الصف الثانى والخامس الابتدائى لغات

[نهى احمد 111]

السلام عليكم
يا جماعة اللى ليها حد فى الصف الثانى الابتدائى والخامس الابتدائى تنضم لهذا الجروب لنكود يد واحدة ونفيد ونستفيد
اللى عندها اى سؤال او اى اقتراح او اى رأى تتفضل معنا

[نهى احمد 111]

انتوا فين يا جماعة

[ام احلى بنتين]

السلام عليكم ورحمة الله وبركاته انا بنتي ثاني ابتدائي اتمنى افيد واستفيد

[dinahahmed]

ازيك نهى
انا عندى ولدين فى اولى وتانية ابتدائى
فى مدرسة القادة ليدرز للغات
يا ريت كمان اللى يدخل يقول ابنه او بنته فى مدرسة ايه

[emanfarrag6]

السلام عليكم ورحمه الله
انا أولادى صف خامس وثالث منهج بريطانى مدرسه المواهب الشارقه وكنت عايزه أسألكم اللى أولادها فى مدارس الإمارات ياريت تقوللى بيدرسوا إيه فى منهج الرياضيات , إحنا فى خامس وصلنا للfractions,improper and mixed بدون أى عمليات يعنى لا جمع ولا طرح وكمان القسمه المطوله على رقم واحد , صف ثالث وصلنا لجدول الضرب لغايه 10 والقسمه على رقم واحد بس مفيش geometry خالص , ياريت تفيدونى عشان أنا حاسه إننا متأخرين عن مناهج مصر كتيروالسلام عليكم ورحمه الله.

[rania 9]

السلام عليكم و رحمة الله :
الاخت DINAHAHMED لو سمحتي عايزة اعرف منك اولادك عاملين ايه في ليدرز ؟؟ انا بافكر انقل اولادي من EELS اوديهم ليدرز لان المدرسة حالها بيسوء جدا .... طمنيني مبسوطة من المدرسة ؟؟ و هل الاولاد بيرجعوا فاهمين دروسهم و بيحلوا الواجب بسهولة و لا بتضطري تساعديهم و تعيدي الشرح خصوصا الماث و الانجليزي ؟؟
و يا ترى دي اول سنة ليكم في ليدرز و لا تاني سنة ؟ و قبل كده كانوا في مدرسة ايه؟؟؟ ارجو اجابتي بشكل وافي لاني عايزة اخد قرار و محتارة جدا ..و جزاكي الله خيرا مقدما

[dinahahmed]

السلام عليكم و رحمة الله :
الاخت DINAHAHMED لو سمحتي عايزة اعرف منك اولادك عاملين ايه في ليدرز ؟؟ انا بافكر انقل اولادي من EELS اوديهم ليدرز لان المدرسة حالها بيسوء جدا .... طمنيني مبسوطة من المدرسة ؟؟ و هل الاولاد بيرجعوا فاهمين دروسهم و بيحلوا الواجب بسهولة و لا بتضطري تساعديهم و تعيدي الشرح خصوصا الماث و الانجليزي ؟؟
و يا ترى دي اول سنة ليكم في ليدرز و لا تاني سنة ؟ و قبل كده كانوا في مدرسة ايه؟؟؟ ارجو اجابتي بشكل وافي لاني عايزة اخد قرار و محتارة جدا ..و جزاكي الله خيرا مقدما

معلش يا رانيا
اسفة انى اتخرت عليكى فى الرد
لسة شايفة سوالك
بالنسبة لليدرز الحمد لله كويسة
الولاد مبسوطين فيها وبيرجعو فاهمين
احنا لسة السنة دى اول سنة
احنا كنا فى مدرسة المصرية الدولية فى المريوطية
احنا نقلنا الترم التانى
فى الاول كنت بعمل معاهم مجهود شوية فى الشرح لاختلاف المنهج فى الانجليش
لان فى حاجات مكنوش واخدينها
وبصراحة المدرسات برضه حاولو يشرحو لهم اللى فاتهم فى الجرامر بالذات
بس عامة المدرسة مستواها كويس
ومهتمين بالانجليش جدا
معلش قولى لى هو ولادك فى مدرسة ايه؟؟

[rania 9]

جزاكي الله خيرا يا dinahahmed على ردك ...انا اولادي في المصرية الانجليزية ...هي كانت كويسة في الاول لكن لما ابتدت تعمل سمعة كويسة ابتدوا يتعوجوا ( و اسفه في اللفظ لكنه معبر عن حالتهم ).. و كمان المدير مشي و صاحب المدرسة مسك الادارة خربها و ماديين جدا ... حتى المدرسات الكويسين ابتدوا يمشوا ...
طيب ممكن تكلميني على اهتمامهم من الناحية الدينية ؟
يا ترى بيعلموا الاولاد اخلاقيات حلوة؟
و بتاخدوا كام حصة قرأن في الاسبوع ؟
و بيحفظوهم كويس و لا اي كلام زي عندنا؟
و بيدوهم مع القران احاديث و اذكار و بيعلموهم اخلاقيات كويسة و لا قران بس؟
و سؤال اخير لما نقلتي اولادك من مدرستهم ده ما اثرش على نفسيتهم؟؟ علشان يعني سابوا اصحابهم و يا ترى عرفوا يصاحبوا اولاد تانيين؟
معلش سامحيني انا تقلت عليكي بس اصل انا محتارة جدا

[dinahahmed]

رانيا انا بس عايزة استفسر منك فى حاجة هى المصرية الانجليزية دى فين
وهل استفسارك بخصوص ليدرز اللى على الصحراوى ولا اللى فى اسكندرية
اصلى شفت لك مشاركة فى مدارس اسكندرية
اصلى بتكلم عن القادة ليدرز اللى على الصحراوى فى القاهرة

[rania 9]

فعلا انا كل ده باتكلم على ليدرز اللي في اسكندرية ...انا اسفه تعبتك معايا جزاكي الله خيرا و ربنا يوفقك و يبارك لك في اولادك

[dinahahmed]

لا ابدا مفيش حاجة انا كان نفسى افيدك بس للاسف مطلعتش هية
وربنا يوفقك ان شاء الله

[جنة78]

يسعدنى المشارركة معاكو لان عندى بنتى فى الصف الخامس بس مش لاقية امتحانات للغات نهائى ومش عارفة الجأ لمين واللة المستعان
ارجو سرعة الرد من اخواتى الاعزاء

[emanfarrag6]

يسعدنى المشارركة معاكو لان عندى بنتى فى الصف الخامس بس مش لاقية امتحانات للغات نهائى ومش عارفة الجأ لمين واللة المستعان
ارجو سرعة الرد من اخواتى الاعزاء

حبيبتى طالما إنت فى مصر عندك كتاب My Teacher منزل مع الكتاب الخارجى ملحق للإمتحانات وملحق للمراجعه العامه ممتاز , إحنا لمل كنا فى مصر كنا بندرس Way Ahead وأنا سمعت إنه منزل كتب تانيه لبقيه المناهج زى Rain Bow وغيرها .
وإذا عايزه الMathعندك كتب كثيرة منزله مراجعه نهائيه , مش عارفه إذا كنت فهمتك صح؟