إلى أهل سورية الكرام [الأرشيف] - منتديات لكِ النسائية

أم عموري

20-07-2003, 10:49 PM

السلام عليكم

اللي من سورية أو اللي راحت سورية :

ياليت تعرفونا على المناطق الحلوة فيها

و كيف الضيعة ؟؟؟؟

يعني نبغى مناظر طبيعية ، جو بارد ،

مطاعم كويسة ، ترفيه

بعيد عن الإختلاط الزايد

****************

يالله أنا بانتظاركم

أم عموري

21-07-2003, 10:01 AM

معقولة ما فيه أحد من سورية ؟؟؟

السلفية

21-07-2003, 02:56 PM

وعليكم السلام ورحمة الله وبركاته ..
حياك الله أم عموري :) ..
تفضلي أخية .. فلقد كتبت أحد أخواتنا في سورية هذا الموضوع ...
http://www.lakii.com/vb/showthread.php?s=&threadid=18072&highlight=%D3%E6%D1%ED%C7
وهذا أيضاً ..
http://www.lakii.com/vb/showthread.php?s=&threadid=18214&highlight=%D3%E6%D1%ED%C7

أتمنى إني أكون قد أفدتك أخية :) ..

أم عموري

21-07-2003, 04:41 PM

جزاك الله خير الجزاء أختي السلفية

معليش تعبتك معاي

um bader

24-07-2003, 05:03 AM

حياك أختى أم عمورى . و بالنسبة لسوريا فيها كثير مناطق جميلة عندك مثلا الزبدانى و بلودان من أجمل الجبال الموجودة هناك.
فى عندك عين الحلوة و عين الخضراء بحمص و طول مانك ماشية فيه مطاعم و تقريبا كله متشابه بالفن و التقديم..... فيه الكبب و المقبلات و اليلانجى و السفيحة أطيب شىء يميم.
عنك اللذقية حلوة بس فيها تفسخ و عرى و على فكرة فى هذا الوقت بالذات يكثر السياح و الهيصة و العرى بتعرفى صيف فالله يعينكن.
فى بانياس و طرطوس على البحر و منطقة صنيفة حلوة كثير......
عندك النواعير بحمى و فيه محل ببيع بوظة و حلاوة الجبن و هو من أطيب المحلات و إسمه السلورة. أختى ما بعرف معلوماتى قديمة لأنها من 94 فأكيد فيه كثير أشياء متغيرة.
بس بنصحك تاخذى شقة مفروشة.... أو بيت فيه شجر و فواكه و شى بياخد العقل و دائما حاولوا إنكن تسألوا بأكثر من مكان و تدرسوا السوق منشان ما تنغشوا. ممكن فيدك بحمص فيه منطقة الوعر حلوة كثير إنك تستأجرى فيها هواها انظيف و باردة. و فيه الإنشاءات راقية بس الوعر أحلى.
و بالنسبة للحلويات عليكى بحلويات أبو الجدى أو سميراميس من الشام أو أبو اللبن من حمص.
و الحلو الثانى و المفضل عندى حلاوة طحينية و حلاوة سمسمية و حلاوة خبزية كثير خفاف .
لا تنسى فطاير اللى بالجوز و قشطة. و حلاوة الجبن المخبوصة أطيب من اللفايف اللى بقشطة.
يالله إن شاء الله تروحى و ترجعى بالسلامة و لا تنسى تدعيلى أختى أم عمورى.
لا تنسى تشربى المتة تبعت النبك و تبولة أهل النبك من أطيب الأشياء اللى عندهن.
و أخيرا أهيدك هالمثل السورى :
بيقولوا الشام بمياتها و حمص ببنياتها و حلب بمصرياتها .
و سلامتك و كل منطقة مشتهرة بهالأشياء. فلما تسيرى بحمص غمضى عيون جوزك و سوقى عنه.......و خصوصا بهالوقت كله فايع و مشوب الله يسترنا و يرحمنا.

أم عموري

24-07-2003, 09:29 AM

مشكورة عزيزتي أم بدر الله يسلم إيدينك .

(غمضى عيون جوزك) ؟؟؟ ما فهمت قصدك

بتقصدي إن الصبايا هونيك حلوين ولا شو

ههههههه

ياليت تحكي لي عن الضيعة ؟ عم يقولوا إنها بتاخد العقل

وهل برأيك إن حمص و حلب بتنفع للعوائل و لا ما بتنفع

um bader

24-07-2003, 06:40 PM

أهلين فيكى أختى أم عمورى.....والله البنات وين ما كان حلوات بس بالصيف يا إختى كله بيكون قالع فمنشان هيك غمضى عيون زوجك الله يعينكن.... أخى كان من شهر بسوريا و قالى و الله لو تشوفى التشليط و قلة الحياء باللبس.......
و بالنسبة إلى أختى أنا من حمص بس مواليد و سكان الكويت فكنا انروح كل سنة بالصيف شهرين إنشوف أهالينا و نرجع الكويت.
فأنا بلاقى حمص أبرد من الشام و حلب و بالذات مصايفها و الله يا إختى إنى مانى حافظة أسماء الأماكن اللى كان بابا ياخدنا عليها ..... بس تذكرت شلالات أبو شفيق بالشام كثير حلوة و فيها مطعم أكله طيب. و إنتو دائما إطلبوا مكان بعيد عن المشروب و خلى زوجك يكون قد حاله و ما يكون طرى معهن يعنى يكون جدى بهالأمور..... أوقات لما بيعرفوكى إنك غريبة بحاولوا يتلاعبوا بحكم إنك غشيمة بس مافى أطيب و لا أكرم من أهل سوريا الصراحة.
الضيع عنا بحمص كثير حلوة و مثل ما قلتلك رخيصة و باردة بس إنتبهوا لضيع النصارى فى مناطق كثيرة لهم فخليكن عند المسلمين أحسن.
كلى كبة مشوية طيبة وإن شاء الله راح حاول إحكى مع أهلى منشان يذكرونى ببعض أسماء المناطق الحلوة.
قبل حلب عندك معرة النعمان حلوة و كويسة كمان و حلب فيها مبانى حلوة و طبيعة خلابة بس شوب كثير.
عندك الآثار فى تدمر حلوة كلها رومانية بس كمان كثير كثير شوب.... و يا إختى و ين ما بتسألى بحمص بدلوكى أهل الخير و ما تترددى و لا تستحوا... إنتوا رايحين تنبسطوا فإذا زوجك صلى بمسجد خالد بن الوليد بحمص راح يلاقى ناس طيبين كثير و ممكن يدلوكن و يساعدوكن فما تخافى و إنبسطى برحلتك . و لا تسألى عن البضايع و اللبس الحلو و بالذات الملابس الداخلية رخيصة و حلوة كثير عندك سوق الدبلان بحمص جنب بيتنا و أول الغوطة فى سوق راقى و حلو. كلى البوظة اللى هنيك طيبة بوظة عربية بتجى بطعم متنوع و فيه بوظة الحية كثير رهيبة للصغار بالذات.و فى نهر العاصى جنبه حديقة كبيرة و كلها شجر و على جنبا النهر ماشى شى بياخد العقل.
و فيكى أختى أم عمورى تستأجرى بستان من أحد المالكين و تاخديه يوم كامل إلك ...و ممكن تشترطوا عليه إنكن إتقطفوا الفواكه الموجودة مثل الكرز و المشمش و التفاح و غيره. كان بابا حبيب قلبى هيك يعمل يأجرلنا البستان وماحدا يدخل عليه غيرنا بس كانوا دايما يحرصوا على الصغار إنهن ما يخربوا الفواكه و الأرض. و منكون آخذين معنا المشاوى أو الصفيحة اللذيذة مع البطيخ ياسلاااام عالبطيخ شى بيجنن. يعنى إختى راح تنبسطى كثير كثير... و بالله إنك تذكرينى و تدعيلى لما تكونى قاعدة بهالجمال والطبيعة الخلابة.

um bader

25-07-2003, 01:48 AM

أختى أم عمورى جيتلك بهالمعلومات و يارب تفيدك.

في بالشام مطعم باباي بمنطقة أبو رمانة... هى المنطقة غالية بس أكابر شى جميل يعنى
ومراكش كمان
في الأطلال ببلودان وموره وأبو زاد.... أبو زاد مشهور و قعدته حلوة....
وعين الفيجه في كتير مطاعم على النهر حلوه ورخيصه
في مطعم سبلاش على طريق الزبداني بمنطقة ميسلون جنب الزبداني.
و أن شاء الله تروحى و ترجعى بالسلامة.

أم عموري

25-07-2003, 04:58 PM

أهلين أم بدر

أنا ممنونتك كتير حبيبتي

الله يعطيكي العافية يارب و ينولك مرادك

قولي آمين

شمالية غربية

26-07-2003, 11:01 AM

الله يعطيك العااافية اختي ام بدر

نستودع الله دينكم واماناتكم وخواتيم اعمالكم

الله يحفظكم اختي ام عموري

أم عموري

08-08-2003, 09:34 PM

مشكورة على المرور أخت شمالية غربية

أم عموري

09-09-2003, 06:09 PM

الله على سورية شو حلوة

جزاك الله كل خير حبيبتي أم بدر

رحت كل اللي دليتيني عليه إلا حمص

قالوا لنا الشوام إنها مدينة المجانين بصراحة خوفونا

قلنا أجل بلاش نرووووح ؟!!

ورحنا لبنان كمان ( 4 أيام بس ) ما قدرنا نجلس فيها

الله وكيلك أوروبا مصغرة + غلاء فاحش

ياااااااااي بدي أرجع تاني لدمشق

um bader

09-09-2003, 07:58 PM

ألف الحمد لله على السلامة يا أم عمورى...... و الحمد لله إنك إنبسطت ياعمى سورية سورية..
مين قلك أهل حمص مجانين... أم عمورى هى أنا حمصية شو رأيك ؟
لاء هذا من قهرهم و غيرتهم من أهل حمص و الله الكرم و الأخلاق و المناطق الحلوة طافتك. لاه لاه يا أم عمورى لا تخلى حد يتكلم على أهل حمص الأصالة. و على العموم مرة ثانية روحى و اكيد راح تدعيلى. و شوقتينى على سوريا... يالله ما أحلى ريحتها و ريحة ترابها.
يالله خبرينى شو أكلتى و شو إشتريتى و شو أكثر شى عجبك؟ بانتظارك غاليتى.

misonjeddah

10-09-2003, 08:07 AM

أم عموري

أنا نفسي اروح لسوريا بس خسارة انتهت الاجازة وقربت العودة للمدارس....للاسف.

حكينا بالتفصيل.......
وين رحتي؟
وايش شفتي؟
وأي مدينه مريتي؟
ومن أي مطعم أكلتي؟
ومن أي سوق اشتريتي؟
وبأي منتزه انت وعيالك قعدتي؟
ناس يقولون انها مثل ديرتنا مافيها فتن وناس يقولون بكل مكان فتن...وانت ايش تقولين؟
حكينا بالتفصيل الممل عن رحلتك في سوريا والاردن ولبنان.....ما مريتي تركيا...؟ يقولو حتى تركيا حلوة....صحيح؟
بالله عكيكي حكينا ترانا جميع ودنا نعرف
أنا
و ام بدر
و شمالية غربية
و السلفية
و كل البنات في هالمنتدى.......

estrellas

17-09-2003, 01:06 AM

مافي احلى من الشام وهوا الشام انا صرلي راجعة عشرة ايام واشتقت لها
ولاهلي فيها

ضوءالقمر

17-09-2003, 03:37 AM

estrellas وكل الي في الشام اشتاقوا لك

misonjeddah

17-09-2003, 07:56 AM

أم عموري

أنا نفسي اروح لسوريا بس خسارة انتهت الاجازة وقربت العودة للمدارس....للاسف.

حكينا بالتفصيل.......
وين رحتي؟
وايش شفتي؟
وأي مدينه مريتي؟
ومن أي مطعم أكلتي؟
ومن أي سوق اشتريتي؟
وبأي منتزه انت وعيالك قعدتي؟
ناس يقولون انها مثل ديرتنا مافيها فتن وناس يقولون بكل مكان فتن...وانت ايش تقولين؟
حكينا بالتفصيل الممل عن رحلتك في سوريا والاردن ولبنان.....ما مريتي تركيا...؟ يقولو حتى تركيا حلوة....صحيح؟
بالله عكيكي حكينا ترانا جميع ودنا نعرف
أنا
و ام بدر
و شمالية غربية
و السلفية
و كل البنات في هالمنتدى.......

misonjeddah

17-09-2003, 08:00 AM

الآية أو الدعاء اللي في توقيعك حلووووو بس يحتاج الى تصحيح وبسرعة

الصحيح:
رب ابن لي عندك بيتا في الجنة يعني قم ببناء بيت لي عندك في الجنة (جملة صحيحة)
وليست:
رب ابني لي عندك بيتا في الجنة يعني ولدي عندك بيتا في الجنة (الجملة غلط)
في حالة اي استفسار ممكن ترسلي لي وأنا مستعدة دائما للمساعدة
على فكره انا متخرجة من جامعة الملك عبدالعزيز قسم لغة عربية فلا تترددي....

ورقة ليمونة

23-09-2003, 02:53 AM

ألف الحمد لله على السلامة يا أم عمورى...... و الحمد لله إنك إنبسطت ياعمى سورية سورية..
مين قلك أهل حمص مجانين... أم عمورى هى أنا حمصية شو رأيك ؟
لاء هذا من قهرهم و غيرتهم من أهل حمص و الله الكرم و الأخلاق و المناطق الحلوة طافتك. لاه لاه يا أم عمورى لا تخلى حد يتكلم على أهل حمص الأصالة. و على العموم مرة ثانية روحى و اكيد راح تدعيلى. و شوقتينى على سوريا... يالله ما أحلى ريحتها و ريحة ترابها.

أجت بنت الشام من دمشق الغالية
أهلين وسهلين بأم بدر الله يسامحك نحن نغار منكم والله مافي أحسن من الحماصنة وكرم الحماصنة وجمال الحمصيات معروفين بالجمال
بس الشوام شوي مفتقين بيتمقلسوا على كل شي ومن جملتهم بيتمقلسوا عالحماصنة
أنت بركتنا ياأهل حمص ولا تزعلي من الشوام والله الشوام ظراف وبيحبو الضيف
المهم أهل حمص يحبونا واهل المحافظات كمان
نحن بالشام أخدين فكرة ان اهل المحافظات ما بيحبوا الشوام لأن شايفين حالهم
كله حكي ولا تزعلي وتاخدي على خاطرك وإن شاء الله ترجعين إلى سوريا الحبيبة عن قريب
واتركي كندا سورية أحلا واجمل واغلا لأنها عربية
الله يجمعنا بك عن قريب وأنا ماشفت هالموضوع إلا اليوم
وأسفة ياأم عموري وقت نزلت عالشام كنت أنا بالشام ولو بعرف لقمت بواجبك
وبطلب من كل أخت تريد الذهاب إلى سوريا وتريد اي معلومات عن بلدي فانا جاهزة

ونحن إجازتنا من أول الصيف إلى أخره من اول العطلة لاخرها

um bader

24-09-2003, 03:09 PM

أختى الغالية ورقة ليمونة...... بارك الله فيك و دخيل عينك ما أحلى هالحكيات و أنا ما قصدت أهل الشام و الله بس أنا قصدت اللى قالولك عن أهل حمص إنن مجانين هنى اللى غيرانين و كمان حقك عليى ما كان لازم أحكى هيك ;)
و مثل ما تفضلتى ما فى أحلى من سوريا و لا تراب سوريا.... و كلنا شوق لأرض الوطن و بدياك تدعيلنا و لكل المغتربات بالعودة إلى ديار الإسلام .
وتقبلى تحياتى و أشواقى.