شخصيتك والغربة

[MARWAH]

السلام عليكم ورحمة الله أخواتي وحبيباتي

موضوع واضح أريد من كل وحدة فيكم تحكي لنا أثر الغربة على شخصيتها
ماهي الأشياء التي أكتسبتيها في شخصيتك من الغربة ؟
هل تغيرت شخصيتك سلبا أو إيجابا ؟
ماهي النصائح التي تنصحين بها أخواتك المقبلات على السفر والاستقرار في بلاد الغربة من ناحية الشخصية وتغييراتها ؟

لي عودة والاجابة بعد أجوبتكن

[mayaaa]

مروا كيفك حبيبتي ايش الاخبار موضوع حلو ماشاء الله

انا بالنسبه الي تزوجت عمري 24 سنه كنت موظفه مستقله بتفكري وكل السمات اللي كانت بشخصيتي اكتسبتها من الاختلاط بالناس بالشغل بالاردن لما تزوجت كانت شخصيتي نوعا ما خلص ماعاد اغير وابدل كثير بس هل بعد عشر سنوات زواج وغربه بقوللكم الغربه ما اضافتلي اشي كثير بس حسنت من شخصيتي مو مرات بتروحوا عالمنيو تبع التلفزيون وبتقعدوا تعدلوا بالالوان والشاربننج والوضوح ووووو حتى تحسوا انكم راضيين عن الصوره انا هيك الغربه كانت عباره عن ريموت خلاني اقدر اغير شوي من شخصيتي للافضل الحمدلله

اول شي دينيا وهاد اهم شي الواحد قلبه صار اطيب وصار يسامح وانا من ما صرت اسامح الناس وانا راضيه تماما عن حالي ومبسوطه بحالي وحاسه اني انجزت شيء مو كل الناس بتقدر عليه كنت لما ازعل من حدى احطه براسي تا اخليه يندم عاليوم اللي غلط فيه ومن النوع اللي الافضل ما تعلقي فيه يعني حتى احيانا بدون كلام اخلي القبالي يكره حاله استغفر الله ماعمري اتعديت على حدى بس شر انتقام هاد الحمدلله بطلته نهائي بسامح واذا الله معطيني قدره وزكاء ما بستعمله عشان انتقم خلص بسامح وبخليها لوجه الله سبحانه وتعالى وستل بلاقي الكل بيندم على انه غلط معي انتقام ربي اكبر ولو بعد حين مو ضعف الحمدلله بس سمو اخلاق واللي بيعرفني بيعرف اني ساكته بكيفي ومزاجي اللي ما بيعرفني بيفكرني هبله بس بالغالب باقي التصرفات بتخلي اللي حوليه يعرفوا انه مش هيل بس عدم اكتراث وترفع

كنت ما ادعي الله كثير وتقريبا الكونكشن بيني وبين الدين محصور عالفروض فقط يعني ما بتلاقيني استغفر ولا اسبح باوقات الفراغ هادي الشغلات ولا بعرفها بس عرفتها من المنتديات اللي الغربه سبب اني انضميتلها يعني لو بعدني بشغلي كان كل النت يمكن ما دخلته ولابعرف شو فيه ...

كان عندي صعوبه بالتعاون والمشاركه لاني وحيده عند اهلي واطلع وافوت بدون اذن تغلبت لحتى اتفهمت انه الزوج بينطلب منه اذن ولازم الوحده ترد على جوزها وتشاوره اومثلاقبل ما اوعد صاحبتي اشوف اذا زوجي بيقدر يوديني او مثلا عادي اروح او لأ لاني ارتب اموري وياويله لو يقولي لأ مش متعوده حدى يقولي ايش اعمل وهو نفس الشي مو متعود تيجيه زوجه تساله وين كنت ومن وين اجيت وليش طولت فاتفقنا انه احنا الاثنين دخلنا ونص وخمسه ومنشاور بعض وهو وعدني قبل يروح اي مشوار يكون عندي خبرهو لا بيروح ولا بيجي بس بدهوش اساله قال شو دخلني وانا عامله متله فبعدين اتفقنا احنا الاثنين لازم اعادة تاهيل والحمدلله النا عشر سنين منتشاور بكلشي حتى باكل الاولاد منتشاور يعني لو قررت ارمي لهاية بطوط بقوله وبشاوره كونه رأيه مهم بالبيت وترى اتفقنا انه خليه ساكت بلا ما يجننا خخخخخخ عمره لا انفطم عنها

نرجع للغربه انا كنت جريئه اروح اي مكان بالاردن بس عمري ما سافرت هلأ زاد هالشي وما بيهمني وين بضيع او وين اسافر او وين اروح الخوف بالمره راح هاد اذا كان فيه اصلا خوف
كل هالتغيير خسيته بحكم السن مو عشان متغربه الغربه بس فتحتلي اشوف ناس غير الاردنيين وتعلم شغلات جديده اختراعات جديده ارغاض جديده اسلوب سياسي بالتعامل مع العالم هاد تعلمته مع زوجي زوجي لحاله كان معلم اول بالنسبه الي علمني ما اتذاكى واضل صابره لحتى الناس تنكشف قدامي قبل ما اكشف حالي وعلمني ان الافضل الواحد ماحد يعرف حدود قوته يعني مثال لو عدوك عارف انك قويه ومستعده وبتخوفي رح يتجهز اكثر ورح يتوقع الاسوأ بس لوفكر انك هبله وعلى نياتك بيضل متطمن وما بيعمل استعداداته فبيعطيكي فرصه انك انتي تستعدي وتفاجئيه (حرب صح) بس هي الحياه هيك


ملاحظه : توني فايته من بره من الساعه سبعه وانا صاحيه وبجوز اني شطحت وخبصت والله ما بعرف خذو اللي بيناسبكم وارموا الباقي ما بدي اراجع اللي كتبته تعبانه جدن جدن برجع بشوفكم

[new light]

انا في اشياء اخدتها مني الغربة وفي اشياء اعطتني اياهم
يعني متلا كنت كتير عفوية بس خلص راحت هالعفويه بعد ما اكلتلي كم كف هون
وعشان هيك انا بحب المنتدى عشان بحس اني لازلت احتفظ ببعض من عفويتي وبرائتي

بس الغربة علمتني اني ما اساير حدا مش متقبلاه عشان المجتمع حكي الناس
لا بعما اللي بيريحني ولو اني بضل ا
ساير بعص الناس بس مش مشكلة لانه كل حين وفين هالمسايرة

باكتر صراحة كن هبلة او سادجة واحب كل الناس وقلبي ابيض مع الكل
لا بس تعلمت هون انه هالاشي غلط ولازم اكون حدرة

اعتمدت عحالي كتير وهدا الاشي كان صفر قبل ما تجوز

طبعا الغربة عملت مني طباخة ماهرة بشهادة الجميع


الغربة صححتلي كتيير مفاهيم عن الحياه الزوجية
اللي مالها علاقة بالدين بس مجرد عادات وتقاليد عنا ببلادنا العربية
انه المرا تطبخ وتغسل وتربي الاولاد وتمسكهم مابعملوا دوشة بس يجيالزوج من الشغل
واضلها تهشتك وتبشتك فيه زي البيبي وانه كل هالاشي واجب عليها

بس لمعلوماتكم هي عم تعمل هالاشي فضلا منها مش واجب
وبتاخد عليه اجر كمان
لو يفهم الراجل هاشئ بتتغير نظرته للمراه

انه هي مش مجبورة تساوي كل اشي
بس عاد المخ العربي بيضل زي ماهو بس شو عليه وراه وراه

يعني ياعم تعوا شوفوا الاجانب مع نسوانهم كيف

واعتقد بشخصيتي الحاليه صعب اعيش بدوله عربية وخاصة لو فيها اقارب
لانه هناك No Way مع الخصوصية والا بتعتبري متكبرة وشايفة حالك



انا هدا اللي اتزكرته هلاء يعني مابتعرفي يمكن اتزكرلي كام شغلة بعدين

[mayaaa]

بنات انتوا ليش بتحسوا انه الاقارب لاهم حق بخصوصياتكم انا حماتي اللي هي حماتي لما بتسالني اشي خاص بقوللها ما بقدر احكيلك انتي اسالي زوجي وطبعا ما بتقدر تسال ما بيقول وبيزعل لو حدى سأله ومابحب حدى يسال عن اهلي شو بيساووا عادي هي مره وحده عملت فيها زعلانه ومابحب حدى يسالني وخلص ولا حدى عملها مره تانيه هي اول مره بسوي حالي متدايقه وعادي بقول انا مابحب حدى يسألني عن اهلي او عن صاحباتي او وين رحت ووين كنت وماحدى قاطعني اند اي دونت كير اف ذي دو

بحس خصوصيتك باي مكان انتي بتقدري تعمليها وتحافظي عليها
الاولاد اذا ماعجبني تصرف وهيك اول مره بقول مثلا انا اولادي ما بحب حدى يطعميهم كذا او مابحب حدى يحكيلهم كذا او انا طريقتي معهم كذا اذا ردوا علي (وهاد اللي بيصير) هيني قعدت ان طنشوني بشيل اولادي وبروح عند اهلي بكل برود وزوجي بايدني بهاي الشغلات ومقوي على ايدي دايمن بيقولي اذا حدى دايقك بتروحي فورا عند امك .........باقي الاقارب من اي جهه كانت مالهم اي سيطره نهائي حتى تواجدهم مقتصر على صلة الرحم اقل كميه منها بتكفي انه الواحد ما يكون قاطع فقط
ما بيهمني اذا حدى عند اهلي جاي يسلم علي او وت سو ايفر اذا حابه اروح صالون بروح وراي مشوار بروح خصوصا اللي ما بيعطوا خبر اي ساعه بالزبط جايين هدول ان لقوني هيني موجوده ما لقوني ابقوا حددو اي ساعه واللي بيزعل يدبر حاله امي ما بتزعل متل هيك وما بتهتم المهم راحتنا ....

هاي احنا من يوم يومنا مو عشان غربه اتغيرنا بدون اي مبالغه الكل بيقولي انتي انتي لاتغيرتي ولا تبدلتي بتروحي وابتيجي مايا اللي منعرفها بس بقوللكم افضل بكثير صبوره وبتحمل الناس وبلاقيهم بيتحملوني بالمقابل

نيو لايت ما اتوقع انه انتي بتمنني زوجك لما تخلي البيت هادي وهشكي وتدلعي اظن هاد واجب الزوجه الزوجه المفروض ما تانم الا زوجها راضي عنها تمام الرضى الاجنبيات طريقتهم غلط بالتعامل مع الزوج يعني اظن الدلع جزء قليل من حديث الرسول اللي بما معناه ان لوحدى ممكن يسجد لحدى فهي المرءه تسجد لزوجها وتربية الاولاد واجبه وطلبات الزوج واجبه العمل بالمنزل الاعتايادي واجب والزياده كرم منها يعني لاامور العاديه الافريج اللي بكل بيت يعني مو معقول الدين يقول اتركي بيتك بلا اكل وبالوسخ لانه مش واجب وانتي حره لا هاد واجب بس العزايم الللي بتهد الحيل واذا البيت دونم وبده تشتغل فيه فوق طاقتها هاد مش واجب ولو قالت مش مشتغله حره يروح يجيب خدم اما الاشي الاعتيادي اللي الكل بيعمله باي بيت هاد واجب من ضكم حقوق الزوج وطبعا حقوق المرءه لسه كمان كتيره وين احنا ووين الاجانب صدقيني بيتمنوا نص عيشتنا بيحسدونا اننا مستقرين ومستعده تحرث بالدار حراث بس تضمن متل عيشتنا بس مش صاحلهن ...........انتبهي ياعمري هادي مو عادات وتقاليد هادي حقوق زوجيه ......ودايمن الك الاجر سواء عملتي الواجب او زياده الك بالثنين اجر ..........

[* شهدوده *]

ماشاء الله مروة وبارك فيك

موضوع حلو ويفيد الكثير

جوزيتي خيرا ، طرح موفق

إن شاء الله البنات يفيدونا بخبرتهم

~ متابعة معاكن

[new light]

بنات انتوا ليش بتحسوا انه الاقارب لاهم حق بخصوصياتكم انا حماتي اللي هي حماتي لما بتسالني اشي خاص بقوللها ما بقدر احكيلك انتي اسالي زوجي وطبعا ما بتقدر تسال ما بيقول وبيزعل لو حدى سأله ومابحب حدى يسال عن اهلي شو بيساووا عادي هي مره وحده عملت فيها زعلانه ومابحب حدى يسالني وخلص ولا حدى عملها مره تانيه هي اول مره بسوي حالي متدايقه وعادي بقول انا مابحب حدى يسألني عن اهلي او عن صاحباتي او وين رحت ووين كنت وماحدى قاطعني اند اي دونت كير اف ذي دو

بحس خصوصيتك باي مكان انتي بتقدري تعمليها وتحافظي عليها
الاولاد اذا ماعجبني تصرف وهيك اول مره بقول مثلا انا اولادي ما بحب حدى يطعميهم كذا او مابحب حدى يحكيلهم كذا او انا طريقتي معهم كذا اذا ردوا علي (وهاد اللي بيصير) هيني قعدت ان طنشوني بشيل اولادي وبروح عند اهلي بكل برود وزوجي بايدني بهاي الشغلات ومقوي على ايدي دايمن بيقولي اذا حدى دايقك بتروحي فورا عند امك .........باقي الاقارب من اي جهه كانت مالهم اي سيطره نهائي حتى تواجدهم مقتصر على صلة الرحم اقل كميه منها بتكفي انه الواحد ما يكون قاطع فقط
ما بيهمني اذا حدى عند اهلي جاي يسلم علي او وت سو ايفر اذا حابه اروح صالون بروح وراي مشوار بروح خصوصا اللي ما بيعطوا خبر اي ساعه بالزبط جايين هدول ان لقوني هيني موجوده ما لقوني ابقوا حددو اي ساعه واللي بيزعل يدبر حاله امي ما بتزعل متل هيك وما بتهتم المهم راحتنا ....

هاي احنا من يوم يومنا مو عشان غربه اتغيرنا بدون اي مبالغه الكل بيقولي انتي انتي لاتغيرتي ولا تبدلتي بتروحي وابتيجي مايا اللي منعرفها بس بقوللكم افضل بكثير صبوره وبتحمل الناس وبلاقيهم بيتحملوني بالمقابل

نيو لايت ما اتوقع انه انتي بتمنني زوجك لما تخلي البيت هادي وهشكي وتدلعي اظن هاد واجب الزوجه الزوجه المفروض ما تانم الا زوجها راضي عنها تمام الرضى الاجنبيات طريقتهم غلط بالتعامل مع الزوج يعني اظن الدلع جزء قليل من حديث الرسول اللي بما معناه ان لوحدى ممكن يسجد لحدى فهي المرءه تسجد لزوجها وتربية الاولاد واجبه وطلبات الزوج واجبه العمل بالمنزل الاعتايادي واجب والزياده كرم منها يعني لاامور العاديه الافريج اللي بكل بيت يعني مو معقول الدين يقول اتركي بيتك بلا اكل وبالوسخ لانه مش واجب وانتي حره لا هاد واجب بس العزايم الللي بتهد الحيل واذا البيت دونم وبده تشتغل فيه فوق طاقتها هاد مش واجب ولو قالت مش مشتغله حره يروح يجيب خدم اما الاشي الاعتيادي اللي الكل بيعمله باي بيت هاد واجب من ضكم حقوق الزوج وطبعا حقوق المرءه لسه كمان كتيره وين احنا ووين الاجانب صدقيني بيتمنوا نص عيشتنا بيحسدونا اننا مستقرين ومستعده تحرث بالدار حراث بس تضمن متل عيشتنا بس مش صاحلهن ...........انتبهي ياعمري هادي مو عادات وتقاليد هادي حقوق زوجيه ......ودايمن الك الاجر سواء عملتي الواجب او زياده الك بالثنين اجر ..........

شوفي وضعي تماما مختلف
يعني انا لو احكي لحماتي ما بقدر احكيلك اسئلي جوزي
بتقوم القيامه لانه كتير شخصيتها مسيطرة
وانا بحاول اتفاداها دائما واكبر مخي عشان مايصير مشاكل
يعني انا بكون عارفة شو بتفكر وبجاوب عليها زي مابدها
طبعا موضوع الخصوصية معدوم تماما
مو انه جوزي شخصيته معدومة وما بيعرف يوقفهن عند حدهم
لا بس بنحسبها انه رايحين فترة بسيطة ومابدنا نزعل حدا
فبضغط عحالي شوي
وحتى جوزي بيتحول لانسان اخر خخخخخ
يعني اني مرة حكت امه جيبي اكليهم كزا حكيتلها مابيرضوا ياكلوها
فرحت جبت شغلة تانية من المطبخ لاولادي
وييه عاللي صار طلعت مش مادبة ومابحترم حماتي الكل صار يحكي هيك اتصوري
ولا المفروض انه جبتلهم الشغلة اللي جكت عليها لتشوفهم بعينها انه عن جد ما بياكلوها
بعد هدا كله بروح ااكلهم الشغلة التانية



هدا كله كوم وانه اهلي مش بنفس البلد معهم
يعني مافي احمل حالي واروح اتفشش عند اهلي

اما عن موضوع الزوج فانا عن جد مابحكي عن حياتي الشخصية

انا لما احكي عن هيك مواضيع بتعمد احكي بصفة عامة شو صاير بالمجتمع


من ناحيتي انا بحاول دايما اني ما اقصر نهائي باي شغلة
وجوزي كمان لما يكون فاضي بيحاول يعمل معي اللي بيقدر عليه
متلا لو فيه عزومة بيساعدني بالهوفر
بياخد الاولاد وبيطلعهم برا عشان مايزعجوني وانا بعمل الاكل
يعني هو اصلا ما في وقت لاشوفه شغله كتيير طويل
فبيستحق الهشتكة والبشتكة

بس انا بحكي عن هالموضوع بالزات لانه صار كزا مرة حدا يسالني
او حدا يلمحلي من الانكليز
انه واخدين صورة انا المراة بس بضلها بالبيت وبتكون تابعة للراجل
وانه المرا بما معناه درجة تانية
وكمان موضوع الزواج المتعدد
تعرفي انا مرة عرفت واحدة جوزها فلسطيني واهله بالسعوديه
هي من اوروبا ومش راضية تسلم
لانه اصلا ما اعطوها صورة منيحة عنهم فخلص كرهت المسلمين
انا عن جد عزرتها
بس للاسف ما قدرت اضل بنفس المدينة لحتى ااقدر ااثر عليها
وتعرفي حكتلي نفس الحكي كيف انه عندكو المرا تساوي وتعمل والراجل مابيقوم يساوي اشي لانه عيب
وانه يعني في تهميش للمراه
يعني كل اللي بعرفهم هنا الصراحة بيكونوا مناح وبتساعدوا وحتى اسلوب حياتهم بيتشاوروا بكل اشي
بس ينزلوا عالبلاد بيصيروا يخجلوا يعملوا هيك اشياء
انا مش عالمساعدة بالبيت بس لا عكل اشي في انه حتى ياخد راي مرته باشي
بيصير كله عيب او انه هالاشياء بتهز شخصيته ورجولته لو شافه حدا بعمل هيك
مش قصثدي اهله لا اي حدا كائن يكون

بعدين انا بحثت عن هدا الموضوع ولقيت انه المراه مش مسؤولة عن جد تعمل كل هالاشياء الله ما امرها بهيك
وكمان لو الزوج مقتدر يجيب خدامة لانه مش واجب عمرته كل هالاشياء الا ادا هي بتعملها برضى

يعني انا قصدي من خلاصة الموضوع انه الراجل لو بيعرف هالاشياء بالدين كان شافها لمرته بالدنيا انها بتساوي كل هالشغلات
يعني بيصير بيقدرها اكتر

لانه لو نرجع للسنة بنلاقي الرسول صلي الله عليه وسلم كان يساوي كل اشي بايده

بعدين انا شفت تعاملات الانكليز مع نسوانهم بصراحة كتير راقيين
والمراه كتير مستقلة وبيحترمه خصوصيه بعض
وما في انه رجال مافي مشكله انه يساوي كزا
لا بحسهم بيقسموا الواجبات والمسؤليات عبعض
يعني بنكون بالسوق وبتلاقي الرجال عم يعطوا الببرونة للبيبي
مرة دخلت غرفة خاصة للرضاعة وكان فيها رجال طبعا رضعت صناعي
الامهم انه الام كانت تخلص من الرضاعة
كان الاب هو يقوم يغير للبيبي
يعني عن جد حسيت انه بيكون حاسس في مرته انه رضعت وانه ديش متعبة الرضاعة
وبيحاول يساعدها
يعني لا عاجباهم حياتنا ولا اشي
واللي بعرفهم متجوزين اجنبيات
هما اللي بيكفوا حالهم عحياه الاجانب
بس داخل الاسلام ما انه بيساوا اشياء حرام
قصدي عطريقة التفكير
لانه المراه ابدا مش حتقدر تتكيف عحياتنا احنا بعاداتها وتقاليدها

[mayaaa]

نيو لايت الحمدلله احنا بعيلتنا كلها وعيلة زوجي مش هيك الناس يختي اتطورت والزلمه بيساعد بيجلي بطل عيب حكي فاضي زوجي شخصيته قويه لو حدى ينتقده عشغله عارفه بجوز اذا بالمره زعل يقوم يضرب بيعتبرها اهانه الي واله يعني انه انت جاي تهيني عشان بساعد زوجتي اللي هي بنت الناس مش خدامه والحمدلله حماتي كثير فخوره ان اولادها مستقلين عنها ميكسنه بتعرفي بحسها بس بدها نرضى وانا متلك بحس عيب الواحد يروح شهر زمان ويعمل مشاكل بس كمان ماحد بيتجرأ يقولي اني مش محترمه او ينتقد تصرفي يختي ما بسكت لو بخليلهم ابنهم وبتركه يمكن انا لو انحطيت بمحلك اسوي زيك مابدي اقرقر وانا مش بوضعك صراحه بتعرفي لو هيك اهل جوزي انسي اشي اسمه الاردن بجيب اهلي لهون هههههههه

بس بالنسبه لنظرة الاميركان للمسلمين صح فيه ناس بتعطي انطباع مش كويس بس على كل مساوئ المسلمين انا بشوف الاميركيات حاسداتنا حتى لو يتجوز همه بينتقدوا بس كلام ليش كم مره بتقط جوزها مصاحب بنت او خاينها بالحياه اساليها لو يتجوز بنت وحده وخلص بتكون مرته مش احسن عالاقل بيزهق مع الايام وبتبطل مميزه مش ككل ما مل بيصاحب وحده جديده وبيطير فيها اسأليها مين احسن تقعد بالبيت تطبخ وتنظف وتنام للظهر وهو يعطيها ويصرف عليها والا تشتغل بره وجوا وتصرف على حالها بالاخر ما بيجيبلها الا بالكرسمس ولا بتكون جايبيتله بدالها كمان
والله نيو لايت كذابين ولا برد عليهم بس هدول بقولك البريكان عندهم انفه لانفسهم يمكن همه بيختلفوا عن الاميركان على اني بشوفهم بيعملوا نفس الاشي بيرضعوا وبيحفظوا بس 70 5 من المجتمع سنقل مام يعني الاب بيتركها تدبر حالها على انه هو نفسه كان طاير بالولد بس بعدين بيتركها وبيتركه وبيروح غيرها ما بقتنع انهم عندهم اشي كويس ...

[new light]

[QUOTE=mayaaa;12973099]نيو لايت الحمدلله احنا بعيلتنا كلها وعيلة زوجي مش هيك الناس يختي اتطورت والزلمه بيساعد بيجلي بطل عيب حكي فاضي زوجي شخصيته قويه لو حدى ينتقده عشغله عارفه بجوز اذا بالمره زعل يقوم يضرب بيعتبرها اهانه الي واله يعني انه انت جاي تهيني عشان بساعد زوجتي اللي هي بنت الناس مش خدامه والحمدلله حماتي كثير فخوره ان اولادها مستقلين عنها ميكسنه بتعرفي بحسها بس بدها نرضى وانا متلك بحس عيب الواحد يروح شهر زمان ويعمل مشاكل بس كمان ماحد بيتجرأ يقولي اني مش محترمه او ينتقد تصرفي يختي ما بسكت لو بخليلهم ابنهم وبتركه يمكن انا لو انحطيت بمحلك اسوي زيك مابدي اقرقر وانا مش بوضعك صراحه بتعرفي لو هيك اهل جوزي انسي اشي اسمه الاردن بجيب اهلي لهون هههههههه

بس بالنسبه لنظرة الاميركان للمسلمين صح فيه ناس بتعطي انطباع مش كويس بس على كل مساوئ المسلمين انا بشوف الاميركيات حاسداتنا حتى لو يتجوز همه بينتقدوا بس كلام ليش كم مره بتقط جوزها مصاحب بنت او خاينها بالحياه اساليها لو يتجوز بنت وحده وخلص بتكون مرته مش احسن عالاقل بيزهق مع الايام وبتبطل مميزه مش ككل ما مل بيصاحب وحده جديده وبيطير فيها اسأليها مين احسن تقعد بالبيت تطبخ وتنظف وتنام للظهر وهو يعطيها ويصرف عليها والا تشتغل بره وجوا وتصرف على حالها بالاخر ما بيجيبلها الا بالكرسمس ولا بتكون جايبيتله بدالها كمان
والله نيو لايت كذابين ولا برد عليهم بس هدول بقولك البريكان عندهم انفه لانفسهم يمكن همه بيختلفوا عن الاميركان على اني بشوفهم بيعملوا نفس الاشي بيرضعوا وبيحفظوا بس 70 5 من المجتمع سنقل مام يعني الاب بيتركها تدبر حالها على انه هو نفسه كان طاير بالولد بس بعدين بيتركها وبيتركه وبيروح غيرها ما بقتنع انهم عندهم اشي كويس ..

ماشاءالله ربنا يخليهملك عيلة جوزك وجوزك كمان مبين فهمان
بس انا كمان بهالموضوع بحمل الام المسئوليه اكتر من الزوج
لانه شو مكان بدو يضله يرضيها
يعني انت بتقولي انها كتير فخورة انه اولادها مستقلين
اما احنا بالعكس
بتفتخر انه اولادها كيف متعلمين ودرجتهم عالية ومع هدا كلمتها سيف مابترجع
مو المعنى انهم عم يبروها
لا انه ماحدا بيوقف قدامها
مابعرف حاسة حالي بحكي عن العصر الجاهلي خخخخخ
بس تعرفي انا من جواة حالي بشفق عليهم عارفة ليش
لاني بحسهم ناس حاصرين حالهم بزاويه معينه بيلفوا ويدوروا وما بيطلعوا منها
بيضلهم حابسين حالهم بنفس المكان

اما عن الانكليز هون اللي مابدها تشتغل خلص بتاخد مصروف من الدوله
ولا خدي عندك بيروحوا يحملوا من حيا الله حدا بس اسمهم حملوا وخلفوا ومش مهم الاب ينقلع
عشان الدوله توفرلها بيت
بس هدول بيكونوا اوطى طبقة بالمجتمع مع انه في منهم كتير بس نظرة المجتمع الهم بتكون كتير سيئة
ولو اجيتي للمجتمع بصفة عامة بدك تلاقي كتير ناس منفصلين
ومجانين بتجيهم حالات اكتئاب كتير وبيحاولوا ينتحرو بس شو النكتة
بعد ما تقرر تنتحر وتاخد الدوا بتروح تتصل بالاسعاف
تقوليلهم انا حاولت انتحر تعالوا خدوني عالمستشفى ههههههههههه
انا كمان في عندي كام جارة وجار سينقل وصغار بالعمر
تعرفي في واحدة منهم عن جد مبين انه مكتئبة وشها عطول متجهم
وولادها الصبح بنصحى عصوتهم وهما بيجعروا بالشارع مش راضيين يروحوا عالمدرسة
هالمدة شو مفرود وشها ولا كمان عم تحكي هاي
خخخخخخ
لانه صار عندها بوي فريند

اما عندي موقف نهفة بدي اكتبه بموضوع تبع مواقف طريفة
عشان بيكفي قرقرة بلا ما تجري ورانا مروة بالعصايا

[mayaaa]

نيو لايت رحت ادور عالنكته ما لقيتها هههههههه 0.
حاتك فيه زيها كثير هنه بس بيحبن يكونن الكل بالكل وانا ما بمانع صراحه بس باحترام بدون ما تتعدى علي لاني بعتبر حالي بنت ناس ما اشتروني وعلاقتي فيهم زوجة ابنهم مش خدامته او جاريته يعني لسه بكامل حريتي ماحدى امتلكني ورأيي على اولادي بيمشي ورأيها كمان بيمشي قدر الامكان مابحب اهمش عمتي ام زوجي بتضل ام زوجي ورضاها بيهمني كثير مو كلام والله بجوز اتعب نفسيا لو تزعل مني بس تتسلط بدون حق لا وين كل واحد يعرف حدوده الدين حاطط حدزد لكل واحد منرجع للدين اذا الها عندي اشي توخذخ بدها ابنها برجعه خخخخخخخخ بس لا تدايقني بدون حق

[MARWAH]

شو ياجماعة انتي وياها حولتولي الموضوع من شخصيتك والغربة إلى شخصيتك وبيت الحمى
هههههههههههههههه

[mayaaa]

ياحياتي يا مروا حقك على راسي قلت منتسلى لبين ماحدى يعبرنا بس بتعرفي بعرف كثثثثثثثثثثثثثير نسوان نفسهن يرجعن البلاد بس مكيفات عالبعد عن بيت العم او اذا مش بيت العم الاسلاف والاقارب يعني كل واحد عنده حدى هربان منه لاخر الدنيا احيانا زوجي كان يقولي لو فيه ابعد من اميركا بروح ههههههههه بقوله المشكله ان الارض كرويه يعني كل مابعدت من جهه بتقرب من الجهه الثانيه ............

[MARWAH]

تسلميلي يا مايا شو دمك خفيف هو كل مكان فيه مشاكل والواحد ما بيرتاح شو ما عمل
بس الاساس هي شخصية الإنسان كيف يتعامل مع الأحداث ومع الناس
طبعا ما يكون فظ وغليظ ولا يكون أهبل والقط بياكل عشاه
لا بس يعرف يتعامل مع الناس بحدود ويحطلهم حدود بأدب ويساير ببعض الأحيان

[MARWAH]

انا رح احكيلكم شوي عن شخصيتي وشو الايجابيات يلي طرقت عليها وشو السلبيات

انا كنت قبل الزواج طالبة جامعية وكنت بدرس جامعتين كلية شرعية وأدب عربي
وطبعا حياة الجامعة خلتني كون بنت نشيطة وحيوية وشخصيتي قوية الحمد لله
بس كنت ساذجة بالتعامل مع الناس يعني بحكي على طبيعتي وبسأل أسئلة عن براءة حتى في كتير ناس صادفتهم بحياتي قبل الزواج وبعد الزواج بينادولي طفلة بريئة وبيقولولي ما تفكريها اهانة بالعكس منحس براءة بتصرفك وعفوية
وفي ناس نصحوني غير شخصيتي بس يلي فيه طبيعة ما بيبيعها
المهم أفكاري قبل الزواج بتقول انو الزوج هو المسؤول عن البيت من شوبينغ وشغل وقرارات والمرأة مسؤولة عن الولاد وكيف تدلع زوجها وبس

لما اتزوجت لبريطانيا كان عمري ٢٣ وكنت بأول سنة اعتمد على زوجي وانتظر منو المبادرة بكل شي وشخصيتي تراجعت لورا بحكم ما كنت بعرف حدا هون فهديت وصرت اجلس ببيتي وما اطلع الا شوبينغ ومع زوجي وكنت لو بدي اطلع وفوت اسالو ممكن اعمل هيك وفيني اطلع وفيني ...............؟ وكنت حس انه مستغرب
المهم بعد سنتين غربة فهمت أشياء كتيرة لازم اعملها
اني ما اعتمد على زوجي كتير ولازم تكون شخصيتي قوية فصرت اطلع وفوت رحت اسواق ومحلات واكتشفت اشياء وصرت نظم امور بيتي بطريقة احلى وصرت مرا عملية اكتر وغير اتكالية يعني المرا هون لازم تكون نص رجال كمان

ايضا تعلمت بعد ما قابلت الناس وخصوصا العرب وحطو تحتا ميت خط اني ما اثق بحدا فيهم وامن اي منهم على سر وما اتخالط فيهم كتير لانو ما منهم الا وجع الراس والتعب النفسي واني ما ورجيهم طيبتي الا اذا الموقف محتاج طيبة غير هيك بياكلوك
اتعلمت لو ما انا اسعدت نفسي وغيرتلها جو ما حدا رح ينتبهلي لهيك الاكتئاب والضجر حلهم بايدي وبس وما انتظر من حدا اي شي
بيت حمايي عايشين هون طبعا ( رجعنا لبيت الحمى ) هههههههه هنن ناس طيبين وحبابين وتعاملي معهم علمني كيف كون انسانة مسامحة ومسايرة بس طبعا مو على حساب صحتي او بيتي

هي بعض الاشياء يلي احدثتلي تحول او تحسن بشخصيتي والسبب الرئيسي الغربة لاني لو كنت مع اهلي رح تكون حياتي غير برايي
اضافة لاني مزاجي صار رايق وهادي وكتير بعدت عن المعاصي متل الغيبة والحكي على الناس يلي منتشر ببلادنا كتير
وحتى أغاني ما عاد سمعت بحكم مافي باصات وتكاسي ولا جيران قليلين زوق بيحطو المسجلة على العالي وبتخليكي تحفظي الغنية غصب عنك هههههههه

بس بنفس الوقت صرت انسانة منطوية اكتر على نفسي وانعزالية وثقتي بالناس قلت لهيك صرت خاف من اي صديقة جديدة تدخل حياتي

المهم لو اي وحدة فكرت انها تتغرب بسبب ظروف دراسة او زواج لازم تعرف انها تكون قد حالها وشخصيتها تكون قوية ومنفتحة وتحاول تفهم قوانين البلد وما تكئي حالها وتندب حظها وايمتى بدي ارجع لبلدي بالعكس تحاول تستمتع بكل لحظة هي موجودة فيها هون


لي عودة ان شالله

[new light]

مروة نفس الاشي صار معي عن جد كانك بتحكي عني

طبعا باستثناء دار الحما

كل اشي صار معي من اول ما حكيتي ولغاية انك صرت انعزاليه و بتخافي من اي حدا جديد
انا كمان صرت هيك و مش من السهل اني اصادق حدا
ما بعرف شو صارلي على قد ما كنت اجتماعية

انا اول فترة اتعقدت انه الحياه كانت مختلفة
وجوزي مش فاضيلي
فكنت بدي اي حدا يكون معي ويساعدني
بس شو
كل العربيات اللي تعرفت عليهم عقدوني بحياني
كلهم مفزلكات
عن جد كنت متل الضايعة

[*سهام الليل*]

انا انعجنت وانخبزت مرة ثانية ..الكلام في الشخصية لازم له روقان وانا الان خلصت المسح والتلميع والترتيب ونفسي في نومة للفجر ...يلا تصبحو على خير