لعيون New Moon و كل المهتمين .. درس ألماني !!

[Dandosh]

طلبت مني الاخت الغاااالية نيو مون ان اضع درساً مبسطاً للمبتدئين في اللغة الالمانية، و لعيونها و عيون كل اللي بيهمهم الموضوع رح ابدأ بأول درس و هو الحروف و كيفية نطقها.. و بعدها رح احط الأرقام و بعض الكلمات البسيطة ...

بسم الله نبدأ ..

الأحرف تماماً هي أحرف اللغة الانجليزية .. هاد بالكتابة، لكن اللفظ بيختلف في كتير من الأحرف، و هون رح اوضح لكم طريقة نطق الأحرف بحاول اوضح ما يمكن..

A تلفظ (آ) يعني ألف ممدودة و تكون مفخمة قليلاً (يعني متل بالعامية لما نقول آه بدل نعم ()
B تلفظ متل B الانجليزية
C ركزوا شوي.. هاي عبارة عن حرفين سوا هم ت + س ... يعني تس... لكنها نااادراً ما تلفظ بهالطريقة لانها عادة تكون اما جزء من حرف مركب (سأشرحه لاحقاً) او جزء من كلمة اصلها لاتيني و في هذه الحالة تكون غالباً كالانجليزية..
أكيييييييييد عم تحكوا يا سيييدي شو سهل ((
D أول حرف من اسمي .. بقصد انه يلفظ متل الدال العربية و D الانجليزية
E يسمى إيه (تماما مثل A ألانجليزية) لكنه يلفظ مثل e الانجليزية بشكل اخف و ممدود اكتر ... يعني مثل حرف a في كلمة hate و taste .....
F حرف مؤدب ما عليه مشاكل .. متله متل ف العربية و الانجليزية
G ما في بالالمانية حرف ج متل العربي.. يعني هاد الحرف لا يلفظ الا متل الجيم المصرية ( .. مثل go مثلاً
H اسمه (ها) ( و هو مثل الهاء العربية الا انه احيانا ياتي في مواضع لا يلفظ فيها انما يزيد من طول حرف العلة الذي يسبقه ...... مثلا كلمة Mahl نلفظها "مال " بدون هـ و لكن الالف مفخمة و ممدودة شوي ..
I اسم الحرف إي متل E الانجليزية و يلفظ مثلها تماماً... مثلا Ich معناها أنا و تلفظ " إش" ... (على قولة زهر النسرين إش بين زوغن)
J اتفقنا انه بالالماني ما فيش جيم.. فهالحرف شو بيعمل هون؟؟؟ الحرف هاد اسمه "يوت" و يلفظ متل الياء تماما .. مثلاً نكتب كلمة نعم Ja و تلفظ "يا" و الالف مفخمة شوي ... اكيد سامعينها من قبل ..
K من الأحرف المؤدبة ... متل الكاف بالعربي و K الانجليزية
L كمان حرف مؤدب
M الأحرف مالها بقت مؤدبة .؟؟؟ متل الميم العربية تمام
N هاد كمان متل اخواته مؤدب و ما في حركا ت
O تقريباً متل ال O الانجليزية لكنه اطول بقليل و استدارة الفم اقل .. يشبه لفظ كلمة row او go
P متل ال P الانجليزية
Q يسمى "كو" و يلفظ كحرف الكاف ، الا انه لا يأتي وحده ابدا .. دائما يتبعه حرف u و في هذه الحاله يصبح اللفظ kv .... مثلا كلمة bequem معناها مريح و نلفظها كانها بيكفيم ... مع مراعاة ان ال ف هنا متل كلمة فيديو...
R هاي قصتها قصة.. مرات بتكون "ر" مرات "غ" و مرات لا تلفظ.. لكن عموما بيلفظوها "غ" الا في نهاية الكلمة بنطيرها (
S في أول الكلمة تلفظ متل حرف "ز" العربي، و في وسطها تلفظ كأنها "س" .. و لكن لها عدة حالات أخرى سأشرحها مع الحرف المركب ..
T حرف مؤدب (
U يلفظ متل O لكن بتشديد أكتر و يكون أقصر... تماماً كلفظ tool او cruel
V اسمه فاو و يلفظ متل الفاء العربية تماماً
W يلفظ مثل v الانجليزية تماماً
X لا يستعمل كثيراً غالبا في الكلمات الاجنبية، و لفظه اكس كالانجليزية.
Y اسمه اوبسيلون و صعب جداً شرح لفظه بالكتابة، و هو عموماً لا يرد الا قليلاً
Z يلفظ "تست" بتسكين التائين و كسر السين ... tst.. مثلا رقم 2 يسمى Zwei و يلفظ تسفاي مع مراعاة تسكين التاء تماماً.

هاي هي الاحرف .. اول فرصة بكمل لكم ( . ان شاء الله يكون شرحي واضح لانه كله من عندي و انا بالشرح مو كتير موهوبة .... :rolleyes:

[متفائلة في زمن اليأس]

شرح ممتاز اختي الكريمة , ولكن أنا حاليا مهتمة بالإنجليزي , لأنني عايشة في بلد بيحكوا فيه إنجليزي , ولكن حبيت فقط أشكرك على المجهود http://home.att.net/~scorh3/Flower04a1.gif

[السلطانة]

بسم الله الرحمن الرحيم

شرح ممتاز يا دودو احسنتِ....

بارك الله فيكى على المجهود .. بس اموت واعرف الحروف ال اوملاوت كيف بتشرحينها بالعربي :) :) :D

تحياتى الك ويعطيك العافية :W

[Dandosh]

متفائلة: كلامك صحيح الانجليزي اهم بكتييير من غيره ركزي عليه :)
و شكرا لمرورك :)

السلطانة ... هاي لازم تساعديني انت فيها :) ... بصراحة الاحرف المركبة معقدة و اللي درسنا اللغة المان يعني شرحها بالعربي حيكون ...... :)
و الله يزيدك الف عافية يا رب

[Dandosh]

الأحرف المركبة:

و هي عبارة عن حرفين "او اكثر" تشكل مقطع صوتي مختلف و يدخل في تركيب الكثير من الكلمات...

Sch لفظها متل "ش" العربية تماماً
Ch صعبه جداً و حتى الكثير من الذين يدرسون اللغة لا يتقنون لفظها :
1- احيانا تلفظ "خ" و أحياناً بلفظ قريب من "ش"
2- تلفظ خ بعد أحرف العلة و المد (هذه ليست قاعدة لكن "هيك طلع معي بالتجربة" )
3- تلفظ قريبة من ش في بداية الكلمة و بعد الحروف الصحيحة او بعد الحروف التي يعلوها نقطتان "نسميها اوملاوت "
4- اللفظ القريب من الشين صعب جداً و اقرب تفسير له انك عندما تريدين ان تلفظي الحرف يلصق اللسان بسقف الحلق تقريباً و الهواء يمر من جوانب اللسان فيخرج صوت قريب لل "ش" و انا برأي ان له علاقة بفحيح الأفعى .........
St هنا نلفظ s على انها "ش" و التاء بعدها بشكل طبيعي .. يعني كلمة Student تلفظ "شتودنت"
SP نفس القاعدة السابقة.. Spielen تلفظ كانها "شبيلن"
Eu تلفظ "أوي" بضم الالف و تسكين الباقي... مثلا اوروبا تكتب Europa و تلفظ أويروبا ..
Au تلفظ "أو" تماماً مثل كلمة او العربية !
Ie تلفظ كأنها ياء طويلة مثل keep و beat بالانجليزية
Ei تلفظ مثل I الانجليزية تماماُ life

أكيد كلكم شفتو الاحرف اللي منقطة بنقطتين من فوق و اللي تسمى اوملاوت.. هاي نطقها صعب جداًً .. بس لمعلوماتكم:
A مع نقطتين تشبه a الانجليزية تماماً مثل care , male و لكنها اطول بقليييييييل
O مع نقطتين كأنها حرف ال o الالماني لكن و انت عم تحكيه غيرتي رأيك و حكيت E!! يعني مركب من oe
U مع نقطتين ايضاً U الالمانية لكن فجأة حكينا معها E .... طبعا صعب جدا لفظهم و ما في داعي تتعبوا حالكم
عليهم ...

البقية قريبا ان شاء الله

[Dandoon]

و الله يعطيك العافية يا Dandosh ما قصرت...
و الشرح سهل و حلو كتير( بعمللك دعايات )
بس انا ما بنفع معي انت عارفيتني... ان شاء الله البنات الحلوين يستفيدو ...

اش ليبه دش ):K

[um bader]

شكرا أختى دندوش تعليم طيب و بتنفعى تكونى مدرسة ... أنا من عشاق اللغات....و بصراحة بحب الفرنسى أكثر من الألمانى بس يالله منتعلم ألمانى ليش لاء؟

[زهر النسرين]

ماشاء الله عليك يا دندوش
موفقين ان شاء الله :) :)
W:

[Dandosh]

دندونتي :)
ياااا ما حاولت أعلمك .... بس ما الك مراق على هاللغة الغريبة ..

أ مبدر الله يسلمك يا رب و يحفظك.. انا جربت ادرس ألماني لكن الطلاب كانوا مو خرج تعليم اصلا :) :) بمارس مواهبي عليكم

زهر النسرين ... وين هاربة !!!
بدنا مساعدتك و مساعدة الوالدة ... :):) و بييجي دورك على باقي اللغات ..

[زهر النسرين]

مش مشكلة يا اختي وانا مستعدة بس لازم لي وقت للاجابة لاني مابطلع كل يوم :)
W:

[السلطانة]

بسم الله الرحمن الرحيم

والله ما شاء الله عليكى رهييييييييييبة .... انا لو ظليت مائة سنة ما كنت فكرت فى هذا الشرح الممتاز المبسط ... بصراحة ):K ):K
عجبتنى فحيح الافعى هاي ههههههههههه

يعطيكى العافية حبيبتى:)

[Dandosh]

تسلمو يا صبايا.. :)

بس وينها نيو موووووووووووووووون !!

[brighteyes]

ماشاء الله الله يعطيكي العافية يا دندوش
والله فرحت لما شفت الموضوع حكم انا بحب اللغة الالمانية
شكرا على الشرح الواضح

[بسمة فرح]

اهلا استاذه دندووووش
بصراحه ما فكرت اني اقرا حتى الموضوع(تعرفين ليه !) بس جيت اسلم عليك ...
يله بالتووووووووووفيق

[مرارة البحر]

الله يجزيك الخير دندوش..
سامحيني تأخرت<<<<<<من أولها طالبة مهملة كعادتي في المدرسة ومن بعدها الجامعة:D

الشرح وااااااضح ما شاء الله يعطيك العافية..
بس طبعاً في أسئلة وملاحظات....ومن أولها;)
1-حرف أوبسيلونY هو نفسه باليوناني<<<نسيت اقولكم إني أعرف الحروف اليونانية
ونطقه upsilon بس الsmall منه بيختلف شكله..كأنه v بس لها عقفه...السؤال: هل الأحرف ال small في الألمانية بتختلف عن الكبيرة؟؟

2-بالنسبة لch...أعرف السيارة اللي اسمها (ماي باخ) بتنكتب كذا maybach والa حرف مد وعلة فإذا فيه حالات بتكون بنفس الظروف وما تنطق خ ياليت توضحيها
بس عشان ما اتفشل اذا جيت بقرأ كلمة اتفلسف قدام أخواني:D

3- student باعتقد معناها طالب..نفس معنى الكلمة بالإنجليزي(طبعاً النطق يختلف مثل مافهمت)...لكنspeilen اش معناها؟؟

4- في حرف شفته ما أعرف إذا كان ألماني أو فرنسي..عبارة عنoe بس لاصقين ببعض ما ادري..كيف بيتنطقو؟؟

كثرت الأسئلة صح؟؟:cool:
بس لي اقتراح...ياليت كل حرف تشرحيه..تحطي مثال عليه كلمة ومعناها;)
وسؤال أخير...اش معنى الجملة الي قالتها دندون؟؟؟<<<<<<<<لقااااااااااااااااااااااافة
وأخيراً
Ich (think that ur explanation is very) bequem:D

[Dandosh]

هلا brighteyes
يعني طلع في ناس متلي بيحبوا اللغة العجيبة هاي :) الحمد لله ..

غدراااااااااااااان
ااكيد بعرف ليش
بس الموضوع نور :)

نيووووو موووووووووووون :
اهلا و سهلا و عادي.. معلمتك كانت بزماناتها طالبة مهملة ما يغرك الاولى على القسم :)
و بالنسبة لاسئلتك:
1- اوبسيلون تمام متل اليوناني .. بس انا ما حبيت افسر الماء بالماء متل ما بيحكوا
و الاحرف الصغيرة تماما متل الانجليزي , يعني ماا في فرق

2- CH نلفظها بالطريقة التانية (القريبة من ش) اذا كانت تتبع حرف علة من اللي عليهم نقط بس.. (اوملاوت) ....

3- Student صحيح معناها طالب لكن تلفظ "شتودنت" ... لا حظي ما في ياء متل الانجليزي ستيودنت ... اما الكلمة اللي كتبتيها ففيها خطأ الكتيييييييير بيخطأه و هو الخلط بين ie و ei . الكلمة الصحيحة هي spielen و تلفظ "شبيلن" الياء طويلة كسرتها و اللام مكسورة..... الله يجبرها :)

4- الحروف oe لاصقين ببعض مو الماني .. بس في ملاحظة مهمة ... انه الحروف اللي عليها نقاط مو متوفرة عند الكل متلا مو اي كي بورد او طابعة ممكن يتقبلها، لهيك تستبدل النقطتين ب e بعد الحرف لكن مو ملاصقة اله .. عادي بتيجي بعده متل كلمة moechten معناها يريد و هون ننطق ch كانها ش متل ما حكينا :)

5- ما حبيت احط كلمات و اخربط الجماعة قبل ما يشوفوا كل الاحرف و يفهموا لفظها ، لانه ممكن يطفشوا من الكلمات اللي فيها احرف شكلها غرييييب ....

6- دندون كتبت "إش ليبه دش" الباء و الدال مكسورين كمان :).. و معناها انا بحبك ..
هاي اختي لا تفهمونا غلط

7- شكرا و الحمد لله انك ملاقية شرحي مريح و الجمله بالالماني بتكون:
Ich finde Deine Erklaerung sehr bequem

و ان شاء الله بكمل قريب ... [س انتي عارفة خميس و جمعه بيكونو عجقة

[مرارة البحر]

مس دندوش:)
انا بانتظارك

واذا تأخرت بالرد معناته عم بدرس منيــــح:D

[Dandosh]

قواعد عامة و هامة :)

1- مثل اللغة العربية، هناك مؤنث و مذكر في اللغة الالمانية، و هذا لا يتواجد في الانجليزية.
2- في اللغة الألمانية دون غيرها ثلاث اجناس، مؤنث و مذكر و حيادي ، و لكنه لا يعني الجماد !
3- لكل اسم في اللغة الالمانية اداة تعريف حسب جنسه : Der للمذكر، Die للمؤنث و Das للحيادي
4- هناك حالات للرفع، النصب و الجر و الاضافة في اللغة الالمانية و فيها تختلف اداة تعريف الاسم.
5- كل اسم في اللغة الالمانية يبدأ بحرف كبير مهما كان موقعه في الجمله

من الغريب في الاجناس باللغة الالمانية ان السلطة مذكر "Der Salat" و الفتاة الصغيرة حيادية “Das Maedchen”

الأرقام الألمانية :

1 Eins يقرأ "آينز" : ألف ممدودة و باقي الأحرف ساكنة.
2 Zwei يقرأ "تسفاي": التاء و السين ساكنة، الفاء متل video
3 Drei يقرأ "دراي" بتسكين الدال و مراعاة ان الراء تنطق كالغين
4 Vier "فير" فاء عادية و ياء طويللللللة و الراء تقريباً لا تنطق.. و اذا نطقناها تكون راء عادية
5 Fuenf "فنف" و الU من ذوات النقط في اعلاها لكن لان الكي بورد عيان. الفاء الاولى مضمومة
6 Sechs "زكس" حرفا CH هنا ينطقان كحرف ك ساكن
7 Sieben "زيبن" الياء طويييييييلة و الباء مكسورة كسر خفيف و الe الاخيرة قصيرة لا تكاد تلفظ
8 acht "أخت" بفتح الألف و تسكين الخاء و التاء ، و الالف مفخمة نوعا ما
9 Neun "نوين" كل الاحرف ساكنة !!
10 Zehn "تسين" لا نلفظ H و الe تكون طويلة مثل hate و كل الاحرف مسكنة.



الايام:

كلمة يوم معناها Tag بألف طويلة نوعا و مفخمة و تأتي في نهاية اسماء الايام "ما عدا الاربعاء" تماماً كما تأتي كلمة day في نهاية اسماء الايام بالانجليزية:

السبت Samstag زامستاج الالف الاولى قصيرة كالفتحة
الأحد Sonntag الO قصيرة كالضمة "زنتاج" بزين مضمومة
الاثنين Montag مونتاج
الثلاثاء Dienstag دينستاج الياء طويلة و nst ساكنة
الأربعاء Mittwoch ميتفوخ معناها وسط الاسبوع ، الياء قصيرة و الفاء مثل V
الخميس Donnerstag دونرستاج الواو كالضمة و الراء ممكن تخفيفها بحيث لا تلفظ تقريباً
الجمعه Freitag فرايتاج الفاء ساكنة و الراء كالغين الخفيفة

[مرارة البحر]

مس دندوش:)

بانتظارك...لا تطولي علي..

ولسه في أسئلة كثييييييييييييييييير:D:D

[kander]

ما شاء الله عليكى يا Dandosh ويا ريت ما تتأخريش علينا فى باقى الدروس وان شاء الله نتعلم اللغه دى على ايدك والف شكر