PDA

View Full Version : دمج الصور بطريقة سهله





MiSsQ8
21-08-2003, 11:10 PM
بصراحه حاولت اسوي طريقه الاخت شمس الحق بس عقدني التدرج لاني ماعرفله ودورت دروس الدمج في منتديات ثانيه والحمدالله لقيت بس حبيت انقلها بطريقتي وصوري لان الدرس كان فيه صورة فتاة كبيره ومنها اتدرب واستفيد وانشالله تعجبكم هالطريقه السهله .

بسم الله نبدا

1- نفتح ملف جديد ( طوله طول اقصر صوره ... وعرضه عرض اعرض صوره ) وانا اخترت 500 في 215 بيكسل

2- نفتح الصورتين اللي بنشتغل عليهم ( طبعا ماعندي صور وايد بجهازي هذا لانه يديد وكل صوري الحلوه بجهازي القديم فمشيت حالي بهالصورتين اللي نزلتهم من المنتدى لاني المفروض انزل صور فيها تناسق اكثر .. يعني بالعربي الفصيح مشوها حقي :S: :D )

3- نسحب صورة الخلفيه للملف الجديد ( السماء )

4- نسحب الصوره الثانيه ونضعها بالمكان اللي نبيه ( الطفله )
MiSsQ8
21-08-2003, 11:18 PM
5- نختار الصورة الثانيه ( الطفله ) من قائمة layers
6- ونضغط على قائمة normal
7- ونختار luminosity
كما في الصورة
MiSsQ8
21-08-2003, 11:26 PM
8- نجعل صورة الطفله شفافه وذلك عن طريق تغيير القيم في
opacity
fill
طبعا تغيرين بالقيمة لحد ماتوصل لدرجة من الشفافيه تناسب الخلفيه وهالشي راجعلج
من ناحيتي اخترت في اوباسيتي 61% وفل 44%
MiSsQ8
21-08-2003, 11:30 PM
9- طبعا راح تكون فيه زوائد على حدود صورة الطفله راح تخرب الشكل ولازم نمسحها عن طريق الممحاة ( طبعا الكل يعرف مكانها ) نمسح الزوائد عادي وماراح تنمسح صورة الخلفيه


الحين راح على هالشكل النهائي ونقدر نكتب عليه الي نبي

واعذروني على كثر الصور بس ماقدرت ارفع الصور وبيني وبينكم مو مضمونه المواقع لان اكثر الصور تختفي بعد فتره

انشالله يكون عجبكم الدرس وياليت نشوف تطبيقاتكم :)
MiSsQ8
21-08-2003, 11:58 PM
نزلت صورة غلط بالرد السابق ولما مسحتها وبنزل الصورة الصحيحه قالولي حجم الملف كبير مع انه مو كبير ولا شي
وحجمه نفس حجم الصور اللي فوق

========================
الملف الذي تحاول تحميله كبير جدا.الحد الاقصى هو 51200 بايت.

=========================

المهم بصغره والله يستر ( عرفت السبب مو مهم حجم الصوره المهم انه مايكون بامتداد gif )
بس والله ظلم مايصير نعدل الا خلال 30 ثانيه :( لاني كنت بعدل صورة
opacity & fill
هنـــد
22-08-2003, 12:30 AM
:ss: مشكوووووورة على الدرس
أنا شخصياً أدمج ولكن بطرق مختلفة ..
إنشاء الله بحاول أطلعكم عليها لو لقيت وقت :)

بارك الله في جهودك ..
MiSsQ8
22-08-2003, 12:53 AM
العفو اختي هند وشاكره لج مرورج
وهذي اول مره اسوي فيها درس
عقبال مااسوي درس بالفوتوشوب بخطوه وحده بس :D
ياليت نشوف طريقتج وتكون سهله

كان ودي اضيف اطار بس للاسف ماعرفت مع اني لقيت درس الاطار بس كان صعب لاني غرزت بخطوه sid
هنـــد
22-08-2003, 01:45 AM
ولا يهمج

أنا أحط لج درس الإيطار بطريقتي وبشرح مبسسسسسسسسسط جداً + درس الدمج
بس باكر إنشاء الله :)
MiSsQ8
22-08-2003, 03:08 AM
تسلمييييييييييين حبيبتي هند الله ريحرمنا منج
انا بانتظارج :)
leema
22-08-2003, 03:59 AM
الله يعطيكِ العافية ... مجهود طيّب ...

الدّمج له طرق كثيرة ... و كلّ طريقة لها استخداماتها :)

*-*-*-*-*-*


أرسلت بداية بواسطة MiSsQ8

المهم بصغره والله يستر ( عرفت السبب مو مهم حجم الصوره المهم انه مايكون بامتداد gif )
بس والله ظلم مايصير نعدل الا خلال 30 ثانيه :( لاني كنت بعدل صورة
opacity & fill

30 دقيقة :)

و صور gif يقبلها المنتدى :) ... لكن أكيد المشكلة مِن الحجم :rolleyes:
MiSsQ8
22-08-2003, 05:21 AM
لالا صدقيني ليما حجمها صغير نفس حجم الصور اللي فوق بس يوم نزلتها بصيغه جيف ماقبلها ويوم حولتها JPG قبلها
الظاهر 30 دقيقه بس من القهر ماانبهت :(
عموما مشكوره والله يعافيج :)

اختي هند اسمحيلي مافيني صبر رحت دورت طريقه الاطار في منتديات ثانيه ولقتيها شرايج ؟؟
بس طبعا مااستغنى عن طريقتج اللي اكيد تختلف عن طريقتي
leema
22-08-2003, 05:48 AM
أرسلت بداية بواسطة MiSsQ8
لالا صدقيني ليما حجمها صغير نفس حجم الصور اللي فوق بس يوم نزلتها بصيغه جيف ماقبلها ويوم حولتها JPG قبلها


-- طول و عَرض الصّورة ليس مقياساً لِحجمها نهااااائيّاً ....

بمعنى ... ممكن نجيب صورة مقاسها 100 × 100 بيكسل ... و يطلع حجمها أكبر مِن صورة مقاسها 500 × 500 بيكسل ( مثلاً ) ....

حجم الصّورة يعتمد على أشياء كثيرة ....

مثلاً امتداد الصّورة يؤثّر في حجمها ( مثل ما صار معك ) .... أيضاً عدد طبقاتها _ إذا كانت متحرّكة _ .... كذلك درجة الصّفاء و النّقاوة ( الجَودة ) تؤثّر كثييييراً .... لاحظي بعد ما تحفظي الصّورة بصيغة JPG في الفوتوشوب كيف يطلّع لك لوحة لاختيار مقدار الجودة مِن 12...

يعني الطّول و العرض لا يؤثّر كثيراً ... هو مجرّد شيء ثانويّ :)
MiSsQ8
22-08-2003, 06:08 AM
مشكوره على المعلومات اختي ليما :)
leema
22-08-2003, 06:14 AM
-- لا شكر على واجب :)
هنـــد
22-08-2003, 01:19 PM
:) سأعود قرييييييباً
بسوي الدرس ولي رجعة :):)
هنـــد
22-08-2003, 03:10 PM
درس صنع الإطار
تفضلي
http://www.lakii.com/vb/showthread.php?s=&threadid=72569

:)
MiSsQ8
23-08-2003, 08:25 AM
تسلمين حبيبتي هند ماقصرتي والله
وانا واثقه انه وايد راح يستفيدون من الدرس :)
طـــيـــــف
25-08-2003, 05:04 AM
MiSsQ8 مشكووووره عالدرس اتصدقين ما كنت اعرف ادمج الصور مع اني لي مده وانا استخدم الفوتوشوب

وفادني درسك بالبطاقه اللي سويتها لربيعتي طلعت روعه

والله يعطيج العافيه
MiSsQ8
02-09-2003, 08:33 AM
اسفه توني اشوف ردج اختي طيف
العفو والله يعافيج :)

والحمدالله انج استفدتي وياليت نشوف بطاقة ربيعتج

تحياتي :)