تجمع المغربيات المغتربات [الأرشيف] - منتديات لكِ النسائية

Oum Lina et Lilia

16-10-2011, 11:31 PM

]السلام عليكم كيدايرين البنات[/FONT]
ام آدام مرحباً بيك الحبيبة الدار دارك
توريا كيدايرة الحبيبة و كيدايرين الوليدات
ام نبيل كيدايرة الحبيبة و كيدايرين الولادات
هيدا قلبتوها شلحة باش منفهمكومشي ههههههههه
ياله البنات بطاقات التعريف و انا لنبدأ من راسي
سميتي كريمة عرايشية عايشة في خيرونا(بنيولاس)
و عندي بنية سميتها يارا ربي يحفظها و يحميها و يفرحني بيها ياربي
و سني و الا بلاش دابا تخلعو ههههههههه
شنو خور اه ما خدامة ما ردامة غير الدار و صافي

و عليكي السلام ألحبيبة

انا لاباس الحمد لله
والبنيتات حتى هما.. ربي ايخليك

انا سميتي ثريا و عايشة بباريس
وعندي جوج بنيتات الله ايحفظهم و يصلحهم و يهديهم و يفرحني بيهم
ويحفظ و يهدي كاع بنات و اولاد المسلمين و المسلمات
بحالي بحالك لاخدمة لا ردمة
وبحالي بحالك,,,, متنحملش نجاوب على سؤال شحال عندك من سن (K):

واحد سؤال واخى غبي شوية

فين جات نيولاس؟؟؟:D معرفتهاش
اول مرة نسمعها::L::

yaraaaaaa

17-10-2011, 01:01 AM

اهلا الحبيبة ثريا و ماشاء الله ربي يزيد و يبارك و الله يحفظهم و يحميهم يارب
و شنو الاسماء ديالهم
و بنيولاس جات في اقليم خيرونا الا كنتي تسماع بيها رآها قريبة على بربينيا

Oum Lina et Lilia

17-10-2011, 05:14 AM

اميييييييييييييييييييين ألحبيبة
ربي ايخليك

سمياتهوم لينا و ليليا

ههههههه
زعما شرحتيها
واش زدتي عقدتيها خخخخخخخ
قولي غير اشمن دولة باش نفهم:D

yaraaaaaa

17-10-2011, 07:20 AM

ههههههههه و زعماك انا مطوراااااا جالسة كنشراااااح ههههههههههههههه
سحابلي انا كتبتلك المدينة و معرفتيش البلاصة لي انا فيهاههههههه
رجعو من الاول هههههه
انا عايشة في اسبانيا في منطقة كتالونيا الي كتسمعي بيها في مدينة girona
تحديدا في banyoles كتبعد على خيرونا ب 10 ديال الكيلومتر
و بينا و بين فرنسا40 كيلو مترتفريبا و هادا ماكان
و تبارك الله على العازبات اسميهم مزيونة ربي يحفظهم و يحميهم

Oum Lina et Lilia

17-10-2011, 04:37 PM

ههههههههههههههههه
اسبانيا
دابا فهمت فين

مزيان هي راكي جارة فاروبا
اسبانيا زوينة
كنت فيها مرة

ربي ايخليك ألحبيبة
ويخلي ليك حتى انت الكتكوتة ديال يارا
وتخاويها ان شاء الله

yaraaaaaa

19-10-2011, 12:29 AM

امين الحبيبة
و التجمع باين ما فيه غير انت و انا هههههههههه
كيف عاملة اليومة و كيعاملين البنوتات الله يحفظهم
و منين نتي من المغرب
و مشيتي هاد الصيف او والو

Oum Lina et Lilia

19-10-2011, 05:18 PM

ههههههههههههههه
حتى انا داكشي لي بان ليا
حقا غير انا و ياك لي مغتربات خخخخ

الحمد لله
حنا لاباس غير مع بدا البرد فتلاقينا كل شي مزكوم

انا ألالا من اكادير
وممشيتش هاد صيف حينت شرفات لالا ليليا الله ايحفظها
بالحق جات عندي الوالدة و الخوادريا
وانت؟؟؟

Oum Lina et Lilia

19-10-2011, 11:12 PM

اكيييييييييييييييييييييد مافي مغربيات مغتربات بالمنتدى
!!!!!!!!!!
??????

yaraaaaaa

20-10-2011, 02:21 AM

ثريا كيف عاملة اليوم و كي عاملين العازبات ربي يحفظهم
و حتى انا منزلتشي المغرب حيت جات ماما و بابا و اختي الي باقى عايشة تما
و ملي مشاو خلو الدنيا علينا خاوية الله يجمعنا بيهم قريب يارب
و انت الحمدلله الي جاو مولين الدار على الاقل قدرتي ترتاحي من بعد الولادة
ربي يخليهم ليك و يجمعك معاهم دائماً يارب
و متشرفين بناس اكادير مشيت لها مرة وحدة و كنت باقى صغيرة شي 15 عام كان عندي

Oum Lina et Lilia

20-10-2011, 10:05 AM

الحمد لله
ربي ايخليك ألحبيبة
غير مع البرد,,, خرجت هاد صباح ديت لينا للمدرسة
وادنيا برا كاي صافي

فعلا ملي تيجيو عندك الوالدين و تتشوفيهوم راه بحال نيت الى هبطي للمغرب
انا و الله متيديني للمغرب غير والواليدين حينت مكرهتش نمشي ندوز العطلة فشي بلاصا خرا بحال تركيا ولا شي دولة اخرى
الله ايخليهوم ليا
والله امتاتحسي بمك حتى تتولدي...

مقلتيش ليا من اي مدينة انت بالمغرب؟؟؟

om ayman01

27-10-2011, 08:00 PM

السلام عليكم.
ها واحد لمغربية مجلية فألمانيا..ههه
تورية كدايرة نتي وبنياتك, شكرا على هاد التجمع الجديد.
أم يارا كيف دايرة ألحبيبة وكدايرة عروسة ولدي ..ههه.

jihane maroc

27-10-2011, 08:14 PM

مساء النور المغربيات الأصيلات
ها واحد لموضرة فلندن
توريا شكرا حبيبة على التجمع الجديد نتمنى ليه يلقى تجاوب
كيدايرة كيداييرين لعزيبات كيدايرين مع شي برد
أم يارا كيدايرة حبيبية كيدايرة لفركيسة عندكم شي برد
أم أدم في حاركة عطاوك الفيزة ولى حركة ههههههه
تورية وضيافة هي داك بغريرات كيبردو القلب الله يعطيك الصحة
أم أيمن كيدايرة حبيبة كيدايرين الكتاكيت أيمن وأنور كيدايرة مع شي برد حنى كرمنا بالبرد هادي غير اللول مزال مبدا المعقول ههههههه

Oum Lina et Lilia

27-10-2011, 08:58 PM

مرحبا بيكم ألحبيبات

ام ايمن
منورة ألحبيبة
كيدايرة و كيداير ايمن؟؟
امدرا بدا شي برد فألمانيا
هنا بجا شوية ديال البرد
والمشكل مرة تيسخن الحال شوية و مرة تيبرد و كل شي مريض خصوصا الدراري الصغار

ام انس
اهلا بيك ألحبيبة
كيدايرة و كيداير انس؟؟
تيكبار شوية
ان شاء الله هاد التجمع ايكون تجمع خير و محبة
امدرا كيدايرة العيشة فبريطانيا

ام يارا
فين راكي غابرة

jihane maroc

27-10-2011, 09:24 PM

لباس أحبيبة ربي خليك
أنوس لباس عليه يسول عليك الخير إنشاء الله باقي ليه تلت أيام يكمل عام
العيشة هنا جري عليا نجري عليه نهار كامل ههههههه
ماشي بحال المغرب غير كالسين حدا التلفازة وسوينية ديال أتاي هههههههه
الحمد لله على كل حال بعد المرات كنقول نحمد الله على هاد الغربة كتخلي الواحد عزيز وبعيد على المشاكيل

Oum Lina et Lilia

27-10-2011, 09:28 PM

عيد ميلاد سعيييييييييييييييييد لسي انس مسبقا

ههههههههههههه صدقتي و الله
ولكن المشكلة انه فيما مشيتي تلقاي صحاب المشاكيل
هههههههههههههههههههههههههه

jihane maroc

27-10-2011, 09:55 PM

ربي خليك أحبيبة
أه والله تابعينا فين ما مشينا الله يلطف وخلاص
أش طيبتي اليوم لعشى أنا درت طجين ديال الدجاج بالجلبانة ولبطاطة خاص غير شليضة صافي

Oum Lina et Lilia

27-10-2011, 10:13 PM

مممممممممممممم ياسلاااام ألالا
راكي حادكة تبارك الله

انا درت غير حاجة على الخفيف و صافي
سباجيتي بلاصوص و افخاد ديال الدجاج مقلية

كي تتدوزي النهار تما؟؟

jihane maroc

27-10-2011, 10:20 PM

أنا ديما الطويجنات
سباكيتي غزالة كتعجبني درتها ولبارح بالحوت
نهاري كيدوز غير فدار مع أنس لا خدمة لا ردمة هههههههه
وهاد الأيام كنصلح الدار راني غارقة روينة مبقات حتى بلاصة موصلتها الغبرة حيت ريبت واحد الحيط وبدلت بلاصت الباب ديال الصالة وكلشي عامر تراب خصني نشمر على كتافي إو وأراك لتخمال

Oum Lina et Lilia

27-10-2011, 10:35 PM

حتى انا تاندير بواف الطواجن و لكن للغداء
اما العشاء تندير حاجات خفيفة

سباجيتي بالحوت
هادي عمري درتها
خاصك تعطيني الوصفة
انا تنديرها اما بلاصوص و الكفتة او بلاصوص والخضرة او غير بلاصوص بوحدها

ملي تتبدلي شي حاجة فالدار تتحسي بالتغير شوية واخى فيها تمارة

Oum Lina et Lilia

28-10-2011, 01:50 PM

صباااااااااااااااح الخير عليكم

فينك ياام انس
راني تنتسنا الوصفة:)

yaraaaaaa

28-10-2011, 07:44 PM

السلام عليكم
كيف عاملين ان شاء الله تكونو لاباس
و هنيا علينا التجمع بدا يتحرك هههههههههههههه
ام انوس عاش من شافك و كل سنة و انوس بخير عقبال ما تشوفيله وليداته
ام لينا هانا هنا غير تلهيت شوية حيت هاد اليومين راجلي معطل و دايما خارجين نفوجه شوية را القنط هلكنا هههههههه
ام ايمن كيدايرة الحبيبة و كيدايرين الدراري

Oum Lina et Lilia

28-10-2011, 11:45 PM

هلا ام يارا
والله الا توحشناااااااااااااااااااك
كيدايرة و كيدايرة يارا؟؟

مزيان ألالا
بعدا تفجي شوية ماشي بحال

yaraaaaaa

29-10-2011, 01:42 PM

السلام عليكم كي صباحتو ان شاء الله كلكم مزيانين
ام لينا الحبيبة يتوحشك الخير و رباح لهلا يخطيك العمر
كي عاملة و كي عاملين البنوتات الله يحفظهم و يحميهم كاين شي برد حنا بدا البرد ها اليومين و شتا تبارك الله ما تفترش
لا صباح لا ليل الحمدلله الله يرحمنا
ام انس و ام ايمن و ام ادم كيدايرين و كيدايرين الوليدات

Oum Lina et Lilia

29-10-2011, 07:06 PM

ربي ايخليك ألحبيبة
لاباس الحمد لله هاد الساعة

حتى هنا ياختي بدا البرد شحال هادي
هنا شهور البرد اكثر من شهور الصيف
الله ايعين

yaraaaaaa

30-10-2011, 12:52 AM

الله يعينا على البرد و عاد مع العيال الله يلطف البرد هنا قاصح كيدخول مع العظومة ههههههه
فينكم البنات غبرتو انا جيت و نتوما مشيتو ههههههههههه

Oum Lina et Lilia

30-10-2011, 03:29 AM

ههههههههههههههه بصاح نيت الا قلتيها
البرد ديال هنا قاسح بزااااااااااااااااااااااااف
داكشي علاش اغلبية الناس الكبار فالسن ديال هنا مراض بالروماتيزم
ولكن سبحان الله غير تولفي البرد ديال هنا تيجيك البرد ديال المغرب عادي .... تيجيك نسمة و صافي ههههه
اما الصهد هو لي تيجيك صعيب
سبحان الله.... غير الولف و صافي

Oum Lina et Lilia

30-10-2011, 05:57 PM

صبـــــــــــــــــااااااااااااااااح الخير عليـــــــــــــــــــكم

yaraaaaaa

31-10-2011, 12:38 PM

صباح النور كي صباحتي و كي صبحو العزبات الله يحفظهم
و باقي البنات فينكم غبرتو

حنة33

31-10-2011, 06:54 PM

السلام عليكم ..مبروك عليكم التجمع

الحقيقة أنا جديدة بالمنتدى وكنت عايزة اعرف

اذا فيه ركن مغتربات أمريكا ولا لا

يارب تكونوا فهمتوا كلامى

لانى 90 % من كلامكم ..مش فاهماه

أحبكن فى الله

Oum Lina et Lilia

31-10-2011, 11:40 PM

سلااااااااااااااااااام الله عليكم

ام يارا... ام انس.. ام ايمن...
كيداااااايرات؟
فين غبراااات؟؟
ولا تتوجدو للعيد
تتمضيو فالمواس ههههههههه

حنة
هلا بيك حبيبتي
منورة التجمع و المنتدى
والله لا ادري ان كان في تجمع للمغتربات بامريكا
على العموم كل التجمعات موجودة
ابحثي في الصفحات و اكيد راح تلاقي
واذا مالقيتي ممكن تفتحي تجمع للمغتربات بامريكا
وان شاء الله راح تلاقي صحبة طيبة

yaraaaaaa

01-11-2011, 02:34 AM

ام لينا كيدايرة الحبيبة و كيدايرين الامورات
عوتاتي التجمع صفى علينا انا و نتي هههههههههه
و عرفتيها كنمضيو المواس هههههههههههههههههه
شكاتعاودي و شنو وجدتي العيد انا الله يستر العجز قتلني ما بقى والو
العيد و باقى ما وجدت الحجة من غير الحوايج الي شريت و لا حلوى معدلة و لا تاحجة
عاد نبدئ نجري هاد اليومين الي باقين ههههههه

Oum Lina et Lilia

01-11-2011, 07:01 AM

هههههههههههههههههه
الا قلتيها

ياختي معرفتش علاش مابقيناش كيما زمان
تنغقل ملي كنت صغيرة كنا شهر و حنا تنوجدو للعيد و لا لرمضان
من تخمال و حلوى و شباكية.... الخ
اما دابا ياختي والو
هاد سنوات الاخيرة تنشريو كل شي من الباتيسري
معرفتش علاش

اما فهنا يادلي خلاص

امتا تتدخلي المنتدى
حينت تنختالفو

Oum Lina et Lilia

01-11-2011, 07:10 AM

http://www.attwayan.com/upload/eid_adha.gif

yaraaaaaa

02-11-2011, 12:06 AM

كل عام و انتم بخير
ثوريا الحبيبة كيعاملة و كيعاملين العزبات الله يحفظهم و يحميهم
و الله عندك الصح كلشي تبدل هاد الوقت تا حلاوة العيد ما بقاتش ما كتحسي بوالو هنا بعدا
لا عيد لا والو حيت محداياش المغاربة فعيد الا مجاوش خوتي كيكون فحال سائر الايام و الحمدلله هاد العام خوتي
شبرو سيمنا ديال العطلة و انعايدو مع بعضنا ان شاء الله
و الوقت الي كندخول فيه كل نهار و كيفاش مرة ندخول في صباح مرة العشية و مرا النهار الكامل على حساب
و انت انا وقت كدخل الا عندك وقت محدد قولو لي و ندخل فيه حتا انا لانه انا ماشي مهم في اي وقت نقدار ندخل
عجوزت بنتي فين غبرتي ههههههه كيعاملة و كاعمل ايمن و أنور
ام أنوس كيدايرة و كيداير أنوس
و عواشركم مبروكة و يدخل عليكم العيد بالصحة و إلهنا و راحة البال

Oum Lina et Lilia

02-11-2011, 03:33 AM

فعلا و الله
مزيان بعدا ملي غادي تعيدي مع اخواتك
ماشي بحال

حتى هنا نيت واخى كاينين بزاااااف العرب
ولكن الا جاء العيد وسط الاسبوع تيكون كل شئ خدام و كاع متتحسيش بيه
وثاني ممنوع تذبحي فالدار
تنكومونديوه و الجزار تيدبحو وصافي
المهم اللهم العمش و لا العمى ههههههههههههه

ختى انا نيت بحالك مكاينش شي وقت محدد كندخل فيه
سولتك غير باش نعرف الا كاين عندك شي وقت محدد انتي باش نتلاقاو

ام انس و ايمن غبروووووووووو
تلاقيهم كيوجدو فالقضبان خخخخخخ

Oum Lina et Lilia

02-11-2011, 04:21 AM

السلام عليكم ..مبروك عليكم التجمع

الحقيقة أنا جديدة بالمنتدى وكنت عايزة اعرف

اذا فيه ركن مغتربات أمريكا ولا لا

يارب تكونوا فهمتوا كلامى

لانى 90 % من كلامكم ..مش فاهماه

أحبكن فى الله

لقد وجدت لكي تجمع لبنوتات كندا و امريكا
اليك الرابط
http://www.lakii.com/vb/showthread.php?t=699496

ان شاء الله تلاقي صحبة طيبة بينهم

زايضا مرحبا بك فتجمعنا هذا
وأهي فرصة لتتعلمي المغربي :)

ماماحميدة

02-11-2011, 02:16 PM

سلام عليكم ورحمة الله وبركاته

حبيبة البي ثريا

وكل بنات المغرب الحبيب مبروك عليكن بيتكم الجديد

وياريت حدا منكن بنشر هالصور او والخبر وجزاكم الله خير

لي عودة لللمشاركه باقرب وقت

http://a4.sphotos.ak.fbcdn.net/hphotos-ak-ash4/s320x320/320192_296551207041575_100000600951447_1105394_154 3008123_n.jpg (http://www.facebook.com/photo.php?fbid=296551207041575&set=o.196105769452&type=1&ref=nf)
وجدت طفلا في سن ثمانية أشهر'تقريبا' وجد يوم السبت 1 أكتوبر على الساعة 23 في درب ...السلطان بالدار البيضاء قمت بو ضعه بالخيرية لاله حسناء بأمر من وكيل الملك لمن لديه أدنى معلومة عن شخص يبحث عنه المرجو الاتصال بي:
عثمان على
0655790293
أرجوكم انشروا صورته بقدر المستطاع، عسى أن يتعرف عليه أحد - قبل أن يكبر و تتغير ملامحه. لا تحرموه نعمة الأبوين
ولا تبخلوا بأي فكرة قد تساعد في إيجاد عائلته (ملصقات، فيسبوك، إعلانات صوتيه، إرسال هذا الإميل في كل المدن فالله وحده يعلم من أين هو فعلا بالرغم من إيجاده بدرب السلطان ...)

om ayman01

02-11-2011, 10:53 PM

لا حول ولا قوة إلا بالله.
الل يلطف بيه مسيكين.
ولكن راه ميمكنش يكون هاد لوليد تودر بوحدو..لأن رضيع ديال 8 أشهر, باقي مكيتمشاش ..وعاد يتلقى فبلاصة بحال درب السلطان عامرة بالناس,وفيها الحركة دائمة.
اللهم حنن قلب ذويه عليه وخلاص.
مني كنشوف بحال هاد لمواقف تيضرني خاطري بزاف.

حبيبتي تورية ..شكرا على السؤال.
البنات عواشركم مبروكة..نطل علكم من بعد.
ضليت صايمة الله يتقبل لينا وللمسلمين جميعا,ضرني راسي مع الصيام
وصدا ولادي,قلت ندخل نطل عليكم ونتلف ..سعا مكتسمعي غير مكيدر لخاطر لا فالأنترنت لا فالتلفزة..الله يحضر السلامه.

أعود لاحقا.

Oum Lina et Lilia

03-11-2011, 12:31 AM

سلاااااااااااااااااااام الله عليكم
اش اخباركم؟؟

اهلا ام ايمن
كيدايرة ألحبيبة؟؟
تقبل الله منك الصيام و صالح الاعمال
هههههههههه ياختي ماتسولي على صداع الاولاد الله ايهديهم و يصلحهم و يحفظهم... كيدر الراس بلا صيام

لا حول و لاقوة الا بالله
والله الا حتى انا ملي شفت هاد الوليد مسكين بقى فيا
ان شاء الله يلقى واليديه

Oum Lina et Lilia

03-11-2011, 12:34 AM

yaraaaaaa

03-11-2011, 02:31 AM

لا حول لله الله يلاقيه باهله قريب يارب لا حول و لا قوة الا بالله العلي العظيم
الله يلطف به و بوالديه و يجمع شملم يارب

yaraaaaaa

03-11-2011, 02:37 AM

ثورية الحبيبة كيدايرة و كيدايرين البنوتات
و كيما قلتي اللهم العماش و الا عمى ههههههه هيدا حسن في الحقيقة بلا تجاخطين هههههه
و ان شاء الله شي نهار نتلاقاو تكونو بجوج حالين هههههه
عندك الفيس البوك؟
ام ايمن منورة الحبيبة تقبل الله صيامك يارب و تانا كنت صائمة البارح و اليوم و ان شاء الله نصوم هاد اليومين الي باقى
الله يتقبل منا يارب

Oum Lina et Lilia

03-11-2011, 02:50 AM

الحمد لله لاباس ربي ايخليك
وانت اش خبارك و خبار يارا؟؟

صافي سلات العطلة و غدا تاني غادي تبدا تمارا ديال المدرسة
والله الا تنهز ليها الهم
ياختي كل شي فيه تمارا هنا, حتى المدرسة ههههههه

اه عندي الفيس بوك
صيفتي ليا تاعك على الخاص

Oum Lina et Lilia

03-11-2011, 03:23 AM

ألبنات
شي وحدة فيكوم تعرف شي طريقة ساهلة و مضمونة لعمل الكوكيز
؟؟؟؟

Oum Lina et Lilia

03-11-2011, 11:17 PM

وااااااااااااااااااااااالو
حتى و حدة ماتتعرفش

فينهما المغربيات الحادكات ديال زمان
؟؟؟؟؟؟؟؟؟؟؟؟؟؟؟؟؟؟

yaraaaaaa

04-11-2011, 12:47 AM

ههههههههههههههههه
قل لي الزمان ارجع يا زمان ههههههههههههه
دابا بقينا نجبروا كلشي ساهل و واجد سير شريه و صافي ههههههههههههه((K))

Oum Lina et Lilia

04-11-2011, 11:06 AM

هههههههههههههههههههههههههههههه
زعما قلنا بغينا شي حاجة fait maison
نبانو بيها على الراجل

yaraaaaaa

05-11-2011, 11:55 AM

هههههههههههههههههه
بلا ما تبان عليه هما عارفين الي فيها ههههههههههههه
دخلي نقوقل و شوف الا جبارتي الريسيتا
انا من هد الناحية سوقي خاوي هههههههههههههه

Oum Lina et Lilia

05-11-2011, 01:25 PM

هههههههههههههههههههههههههه
الا قلتيها
داكشي نيت لي غادي ندير
الله ايعز غوغل خخخخخخخخ

Lojain

05-11-2011, 01:37 PM

السلام عليكم و مبروك عواشركم و عيدكم و تعيدو و تعاودو ان شاء الله بالصحة و الهناء و السعادة و يارب يتقبل منا و منكم صالح الدعاء و يغفر لينا و ليكم في هاد اليوم العظيييييييييم
ياااااااااااااارب

اول مرة كنشوف هاد التجمع...بارك الله فيك توتو على الفكرة الغزاااااالة
سبحان الله حتى انا اليوم فكرت ندير شي حلوة بالحق بالكركاع لانه عندي بالزايد و معرفت اشنو ندير بيه
و لقيتيني كنسول عمي جوجل هههههههههه
اما كوكيز فالصراحة معنديش معاه و اي حاجة شكولاته معنديش معاها بزاف
و مزيان فالحقيقة مرة مرة نديرو شي حاجة في الدار خصوصا لي عندها الاولاد

Oum Lina et Lilia

05-11-2011, 05:49 PM

مرحبا و سهلا بالغزالة ديالنا لوجين
وانا تنقول مال الدار منورة

كيدايرة و كيداير ماعز عندك؟
والله الا توحشنااااااااااااااااك
عواشرك مبروكة ألحبيبة
ينعاد عليكي بالصحة و الخير و السعادة و البركة

ههههههههههههه
الا قلتيها الله ايعز عمي غوغل و السلام

بقاي طلي علينا
متحرميناش من طلتك الحلوة

Oum Lina et Lilia

08-11-2011, 11:35 AM

فييييييييييييييييييييييييييييييييييييييييييييييييي يييييييييييينكم

:K)

Lojain

08-11-2011, 08:28 PM

ربي يخليك توتو على الترحيب حشمتيني ههههه
مبروك عليك السمية الجديدة ايوا دابا خاصك حولي اخر ديال السمية ههههههه
كيف دوزتي العيد ا الزين و اش خبارك و خبار البنوتات
و في الاخير درتي شي حلوى و لا والو بحالي

Oum Lina et Lilia

09-11-2011, 07:23 PM

الله ايبارك فيك ألحبيبة
والعقبالك حتى انت

الحمد لله العيد داز بخير
وخى فالغربة ادلي ماشي بحال البلاد و لكن الحمد لله
اللهم العمش و لا العماء ههههههههههههههه

والو ياختي لا حلوة لا جوج
نهار العيد باقي فالصباح حشمت من راسي و انا ندير واحد الكيكة و شي مسمن
والباقي كل شي من برا

Lojain

10-11-2011, 06:07 PM

fleure345

10-11-2011, 11:07 PM

ahlan lbnat kidayrin ha wahd lmoghtariba m3akom touraya w om yara w lojain kib9itou aidkom mobarak wakha jat m3atla lol

ام رائد واسعد

10-11-2011, 11:16 PM

تقبلو ضيقة جديدة معاكم انا من المحمدية ومغتربة بالسعودية

Sent from my iPad using منتديات لكي app

Oum Lina et Lilia

11-11-2011, 02:39 AM

معليش ميبقاش فيك الحال حتى انا مدرت والو حطيت غير شي حلوة كانت عندي في الفريكو و زدت عليها شي تفاتف و صافي و قنعت راسي بلي هاد العيد عيد اللحم ماشي الحلوة هههههههههه
و العيد كيف قلتي في الغربة ماشي بحال البلاد و لكن الحمد لله كلنا كنحاولو نعملو الاجواء بزز ههههههه

ايوا فين بقية البنات
باااااااانو

ههههههههههههههه
ايوى اش غادي تديري
دابا كل شئ موجود فالباتسرييات
هناونا و خى مرة مرة الواحدة تتبغي تدير شي حاجة بيديها

هاد العام بعدا العيد جاء يوم الاحد
مكيناش خدمة
بعدا كيتجمعو الناس
ماشي بحال

Oum Lina et Lilia

11-11-2011, 02:41 AM

ahlan lbnat kidayrin ha wahd lmoghtariba m3akom touraya w om yara w lojain kib9itou aidkom mobarak wakha jat m3atla lol

اهلا فلووووور
كيدايرة ألحبيبة؟ لاباس عليك
فين غبرتي؟؟
توحشناااااااااااااااك
عيد سعيد تعيدي و تعاودي ان شاء الله

تقبلو ضيقة جديدة معاكم انا من المحمدية ومغتربة بالسعودية

Sent from my iPad using منتديات لكي app

اهلا ام رائد و سعد
منورنا ألحبيبة

مرحبا بيك معانا
الدار دارك

neyoula

11-11-2011, 06:02 PM

السلام توا عرفت وكرك وجيت نجري لاباس عليك ومبروك الدار

Oum Lina et Lilia

11-11-2011, 07:22 PM

هلا بيك حبيبتي نيولة
الدار دارك

منوراااااااااااااااناااا

Lojain

11-11-2011, 07:45 PM

السلام عليكم
اشخبار كل المغتربات
ان شاء الله تكونو بخير و على خير
اموووولة توحشناك اش خبارك و خبار اياد بدا كيكبر شوية
مقلتيليش كيفاش دازت الولادة ديالك...مزال كنتسنى القصة ديالها هههههه

توتو اش خبار البنوتات ؟ كاينة شي غيرة من لينا و لا مزال ما بدات ههههه

Oum Lina et Lilia

11-11-2011, 10:26 PM

توتو اش خبار البنوتات ؟ كاينة شي غيرة من لينا و لا مزال ما بدات ههههه

لاباس الحمد لله
وانت كيدايرة؟ و كيداير ماعز عندك؟ و كيف غادية مع الحمل؟؟

لا دابا لاباس
الايام الاولى فاش كانت تتغير بزاف
دابا غادية و تتولفها
وتتولي عزيزة عليها

fleure345

11-11-2011, 11:46 PM

om lina w lilia kidayra labass ana labass hamdolah kidayra lilia katkbar chwiya

fleure345

12-11-2011, 12:03 AM

ahlan lojain kidayra labass 3lik ewa 9arabti nkhal3ak ola blach hhhhh la 3andak lah isahal 3lik inchalah wi fakak 3la khir

ewa l9issa dyali ran7kiha lik ana jani wja3 khfif nhar 2/10 mchit lmosta3jalat raj3ouni galoli mazal maratwaldi blha9 jani wja3 khfif rir kayzour oflil khtak rja3 liha lwja3 bl7a9 machi s3ib saraha rir khtak khwafa bzzaf rja3t kanjri lsbitar ochadouni kan kayjini wja3 mra mra blhak khft ijhad liya osada3thom blbra dyal dhar mohim tsanaw hta tftah rahim 4cm ohouma ydirou li ibra dyal dhar mahassitch biha apres mahssit bla wja3 bla walo mais tay9albo tayl9aw rass manzalch lhawd apres darou li chi haja ma3raftch achnahiya lol otahfath drya rahim l 6cm mais makont kanhass btahaja walo
jaw galoli lrajli khraj 5min bach itart9o liya sgya oapres y3aytou 3lih hit raykon m3aya flwlada mcha khraj otart9oha liya otbiba kat9alabni bach tchof wach lbebe nazal wla la mais l9at lhabl sourri mlawi 3la 3n9 lbebe okhalat yadiha ldakhal okatgolihom maymknch nhyd ydi ana fdik lahda tkhla3t bzzaf otansawalha makatbrich tgoli okatgol ltbibat khrin wajdou l9a3a o3aytou 3la tbib kada wkada wana khtak m3a khawafaa kamlat 3liya tsawri dawni l9a3a dl3amaliyat oyadiha ldakhal hachak hit une fois thayadha raynzal rass lbebe oraymout alors dawni fathouliya machft walo hta salaw ojabou liya iyad bastou lol lahda zwina saraha orajli maskin kaytsana 3la asass i3aytou 3lih bach ndkhal nwlad 3adi dazat ta9riban 1h ohowa ysouni 3lihom kharjat 3andoi tbiba galtlo waldat hhhhhhhhh tkhla3 3ad charhat lih bli kan urgence nfta7 et bla bla bla hhhh hamdolah daz kolchi mzyan wakha lftih masahlch mais hamdolah
ewa hadchi liw9a3 liya ewa inchalah tfakki 3la khir haja khra ybra dyal dhar mahassit bhta chi adrar dyalha tahaja madaratni ewa samhili tawalt 3lik katba jarida inchalah nfarjhou bik hta nti

yaraaaaaa

12-11-2011, 12:22 AM

السلام عليكم الغزالات
ام لينا و لجين و ام اياد منورييببببببن كيدايرين و كيدوزتو العيد
ام لينا مبروك السمية الجديدة كي عاملة و كي عاملين مع البرد
لجين كيدايرة الحبيبة و كيدايرة مع الخف ربي يفكك على خير و يعطيك ساعة سهلة يارب
امولة الحمدلله على سلامتك و سلامة اياد و لحقو ولدوك داغية اللهم مالك الحمد و حتى انا ديرت إبرة ديال الظهر و الحمدلله مع حسيت بوالو و الولادة و انا تنضحك قلتلي القابلة اول مرة نشوف شي وحدة كتولد و كتكركر ههههههه
و من بعد حسيت شوية ديال لحريق فلاخر ديال ضهري معرفتش واش من الولادة و الا من يبرا و لكن ماشي بزاف شي إيامات و صافي
و الوليدة معاك اولا بوحدك
ام أنوس و ام ايمن فين غبرتو طلو علينا مرة مرة

fleure345

12-11-2011, 12:29 AM

ahlan om yara kidayra labass 3lik oyara kayn chi chtoun w bsalat hhh ewa lhamdolah kolchi kayfout wi yb9aw dikrayat zwina ana lwalida galssat 3andi chi chehar onass omchat 9bal l3id mskina

yaraaaaaa

12-11-2011, 01:00 AM

احنا بخير الحمدلله يسول فيك الخير ة يارا تاكلة تباركلله و صلاة على نبي عليها كتنقاب العينين ههههههههههههههه
و الحمدلله لي ماماك قدرات تجي لعاندك و عاونتك بعدة واخا غير شهيوار را الخير و الباركة لقيتها جنبك تعاونك و تعلمك
انا كنعقل ملي رجاعت ندار و انا غير كنبكي و دخلت معايا الخالعة و بنتي تبكي و انا نبكي ههههههههههههه
لكن الحمدلله كلشي كان مزيان و ربي ما يحرمنا من وليداتنا و من اهلنا يحفظ كل المسلمين يارب

yaraaaaaa

12-11-2011, 01:03 AM

ام رائد و نيولة مرحبا بيكم معانا كيدايرين و كدوزتو العيد؟

Oum Lina et Lilia

12-11-2011, 07:16 PM

سلاااااااااااااام الله عليكم ألحبيبات

ام يارا
كيدايرة و كيدايرة يارا ؟
يبارك الله عليها غزيولة.. الله ايحفظها
لمن تتشبه ليك و لا لباباها؟؟

فلور
كيدايرة ؟
يالا عرفت بلي ولدتي
مكانش فراسي
على سلامتك ألحبيبة
اش ولدتي؟؟

لوجين
الله ايفكك بخير و على خير حتى انت

yaraaaaaa

12-11-2011, 11:29 PM

ثوريا الحبيبة حنا لاباس الحمدلله يسول فيك الخير
و نتوما كب عاملين
و الله يبارك فيك و في صحيحتك وليداتك
و الشبه كلها باها مادات مني والو وتقول انا غير مساخرة زعما ديالي هههههههه

Oum Lina et Lilia

13-11-2011, 12:06 AM

لاباس الحمد لله
ربي ايخليك

هههههههههههه هي راكي بحالي
ياختي حتى انا غير مسخرة و صافي

yaraaaaaa

14-11-2011, 12:14 AM

هههههههههههههه الحال من بعضه ههههههههههه
كيدايرة الحبيبة و كيدايرين البنوتات و كيدايرين مع البرد و الشتا؟

Lojain

14-11-2011, 01:11 AM

السلام عليكم
اش خبار كل من دخلت هنا
ام لينا كيدرتي و كيف ديرين الامورات...ايوا مزيان ملي لينا مكتغيرش دابا و الله يزيد المحبة بيناتهم

امولة ما شاء الله عليك يختي صبرتي للطبيبة ملي خلات ايديها تما انا مجرد ما كنتخيل الوضع كيشدني الوجع ههههههه
المهم على سلامتك يختي تفكيتي و لعقبا لي ان شاء الله و بالعكس راك مكترتيش علي و الله حتى ستافدت من كلامك

يارا شكرا ليك ا حبيبة على الدعاء ديالك و بقاي تدعي معايا يختي و الله محتاجة للدعاء بزاف خصوصا ماما عطلو عليها جواب الفيزا و باين لي مغادي تجي حتى نولد و نشبع ولدة

ربي معايا وصافي

yaraaaaaa

14-11-2011, 02:59 AM

لجين الحبيبة ربي يسهل عليك ما بقى من الحمالة و يعطيك ساعة سهلة ياربي
و ربي يسر الامور لمماك و تجيك قبل ما تولدي ياربي
و ما تخلعيش ان شاء الله كلشي يدوز مزيان و ملي تكوني مشيا لطبيب تولدي كلي التمر
راه ما اتجيك جانة لماكلة على الاقل يعطيك القوة باش تقدري دفعي و ربي يسهل عليك و على كل حامل و يرزق كل مشتهية ياربي

Oum Lina et Lilia

14-11-2011, 07:00 PM

السلااااااااااااااام عليكم

يارا
كيدايرة ألحبيبة
حنا لاباس الحمد لله
ياختي بدا الموت ديال البرد
بزز باش تنخرج هههههههههههه
كيدايرة يارا؟

لوجين
كيدايرة ألحبيبة؟؟

الله ايسهل ليك الامور؟
مقلتيش ليا فين انت مغتربة؟؟

أم نبيل و آية

14-11-2011, 08:50 PM

ها واحد السلام عليكم هاني جيت عاود ههههههههههههه :-M (javascript:void(0))
كيدايرين سمحولي مكنتش كندخل ملي تبدل المنتدى ونا تالفة :rolleyes: (javascript:void(0))
كيبقيتو مع شي برد؟؟؟

Oum Lina et Lilia

15-11-2011, 01:49 AM

مرحبا بيك معانا ام نبيل و ايه
منوراااااااانا
كيدايرة و كيدايرين الوليدات؟؟

الا قلتيها
راه كاع كل شي هكاك
حتى انا تالفة و كل مرة تنكتاشف شي حاجة جديدة
هههههههههههه

om ayman01

15-11-2011, 06:16 PM

السلام عليكم .
كيف دايرين نتوما ولكتاكيت؟
الحوامل..كدايرين مع التقل؟ الله يفككم على خير.

أم يارا وأم لينا وليليا..يسول فبكم لخير والربح.
راني غارقة فجميع الرحيل, غنتحولو لمدينة أخرى
حيت راجلي صيفطوه لخدمة لتما,خدينا دار جديدة
وخصنا نتحواو شهر جاي..دعواتكم معاي
سلامي للجميع.

Oum Lina et Lilia

15-11-2011, 09:22 PM

وعليكي السلام ام ايمن
الحمد لله ملي طمنا عليك

حنا لاباس الحمد لله
ربي ايخليك

ان شاء الله تكون دار الخير و السعادة عليكوم
فالحقيقة الرحيل و تعاودي تاني تفرشي صعيب
ولكن اش ايدير الواحد
الله معاك

Oum Lina et Lilia

16-11-2011, 08:15 PM

فين غبرتو يامغتربات
؟؟؟؟؟؟

مغترباات و غابرات ههههههههههههههههههه
ولفتوم الغربة باينة ليا فيكوم

أم نبيل و آية

16-11-2011, 08:20 PM

السلام عليكم
اشخبار كل المغتربات
ان شاء الله تكونو بخير و على خير

fleure345

16-11-2011, 08:38 PM

ahlan lbnat kidayrin ca va
om lina w lilia kidayra ewa chi brodat kaynin tma wla mazal
lojain matkhal3ich ahbiba kola wahd ochno mktab lih zaydoun ana lwja3 jani 3adi khfif lah isahal 3lik wi fakak 3la khir inchalah olah isahal lwalida dyalk rah lhodour dytalha mohim bzzaf ana okon mahiya okon tsatit ra bohdi lol lah isahal 3liha mskina
om yara kidayra okidayra lkatkouta labass 3liha
om nabil w aya ach had lghiba kidayra labass 3lik lah ikamal 3lik otfaki 3la khir yarbi

fleure345

16-11-2011, 08:44 PM

om ayman w anwar kidayra ahbiba okidayrin lkatakit lah i3awnak m3a rhil ga3ma tgolili ach rangol ana lirhalt flawal drmdan ohamla 9arabt nkamal 7mois dik sa3a obohdi kankhdam fdar hdagit mra whda knt fnyana 9bl mantzwj fach jat mama tkhl3at fiya hhhhhhhhhhhhh mohim lah i3awnak obchwiya 3lik

Oum Lina et Lilia

16-11-2011, 09:11 PM

الحمد لله ملي بنتو
ولا البرد ماخلاكومش حتى طلو ههههههههه
ياختي هنا و صل البرد برا 3 درجات باليل و حوالي 10 بالنهار

كيدايرات؟؟

ام نبيل و اية... فلور
كيدايرين الوليدات؟؟
لاباس

jihane maroc

17-11-2011, 08:26 PM

السلام عليكم ألبنات كيدايرين
توحشتكم بزاف سمحو ليا راني شحال هادي مدخلت المنتدى
مع الروينة ودرت شوية ديال الحلوة ليلة العيد وصباح العيد ختكم نضت كلسة نحك فالجليج باش تحيد منو الصباغة لي فيه وضربة فركة لكوزينة شفتو على عيد مكينش خوه ههههههه

Oum Lina et Lilia

17-11-2011, 09:10 PM

اهلا ام انس
والله الا توحشنااااااااااااااااااااااااااك
كيدايرة ألحبيبة و كيداير انس؟؟

ايوى راكي حادكة تبارك الله عليك

اش ديري راه غير ديك الروينة الي تتكون خايبة من بعد ليتغافو فالدار
خصوصا الا كان الواحد ايد واحدة
الله ايعين

jihane maroc

18-11-2011, 05:52 PM

أهلا حبيبة تورية ربي خليك أحبيبة يتوحشك لخير كيدايرة كيدايرين الكتكوتات تحرك عندكم شي برد
حتى أنا توحشتك وتوحشت لبنات بزاف
أه يدي بوحدي أحبيبة الله يكون فعوانا لا أنا لا نتي ولبنات
الغربة خايبة وفنفس الوقت زوينة بعدا مغبرين فيها وجوهنا هههههههههه
أم أيمن الله يعاونك أحبيبة على رحيل صعيب مع يديك بوحدك والوليدات الله يعاونك أحبيبة ومبروك عليك الدويرة الجديدة الله يدخلها عليكم بالرزق والتسير
أمولة كيدايرة حبيبة كيداير إياد توحشتك شحال هادي مطلقينا بوسيلي إياد ولبسيه مزيان من البرد ودفيه
لجين كيدايرة كيداير الكتكوت مزال مبغى يشرفنا عجبو الدفى لداخل باين مكيبغيش البرد هههههه الله يفكك على خير ويرزقك ولادة سهلة ميسرة متخافي والو لشي غادي يكون ميان إنشاء الله نصحك بإبرة الضهر راها زوينة ومتحسي بوالو أنا ولدت وكنقول ليهم ولدت ولى مزال ههههه ههههههه ومحسيت لا بأعراض خايبة لا والو

om ayman01

18-11-2011, 06:42 PM

السلام عليكم حبيباتي.
أم لينا وليليا..شكرا أحبيبة على دعوتك,الله يحفظك ويسلم ليك بنياتك من كل شر.

أم إياد..كدايرة أحبيبة وكداير إياد؟,بدا يغنغن شوية..غغغ
أنا والدراري لباس,واخا مع هاد لبرد كل مرة مروحين..لكززز سلامة
واحد لبالكو مبقيتش نقدر نخرج ليه كنتكلاصا الا خرجت ليه..ههه
الحمد الله لي كاينين شوفاجات..رحمة صافي.

أم أنس..غبورات ألحبيبة,كدايرة نتي وأنوس؟..عيد ميلاد سعيدلأنوس وخا جات معطلة..تفكرتو لبارح,حيت أنور كان عيد مبلادو لبارح ..مبيناتهمش بزاف
الله يخفظهم وينجيهم هما وليدات لمسلمين كاملين.
غير سكتي أختي على داك الرحيل,خصوصا مني تكوني بوحدك ويكون لباكاج كتير..خليها على الله وصافي.

لجين, م يارا, أم نبيل ولبنات كاملين لكم مني أعطر تحية وأغلى سلام.

jihane maroc

18-11-2011, 07:18 PM

أهلا حبيبة أم أيمن كيدايرة كيداير أيمن وأنور سنة سعيدة لأنور وكل عام ووهو بألف خير وتشفيه كي كتمناي هو و أيمن
ربي خليك أحبيبة أه الفرق بناتهم 17 اليوم الله يحفضهم لينا يا ربي
الله يعاونك أحبيبة الرحيل صعيب بزاف وكتكون الروينة إهئ إهئ راني حاسة بيك كون كنتي قريبة ليا كون عاونتك أحبيبة
بالنسبة البرد بدى المعقول مكاين غيرالشتى والضباب والبرد

Oum Lina et Lilia

18-11-2011, 07:30 PM

أهلا جيهان
كيداايرة ألحبيبة؟ و كيداير انس
حنا لاباس الحمد لله
غير مع الجرا وصافي

هههههههههههه الا قلتيها الغربة زوينة و خايبة
الله ايعين

ام ايمن
كيدايرة ألحبيبة و كيداير ايمن؟؟
والله الا قلتهيا الشوفاجات رحمة
معرفت بقيمتهوم حتى خسر الشوديير واحد المرة و المشكلة جاء مع الويك اند
عرفتي ماوصل نهار الاثنين باش ايجي تيكنيسيان حتى صافي قربت نتسطى ههههه

jihane maroc

18-11-2011, 08:24 PM

أهلا تورية حبيبة حنى لباس يسول عليك الخير
ياختى هاد الأرض السعيدة الله يعطينا بركتها وخلاص مكنتسراو
ما كنشوفو العام كامل جري عليا نجري عليك خلص ضوء خلص
الغاز خلص الماء صوب هاد الورقة أوف ملينا أنا قنطانة
والجو خايب والليل كيجي بكري
بعدا فالمغرب الواحد كيمشي عند الناس ويجيو عندو مدوزين الوقت

Oum Lina et Lilia

18-11-2011, 08:33 PM

والله العظيم اختي
الا قلتيها
حتى بريطانيا عندكم هاد المشكل صاوب هاد الورقة ... صيفت هاد الورقة...
انا سحابلي واش غير هادفرنسا

واشوفي غير القهاوي و الريستورات
بالوقت.. الغداء بالوقت.. العشاء بالوقت
الله ايعز المغرب كل شئ محلول 24/24 7/7
ههههههههههههههه

jihane maroc

18-11-2011, 08:45 PM

حتى هنى يا حبيبتي مكاين غير كل نهار لبروات تحت الباب ولينا نخافو منهم لمجاو ديال الماء والغاز ووووو يجيو ديال السبيطار ولى البانكة ولى ديال الضريبة طلعولي لكواغط فراسي هههههههه
والله إلا الله يعز المغرب هنا حتى لبغينا نفوجو على راسنا بشي عشيوة برا مع الدخلى يقلولنا واش مبوكين من قبل بحال لداخلينن خلصو الضريبة ماشي ناكلو هههههههههه

Oum Lina et Lilia

18-11-2011, 08:49 PM

هههههههههههههههههه و الله الا
ياختي كل شئ هكاك

ايوى حنا لي بغينا اروبا
نشرب بقا خخخخخخ

fleure345

18-11-2011, 09:44 PM

ahlan lbnat kidayrin om ayman ca va twahachnak lhla ywarik kayan rir lghwat kanhawal manwalfoch lhzzan mais kayghlabni chi khtrat ama shir hadit wala haraj kangolo skt wla nhatak flbalcon rantsatta khousousan lbarah hhhhhhhhhh ewa sbar brina lwlad omabrinach nt3adbo ohadi makaynach lol

touraya kidayra olkatkoutat tahouma ewa lbard wa9to hada ama chofage ra7ma hamdolah

jihan twahachtak wa ghiba hadi safi nsitina wahd anouss bda ykbr kaytmcha wla mazal wlah dak nhar fa9t sbah tangol yarbi fo9ach itmcha ma3ndi ktaf lhzan lol

lbnat chftkom kathadrou 3la lwra9 hssabli rir ana likan3ani man had lmochkil wlah matkonoch 9adi fin ma tandour khasna nsaybo had war9a ohadi ohadi ................ 3amarhoum makaysaliw zidk 3la wra9 3ibad lah tahouma m3a rajli fdawla likhasah chi haja taytirou 3ndo offfffffffffffffffff mallit wallah mnin jat mama tbakht liha rassha bhad lhdra gltlihom nrja3 lmaghrib onthnna fmrra ama khtiyat dtomobile hadit wala haraj rir kaytjam3ou 3lina hta yjiw ijriw 3lina lolllllllllllll wa sbar okhlass l9it bda lifhali kan ihssabli rir ana likan3ani man had lmochkil

fleure345

18-11-2011, 09:48 PM

touraya sa3datkom ntouma fparis b3da 3andkom mahlabat osnack fihoum sandwichat zwinin fhal chkal dlmaghrib fach mchit ltma haja wahida li3jbatni khousousan mahlabat fiha kolchi dlmgharba ama hna wllah pizzeria wla chawarma dyal missriyin safi et restaurat safi wllah tbri rir takli chi haja walo ama rmdan khtak katamchi htar jama3 bach nchri batbout man rmdan lrmdan katkon tma wahd siyda katsayabhom ama man ghir makayn walo hna froma mais fchamal y9dar ikon 3andhom hadchi

Oum Lina et Lilia

18-11-2011, 10:28 PM

اهلا فلور
كيدايرة ألحبيبة؟
تصوري راه لحد الان معرفتش اش سميتك؟
ياختي راه حتى انا باقي واحلة مع السهير حيت الكتكوتة ديالي باقي متقادش ليها النعاس

بصراحة هنا فباريس و لله الحمد كل شئ كاين
اكل كل الشعوب موجود
الي تحلي عليها فمك تلقايها
غير اوكان المشكل تتكون فالتوقيت و الويك اند ملي تايكون كل شئ ساد و صافي

yaraaaaaa

19-11-2011, 01:06 AM

السلام عليكم الغزالات كيف عاملين و كي عاملين مع البرد و كي عاملين الوليدات
ام لينا و ان أنوس و ام اياد منورين و حركتو الصفحات شوية ان شاء الله دائماً

yaraaaaaa

19-11-2011, 01:10 AM

ام ايمن كيدايرة الحبيبة و كيداير ايمن و أنور و كل سنة و أنور بالف خير و عقبال مائة سنة في صحة و سعادة يارب
لجين كيدايرة الحبيبة و كيبقيتي مع الخف الله يسهل عليك و متبغريش علينا و طمنينا دائماً باش نهار الي تغبري نعرفوك مشيتي تولدي ههههههه الله يعطيك ساعة سهلة يارب
ام نبيل و اية كيدايرة الحبيبة و كيدايرين الدراري و البيبي

Oum Lina et Lilia

19-11-2011, 05:41 PM

اهلا ام يارا
كيدايرة ألحبيبة و كيدايرة يارا؟؟

فين غبتي؟؟
توحشناااااك

yaraaaaaa

20-11-2011, 10:39 AM

اهلا الحبيبة ثريا كيف العاملة الحبيبة و كي عاملين البنيتات و كي عاملين مع البرد
إحنا لاباس الحمدلله و الله غير في الدنيا و القنط و بعد الخطرات كندخل ماكنجبار حد كنعجز نكتب ولبارح كنت عند عجوزتي و البارح عند الختي و اليوم واقيلا غنبقى غير في الدار هههههه
و انت شكاتعودي

Lojain

20-11-2011, 06:56 PM

السلام عليكم
اش خباركم ا المغتربات

ام يارا ربي يخليك ا حبيبة على سؤالك علي الحمد لله رب العالمين هاد الساعة راني شوية لاباس واخا مرة مرة كيجيني الوجع و بعد المرات مقنقدرش نعس باليل بيه و الخلعة راها بدات كتشدني خصوصا انا بوحدي هنا و معندي حد في الغربة غير الله سبحانه و تعالى و طبعا راجلي و الحمد لله

ام انوس و ام لينا و لمولة ام اياد اش خباركم كاملين و خبار وليداتكم

توتو نسيت ما قلت لك راني في بلجيكا

Oum Lina et Lilia

20-11-2011, 11:07 PM

سلااااااااااااام الله عليكم
كيدايرات؟؟

ام يارا
كيدايرة ألحبيبة؟؟ و كيدايرة يارا؟؟
ايوى مزيان بعدا ملي اهلك قرابين ليك ماشي بحال

لوجين
اهلا ألحبيبة
الله ايفكك بخير و على خير
بلجيكا يعني جارتي
وكنظن بلي عندهم نفس سيستيم ديال هنا
حيت هلي بيت نقوليك طلبي دغيا من الطبيبة ديالك Attestation de grossesse
وصيفتيها دغيا للوالدة ديالك باش تدفعها مع الوراق ديال الفيزا
حينت تتساعد مزيان

الله معاك ألحبيبة

yaraaaaaa

20-11-2011, 11:40 PM

لوجين الحبيبة الله يفكك على خير و يسهل للوليدة و تجي لعندك قبل متولدي ياربي
رآها صعيبة و الله انا كنت ندمتها جورا أني مبغيتش نمشي عند دار عجوزتي على الاقل كان يكون الماكلة
واجدة و الدار نقيية و انا نجابل غير بنتي و لكن قلت لا حيت خصني نتعود و غرجاع غرجاع نداري و نلقى راسي
بوحدي و الحمدلله عدت بخير حيت راجلي مع جوج كيكون في الدار و كان جيجيب الماكلة واحدة و يدير شوية شغل ديال الدار و اليومين الولة كان جالس معايا الحمدلله تعاونا مع انه كنت علاين نمرض كان لي كيسولني كي عاملة كنبدا نبكي
هههههههه كنتفكر داك الايام كنضحك على راسي شواهة ههههههه
و شفي الي عندك زيت اللوز او واحد الزيت معرفش شنو سماه عارفاه غير بالإسبانية زوين بزاف تعملو في المنطقة الحساسة تيخلي الجلد الاستيك و كتعاون بش ما يقطعوكش و عملو او خلي راجلك يعملولك مزيان بزاف كانت القابلة قلتنا تبدى تعملو من سبع شهور و انا عملتو تا سيمنا الاخيرة قبل من نولد هههههه و ختي عملاته جوج سيمانات قبل و الحمدلله مقطعوهاش تجرحت شوية و عملولها غرزة واحدة عقبالك و تكون ولدة سهلة ياربي
ثريا الحبيبة دقلبي الله يجمع شملك مع عائلتك و انا معاك ههههه و كل مغترب يارب
و كنتي غير قريبة كا يوميا نكونو مع بعضنا بعد الواحد ميحسش بالقنط
و ربي يسر أمورنا و يخفف علينا غربتنا يارب

yaraaaaaa

20-11-2011, 11:51 PM

نسيت ما كتبتلك الاسم ديال الزيت ههههههههههههههههههههههه
اسمه زيت ديال rosa mosqueta دري بحت في جوجل و شوفي تصورتو لتعرفيه
و ربي يسهل عليك و بلا متخلعي ملي يبداك لحريق و تكون السقية باقى ما طرطقت عملي بانيو سخون و تخشاي فيه
كيعاون بزاف باش تحلي داغية و لكن الا طرطقت السقية متعمليهش حيت يقدار يدخل انفيكسيو لترابي غير دوشي عادي وصافي
الله يسهل عليك

Oum Lina et Lilia

21-11-2011, 06:22 PM

ثريا الحبيبة دقلبي الله يجمع شملك مع عائلتك و انا معاك ههههه و كل مغترب يارب
و كنتي غير قريبة كا يوميا نكونو مع بعضنا بعد الواحد ميحسش بالقنط
و ربي يسر أمورنا و يخفف علينا غربتنا يارب

والله الا

ربي ايخليك ألحبيبة
امين أزين

فالواقع النت و التلفون خلى كل شي قريب
تصوري من كثرة ماتنهدر مع مالين دار اكثر من 3 المرات فالنهار
و خويا اصبح تيغوت عليا تيقول ليا واش مكينش عندك مايدار غير التليفونات ههههههه

ولكن مع ذلك تتبقى مكاين ماحسن من الواحد الا كان حداك

الله ايعين و صافي

Lojain

21-11-2011, 08:51 PM

om ayman01

21-11-2011, 11:08 PM

مساء الأنوار يا مغتربات..
أم لينا,أم بارا,أم إياد,أم أنس..كدابربن نتوما ولكتاكيت.؟
لجين ..إيوا باقي معرفنا باش نعيطوليك..أم..؟
الله يجيب غير لفكاكة على خير وصافي..شوفي كما قالت لك أم يارا
دهني بزيت اللوز راه مزيانة ولا شوفي فسوبر ماركت كتباع زيت ديال دهن البطن للحامل,تقدري تستعمليها حتى مور لولادة..كتكالمي
بحالةهاديك ديال لبببي
الله يجيب الوالدة على خير وعما قريب..
أنافأيمن ولدت وماما باقة ماجات..حتى اتصل راجلي بالقنصل عا عطاوها لفيزا..rendez-vs عطاوهلبيها بعيد مع أننا عطبنتهم لوقت
لب بغيناهاتجيى فبه..تعطال راه من لمغرب كيكون

Oum Lina et Lilia

22-11-2011, 02:00 AM

سلااااااااااااام الله عليكم

هلا لوجين
كيدايرة ألحبيبة
فعلا كيما قالت ليك ام ايمن تقدري تصاوبيها و تصيفتوها للقنصل عن طريق الايمايل او الفاكس و تصيفتو معاها شي رسالة تتشرحي فيها سبب الزيارة ديال الوالدة
هههههههههه راني جربت كل شي هادشي و فعلا راهوم تيخدو كل شي بعين الاعتبار
الله معاك ألحبيبة

أم ايمن
كيدايرة ألغزالة؟ و كيدايرين الوليدات؟
والله الك وحشة
فين هاد الغيبة؟

ام يارا..ام اياد.. ام انس..
كيدايرات و كيدايرين الوليدات؟؟
ايوى بانو شوية

om ayman01

22-11-2011, 01:21 PM

أم نبيل و آية

22-11-2011, 02:28 PM

صباح الخير عليكم كيدايرين نتوما وليداتكم مع شي برد أم لينا شحال عاجبيني سميات بناتك ربي خليهم ليك دايرة امبراطورية لااااام هههههههههه

Sent from my iPhone using منتديات لكي app

fleure345

22-11-2011, 07:03 PM

touraya kidayra labass 3lik lbanoutat tahouma
yara ahlan zin kidayra wahd yara tahiya kayan chi chtoum wla walo
om mayman w anwar kidayra labass 3lik lah chafi lwlidat
lojain lah ifakak 3la khir ewa 9arabti lah iyassar lik omour rah 3andhom lha9 lbnat htana sifat chahada bli ranwlad onzidak ana t3atalt fach daf3o malin darna ogalolihoum htar decembre 3ad na3tiwkom orajli sifat l9onssol email o3tawhoum visa drya ojat 9bal mawlat rir jarbi matkhassri walo orah kaysa3dou

yaraaaaaa

22-11-2011, 07:11 PM

والله الا

ربي ايخليك ألحبيبة
امين أزين

فالواقع النت و التلفون خلى كل شي قريب
تصوري من كثرة ماتنهدر مع مالين دار اكثر من 3 المرات فالنهار
و خويا اصبح تيغوت عليا تيقول ليا واش مكينش عندك مايدار غير التليفونات ههههههه

ولكن مع ذلك تتبقى مكاين ماحسن من الواحد الا كان حداك

الله ايعين و صافي

ههههههههههههه
و الله بصاح تانا با كيبدى يغاوت بالعاداو هههههههههههههه
الله يجمعنا بيهم قريب ياربي

yaraaaaaa

22-11-2011, 07:13 PM

ربي يخليكم ام لينا و ام يارا على الدعيوات ديالكم و ربي يتقبل منكم
توتو في الحقيقة معرفتش واش باقي الوقت دابا و لا لا و عموما واخا نبغت ليها الشهادة دابا موحال يقبلوها منها حنت دفعت الاوراق كلهم...ايوا الله يصاوب و صافي
و على رايك التلفون دابا قرب كل شي غير اليوم هضرات معايا الواليدة شي 5 المرات و يمكن كثر و لكن بصح ماشي بحالي كانو قدامك

يارا الحبيبة شكرا بزاااااااف على النصائح و تمنيت نلقى هداك الزيت و لكن موحال حينت عمري ما شفت هنا و حتى زيت اللوز معنديش للاسف و لكن عندي اركان ديال الجلد ممكن ينفع؟
لا شكر على واجب الا حتاجتي اي حاجة او تسول على اي حاجة
مترضيضشي و ربي يسهل عليك الحبيبة
و بالنسبة لاركان معندي حتى فكرة و انت جربي زيت العود لانه الاهم ترطبي المنطقة ربي يسهل عليك
و الا لقيتي زيت لوز حسن و حسن ربي يسهل عليك الحبيبة

yaraaaaaa

22-11-2011, 07:19 PM

ام ايمن كيدايرة و كيدايرين الوليدات و الله يعاونك على الرحيل راه غير بحدو تمارة عساك مع العيال الله يسهل عليك و يعاونك
ام نبيل كيدايرة الحبيبة و كيدايرين الوليدات و البيبي
ام اياد كيدايرة الحبيبة و كيداير ايودي ربي يحفضه و يارا ولت كتنقب العينين ههههههههههههه

*** أم الحبيبتين ***

22-11-2011, 07:27 PM

سلام عليكم

كين شي بلاصة فن نتخشى أولى نرجع فحالي ههههه

yaraaaaaa

22-11-2011, 07:35 PM

سلام عليكم

كين شي بلاصة فن نتخشى أولى نرجع فحالي ههههه

اهلا بيك الحبيبة بينا دار دارك عرفينا عليك

jihane maroc

22-11-2011, 09:03 PM

السلام لبنات كيدايرين كيدايرين وليداتكم
توحشتكم
تورية ها أنا بنت أحبيبة راني غير مع الشقى لبارح خملت بيت النعاس وصبنت المانطة مع لبني وصليح ولت مغبرة وصبنت فراش أنس أوف روينة مكتسليش الله يلطف بينا
لجين الله يفكك على خير أحبيبة ما بقى قد لي فات تحركي بزاف وتمشاي راه مزيان ليك الله يفرحك بشوفت وليدك على خير ويسر لماماك في الفيزا وتجي تعونك قبل ما تولدي أنا ولدت بوحدي وما لقيت لي يعاوني كاتجي قاسحة من السبيطار لكوزينة وسهير فكرتيني ولكن تعلمت نعتامد على راسي
أم يارا كيدايرة حبيبة كيدايرة يارا كيداير الجو عندكم
أمولة كيدايرة كيداير إياد الكتكوت بدا عندكم شي برد
أم أيمن كيدايرة حبيبة كيدايرين أنور وأيمن الله يكون فعوانك مع الرحيل غير شوية بشوية حتى تسالي كل مرة ديري شوية
مرحبة بلي جانة جديد

Oum Lina et Lilia

22-11-2011, 09:19 PM

أم لينا وليليا
يسول فيك الخير والربح ألحبيبة,كدايرة نتي والأمورات؟
هانا أختي غير مع الدراري وهم الرحيل كل مرة نجمع شوية.
راكم ديما فالبال واخا مندخلش للمنتدى.وكل ملقيت فرصة نطل عليكم
..حنا دالا ويلينا عائلة وحدة أولا لا؟
بوسة للحبيبات ديالي كاملبن ..

حنا لاباس الحمد لله
ربي ايخليك
واخى عندي هاد الخنفوسات غير تنقول لاباس مشى منهم الرواح
ايرجع ليهوم تاني
الله ايعين

وانت كيدايرة و كيداير ايمن؟؟

فالواقع ديك الروينة لي تتعجز الواحد ادير ليترافو فالدار
ولكن الا مصبرش الواحد عمرو ايدير شي حاجة
الله معاك ألحبيبة

صباح الخير عليكم كيدايرين نتوما وليداتكم مع شي برد أم لينا شحال عاجبيني سميات بناتك ربي خليهم ليك دايرة امبراطورية لااااام هههههههههه

Sent from my iPhone using منتديات لكي app

ههههههههههههههههههه
اهلا ام نبيل و ايه
ربي ايخليك ألحبيبة

اميييييييييييييين و يخلي ليك حتى انت الكتاكيت ديالك

بحال فيلم امبراطورية ميم
لكن اختي هاديك مانيش قادة عليها
راها عندها على مااتذكر شي 7 ياك؟؟
هههههههههههههههههههههههههههه

Oum Lina et Lilia

22-11-2011, 09:25 PM

touraya kidayra labass 3lik lbanoutat tahouma

اهلا حبيبتي فلور
كيدايرة وكيغادية مع شي برد؟
امدرا تقاد النعاس ديال الفريكيس و لا باقي واحلة مع السهير

تورية ها أنا بنت أحبيبة راني غير مع الشقى لبارح خملت بيت النعاس وصبنت المانطة مع لبني وصليح ولت مغبرة وصبنت فراش أنس أوف روينة مكتسليش الله يلطف بينا

هي انت و ام ايمن دايرات ليترافو
الله معاكم ألحبيبة

وخى صعيب و لكن الا مصبر الواحد مغاديش ايدير والو
الله معاكم

Oum Lina et Lilia

22-11-2011, 09:28 PM

سلام عليكم

كين شي بلاصة فن نتخشى أولى نرجع فحالي ههههه

اهلا حبيبتي ام الحبيبتين
مرحبا بيك بينتنا
الدار دارك ألحبيبة
منوراااااااااااااااانا

بان ليا راكي ففرنسا
عرفينا عليكي اكثر

Oum Lina et Lilia

22-11-2011, 09:29 PM

ام يارا
كيدايرة ألحبيبة و كيدايرة يارا؟؟

واش راكي هنا
؟؟

om ayman01

22-11-2011, 09:55 PM

مساء النور أالغزالات.
أم لينا وليليا ..شوية لباس هاد الساعة
الحمد لله على كل حال.
ونتي كدايرة مع السهير..؟
الله يقدرنا عليهم.

أم أنس..كدايرة أالزين نتي وداك الغزال؟
شكرا أحبيبة والله يعوناك على شقاك حتانتي.

أم يارا..شكرا أحبيبة..كدايرة نتي والغزال
الله يحفظهاليك ويفرحك بيها..

أم إياد..كدايرة مع السهير,وكداير إياد؟

لجين..فيننك؟

أم نبيل..كدايرين لوليدات؟ وكدايرة مع التقل؟
الله يفكك على خير نتي ولجين وكل الحوال يارب.

دعواتكم ألبنات مع اختي حتاهي حامل..

مرحبا بيك أم الحبيبتين..الدار دارك كمافالوليك البنات
حنا كلنا معروضين عند أم لينا وليليا هي اللي فتحت هاد الدار..

Oum Lina et Lilia

22-11-2011, 10:09 PM

ربي ايخليك أم ايمن

الله ايسهل الامور لختك و ايفكها بخير و على خير
ويرزقها بذرية صالحة و سليمة
امييييييييييين يارب العالمين

cute leen

24-11-2011, 03:50 AM

Salam 3alaykom lbnat ki dayrin m3a seha

Oum Lina et Lilia

24-11-2011, 11:08 AM

أهلا بلالا الغابرة كيوت ليين
كيدايرة ألحبيبة و كيدايرن الوليدات؟؟

كيغادية لاباس عليك
ايوى غبورااات هادو

cute leen

24-11-2011, 07:31 PM

barak laho fik tourya ki dayrin lgzalat lah ykhelihom lik
lghbour gi m3a dnya kont ndkhol omayred 3lya hed fansahebt omoda mab9it tandkhol fadaba cheft had tajmo3 golt nselem 3likom

Oum Lina et Lilia

24-11-2011, 07:35 PM

ايسلم عليك الخير ألحبيبة
راه كل شي هكاك
ياختي مكاين غير جري جري
الحمد لله

ايوى انت كيدايرة؟
كيداير الجو عندكم؟؟

jihane maroc

24-11-2011, 07:54 PM

السلام لبنات كيدايرين
كيوت كيدايرة حبيبة فين غيوبك توحشناك غبورات هادي كيدايرين وليداتك كيدايرة مع شي برد
تورية كيدايرة حبيبة مكيدايرين لفركوسات كيدايرة مع شي برد

Oum Lina et Lilia

24-11-2011, 10:30 PM

البرد لا تسولي عليه
هو لي موجود ههههههه

وانت لاباس شوية
مشاة شوية الحساسية

Oum Lina et Lilia

25-11-2011, 11:03 AM

صبااااااااااح الخيييييييير عليييييييييكم

أم نبيل و آية

25-11-2011, 02:01 PM

صباح الخير جمعة مباركة عليكن

cute leen

25-11-2011, 08:56 PM

om lina sbah lkhir o ghi sekti 3la lberd bdina 3awd tani obdaw tloujat lah ysehel o safi tamara
om anass ki dayra nti osghiwer
om nabil ki dayra mbark oms3oud lah ykeml 3lik bikhir otfeki 3la khir

yaraaaaaa

25-11-2011, 10:52 PM

السلام عليكم الغزالات كيدايرين و كيدايرين الوليدات

Oum Lina et Lilia

26-11-2011, 12:49 AM

زرونا و شاركونا
http://www.lakii.com/vb/a-87/a-758952/

Oum Lina et Lilia

27-11-2011, 03:33 AM

مساااااااااااء الخير عليكم

ام يارا .. فلور.. ام نبيل و اية.. ام ايمن.. ام انس.. كيوت لين.. ام الحبيبتين
كيدايرااااااااااات؟ و كيدايرين الوليدات؟؟
فين غطستو؟؟ و لا الويك اند هذا ههههه

لوجين
طمنينا عليك ألحبيبة
الله ايفكك بخير و على خير

yaraaaaaa

01-12-2011, 12:23 AM

السلام عليكم كيدايرين الغزالات و كيدايرين الوليدات

Oum Lina et Lilia

01-12-2011, 03:25 PM

سلاااااااااااااااااام الله عليكن
اش خباركم و فين غابرات؟
كيدايرات و كيدايرين الوليدات؟؟

شحال من مرة تنحاول ندخل لهذا الملتقى متيبغيش يعطيني
اول مرة ندخل ليه هههههه

Lojain

02-12-2011, 12:01 AM

نتوما هنا و انا كنقلب عليكم

اش خباركم كااااااااااااااااملين

ان شاء الله تكونو بخير و على خير

أسيرة الغربة

02-12-2011, 09:58 AM

حياكم الله اخواتي
دعواتي لكم ان يهون الله عليكم غربتكم
سيكون هذا الملتقى لكم "مغربيات مغتربات "
وستكون الاخت مفتتحة التجمع Oum Lina et Lilia مسئولة عنه وعن التبليغ عن مخالفاته .....
واتمنى ان يكون طرحكم فيه فائدة واعلموا ان تجمعاتكم ستكون مرجع لمن يبحث معلومات عن المكان الذي تعيشون فيه ....

دعواتي لكم بالتوفيق

Oum Lina et Lilia

02-12-2011, 08:47 PM

هلا حبيبتي لوجين
كيفك؟
ان شاء الله بخير
الله ايفكك بخير

هلا بغاليتنا اسيرة الغربة
ان شاء الله راح ايكون تجمعنا هذا تجمع اخوة و محبة و فائدة للجميع

بارك الله فيكي

Oum Lina et Lilia

03-12-2011, 04:41 PM

اظهر و بان عليك الامان
يامغترباااااااااااااااات

yaraaaaaa

14-12-2011, 09:09 PM

السلام عليكم
غبرت شوية و رجعت كيدايرين و كيدايرين الوليدات و فين غبرتو تانتوما
ام لينا كيدايرة الحبيبة و كيدايرين البنوتات و كيدايرين مع شي برد

jihane maroc

14-12-2011, 09:21 PM

السلم لبنات كيدايرين كيدايرين مع هاد لبرودات

Fatila

15-12-2011, 12:03 AM

السلام عليكم
ماشاء الله الاحباب كلهم هنايا
ها واحد المغتربة معاكم

Fatila

15-12-2011, 12:04 AM

وعليكم السلام
يارا وام انس كيدارين وكيدايرين الكتاكيت
الله احفظهوم لكم

Oum Lina et Lilia

16-12-2011, 09:41 PM

سلاااااااااااام الله عليكم ألحبيبات

هلا ام يارا و ام يوسف
كيدايرات و كيدايرين الوليدات؟؟
ايوى غبوراااات هادو

yaraaaaaa

20-12-2011, 12:52 AM

ام يوسف و ام لينا و ام أنوس كيدايرين و كيدايرين مع شي برد
ام يوسف بارك الله فيك على الدعوة و ربي يحفظلك كل عزيز يارب
باقي المغتربات فين غبرتو

Oum Lina et Lilia

20-12-2011, 01:01 AM

هلا ام يارا
كيدايرة انت و كيدايرة الفركوسة ديال يارا؟؟

ياختي البرد لا تسولي عليه
اختك ولات تتخرج غير بزز ههههه

yaraaaaaa

20-12-2011, 01:07 AM

لاباس الحبيبة يسول فيك الخير و يارا مع البرد غير مروحة ونقول برات
عوتني المناخير تبدى تسيل و الحمدلله
و كيما قلتي هاد البرد حد ما يبغي يخرج فيه انا الحمدلله مكنخرج مرة
كتعز علية بنتي حبساها معايا
و الا خرجنا من الدار لسيارة نشي بلاصة مغلوقة و سخونة
و الا مكاين خروج ههههههه
و انت كيدايرة و كيدايرين العسولات ديالك و شحال مهدرنا توحشتك

Oum Lina et Lilia

20-12-2011, 01:29 AM

ربي ايخليك
حتى انا توحشتك
ياختي كل شي هكاك

راه اصبحنا تنديرو بحال داك دب ملي تيدير السبات الشتوي
ههههههههههههههههه

sosomarrakchia

20-12-2011, 04:47 PM

salam alyukum,ana odwa jdida hna ,wareffti mli cheft tajmo3 d bnat beladi freht bzaaaf,, ana souad min marrakech mais halyan aycha f amrika ,w ana hamla f osbou3 10 warako arefin maa lghorba w lhmala 9adia 9assha biid ala l ahel w ahbab mais allamdulilah
ntmna tkono bekher w iwa dekhlo mra mra had tajmo3 kayssfer hhhh
bonne journnee

Oum Lina et Lilia

20-12-2011, 08:36 PM

مرحبا و سهلا فيك سوسو
منورنا ألحبيبة
الدار دارك
سعداء بتواجدك معانا

الله ايكمل عليك بالخير
ويفكك بخير و على خير

هههههههههههه
فعلا هاد التجمع كيصفر شوية
ايوى اش غادي ايدير الواحد
راه فهاد الغربة مكاين غير الجراء و صافي
الله ايعين

Fatila

20-12-2011, 09:05 PM

السلام عليكم البنات كيدايرين فين غبرتو

سلاااااااااااام الله عليكم ألحبيبات

هلا ام يارا و ام يوسف
كيدايرات و كيدايرين الوليدات؟؟
ايوى غبوراااات هادو

وعليكم السلام ام لينا
حنا الحمد لله غير معا هاد البرد والشتاء
ونتي كيدايرة وكيدايرين البنوتات ؟

ام يوسف و ام لينا و ام أنوس كيدايرين و كيدايرين مع شي برد
ام يوسف بارك الله فيك على الدعوة و ربي يحفظلك كل عزيز يارب
باقي المغتربات فين غبرتو
امين ياربي
ربي يخليك ازين
البرد ماتسولي عليه واش قالو بلي هاد السيمانا الجاية غادي يكون الثلج ...
ونتي كيدايرة كتكبر يارا ؟

Oum Lina et Lilia

20-12-2011, 09:25 PM

هلا بيك ام يوسف
ربي ايخليك حنا لاباس الحمد لله

وانت اش اخبارك و اخبار الاولاد؟
مقلتيش ليا فين راكي مغتربة؟؟

Fatila

20-12-2011, 09:28 PM

الحمد لله هاد الساعة عندي غير ولد واحد يوسف هههههه
بحالك احبيبة فرنسا

hibhiba

20-12-2011, 09:37 PM

السلام عليكم المغربيات الاصيلات اش خباركم شميت ريحت المسمن واليغرير واتاي وجروني لهنا ههههههه هاوحد المغتربة مجلية عاد جاية واش كاين شي بلاصة مزال معاكم ولا صافي الدار عمرات ههههههه

Oum Lina et Lilia

21-12-2011, 02:11 AM

الحمد لله هاد الساعة عندي غير ولد واحد يوسف هههههه
بحالك احبيبة فرنسا

ربي ايخليه ليك و تفرحي بيه
وعقبال ماتخاويه ان شاء الله

مزيان هي راكي قريبة
فاش من مدينة؟؟

السلام عليكم المغربيات الاصيلات اش خباركم شميت ريحت المسمن واليغرير واتاي وجروني لهنا ههههههه هاوحد المغتربة مجلية عاد جاية واش كاين شي بلاصة مزال معاكم ولا صافي الدار عمرات ههههههه

مرحبا بيك معانا ألحبيبة
الدار دارك

عرفينا عليك

sosomarrakchia

21-12-2011, 03:13 PM

trehbik jjena inshalah,,w ikhlilik bnyatk ya raab, okht oum yusssef ntmna tkoni bekher w mrehba b l okht hibhiba waga3 habobat maghribyat ,allah ijm3na b kol kher inshalah

Oum Lina et Lilia

21-12-2011, 06:52 PM

امييييييييييييييييين امييييييييييييين ألحبيبة
بارك الله فيك

مقلتيش لينا كيجاتك العيشة فامريكا؟؟

Oum Lina et Lilia

21-12-2011, 07:21 PM

بنات
لوجين و لدات بالسلامة

موضوع التهنئة راهو هنا
http://www.lakii.com/vb/a-42/lojain-762128/

yaraaaaaa

22-12-2011, 01:44 AM

السلام عليكم كيدايرين و كيدايرين الوليدات
ام يوسف كيدايرة الحبيبة و كيداير يوسف و البرد درا دبصاح ههههه
ام لينا و الله الا بصاح و الي بغى يخرج العام طويل هههههه شكون يسخى بالدار و السخانة
و يخرج يتجمد هههههه
كيف عاملة الحبيبة و كي عاملين الاميرات
سعاد مرحباً بيك معانا و الله يتبت حملك و يجعله من حقك ياربي و يهون عليك الغربة
هبة مرحباً بيك معانا
و كاع لبنات في غابرين و الا البرد درها فيكم هههههه

sosomarrakchia

22-12-2011, 03:00 PM

sosomarrakchia

22-12-2011, 03:08 PM

trehb bik jenna inhslaah a kheti yaraa,aha kima golti rah lberd en plus hna fin sakna ana malff kaynzel andhom telj bzaaf w daba kaynzel mra mra whoma baymoto blfe9ssa hint ila makan telj f christms bhal ila makayn anhom hayat hhhhhhhhhhh ,iwa chaylah a sb3ato rijal ,hhhhhhh ,jbetlihom maya shodat dyal marrakech ,hta lo9ita li jit fiha kan shed bzf w mamalfa lihom hhhhh.

Oum Lina et Lilia

22-12-2011, 07:01 PM

ام لينا و الله الا بصاح و الي بغى يخرج العام طويل هههههه شكون يسخى بالدار و السخانة
و يخرج يتجمد هههههه
كيف عاملة الحبيبة و كي عاملين الاميرات

لاباس الحمد لله ربي ايخليك
وانت كيدايرة و كيدايرة يارا؟

ههههههههه شفتي
ودابا مع كيحتافلو بالنويل مكاين فين تخرجي غير المكازات و صافي
على حساب تخفيضات النويل و داكشي

Oum Lina et Lilia

22-12-2011, 07:04 PM

صباح لخير عليكم . أنا فايقة من نبر هههه ، أختي اشنجوليك أمريكا زينة لي يقرا أو يخدم ،أما بحالي حاليا غير جلسة ف دار + الوحم ،و كاندل ف دار غير بحد منين إمشي راجل لخدمة مع 5h30 د صباح هتل 4h د عشية ، ملي كيجي بعدا كايخريجني ، مازال ماشديت ل permit ديال هنا .عندي غير د maroc ،إوا و مع لحمل و دوخة و زيد و زيد واخا نيت نشده مغذي نسوق ........

معلش ألحبيبة
على العموم الوحم كيشد وقتو و كيفوت
غير دوك 3 اشهر الاولى
الله معاك

معرفتش كيفاش القوانين ديال تماك اما هنا
الا عندك البيرمي ديال المغرب
راه ممحتجاش تعاودي تدوزيه
دي ليهوم غير ديال المغرب و ايبدلوه ليك بديالهمو

sosomarrakchia

22-12-2011, 11:12 PM

la ya khti had wilaya min nahyt l permit m9sshinha ,andi lhe9 nssoug bih ila kan maya chi hed ando permit d hna bhal rajeli matalan,aw khto,mais ana asslan mazal mazaamach nssoug mzyan,w hna darori ndir permit dyalhom,hint hachak wahd syda khdama maa rajeli jat ghir min wilaya khera min north california imkn w dwzat permit d hna ,yaani darori ,iwa yalah tassl bia rajeli chwia hada galia khdali rendez vous le 31 decembre ,w mmkn nmchi hta le lundi jay ila bit inshalah,d3iw maya rebi ishel alia w nchedo ,rah dayrelia 3a2i9 kbirrr f hyati hna,surtout taxyat hna galyin bzaaf chi yamat kanmchi l dentist modat 2 mois wana ghir taxyat 2 mrat f nhar ala l a9al ,w rak arefa a9ssar massaf dani wahd mra 12 dollar ,baad mrat nsswel f nhar l 33 dolar f taxi ,,wa3333333333 cheft rassi aye9t ala rajeli welit golt njreb nrekb f tobis wahd nhar kan andi fih rendez vous lwel f clinic ,iwa bsraha ana mamalfach nrekb f tobis hadi awil mra w jateni fih lghoma w di9a ,maa ano ne9i w fih ghir chin 5 d nass,mais ana haka dyara,ama tobis ghir b 2 dollar , galetlia mama rah ghir teb3kik hadak w l3ya9a hhhhhhhh,iwa golt kheli hta teji andi inshalah w hia twelfo lia,n3oud nkhrej ana wyah b nhar ,,hint rajeli allah ikon f 3wan kayji ayan min khdema ,
andi chela maytgal hhhhh, aha plz habobati allah ikhelikom ila chi wheda fikom jabt mamaha andha ,achnahoma l ijra2at li w chokran

yaraaaaaa

23-12-2011, 02:55 AM

لاباس الحمد لله ربي ايخليك
وانت كيدايرة و كيدايرة يارا؟

ههههههههه شفتي
ودابا مع كيحتافلو بالنويل مكاين فين تخرجي غير المكازات و صافي
على حساب تخفيضات النويل و داكشي

حنا لاباس الحمدلله يسول فيك الخير
تا حنا هكاك و الحوانت كيطرطقو بالناس مع انه التخفيضات باقى ما بدات
عدنا في كاتالونيا كتبدى حتى 7 في شهر يناير حتى كيسالاو الاحتفالات و النهار الاخر هو نهار ستة
الي كيجيو فيه زعما الملوك التلاتة بالهداية لغدا عاد كتبدى التخفيضات حتى كتكون خسرتي الفلوس كاملين ههههههه
سعاد الله يعاونك و يخفف عليك الوحم و يسهل عليك و تشبري البيرمي
و ضحكتيني الا ساقو الخبار انك أنت السبب في تغير الجو يرجعوك لبلاد هههههههه

Oum Lina et Lilia

26-12-2011, 11:47 PM

yaraaaaaa

28-12-2011, 08:40 PM

هلا بيكم يامغتربات

ام يارا كيدايرة ألحبيبة و كيدايرة الكتكوتة ديال يارا
ان شاء الله بخير

سعاد
الله ايساعدك و تشدي البيرمي ديال تما
الله ايخفف عليك تعب الحمل و يثبت حملك و يعطيك ساعة ساهلة

لاباس الحمدلله يساقسي عليك الخير
و انت كيعاملة و كيعاملين لينا و ليليا
و كيدايرين مع شي برد

Oum Lina et Lilia

28-12-2011, 09:53 PM

هاحنا ألحبيبة
مكمشين و مزكومين واحدة شوية ههههههههه

وانت كيدايرة و كيدايرة يارا؟
امدرا بداو عندكوم التخقيضات و لامزال؟؟

باقي البنات
فينكم؟؟

yaraaaaaa

29-12-2011, 12:32 AM

هاحنا ألحبيبة
مكمشين و مزكومين واحدة شوية ههههههههه

وانت كيدايرة و كيدايرة يارا؟
امدرا بداو عندكوم التخقيضات و لامزال؟؟

باقي البنات
فينكم؟؟

الله يشافيكم ياربي مع هاد الجو كلشي هكاك الله يشفي الجميع يارب
احنا لاباس الحمدلله و التخفيضات باقين ما بداو تا نهار 7 في شهر

Oum Lina et Lilia

29-12-2011, 01:26 AM

مزيان
هي قراب نيت
فرصة باش نخويو جيوب تاني هههههههههههه

yaraaaaaa

30-12-2011, 02:04 AM

مزيان
هي قراب نيت
فرصة باش نخويو جيوب تاني هههههههههههه

هما الجيوب تقبو ههههههههههههه
على الله نجماع شوية الفلوس من نهنا نهار 7هههههههههههههههه

Fatila

30-12-2011, 03:40 PM

السلام عليكم

ربي ايخليه ليك و تفرحي بيه
وعقبال ماتخاويه ان شاء الله

مزيان هي راكي قريبة
فاش من مدينة؟؟

مرحبا بيك معانا ألحبيبة
الدار دارك

عرفينا عليك

امين احبيبة ويخلي ليك البنيتات يارب
انا في نواحي باريس مدينة gagny
ونتي ؟

السلام عليكم كيدايرين و كيدايرين الوليدات
ام يوسف كيدايرة الحبيبة و كيداير يوسف و البرد درا دبصاح ههههه
ام لينا و الله الا بصاح و الي بغى يخرج العام طويل هههههه شكون يسخى بالدار و السخانة
و يخرج يتجمد هههههه
كيف عاملة الحبيبة و كي عاملين الاميرات
سعاد مرحباً بيك معانا و الله يتبت حملك و يجعله من حقك ياربي و يهون عليك الغربة
هبة مرحباً بيك معانا
و كاع لبنات في غابرين و الا البرد درها فيكم هههههه
ربي يحفظك احبيبة الحمد لله
ونتي كيدايرة وكيدايرة الامورة يارا
مزال ماغديريش ليارا شي خوه ههههههه

اختي هبة وسعاد مرحبا بكم معانا الدار داركم

Oum Lina et Lilia

30-12-2011, 11:57 PM

امين احبيبة ويخلي ليك البنيتات يارب
انا في نواحي باريس مدينة gagny
ونتي ؟

امييييييييييييين و يخلي ليك كل ماعز عندك
هي راكي ف 93
لنل راني ف 95
وتحديدا بوزون الا تتعرفيها

ملكة بنقابي~

01-01-2012, 06:24 PM

سئل الوالد العلامة محمد
بن صالح العثيمين رحمه الله: ما حكم تهنئة الكفّار بعيد (الكريسمس) ؟ وكيف نرد
عليهم إذا هنؤنا به؟ وهل يجوز الذهاب إلى أماكن الحفلات التي يقيمونها بهذه
المناسبة؟ وهل يأثم الإنسان إذا فعل شيئاً مما ذُكر بغير قصد؟ وإنما فعله إما
مجاملة، أو حياءً، أو إحراجاً، أو غير ذلك من الأسباب؟ وهل يجوز التشبه بهم في ذلك؟
الجواب: تهنئة الكفار بعيد الكريسمس أو غيره من أعيادهم الدينية حرام بالاتفاق. كما
نقل ذلك ابن القيم – رحمه الله – في كتابه "أحكام أهل الذمة" حيث قال: "وأما
التهنئة بشعائر الكفر المختصة به فحرام بالاتفاق، مثل أن يهنئهم بأعيادهم وصومهم،
فيقول: عيد مبارك عليك، أو تهنأ بهذا العيد ونحوه، فَهَذَا إِنْ
سَلِمَ قَائِلُهُ مِنَ الكُفْرِ فَهُوَ مِنَ المُحَرَّمَاتِ. وَهُوَ بِمَنْـزِلَةِ
أَنْ تُهَنِّئَهُ بِسُجُودِهِ لِلصَلِيبِ، بل ذلك أعظم إثماً عند الله، وأشد
مقتاً من التهنئة بشرب الخمر وقتل النفس، وارتكاب الفرج الحرام ونحوه. وكثير ممن لا
قدر للدين عنده يقع في ذلك، ولا يدري قبح ما فعل، فمن هنأ عبداً
بمعصية، أو بدعة، أو كفر فقد تعرض لمقت الله
وسخطه

الشيخ عبدالله الجبرين
السؤال : ما
حكم أكل الطعام الذي يعد من أجل عيد النصارى ؟ وما حكم إجابة دعواتهم عند احتفالهم
بمولد المسيح عليه السلام ؟الجواب: لا يجوز الاحتفال بالأعياد المبتدعة كعيد
الميلاد للنصارى ، وعيد النيروز والمهرجان ، وكذا ما أحدثه المسلمون كالميلاد في
ربيع الأول ، وعيد الإسراءفي رجب ونحو ذلك ، ولا يجوز الأكل من ذلك الطعام الذي
أعده النصارى أو المشركون في موسم أعيادهم ، ولا تجوز إجابة دعوتهم عند الاحتفال
بتلك الأعياد ، وذلك لأن إجابتهم تشجيع لهم ، وإقرار لهم على تلك البدع ، ويكون هذا
سبباً في انخداع الجهلة بذلك ، واعتقادهم أنه لا بأس به ، والله أعلم

تهنئة الكفار بعيد
الكريسمس أو غيره من أعيادهم الدينية حرام بالاتفاق، كما نقل ذلك ابن القيم - رحمه
الله - في كتابه "أحكام أهل الذمة"، حيث قال: "وأما التهنئة بشعائر الكفر المختصة
به فحرام بالأتفاق، مثل أن يهنئهم بأعيادهم وصومهم، فيقول: عيد مبارك عليك، أو تهنأ
بهذا العيد ونحوه فهذا إن سلم قائله من الكفر فهو من المحرمات وهو بمنزلة أن تهنئه
بسجوده للصليب بل ذلك أعظم إثماً عند الله، وأشد مقتاً من التهنئة بشرب الخمر وقتل
النفس، وارتكاب الفرج الحرام ونحوه.
وكثير ممن لا قدر للدين عنده يقع في ذلك،
ولا يدري قبح ما فعل، فمن هنأ عبداً بمعصية أو بدعة أو كفر فقد تعرض لمقت الله
وسخطه". انتهى كلامه - رحمه الله -.
وإنما كانت تهنئة الكفار بأعيادهم الدينية
حراماً وبهذه المثابة التي ذكرها ابن القيم لأن فيها إقراراً لما هم عليه من شعائر
الكفر، ورضا به لهم، وإن كان هو لا يرضى بهذا الكفر لنفسه، لكن يحرم على المسلم أن
يرضى بشعائر الكفر أو يهنئ بها غيره، لأن الله تعالى لا يرضى بذلك، كما قال الله
تعالى: (إن تكفروا فإن الله غني عنكم ولا يرضى لعباده الكفر وإن تشكروا يرضه
لكم(سورة الزمر، الآية "7".). وقال تعالى: (اليوم أكملت لكم دينكم وأتممت عليكم
نعمتي ورضيت لكم الإسلام ديناً(سورة المائدة، الآية "3").
وتهنئتهم بذلك حرام
سواء كانوا مشاركين للشخص في العمل أم لا.
وإذا هنؤونا بأعيادهم فإننا لا نجيبهم
على ذلك، لأنها ليست بأعياد لنا، ولأنها أعياد لا يرضاها الله تعالى، لأنها إما
مبتدعة في دينهم، وإما مشروعة، لكن نسخت بدين الإسلام الذي بعث الله به محمداً، صلى
الله عليه وسلم، إلى جميع الخلق، وقال فيه: (ومن يبتغ غير الإسلام ديناً فلن يقبل
منه وهو في الآخرة من الخاسرين(سورة آل عمران، الآية "85").
وإجابة المسلم
دعوتهم بهذه المناسبة حرام، لأن هذا أعظم من تهنئتهم بها لما في ذلك من مشاركتهم
فيها.
وكذلك يحرم على المسلمين التشبه بالكفار بإقامة الحفلات بهذه المناسبة، أو
تبادل الهدايا أو توزيع الحلوى، أو أطباق الطعام، أو تعطيل الأعمال ونحو ذلك، لقول
النبي، صلى الله عليه وسلم،: "من تشبه بقوم فهو منهم".
قال شيخ الإسلام ابن
تيمية في كتابه: (اقتضاء الصراط المستقيم مخالفة أصحاب الجحيم): "مشابهتهم في بعض
أعيادهم توجب سرور قلوبهم بما هم عليه من الباطل، وربما أطمعهم ذلك في انتهاز الفرص
واستذلال الضعفاء". انتهى كلامه - رحمه الله -.
ومن فعل شيئاً من ذلك فهو آثم
سواء فعله مجاملة، أو تودداً، أو حياءً أو لغير ذلك من الأسباب، لأنه من المداهنة
في دين الله، ومن أسباب تقوية نفوس الكفار وفخرهم بدينهم.
والله المسؤول أن يعز
المسلمين بدينهم، ويرزقهم الثبات عليه، وينصرهم على أعدائهم، إنه قوي
عزيز.
والله أعلم وصلى الله على نبينا محمد وعلى آله وصحبه
أجمعين.

Oum Lina et Lilia

04-01-2012, 12:17 AM

هلا بيك ملكة بنقابي
منوراااااااااااانا

جزاكي الله كل خير

sosomarrakchia

04-01-2012, 09:19 PM

salam alyukum habobati,ntmna lkol ikono bekher ,o9tema ndkhol manl9a hed hna , lyouma kan 3ndi l rendez-vous d tebib w sm3et darabat l9leb d l bebe wallahmdulilah kolchi mzyan ghir howa ana welit m3ssba bzaaf w bekaya hhhhhhhhhhh sbah w 3echia kanbeki w rajeli msskin hassa bih mf9ssah wakha kaybyin l3ekss w saber 3la hebali hhh,,,,
bonne journee

Oum Lina et Lilia

04-01-2012, 11:49 PM

هلا بيك سوسو
كيدايرة و كيغادية مع الحمل

الله معاك و الله يعطيك ساعة ساهلة
راه كاع دزنا من ديك المرحلة
راه داكشي كل شئ سبابو الهرمونات لتتكون وقت الحمل

خلاها راحد طبيب
قال ليك المراة الحاملة تتكون حمقة شوية
هههههههههههههه بسباب الهرمونات زعمة

yaraaaaaa

10-01-2012, 05:16 PM

السلام عليكم البنات كيدايرين توحشتكم
سوسو الله يكون معاك و يتمملك بخير و راه عادي البكي و دباز مع الي جبرتي حداك هههههههههههه
و الله يسهل عليك
ام يوسف كيدايرة نتي و كيداير يوسف و انا الحمدلله بخير و ما كرهناش باقي ما كتاب
ام لينا كيدايرة الحبيبة و كيدايرين الاميرات
ملكة بنقابي جزاك الله خير
باقي البنات فين غابرين

ع ــبير }~

11-01-2012, 03:23 PM

السلام عليكم ورحمة الله وبركاته

ما شاء الله أحلى مغربيات مجموعين هنا ومافراسيش؟
أنا مازال ما مغتربة في الواقع لكن مغتربات في المنتدى بحكم أنه ماشي مغربي ههههههه
بغيت غير نسلم عليكوم واسأل الله لكن التوفيق والسداد في الدارين يارب

:)

Oum Lina et Lilia

11-01-2012, 08:21 PM

سلاااااااااااااام الله عليكن

عبير
مرحبا بيك ألحبيبة
منوراااااااااااااانا
الدار دارك
ايسول فيك الخير
كيدايرة انت لاباس عليك

ام يارا
كيدايرة و كيدايرة الغزالة ديال يارا؟؟
ايوى اش تتعاودي؟؟

yaraaaaaa

14-01-2012, 01:15 PM

عبير مرحبا بيك معانا
ام لينا احنا لاباس الحمدلله و انت و البنات كيف عاملين
و لا جديد غير الدار و ولبارح عملت الليزر نوجهي مكاين خروج وجهي محرووووق هههههههههههههههههه
و انت كيف عاملة و شكاتعاود

Oum Lina et Lilia

14-01-2012, 08:14 PM

حنا لاباس الحمد لله
ربي ايخليك

علاش عملتي ليزر؟؟
على حساب الشعر؟؟

yaraaaaaa

14-01-2012, 10:46 PM

لا عملته حيت كانت خرجولي الطباياع في الحمالة و مامشاوش
عملت الطرامينط و مامشاوش و الحل الوحيد الي بقالي الليزر
و عملته كيقلعو الطبقات الي محروقة باش تخرج الطبقة الي صافية و مصاب يمشي الاتار و يرجع
وجهي صافي فحال الي كان و لكن معملتوش في كلشي عملته غير من حدا حجبي نحنكي حيت هي الي بقات مشوهة بزااااااف

Oum Lina et Lilia

14-01-2012, 10:56 PM

ان شاء الله ايدير مفعول

انا سمعت بيه وخصوصا صحاباتي لي بالمغرب
ولكن ياختي متلاوش تيبغيو اخرجو بالنهار الا كاينة الشمس
تيخرجو غير بالعشية و الليل
عموما هنا باروبا ماشي مشكل حيت اصلا مكايناش الشمس

om ayman01

17-01-2012, 09:53 PM

نتوماهنا ونا كنقول منعرف فين مشاىالتجمع ديال أم لينا...ههه
كدايرة أم لينا وكدايرين الأمورات؟
ولبنات كاملين توحشتكم..

Oum Lina et Lilia

18-01-2012, 01:28 AM

هلا بيك ألحبيبة
كيدايرة انت و كيدايرين الكتاكيت؟
والله الا حتى حنا توحشنااااااااااااااااااااك
غبورااااات هادو
ايوى اش تتعاودي؟
كغاديين مع شي برد؟؟

فعلا ملي بدلو المنتدى
ولى كل شي تالف ههههههه

chamche

22-01-2012, 10:47 PM

السلام عليكم ورحمة الله وبركاته
نتمنى اخواتي نكون ضيفة وصديقة خفيفة على قلوبكم انا عضوة جديدة وعاد شفت هاد التجمع وفرحة انا مغتربة فايطاليا
ودبا راني باركة نوجد غانمشي للمغرب وهااااااااااااتك يا هدايا دايرة ورقة هادة نسيت هادة باقي ايوى هذه هي الغربة وشكراااااااااا اختي ثريا على التجمع

وراه حتى انا شلحة بالحق بنت CASABLANCA
تحياتي

Oum Lina et Lilia

22-01-2012, 11:02 PM

وعليكي السلام ألحبيبة
الدار دارك
منورااااااااااااااانا

تمشي و ترجعي بالف سلامة
ياختي راكي تتديري كيما كنت تندير
نشري و نحول فقوت البكاج
شي نجيبو معايا فالطيارة و شي نصيفتو فالكار
وتنضطر مانجيبش بزاف حوايجي
والمشكلة ملي تنوصل المغرب والله الا تنلقى كل شي تما
وتقريبا بنفس الثمن ديال هنا
ههههههههههههههههه
ولكن مع ذلك خاص تجيبي من هنا و خى كل شئ متوفر بالمغرب

chamche

23-01-2012, 01:40 AM

عندك الحق كولشي فالمغرب انا هاد العام غنمشي فالطيارة مغنمشيوش فالطموبيل غندي حويجي معايا والهدايا سبقوني فالكار
حنت الى مديتيش ميضحك ليك حتى حد وكما قال الرسول عليه الصلاة والسلام تهادو تحابو
انا فما نجي تنقول لراجلي منبقى ندي لحد وغير يقرب الوقت لمشيان تنسى الي قلت تانرجع حنينة اوااااااااا هدي هي انا
كثرت الكلام اتقولو مال هدي داخلة سخونة هههههههههههه

Oum Lina et Lilia

23-01-2012, 02:31 AM

بصاح ياختي
عندك الحق
ايوى الواحد غير يصبر و صافي
واخى يتكون فيها تمارى و كثرت المصاريف
خصوصا انه تتوصل الحاجة باكثر من ثمنها

راه فالواقع مكاين محسن من الواحد الحنين لي قلبو كبير

ام يارا
فين غابرة تاني؟؟

yaraaaaaa

23-01-2012, 09:41 PM

السلام عليكم الغزالات كيف عاملين مع البرد
شمش مرحبا بيك معانا و الله يديك على الخير
ام لينا ها غير تالفة في المنتدى ههههههههههههه
كيف عاملة انت و كي عاملين البنيتات

sosomarrakchia

24-01-2012, 04:21 PM

salam alyukum habobati,ntmna tkono bekher ,ana dima 3akess tayar o9tma dekheelt manl9a hed hhhh,iwa kidayrin maa had bred,hna hna mout d berd w telouj mais allahmdulilah ala koli hal
nharkom mbroukk inshalah

Oum Lina et Lilia

24-01-2012, 05:14 PM

هلا ام يارا
حنا لاباس الحمد لله
غير راني مهلوكة مع الزكام ماتشكيت عليك
كيدايرة انت و كيدايرة يارا؟
امدرا شارجيتي الماريو مع هاد اليصولد؟؟

سوسو
كيدايرة ألحبيبة و كيغادية مع التقل؟
وغبورات هادو
الله ايكمل عليك بالخير و يفكك بخير

sosomarrakchia

25-01-2012, 04:43 PM

أهلا و سهلا حبوبة مايكون بس راه نيت هاد البرد كايمرد إوا الحمدلله ، كيدايرين بنياتيك،نتمنى تكونوا بخير ، أختي أنا هاني مع لحمل كانعيدي حتى تجي عندي ماما بعد تعمر عليا خصوصا راجلي ولا عندو لخدمة بعيد مرات حتى بليل من 3h30 ل 11h30 د ليل و مرات من 7h30 دليل ل 7h30 د صباح وعععع راه lfe9sa صافي وأنا كيما جولتيليك وليت bekaya و كاتيجيني لقنت بزاف ................الحمدلله ألا kolihal
نهاركم مبروك

Oum Lina et Lilia

25-01-2012, 05:19 PM

نهارك مبروووووووووووووك ألحبيبة
معلش كاع بالاول هكاك حتى تولفي شوية

متبقاش غير جالسة بالدار
يعني عودي خرجي تمشاي شوية راه مزيان ليك
شوفي الا حداك شي بارك بقاي تمشاي فيه و تجلسي فيه شوية تغيري جو و منها اكيد راح تلقاي امهات جايبين اولادهم ايلعبو واكيد راح تلقاي شي مغربية او مسلمة مع من توانسي شوية
وحدا الا حداك المول خرجي دوري تقضاي حاجات للبيت
يعني تغيري
اي نعم بوحدك اكيد مغاديش تعجبك لكن غير باش تعرفي و تعتادي على اسلوب الحياة تما

yaraaaaaa

27-01-2012, 01:19 PM

صباح الخير على الغوالات كيف عاملين و شخباركم
ام لينا لاباس عليك الحبيبة الله يشافيك مع ها الجو كلشي كيعاني الله يعينا ياربي
مع اننا عدنا الجو مزيون الحمدلله كاين البرد اكترية في الصباح و الليل و لكن ملي كتكون الشميشة شارقة كيكون الجو زوييييييييييييين
و الماريو خاااااوي ههههههههههه مشيت نهار الاول و لكن كان الزحام متقدارش تاتشوف على خاطرك
و مشيت نهار خور شريت غير نيارا و شي حاجة لية خصني عاد نرجاع الا جبرت خلاو شي حاجة ههههههههههه
سوسو الله يخفف عليك الحبيبة و كيما قاتلك اك لينا حاول تخرجي و تعرفي على الناس حيت الوحدة هي الي عاملها فيك و زيد عليها
الحمالة الواحد كيكون حساس بزااااااااف الله يتمملك بخير و تجي عاندك ماماك داغية الله يجيبها بالسلامة

Oum Lina et Lilia

27-01-2012, 04:11 PM

ام لينا لاباس عليك الحبيبة الله يشافيك مع ها الجو كلشي كيعاني الله يعينا ياربي
مع اننا عدنا الجو مزيون الحمدلله كاين البرد اكترية في الصباح و الليل و لكن ملي كتكون الشميشة شارقة كيكون الجو زوييييييييييييين
و الماريو خاااااوي ههههههههههه مشيت نهار الاول و لكن كان الزحام متقدارش تاتشوف على خاطرك
و مشيت نهار خور شريت غير نيارا و شي حاجة لية خصني عاد نرجاع الا جبرت خلاو شي حاجة ههههههههههه

اميييييييييين ألحبيبة.. ربي ايخليك
فعلا و الله مع هاد الجو لي تلاقيت معاه تيقولي مريض
الله ايعينا
انتم بعدا فاسبانيا الجو عندكم دافئ شوية ماشي بحال هنا تاني
حيت غير ملي كيدوزو النشرة الجوية و كيبينو المدن لي حدا اسبانيا بحال مرسيليا.. الخ
تيكونو دافين شوية
البرد كيبدا و انتي طالعة ههههههههههههههه

ياختي كاع هكاك
انا البنات تقضيت ليهوم مزيان ف Gap و Tape à l'oeil
معرفتش واش عندكم هاد الماركات و لا لا؟
انا حوايجهم تيحمقوني
Gap كيعجبوني عندهم غير ديال الصغار اما الكبار متنلقاش عندهم داكشي لي كيعجبني

اما ياختي انا شريت غير شي حاجات فانترنيت و صافي
حيت كيما قلتي الزحام و مع كاع الرواح و العياء كملت
هههههههههههههه

yaraaaaaa

28-01-2012, 12:33 PM

بصاحتكم الحوايج تانا تبليت مؤخرا من شرا من انترنيت
واخا بعد الخطرات شيحاجات تا كنشريها و مكتعجبنيش ههههههه
و الحوانت يمكن كاينا خصوصا gap و لكن لاخرة طلعتلي اونلاين و دايرين داكشي رخييييييض
انا اغلب حوايج يارا كنشريهم لها من benetton ماعرافتشي واش عاندكم او لا و حوايجهم كيحمقوني خصوصا للبنيتات
و لكن المشكل ملي كتكون الرباخة تقريبا ما كتلقاش الحاجات او مكتلقاش الطايات
و قلت نشريلا نشتا ديال العام الماجي ان شاء الله حيت نفس الحاجات تلقاها الشتا الي ماجي بدوبل
و لكن باقى مقررت نشريلها او الا نخليها تا نشهار تسعة و صافي
انت شكاتعملي

Oum Lina et Lilia

28-01-2012, 07:02 PM

الا لقيتيهوم رخاص غير شريهوم من دابا و تهناي

لا هاد الماركة معرفتهاش
يقدر تكون هنا و لكن زعمى عمري رديت ليها البال

هههههههههههه راه بصاح نيت راح حتى بالاول كانت تترى ليا تنشوف الحاجة بالكاتلوك
وتنكمونديها و من بعد تنلقاها والو هههههههههههههه
هادشي ترا ليا مع 3suisse .. Blancheporte..
ياختي غالين و حوايجهم بحال ديال المارشي
شوهة صافي هههههههههههه
مبقيتش كاع تنكوموندي عند بحال هادو

yaraaaaaa

28-01-2012, 07:58 PM

هههههههههه داك شي لي جرالي و قلت عمري ما ندور بيهم و ما نشريش الحاجة بزربا هههههههه
و ان شاء الله داكشي الي نعمل هاد اليوماين نخروج نشريلها الحوايج الي جبارت باقين هههههههههههه
و انتوما كيعاملة عندكم التخفيضات؟
انا كنمشي نبيربينيون قلي الحوانت ديال الدراري لي عندكم مزونين و تمانهم معقول

Oum Lina et Lilia

28-01-2012, 09:07 PM

ههههههههههه بصاح و الله
تعرفي سيري شوفي kiabi فالنت دايرين 1 شريه = 3 فابور
وخى هكاك تقدري تلقاي عندهم حاجة زوينة بالنسبة ليك
اما ياختي فالمحلات ديالهم مكاين والو الجفاف هههههههههههه

هي غير الفرنسين تيهبو السبانيا باش ايتقضاو تيقولو رخيصة
وانت تتديري العكس ههههههههههه
بالحق المحلات الفرنسية ديال الدراري الصغار تيكون عندهم داكشي زوين

انا بالنسبة ليا كيعجبوني حوايج
Naf naf
Promod
Morgan
New look
etam
واخى مكيديروش الصولد بزااف و لكن بعدا تتلقاي عندهم حاجات زوينة

هههههههه ياختي مضروبين على الحوايج و المكياج
الله ايحسن عوان رجالتنا
هههههههههههههههههههه

yaraaaaaa

29-01-2012, 12:54 AM

هههههههه و الله الا قلتيها الله يحسن عاونهم هما يخمو في المصروف و الكرا و الذي منه
و إحنا نخمو فين نخسرو الفلوس هههههههه
و بصاح نهار لبدا الصولد هنا كانو الحوانت عامرين بالفرانسيس

ناف ناف كيعجبوني حوايجها و مورغن تاهي واخا غالية شوية و برومود كل ما كندخل نلحنوت ماكلقا تاحاجة تعجبني كنفضال الحوايج ديال zara
ايطام كيعجبوني بيجامات ديالها و الملابس داخلية عاندهم زوينين إحنا هنا دابا عاملين لهوم خمسين في المية
و نيو لوك معرفتاش يمكن عمري مردتلها البال

Oum Lina et Lilia

30-01-2012, 12:31 PM

صباح الخير أزين كيدايرة و كيدايرة لا لا يارا؟
لاباس عليكوم

هنا قالوليك هاد الاسبوع غادي ايكون البرد بزاااف
ايوى الله ايعين

بصاح etam الملابس الداخلية و البيجامات لي عندهوم زوينين بزااف
zara هنا بعدا هما و كانتهوم مرة تيديرو داكشي زوين و مرة متلقاي عندهم والو
وكاينة تاني Mango حتى هي زوينة و خى غالية شوية
و C&A عندهم حويجات ديال الاطفال زوينين ورخاص و حتى تاع الكبار

yaraaaaaa

31-01-2012, 02:00 PM

صباح الخير ازين كيدايرة و كيدايرين العزبات
و إحنا لاباس و يارا ماشكيت عليك مريضة الكحبة و السخاين و الحمدلله
و مانغو شحال ما دخلته هههههه تقريبا عامين
و سي اند ا ملي كنمشي مكنلقا والو كنشريلها مرة مرة منها البوديات او البيجامات صافي
و الحوايج ديال الكبار مكنوقافش حداهم هههههه دابا نبقى نشوف الي كاين شي حاجة
انا اغلب الحوانت كندخل الا شوفت الفترينا شي حاجة كتعجبني كندخل و آلا ما جدبشي الانتباه ديالي تا حاجة متندخولشي هههههههه

و الله يعينا على البرد هاد اليوماين قاصح بزاااااف

yaraaaaaa

31-01-2012, 02:02 PM

ثريا شفتي التجمع عاوتاني صفى علينا انا و نتي ههههههههه

Oum Lina et Lilia

31-01-2012, 09:52 PM

مساااااااااااااء الخير ألحبيبة
ميكون عند يارا باس
ياختي مع هاد الجو كل شئ مريض
حتى الناس فالمغرب مراض بهاد البرد خلي عليك هنا
خصوصا هاد سيمانا قالو غادي ايكون البرد بزااااف

هههههههههههه
شفتي حقا غير انا و ياك لي مغتربات

سي أ تقدري تلقاي عندهم حاجات زوينة
ولكن تتعرفي انا تنشوف هنا المحلات ماشي بحال بحال
يعني مثلا نيت سي أ الا كانت فشي سونتر كومرسيال فشي بلاصة شعبية شوية تيديرو فيها حوايج رخاص و مافيهوم ماتدي
اما فشي بلاصة كلاص تيديرو داكشي زوين
هههههههههههههه سياسية ديالهوم

ahlam7777a

03-02-2012, 07:26 AM

اهلا وسهلا

Oum Lina et Lilia

03-02-2012, 03:07 PM

سلاااااااااااام الله عليكم ألبنات
كيدايرات؟؟
جمعة مباركة

ام يارا
كيدايرة و كيبقات يارا مع الكحة و الرواح؟؟

احلام
مرحبا بيك معانا ألحبيبة
منورااااااااااااانا

sosomarrakchia

03-02-2012, 09:56 PM

salam habobati,ntmna tkono bekher , ana ghbret ghir blef9ssa manjhetch f imtihan d permit lwel, ba9i andi lhe9 mra jaya inshalah njeh , ,,,,,,,
jumu3a mubaraka inshalah

Oum Lina et Lilia

05-02-2012, 01:42 AM

هلا بيك سوسو
كيدايرة ألحبيبة و كيغادية مع التقل

معلش متفقصيش راسك
ان شاء الله تجيبيه المرة جاية غير عطي الخاطر اراسك و بقاي تعلمي مع راجلك باش طلقي ايديك على السيارة
وان شاء الله ربي معاك

yaraaaaaa

05-02-2012, 05:14 PM

om ayman01

06-02-2012, 02:44 AM

أم لينا توحشتك..كدايرة نتي والأمورات؟
أم يارا كيبقتي نتي ويارا؟
زيدوني عليكم فقضية shoping
ههه..بصح كنفكرو غير فين نخسرو لفليسات
سوسو..متفقصيش راسك ختي ونتي حامل ..خيرهافغيرها

yaraaaaaa

06-02-2012, 03:20 PM

ام ايمن كيف عاملة الحبيبة و كيف عاملين العزارة
و النسا كاملين هكاك غير من رحم ربي هههههههه كنفكرو غير نخسرو ههههههههه
و إحنا لاباس الحمدلله رجاعنا حسن من لي كنا واخا يارا باقى ما كتكولشي و الا كلات كتقيا الله يشفيها و يشفي الجميع
سوسو متفقسيش راسك و ان شاء الله المرة الجاية تنجحي و لكن الا قدرتي تاجليه حتى تولدي احسن
حيت اختي كانت كتعلم و هي حاملة و دوزات الامتحان و سقطات
و المرة التانية كانت غدوزو قتلها القابلة تستنى حتى تولد حيت المرا ملي كاتكون حاملة
كيكون عندها التركيز قليل على المرا العادية
و أجلته حتى ولدات و دارته و نجحات الحمدلله و الله يسهل
ام لينا فينك غابرة؟


soul_sky

06-02-2012, 10:23 PM

السلام عليكم ورحمة الله وبركاته كيف الحال يا اخواتي أنا مغتربة في ألمانيا أنا جديدة فمنتدى وفي ألمانيا هههه إو قبلو عليا و إلى كينين شي اخوات من ألمانيا نتعرفو بحول الله

sosomarrakchia

07-02-2012, 09:29 PM

salam alyumum habobati awachr mubaraka ,kiderto m3a had lberd , chokran bzaaf ala tcheji3 dyalkom , akhti yara ana kanchouf ano ahssan ndwezo w nhydo alia 9bel lwelada ,bach dik se3a inssan itchghel bhawaj khera , inshalah kher nhawel had mera wlkamal ala allah, ana ghada nbda mdrasst anglais , demain andi test ndwezo w nchouf ina mosstawa ghadi ihtoni iwa b3eda ghir nbdel alia jaw dar yawmyan mkhechia f biti, w fnfss wa9et bach mansah dakchi li 9erit
allah iwefe9k ljami3 inshalah
bonne journee

Oum Lina et Lilia

07-02-2012, 11:38 PM

ثرياااااااااا هانا جيت غبرت و رجعت ههههههه
كي عاملة الحبيبة و كيعاملين لينا و ليليا
إحنا الحمدلله بخير و حسن من هادي يوماين دوزت واحد العادمة
دابا انا عند عجوزتي جيت البارح و الحمدلله
و نتوما كي عاملين و كاين شي ثلج
انا كنكتبلك و الثلج كيطيح المنضار زويييييبن

لاباس الحمد لله ربي ايخليك
كيدايرة انت و كيدايرة لالا يارا؟

ايه حتى هنا طاح التلج نهار الاحد
يلاه اليوم لي داب
وتشوفي لينا شكون لي غادي ايشدها
قالت ليك والو تمشي تخرج تلعب فيه
ومتهنات حتى دينها لعبات فيه واحد شوية حيت مستحملاتش البرودة ديالو حيت تتحيد القفازات و تتبغي تلعب فيه بيديها
هههههههههههههههههههه

أم لينا توحشتك..كدايرة نتي والأمورات؟
أم يارا كيبقتي نتي ويارا؟
زيدوني عليكم فقضية shoping
ههه..بصح كنفكرو غير فين نخسرو لفليسات
سوسو..متفقصيش راسك ختي ونتي حامل ..خيرهافغيرها

هلا بيك ام ايمن
والله زمان
وغبورات هادو
كيدايرة و كيدايرين الوليدات
؟؟؟

هههههههههههه
ياختي الله ايعفو علينا راح مراض ب الشراء

السلام عليكم ورحمة الله وبركاته كيف الحال يا اخواتي أنا مغتربة في ألمانيا أنا جديدة فمنتدى وفي ألمانيا هههه إو قبلو عليا و إلى كينين شي اخوات من ألمانيا نتعرفو بحول الله

وعليكي السلام ابنت مدينتي
كيدايرة لا باس عليك
منورة التجمع ديالنا

شوفي راه كاين فهاد الركن تجمع المغتربات بالمانيا
ولكن هذا مكيعنيش تبقاي تدخلي ليه و تنساينا ههههههههههههههههه

soul_sky

08-02-2012, 01:01 AM

لا متخافيش أختي أم لينا هاني موجودة هنا ولهيه ههههه ماقلتش لي فين راكي عايشة ومنين نتي في اغادير

Oum Lina et Lilia

08-02-2012, 06:31 PM

ربي ايخليك ألحبيبة
انا حاليا عايشة بباريس

Oum Lina et Lilia

13-02-2012, 06:01 PM

سلااااااااااااااااااام الله عليكن

وااااااااا المغتربات
وااااااااااا فين غبرتووو

yaraaaaaa

14-02-2012, 12:25 PM

و عليكم السلام و رحمة الله تعالى و بركاته
كيدايرة الحبيبة و كيدايرين لينا و ليليا
و كيدايرين مع البرد

Oum Lina et Lilia

16-02-2012, 04:52 PM

وعليكي السلام ألحبيبة
وغبووووووووووورراات هادو

ولكن عذراك
ياختي مكاين غير الجرا فهاد البلاد و صافي هههههه

yaraaaaaa

17-02-2012, 08:45 PM

هههههههه
غير الدار لا خروج لا دخول و مكاينش الوقت ههههههههه
و انت كيدايرة و خف شوية البرد و الا باقي قاصح
و كيدايرين البنوتات

Oum Lina et Lilia

17-02-2012, 11:40 PM

لاباس الحمد لله
البرد خف شوية ماشي بحال هاد الاسبوع لي فات
ايوى انت كيدايرة و كيدايرة يارا؟؟
تتكبار شوية؟؟ تترون ليك و لا مزال؟؟

ههههههه فداك العمر
كيعجبهوم ايلعبو غير بشي معلقة و لاشي حاجة ماشي ديالهوم
ههههههههههه

yaraaaaaa

18-02-2012, 07:30 PM

omo nour

18-02-2012, 10:07 PM

salam ana mghrebiya f spaٌa ki dayrin labas 3likom

yaraaaaaa

19-02-2012, 11:26 AM

مرحبا بيك معانا ام نور نورتينا
عرفينا عليك

Oum Lina et Lilia

19-02-2012, 06:40 PM

الحمدلله حتى حنا خف شوية البرد دازت علينا كلنا مرضنا
الحمدلله
و يارا راك عارفة مكتخلي تاحجة متلعبش فيها كيما قلتي الحاجات ديالهم مكيقسوهاش
و الحاجات الي مخصاش تقيسها هي الي تمشي ليلا هههههههههه
و معدباني بزاف في الماكلا مكتبغيش تاكل مرا و دابا قطعتلها الرضاعة
و عزا عليه بزااااااف و المشكلة مكتيعجباش لحليب تشاربه مارة
و انت كيدايرة و كيدايرين العازبات
و بديتي داخل المكلا لليليا و الا مزال؟

الحمد لله
لاباس ربي ايخليك
راني غير مع الصيام حيت ولدت فرمضان
وراني دابا مدابزة معاه
ياختي شحال تيجي صعيب ملي تتصومي غير بوحدك

ههههههههههه هي ديك لالا يارا عندك دايرة بحال واحد لالا لينا عندي
ياختي ختى انا من لي كانت باقي بيبي متتبغيش تاكل ليا لحد الان الماكلة عندها قليلة
والله الا تتفقصني صافي
حتى انا الحليب ملي دارت عامين متلاتش تتبغيه ليا
دابا اش تندير تنخلط ليها شوية مع العصير ديال البرتقال ماتشوفوش او تنجيب ليها داناو هو عصير و معاه الحليب متتحسش بيه و لا شي حاجة بحال هكاك
اما تشرب الحليب عادي بحال باقي الدراري ... مستحيل
والله الا ياربي تسمح ليا تتجيني الفقصة ملي تنشوف دراري كايكلو وهي تتدير الهبال ديالها
ههههههه

اما هاد لالاهوم ليليا مزال مبان
اش غادي دير فيا حتى هي

Oum Lina et Lilia

19-02-2012, 06:41 PM

salam ana mghrebiya f spaٌa ki dayrin labas 3likom

مرحبا و سهلا بيك ام نور
منورانا

yaraaaaaa

19-02-2012, 11:18 PM

ام لينا الله يتقبل منك يارب و يجعله خفيف و الله بصاح ملي كتكون كترد الدين بحدك كيكون صعيب
ماشي فحال رمضان كيدوز خفيف و داغية حيت كلشي صايم الله يعاونك عليه
و خليها على الله تانا كنتفقص و مبيديش عييت ما نحاول معاها والو
و الله يهديهم يارب ديالي لا ماكلا لا حليب بلحاق كنعطيها دانون و اكتيميل و شوية الجبن باش نعوضلها شوية
و الله يهديها و تبقى تاكل فحال الناس و دابا بقيت كنعطيها الماكلا عادية و غير سكتي
را حنا في الحرب ياله كتاكل جوج معالق و صافي شبعات و الله يهديهم و يصبرنا عليهم
انا ما بقاش فية وصلت نخمسين علين نختفي هههههههه
و على الله ليليا مطلاعشي نختاها في هادي و تكون كتاكل مزيان
و لوسهوم لي و تصبحي على خير

Oum Lina et Lilia

20-02-2012, 04:11 PM

اميييييييييييييييييييييين ألحبيبة

ههههههه انا ملي تتشوفني الوالدة مفقوصة معاها تتقولي راه الشيب الخضر لي غادي يخرج فيك انت ماشي الابيض
هههههههههههه الله ايهديهوم و صافي
انا راه الفرماج و الزبدة متذكريهومش ليها يالا ديك نوتيلا لي تتاكل فيها شوية
اما يغورت خاصو ايكون سائل بحال اكتيميل اما داك العادي ماتكلوش

ملي تنديها عند الطبيب و نقولها ليه تيقولي بلاتي نوزنها
وملي كيوزنها تيقولي راها عادية .. وملي تنقوليه ايعطيني شي دواء ديال الماكلة مكيبغيش
تيقولي انت بغى تخرجي عليها تولي حلبوزة ...
متيفهموش.. كيفقصوني
كنقوليه راه متتكلش .. تيقولي الوزن ديالها عادي اذن راها تتاكل غير داكشي لي محتاجة ليه
ايوى شوفي انت؟؟؟

yaraaaaaa

27-02-2012, 01:32 AM

أم اروى 27

27-02-2012, 05:56 PM

اسلام عليكم ورحمة الله

الحمد لله منين لقيت بنات بلادي الصواب و الاداب و الهضرة بحقها و طريقها

اش نقول ليكم لهلا يخطينا قاعدة وخلاص

نتمنى نتعرف عليكم وخى انا ماشي مغتربة ولكن نفكركم بالبلاد ههههههههههههه

Oum Lina et Lilia

27-02-2012, 07:02 PM

ام لينا كيدايرة الحبيبة توحشتك
و الحمدلله الا الوزن ديالها طبيعي بلا متبزز عليها و خليها تاكل على خاطرها
المشكل هو الا كانت مكتزيدش في الوزن
و ربي يهديهم كيما قلتي راه الشيب الخضار و بجميع الألوان طلعنا ههههههههه
و كيبقيتي مع الصيام ساليتي و الا باقى

الحمد لله ربي ايخليك
وانت كيدايرة و كيدايرة لالا يارا؟؟

ههههههههههه صدقتي
غادي نوليو نديرو ميلتي كولور
ايوى الله ايهديهوم و صافي

الصيام كملتو و لله الحمد
شهر كامل
والله ماكملتو حتى صافي تساليت
الله ايتقبل منا صالح الاعمال

اسلام عليكم ورحمة الله

الحمد لله منين لقيت بنات بلادي الصواب و الاداب و الهضرة بحقها و طريقها

اش نقول ليكم لهلا يخطينا قاعدة وخلاص

نتمنى نتعرف عليكم وخى انا ماشي مغتربة ولكن نفكركم بالبلاد ههههههههههههه

وعليكي السلام ألحبيبة
لهلا ايخطيك
منورااااااااااااانا و مرحبا بيك معانا

حتى حنا يسعدنا التعرف عليك