الرجاء من الجميع المشاركة ....وش الخلطات اللي تخلطين لشعرك..؟؟ [الأرشيف] - منتديات لكِ النسائية

النجلاء

16-07-2001, 03:05 PM

السلااااام عليكم ورحمة الله وبركاته ....
اش رايكم بنات كل وحده تعلمنا على الخلطات اللي تحطها لشعرها وتجاربها لبعض الخلطات يعني شلون ضبطت ما اضبطت عشان نفيد ونستفيد ....ارجوكم رجاء حار انكم تشاركون مشاركاتكم الحلوه اللي تثلج الصدر ... ok ؟؟
انا ابدى انا كلش اخبص بشعري يعني مااخلي ولا ابقي طبعا كلش احطه مع الحنّه ....
بس جربت البيض احطه مع الحنّه ولا الحاله طلع يعطيني نتيجه سلبيه يكسر شعري والليمون اذا كثرته برضه يعطي نتايج سلبيه عشان كذا >>>قامت تفلسف على بالها خبيره:p
المهم صرت احط منه نقيطات ....
العسل جداً روعه ونتايجه سريعه مع الحنا احطلي ملعقة منه ....
الزبادي ملعقتين وتراه مره رهييييب..
وش بعد ياربي...مممممممممممممممـ....
ايه تذكرت انا اخلط حنتي بالزيت ولا احط نقطة مويه عشان ما يجفف الشعر و اسرع لي لان الاغلبيه اليوم اللي بتحط الحنه فيه تقال حرب وجهاد وتعب لكن انا شلون ...اخلط الحنّه بالزيت وافضل زيت الزيتون دائما واحط معه كل انواع الزيوت الباقيه عندي ...الازيت السياره طبعاً:D المهم احط كل خبوصي مع الحنه واخليها مدة 3او4 ساعات بعدين احطها براسي لمدة 3او4 ساعات وبعدين اغسل الحنه ولا احط زيت لان المعروف دائما نحط الحنه وبعد مانغسلها بالمويه بس نحط الزيت لكن انا مختصره السالفه ....
وشكلي طولت بهرجي المهم ابي اشوف مشاركاتكم الحلوه لاتبخلون علينا ولا تحرمونا منها يالله انتظركم .....

وتسلمون لمحبتكم دائما ...
النجلاء..

آسرة المشاعر

16-07-2001, 03:35 PM

أهلين اختي النجلاء موضوعك مره شدني لان كل وحده تقول تجربتها وتفيد غيرها بالنسبه لي يا عزيزتي النجلاء انا احيانا استخدم زيت املا اعتقد انه معروف بس صراحه ريحته ما تروح بسهوله غير كذا استخدم الحناء واحط معه منقوع المره مره زين للشعر واحط احيانا بعد مره مع زيت زيتون صراحه جربوها وداومو عليها ما راح تندمون لانهاتخلي في الشعر لمعه غير كذا بعد استخدم (لاتضحكون علي تكفون ) استخدم الودك مع احناء تراه رهيييب هذا اللي عندي واتمنى يعجب الجميع

النجلاء

16-07-2001, 03:43 PM

هلا اختي اسرة مشاعر شلون مايعجبنا بالعكس قلتي شيء ماعرفه وهذا شي فادني والله ..
بس لي سؤال وشو الودك ماعرفه وتراي مااضحك عليك والله تراي ماعرفه ...
المهم انا فدتك بشيء عزيزتي اسرة مشاعر..؟؟
وتسلمينلي على الرد الحلو منك...
سلمتي لمحبتك .....
النجلاء...

شوق

16-07-2001, 05:01 PM

السلام عليكم ورحمة الله وبركاته
بصراحه انا ما جربت احط خلطات زيوت على شعري اجرب احط زيت واحد يعني نوع واحد
احيانا زيت الجرجير ونتايجه والله حلوه
بس وبعدين صرت طماعه وقلت اجرب زيت الخروع وبصراحه عادي ما حسيت تغير
والحين انا استخدم زيت املا بس ترى اللي تستخدمه انصحها تنعزل في غرفه لوحدها:D
تدرون ليش؟؟
اللي تبغى تعرف تشتريه وتجربه وتعرف ليش:)
وبصراحه الحين قررت استخدم وصفه من احدى الاخوات في المنتدى
قالت لي احط زيت خروع مع زيت جرجير واطحن حلبه معاها واستخدمه تراه زين للشعر
بالنسبه للحنا يمكن حطيت مره او مرتين في حياتي:mad: :mad: وتوبه..
وانا الحين في انتظار خلطاتكم على احر من جمر عشان اجربها كلهاااا;)

جوان

16-07-2001, 05:39 PM

بصراحه ياأخت نجلاء جذبني موضوعك;)
وانا عندي خلطة حنأ بالمرة ممتازة وجربتها على شعري وطلع يجنن وهي طبعا حنأوسدر وكركديه وقشر رمان وما الثوم وشبعد ياربي .....وشاي وونسكافيه اظاهر انه بس هذا وانشالله اني مانسيت شي وبصراة والله جربته بشعري وطلع بالمرة يروع وناعم والمقادير على حسب رغبتك:D إنشالله تعجبكم الخلطه.

مها

16-07-2001, 07:31 PM

اهليين..ياحليك ياخت نجلاء..سبقتيني كنت ناويه انزل موضوع مثلا هذا ...لشعر والبشره كمان ولكن قلت الى ان تطلع نتائج الاقنعة الي استعملها ...ولكن يالله نقول عن الشعر اول..
بالنسبة لشعر انا كنت قبل سنه اهتم فيه كثر تقريبا مافيه شئ ماحطيته في شعري...لانه كنت يوم اني صغيره شعري مرره ناعم بس الله يقطع الصباغات اعدمته فاقلت...لازم اهتم فيه وفعلا لما اهتميت فيه طلعت نتائج حلوة وش كنت اسوي...كنت استخدم عشبة السابله والماسكه وساق الحمام مع 3 انواع من الزيوت واحطه في شعري ...هي هذي الاعشاب حلوة لشعر ولكن..عيبها انها غثيثه...يعني ثقيلت دم,,وتوسخ لان فيه منها عشبه لونها احمر...جربتها كم مرره وطلعت نتيجة حلوة ولكن انا كسلانه وتركته بعدها استعملت خلطه ثانيه هي الرهيبة من جد...الي هي اني الحناء اقو الخلطه بهذي الخلطه اني اجيب اوراق الجرجير...وخيراتين او ثلاثة ومجموعة زيوت,,وكم فص ثوم واخلطهم في الخلاط وبعدها تصير سائله واخلط به الحناء..والخيها 6-8 ساعات وبعدها اخطها في شعري 3 ساعات وبعدها اغسل الحناء بالماء بس وبعدها احط زيت...وبعد كم ساعه اغسلها عادي هذي نتائج كويسه..بس انا تركته الان الشيطان جاءني مره ثانيه وسوس لي اني اصبغ شعري والان انا صبغته....وتركت شعري صرت بس احط فيه زيوت عاديه بس.....وسلامتكم :)

النجلاء

17-07-2001, 11:39 AM

هلا والله بخواتي الحلوييين ..
بصراحة والله انبسطت وفرحت ان الموضوع جازلكم ومشاركاتكم تسوى عندي الدنيا كلها عاد يالله نبي مشاركات ثانيه والعالم وينهم مختفين ؟؟...
وياحبيلكم خواتي شوق وجوان ومها ...وبصراحة خلطاتكم شكلها روووعه ..وانشاء الله اجربها بس الكسل متى ياربي بس متى اجرب ...بس عشان خاطر عيونكم شكلي بعجل....
اقول اخت مها على..قولت اخوانا المصاريه الئلوب عند بعضيها..:D فكرة البشره كنت بعد بحطها بموضوع ثاني بس يالله عشان خاطرك خليناه لك وحطيها انت ..
ومشكوووووورين على الردوود اللي تثلج الصدر ...
بقولكم على حاجه احطها الحالها بس ما تضحكون تعرفون الماينييز اكيد تعرفونه المهم اخبصه على شعري وادهن به شعري مثل الكريم وادعك به فروة الراس هذا اهم شيء اخليه نص ساعة او ساعة وبعدين اغسله ...
صديقتي شعرها عادي مو مره ناعم المهم لاحظت انه مختلف ونعم وصارله لمعه سألتها وش السر قالتلي الماينييز رحت علىطول البيت وحطيته بعدين دخلت على اهلي قاعدين مستانسين جلست عندهم شوي مادريت الاالعالم كلها فاركيين تقال صاروخ كيماوي صابهم دقايق والغرفه فضيت ومافيه الا انا :confused: السبب ريحة الماينييز عاد الله لا يوريكم بعد ماغسلته قمت ادور على البيت كله ابخره طول اليوم :( وشعري يومين الزقت الريحه فيه مايشمها الا انا غسلته اكثر من مره لكن الشكوه لله مافي فايده عاد تدرون الحين كل ما مسكت علبه الماينييز كلن يحبحب على راسي ويقول تكفين لا تحطينه ...
شكلكم الحين منتم مجربينه صح;) ;)
بس بصراحة نتائجه فتاكه انصحكم جربوه ...

آسرة المشاعر

18-07-2001, 03:38 AM

اهلين اختي النجلاء واسفه على التاخر على الرد وذلك لظروف خاصه اولا بالنسبه للودك هو الله يسلمك شحم الغنم واسالي عنه وحده كبيره في السن وراح تعرفه بالنسبه للخلطات حقتك اعجبتني وخصوصا حقت الحناء والعسل وانشاء الله ابجربه وايضا المايونييز انا استخدمه من زمان بس تركته علشان ريحته بس نتايجه حلوه وتسلمين عزيزتي النجلاء

المهـــا

18-07-2001, 04:28 AM

حياك الله أختي ..............النجلاء....

أختي أقول لك تجربتي وان شاء الله تستفيدي منها .....

الخلطة مكونــــة من :

صفارة بيضة +زيت زيتون+كولونيا....وطبعاً الكولونيا عشان ريحة البيض ...
وتوضع هذه الخلطة قبل غسل الشعر وهي تصلح للشعر الجاف ....لكن بصراحه رهيبة..

الشيماء

18-07-2001, 03:27 PM

نجلااااااااااء ضحكتيني والله بحكايه المايونيز..(ونفسي اشوف شكلك وانت حاطته )انا بعد سويتها يمكن قبل سنتين..عمتي قالت لي عليها بس نخلطه مع بانويل(كريم من الصيدليه)..اما انا الحين احط لشعري زيت مرة زين بس بصعوبه يروح مع الشامبو يعني لازم تغسلينه مرتين. .هذا الزيت مدري وش اسمه.. نسيته بس اسأل امي واقولكم....لالالا نسييييت استخدم بعد السمن البري.... البدوان هنا يعرفونه.. وريحته عفنه عفنه عفنه .. وما تروح الا بالقوه بس مرررره زين.. امي كان شعرها مقصف واستخدمته والحين ما شاء الله يازينه شعرها ( قولو ماشاء الله) يعني نتيجته شايفتها بعيني.. صديقتكم الحلوه:
الشيماء

ام سلمى 2001

29-11-2001, 01:59 AM

عزيزاتي :D
اذا بدك يصير شعرك اشقر اخلطي ماء البابونج مع الحناء
و اذا عاجبك الون الاسود ضعي ماء الميرميه
و اذا بدك شعرك لونه احمر شوي اخلطي مع الحناء ماء الشاي
:rolleyes: :p :eek:

الخلود

30-11-2001, 08:59 PM

اختي النجلاء السلام عليكم
موضوعك جدا ممتاز وحبيت اشارك بتجربتي

المقادير:
عشر ملاعق ورق سدر مسحوق
ثلاث ملاعق زبادي
ملعقتين حناء
ملعقة زيت زيتون طازج (يعني مو من المعلب)
الطريقة:
تخلط جميع المكونات بماء دافيء وتصبح عجينة سائحة ثم تفرد على الشعر وتغطى لمدة ثلاث ساعات في الاسبوع تكرري العملية مرتين فقط
لمدة شهر يعني تكوني سويتيها في الشهر ثمانية مرات تقريبا وسوف تلاحضين الفرق
النتائج:
1-تخفف من آلام الصداع
2-تمنع ضهور القشرة
3-تمنع نساقط الشعر
4-نعطي الشعر لمعان زائد
5-تنعم الشعر

وعلى فكرة انا مجربة هذه الوصفة وطلعت معي 100%

تقبلو تحات الخلود

الخلود

30-11-2001, 09:31 PM

SAHAB

20-12-2001, 05:13 PM

لتكثيف الشعر
يخلط مقدارين متساويين من الحنا والحرمل (من عند العطارطبعاً يكون مطحون) ويوضع على الشعر مجربه ومضمونة
لتنعيم الشعر ولمعانه
يدهن بالزبده

وعسى تفيدكم خلطاتي:D :D :D

أم تذكار

22-12-2001, 05:42 AM

صح لسانك يا سحاب...(أم زياد)..

فعلا الحناء مع الحرمل مجرب,,وحدة قريبتي جربته وفعلا كثف شعرها وأعطاه لمعان ولون حلو وااااااجد...ما كنت أتصور انه راح يكون بهذا الجمال والجاذبيه(ما شاء الله عليها) ..

;) ;)

نو نو

31-12-2001, 11:46 PM

لجميع الاخوات جدا مواضيعكم حلوه مررررررره بس أبي منكم مساعدة
بنتي عمرها 10 سنوات وشعرها خشن(الشعره دقيقه ومتطعجه ما ادري فاهمين الكلمه او لا
وبعدين من النوع الي ينفش وغزير اقدر اقول انه من النوع الي يبغاله شد مع كريم يمشي معاها
ابغا منكم طريقه تطيح شعرتها وتمسها علمن انه جاف ياليت ماتهملوني
طلب اخير كيف اضع الوجوه والصور علموني الطريقه
وكيف اظهر علي نفس المنتدي يعني يكون عندي موضوع وابغا مساعدة

نو نو

31-12-2001, 11:48 PM

إيمان علي

13-01-2002, 06:27 AM

هل تسبب الحناء جفاف وخشونه للشعر? وإن كان كذلك ماذا نفعل لتنعيمه?

مدام زهار

26-01-2002, 08:24 PM

الاخت النجلاء تحيه طيبه وبعد

والله موضوعك جدا رائع بس الاهم انه كل وحده تستفيد وتشوف ايش ايجابيات الحنه وايش

سلبياتها انا ابي ابدأ واقول اللى اعرفه

اول شي بالنسبه للحنه يااخوات ترى مو اى حنه تحطينه على شعرك يعن لازم تتاكدين انها ورق

وااهم شي تكون نظيفه لا مضاف اليها اى شي لانه حنة اليدين تختلف عن حنة الشعر

واافضل حنه هى حنة المدينه وتلاقينه عند العطار ولو تكون من شخص تعرفينه ترى اضمن لك
والاخوات اللى يحبون الحنه المفروض يزرعونها عندهم بالبيت اوفر واضمن لها

من اسباب تساقط الشعر هو ترك الحنه للى متعوده عليها وهذ من خبرتى بالحنه واسمعه من النسوان الكبار 00
ايجابياتها 00 تغذى الشعر وتعطيه لمعان غير طبيعى وتساعد على تطويل الشعر 00 وزياده
تعطيه لون جذااااب 0
من تجربتى وخبرتى بالحنه لاحظت اذا اضفت اللبن الزبادى او الزيت فهو لايعطى اى لون فقط
ممكن الفائده 00
طريقتى دائما هى كاالاتى 00
اضع الحنه بماء الشاى المغلى 00 وااعصر نصف ليمونه واتركها حتى تبرد وااضعها على شعرى لمدة ساعتين ثم اغسله وفى نهاية الغسله الاخيره اضيف النصف الاخر من الليمون
بماء بعد تصفية الليمون وااغسله باالماء وتكون دائما النتيجه اكثر من رائعه 00
ونصيحتى للاخوات عدم اضافة اى ماده غير طبعيعيه كاالصبغات او اللاوكسجين لانه اضراره
تظهر باالمستقبل وتضعف الشعر 00 كما ااوكد على الاهتمام بااختيار الحنه 00 وتتاكدين من لونها
عندما تشترينها فلونها وهى الاصليه تكون خضراء ورائحتها طيبه واول ماتضعين عليها الماء
الحار تظهر لك اللون الاحمر 00
بالنسبه للاخوات الاتى يشتكين من الخشونه اليها هذه اللنصيحه وهى بعد ان تغسلى شعرك من الحنه ضعى براحة يديك قليلا من الزيت الزيتون وادهنى به شعرك يعنى فقط مسح لاتكثرى الزيت
اتمنى ان اكون افدتكم ومرة ثانيه شكرا لموضوعك اختى النجلاء

إيمان علي

26-01-2002, 11:09 PM

لك الف الف شكر

الريم

15-02-2002, 09:45 PM

أخواتي 00000 تجاربكم أكثر من رائعة لاحظتم أن كل واحدة منا لها تجارب متعددة مع خلطات الشعر وكل واحدة لها طريقة وكل واحدة تفضل خلط هذه المادة مع تلك المادة ولأنها مجربتها فهي مقتنعة بطريقتها 0000 ولكن تبقى تبادل الآراء شئ مهم ومفيد بيننا لنتواصل مع بعض000 أدخل بالموضوع0000
أولا:- المايونيز عبارة عن زيت وصفار بيض وهو مجرب للتتقصف يوضع فقط على أطراف الشعر وبعد تكرار الاستخدام تلاحظين النتيجة0
الحناء مفيدة جدا ولكن الاكثار منها عندما تكون طبيعة الشعر جاف يزيد جفافه وتصبح النتيجة عكسية أو تصلحين شي على حساب شي0
ثانيا:- الحناء للإستفادة منها تخلط مع أي مواد من التي ذكرت لتخفيف الضرر الذي قد يحدث اذا كنت لاتعلمين شعرك من أي نوع0000 واحذري عند استخدام الليمون بعدم الاكثار منه لأنه يعمل على تقصف الشعر وفي حالات يبهت الشعر بدل اعطاء لمعة0
ثالثا:- اضافة الزيت للحناء لايعطي لون لأنه معروف أن الزيت مادة عازلة فاذا كنت تريدين معالجة الشعر بدون لون الحناء ضعي الزيت أولاً ثم ضعي خلطة الحناء0
أخيراً:- وعن تجربة مهما وضعت من خلطات على شعرك فالنتيجة مؤقته أهتمي بغذائك من الداخل بأكل الخضر والفواكة والمواد الطبيعة لتحصلي على نتيجة تنعكس على شعرك وبشرتك وهذه أقولها عن تجربة ومتأكدة منها 100% 0 فعندما أتبعت نظام غذائي مغذي يعتمد على الخضر والفواكة وابتعدت عن السكريات وكل ماهو غير مفيد سألني من حولي ماذا فعلت بشعري وماهذه اللمعة الجميلة التي ظهرت فيه0
آسفة للتطويل عليكم ولكن الموضوع شدني فأحببت المشاركة فيه0

ميما

01-03-2002, 03:43 PM

تشكر جميع الاخوات على هذي الافكار الحلوه وانا عندي خلطه للحناء وجربته وصار شعري بمنتهى الروعه وهي عباره عن
يؤخذ ملعقه كبيره من( كركديه مع شاي ونسكافيه وليمون اسود)ونص ملعقه من القرنفل المطحون ويوضع في ماء ويغلى على النار مدة عشر دقايق ويترك حتى يفتر ويصفى ثم يعجن بمقدار 5 الى 6 ملاعق الحناء............. وطبعا هذي الخلطه تكفي للشعر القصير
وارجوا ان تستفيدون من هذي التجربه
وسؤالي من وين القى الودك ؟؟؟؟؟؟؟؟

عاشقة الكتمان

01-03-2002, 03:47 PM

بارك الله فيكن وجزاكن كل خير ..
واشكرك اختي على طرحك للموضوع

من تجاربي ......
جربت زين الخروع مع زيت الجرجير .
وجربت المايونيز .
وجربت كمان سمنة فارم .
وطبعاً الحناء ..
وكانت النتائج مررررره مرضيه

ذكرى

21-03-2002, 02:02 AM

انا جيت

مرحبا ياحلوين صراحه عجبتني افكاركم الحلوه للشعر وحبيت اعرض

تجاربي انا مافي خلطه في العالم ماجربتها زيوت بالهبل وخلطات كثير زمشكلتي كل مااسمع

عن خلطه جديده اركض وراها لاكن اقولكم احسن خلطه استفدت منها بيضه زيت زيتون

وملعقه عسل احطها قبل ماغسل شعري بساعه صراحه روعه مرررررررره وفي وصفة

زيوت تهبل اكتبها بعدين لاني ابغى انام ويسلموووووووو W::D

كاميليا

30-03-2002, 03:24 AM

اما عن تجربتي للحناء فانا احب الخلطة التالية
حنة + ملعقة خل + ملعقة زيت الزيتون الصافي + مغلي الكركديه
اطبخها كلها على النار حوالي دقيقتين واخليها شوي تدفا وبعدين استعملها....
طبعا الخل حتى بنعم الشعر وهي الخلطة مفيدة للشعر الخشن شوي
وعلى فكرة لاحظت الكثير من الاخوات يستعملون الليمون ... احب اوضح فكرة بسيطة عرفتها من اخصائية تجميل انو الليمون يستعمل لحالات القشرة فقط وهو بدعك فروة الراس بعد الاستحمام بنصف ليمونة وتركها عشر دقائق ثم يغسل الشعر

وشكرا لطارحة الموضوع والاخوات المشاركات

ذكرى

30-03-2002, 03:29 PM

عزيزتي نونو بلنسبه لبنتك انصحكي تحطي لها المايونيز لانه ينعم الشعر كل

اسبوع مره وتداومي عليه وتدهني شعرها يوميا بزيت اللوز الحلو جربي و ردي عليه ايه

نسيت اقولك حطي لها فاشكول الثوم :D

ناعسه

16-04-2002, 03:37 AM

اقول خواتى حبايبي اللحين ككككككككككككككككككككككككككل الى قلتوا يخلط مع الحنا ولا بروحه

هنادى

29-05-2002, 12:02 AM

بنسبه لى فا انا

احط زيت زيتون كل يوم وترك

ماعدى يوم لاربعه لا نى احط في

بيضه

سدر

روب

الغيورة المسلمة

29-05-2002, 02:43 PM

اختي في الله
السلام عليكم

أما بالنسبة لي أحب الحناء جداً جداً ...فطريقتي هي كالتالي :
مقدار من الحناء على حسب نوعية شعرك وبيض وزبادي وماء ويخلط جياًوينقع لمدة نصف ساعة ويوضع على الرأس ثم يترك لمدة 3ساعات أو أكثر للي تقدر تتحمل الحناء:D مثلي ثم يشطف بالماء وفي اليوم التالي اخلطي بيضه وزيت اللي ترغبينه ونصف عصير ليمونة ويدهن بها الشعر ويترك نصف ساعة وثم يغسل ...لكن حالياً اضع فقط معه قرنفل مطحون لأنه ممتاز للشعر ..وأما بالنسبة لتجارب الأخوات الفاضلات فكلهارائعة ومن الوصفات اللي أحب أطبقها هي وصفة العسل وزيت الزيتون فهي رائعة جداً تجعل الشعر ناعم ...
وإن شاء الله أفدتكم ...........

أختك في الله
الغيورة

هنادى

02-06-2002, 03:22 AM

بنات بنات بنات بنات بنات لقيت لكم خخخخخخخخخخخخخخخخخخخخخخخخوش خلطه ععععععجيبه ماشاء الله ماشاء الله تتتتتتتتتتتتتتنعم وتطول الشعر في 3 اسابيع لللللللللا اله لاالله

زبده

مايونيز
حل ( نارين)

يخلط مع بعض ويوضع الى الشعر لمده ساعتين او 3 او حسب الرغبه ( تقدرين تنامين في )

ععععععجيبه والله انصح فيها الكل وبل لاخص (نونو)

عشان تحطها لبتها

وادعولى عند ضهور النتيجه

ملاحضه: هذه الخلطه تستخدم 2 مرتين في لاسبوع

هنادى

02-06-2002, 03:23 AM

حبيبت بابا

15-06-2002, 06:47 AM

وانا عندي لكم خلطات تجنن للشعر
1- نحط في الكاس 1/2 زيت مازولا--1/2 ماء--وبعدين نضع بودرة بيبي جونسون لاطفال
3 ملاعق او اربع بعدين تحطينهم في الخلاط اوتخلطينهم في يدك زين الين تثقل وحطيها على شعرك تطول الشعر وتنعمة مجربتها شخصيا ماراح تندمون راح تدعون لي انشاء اللة

لتقصف الشعر
2- بيالة زيت زيتون(استكانة)
شمع الافوكادو راح تلقينة عند العطار الكمية الي تكفيك
وزيت لوز فنجال

الخلطة الثالثة
موزة وحدة مهروسة
2ملعقة عسل
ملعقة زبادي
1/4 زيت زيتون
ينعم الشعر

الخلطة الربعة
كاس ماء حار
جلى كرتون واحد
زيت زيتون فنجال
مرة تجنن للشعر

الخلطة الخامسة
عسل+زبادي+صفار بيضة+نارجيل = جربوها تجنن تنعم وتلمع الشعر وتغذية

حبيبت بابا

15-06-2002, 06:48 AM

اتمنى تجربوها وتدعولى موتدعوعلى

هنادى

16-06-2002, 02:24 AM

انشالله

هنادى

22-06-2002, 08:42 PM

هاء وينكم خلصت تجاربكم ):

هنادى

27-07-2002, 07:38 PM

ببببننننننااااااتتتتت وينكم خلصوا خلطاتكم

اسوووووووووومة

29-07-2002, 10:37 PM

:D اقووووول لكم تجربتي بس ها لا تضحكون علي .....

تدرون ايش هي ؟؟؟
خلطة بصراحة عجيييييييييبة ....
اول شي ... سمعت ان الزبدة مفيدة وحلوة للشعر الجاف الله يسلمكم رحت وحطيتها بكمية كبيرة....في نفس الوقت رحت وخذت نسكفيه وسكبتها في شعري ...لا وبعد رحت خذيت كاتشب وحطيتة مع شوية حنة وماي وخلطته .... وحطيته ورحت خذيت طماطم وعصرتها في الخلطة ..
وسكبتها في شعري ..... خليتها مدة تقريبا ساعة ونص .....

تعرفووون ايش النتيجة ؟؟؟؟ بصراحة فتاكة .......

ماطلع لي اي نتيجة ....بس الزبدة سوت لي لمعة حلوة ......:D اتفقنا انكم ماتضحكون علي مو صح ؟؟؟؟

هنادى

03-08-2002, 10:16 PM

كككككككككككككاتشب معقوله

غالية

03-08-2002, 10:25 PM

:) إذا عندكم حل حق شعري أرجوكم لا تبخلون علي
أنا وراي عرس عقب شهور
أنا مشكلة شعري إن فروة الراس دهنية
بس الباقي ناشف ومتقصف
وخفيف
والمشكله ان خطيبي ما يبيني أقص شعري
بااااي بنات

ام كوثر

12-08-2002, 01:24 AM

و الله افكاركم كلش حلوه لان حقا اني ادور على خلطات لزيادة كثافة شعري
حاليا انا استخدم زيت الخروع و شوفه زين و سويت لي خلطة من الحنا و كركديه و نسكافية لتغير لون شعري
لان اشعر بضيق لما اشوفه تغير بعد ما انجبت بنتي
لكن انشاء الله اذا توفرت عندي كل مقادير خلطت اخت الخلود بجربها و اتمنى تنفع

ام كوثر

12-08-2002, 01:31 AM

اخت حبيبت بابا متاكدة ان خلطاتش زينه
ما عندش بعد خلطات لزيادة كثافة الشعر

هنادى

18-08-2002, 05:42 AM

حبيبتي غاليه انصحج تحطين الزبده او المايونيز في المكان المقصف او الخفيف

اكم كلثوم سوي هاذى الخلطه حق كثافه الشعر

سدر بيض وروب مره وحه في لاسبوع وشوفي شعرك بعد شهرين

ذكرى

19-08-2002, 02:09 AM

هلا هنادي

جربت خلطتكي زبده ومايونيز وزيت نارجين

تدرين وش صار:eek:

انزلي شوي
^
^
^
^
^
^
^
^
^
^

صار شعري روعه كانه مسشور تسلمي وانا بستمر عليها الى ان يطول شعري وادعيلك W:

هنادى

19-08-2002, 04:13 AM

شفتي اشلون خلطاتى كلها حلوين

المهم انا امس حطيت حنه حطيت معاها كركدي قهوه( نسكافي ) و شاي
مع ماي طبعا

طلعت رررررررررررررروعه
ملاحضه

تقدرين تحطين قشر الرمان بدلا من الكركدري

القمرا قمر

22-08-2002, 08:26 PM

انا مجرررربه زيت السسسسسدر

هديل

09-09-2002, 09:57 AM

الله الله
ما شاء الله
ايش ذا كله الله اكبر
بسم الله عليكم يا بنات (لك)
اتاريكم منتو هينين ها
كل خلطاتكم رهيييييييييييييبه
الله يعطيكم العافيه

رحلة امل

11-09-2002, 02:24 PM

السلاااام عليكم
انا بالنسبه لي احط النسكافيه والبيض والليمون مع الحنا حلوو مره ويعطي لمعه للشعر
واحيانا احط بقدونس مع الحنا روعه صراحه يغذي الشعر .....

الاء

26-09-2002, 12:53 AM

بسم الله اخواتي الحنه والزيت الزيتون ممتاز للشعر

بنت الزهراء

16-10-2002, 06:28 PM

السلام عليكم ورحمة الله وبركاتة :
افكار مفيدة و رووووووووووووووووعة والان جاء دوري :

وصفتي نتائجها مضمونة انشاء الله وعلى فكرة ان جربت كل الطرق العربيه القديمه والجديدة حتى الطريقة الصوماليه تعرفون ويش هيه

فكرو ؟؟؟؟؟؟؟؟؟؟؟؟

انها

انها

انها

البصل*************

صاعقة صح اعرف فانا مجربه ويارتني ماجربت فاشعري اصبح مثل مثل ..................لاادري تخيلو انتم

اما عن وصفة التي ناسبتني هي :
الحناء مع العسل والزبادي مرة
والحناء مع الجرجير مرتين
الجرجير اعصريه في الخلاطه تم اخلطي به الحناء .
هذة خلاصة تجاربي الطويلة ............

عليمية

21-10-2002, 08:07 AM

مشكورة اختى النجلاء على هالموضوع القيم
وبصراحة انامعك فى نتائج المايونيز رائئئئئئئئئئئئئئئئئعة جدا

اعتدال7

21-10-2002, 11:51 PM

للرفع

نوال 3005

27-10-2002, 06:54 PM

مشكوريين على الوصفات الحلوه واااااااايد

الامام

الثمال

28-10-2002, 08:49 AM

احط مع الحنة شاي مر بس مرة سمعت وحدة بتحط اليفت الاحمر

بنت الشيوخ

18-11-2002, 04:13 PM

تسلمون على المجهود الرائع...
بودي اساعدكم بخلطتي واتمنى من اختي الغاليه انها تجربها لاني انا كان عندي نفس مشكلتها ولما استخدمت هلخلطة انتهت مشكلتي...
الخلطه ومقاديرها:
حزمة بقدونس مجفف ومطحون
2ملعقه كبيره حنا
2ثوم
زيت جرجير
زيت لوز
الطريقة:
تخلط المقادير السابقه وتوضع على النار حتى يبدأ البخار بالظهور وبعدها يعبأ في علب ويوضع بالشمس لمدة يومين .
يوضع الخليط على الشعر لمدة ساعتين مرتين بالاسبوع.

اتمنى انكم تستخدموها لاني انا لي اربع شهور استخدمها والنتائج مره رهيييييييييييبه والكل ملاحظ.

- نواعس دامعة -

18-11-2002, 09:52 PM

بنات جربوا المشاط هو ولد عم الحنا بس هو احسن شي فيه ما يصبغ الشعر مثل الحنا ولا يجففه وفؤائده مثل الحنا واكثر يطول الشعر بسرعه

المهم نصيحه للاخت الي تستخدم يوميا خلطه معينه اقولها يابنت الحلال عطي شعرك فرصه يتنفس ويفرز زيوته الطبيعيه ترا فائدتها له شي ماتتصوريه ابدا

يعني حاولي تكون الخلطات ثلاث اواربع مرات في الاسبوع مو يوميا خلطات وغسل وشامبو ترا يتعب كذا وينضر وتصير النتائج عكسيه

والنصيحه هذي موجهه لكل خواتي هنا :)

تحياتي