حركات استقبال للاعراس ...............

[فجر الكويت]

السلام عليكم خواتي

شلونكم شخباركم تمام.................؟
بنات ابيكم تساعدوني ممكن اخذ من وقتكم شوي لاني والله محتاره واظن عرفتوا من العنوان شبي ؟
عندي عرس اخوي ونبي انسوي استقبال للضيوف عند المدخل يكون لبس قريب مع اكسسوارات لمدخل الصاله فاللي عنده افكار جديده محد سواها ياليت تقولي عنها
يالله ابي اشوف همتكم بسرعه

[مس بيوتي]

فجوره رتى ما فهمت اللي تبينه بالضبط ممكن توضحين ؟؟؟؟
يعني تبين فكره للاتقبال واشلون دزاينه والا تبين شنو بالضبط؟؟؟

[فجر الكويت]

اختي مس بيوتي اول شي اسفه على التاخير بالرد بسبب اختبارات العيال

واللي ابيه بالضبط وقت ما المعازيم يبدون يجون العرس ودنا نستقبلهم عند المدخل بلبس معين بس ماني عارفه شنو الموديل اللي نلبسه مع توزيع شغله معينه للضيوف وهم داخلين ....... يعني اذا قدرتي تساعديني والا جميلج واصل حتى لو ماقدرتي يا مس بيوتي

[the_razan]

جبيتي فجر الكويت ..
دام انج في الكويت .. شركات الافراح عندهم افكار حلوة وينفذونها لج بالكامل!
سامحيني ما عندي افكار لكن قلت اخبرج بس عن الشركات

تحياتي

[غاية]

السلااااااااام عليكم...
مبرووووووووك انشالله وعقبال اعيالج
عندي فكره بسيطه يمكن تعجبج::
اذا كنتوا اكثر من وحده البسو الثوب (المسرح اقصد) وتكونون واقفين عند الباب ترحبون بالضيوف
وخصصو مكان تستلمون فيه عبايات وملافع الزوار بس كل وحده لها رقم (يعني مثلا تعطين الضيفه رقم واحد وعندج نسخه ثانيه من الكرت اللي فيه الرقم تحطينه مع اغراضها)علشان ما تضيعون الاغراض و وتنقلب الحفله عليكم هذي الطريقه دائما نشوفها في حفلات البيوت واحنا مجربينها بعد...
وحطو عند مدخل الصاله طاوله عليها مفرش فيها عطور وبخور وحلو ....
اهم شي يكون التنظيم والتوزيع تمام والحلو ومواعين الحلو لازم تكون راقيه لان الضيوف يدققون على هالاشياء

وسلاااااااامتج والله يتمم عليكم

[مس بيوتي]

بعد عمري فجوره لا جميل ولا شي افا عليج ما سويت شي انا


شوفي قلبي انا عندي افكار بس متلخبطه بس او شي تقدرين مثلا عند المدخل تخلين وصيفات صغار بنفس اللبس ويكون كيوت ناعم يكون شكلهم وايد حلو واختارو بنوتات حلوين ( مستعده اتبرع ترى هخخخخخخخخخخخخ) المهم

............. وبعدين وزعو دهن عود صغير مع كسرة بخور بداخل صندوق بلاستيك مصلا وداخل الصندوق يكون تحت العود والبخور قطعة قماش ستان صغيره بس تكون محشوه بفلين مثلا بس تكون كأرضيه يعني مو اكثر وبره الصندوق بشريطه صغيره اسم العروسين او اسم المحتفى بهم( حلوه المحتفى اقولكم مثقفه ما تصدقوني هخخخخ) المهم
.............. ترى بوابة الهدايا عندهم افكار اتينن (بوابة الهدايا بالعديليه وايد حلوه انا مقيمه هناك هاهاهاهاها)
اختار ديزاين الصندوق واهما يسوونه لج


وفي افكار ثانيه بس مره خالتي راحت عرس كشخه واااااااااااااااااايد مسوينه في بيتهم بس طبعا مو اي بيت لا بيت جنه صالة افراح :o ماشالله الحين يطيح بيتهم ههههههههههههه

يعني بيت بحمام سباحه وشغل عدل... شي شي
ومسوين حركات وايد حلوه بس تتكلم عن حفلتهم وحركاتهم اقولها واسالها بالضبط واقولج طياااااااااااااااره واحنا عاد نغير شويه ونضيف وجذي



اي تذكرت ليش ما تلبسون زي هندي( الساري مع سلسة الشعر اللي بالنص والحيولوالاكسسوارات وكله) وكل وحده تلبس لون :D


صبري صبري عيل اضبط بس قوليلي متى الحفله؟؟؟؟



يالله سلملم ونطريني W:

[فجر الكويت]

والله افكارج وايد حلوه خصوصا الصندوق الصغير .....يا مس بيوتي
انزين انا بقولج الفكره هذي وعطيني رايج فيها
انا قلت نلبس دراريع يكون موديلها غريب شوي ونوقف عند المدخل ونستقبل الضيوف بالصناديق الصغيره مع وضع طاولات على المدخل فيها بخور وتكون معدله بكسسوارات حلوه
وصوب من البنات يوزع صناديق والصوب الاخر يطيب بالبخور........... شرايج ؟؟

[فجر الكويت]

وبالنسبه للعرس في شهر تسعه يعني فيه وقت

[مس بيوتي]

فجوره ترى حلوه الفكره بس قوليلي اشلون الدراريع صايره؟؟ بس هم حلوه يعني

سووها .. واشوه ان باجي وقت عشان نفكر نبتكر اكثر :D

الطاوله لعبو فيها بالحركات والاكسسوارات... واذا تبين افكار حق الطاوله قوليلي ...

وعلى فكره فجوره.. اذا تبين فكره حق الدبل او الشبكه ترى في شغله واااااااااااااااايد حلوه بس قوليلي اذا فيه دبل او شبكه ..


ممممممم بعد شنو ممممممممممم ...
انا راح اقولج افكار انشالله اكمل لج اذا في.. :)


W:

[lolabonita]

عندي فكرة بس ما ادري هي جديدة ولا مكررة وهي استعمال الشموع الملونة من المدخل حتي كوشة العروسة واطفاء الضوء عند دخول العرسان الا بعض الاضواء الملونة الليزرية شو رايكم

[شوق نجد]

كنت حاضره من فتره زواج وفكرتهم عجبتني حاطين نخله من الفلين وملصقين على النخله رطب وكل وحده تدخل بعد ماتشيل عبايتها تاخذ حبة رطب ويصبون لها فنجال قهوه وبعدها يبخرونها ويعطونها علبه فيها قطعة عود و كلمه حلوه

[بنت العمودي]

بسم الله الرحمن الرحيم
السلام عليكم و رحمة الله
اخيتي مسسسسسسسس بيوتي كيف الحال و المال و العيال
اقول اذا ما عليج امر ياليت بالفكار مال الدبل و الشبكه ترى محتاجينها
بنتظر الرد و ياليت ما يتاخر
احبكم في الله

[للصبرحدود]

ألف مبرووووووك مقدما،لكن ليش هالتبذيركله ترىماهان تبارك،لماذالانعودونحيي أفراح علىالشرع والسنه ،حتىيبارك الله للعروسين.

[توووته العسل]

السلام عليكم حبيبتي فيه فكره شفتها بعرس وعجبتني وحبيت اقولك وانشاء الله تعجبك وهي توزيع جلالات صلاه على المعازيم وكان لونها ابيض

[تلوين]

تقدري حبيتي تحطوا بمدخل القاعه نافورة العووود ونافورة العصير بس نافورة العصير بدل العصير تعبوها مويه زمزم ويكون لبس المضيفات تراثي والتمر يكون على شكل نخله مرصوص فيها على الطاوله والمضيفات بالبخور والقهوه تصبونها بفناجيل الشوكلاته بالبسكويت ولو تحبوا ممكن مضيفه منهم توزع عقوود فل او عقود ورد جوري كل وحده داخله تلبسها عقداتمنى اكون افدتك

[عفت99]

ياعزيزتى انا عندى فكره حلوين لابسين دراعات وحده شايله دله وفنجان والثانيه شايله التمر وسميره توفيق بالله صبو ها القهوه ورؤدؤاها هيل

[اناالحل]

السلام عليكم
الف الف مبروك اولا
انا احكيلك شو سوينا بفرح اخوي و هو كان في شهر يناير
احنا فلسطينية و انا لي ست خوات لبسنا كلنا الزي الوطني الشعبي الفلسطيني و كنا لابسين شالات و مغطيين التسريحات
و كنا جايبيين خمس بنات اعمارهم تقريبا من 8 الى 10 و لابسيين بدل بيضاء و حاطيين على شعورهم اكليل و رد و احنا جبنا للبنات نفس موديل البدل كاهم طويلة بلا شباحات و لا شي يعني لف على الصدر مشدوديين برباط من و را
و جبنا خمس اولاد بنفس العمر و الطول و طبعا لابسيين بدل رسمي سوداء وجزم سوداء و كلهم عامللين شعرهم سبايكي
اولا كبرنا صورة للعريس و العروس و هم خاطبيين و حطيناها على باب القاعة من جوة و الصورة محوطة بالانوار الصغيرة و الملونة
تحت الصورة حطينا كتاب او دفتر بس الجلدة مصنوعة من الخشب مفحور عليها صورة عريس و عروس و مكتوب عليه اول حروف العرسان
ومن الداخل و رق عادجي مزين بالطباعة و و ضعنا قلم و زيناه و كل واحد كان يدخل القاعة كان يكتب عبارة للعرسان

[اناالحل]

والله انا كتبتلك تفاصيل الفرح لانه كله كان حركات جديدجة بس سامحيني قطعت الكهربا قبل ما اضع اضف رد و راح كل شيء و لمشكلة بيدي خليها لبكرة بكتبلك التفاصييل اذا حابة و اذا لا
الف الف الف مبروك

[شوقي 123]

انا مثلها ادور افكار حلو بعد مالقيت ساعدونا

[القبعةالسوداء]

موضوع يستفاد منه مع انه تاريخ قديم ارجعي صاحبة الموضوع واكتبي لنا وش سويتي بزواجكم للفائدة مشكورة

[دنيتي عبودي]

موضوعكم رائع جدا ياليت تكملون لان زواج اخوي بعد شهر
وحايسين في الافكار والعروسه اخت زوجي فلازم اهتم بزياده



ارائكم يابنات