

موضوعكم حلو ولى فيه باااااع طويل هأقرا كتبتم إيه وأرجع لكم بإذن الله

[ملكة بنقابي~]

~

رائع وجاء علي الجرح

ليا عودة لما اخلص شغلي


~

[mayaaa]

مروا لسه بقول بكفي علاقه سطحيه لان القران واضح اذا حدى ملتزم صاحبهم مش معناته انه صح عرفتي
هلأ شوفي مرات النميمه بتيجي من اقرب لناس وانتي مضطره تتعاملي معها فيه عندي بنت حماي صغيره بالعمر لما تزعل من اي حدى مثلا كنوع من الانتقام بتحاول تكشف كلشي حكاه فمرات كانت تتصل علي وتقولي سلفتك فلانه قالت كذا كذا كذا طبعا انا ما بشك انها بتكذب انا عارفه انه صار بس بعتبره اشي عادي نوعا ما هي بتكون مو انه ذمتني باخلاقي والا سبتني والا اشي كلام بس غيره يعني عادي ما بيضرني ولما بشوف سلفتي صراحه بتحترمني كثير وبتقدرني وانا بحترمههم كلهم وبتقبل كنوع من العلاقه الصحيه انه حدى يحكي علي ضمن العادي همه مو ملائكه فبيكون ردي اوكيه000فتقولي اوكيه ايش رح تبهدليها صح00هي عادي مو فارقه اروح اقوللها فلانه بتقول انتي قلتي كونها زعلانه عليها ههههههه فانا اقوللها معليش خليها تحكي هي بتكون معصبه من شغله وانا اجيت بالوجه ههههه انا موزعلانه تنجن بنت الناس كيف ما زعلتي ههههه بالاخر بطلت اقوللها اوكيه صرت اقوللها بورجيكي فيها وطبعا مش ناويه اعمل اشي واقول بلكي تكون هديت وتحل عن راسي مرات ببالي اقوللها مثل ما بابا الله يرحمه كان يقوللنا لما ننم على بعض نيجي نقول مثلا فلان خرب كذا يقوللنا هسه بقطع راسه ههههههههههه ....بمعنى شو اساويله

[amani1]

تعرفي يا مايا لا انا بعرف من اول مره من حكيها انها قويه او فتانه او نقاله حكي بس ما بعلق ولا بحكي شئ بس انا كنت زيك شو بدها تعمل المره لي اه ما بتعرفيها يمكن تشربني شئ
قريبه زوجي كانت عايشه في شيكاجو وايجت عنا يعني نقلت وحكت كلام ولا بتشوفيه بالافلام انا ما صدقت دنيي ييي شو عاملين العرب بس ما بعرف هم مسلمين او مسحيين او شو جنسيتهم لا حول ولا قوه الابالله بس بلاش الحكي فطبع زوجي صح ليش كل وحده قابلها بره من اول مره ما بروح اشرب قهوه بدي وقت لتصير رسميه او عائليه وبعدين بروح عندها الا عقلها ركب علي عقلي واذا لا مجامها كل مره بشوفها بس ما بقطع الصله السلام او التحيه معها

[بوادي اميريكا]

الناس هي الناس
والمجتمع هو المجتمع
سواء في بلدنا او هنا
الشخصيات و طريقه تعاملها تظهر علي حقيقتها في الغربه ..وتكشف القناع عن شخص الانسان و طريقه تربيته
فهو نفس الانسان يلي تعاملتي معاه في بلدك
ليه تغير ..
هو ما تغير ..هذا هو ..هذه هي نفسيته
لكن
ما شفتيها علي حقيقتها لان في ضوابط و عيب ..وناس و اسره واقارب يحسابوها ..
فكانت متخبيه بقشورها علي قوله المثل

انا ايماني ان الانسان ان كان علي خلق عالي ..
وتربيه دينيه و اخلاقيه صحيحه لا يتغير بتغير المكان و الزمان
لانها اصول تربي عليها و شربها كشرب الماء
ومخافه الله لا تغادر انسان
قد تغيب فتره في الشباب و الطيش ان تقل مراعاه الانسان لما يرضي الله دوما لكنها لا تمحي ابدا متصله
فما يلبث الا ان يعود علي ما نشأ عليه من صغره و ما زرعته امه في نفسه وغاب عنه لكن يعود اليه
فما اتوقع الناس ..هي التربيه من البلاد اصلا مو بزود للاسف

لماذ نشعر بانها مشكله اكثر في الغربه و لا نشعر بها في بلادنا؟؟؟
لان البدائل كثيره
وايضا الاقارب و الاهل فان ازعجبتك في شئ تجدي بنفسك السماح اكبر لسبب..هي قريبه من الاهل يعني مو معقول تخاصميها
لان لابد شئت ام ابيت راح تجتمعي فيها مو بكيفك يعني
فاكيد بكون التسامح بابه اكبر
الغريب بتحسي مالي ملزومه اتحمله ..
زميلات الدراسه ..في شي مشترك بينكم يعني يفرض عليكن اللقاء سواء للحوار او الدراسه او الكلام في شي مشترك ..كلكن تعرفنه
في الغربه ..ما في شي مشترك بينك و بين اي من العالم يلي تعرفتي عليه

اما الحديث في الاعراض فاقول لا حول و لا قوه الا بالله
حسبنا الله و نعم الوكيل ان تصل الامور لان يتحدث الرجال في زوجه فلان و فلان ..وهو لم يلقها بحياته و لا يعرف شكلها فقط لان بحبوا الحكي
وقذف المحصنات بين المسلمات و المسلمين ذكور و اناث ..فعلا لاحظتها و تاذيت منها
مما عزلني تماما عن المجتمع الان..
انا استطيع المواجه ..ولا يهمني ..لاني اعلم اني لم افعل ما يغضب الله
لكن زوجي ..لا يريد ..
في وجه نظره ماني مجبور اتحمل كلام و انتقاد الناس ..وتعليقهم علي زوجتي ..خليك في البيت ..
فانا الان حبيسه البيت بعيده عن نشاطات المسجد التي كنت احس حياتي بها منذ 5 سنوات ..
مشاركاتي ضئيله و ما زالت المراره في نفسي ..لاني اشتاق الي بيت الله و احن الي زيارته كما كنت بالسابق
فتقتي جروح يا مروه بالتاء المربوطه

[mayaaa]

بوادي كلامك صحيح 100 % وانا عشان هيك ما بتشارك انا وزوجي بالصداقات ولا بالمعارف ولا حتى باماكن الترفيه يعني لما بروح انبسط انا والاولاد ما بحب نروح اصدقاء وزوجي وزوج فلانه على انهم كثير بينظموا جمعات وقال الزلام مع بعض الستات مع بعض مابحب هيك خلص اصحابك لحال وصاحباتي لحال تهاوشنا اتذابحنا هو ولا معه خبر اذا بطلت اروح مكان بتحجج بشغله عاديه زي مليت اولادها تقال دم او اب حجه عاديه بدون ما اجيب الاسباب الحقيقيه خلص ماله علاقه يعني حتى المسجد ما منروح على نفس المسجد خخخخخخخخخخخخخ ويا بنات مو كلشي بينحكى انتبهوا صارت معاكم مشكله هاي النت تعالوا قرقروا هون اما زوجك رح يخاف عليكي ويتحسس ورجالنا برانويد من غير هالقصص فداري على شمعتك تئيد والا لأ مسوكه ......

[MARWAH]

حتى انا زوجي ما بيعرف شي عن مشاكلي ووقت صارت مشكلة مع مرت صاحبو عرف منهم واجاني يقلي انت ما قلتيلي قلتلو اصلا مافي مشكلة المشكلة من عندون هنن لهيك حكولك وبعدها قطعت العلاقة فيهم لانو مشكلتهم انهم بيدققو على الكلمة وبيعملولها ايدين ورجلين وهي ما بتكون الها معنى اصلا ومن وقتها نسوان رفقات زوجي بجهة وانا بجهة ويلي بحسها حبابة منهم مو اكتر من عزيمة عشا هي وزوجها مرة بالسنة ومسج او تنين كل فترة كيفك شو اخبارك وبس
بس انا معك مايا الزوج ما بينحكالو اي قصص او مشاكل هيك هيك يلي فيه كافيه ويلي فينا كافينا ومو ضروري نجيب النكد على البيت ههههههههه

[MARWAH]

بوادي كلامك مية المية صح
ببلادنا منقدر نختار ونتحكم بالعلاقة اكتر بحكم وجود أهل وأقارب وخيارات تانية متل الدراسة العمل
بس هون بالغربة الانسان بيحن للصحبة والخيارات قليلة لهيك منلاقي المشاكل أكتر موجودة ومنعطيها اهتمام اكتر ومننصدم دايما بالواقع المرير
ربي يفرج بس

[صاحبة الـ@ـسك]

يا الله عليكم وعلى الرغى خخخخخ نموت فى الرغى وكمان كاتبين بالشامى على ما أقرا وأفهم بتكون طلعت روحى ههههه

المهم أنا والحمد لله أنا وزوجى مش بنخبى حاجة على بعض ولا أقدر أحس إن لسانى بيشكنى ولازم أحكى ههههه هبل بقى أو عبط قولوا اللى تقولوه بالذات فى الغربة ما ليش غيره حبيبي ولا ليه غيرى كله بأفضفض معاه وهو كذلك خلاص إتعودنا على كده

أنا تزوجت من ١٣ سنة ولله الحمد وجيت البلد هنا من ٦ سنوات تقريبا يعنى تزوجت وخلفت ولادى الإتنين فى مصر وجيت هنا وأنا كبيرة مش صغيرة لسه من الكلية ولسه عروسة زى أغلبكم لااااا أنا جيت هنا وأنا المفروض إنى خبيرة وعارفة وشايفة وإشتغلت وأخدت دروس بالحياة ومع ذلك برضه إنصدمت!!!

أنا مش بآخد على الناس بسهولة اللهم إلا من وراء شاشة الكمبيوتر لكن فى الواقع بأنكسف مع إنى مكنتش كده وأنا صغيرة بالكلية كنت إجتماعية ومصاحبة طوب الأرض زى ما بنقول بمصر
المهم مشكلتى إنى لما جيت هنا كان فيه واحدة ظريفة جدا مصرية الله يمسيها بالخير رجعت مصر بعد ما جيت بكام شهر المهم عملت زى حفلة صغيرة ودعتنى لها للتعرف بباقى الشلة

تعرفت عليهم وكان فيه واحدة إعتبرتها أخت كبيرة لى وخاصة إنها بقالها هنا أكثر من ٢٠ سنة وكان كلامها حكم وقلت مفيش غيرها بتعطيني مواعظ وبتسهل على الحياة هنا و كانت ضد إننا ندخل أبناءنا المدرسة الإسلامى وبتقول لى ربى إبنك صح وإرميه وسط النار وما تخافيش عليه و و الكثير من الحكايات والروايات إن أولادها أحسن أولاد وأكمل تربية ونصائح بقى تألف كتاب بحاله ههههه

المهم هى كانت بتعمل بالجامع بالمدرسة هناك ورحت إشتغلت معاهم فترة بمدرسة يوم السبت وكنت مبسوطة وبأحس فعلا إنى بأفيد المسلمين ... شوية ولاقيتهم بيتكلموا عن بعض الجنسيات إنهم مش كويسين وإستغلاليين و و ومش عايزة أوضح علشان محدش يزعل

قلت لهم يا جماعة كل شعب فيه وفيه قالوا لى لااااااااا إلا دوووووووووول وكيت وكيت ... ما عجبنيش الكلام صراحة وبعدين قلت معلش يمكن يعنى إتعرضت لمواقف بايخة منهم

[صاحبة الـ@ـسك]

معلش بأكتب كتير علشان كده هأقسمها على كذا رد علشان الملل

المهم بعد شوية الله يهديها لاقيتها خلعت حجابها!!! الحقيقة إنصدمت صدمة عمرى لأنى كنت أعتبرها مثلى الأعلى... والسبب إيييييييه تفتكروا؟

إن أولادها بينكسفوا من حجابها !!! الله مش دول أولادها اللى معتزين بالإسلام وإن وإن وإرمى فى النار ما يهمكيش!!!! أين الإعتزاز بالدين والإسلام
شوية وبنتها خلعت الحجاب أيضا ... شئ متوقع ... ثم أصبح الحجاب على لسانهم مش فريضة!!!!!
بل إنى أستشعر إنها تحرض المحجبات على أشياء خطأ !!! وبدأت أخاف من تأثيرها عليهم الصراحة

قطعت علاقتى بالـشلة دى لأنى كمان وجدتهم لما يتخاصموا يتكلموا على بعض!!! شئ غير متوقع بالمرة وكلهم ولاد ناس ومحترمين ومن عائلات كبيرة ... المهم الصراحة خفت يتكلموا على وقلت اللى بيتكلم معايا على غيرى يتكلم على مع غيرى

[صاحبة الـ@ـسك]

أنا هنا لى صديقتين مقربتين فقط ... مصريتين وأولادهم بسن أولادى ... على الرغم من ملاحظاتى الشديدة عليهم مثل الإحتفال بالهالويين وغيره
وعلى الرغم من إختلافنا فى مسائل عديدة لكن أسأل الله أن أكون سبب فى هدايتهم وأن يكونوا سبب فى هدايتي أيضا
بيعملوا حاجات بتنرفزنى جدا وبأصلح لهم مرة وإتنين وتلاتة وساعات بأحس باليأس لكن شوية وبأقول بلاش الشيطان يضحك على ويخليني أيأس وأبطل أقرص لهم ودانهم على الأخطاء

بالنسبة للأجانب ما ليش علاقة غير بواحدة روسية من أوكرانيا إبنها كان مع إبنى بالمدرسة القديمة وبيحبوا يلعبوا مع بعض
بتسألنى أسئلة فى الدين وفى مجتمعاتنا وعاداتنا وأصحابها كلهم يهود وأعتقد إنهم ماليين راسها بقصصهم وإنهم الشعب الغلبان التعبان فى الدنيا دى وإننا المسلمين وحشين ومش بنحبهم
عايزة أوطد علاقتى بيها أكتر وأفتح معاها مواضيع بس عايزة أكون قوية فى اللغة وأعرف أرد على إستفساراتها كويس

فيه واحدة تانية يابانية إبنها صاحب إبنى التانى بس بأشوفها مرتين واللا كده فى السنة وبس بنعمل بلاى ديت بس ولا عمرها كلمتنى فى حاجة

بالنسبة للتعامل مع العرب يا جماعة مش كل الناس وحشة كده ومش كل العرب وحشين كده فى الغربة ... طيب تعرفوا فيه ناس تقول إبعدوا عن العرب أو مثلا تقول لنا المصريين إبعدوا عن إخواتكم المصريين دول زى الزفت فى الغربة أو إبعدوا عن الفلسطينيين دول مش عارف إيه واللا واللا

الكلام ده مش صحيح على العموم ممكن واحد واللا إتنين لكن مش كده ... يعنى أنا أحب أتعامل مع الأطباء أو أصحاب المهن العرب أكثر طالما فيه امانة وسمعتهم كويسة ليه لا؟؟؟

[بوادي اميريكا]

مايا و مروه
انا نفس الشي ..علاقتي بالحريم زوجي ما بيعرف رجالهم و لا له علاقه بهم
ونفس الشي علاقاته ما بعرف عنها ..
بتصدف احيانا بيعزم ..وبتعرف بس بتبقي علاقتي باليوم هاد بس ..
يعني ما كتير بحب اخلط ..لان لقيت وجع الراس بيجي من المخالطه..
ومعرفه الزوج و الزوجه بتفاصيل ما لها داعي
لان ممكن تزورني وحده مثلا و تقول شي قدام زوجها و زوجها صحبه مع زوجي ..ويذكر شي من يلي زوجته شافته او حكته ..
هون بتوقع المشاكل ..
فلقيت ان احلي مجتمع صراحه ..
الا اختلاط...
واحسد السعوديات بود مو حسد بغض ..
ان لهم الحياه هذه متوفره ..
والان 90 بالميه من صديقاتي سعوديات ..لان ماشيين علي المبدأ نفسه
والسهوله في التعامل معهن حلو
وبتعرفوا احلي شي ..
ان الزوج لا يمكن باي حال من الاحوال حتي لو صدفته معها ..انه يرفع عينه ويسلم
وطبع زوجي الغيور ..والحامي ناسبني الوضع تمام):K
ما بحب ابدا ..الكلام مع الحريم ..ولا بحب حد يسلم علي..
وكتير من النساء يلي عرفتهن سابقا ما فهموا ليش ..
بذكر موقف مثلا جد استغربته
وحده اتصلت تسألني عن عنوان ..
بتعطيني زوجها بجنبها بتقلي خدي هي ابو فلان عطيه العنوان ..انجمدت ..كيف يعني خدي ابو فلان ..من وين لوين ؟؟؟؟
طبعا اعتذرت منها ..وزعلت وانقطعت علاقتنا ..
ووحده تانيه ولدت ..
رحت قمت بالواجب ..زوجها زعل ..وخاصمنا
لما كررت الاتصال عليها ما ترد ..صادفتا بالمسجد ..بتقلي زوجي زعلان و مانعني اكلمك ..
قلت خير عسي ما غلطنا بحقكن ..
بتقلي لان زوجي بقول ان زوجك ما اجا يوم يلي جيتي ..
انا صراحه تفاجأت ..اصلا زرتها زوجها مو في البيت ..تقول ايه استغرب ليش ما جيتوا و زوجك معك سهره تباركولنا بالولد ..
صراحه زوجي كلم زوجها و بارك له ..علي الهاتف ..
وقلي نفاس و حريم ..شو الهبل وش موديني ..!!!!
وانقطعت العلاقه ..لان جاوبت براحته زوجك ..خلاص ما راح اكلمك و لا ازعجك ..

وقطعت ..
هل مطلوب مني اقنع زوجي يروح لا ..ما الهن ضربه لازم

[بوادي اميريكا]

مسوكه يا عمري
فعلا غريب انك بتنكسفي للدرجه هي ..لان يلي متابعك بالمنتدي بحس انك جريئه
وبتدخلي بالشخص بسرعه ..
ربي يبارك لك بالصحبه ..
ويجعل هدايتهن علي ايديك

[صاحبة الـ@ـسك]

مسوكه يا عمري
فعلا غريب انك بتنكسفي للدرجه هي ..لان يلي متابعك بالمنتدي بحس انك جريئه
وبتدخلي بالشخص بسرعه ..
ربي يبارك لك بالصحبه ..
ويجعل هدايتهن علي ايديك

مش عارفة والله يا بوادى من ساعة ما جيت هنا وأنا حاسة إنى إتبدلت وعايزة كده أبقى فى حالى وبس!!!! مش منطلقة زى زمان شئ غريب يعنى عايزة أقعد فى بيتي وخلاص ... يمكن إحساس الغربة وإن مفيش ناس بأعرفهم مخليني منطوية على الآخر لكن الحمد لله فى المنتدى بأرجع لشخصيتي اللى فى مصر تانى ههههههههه شيزوفرينيا يا بنتى ... شفتى الشخصيات المعقدة نفسيا أهو أنا منها :)
والله أنا بأحس بالسعادة بين جنبات هذا المنتدى وبأشعر إنى مع أهلى وأصحابى ربنا يبارك لى فيكم وفى صحبتكم وما يخلينيش أضايق واحدة فيكم بقصد أو من دون قصد

[mayaaa]

مسوكه كلنا هيك من قلت الوقت ومترت المسئوليات يعني اغلب الستات هون عباره عن شوفير او سواق للاولاد ايمتى بدها تطبخ وتخلص شغلها وتجيب الاولاد والصاحبه لما تيجي بدها تجيب اولادها ولازم ترتبي البيت وتجيبي شوية شابنق يعني مش معقول تيجيكي بالسنه حسنه وما تلاقي حبة حلو مع فنجان القهوه والا شغله زاكيه للاولاد ولازم الحمام يكون فل وتضتضبي الالعاب اللي بكل مكان انا عشان هيك بتمنى جاره لاني مو لازم ارتب عشان جارتي بس وحده بتيجي من فتره لفتره لا عيب ما بطيق تيجيني والا مكركبه زمان كنت دايمن دايمن بيتي مرتب بس اسم ربي الصغير حايس البيت كله الاعاب دايمن بالدرج وبيجيب ورق وبيكتب وبيرمي بالارض خواته مش هيك بس ....
انا هاي الاسباب اللي بتخليني مختصره صراحه كمان وقت زوجي المشقلب غير عن الناس كلها يعني اللي زوجها طالع بهالوقت زوجي بالبيت ولما زوجي بيبدا شغله كل الرجال بيكونوا ببيوتهم وانا ما بزور بنت زوجها بالبيت ولا بحب تيجيني وزوجي عندي .........

بوادي ما اشك ابدن انك عارفه تديري امورك انا طبعي من بيت اهلي ما بحب الخلطه بالرجال بحب نسوان لحال ورجال لحال على اننا مو متدينين بس لاحظت الرجال عيونهم طايره عالنسوان يختي عمري ما ارحت فقعده مختلطه لما بتيجي عين الزلمه علي بصير اشك ان فيه شعر مبين او قبتي دالعه اشي؟ اجري مبينات ؟ بضل اتلمس فما بحب هاد غير اذا معك بيبي وبدك ترضعيه او تاكلي والا تشربي مابعرف مش مريح بالمره كثير انعرمنا كبلز انا وزوجي بالاخر نقوم انا ومرته عالمطبخ وحرام عمره ماصارت معي مواقف انه حدى ينقل لزوجي شغله يعني محترمين عنجد بس يختي نسوان وبدنا نسولف بطريقتنا وانا بستحي احكي بصوت يسمعه الرجال صوتي حلو بيجنن شو اقولك ههههههههههههههههههه.
المهم ماعلينا بدي شلوط ... عندي صاحبه مصريه هي وصديقاتها عادي بيسلموا على رجال بعض وبيتزاوروا كبلز على انه زوجها مو عاجبه ابدن انا ماكنت عارفه بس اول ما قالتلي ليش زو جك ما يتعرف على زوجي قلتلها شوفي انا مابدي ببكره صحبتنا بتخرب وبعدين زوجي ما بيحب اني اقعد ما زلمه او احكي معه(كذب انا ما بحب) وصراحه احترمت رغبتي بشكل راقي وصرت لما اشوف زوجها بالصدفه يعني يادوب السلام عليكم وعيونه بالارض وحتى بحسه خايف يسلم علي وبيتحاشاني وانا هيك مرتاحه الحمدلله ومره من المرات عشان كذبتي تنكشف اضطرينا نمر على زوجي بالمحل كنت بدي فلوس خخخخخخخ واجا سلم عليها وصار يمزح معنا وانا بدي اطرده هههههه فضحتني روح بس هي كانت نايس وما سالتني ولا علقت وبعدين قلتله انا ايش حاكيتلها بس ما كنت حاكيتله لاني ما توقعت نلتقي ابدن ...ما بعرف اذا هيك عيب بس انا هيك مرتاحه عالاخر ..وبحس صح اللي بعمله .وكمان بلاقي احترام من زوجي ومن زوج البنت كذا مره حكتلي زوجها بيتمنى متلنا انه خلص البنت ما تسلم عالرجال عشان هيك بحس انه صح.

[متسننة]

مسوكه كلنا هيك من قلت الوقت ومترت المسئوليات يعني اغلب الستات هون عباره عن شوفير او سواق للاولاد ايمتى بدها تطبخ وتخلص شغلها وتجيب الاولاد والصاحبه لما تيجي بدها تجيب اولادها ولازم ترتبي البيت وتجيبي شوية شابنق يعني مش معقول تيجيكي بالسنه حسنه وما تلاقي حبة حلو مع فنجان القهوه والا شغله زاكيه للاولاد ولازم الحمام يكون فل وتضتضبي الالعاب اللي بكل مكان انا عشان هيك بتمنى جاره لاني مو لازم ارتب عشان جارتي بس وحده بتيجي من فتره لفتره لا عيب ما بطيق تيجيني والا مكركبه زمان كنت دايمن دايمن بيتي مرتب بس اسم ربي الصغير حايس البيت كله الاعاب دايمن بالدرج وبيجيب ورق وبيكتب وبيرمي بالارض خواته مش هيك بس ....
انا هاي الاسباب اللي بتخليني مختصره صراحه كمان وقت زوجي المشقلب غير عن الناس كلها يعني اللي زوجها طالع بهالوقت زوجي بالبيت ولما زوجي بيبدا شغله كل الرجال بيكونوا ببيوتهم وانا ما بزور بنت زوجها بالبيت ولا بحب تيجيني وزوجي عندي .........

بوادي ما اشك ابدن انك عارفه تديري امورك انا طبعي من بيت اهلي ما بحب الخلطه بالرجال بحب نسوان لحال ورجال لحال على اننا مو متدينين بس لاحظت الرجال عيونهم طايره عالنسوان يختي عمري ما ارحت فقعده مختلطه لما بتيجي عين الزلمه علي بصير اشك ان فيه شعر مبين او قبتي دالعه اشي؟ اجري مبينات ؟ بضل اتلمس فما بحب هاد غير اذا معك بيبي وبدك ترضعيه او تاكلي والا تشربي مابعرف مش مريح بالمره كثير انعرمنا كبلز انا وزوجي بالاخر نقوم انا ومرته عالمطبخ وحرام عمره ماصارت معي مواقف انه حدى ينقل لزوجي شغله يعني محترمين عنجد بس يختي نسوان وبدنا نسولف بطريقتنا وانا بستحي احكي بصوت يسمعه الرجال صوتي حلو بيجنن شو اقولك ههههههههههههههههههه.
المهم ماعلينا بدي شلوط ... عندي صاحبه مصريه هي وصديقاتها عادي بيسلموا على رجال بعض وبيتزاوروا كبلز على انه زوجها مو عاجبه ابدن انا ماكنت عارفه بس اول ما قالتلي ليش زو جك ما يتعرف على زوجي قلتلها شوفي انا مابدي ببكره صحبتنا بتخرب وبعدين زوجي ما بيحب اني اقعد ما زلمه او احكي معه(كذب انا ما بحب) وصراحه احترمت رغبتي بشكل راقي وصرت لما اشوف زوجها بالصدفه يعني يادوب السلام عليكم وعيونه بالارض وحتى بحسه خايف يسلم علي وبيتحاشاني وانا هيك مرتاحه الحمدلله ومره من المرات عشان كذبتي تنكشف اضطرينا نمر على زوجي بالمحل كنت بدي فلوس خخخخخخخ واجا سلم عليها وصار يمزح معنا وانا بدي اطرده هههههه فضحتني روح بس هي كانت نايس وما سالتني ولا علقت وبعدين قلتله انا ايش حاكيتلها بس ما كنت حاكيتله لاني ما توقعت نلتقي ابدن ...ما بعرف اذا هيك عيب بس انا هيك مرتاحه عالاخر ..وبحس صح اللي بعمله .وكمان بلاقي احترام من زوجي ومن زوج البنت كذا مره حكتلي زوجها بيتمنى متلنا انه خلص البنت ما تسلم عالرجال عشان هيك بحس انه صح.

هومي الف لايك قلتي بالضبط اللي بعقلي وعلى طرف لساني