♥♥ لقاء مع الأحــــــبة ♥♥ في ملتقى المغتربات ♥♥ضيفة اليوم الغالية mayaaa ♥

[سومرية]

http://images.lakii.com/images/May12/ammariam_85.gif

[سومرية]

http://images.lakii.com/images/May12/ammariam_86.gif


أحبتي وأخواتي مرتادات ملتقانا الغالي
مرحباً بكم جميعاً
وأسعد الله أوقاتكم بكل خير
عدنا لكم مجدداً مع ضيفة جديدة وإستضافة جديدة

في


http://img697.imageshack.us/img697/1613/smilies13rt2.gifلقاء مع الأحبة http://img697.imageshack.us/img697/1613/smilies13rt2.gif



http://photos.7be.com/thumbnail/photos/1215-1600x1000.jpg في ملتقى المغتربـــــات http://photos.7be.com/thumbnail/photos/1215-1600x1000.jpg*****



http://images.lakii.com/images/May12/ammariam_96.gif






أرحب بكم جميعاً أخواتي في الله بمشاركتنا هذه الإستضافة




التي يزيدها بهجة وسرور حضوركم الكريم
هيا بنا لنمضي معهن اوقات جميلة وطيبة
لتبقى أحلى الذكريات بملتقانا الغالي
نسأل الله العلي القدير أن يجعل لعملنا القبول
ويرزقنا وإياكم الإخلاص في القول والعمل
وان يجمعنا بكم دائماً على حبه وطاعته وكل عمل يرضيه عنا


http://images.lakii.com/images/May12/ammariam_96.gif



يسرنا اليوم أن نستضيف الأخت الغالية


http://photos.7be.com/thumbnail/photos/1207-100x80.jpg mayaaa http://photos.7be.com/thumbnail/photos/1207-100x80.jpg



أهلاً وسهلاً ومرحباً بكِ أخت كريمة وضيفة عزيزة غالية على قلوبنا


نتشرف بإستضافتكِ في ملتقى المغتربات


http://images.lakii.com/images/May12/ammariam_96.gif


طرحنا على ضيفتنا أسئلتنا



من اي بلد انتِ ؟
انا من الاردن

هل انتِ متزوجة ؟ هل لديكِ أولاد ؟
الحمدلله متزوجه عندي ينتين وولد ونص

في أي بلد انت مغتربة ؟
امريكا

كم هي مدّة اغترابك ؟
عشر سنوات

اغترابك كان لزواج او دراسة أو عمل ؟
زواج

ماهي مشاعرك للعيش في بلاد الغربة وماهي الصعوبات التي واجهتك ؟
من الاوا ما كنت راغبه بالسفر ابدن بس عجبني زوجي وكنت متامله ما ناخذ وقت طويل ولازلت ...
الصعوبات انا اجتماعيه وبحب الصديقات وبنفس الوقت صعب علي اكون صداقات كوننا قله بهالبلد
خلى الموضوع اصعب والاشتياق للاهل مهما عرفت ناس ما بيغنوني عن شوفة اهلي
صعوبة التعلم كل شي جديد علي كنت مستعجله بدي افهم الناس واحكي معهم واعرف ايش اليي مناسب
وايش اللي مو مناسب وبنفس الوقت حاسه انه وانا مالي ماكنت مرتاحه واموري تمام ..
وارجع ارضى واحمد الله

موقف ظريف حصل معاك في الغربة ؟
موقف ظريف مره كنت محتاجه احكي مع صديقتي وانا وزوجي ما معنا سلفونات غريب صح ..
كنا لسه عالتفون الارضي المهم مر فييه على محل صديقه وطلب مني استعمل التلفون من المحل وتركني هو وصديقه مع العامل
وطلعوا بره المحل وانا بمكتب صغير والعامل يحامل يبتسملي ويعنيلي ويرقص انا انرعبت وكنت احاول اشوف وين زوجي
وكيف تركني مع عالمجنون بالمحل وقعدت افكر يعني عشان امريكي عادي مثلا
بس زوجي مش باين انه بارد او ما بيحس وصراحه ما كملت المكالمه وطلعت ومشينا بالسياره وبعدين عاتبته
قلتله كيف بتتركني بالمحل مع العامل هيك وماكنت متجرءه اقوله ايش عمل من رقص وابتسامات ...
بعدين انصدمت بان قالي ماكان فيه عامل انا تركتك مع البنت ...
ماكان فيه بنت !! كان فيه شب اسود ووصفته وايش لابس قالي يا هبله هاي بنت هههههههه ....ام الغباء

أكثر شيء يزعجك بالغربة ؟
الكلاب كل ما اسكن مكان بحاول ما يكون فيه كلاب ما بخاف منهم بس بيعدموا المكان تعديم
طبعا القانون بيقول صاحب الكلب ينظف البوب اجلكم الله بس برضه بشوف عالارض كثير ومننحرم التمشايه وطلعة حولين البيت
اذا المكان فيه كلاب شيء مقرف وهاد غير لما افكر ان البيت نفسه كان فيه كلب قبلي ودايمن بشترط تغيير السجاد
او بدفع ثمن سجاد عشان يركبولي جديد ما متخيله امشي عسجاده كان قبلي عليها كلب
طبعا شغلة الدين بتدايق وبتقهر بس الواحد اخر النهار بيسكر الباب على حاله وبينام بمان الله منمارس ديننا بحريه ومنلبس حجابنا
فتقريبا مش مدايقني الوضع لدرجة اني اهرب من البلد ......
او اتمنى اني اطلع منها بس عشان همه مش مسلمين متدايقه اه بس متعايشه

ماذا تفعلين الآن ؟ يعني تدرسي ، تعملي ، ربة منزل ؟
ربة منزل وانا شغاله عاللغه من اول ما اجيت بحب اقرا طبعا جديد بلشت اقرا كتب
بس بالاول كنت اتابع دورات عالنت ودروس واحاول اطور من حالي واستغل وقتي

ماهي مميزات وعيوب الغربة ؟
كل اللي راح هي مميزات وعيوب الغربه بعدها عيب كبير جدن لان رجعتنا وزياراتنا لاهلنا مكلفه ومتعبه ومرهقه
لو مكان قريب مثلا المانيا او بلد عربي الواحد بيكون قريب اكمن ساعه وبيوصل
اما بحالة امريكا طيارتين وانتظار بالمطارات وبهدله ما مجموعه لا يقل عن 20 ساعه سفر ومرمطه
وغير التكلفه
مميزات الغربه البعد عن المشاكل اليوميه ماحد متطلع على داخل بيتي ومابيني وبين زوجي وكيف مربيه اولادي ماحد دخله بعيد عن الناس وبعيد عن التدخلات
الاطلاع على ثقافه جديده صقل شخصيتي ووسع نظرتي وزاد خبرتي بالناس وشفت اشياء وتعلمت امور لو لسه ببلدي ما بعرفها
الغربه بتخلي الواحد يتقرب اكثر من الدين ويركز اكثر على الاطفال وتكون تربيه اسلاميه بسبب التحديات
لو ببلدي خلص بربي اولادي متل باقي الناس بخلي الحمل عالمدرسه والاولاد رح يتعلموا من غيرهم
بينما هون انا بعمل هالاشياء وبحرص عليها بنفسي
ميزه كمان للغربه انك تجلسي لوحدك وتفكري بامور الحياه والدنيا بالدين الوحده احيانا صح قاسيه
بس الها كمان فائده بتخلي الواحد يقعد مع حاله كثير ويفكر اكثر وبعمق
بينما الحياه الاجتماعيه ببلدنا بتاخذ الناس والوقت بيضيع صراحه بدون ماحد يحس فيه

كيف ترين نظرة الغرب للعرب والمسلمين خاصة ؟
النظره العامه معروفه الاحداث اللي صارت خلت الناس تخاف من الاسلام والمسلمين
بس مو كثير مهتمه لان النوعين موجود ناس متعصبين ومهما كنتي كويسه خلص بيكرهونا
ونوع بيعطوا فرص للناس وبيعاملكي حسب ما بتعامليهم
بس مش كثير بقلق بالموضوع ماعندي صاقات مع الاجانب معارف قليلين وصراحه بيننا احترام
هل راودتك لحظة ندم على قرار السفر وكيف استطعت التغلب على مشاعر الغربة ؟
السفر كنت متردده فيه من البدايه سافرت على عيني لكن انا دايمن برضى بقسمة الله
تغلبت عالموضوع بالرضا بماقسمه الله لاني بعرف ان الله يختارلي الافضل وهاد افضل شي الي ..

عبّري عن حالتك الآن وانت تردّي على الأسئلة بجملة أو سمايل ؟
صراحه مافيه شي معين ببالي بس ممكن احطلكم سمايل;)
سؤال أخير ، ما رأيك في ملتقى المغتربات ؟ ملتقى المغتربات المكان الوحيد اللي بقرأ فيه بالعربي هاد القسم بيتي ومكان ما بشوف صديقاتي ما بستغني عنه
لسه ضايل ان شاء الله لازم نطوره اكثر مواضيع اكثر بس انا عارفه الكل مشغول وان شاء الله القادم افضل







هذه كانت إجابات الغالية mayaaa
الله يبارك فيها ويجازيها بالجنان

http://images.lakii.com/images/May12/ammariam_96.gif



أحبتي
نتمنى لكم قضاء اجمل الأوقــات وأمتعها مع ضيفتنا العزيزة
لها منا كل الشكر والتقدير على تلبيتها دعوتنا
دعواتنا لها بدوام التوفيق والسداد



تقبلوا تحيــات
http://photos.7be.com/thumbnail/photos/1207-100x80.jpg مشرفات ملتقى المغتربات http://photos.7be.com/thumbnail/photos/1207-100x80.jpg

[بدربدور]

حبيبتي يا مايا انتي على قولة خواتنا السعوديات ملح المنتدى ولا يهونوا باقي الاخوات

روحك مرحة وحيوبة وما بعتقد في حدا تعرف عليكي وندم

الله يرزقك بر اولادك ولا يضيعلك تعب

[Oum Lina et Lilia]

لقاء اكثر من رائع

اسعدني التعرف عليكي اختي من خلال هذا اللقاء
بارك الله فيكي و في اسرتك الصغيرة

[pink_shadow]

مايا رفيقتي برحلة الحمل .. الله يتمم لك ولتوتا ولي على خير يارب

سبحان الله كنت تقريبا عارفة ايش بيكون ردك على الاسئلة لأنك واضحة كثير ومبدأك ثابت

زي ماقالت قوته انتي ملح المنتدى ..

يارب يحقق لك كل أمانيك ويديم عليك السعادة والراحة يارب

[mayaaa]

حبيبتي يا مايا انتي على قولة خواتنا السعوديات ملح المنتدى ولا يهونوا باقي الاخوات

روحك مرحة وحيوبة وما بعتقد في حدا تعرف عليكي وندم

الله يرزقك بر اولادك ولا يضيعلك تعب
امين بدوره لا يضيعلنا تعب ابدن ولا يضيع لمسلم
الله يخليكي ويحفظك انتي بالذات دايمن مخجليتني امي ما بتمدحني هالقد وانا والله بحبك كثير الي هون اخوات يمكن ما بحكي مع اهلي كتر ما بحكي معكم وبتذكركم بيومي ...

لقاء اكثر من رائع

اسعدني التعرف عليكي اختي من خلال هذا اللقاء
بارك الله فيكي و في اسرتك الصغيرة
بارك الله فيكي كمان ام لينا لفت نظري كلمة الصغيره وانا ببالي اقولك فينا البركه الفرد السادس عالطريق اربع اطفال اسره متوسطه بس انا عارفه انه الكلمه وصف مجازي اسعدني جدن طلتك ومرورك

مايا رفيقتي برحلة الحمل .. الله يتمم لك ولتوتا ولي على خير يارب

سبحان الله كنت تقريبا عارفة ايش بيكون ردك على الاسئلة لأنك واضحة كثير ومبدأك ثابت

زي ماقالت قوته انتي ملح المنتدى ..

يارب يحقق لك كل أمانيك ويديم عليك السعادة والراحة يارب



الله يديم علينا جميعا الصحه وراحة البال يا صقيقتي بالحمل والرضاعه ههههههه >>>>>>>>لعاد حزرتي اجوبتي محنا النا بيجي سنتين مع بعض دقوا زيدوا على نفس الموضوع اشوى ما عملتي متل بنتي وقلتي بورينج خخخخخ

[بدربدور]

احبك الله الذي احببتنا فيه

والله صدقيني مو مجاملة بس بتستاهلي والله كل خير

وما شاء الله اللهم زد وبارك في اسرتك

امي ما شاء الله جايبة ١٢ اللهم صلي على النبي ٦ بنات و٦ ولاد وانا اخرهم تالي العنقود ^_^

وحماي بيضل يحكيلي انتي بس جيبي قد ما جابت امك عاد انا عندي ٣ ولاد الله يهديهم ولما حمت بابني الاخير هسة عمره ٣ سنين بيحكي لاخوانه امكم بتضحك عليكم كل ثلاث اربع سنين بتجبلكم اخو

[mayaaa]

بدوره موتت ضحك على كلام حماكي جد دمه خفيف بيوز الاولاد عليكي عشان يطالبوا بحقوقهم .......احنا سبعه بحس العدد الكبير عزوه وروح البيت العيله الكبيره الدوشه والهيصه والهوشات اكشن يعني بس هون بامريكا يعني اربعه اورلاد بدك بيت مع يارد وبدك اقل شي 3غرف نوم وفااان الله الرزاق صح بس مع الكارسيت والمدرسه والحرص الزايد يعني اول كان معي بنتين كل وحده امسكها بايد هل فيه وحده ماشيه لحالها السنه الجاي الله يحيينا يارب على هداة البال رح اجر اثنين بعرباي واثنين لحالهم عيني تلاقط عاللي ماشي وعاللي بالعرباي بلادنا غير غير هم تربيتهم هاد لحاله جبل
هاد النقاش من ضمن التعارف ماحد يتطلع علي

[ملكة بنقابي~]

~~

مبارك عليكِ الحمل
الله يتمملك علي خير أنتِ وباقي الاخوات

~~

[*سهام الليل*]

اهلا وسهلا مايا....مبينة شخصيتك حبوبة ومرحة من خلال ردودك ززيسعدني اتعرف عليك اكثر
والله يعينك ويوفقك والف مبارك الحمل والله يقومك بالسلامة

[ام جود و جواد]

مايا حبيبتي

الله يوفقك في حياتك وتقومي بالسلامة وتفرحي بكل اولادك .

بتستاهلي كل خير.

[ملكةالرومانسيه]

ماشاء الله عليك شخصية رائعه
سررنا بالتعرف عليك غاليتى
ربنا يوفقكم ويرجعكم لاهاليكم سالمين غانمين

[mayaaa]

~~

مبارك عليكِ الحمل
الله يتمملك علي خير أنتِ وباقي الاخوات

~~
الله يبارك فيكي عزيزتي اسعدني التعرف عليكي كمان

اهلا وسهلا مايا....مبينة شخصيتك حبوبة ومرحة من خلال ردودك ززيسعدني اتعرف عليك اكثر
والله يعينك ويوفقك والف مبارك الحمل والله يقومك بالسلامة
الله يسلمك يا سهومه وربي يطوي غربتنا على خير


مايا حبيبتي

الله يوفقك في حياتك وتقومي بالسلامة وتفرحي بكل اولادك .

بتستاهلي كل خير.
هلا ام جوزد وربي يسعدك ويفرحك بالاولاد ويباركلك فيهم يارب



ماشاء الله عليك شخصية رائعه
سررنا بالتعرف عليك غاليتى
ربنا يوفقكم ويرجعكم لاهاليكم سالمين غانمين

ان شاء الله ربي يسمع منك ويطوي غربتنا على خير يارب اسعدني مرورك الكريم

[ابوي نظر عيني]

اختي مايا من اطيب واصدق القلوب اللي عرفتهاااا في المنتدى ومثل ماقالت اختي قووت انتي ملح المنتدى ...والله يقومك بالسلاامه ياارب ...

[* شهدوده *]

ياألف مرحب بالغالية مايا
نورتي الملتقى والضيافة

ألف مرحب ، رائعة انت ماشاء الله

لي عودة لكي بالحوار ياقلبي ()()



()

[♥أخت فى الله♥]

ما شاء الله عليكى حبيبة قلبى
ردود اكثر من رااااااائعة من اخت و لا اروع
ربى يبارك فيكى و فى اسرتك حبيبتى
سررنا بالتعرف عليكى يا قمر

[عبير الريحانه]

ما شاء الله ما يا عليكى سعدت بمعرفتك واعجبتنى هذه السطور
الاطلاع على ثقافه جديده صقل شخصيتي ووسع نظرتي وزاد خبرتي بالناس وشفت اشياء وتعلمت امور لو لسه ببلدي ما بعرفها
الغربه بتخلي الواحد يتقرب اكثر من الدين ويركز اكثر على الاطفال وتكون تربيه اسلاميه بسبب التحديات
لو ببلدي خلص بربي اولادي متل باقي الناس بخلي الحمل عالمدرسه والاولاد رح يتعلموا من غيرهم
بينما هون انا بعمل هالاشياء وبحرص عليها بنفسي
فعلا كلامك صحيح ربى يهدى ابنائنا الى ما يحب ويرضى

[الساجدة للقهار]

ربنا يهون عليكم غربتكم ويبارك لك في أولاد

[mayaaa]

اختي مايا من اطيب واصدق القلوب اللي عرفتهاااا في المنتدى ومثل ماقالت اختي قووت انتي ملح المنتدى ...والله يقومك بالسلاامه ياارب ...
الله يديم المحبه والاحترام بيننا يا تالا بس الك فتره بتغطسي ما بتبيني ؟؟ wata up girl

ما شاء الله عليكى حبيبة قلبى
ردود اكثر من رااااااائعة من اخت و لا اروع
ربى يبارك فيكى و فى اسرتك حبيبتى
سررنا بالتعرف عليكى يا قمر

انا اسعد يا صديقتي الجديده وان شاء الله منشوف بعض بمواضيع اكتر


ما شاء الله ما يا عليكى سعدت بمعرفتك واعجبتنى هذه السطور
الاطلاع على ثقافه جديده صقل شخصيتي ووسع نظرتي وزاد خبرتي بالناس وشفت اشياء وتعلمت امور لو لسه ببلدي ما بعرفها
الغربه بتخلي الواحد يتقرب اكثر من الدين ويركز اكثر على الاطفال وتكون تربيه اسلاميه بسبب التحديات
لو ببلدي خلص بربي اولادي متل باقي الناس بخلي الحمل عالمدرسه والاولاد رح يتعلموا من غيرهم
بينما هون انا بعمل هالاشياء وبحرص عليها بنفسي
فعلا كلامك صحيح ربى يهدى ابنائنا الى ما يحب ويرضى
والله يا عبوره كل اللي كتبوه البنات احلا والام مشتركه يعني همي وهم اللي عايشه بالصين او بالمانيا او باي مكان مغتربه الهم واحد وحسيت اني شاعره بكل كلمه البنات كتبوها لان بشكل او باخر بعاني من نفس النقاط عشان هيك هاد التجمع لمنا الهم واحد والالم واحد والسعاده وحده


ربنا يهون عليكم غربتكم ويبارك لك في أولاد

الله يسعدك ويبارك فيكي ويعطيكي بر اولادك يارب وكل مسلم امين

[صاحبة الـ@ـسك]

ههههههه ضحكتينى مايا على البنت اللى بترقص... ودى كانت بترقص ليه دي كمان؟
الله يعين على اللى بيحصل هنا :)
سعدنا بك مايا وشرفتينا حبوبتى

[بوادي اميريكا]

يوه مايا هنا ..
لي عوده ..

[mayaaa]

ههههههه ضحكتينى مايا على البنت اللى بترقص... ودى كانت بترقص ليه دي كمان؟
الله يعين على اللى بيحصل هنا :)
سعدنا بك مايا وشرفتينا حبوبتى

صاحبة المسك ياحياتي وينك انتي ايش الاخبار بمصر ها مبسوطه بشوفة الحبايب

صاحبة المسك انتي عارفه هي كانت بدها تكون نايس معي لاني بس وقعت عيني عليها خشبت فعامله انها كول نازله تهز مع الميوزك وتغني وترفع بحواجبها يادوب لمحتها ورديت الباب على حالي ولاعرفت اعمل المكالمه سحبت حالي وطلعت عارفه ماليش زمان بامريكا وقتها ومن غير هالحركه خايفه من خيالي ..........المضحك ان بعد فتره نفس البنت سطى عليها بالمحل رابري (حرامي) وطخته كومته بالمحل يومها جابوها بالاخبار قلت لزوجي شايف هيها زلمه ههههههههه


يوه مايا هنا ..
لي عوده ..
هلا وميت ورده بس انتبهي تقعدي تخجلي فييه ما بيصير صاحباتي يمدحوني >>>>>>>>>>واثقه من حالها الاخت

[@@آخر العنقود@@]

رائعه يا مايا تبارك الله عليك
دايم يعجبني تفكيرك واستفيد منك كثييييير
الله يخلي لك الامامير ويقر عيونك فيهم

[mayaaa]

هلا حبيبتي اخر العنقود سكر معقود صح؟
حتى انا سعدت بالتعرف عالجميع موضوع حلو واتشوق اشوف ايش مجازبه عالاسئله واتعرف عليكي اكثر ;)

[. تيوليب***]

يا مرحبا بالغالية مايا http://www.lakii.com/vb/images/icons/1433/l30.gif
ضحكني موقف البنت - الولد ههههههه الله يعافينا وما يبلانا
و عجبني رأيك في مميزات الغربة ، الله ييسرها عليكم ويحفظكم وينولكم ما تتمنوا ويقومك ووليدك بالسلامة
نورتينا غاليتي

[mayaaa]

الله يرضى عليكي توليب يعني يومها لو طلعلي سنجاب ولحقني صدقيني عادي هههههه ماشوفتيش اللي انا شفته ككككككككك

[بوادي اميريكا]

.هههههههههههههههههههههههه....شو هاد ولوووه ..كسفتينا ..
مو عارفه البنت من الشب..
لا و انا عم اقرأ و قول ..مو معقول يقلا اتصلي ..والشب و هو رجال ..هاااااااااااظ اردني يا خيه ما بسويها ...

مايا بالنسبه لكلابهم تكرمين
انا دايما لما كنت استأجر دايما ادور علي سكن يمنع الحيوانات...لا قطط و لا كلاب و لا غيره ..
اول سكن اخدته مو مممنوع يلي فيه الان لان مو بيدي سكن حكومي ..يعني مرغما اخاك لا بطل ..
وكرهانه عمري ..ما بمر اسبوع الا بدعي ربي يخلصني منه ..ويكتبلي اخير منه ..قرفت حياتي من الكلاب ووسخها
ان انت مستأجره نصيحه في اماكن بيمنوعوا فيها ..استأجري عندهن و عاده بكونوا ارخص شوي لان ما بيطلبوا دبازت كتير ..وعارفين ما فيه وسخ و قرف ..فطلباتهم و اجارهن بكون اقل
سرني قراءه سطورك ..طبعا بعرفك من قبل ..ولكن اكيد نحب ان نتعرف اكثر علي مايا الحلوه ..
ربي يقيمك بالسلامه ويرزقك الذريه الصالحه

[mayaaa]

حبيبتي بوادي مزبوط بعرف فيه اماكن بيمنعوا بس والله قلال يا بوادي عالاقل بيسمحوا بالقطط وانا عندي ببغاء يعني فيها فيها ههههههههه بس بالغالب عشان حيوان غير متنقل فما بيمانعوا بالمره ولا بيطلبوا ديبازت ولا اشي هل القطط انا ماعندي مانع كونها طاهره بس دايمن بطلب يغيروا السجاده وما بيرفضوا البيت اللي انا فيه انا غيرت السجاد كله على حسابي ما كلفنا كثير كونه البيت صغير اصلا بس مبسوطه الي اربع سنين ماشاء الله السجاد كانه جديد خصوصا بس ينغسل وبره بشوفهم يلموا القرف ماعمري شفت اشي الصحيح بس بعض اماكن كذب ولا بيلموا ولا عبالهم وخصوصا لما يسمحوا بالكلاب الكبيره شيء مقرف استغني عن التمشايه بالحاره بتصدقي مره سكنت سنه كامله بكامبلكس متل هيك ولما شفت بيت ثاني من الخنقه قلت بدي اتمشى لبين ما ارحل والا الي جاره عربيه بس عشان منطلع من الكراج ما بشوف حدى بالمره اتفاجات انه الها سنين ساكنه قبلي وطبعا لساتنا صديقات هههههههه بس ماعرفنا نرجع نتجاور مره تانيه


خصوصا جوزي بخاف على ارواح البشر لما حد بيحكي معي بكون خايفه يوكل كتله عشان مش فاهم الوضع
مره واحنا بمحل عربي رجال عربي بيسألني عن البقدونس هاد بقدونس والا كزبره فقلتله اجا جوزي يركض بيقولي شو بده حكيتله ايش بيسأل طبعا ما بتعرفي كيف مسك حاله عنه الزلمه رجال كبير وطول الوقت جوزي تجحير فيه بده ينكشه ويبهدله عشان سالني المشكله جوزي لليوم بعرفش البقدونس من الكزبره اله 10 سنين مش عارفه احفضه اياهن طيب اقرأ يا اخي مكتوب فوقها شو هي بيقولي بيحطوهن بجنب بعض وذي كومفلاج تخيلي بس شايفهن مثل بعض بالزبط ........