الفزعه يا أخواتي الفزعه

[ساره2000]

السلام عليكم يا أحلى منتدى
بسوي لبنتي حفله وابغى منكم اقتراحات وانا متاكده انكم ما راح تخذلوني
الحفله بعد اسبوعو يومين:eek:

[بسكوته]

ما قلتي لنا حفلة شنو علشان نقدر نرتب لك؟؟؟؟؟:confused: :confused: :confused: :confused:

[لولو]

لكن زي ماقالت بسكوته ....وهي بالبيت او فينوكم عدد المعزومين .....وهل تبغين تسوين كل شيء بالبيت او.....اكتبي كل حاجه تبغيها:)

[ساره2000]

الله لا يحرمني منكم يا أحلى منتدى في النت أنا قايله من الأول انكم ما راح تخذلوني
الحفله عيد ميلاد بنتي ديمه لأنها كملت سنه وعدد المعازيم 25طفل وبسويها بالبيت
شكر خاص جدا جدا جدا جدا جدا للأخوات بسكوته و لولو:p :D :p :D :p :p

[لولو]

الله يخليها لك.....................ويحفضها.. ابغى اقلك اهم حاجه لااااااااااازم تصورين الحفله وديمه اهم شي...بكاميرة الفيديو والكاميراالعاديه..عشااااان تبقى اول ذكرى...وطبعا لازم توزعي هدايا بسيطه للاطفال (رمزيه)و......حاولي يكون فستان ديمه غريب شوي او مميز.........ماادري انتي بس تبغي مثل هذي الافكار او.......؟؟;) اتمنى تكون افادتك

[ساره2000]

هلا بالغاليه بسكوته فكرتك رائعه جدا لكن إيش رايكأبغى اسوي لها صور صغيره الي تلزق والصقها على كل هديه ;) ;) ;) ;)

[لولو]

ممكن جدا تسوين هالفكره الرائعه والسهله.........والتصوييييييير ضروري

[أم يارا]

لايجوز يا أخوات الإحتفال بعيد الميلاد و لا حضوره و لا التهنئة به ...لدينا عيدين فقط وهما كافيين جدا لتبادل المشاعر الرائعة

[جهينه]

اختي ساره
حلوه فكره لصق الصوره عالهدايا لكن منتي معاي انها مكلفه وفوق هذا راح تضيع لان الاولاد صغار تهمهم الهديه وما يعرفون يحتفظون بالصوره كذكري ...اشرايج تخلين الكيكه علي صورتها........
عزيزتي سوي مسابقات للاطفال ..وايضا فكاهيه للكبار واذا بغيتي ازودك بالاسئله ...هدايا الاطفال ممكن تكون بسيطه جدا مثل العاب صغيره -دفاتر تلوين-الوان -كاكاو-عندنا بالكويت في العاب ب100فلس مادري اذاعندكم مثلها .......اما هدايا مسابقات الكبار ايضا سهله صبغ اظافر -برواز صور -ويعني .
;) ان شالله اكون فدتك:D

[ساره2000]

هلا والله بسمية أختي جهينه
مليون شكر على تعاونك معي ويا ليت إذا ما فيها ثقالة دم تسعفيني بالأسئله لأني أبغاها
ا غير شكل وعجبتني فكرة المسابقه:p :D
أكرر شكري لك يا أختي الغاليه

[بسكوته]

بقيت أقولك نفس كلام جهينه اللي فيها هدايا رمزيه ومسابقات مثلا أكل التفاح أو شرب العصير
والف مبروك وعقبال ما تشوفين عيالها والله يستر عليها ويخليها :co

ol: :cool: :D :D
ومسابقة الرسوم
( الناس بلاء الناس والعاقل من يتعض )

[ساره2000]

هلا بالغاليه من ضمن برنامج الحفله مسابقة أكل التفاحه وشكرا على فكرة العصير
الله لا يحرمني منكم ويخليكم لي ;) ;) ;)

[الريــــــم]

انا عندي موقع اتمنى تلاقين فيه اللي تبيه :)
وهو فيه كيف تسوين بطاقات وكيف تزيين طاوله الاكل:) ((سلميلي على بنتك وعقبال مائه سنه))
وهذا هو الموقع happy birth day (www.banateen.com/left/hobby.html)

[حفصة]

السلام عليكم

خواتى حبيباتى لــــــــــيـــــــش سؤال بسيط أحب تردون عليه

ليش تسوون عيد ميلاد مع أنكم تعلمون علم اليقين أنه كثير من المشايخ يرحمهم اللّه
أفتوا بأنه لا يجوز اطلاق كلمة عيــد على أى مناسبه غير العيدين الفطر و الأضحى
ليش الأصرار على تقليد الكفار ليش الأصرار على الخطأ...........:confused:
أختى ســــاره جعل الل كل أيامك ســـــارّه:p
اسمعى كلامى ...صدقينى ابي لك كل خير أعياد الميلاد بدعه و منكر و يجب عليك
كمسلمه تعرف انه وراها حساب وعقاب أنك تستغلين وقتك كلّه في تربية أولادك تربيه
صالحه يعني.........تربيه اسلاميه
وصدقيني الهبل اللي اسمه عيد ميلاد مسخره يعني أنتي فرحانه ان عمر بنتك أو ابنك قاعد ينقص
واللّه عجيبه لأ وتسوين للمناسبه حفله بعد....لا حول ولا قوة الا باللّه
غاليتي هناك الكثير من المناسبات تدعوك للأحتفال بأطفالك مــا رأيك بتعليمهم سوره صغيره
مناسبه لعمرهم وقولي لهم اذا سمعتوها حق جدّتكم أو جدّكم أو حتي أبوكم صحيحه من غير أخطاء راح أسوي لكم حفله راح تفرحينهم بحفله جميله راح تكون سبب في أنهم يحبون كلام الله ويحفظون
سور كثيره و انشاء الله تكون هالحفله سبب في هداية كثير من صديقاتك لأنهم راح يقلدونك ويبتعدون عن بدعة أعياد الميلاد و راح تنشأ منافسات شريفه بين الأطفال على حفظ أكبر عدد من السور والفضل في هذا راح يكون أولا للّه ثم لك......ما أعظمك من أم.....أحسنت تربية أولادها وساعدت الناس على تربية أولادهم..بارك اللّه فيك وأطال لك بعمرأولادك وفرحك فيهم وجعلهم
وأولادنـــا من الصالحين.................قولي امين


:D

[ام طلال]

أختي العزيزة .. السلام عليكم ورحمة الله وبركاته ،،،
أولا أتمنى لإبنتنا الصغيرة طولة العمر والتوفيق في حياتها بإذن الله .. ومن منطلق الدين النصيحة ، وبما أننا ندين بدين الإسلام الحنيف ونتبع هدي سيدنا محمد عليه أفضل الصلاة والسلام ، وحتى لا نكون ممن قال عنهم عليه الصلاة والسلام ( لو دخلوا جحر ضب لدخلتموه )
فلا يجوز اتباع غير المسلمين في عاداتهم وتقاليدهم التي لا تمت لديننا الحنيف بشيء وعيد الميلاد الذي يحتفل به المسلمون في عصرنا هذا له قصة طويلة سبق وأن نشرت في المنتدى ،
أختي العزيزة أتمنى أن لا يزعجك كلماتي هذه ، ولكنني سمعت والله أعلم إذغ أردت أن تحتفلي بأي مناسبة فلتكن الحفلة قبل يوم من المناسبة أو بعد يوم منها وذلك حتى تتقي الوقوع في ما يغضب الله .. والله أعلم .. وأتمنى لإبنتنا الصغيرة العمر الطويل والصحة والسلامة والسعادة وأن يحفظها ربي من كل سوء ومن كل شيطان وهامة وكل عين لامة.........

أختك المحبة في الله ....

[جهينه]

مرحبا بالجميع
كلام الخوات فعلاااااا صحيح ,كلنا ما نسوي عيد الميلاد حبا في تقليد اليهود ولا نعطيه اهتمامهم لكن من باب الفرحه والتجمع لان الطفل بهالعمر ما عنده مناسبات-لانه صغير- لكن اول ما يكبرون علي طول يتغير المسمي وتصير حفله لدخول المدرسه -للنجاح -للتخرج وننسي عيد الميلاد .....يعني العبره بالنيه .
اما اختي ساره .......فممكن انك تسوي مسابقه الهديه المفقوده وهي تاخذي هديه وتغلفيها اكثر من غلاف -جرايد-ويقعدون الكل دائره كل واحد يعطيها للثاني ولما توقف الموسيقي اللي توقع بيده يفتح غلاف واحد وهكذا واللي يوقع بايده اخر غلاف تكون الهديه له هذي المسابقه تكون للصغار والكبار وحتي الجدات لانها بسيطه وهم قاعدين .
اما للاطفال فممكن تسوي مسابقه التلوين بانك تاخذي صوره من دفتر تلوين وتكبريها بالمكتبه وتخليهم يلونوها واللي يخلص اسرع يفوز -هذي الطريقه حلوه لان الصغار راح يلهون شوي ويخف الازعاج- وممكن تسوي اسئله للصغار-ماذكرتي اعمارهم- :
من3-5سنوات : توريهم صور يذكرون شنو هي وهذي تلاقيها بدفاتر تلوين علي شكل فاكهه يعني صوره تفاح_برتقال -موز ....تسالينهم عن لون الشمس -عدد اشياءتمسكيها بايدك -يقول لك اغنيه او نشيده من المدرسه....
من6-8سنين اواكبر :اذكر اسماء ثلاث انهار -اسماء العواصم-عددالصلوات وركعاتها-اركان الاسلام-وغيرها
اما اسئله الكبار فتكون فكاهيه مثل من سيربح المليون مثلا تكتبين السؤال باوراق كبيره شوي -اوراق الكمبيوتر -والاجابات عشان تقولي السؤال والاجابه لكن يكون مكتوب ......مافي مجال اكتب لك بعد شوفي اللي كتبته عشان اذا في اسئله ارد عليها مع الجزء الثاني:D :D