View Full Version : مدارس...مدارس ..مدارس..الجزء الرابع عشر*** (الترم الثانى 2010)
السلام عليكم ورحمة الله وبركاته
عايزين نبتدى ترم جديد ان شاء الله سعيد علينا كلنا
ويارب يبقى ترم هادى وسلسل ومفيهوش قلق ان شاء الله
نهى احمد 111
22-02-2010, 12:29 PM
السلام عليكم اخواتى الكرام اخيرا عرفت اشارك معاكم بقالى حوالى سنة مش عارفة التسجيل كان معقد جدا
على العموم انا احبكم فى الله
ومتابعة مدارس مدارس من الجزء الاول حتى الان
وجزاكم الله كل الخير
السلام عليكم ومبروك الجزء ال 14
رودي :انا مكتوب على الكتاب الناشر ماكميلان واسم الكتاب فنجر برينت فانا مش فاهمه jump board دي جت ازاي
ده شرح لـ Jump Aboard
http://www.macmillanenglish.com/Course.aspx?id=28330
بصي يا رودي انا بحاول افهم بصي هو الناشر ماكميلان ومطلع كتب اللي شرحتهم مامه ادهم في الفيس بوك
احنا في مدرستنا في ابتدائي نوع الكتاب Jump Aboard للناشر ماكميلان
rody786
22-02-2010, 09:55 PM
لو اخدتي بالك من كلام مارو في المناقشات على الفيس بوك بتاع المدرسة بتقول انه ضعيف
حتى لما انتي علقتي عليها قالت لك ان المنهج هو اللي ضعيف مش التدريس
بيني و بينك انا مش بافهم في الفروق دي اوي، حتى احنا هنا في السعودية في المدارس الانترناشيونال عندنا حاجات تانية زي هاركورت ، و فوريس مان
rody786
22-02-2010, 10:08 PM
اودي بصي انا ما تعمقتش اوي لاني حاليا مش فاضية، بس ما قدرتش ما اشوفش السايت الي انتي باعتاه
تحت كتالوج في children و دي تحتها ال jump aboard و ال footprint و من الكلام فهمت ان ال footprint اقوى، و انه مقسم ل 6levels
اما تحت كتالوج في young children فهتلاقي you and me و ده للاطفال الاصغر و مقسم ل2levels بس يعني اكيد ده ل كي جي و بعد كده ابري هيبقى حاجة تانية يبقى ازاي في جينيس شغالين بيه للكبار؟؟ تفيدنا في كده ام جوري البري بياخدوا ماكميلان ايه؟؟؟
ام جوري قالت You & Me بصي هي مش هتفرق قوي في الكجي المهم ابتدائي
rody786
23-02-2010, 10:18 AM
انا فعلا مش فارقة معايا الكي جي لان بنتي هتدخل بري و عايزة ليها حاجة كويسة و قوية، علشان و رجعت للانترناشيونال تاني في اي سنة ما يبقاش في دروب في الدراسة
rody786
23-02-2010, 11:17 AM
طيب كان عندي استفسار تاني هي مادة ال social بالعربي ولا الانجليزي؟؟
لان ولاد اختي بياخدوها بالعربي و احنا هنا انجليزي فالمصرية و جنيس اخبارهم ايه؟؟
الابراج
23-02-2010, 02:34 PM
السلام عليكم عايزاكم تفدوني في موضوع الحضانات عايزة اسال عن حضانة جني دان وحضانة عالم سمسم اي واحدة احلي واسعارهم ايه
أم جورى
23-02-2010, 02:47 PM
أنا سمعت ان جنى دان رهيبة مش دى اللى فرى كانت مودية فريدة فيها ؟فى مدينة نصر تقريبا
kouky5
23-02-2010, 10:56 PM
السلام عليكم مبروك الجزء 14
السلام عليكم عايزاكم تفدوني في موضوع الحضانات عايزة اسال عن حضانة جني دان وحضانة عالم سمسم اي واحدة احلي واسعارهم ايه
ابراج ادخلي علي اللينك ده وهتلاقي اجابتك باذن الله علي السؤال
ملف شامل للحضانات في مصر
http://www.lakii.com/vb/showthread.php?t=552748
rody786 (http://www.lakii.com/vb/member.php?u=377482) المصريه بالعربي الsocial مانور هاوس بلانجلش وتقريبا مدرسه دار الحنان اللي في اول فيصل
muslium
24-02-2010, 01:08 AM
أهلا يا بنات مبروك الجزء الجديد
_ جزانا و أياكى يا أودى. أصل انا شوفت كتب بيقولوا عليها قويه لكن المدرسين كانوا فى الضياع فالأولاد ما أستفدوش حاجه و العكس
_ رودى ربنا يوفقك للى فيه الخير ان شاء الله المهم صلى أستخاره و أستنى شوفى الترم التانى لسه بدرى
و ال سوشيل عندنا بالعربى و مش عارفه دار الحنان لسه بتديه بالأنجليزى و لا لأ. أما عن جينيس أم جورى ان شاء الله تقولنا
_هانو اللينك شغال أنا جربته جربى فى اوقات مختلفه علشان السيرفر ساعات بيبقى اوفر لودد
http://rapidshare.com/files/354542514/maadi-mokatm.rar.html
muslium
24-02-2010, 01:13 AM
أهلا يا بنات مبروك الجزء الجديد
_ جزانا و أياكى يا أودى. أصل انا شوفت كتب بيقولوا عليها قويه لكن المدرسين كانوا فى الضياع فالأولاد ما أستفدوش حاجه و العكس
حلو أوى السايت بتاع ماكميلان ده جميل فعلا جزاكى الله خيرا
_ رودى ربنا يوفقك للى فيه الخير ان شاء الله المهم صلى أستخاره و أستنى شوفى الترم التانى لسه بدرى
و ال سوشيل عندنا بالعربى و مش عارفه دار الحنان لسه بتديه بالأنجليزى و لا لأ. أما عن جينيس أم جورى ان شاء الله تقولنا
_هانو اللينك شغال أنا جربته جربى فى اوقات مختلفه علشان السيرفر ساعات بيبقى اوفر لودد
http://rapidshare.com/files/354542514/maadi-mokatm.rar.html
نهى احمد 111
24-02-2010, 02:14 AM
يا جماعة من فضلكم مين عندو حد فى سنة خامسة
rody786
24-02-2010, 10:50 AM
rody786 (http://www.lakii.com/vb/member.php?u=377482) المصريه بالعربي الsocial مانور هاوس بلانجلش وتقريبا مدرسه دار الحنان اللي في اول فيصل
شكرا اودي ، دار الحنان ممكن تكون قريبة مني شوية و سعرها متواضع بالنسبة للحاجات التانة بس سمعت عنها كلام وحش، ان مستواها مبقاش زي الاول و في واحدة خريجة منها قالت ان نطق الانجليزي مافيش خالص و انه انجليزي فلاحي
يلا ربنا يعمل اللي فيه الخير للجميع
muslium
24-02-2010, 08:27 PM
رودى أستنينى على اخر الأسبوع ده هديكم التقرير المتين عن المدرسه ان شاء الله بس على الجروب و يمكن أنقله هنا
أم جورى لو سمحتى لى عندك كام سؤال:
1. أسم سلسلة الأنجليزى فى برايمرى عندكم ايه؟
2. عدد حصص الأنجليزى كام حصه فى الأسبوع؟
3. عدد حصص الفرنساوى كام حصه فى الأسبوع؟
4. مواعيد المدرسه من كام لكام؟
5. الولاد بياخدوا كام حصه كل يوم؟
شكرا جزيلا
حبيبتى زينة
25-02-2010, 04:09 AM
السلام عليكم عايزاكم تفدوني في موضوع الحضانات عايزة اسال عن حضانة جني دان وحضانة عالم سمسم اي واحدة احلي واسعارهم ايه
ابراج ..... انا كنت امبارح فى حضانة جنى دان علشان كنت عايزة ادخل بنتى فيها لمدة 3 شهور علشان انترفيو المدارس ان شاء الله .... بصى هيا بتاخد فى الشهر 600 والاتوبيس حوالى 300 ( انا ساكنة فى حدائق القبة يعنى بعيد شوية )
انا ما شوفتش عالم سمسم بس فى ناس بتقول غالية ومش قوى ...بس بالأمانة انا ماشوفتهاش ...
انا رحت كمان حضانة اندر 5 اللى فى مصر الجديدة ... مصاريفها 800 والباص 250 جنيه ... وبالنسبة لبنتى علشان عندها 4 سنين فهما حطين للسن ده منهج عبارة عن 5 كتب ب100 جنيه غير مصاريف الابليكيشن ... ( مصاريف الكتب والابليكشن بيدفعوا مرة واحدة بس )
نهى احمد 111
25-02-2010, 06:55 AM
يا جماعة ارجوكم اريد نصائحكم ابنى فى الصف الخامس الابتدائى هو ذكى لكن لا يحب المزاكرة واحاول بكل الطرق واريد نصائحكم الغالية
انا فى مدرسة الواحة للغات
أم جورى
25-02-2010, 08:38 AM
رودى أستنينى على اخر الأسبوع ده هديكم التقرير المتين عن المدرسه ان شاء الله بس على الجروب و يمكن أنقله هنا
أم جورى لو سمحتى لى عندك كام سؤال:
1. أسم سلسلة الأنجليزى فى برايمرى عندكم ايه؟
ماكميلان بس اسم السلسة مش عارفة دورت على الكتاب مفيش اسم زى يو اند مى كدة هو ماكميلان بس اعرف منين لو تعرفى
2. عدد حصص الأنجليزى كام حصه فى الأسبوع؟
كل يوم ماعدا يوم واحد حصتين فى اليوم
3. عدد حصص الفرنساوى كام حصه فى الأسبوع؟
تصدقى مش متأكدة برضو هأكدلك لما ترجع
4. مواعيد المدرسه من كام لكام؟
الباص بيجى 7 وبيرجعوا 2ونص وفى الجدول الحصة بتبدأ 8 وربع واخر حصة نهايتها 1 ونص
5. الولاد بياخدوا كام حصه كل يوم؟
الكى جى 8 حصص وبياخدو الانجلش كل يوم حصتين
والبرى 8 برضو
شكرا جزيلا
العفو يا جميل
أم جورى
25-02-2010, 08:41 AM
يا جماعة ارجوكم اريد نصائحكم ابنى فى الصف الخامس الابتدائى هو ذكى لكن لا يحب المزاكرة واحاول بكل الطرق واريد نصائحكم الغالية
انا فى مدرسة الواحة للغات
بصى لو هو ذكى ولماح تبقى المذاكرة مش مقياس أنا سمعت دكتور بيقول لو الطفل ذكى ومش بيحتاج مجهود علشان يفهم سيبيه ما تضغطيش عليه
يعنى لو هو بيجيب درجات كويسة فى امتحاناته وبيتجاوب معاكى لو سألتيه خلاص
انتى تقصدى بايه انه مش بيحب المذاكرة ؟؟؟؟؟؟؟؟؟ظ لأن بنتى كدة هى بتفهم فى المدرسة ماشاء الله ومش بتحب تمسك كتاب كدة وتقعد تحفظ وتذاكر يعنى مش بتقعد ساعتين على بعض فى مذاكرة انما الواجبات لازم منها
أم جورى
25-02-2010, 08:43 AM
اودي بصي انا ما تعمقتش اوي لاني حاليا مش فاضية، بس ما قدرتش ما اشوفش السايت الي انتي باعتاه
تحت كتالوج في children و دي تحتها ال jump aboard و ال footprint و من الكلام فهمت ان ال footprint اقوى، و انه مقسم ل 6levels
اما تحت كتالوج في young children فهتلاقي you and me و ده للاطفال الاصغر و مقسم ل2levels بس يعني اكيد ده ل كي جي و بعد كده ابري هيبقى حاجة تانية يبقى ازاي في جينيس شغالين بيه للكبار؟؟ تفيدنا في كده ام جوري البري بياخدوا ماكميلان ايه؟؟؟
سورى يا جميلة انا كان قصدى يو اند مى للكى جى طبعا على أساس انك بتسألى للكى جى انما البرى مش يو اند مى خالص
أم جورى
25-02-2010, 08:57 AM
الريبورت الأسبوعى للمدرسة فى التيرم التانى :
لحد دلوقتى ماشاء الله انا شايفة ان المدرسة هايلة
الباص بالدقيقة فى ميعاد الصبح وميعاد الرجوع
الدراسة فى الكى جى شغالين مراجعة فى العربى
الانجلش بدأوا ياخدوا جمل
الساينس أورال
المشكلة بس فى كم القراّن اللى بياخدوه مش الكتاب الأساسى لأ ربع ساعة
التحفيظ بتاعة الصبح اللى قبل الحصص
الأكتيفيتى جميلة بيدخلوا الولاد المطبخ ويعملوا بنفسهم حاجات والولد مبسوط
اوى بيه والأكتيفتى بيتغير كل اسبوع مرة مطبخ مرة ركوب خيل مرة يخرجوا فى مكان
بالنسبة للبرى
الدراسة تمام جدا
العربى بداوا يعملوا سيرش على النت تابع للدروس اللى فى الكتاب يعنى مثلا أول
درس عن التليفون طلب المدرس يعملوا سيرش بنفسهم ويكتبوا مقال عن مخترع
التليفون
وباقى المواد كويسة مفيش مشكلة لحد دلوقتى
وبصراحة السنة دى جايبين مدرسين حلوين وبيبذلوا مجهود جامد مع الولاد
خصوصا الماث لأنه كان واقع السنة اللى فاتت اوى وكنت بعانى منه
الأكتيفيتى كويس ورجعوا نشاط السياحة فى التيرم التانى لانهم لغوه فى التيرم
الأول علشان أنفلونزا الخنازير
بصفة عامة كدة اديهم جيد جدا
بس فى مشكلة ألا وهى الاختلاط والبنات فى برى 3 وتفكيرهم أكبر بكتير يعنى
الخوف مش من الولاد بس لأ البنات كمان وده اللى بيخلينى ارجع لنفس الفكرة
انى انقلها مدرسة بنات بس للأسف المدرسة الوحيدة اللى ترضينى فى المنطقة
هى الهدى اللى فى أكتوبر ودى غالية ولو نقلتها هتبقى لوحدها من غير أخوها
الجديد فى المدرسة
السايت بتاعهم شغال دلوقتى وتم تحديثه بصورة كويسة
http://www.geniuslanguageschool.com/
المدرسة أصدرت مجلة شهرية ظريفة جدا فيها أخبار المدرسة والانشطة والطلاب
المثاليين و صور تكريم الأطفال المتميزين فى حفظ القراّن
nashwa1
25-02-2010, 09:37 AM
ما شاء الله
ربنا يكملها على خير يا جوجو
ومبروك الجزء الجديد
dodo_09
25-02-2010, 11:16 AM
مبروك الجزء الجديد يا جماعة
ام جورى.. هى الهدى اللى فى اكتوبر هى معهد الهدى للغات الازهرى..و ايه رايك فى المدرسة ده
dodo_09
25-02-2010, 11:18 AM
بالنسبة للحضنات اندر فايف اللى فى مدينة نصر كويسة جدا و كمان فى فرع فى مصر الجديدة
معلش ياجوجو اكتبي السنه الدراسيه يعني كجي 1 ولا 2 والبريمري سنه كام
بصي احنا عندنا في المصريه الدوليه
هما في الترم الاول خلصو :
العربي: كل الحروف.
الانجلش: كل الحروف.
مجموعه من الاغاني.
الماث: من 1: 10 بالعربي والانجلش.
الاشكال الاكبر والاصغر.
الدين: ادعيه الحفظ
قران: الى سوره القارعه
عملوا حفله العام الهجري بس ابني محضرهاش عشان كنت مغيباه
ودي احلى حاجه فيهم انهم مبيحتفلوش غير بالعيدين وراس السنه الهجريه ومولد النبوي وبتشاركي يا ببيتزا - كيك - تورته - او بلونات او زينه للتعليق او عصير بس طازج
الترم الثاني:
العربي بيرجعوا براحه وبيعيدوا المنهج بشويش. بالاضافه الى صوت الحرف.
الانجلش: نفس الحكايه ، بالاضافه الى تعليم النطق "phonetic"
القران: بيرجعوا براحه.
عملوا حفله المولد النبوي النهارده والمشاركه زي ما قلت سابقا وارسلت بيتزا وكيكه وبسبوسه
noga76
25-02-2010, 02:30 PM
مبروك الجزء الجديد
جوجو, مسلم ,اودى,دودو عاملين ايه فى الترم
نوشااااااااااا واحشانى
اخبار الترم التانى معاكى ايه؟ شوفتى موضوع الاكتيفيتيز هتشتركى لمحمد فى حاجه؟ انا بفكر اشترك لكريم فى حفظ القرآن ان شاء الله.
شوفتى كمان موضوع انهم يعلموهم يكتبوا كلمات بالانجليش من 3 حروف !!! حاسه انه كتير على كاجى 1 ؟!!!
nashwa1
25-02-2010, 03:54 PM
نوجا انتى وحشانى اكتر
كتير طبعا على كى جى 1 الكلام ده
ده تهريج
والاكتيفيتى محمد هو اللى قالى عاوز القران
هقرر ان شاء الله النهارده
muslium
25-02-2010, 04:21 PM
يا جماعة ارجوكم اريد نصائحكم ابنى فى الصف الخامس الابتدائى هو ذكى لكن لا يحب المزاكرة واحاول بكل الطرق واريد نصائحكم الغالية
انا فى مدرسة الواحة للغات
نهى ربنا يعينك
الموضوع عاوز صبر
انتى محددتيش هو مش بيذاكر و لا مش عايز يذاكر أكتر
ما يمكن هو بيقدر يخلص بسرعه مش لازم يقعد و قت كتير
على العموم جربى طريقه الثواب و العقاب و بتبقى عن طريق أعطاءه او السماح له بعمل حاجه بيحبها لما ينجز اللى وراه او منعه او حرمانه من حاجه يهتم بيها لما ميعملش اللى وراه
و الأسلوب ده علشان يؤتى ثماره لازم يبقى مع حب شديد بالكلام و اللمسات و الأبتسامات
ممكن حتى و انتى بتعقبيه تبقى مبتسمه ابتسامه تأسف على ما يحدث و فى نفس الوقت يبقى فى حزم يعنى مهما عيط او أتحايل مينفعش اللى اتفقنا عليه نلتزم بيه
و أقول حزم و ليس شده و فى فرق كبير بين الأتنين
و حاولى تحببيه فى كتبه و حاجته أقعدى جنبه شويه و هو بيذاكر أثنى على الأنجاز اللى بيعمله أفرحى اوى انتى و باباه و باركوله لما يخلص حاجه وراه يعنى حسسيه بأهمية اللى بيعمله
و ان ديه مش مجرد مذاكره ده مستقبل كامل و فهميه أهميه العلم ودور العلماء فى الأمه و أشرحيله أحاديث الرسول عليه الصلاه و السلام فى فضل العلم و ثواب المتعلم و ضرورة أتقان العمل
و كمان مهم اوى تفهميه ان ربنا خلقنا لأعمار الأرض و أستخلفنا فيها هنعمرها أزاى و أحنا جهله
كل ده بطريقه سلسه و بسيطه و مفيهاش تأنيب أكتر منها مناقشه عامه ممكن تشتركوا فيها جميعا على الغداء مثلا او انتى و هو فى لحظات صفا
و طبعا كل ده مش فى نفس اليوم لأ خليه كل يوم حبه حبه لحد مع الوقت يدرك أهمية اللى بيعمله حتى و ان لم يتقبله ميه فى الميه
أصبرى و كررى لحد ما عقله الباطن يتشرب الكلام ده و يبقى اسلوب حياته كلميه و هو نايم العلماء بيقولوا ان الطريقه ديه فعاله جدا فى توجيه العقل الباطن نحو الكلام اللى بيتقال و بالتالى بيتبناها العقل الواعى
و أولا و أخيرا أدعى الله فى الصلاه انه يبارك فيه و يكون عمل صالح فى الدنيا و الأخره و يعينك على تربيته و تقدميه رجل نافع للأمه
و الكلام اللى قلته كله من قبيل الأخذ بالأسباب
انا اسفه طولت عليكى اوى بس انا بحب الموضوع ده و مهتمه بيه بشكل خاص علشان شايفه ان هو ده السبيل الوحيد لنهضة الأمه بأذن الله
و فقكى الله لخير ما يحب و يرضى و بارك لكى فى ولدك
أختك مسلمه
muslium
25-02-2010, 04:27 PM
_ ام جورى شكرا يا حبيبتى على الرد بصى صورى الكتاب من قدام و حطى الصوره يمكن نقدر نعرف اسم السلسله ايه :)
و جميل اوى اللى المدرسه بتعمله ما شاء الله يا رب دايما
بس مش انتى قلتى انهم بيفصلوا الولاد عن البنات فى برى 4؟ ايه الجديد مبقوش يفصلوا؟
_ نوجا عامله ايه يا جميله و حشانى كتير
و يا رب تيرم جديد و سعيد و مفيد لينا جميعا ان شاء الله
sadina
25-02-2010, 05:39 PM
مساء الخير يا بنات..عاملين ايه؟؟؟ انا دخلت هنا عشانكم وحشتوني...يا رب يكون الترم التاني افضل من الاول...
noga76
25-02-2010, 08:02 PM
سادييييييييييييييييينا
اهلا بيكى منورة
انا كمان اول مرة ادخل النهارده من زمان اوى
noga76
25-02-2010, 08:07 PM
نوشا طيب انتى عارفه القرآن هيكون كل خميس من 2 ل 4 ؟؟؟؟
و هيرجع فى نفس الباص و لا ايه؟؟
و ايه الى المنهج الى مفروض يخدوه ؟؟
noga76
25-02-2010, 08:11 PM
شايفين الجو عامل ازاى؟؟؟؟؟؟؟؟!!!!!
مطره و برق و رعد ............
kouky5
25-02-2010, 08:39 PM
نوجا ونوشا وسادينا ودودو مسلم اودي وام جوري كلكم وحشتوني
ترم سعيد يارب
نوجا ايه موضوع الكلمات ده احنا لسه بيعملوا معانا مراجعة علي اللي فات ويمكن الاسبوع اللي جاي نعرف جديد ...بس موضوع كلمة من 3 حروف اعرف انهم بياخدوه فقط في اخر السنة علي بسيط لكن في اول الترم دي غريبة جدا.... المفروض ان ده اساسا منهج جي كي 2
بالنسبة للاكتيفيتي اشتركت لكريم في الباسكيت والحمد لله راجع مبسوط قوي لات الاولاد بالذات عايزين حركة كتير علشان مايزهقوش ... انا فكرت الاول في تحفيظ قران او رسم وكمبيوتر بس المدرسة نصحت بالباسكيت وفعلا سالت امهات كتير قالوا انه ولادهم مبسوطين فيه
noga76
25-02-2010, 09:14 PM
كوكى انتى كمان وحشانى اخبارك ايه فى الترم الجديد ؟
احنا معندناش باسكيت عندنا (كرة قدم - جيم - آرت _قرآن _ كارتيه)
و انا اساسا مشتركاله فى النادى سباحه من اول اجازة نص السنة
عشان كده بفكر فى القرآن ان شاء الله
noga76
25-02-2010, 09:17 PM
كوكى هما برضو لسه فى المراجعه بس بعتوا ورقه طالبين فيها كراسة انجليش عشان الموضوع ده
نهى احمد 111
25-02-2010, 11:46 PM
شكرا اختى مسلمة على هذا الرد الرائع وان شاء الله هنفذه
نهى احمد 111
25-02-2010, 11:47 PM
جزاكى الله خيرا ام جورى على الرد
ووفقنا الله لما فيه الخير
sadina
26-02-2010, 12:25 AM
اهلا كوكي ونوجا. وكل البنات.انا لسه مش عارفة ادخلها ايه...حكايه الكلمات ده غريبة شوية وحتبقى صعبة خصوصا انهم لسه ما خلصوا كل الحروف لما نشوف حيعملوها ازاي...
الابراج
26-02-2010, 12:50 AM
ام زينة طيب انتي مقلتيش رايك ايه في حضانة جني دان لما شوفتيها
muslium
26-02-2010, 01:45 AM
شكرا اختى مسلمة على هذا الرد الرائع وان شاء الله هنفذه
العفو حبيبتى انا فى الخدمه :)
حبيبتى زينة
26-02-2010, 06:04 AM
ابراج ..... بصى هيا ام فريدة معانا فى المنتدى كانت شكرت فيها ... انتى اول ماتدخلى الحضانة فى الريسبشن ممكن تحسي انها مهرجلة شوية ... بس انا لما دخلت جوة لقيتها منظمة يعنى لكل سن كلاس لوحده ونظيفة
ودخلت الكلاسات وفى كل واحد كان فى 2 تيتشر مع ان عدد الولاد كان قليل يعنى مابيزيدوش عن 10 .. وفى جاردن حلوة فيها لعب كيتر (كمان اكتر من اللى فى اندر 5 ) وفى اوده تانية كمان للعب والحمامات نظيفة والمطبخ كمان ...
وفى كلاس السن الكبير اللى ما بين 3 و4 كان فى مدرسة القرآن وكانت بتحكى للولاد قصة والولاد كانو مشدودين جدا لدرجة انهم محسوش بينا لما دخلنا
وعرفت ان الاكل كان بيبقى فى مكان واحد لكل الكلاسات بس بعد موضوع الانفلونزا بقى كل سن بياكل فى الكلاس بتاعه
بصى انا نويت ان شاء الله اودى بنتى من اول 3 .. لمدة 3 شهور بس علشان تبقى جاهزة لانترفيو المدراس فى شهر 6 .. وهما كانو قالولى ان قبل اى انترفيو باسبوع ابلغهم علشان تيتشر الكلاس تقعد مع زينة وتأكد على الحاجات اللى ممكن تقابلها فى الانترفيو
انت عندك ولد ولا بنت ؟؟وسنةكام ؟؟؟
نسيت اقول للجميع .... الحضانةعاملة زى معرض صغير للمدارس فى شهر مارس
dodo_09
26-02-2010, 01:01 PM
بنات المصرية.. ازيكم وحشنى اوى..كوكى سادو نوجا نوشا تافى ..عاملين ايه فى الترم التانى
sadina
26-02-2010, 01:35 PM
اهلا يا دودو عاملة ايه؟؟ وحشتيني...كنت عاوزة اسألك هي بنتك كانت بتاخد السنة اللي فاتت كلمات انجليش؟؟ وكنت انت بتعلميها الكلمات او هم اللي بيدربوها عليهم في المدرسة؟؟ انا اقصد كلمات انجليش كتابة وقراءة هم بدأوا معانا كلمات من 3 حروف...
تافي فين مش باينة؟؟؟
مسلمة ربنا يبارك لك المجهود الرائع...
الابراج
26-02-2010, 05:02 PM
حبيبتي زينة
انا عندي يارا هتم ي اكتوبر الي جاي ان شاء الله 3 سنين و3 شهور فانا كنت بفكر هوديها بيبي كلاس بس بصراحة حسيت انها صغيرة جدا اني اوديها كل يوم المدرسة فحسيت انهى احسن اوديها حضانة نضيفة 3 ايام في الاسبوع يعني ممكن اوديها او اقعدها بمزاجي مش ادفع 7 وله 8 الالف جنيه وبعد كده مودهاش غير كام شهر
يا حماعة ممكن حد يفيدنى اعرف ازاى ان المدرسة كويسة ولا؟ وابة المعدل الكويس لمنهج الkg علشان اقدر اعرف لما اسال المدرسة؟
أم جورى
26-02-2010, 08:25 PM
السلام عليكن
نوشا وسادو ونوجا ودودو ومسلمة واودى وكوكى والاعضاء الجداد منورين التيرم التانى يارب يكون خير ان شاء الله
مسلمة يا قمر انا هتأكد من موضوع الفصل علشان بنوتى بتقول انه كله على بعضه
الفرنش مرتين فى الاسبوع
الكتاب كل اللى مكتوب a masterclass macmillan english language book أنا فحصت كويس والله
دودو مدرسة الهدى اللى فى اكتوبر كويسة جدا وأنا كنت اتكلمت عنها قبل كدة
janjuna
27-02-2010, 12:38 AM
السلام عليكم ورحمة الله و بركاته
أولا أريد أن أشكركم جدا
أنتم فعلا ما شاء الله جروب جميل و أنا سعيدة أني مشتركة معاكم و أنكم بتساعدوا بعض و محدش بيبخل على حد بأي معلومة و أنا أستفدت منكم كتيير
و مبسوطة أن كلكم رجعتو و سادينا معلش أنا كنت عايزة أشكرك من زمان على نصيحتيك ليا لمدرسة المصرية بس الحمد لله على رجوعك
و أنا قريت رد "مسلمة " الجميل لأحدى الأخوات ربنا يجازيكم خيرا
فشكرا ليكوا و أدعو لنا علشان تقديم المصرية خلاص قرب و ربنا يخليلنا أولادنا و يحفظهم
DODY1778
27-02-2010, 12:42 AM
ممكن اسأل يا جماعه هن منهج :برايت ستار فى اللغه الانجليزيه حد يعرف عنه حاجه؟؟؟
و كمان سؤال معلش : هو التقديم فى المدارس التجربيه لازم يكون داخل المربع السكنى و لا مش شرط؟؟؟؟
muslium
27-02-2010, 12:43 AM
السلام عليكن
نوشا وسادو ونوجا ودودو ومسلمة واودى وكوكى والاعضاء الجداد منورين التيرم التانى يارب يكون خير ان شاء الله
مسلمة يا قمر انا هتأكد من موضوع الفصل علشان بنوتى بتقول انه كله على بعضه
الفرنش مرتين فى الاسبوع
الكتاب كل اللى مكتوب a masterclass macmillan english language book أنا فحصت كويس والله
دودو مدرسة الهدى اللى فى اكتوبر كويسة جدا وأنا كنت اتكلمت عنها قبل كدة
جزاكى الله خيرا ام جورى
متهيألى سلسلة الأنجليش ديه اللى هى اسمها ماكميلان مش مجرد الناشر بس و ماشاء الله اسمع ناس بيقولوا عليها حلوه اوى ربنا يباركلك يا رب
muslium
27-02-2010, 12:48 AM
اهلا يا دودو عاملة ايه؟؟ وحشتيني...كنت عاوزة اسألك هي بنتك كانت بتاخد السنة اللي فاتت كلمات انجليش؟؟ وكنت انت بتعلميها الكلمات او هم اللي بيدربوها عليهم في المدرسة؟؟ انا اقصد كلمات انجليش كتابة وقراءة هم بدأوا معانا كلمات من 3 حروف...
تافي فين مش باينة؟؟؟
مسلمة ربنا يبارك لك المجهود الرائع...
أهلا سادينا ربنا يباركلك يا رب و جزاكى الله خيرا على الكلام الجميل ده :)
أم جورى
27-02-2010, 01:15 AM
جنجونة لا شكر على واجب يا قمر ومنورانا
مسلمة ربنا يباركلك فى بنوتك يارب وتشوفيها أحسن بنوتة فى الدنيا
منهج برايت ستار بيتهيألى سمعت انه صعب أو بمعنى أوضح منهج نظرى أوى مش فيه تشويق
muslium
27-02-2010, 02:36 AM
تقيمى لأول أسبوع فى التيرم الثانى:
حاسه فى أنتظام و ألتزام افضل من التيرم الأول
_ العربى ميس أمينه كويسه الحمد لله
_الماث ميس جديده لكن كويسه الحمد لله فى نفس مستوى الميس اللى مشيت
_الفرنساوى ميس أيناس كويسه جدا
_الساينس مستر سرحان جديد لأن ميس مرفت تقريبا مشيت كويس الحمد لله
_الدراسات مستر أيهاب ممتاز و البنات بيحبوه اوى الحمد لله
_اما بقى الأنجليزى فأخيرا و لله الحمد جاءت نيس جديده ميس دينا الى الأن ممتازه الحقيقه بتعملهم ليسيننج و بتخليهم يقروا و بتعملهم ديكتيشن و بتكلمهم أنجليزى علطول غير نطقها رحمه بتقولى حلو اوى و كمان بتشجعهم لسه رحمه واخده شيكسو النهارده ههههه
الحمد لله يا رب تفضل كده علطول و تستمر
كده و لله الحمد تعليميا المدرسه أديها عشره على عشره
كمان فى ملحوظات جديده ميس عزه الأسيستنت بتدخل كل يوم تشوف الدايرى بتاع البنات كتبوا فيه الواجب و لا لأ و ساعات ميس عبير هى اللى بتعمل كده بنفسها و بتديهم واجبات من الكتب الخارجيه
بالنسبه للأنشطه:
_ البى اى ممتاز الحقيقه التيرم اللى فات و التيرم ده و الكابتن بيديهم كاراتيه من غير اشتراك و لا حاجه قصدى اقول انى مش مشتركه ليها فى حاجه بفلوس مع انى سألتهم فى المدرسه بس قلولى لسه منزلناش حاجه
_ الرسم عادى بيرسموا و خلاص مرتين تقريبا فى التيرم الأول اللى عملوا اعمال فنيه
_ الأقتصاد بياخدوه بأنتظام لا بأس به
_ الميوزك أبتدوا ياخدوا التيرم ده لكن بيقعدوا يغنوا فقط مش بيدربوا على الالات او يمكن لسه هيدربوهم الله اعلم
_ يتبقى الكمبيوتر و تحفيظ القرأن
و الأتنين مفيش أهتمام كافى بيهم للأسف و ديه أكتر نقطه سلبيه فى الأنشطه
لسه مفيش مدرس للقرأن و مبياخدوش كمبيوتر
ده تقريرى عن الأداء
هقول يعض الملاحظات الأخرى علشان الجداد يستفيدوا معانا و يعرفوا يقيموا المدرسه :
_ 9 حصص كل يوم من 8 الى 2 و نصف
_ حصص الأنجليش يوميه و حصتين كل يوم و ده معدل عالى
أسم السلسله جامب ابورد 3 كتب
student book + work book + grammer book
بالأضافه الى
story + comperhension book
_ حصص الفرنساوى 4 حصص فى الأسبوع بواقع حصه كل يوم ماعدا يوم واحد و الولاد انا شايفه ان مستواهم حلو فى الفرنساوى و مكتفيه تماما بالمدرسه نظرا لأنى مبعرفش فرنساوى خالص
_ال ماث كل يوم حصه
_ال ساينس 3 حصص فى الأسبوع لكن المستر بيدخلوهم اكتر من كده شبه يوميا
_العربى حصتين كل يوم
_القرأن 3 حصص فى الأسبوع
_البى اى حصتين فى الأسبوع و ساعات بينزلوا اكتر لو فى حصص احتياطى
فى فصل بين الأولاد و البنات متهيألى من اول بريمرى وان
فيه سمت دينى و أخلاقى واضح و لو ان بعض المدرسات بيلبسوا ضيق الى حد ما و بيحطوا مكياج
الباص منتظم و لله الحمد و مفيش مشاكل مع انى مدتش المشرفه اى فلوس او هدايا هى ماشاء الله عليها كويسه اوى و اسمها ميس جيهان
فى شيتس بتنزل بشكل دورى مع كل ماده و فى كويزات و فى اخر التيرم بيدوا ملزمه أسئله تغطى اجزاء المنهج كله
الأمتحانات بتاعة الوزاره بتيجى من بره المدرسه و ده بيخليكى تقيمى مستوى ابنك او بنتك بشكل عادل
الحمد لله البنت بتحب المدرسه و بتحب صحباتها و فى مدرسين بتحبهم اكتر من مدرسين و ده طبيعى .
لو فى مشاكل مع اى مدرس او مدرسه البنات بيقدروا يوصلوا لميس عبير بسهوله و يقولولها على اللى مضايقهم و هى بتتخذ اللازم
ده تقيمى الى الأن للمدرسه و طبعا لمرحلة البرايمرى فقط و يا رب تستمر من احسن لأحسن أحنا مش عايزين غير الخير لأولادنا و مجتمعنا
و أذا أتصلحت حتة القرأن و الكمبيوتر يبقى بصراحه كل حاجه تمام اوى و الفضل و المنه لله سبحانه و تعالى
أدعوا معايا و قولوا يا رب تفضل مستواها من احسن لأحسن و يرزقنا بمدرسين كويسين دايما يااااااا رب
أمين
حبيبتى زينة
27-02-2010, 03:01 AM
حبيبتي زينة
انا عندي يارا هتم ي اكتوبر الي جاي ان شاء الله 3 سنين و3 شهور فانا كنت بفكر هوديها بيبي كلاس بس بصراحة حسيت انها صغيرة جدا اني اوديها كل يوم المدرسة فحسيت انهى احسن اوديها حضانة نضيفة 3 ايام في الاسبوع يعني ممكن اوديها او اقعدها بمزاجي مش ادفع 7 وله 8 الالف جنيه وبعد كده مودهاش غير كام شهر
ما شاء الله ولا قوة إلا بالله ..... ربنا يخليلهالك
فعلا الاحسن انك توديها حضانة وممكن توديها نظام النص شهر ....
انا عملت كده لزينة السنة اللى فاتت بس وديتها شهرين بس وبعد كده قعدتها علشان كنت بولد ومن ساعتها قعدت فى البيت ودى كانت اكبر غلطة لانى دلوقتى كل المدارس اللى ناويه اقدم فيها ان شاء الله سمعت ان الانترفيو بتاعها صعب وعلشان كده لازم اركز معاها الشهرين دول
انتى وديها حضانة من دلوقتى احسن علشان على السنة اللى جاية ان شاء الله تبقى عندها حصيلة كويسة حتى لو كانت بتروح نص شهر ...
أم جورى
27-02-2010, 06:45 PM
يا حماعة ممكن حد يفيدنى اعرف ازاى ان المدرسة كويسة ولا؟ وابة المعدل الكويس لمنهج الkg علشان اقدر اعرف لما اسال المدرسة؟
أهلا بيكى أولا وان شاء الله ربنا يوفقك
بالنسبة لموضوع ازاى تعرفى المدرسة كويسة ولا لأ ده يتوقف على حاجت كتير ومقاييس ممكن تختلف من حد لتانى يعنى ناس بتهتم بالشكل والمضمون وناس يهمها المضمون بغض النظر عن الشكل بس المتفق عليه ان المدرسة لازم مستواها التعليمى يكون كويس
المنهج يكون قوى واحنا قلنا أفضل مناهج مدارس اللغات ماكميلان وبرايت ستار
نضافة المدرسة مهمة جدا
الأنشطة والاهتمام بيها ده كمان مهم اوى
ولازم تعملى اتصالاتك وتجمعى معلوماتك عن المدرسة سواء من النت او انك
تنزلى بنفسك وتقابلى أولياء أمور وتسألى عن كل المراحل لأن الطبيعى ان الكى
جى بيكون فيه اهتمام كبير انما لما بيطلعوا البرى بتبدا المشاكل تظهر
منهج الكى جى على حسب ذاكرتى
بياخدوا الحروف العربى والانجلش والأرقام من 1 ل50 تقريبا
وأكيد اللى أولادهم فى كى جى 1 هيفيدوكى أكتر منى فى الموضوع ده
أم جورى
27-02-2010, 06:47 PM
مسلمة ماشاء الله لا قوة بالله كدة كويس اوى يارب تستمر على كدة والأفضل من كدة كمان
rody786
27-02-2010, 09:38 PM
السلام عليكن
نوشا وسادو ونوجا ودودو ومسلمة واودى وكوكى والاعضاء الجداد منورين التيرم التانى يارب يكون خير ان شاء الله
مسلمة يا قمر انا هتأكد من موضوع الفصل علشان بنوتى بتقول انه كله على بعضه
الفرنش مرتين فى الاسبوع
الكتاب كل اللى مكتوب a masterclass macmillan english language book أنا فحصت كويس والله
دودو مدرسة الهدى اللى فى اكتوبر كويسة جدا وأنا كنت اتكلمت عنها قبل كدة
السلام عليكم
ازيك ام جوري ؟
باقول لك هو الكتاب بتاع بنتك هو اللي في اللينك ده
http://www.macmillanenglish.com/course.aspx?id=28396&producttypeid=28234
او ده
http://edition.tefl.net/reviews/a-masterclass-in-primary-english/
لان لو كده فعلا الكلام اللي عليه انه من اقوى الكورسات
انا برضه لما سألت اختي عن المنهج بتاع ولادها في مصر الحديثة 2000 قالت لي انه ماكميلان ماكميلان قلت لها مفيش اسم اي حاجة تانية عليه سيريز منه يعني زي جامب ابورد و واي اهيد و الحاجات دي قالت لي لأ يمكن يكون هو هواه
كنت عايزة اسألك 2 حصة فرنساوي دي للكي جي و لا للبري؟ لان في المصرية على كلام مسلمة 4 حصص في الاسبوع و ده فرق كبير.
و يا ريت لو تعملي لنا تقرير من وقت للتاني عن الدراسة و المدرسة و النشاطات علشان نقدر دايما نقيم المدارس انا عارفة ان فيها تعب بس ربنا يجعله في ميزان حسناتك، و معلش لو تبقي تحددي الكلام عن الكي جي ولا عن البري علشان مش نتلخبط
و جزاكم جميعا الله خير
السلام عليكم وعلى الجميع نوجا وسادينا ونوشا وام جوري ومسلمه وابراج ورودي وكل الامهات الجداد
ياريت يامسلمه تنظيما للموضوع تحطي تقيمك في اللنكه دي وزي بردو ما تحبي
واي حد هيقيم مدرسته تبقى اللنكه مخصصه للتقيمات مجمعه
http://www.lakii.com/vb/showthread.php?t=616617
وياريت تدخلوا اللنك وتعدلوا الاسئله لو محتاجه تعديل وكمان تحطوا اسئله جديده مجمعه بحيث تسهل على الكل ان شاء الله
أم جورى
28-02-2010, 08:31 AM
السلام عليكم
ازيك ام جوري ؟
باقول لك هو الكتاب بتاع بنتك هو اللي في اللينك ده
http://www.macmillanenglish.com/course.aspx?id=28396&producttypeid=28234
او ده
http://edition.tefl.net/reviews/a-masterclass-in-primary-english/
لان لو كده فعلا الكلام اللي عليه انه من اقوى الكورسات
انا برضه لما سألت اختي عن المنهج بتاع ولادها في مصر الحديثة 2000 قالت لي انه ماكميلان ماكميلان قلت لها مفيش اسم اي حاجة تانية عليه سيريز منه يعني زي جامب ابورد و واي اهيد و الحاجات دي قالت لي لأ يمكن يكون هو هواه
كنت عايزة اسألك 2 حصة فرنساوي دي للكي جي و لا للبري؟ لان في المصرية على كلام مسلمة 4 حصص في الاسبوع و ده فرق كبير.
للبرى وممكن يكون عند مسلمة أكتر لأن بنتها أكبر وكمان ممكن يكون بقى مادة أساسية لأنه عندنا كانوا بياخدوه أورال وبرى 2 و3 بقى ريتين
و يا ريت لو تعملي لنا تقرير من وقت للتاني عن الدراسة و المدرسة و النشاطات علشان نقدر دايما نقيم المدارس انا عارفة ان فيها تعب بس ربنا يجعله في ميزان حسناتك، و معلش لو تبقي تحددي الكلام عن الكي جي ولا عن البري علشان مش نتلخبط
و جزاكم جميعا الله خير
ايوة يا قمر هو ده الكتاب بتاعنا اللينك الأول بس ده بتاع برى 1 أنا أول مرة اعرف المعلومة دى على فكرة ماكنتش باخد بالى انه سلسلة ولا لأ
يبقى كدة جينيس فى كى جى يو اند مى
البرى ماكميلان
وحاضر هقول التقرير دايما مفيش تعب ولا حاجة
dodo_09
28-02-2010, 09:34 AM
سادينا انتى وحشانى اكتر...بالنسبة للكلمات مكنشى فيه قراءة السنة اللى فاتت ..السنة ده فيه طبعا كتابة و قراءة كلمات من 3 حروف يعنى بيخدو منهج فونكس زى:words ending with at
like cat..hat..fat..sat..bat ..و بصراحة المدرسة كانت هايلة فى الموضوع ده البنت كانت بترجع من المدرسة عارفة الكلمات..سايت starfall هيساعدك اوى فى learn to read
dodo_09
28-02-2010, 09:56 AM
ام جورى.. مسلمة جزاكم الله خير عن المعلومات اللى بتفيدونا بيها سواء عن مدارسكم او مدارس اخرى..كنت عاوزة اسأل عن مدرسة علوى و ايه مستواها دلوقتى ..بالنسبة للمدارس الازهرية لازم الطالب يدخل كليات الازهر ولا ممكن يدخل عادى جامعة عين شمس و القاهرة
nashwa1
28-02-2010, 10:20 AM
صباح الخير يا قمرات
نوجا محمد عاوز كاراتيه وباباه كمان قالى احسن علشان يقوى شويه
وان شاء الله هكلم المدرسه النهارده علشان اعرف هيكون التدريب ده لمدة قد ايه ونظامهم ايه بالتفصيل
dodo_09
28-02-2010, 10:33 AM
نشوى صباح الخير ..عاملة ايه ..انا بنتى كنت هشتركلها فى الجيم لانها حركية جدا بس هى عاوزة ارت..الاكتيفيتى لمدة شهرين ..8 سيشينس بس الباص بيجى لحد البيت ولا فى نقطة تجمع
sadina
28-02-2010, 02:26 PM
اهلا فيك يا دودو...الحمد لله طمنتيني...لولو برضو عاوزة أرت...ولو بنتك بتروح بباص المدرسة فهم بيرجعوها للبيت...
نوشا فعلا انا بشجع الالعاب اللي بتعلم القوة للولاد بحسها بتديهم ثقة بالنفس...
كوكي ونوجا وتافي فين؟؟؟
dodo_09
28-02-2010, 03:50 PM
فعلا يا سادو انا لسة مكلمة المدرسة و قلولى ان الباص هيجبها لحد البيت..وممكن كمان مجيش المدرسة و ابعت الفلوس مع مشرفة الباص
tafy80
28-02-2010, 04:06 PM
فريق المصرية وحشني جداً أنا النت كان واقع عندي بقالو كم يوم ،أنا النهاردة بعت فلوس الاكتفتي اشتركنا في الكراتيه أنا و بابها فكرنا اننا نجبلهة شيخ يحفظه في البيت أحسن عشان يبقى مركز معها أحسن د غير انها يدوب حتاخد ٨ حصص و تقطع لكن احنا عاوزين حاجة مستمرة
kouky5
28-02-2010, 04:36 PM
سادو ونوشا دودو اخباركم ايه وطبعا كل الامهات وحشتوني ...كريم راح باسكيت يوم الخميس اللي فات ورجع مبسوط منه اوي واتعلم ازاي بينططوا الكورة بيحاول في البيت انه يتمرن عليها :)
بس للاسف بعد ماكان كويس بدا الرشح تاني امبارح وطبعا ماودتوش النهاردة و بكرة و يمكن بعده كمان
اميرة دمعتها
28-02-2010, 04:41 PM
جزاك الله خير
على الموضوع الروعه
sadina
28-02-2010, 05:42 PM
اهلا تافي ودودو
كوكي الف سلامة عليه...هو ليه بيجيله البرد كتير قوي...انت بتلبسيه كويس؟ ربنا يطمنك عليه وابقي طمنيني...
انا اشتركت لها art هي موهوبة قوي وعاوزة بس حد ينمي عندها الموهبة ...ويا رب يستفادوا كلهم...
sadina
28-02-2010, 05:49 PM
حاولي يا كوكي تعطيه فواكه كتير الفيتامينات بتحمي قوي من الامراض...
muslium
28-02-2010, 07:46 PM
أهلا يا بنات رجعتوا نورتوا الموضوع من تانى
:)
kouky5
28-02-2010, 10:01 PM
الله يسلمك يا سادينا ..هو اصلا عنده حساسية علشان كدة دور البرد بيطول او مش بيخف بسرعة
أم جورى
28-02-2010, 11:29 PM
الف سلامة عليه يا كوكى
noga76
28-02-2010, 11:43 PM
ازيكو يا امهات ؟؟؟
فريق المصرية ايه الاخبار؟
الف سلامة على كريم يا كوكى و مبروك عليه الباسكيت :)
انا ان شاء الله هشترك لكريم فى القرآن ,هو كان نفسه فى باسكيت بس مفيش فى التجمع,و الكراتيه باباه مش راضى بيقولى هو مش ناقص عنف طول النهار يضرب فى اخوه و فى مخدات البيت كله :( .فقولت كفايه عليه رياضة واحده(السباحة) مع المدرسه و فى الاجازه ان شاء الله يبقى يشوف الباسكيت فى النادى
فعلا مشكله انهم 8 حصص مش بس فى القرآن و برضو فى اى رياضه لانه مش هيلحق يتعلمها و لو حبها هيبقى عايز يكمل فيها . هما متهيألى انهم كانوا مفروض يعملوا الموضوع ده من اول الدراسه بس موضوع انفلوانزا الخنازير هى الى بوظت الدنيا
بس كنت عايزه اعرف انتو بتبعتوا الفلوس مع مشرفة الباص و لا بتحطوا الظرف فى الشانيل بوك لمدرسة الفصل ؟؟؟؟؟؟؟؟؟؟؟
noga76
28-02-2010, 11:56 PM
ازيك يا جوجو و ازى ولادك وحشانى
المنتدى نور تانى http://1.1.1.2/bmi/www.lakii.com/vb/smile/21_102.gif (http://www.lakii.com/vb/smiles/index.php)
sadina
01-03-2010, 12:40 AM
الف سلامة يا كوكي..
نوجا انا اخدت قرار اني ما اشترك ولا بحاجة :( خايفة عليها قوي ..وحتفضل ل 4 ونص كتير عليها دلوقت؟؟ قلت خليها السنة الجاية من الاول ان شاء الله...
نوجا حطي الفلوس في ظرف واكتبي اسمه والفصل واسم المسؤولة عن الموضوع قالوا عليه بالورقة.واعطيه لمشرفة الباص...
zoza1981
01-03-2010, 01:11 AM
السلام عليكم يا بنات حد يعرف ضرورى مدرسة روان ايه اخبارها ضرورى لان موضوع المدارس ده تعبنى و حد يعرف مدارس ازهرية ف حدود 3 ساعوووووووووونى
بصي المدارس الازهريه اللي في حدود 3 انا اعرف مدرسه قرطبه ازهريه لغات في الحود دي او اكتر شويه
zoza1981
01-03-2010, 01:35 AM
جزاكى الله خيرا على هذا الرد السريع يا اودى و لكن هى فين مدرسة قرطبة دى و ما تعرفيش منهجهم ايه يعنى لهم منهج تانى غير منهج تلازهر
janjuna
01-03-2010, 03:19 AM
أزيكم جميعا أنا أتصلت ب
ELS
وقالو السن لازم يكون 4سنين و هي هيكون 3.8
الواحد مش عرف يعمل أيه أنا عجباني المدرسة أقدم وخلاص
و لو منفعش تكون pre-school
الواحد أكتئب و مش عارف يعمل إية
حبيبتى زينة
01-03-2010, 03:24 AM
يا جماعة حد يقولى على حضانة كويسة فى مصر الجديدة وماتزيدش عن 800 بالباص وتكون بتدى اكاديميك كويس ....جوزى مش موافق على جنى دان علشان بيقول بعيدة وكل الحضانات اللى اعرفها زودت الفيز بتاعها السنة دى 100 جنيه على الاقل
janjuna
01-03-2010, 03:37 AM
أنا سمعت أنunder 5 nursery
فتحت فرع جديد في مصر الجديدة في الجولف
http://www.under5nursery.net/
و ده في رقم التليفون أتصلي و ربنا معاكي
kouky5
01-03-2010, 03:42 AM
ام جوري وحشاني ...نوجا و سادينا الله يسلمكم
نوجا انا اديت مشرفة الباص الفلوس وقلتلها علي الباسكيت وهي اللي دفعت
kouky5
01-03-2010, 03:46 AM
يا جماعة حد يقولى على حضانة كويسة فى مصر الجديدة وماتزيدش عن 800 بالباص وتكون بتدى اكاديميك كويس ....جوزى مش موافق على جنى دان علشان بيقول بعيدة وكل الحضانات اللى اعرفها زودت الفيز بتاعها السنة دى 100 جنيه على الاقل
اللي عايز حضانات يدخل علي الموضوع
ده ملف شامل عن الحضانات في مصر
http://www.lakii.com/vb/showthread.php?t=552748
حبيبتى زينة
01-03-2010, 03:49 AM
جنجونا (صح الاسم كدة؟؟ ) انا فعلا رحت اندر5 اللى فى مصرالجديدة وحلوة جدا بس المشكلة ان الفيز 900 غير الباص 250 وكتب 100 غير مصاريف الابليكيشن يعنى اول شهر هتخش فى 1300 او اكتر ....وانا عايزة حضانة ما تزيدش عن 800 بالباص ويكون حد مجربها فى الاكاديمي علشان انا عايزة اودى زينة الكام شهر دول علشا انترفيو المدارس فى شهر 5 و6
وشكرا على ردك
حبيبتى زينة
01-03-2010, 04:43 AM
اللي عايز حضانات يدخل علي الموضوع
ده ملف شامل عن الحضانات في مصر
http://www.lakii.com/vb/showthread.php?t=552748
والله يا كوكى دخلت عليه وكل شوية بدخل اشوف الجديد بتاعه وانا جبت منه جنى دان اللى قالت عليها ام فريدة واندر 5 ورحت شفتهم ....بس قلت اسأل اصحاب الخبرة اللى هنا وكمان الموضوع هنا اكتيف اكتر ...انتى مش عايزانى معاكو هنا ولا ايه ؟؟؟؟:(:(
Om AbdElRahman
01-03-2010, 06:05 AM
السلام عليكم و رحمة الله و بركاته
انا ان شاء الله حاقدم لابنى السنة دى على 1st primary directly
هو بقاله سنتين بيذاكر معايا فى البيت علشان احنا فى اليابان
انا مرعوبة موت لاكتشف فى interview المدارس انى قصرت معاه
انا كان عندى سؤالين
1) هل فى kg1&kg2 بياخدوا الارقام بالenglish بس و للا بالعربى كمان
2)انا كنت ناوية اقدمله فى الرواد بس لكن خايفة مايتقبلش
عجبنى اوى السايت بتاع مدارس النزهة لغات الحجاز و بالذات لما عرفت انها اسلامية
فيا ريت لو حد يعرف ايه مميزاتها و ايه عيوبها و هل تعرفوا حد اتخرج منها مستواه ايه؟
جزاكم الله خيرا
Om AbdElRahman
01-03-2010, 08:51 AM
معلش عندى كمان سؤال تالت
المفروض لما يكون الولد رايح 1st primary يكون بيعرف يكتب كلمات عربي (يعنى عربى مشبك) و يكتب اسمه و لا كفاية انه يعرف يكتب كل حرف لوحده
nashwa1
01-03-2010, 09:34 AM
صباح الخير يا قمرات
يا امهات المصريه
هو الاشتراك شهرين بس 8 سيشن والشهر 200 ولا الشهرين 200 افيدونى
وكده هيبقى قليل اوى على اى رياضه شهرين بس
انا كمان ناويه على كاراتيه
تافى ابنك اسمه ايه علشان اخلى محمد يتعرف عليه
dodo_09
01-03-2010, 09:57 AM
صباح الخير على كل الامهات الحلوين
كوكى الف سلامة على الكتكوت الصغير..ممكن تديلو كل يوم برتقالة تقطعيها كيوبس صغيرة و يكلها بالشوكة فى المدرسة هتفرق اوى معاه
نوجا ..عاملة ايه زى ما قلتلك سادو بس اكتبى كمان على الظرف العنوان و اسم الكلاس
سادو حبيبتى انا عملت زيك السنة الى فاتت و مودتش حاجة لانى كنت خايفة عليها بس لقيت انى مودتش حاجة خالص حتى فى الصيف علشان كدة قلت هوديها السنة ده
dodo_09
01-03-2010, 10:12 AM
نوشا صباح الخير..الشهرين 200
كان المفروض تبدأ الرياضة الترم الاول و تكمل الترم التانى زى السنة اللى فاتت بس ممكن تكملى انتى معاه بعد كدة و تشتركيلو برة
dodo_09
01-03-2010, 10:20 AM
معلش عندى كمان سؤال تالت
المفروض لما يكون الولد رايح 1st primary يكون بيعرف يكتب كلمات عربي (يعنى عربى مشبك) و يكتب اسمه و لا كفاية انه يعرف يكتب كل حرف لوحده
ام عبد الرحمن اهلا بيكى..اى ام بتذاكر مع ابنها بتعمل اللى عليها وكمان العامل الاساسى على الام..لو الولد هيدخل برى 1
لازم يكون يعرف يكتب اسمه الثنائى و الحروف يعرفها مشبكة لانهم بيكتبو كلمات و جمل فى kg2 و اطمنى ان شاء الله كل حاجة سهلة:)
dodo_09
01-03-2010, 10:39 AM
يا جماعة حد يقولى على حضانة كويسة فى مصر الجديدة وماتزيدش عن 800 بالباص وتكون بتدى اكاديميك كويس ....جوزى مش موافق على جنى دان علشان بيقول بعيدة وكل الحضانات اللى اعرفها زودت الفيز بتاعها السنة دى 100 جنيه على الاقل
اهلا زينة ..حضانة اندر5 كويسةجدا من الناحية الاكادميك و البنت عدت الانترفيوز فى كل المدارس اللى قدمت فيها بسهولة الحمد لله..انصحك تشوفى الجروب ده على الفيس بوك هيفبدك اوى Nurseries & Schools in Egypt (http://www.facebook.com/group.php?gid=2384593129) وكمان فى كتاب حلو اوى للاطفال اسمه:my big book of words & pictures
tafy80
01-03-2010, 11:12 AM
اللي فهمته يا نوشا انهم ٢٠٠ لل-٨ حصص في الشهرين و بعدين أنا عندي بنوتة في الجيرلز اسمها سلمى بس هي عندها طاقة فظيعة عايزها تفرغها في أي رياضة مفيدة بس أنا مستغربة ...حاسة الأنشطة محدودة أوي بالنسبة لإمكانيات المدرسة يعني ازاي في باسكت في مدينة نصر و عندنا لأ؟
tafy80
01-03-2010, 11:14 AM
و انتي يا دودو إشتركتي للبنوتة في إيه؟ هي اسمها إيه صحيح؟
Om AbdoAllah
01-03-2010, 11:27 AM
السلام عليكم ورحمة الله وبركاته
ازيكم يا أمهات يا حلوين كل سنة وانتم بألف خير انتم واولادكم
انا الحمد لله دخلت عبد الله مدرسة العروبة في المعادي الجديدة وطبعا للظروف السنة دي هو راح 11 يوم بس في الترم الأول والترم التاني اهو منتظم والحمد لله وربنا يسترها معانا جميعا فانا لسه ماقدرتش احكم على المدرسة كويسة بس هم بصراحة هايلين في التعليم يعني عبد الله اليوم بيفرق معاه الحمد لله بيجي عارف حاجات كتير ولله الحمد والفضل من قبل ومن بعد
المهم انا عايزة اسألكم عن مدرسة نوبل للغات اللي في المقطم عشان واحدة صاحبتي عايزة تدخل بنتها فيها وما عندهاش معلومات عنها خالص .. معلش لو حد عنده معلومة سريعة يفدنا بيها وجزاه الله عنا خيرا عشان تقدر تاخد قرار
dodo_09
01-03-2010, 11:38 AM
ازيك تافى ..انا بنتى زى بنتك تقريبا عندها نشاط ذيادة شوية و بتحب اللعب اوى و كنت هشترك فى الجيم بس هى عاوزه ارت..اسمها هنا
dodo_09
01-03-2010, 11:46 AM
السلام عليكم ورحمة الله وبركاته
ازيكم يا أمهات يا حلوين كل سنة وانتم بألف خير انتم واولادكم
انا الحمد لله دخلت عبد الله مدرسة العروبة في المعادي الجديدة وطبعا للظروف السنة دي هو راح 11 يوم بس في الترم الأول والترم التاني اهو منتظم والحمد لله وربنا يسترها معانا جميعا فانا لسه ماقدرتش احكم على المدرسة كويسة بس هم بصراحة هايلين في التعليم يعني عبد الله اليوم بيفرق معاه الحمد لله بيجي عارف حاجات كتير ولله الحمد والفضل من قبل ومن بعد
المهم انا عايزة اسألكم عن مدرسة نوبل للغات اللي في المقطم عشان واحدة صاحبتي عايزة تدخل بنتها فيها وما عندهاش معلومات عنها خالص .. معلش لو حد عنده معلومة سريعة يفدنا بيها وجزاه الله عنا خيرا عشان تقدر تاخد قرار
اهلا ام عبدالله .. مدرسة نوبل واحدة قربتى مدخلة ابنها فيها و عجبها المدرسة.. بس انا حاسة ان كجى1 عندهم صعبة شوية يعنى بيخدو الحروف المشبكة فى كجى1 و كمان كلمات فى الانجليش صعب انه يفهمها طفل صغير
noga76
01-03-2010, 12:03 PM
صباح الخير على كل الى موجودين
انا وديت الفلوس مع مشرفة الباص زى ما قولتوا و ربنا يسهل ان شاء الله
نوشا ايوه 200 للترم كله . كرة القدم هى الوحيده الى 200 فى الشهر عشان دى اكاديمية و مدربين و قصة
سادينا و الله انا برضو كنت خايفة من التأخير بس لاقيته يوم الخميس عشان بيرجع بدرى بيقعد يقولى عايز حاجه اعملها و يفضل زهقان و فى الآخر يقعد يغلس على اخوه يبقى يروح احسن هى ساعه زياده عن باقى الايام العاديه
noga76
01-03-2010, 12:06 PM
نوشا و سادينا
امبارح ادوا لكريم اول كلمه يكتبها على بعضها (bag )
انتو برضو ابتدوا يدوهم كلمات ؟؟؟
Om AbdoAllah
01-03-2010, 01:23 PM
اهلا ام عبدالله .. مدرسة نوبل واحدة قربتى مدخلة ابنها فيها و عجبها المدرسة.. بس انا حاسة ان كجى1 عندهم صعبة شوية يعنى بيخدو الحروف المشبكة فى كجى1 و كمان كلمات فى الانجليش صعب انه يفهمها طفل صغير
شكرا يا دودو علي تعقيبك بس ما تعرفيش مستواها الاجتماعي ايه لان صاحبتي راحت المدرسة بتقول انها ما عجبتهاش الاولاد بيجروا علي السلالم ومفيش مشرفين متواجدين والفصول مش حلوة والعدد بيوصل 40 في الكلاس الواحد
ومعلش تعرفي مصاريفها كام..؟؟
Om AbdoAllah
01-03-2010, 01:27 PM
نوشا ازيك انا مبسوطة اني لقيتك هنا .. ايه اخبار نفيد ونستفيد معلش انا مش بدخل كتير عشان وقتي في الشغل بقي محدود شوية بعد المدارس
سلميلي عليهم كلهم ولو عندك فكرة عن مدرسة نوبل دي افيدينا جعل الله لكي الثواب
sadina
01-03-2010, 03:56 PM
لا يا نوجا ما عطوها...ممكن اليوم ربنا يستر :) يخلصولهم الحروف الاول مش كده؟؟؟؟؟؟؟؟؟؟؟؟؟؟؟؟؟ متأخرين قوي لسه كتير...
kouky5
01-03-2010, 04:41 PM
صباح الخير على كل الامهات الحلوين
كوكى الف سلامة على الكتكوت الصغير..ممكن تديلو كل يوم برتقالة تقطعيها كيوبس صغيرة و يكلها بالشوكة فى المدرسة هتفرق اوى معاه
الله يسلمك يا جميلة ربنا يخليكي
[QUOTE=حبيبتى زينة;9881278]
والله يا كوكى دخلت عليه وكل شوية بدخل اشوف الجديد بتاعه وانا جبت منه جنى دان اللى قالت عليها ام فريدة واندر 5 ورحت شفتهم ....بس قلت اسأل اصحاب الخبرة اللى هنا وكمان الموضوع هنا اكتيف اكتر ...انتى مش عايزانى معاكو هنا ولا ايه ؟؟؟؟:(:(
هو انا اقدر .. طبعا منورنا في اي مكان ... انا كان قصدي التخصص يعني الموضوع ده للمدارس والتاني خاص بالحضانات علشان الامور ما تدخلش في بعض ...
kouky5
01-03-2010, 04:45 PM
في مدينة نصر معندناش كرة قدم علشان كدة فيه باسكيت بدل منه
الاشتراك في الشهر 4 حصص 40 جنية والباص 40 يعني 80 في الشهر
يبقي الشهرين ب 160 جنيه ليه عندكم ب200 ؟؟
nashwa1
01-03-2010, 04:47 PM
مش عارفه يا كوكى معتبرين بتوع التجمع دول ايه علشان كده اغلى
الف سلامه على ابنك
نوجا وحشانى لسه محمد ما اخدش كلمات الستر يا رب
nashwa1
01-03-2010, 04:50 PM
ام عبد الله وحشاااااااااااااااااااااااااااانى
للاسف معرفش اى حاجه عن نوبل
وموضوع نفيد ونستفيد فى كسل وخمول غريب
dodo_09
01-03-2010, 07:25 PM
ام عبدالله:
المصاريف حوالى 5.5 بالباص ..للاسف معرفش معلومات تانى غير ان الام هناك عجباها المدرسة بتقول فى التزام
kouky5
01-03-2010, 08:10 PM
الله يسلمك يا نوشا يا جميلة
نوجا هما الاسبوع ده واللي فات بيعملوا مراجعة علي الترم الاول خاصة الحاجات اللي احنا ذاكرناهلهم في البيت لان المدرسة كانت قفلت مدة
بالنسبة للكلمات انا مستغربة اوي انهم ابتدوا يدوا كلمات قبل مايخلصوا الحروف كلها وده مش مطلوب منهم غير في اخر السنة حاجات بسيطة تمهيدا لكي جي 2
يا ريت لو حد عنده معلومات عن مدرسة طلاثع الكمال الاسلامية بالماظة والبشائر ونوبل ومنارة المستقبل بالمقطم يرد عليا
وبا ريت يا muslem تبعتيلى معلوماتك عنهم
hana omar
02-03-2010, 12:39 AM
ياريت يا جماعة لو حد يعرف حاجة عن مدرسة كمبردج و زوسر برنسس فى التجمع
وطلائع المستقبل اللى في المقطم
انتو عارفين ان التقديمات ابتدت ولحد دلوقتي مش عارفة اقد فين لأن الأسعار فظيعة
فمعلش لو حد يرشحلى مدرسة كويسة انا ساكنة في المقطم بس تكون اسعارها معقولة
Om AbdElRahman
02-03-2010, 03:44 AM
السلام عليكم و رحمة الله و بركاته
متشكرة جدا يا دودو على ردك
انا حاحاول ابتدي فى الوقت اللى فاضل قبل ال interviews انى اعلمه يكتب اسمه و يكتب كلمات على بعضها و الله المستعان
كنت عايزة اعرف برده الارقام: هو بيعرف يقولهم بالعربى و بالenglish من 1 ل100 لكن ما بيعرفش يكتبهم ولا يقراهم غير بالenglish.
هو دة النظام فى المدارس و لا بيكتبوهم كمان بالعربى
و اسفة على الزن بس هل فيه حد عنده معلومات عن مستوى مدرسة النزهة لغات تعليميا و اجتماعيا او يعرف ناس متخرجة منها؟
جزاكم الله خيرا
nashwa1
02-03-2010, 09:28 AM
صباح الخير
هنا عمر
بصى يا قمر ممكن تشوفى المصريه بالتجمع اقوى من زوسر برنسيس
وغريانى كمان الامهات شكروا فيها اوى
dodo_09
02-03-2010, 10:11 AM
ام عبد الرحمن ..العفو اى استفسار اسالى على طول و ان شاء الله اجوبك ..الارقام english هى الاهم و كمان الجمع و الطرح ..وربنا يوفقك
Ms3sam
02-03-2010, 10:20 AM
صباح الخير يا امهات يا حلوين
انا قلت اقولكم اخر اخبار المدرسه (امجاد انترناشونال)
بصراحه تغيير كبير حصل من اول يوم في الترم التاني وكانهم حسوا بالمشاكل لانهم عملولهم تقييم اول لما راحوا وعرفوا نقاط الضعف فابتدوا يعالجوها
هيه البنت من الاول بتحبهم بس تقريبا الواحد كان مستعجل على انه يشوف النتيجه وبعدين صدمه الكتاب افقدتني الثقه تماما ...........بس على الرغم من ان الكتاب بسيط لكن ماشاء الله بيطبقوه حلو قوي بمعنى لما ابتدوا الترم اللي فات في الجاردن وانواع اللعب فيها خدوهم نادي المعادي ولعبوهم هناك
الايام دي بياخدوا النباتات فخدوهم رحله برده لهناك .........فعلا الاطفال مش هيتعلموا بالحفظ والصم اللي اتعلمنا بيهم (او على الاقل بنتي لانها لعيبه تمام)
كوكي احنا برده مخلصوش الحروف لكن خلوهم يكتبوا اسمهم بس طبعا من غير اسم الاب وبعدين مش باينه هناك ليه؟
حبيت اقولكوا كمان ان غرياني قفلت تقديم kg1 فياريت فعلا تبتدوا تاخدوا قرارات حاسمه
بالنسبه لكمبريدج حلوه قرايبي فيها ومستريحين فيها جدا بس على الفسفس سمعت انها مش قوي يعني المصريه او MSE 2000افضل كتير
اما بالنسبه للاسعار فبصراحه مش شرط السعر يبقى كبير عشان تبقى المدرسه حلوه
بس على العموم موضوع المدرسه ده كل واحد وليه اهتماماته وتقبله فربنا يوفقكوا
Om AbdoAllah
02-03-2010, 11:16 AM
السلام عليكم ورحمة الله وبركاته
نوشي.. انتي كمان وحشاني قوي قوي معلش نفيد ونستفيد هيعيد امجاده مع الصيف والاجازة
دودو ..جزاكي الله خيرا انا بسأل ناس بقي ساكنة في المقطم وربنا يقسم لها الخير ادعولها
Zodi ..فيه معلومات عن نوبل دودو قالتلي عليها الصفحة دي واللي فاتت
متهيألي غرياني مدرسة حلوة قوي بجد .. كانت مديرة الحضانة اللي عبد الله كان فيها قالتلي عليها وانا بصراحة بثق في رأيها جدااااااااااا بس للأسف هي بعيدة عننا شوية واستقرينا علي العروبة في المعادي الجديدة
sadina
02-03-2010, 12:46 PM
صباح الخير...ام عبدالله العروبة حلوة قوي وبجد زي المدارس الغاليه نظام واهتمام شديد..الملاحظة الوحيدة انهم بيعطوا واجبات كتيرة جدا جدا جدا :) لو ده مش بيضايقك فاتكلي على الله...المدرسة حلوة...وربنا يقدم اللي فيه الخير...
sadina
02-03-2010, 12:48 PM
هنا عمر المصرية احلى من زوسر بكتير وغرياني كمان ومصر 2000 الحديثة حلوة لكن فري قوي...بشوف الباص بتاع زوسر شكله مش بيشجع ابدا ومنظر الطلاب اللي فيه مش مترتب ابدا...
dodo_09
02-03-2010, 12:52 PM
سادو صباح الخير ..عاملة اي فى المذاكرة
dodo_09
02-03-2010, 12:58 PM
ام عبد الله ..احسن طريقة تعرفى بيها مستوى الناس فى المدرسة انها تروح فعلا المدرسة وقت الخروج و تقابل اولياء الامور ..و من الكلام معاهم هتعرف مستوى المدرسة و الدنيا عاملة ازاى هناك..وربنا يوفق كل الامهات
sadina
02-03-2010, 12:59 PM
الحمد لله يا دودو الوضع اتحسن قوي الحمد لله وبتيجي قاهمة كويس قوي الحمد لله...
dodo_09
02-03-2010, 01:14 PM
الحمد لله انا حاسة انهم مكثفين مجهدهم اوى علشان يراجعو حاجة الترم الاول يعنى الاملاء العربى بيخدو 13 كلمة كتييير و english 16 كلمة..اللى مزعلنى بجد ان مدرسة english بتقول ان هنا رافضة تعمل c.w. معاها مع ان انا بسالها بلقيها عارفة..مش عارفة ايه الموضوع بالظبط....
sadina
02-03-2010, 01:44 PM
لازم يا دودو يكون عند المدرسة طريقة تخليها تشارك معاها..يعني تشجعها..وشوية شوية حتلاقيها ماشية كويس...مش بتك في ولاد كتير كده وده دور المدرسة...
kouky5
02-03-2010, 03:10 PM
مس عصام الحمد لله ان مدرسة بنوتك بقت كويسة ...ان شاء الله بالتوفيق دايما
ام عبدالله مدرسة العروبة اسمع انها مدرسة قوية جدا
muslium
02-03-2010, 04:44 PM
يا ريت لو حد عنده معلومات عن مدرسة طلاثع الكمال الاسلامية بالماظة والبشائر ونوبل ومنارة المستقبل بالمقطم يرد عليا
وبا ريت يا muslem تبعتيلى معلوماتك عنهم
زودى ده لينك بكل مدارس المعادى و المقطم اللى عندى
http://rapidshare.com/files/354542514/maadi-mokatm.rar.html
muslium
02-03-2010, 04:45 PM
ياريت يا جماعة لو حد يعرف حاجة عن مدرسة كمبردج و زوسر برنسس فى التجمع
وطلائع المستقبل اللى في المقطم
انتو عارفين ان التقديمات ابتدت ولحد دلوقتي مش عارفة اقد فين لأن الأسعار فظيعة
فمعلش لو حد يرشحلى مدرسة كويسة انا ساكنة في المقطم بس تكون اسعارها معقولة
هنا عمر بصى على اللينك ده فى معلومات عن مدارس فى المعادى و المقطم
http://rapidshare.com/files/354542514/maadi-mokatm.rar.html
و ده اللى عندى عن كمبريدج:
مدارس التجمع و مدينة نصر و مصر الجديدة
14- مدرسة كامبريدج للغات Cambridge Language School :
06-06-2008, 12:47 AM
merehan
مدرسة كامبريج فى الاول عند اكاديمية الامن
************************************************** *****************
06-06-2008, 11:56 AM
bent masr
أنا أسمع ان cambridge مش حلوة خالص....أعرف واحدة بنتها كانت هناك و نقلتها roots اللى فى السفارات لأن مستوى اللغة فى كامبردج مش حلو أبدا
************************************************** *****************
lolymd
انا روحت المعرض النهاردة بس المدارس الي عارضة فيه مش كتير معظمها مدارس انترناشيونال
بس اتبسطت أوي ان لقيت حضانة بنتي عارضة هناك هي بصراحة حلوة جدًا و أنا وبنتي مبسوطين منها أوي
وقابلت مديرة الحضانة هناك وقالتلي على مدرسة كمبردج هي كانت عارضة هناك كمان
وبتقول انها مدرسة حلوة وبصراحة لقيتها اسعارها معقولة جدًا على الخدمات الي فيها
هي تقريبًا ب 5500 و الباص 2000 وبيروح تقريبًا في كل حتة ومكانها في آخر ذاكر حسين
possy26
مدرسة الماث بتاعة بنتى فى المدرسة كانت بتشكر جدا فى ولد فى الكلاس متحول من كمبريدج وبتقول اللغة عندة حلوة اوى علشان كدة نفسى اعرف حاجة عن المدرسة
olymd
بالنسبة لمدرسة كمبردج فيها قسم ناشيونال وقسم أميريكان الناشيونال مصاريفه تقريبًا 5500 غير الباص والأميريكان 11000 غير الكتب والباص ومكانها تقاطع الدائري مع ذاكر حسين بجوار أكاديمية مبارك للأمن
lolymd17/3/2009
24480792- 24480793 - 0123117754-
0124015782 -0123117754 -0124015782
مصاريفها القسم الناشيونال حوالي 5500 والانترناشيونال بحوالي 11000 دا غير الباص والكتب بالنسبة للمستوى أسمع إنها كويسة
وبالنسبة للمستوى أسمع إنها كويسة
NOA_NOA18/3/2009
بالنسبة لكمبريدج انا عارفة مكانها انا اتصلت بيهم التقديم كل يوم ماعدا السبت و الاحد
من 10 الى 12شكلهم ظريف معاملتهم كويسة قوى معايا فى التليفون
مكانها على ناصية منتجع النخيل فى التجمع الاول لو انتى جاية من الزهراء الاكاديمية فى وشك هى على تلفى الميدان من الشمال و تمشى على محاذاة الاكاديمية هتلاقيها على الشمال برده
انا عجبنى مكانها مش بعيد بالنسبة لمدينة نصر
بس المبانى شكلها مش ولابود شبه مدارس الحكومة بس الصور فى الاعلانات فيها حمام سباحة و انشطة عموما اللى تروح الاول تقولنا ايه الاخبار و انا لو روحت هقول برده
بالنسبه لزوسر برينسيس معنديش معلومات للأسف
ربنا يوفقك
الابراج
02-03-2010, 06:18 PM
هنا عمر بصى على اللينك ده فى معلومات عن مدارس فى المعادى و المقطم
http://rapidshare.com/files/354542514/maadi-mokatm.rar.html
و ده اللى عندى عن كمبريدج:
مدارس التجمع و مدينة نصر و مصر الجديدة
14- مدرسة كامبريدج للغات Cambridge Language School :
06-06-2008, 12:47 AM
merehan
مدرسة كامبريج فى الاول عند اكاديمية الامن
************************************************** *****************
06-06-2008, 11:56 AM
bent masr
أنا أسمع ان cambridge مش حلوة خالص....أعرف واحدة بنتها كانت هناك و نقلتها roots اللى فى السفارات لأن مستوى اللغة فى كامبردج مش حلو أبدا
************************************************** *****************
lolymd
انا روحت المعرض النهاردة بس المدارس الي عارضة فيه مش كتير معظمها مدارس انترناشيونال
بس اتبسطت أوي ان لقيت حضانة بنتي عارضة هناك هي بصراحة حلوة جدًا و أنا وبنتي مبسوطين منها أوي
وقابلت مديرة الحضانة هناك وقالتلي على مدرسة كمبردج هي كانت عارضة هناك كمان
وبتقول انها مدرسة حلوة وبصراحة لقيتها اسعارها معقولة جدًا على الخدمات الي فيها
هي تقريبًا ب 5500 و الباص 2000 وبيروح تقريبًا في كل حتة ومكانها في آخر ذاكر حسين
possy26
مدرسة الماث بتاعة بنتى فى المدرسة كانت بتشكر جدا فى ولد فى الكلاس متحول من كمبريدج وبتقول اللغة عندة حلوة اوى علشان كدة نفسى اعرف حاجة عن المدرسة
olymd
بالنسبة لمدرسة كمبردج فيها قسم ناشيونال وقسم أميريكان الناشيونال مصاريفه تقريبًا 5500 غير الباص والأميريكان 11000 غير الكتب والباص ومكانها تقاطع الدائري مع ذاكر حسين بجوار أكاديمية مبارك للأمن
lolymd17/3/2009
24480792- 24480793 - 0123117754-
0124015782 -0123117754 -0124015782
مصاريفها القسم الناشيونال حوالي 5500 والانترناشيونال بحوالي 11000 دا غير الباص والكتب بالنسبة للمستوى أسمع إنها كويسة
وبالنسبة للمستوى أسمع إنها كويسة
NOA_NOA18/3/2009
بالنسبة لكمبريدج انا عارفة مكانها انا اتصلت بيهم التقديم كل يوم ماعدا السبت و الاحد
من 10 الى 12شكلهم ظريف معاملتهم كويسة قوى معايا فى التليفون
مكانها على ناصية منتجع النخيل فى التجمع الاول لو انتى جاية من الزهراء الاكاديمية فى وشك هى على تلفى الميدان من الشمال و تمشى على محاذاة الاكاديمية هتلاقيها على الشمال برده
انا عجبنى مكانها مش بعيد بالنسبة لمدينة نصر
بس المبانى شكلها مش ولابود شبه مدارس الحكومة بس الصور فى الاعلانات فيها حمام سباحة و انشطة عموما اللى تروح الاول تقولنا ايه الاخبار و انا لو روحت هقول برده
بالنسبه لزوسر برينسيس معنديش معلومات للأسف
ربنا يوفقك
ممكن تقوللي حضانة بنتك ايه؟
talha_alkhair
02-03-2010, 06:45 PM
السلام عليكم يا بنات حد يعرف ضرورى مدرسة روان ايه اخبارها ضرورى لان موضوع المدارس ده تعبنى و حد يعرف مدارس ازهرية ف حدود 3 ساعوووووووووونى
انتي ساكنة فين يا من تسألين عن روان
hana omar
03-03-2010, 12:47 AM
انا متشكره خالص لكل اللي ردو عليا
مسلم انت شخصية متعاونة جدا وانا متشكرة خالص وجزاكي الله كل خير
بس مش عارفة لية لنك مدارس المقطم مش بيشتغل ابدا
hana omar
03-03-2010, 02:26 AM
معلش يا جماعة انا هدوشكو معايا بس لصل ان مترددة شوية في موضوع المدارس دة والوقت بيجري مني وكنت عاوزة اديق نطاق البحث عندي
بس في ناس قالولي عن مدرسة الجيل الجديد في القطامية فياترى في حد يعرف عنها حاجة عن مستواها ومصاريفها ولو في حد عنده رقم تليفونها يا ريت يفيدني
muslium
03-03-2010, 04:31 AM
ممكن تقوللي حضانة بنتك ايه؟
أبراج حبيبتى انا بنتى فى مدرسة المصريه الدوليه هرم مش فى حضانه
muslium
03-03-2010, 04:32 AM
انا متشكره خالص لكل اللي ردو عليا
مسلم انت شخصية متعاونة جدا وانا متشكرة خالص وجزاكي الله كل خير
بس مش عارفة لية لنك مدارس المقطم مش بيشتغل ابدا
جزانا و اياكى حبيبتى بس و الله انا بشغله و بيفتح معايا جربى فى اوقات مختلفه من اليوم وربنا يوفقك يا رب
لو تعرفى تقوليلى على ايميلك و ابعتلك عليه مباشرة ماشى
Om AbdElRahman
03-03-2010, 05:22 AM
ام عبد الرحمن ..العفو اى استفسار اسالى على طول و ان شاء الله اجوبك ..الارقام english هى الاهم و كمان الجمع و الطرح ..وربنا يوفقك
ربنا يطمنك يا دودو
كدة بقى اركز معاه بس فى العربى
جزاك الله خيرا
Om AbdElRahman
03-03-2010, 05:27 AM
معلش يا جماعة وعد منى انى اخر مرة اسال السؤال دة
حد يعرف حاجة عن مدرسة النزهة الاسلامية لغات(المستوى العلمى او الاجتماعى-مستوى الخريجين)؟
dodo_09
03-03-2010, 09:22 AM
معلش يا جماعة وعد منى انى اخر مرة اسال السؤال دة
حد يعرف حاجة عن مدرسة النزهة الاسلامية لغات(المستوى العلمى او الاجتماعى-مستوى الخريجين)؟
ام عبد الرحمن انا اعرف مدرسة النزهة الى فى طريق مصر الاسماعيلية ..اذا كان قصدك ده فى ناس بتقول كويسة لكن فى واحدة كانت خلاص هتدخل بنتها فيها و بعدين راحت رمسيس كولدج لانها بتقول اقوى تعليميا
Om AbdElRahman
03-03-2010, 09:39 AM
دودو
هما فعلا كاتبين فى السايت ان في فرع فى طريق مصر الاسماعيلية لكن دة بعيد عنى علشان كدة كنت بافكر فى فرع الحجاز
dodo_09
03-03-2010, 10:44 AM
دودو
هما فعلا كاتبين فى السايت ان في فرع فى طريق مصر الاسماعيلية لكن دة بعيد عنى علشان كدة كنت بافكر فى فرع الحجاز
طيب فى الفاروق الحجاز و السيدة عائشة مدارس اسلامية و جيدة تعليميا
Om AbdoAllah
03-03-2010, 12:05 PM
السلام عليكم ورحمة الله وبركاته
Sadina و kouky5 ربنا يخليكم ويبارك فيكم انتو رفعتوا معنوياتي والله بكلامكم عن العروبة سبحان الله انا كنت داخلة بسأل لصاحبتي عن نوبل لقتكم بتقولولي عن العروبة رغم اني السنة اللي فاتت لما كنا بنتكلم هنا علي المنتدي ما لقتش حد عارفها كتير.. بالنسبة للواجبات انا لسه ما مرتش بيها لان عبد الله لسه في Nurssery
dodo .. فكرة كويسة انا فعلا هخليها تعمل كده بس طبعا ده محتاج تخرج من شغلها بدري شوية او احسن تروح الصبح قبل المدرسة
Om AbdoAllah
03-03-2010, 12:27 PM
معلش يا جماعة وعد منى انى اخر مرة اسال السؤال دة
حد يعرف حاجة عن مدرسة النزهة الاسلامية لغات(المستوى العلمى او الاجتماعى-مستوى الخريجين)؟
أم عبد الرحمن انا لقيت الرد ده وانا بتصفح الصفحات القديمة وبقدر الله لقيته عن النزهة وانقلهولك زي ما هو وابقي دوري تاني
مدارس التجمع و مدينة نصر و مصر الجديده
مدرسة النزهه للغات
مسز تامر 9-1-2009
انا قبل ما انقل ابني قريت صفحة صفحة من صفحات الحوار في النتدى هنا وكمان صفحات الجزء الاول من نفس الحوار عن المدارس
واستخلصت منها ان فيه مدرستين الكل شكر فيهم جدا:
النزهة بفرعيها (الحجاز والاسماعيلية) وانا نقلت فيها ابني واللى شجعني عليها كمان موقعهم على النت لقيت فيه امكانية تحميل شيتات السنوات الدراسية المختلفة ولما اتفرجت حسيت ان المدرسة فيها جهد في التعليم، بمعنى ان لو ده مستوى الشيتات يبقى المدرسين فطاحل و لغاية الان الحمد لله ظنى في محله.
mrstamer (http://www.lakii.com/vb/member.php?u=475320)
بعد ما نقلت ابني مدرسة النزهة للغات فرع الحجاز -هم هايلييين علميا ولكن لا زالالاسلوب فظ فيه ضرب برضه وفيه شتم (يا اغبيا ياحمير يا حيوانات)
بصراحة نفسيابني يكون مهذب وعنده كرامة يعتز بها ولا يرضى بالاهانة هل هذا كثير؟؟؟
اصله بدأيبقى خواف. بيخاف يعمل حاجة غلط لاحسن يحصل له زي زمايله.
حد عنده فكرة عن مستوىمدرسة تعليمى واخلاقي محترم
mrstamer (http://www.lakii.com/vb/member.php?u=475320)
النزهه جميلة دا علمياااااااااااااااجدا جد جدا ومنظمة جدا وحلت لى ماكل كتيييييييير مريت بها فى الكرنك ولكن : المدرسين بيشتموا و بيضربوا كاني في مدرسة عربي والعيال كمان عنيييييفة جدا ادوالابنى علقة اول ما دخلها من باب الترحيب!!
mrstamer (http://www.lakii.com/vb/member.php?u=475320)
الاخت الفاضلة انا كمان ساكنة في الزيتون و لحد دوقت ابني في مدرسة النزهة فرعالحجاز احنا في اوى ابتدائي اول سنة لنا في المدرسة
كل اللى اقدر اقوله لك انهامدرسة علميا ممتازة عن حق مدرسين اللغة العربية و الانجليزي ممتازين كمان مشكلتى انفيها شوية عنف بمعنى اني سمعت عن بعض حوادث الضرب من مدرسين القرآن او الدراساتالاجتماعية للصفوف الاكبر من اولى كمان مشكلتي فيها انها عربي ولغات وده مقلل منمستوى الرقي في السلوكيات للاطفال اللى بيحتك بيهم الولد كمان ما فيهاش حوش واسعازو ملاعب. بس ادارتها محترمة جدا جدا جدا و العلم عندهم هو الاساس مش مسالة تجارةوخلاص زي مدارس كتير دلوقت. وربنا يوفقنا جميعا للخير.
mrstamer (http://www.lakii.com/vb/member.php?u=475320)
العزيزة lolymd كمان كنت عاوزة اقول لك ان من مميزاتالنزهة بالنسبة لي ان حفظ القرآن بيتم في
الحصة و مش الزام عليهم انهم يسمعوه عنظهر قلب يعنى ما عنديش عبء اضافي في البيت من هذه الناحية لذلك انا شايفة انهمممتازين من الناحية دي الطفل بيتعلم وبيسمع القرآن و انا باسمع ان فيه مدارس المنهجده فيها بامتحان ودرجات وكده .
احنا حولنا مدارس النزهة الحجاز انا مبسوطة جدا من مستوى المدرسين ومعاملة الادارةوالاهتمام بشكوانا مهما صغرت وكمان نظااااااااام البوكلت والضمير عند المدرسين حلولحد دلوقت الحمد لله.
possy26
النزهة انا اعرف انها كويسة التعليم فيها كويس لكن اسمع ان فيهاشتيمة وضرب برضة وان الولاد الصبيان يعنى بيتخنؤ مع بعض ودة طبعا شئ مش كويسبالمناسبة سمعت ان فى مودرن الصبيان الكبار بيتخنؤ بالبراجل والبقاء للاقوى المهممعلش اصل انا خلاص هتجنن من المدرسة دى طبعا النزهة منظمة اكتر شوية من مودرن وفيهااهتمام اكتر شوية بالانشطة لكن مش كتير اوى يعنى انا شايفة ان الفرق بنها وبينمودرن مش كبير اوى يعنى
mrstamer (http://www.lakii.com/vb/member.php?u=475320)
يعني ايه الفرق بينها وبين النرهة اللي في طريق مصر اسماعيليه؟؟؟؟
بالنسبة للنقطة دي انا سالت ام ابنها في طريقالاسماعيلية بتقول لي ان مستوى ابنها في الانجلش مش عاجبها بس الموضوع ده نسبي فانامش عارفة بالضبط
لكن بالنسبة لي: انا ارتحت نفسيا وابني كمان للنزهة فرع السماعيلية.
كنا في زيارةللتعرف على المدرسة اللى شوفته هناك فقط المديرة والدادات في الحمام وكانوا فيمنتهى النشاط برغم اننا في نهاية اليوم الدراسي(3 الا عشرة العصر). كمان المكاناوسع بكثييييييييييير من فرع الحجاز المفروض انها فيها انشطة رياضية وحمام سباحةوكمان في زيارتي دي كان فيه اولاد تقريبا رابعة او 5 ابتدائي بيلعبوا العاب معمدرسهم ورجعين فصلهم سالتهم بتحبوا المدرسة كلهم قالوا اه !! احتمال يكونوا فاكريناني ميس في المدرسة او من الادارة لو كانوا بيبالغوا بس احساسي الشخصي انى كنتمرتاحة جدا و لو ان ابني في فرع الحجاز حاليا لكن فكرت انقله رغبة فقط في مستوىارقى لان النزهة الحجاز (عربي ولغات) لكن الاسماعيلية لغات بس. لكن لا زلت حاسةانها بعيدة شوية علي.
http://www.nozhaschools.com/Fees.asp (http://www.nozhaschools.com/Fees.asp)
بصراحة موقعهم على النت ده عامل لي انبهار ما شاء الله ولا قوة الابالله
كل حاجة بصراحة وبوضوح وكفاية ان من اولىابتدائي جبت نتيجة الولدمن الموقع ده ربنا يكرمهم بجد نظام نظام وانا باحب النظامجدا
كمان الشيتات بيحطوها للولاد على النت و اتفرجتعليها قبل ما انقل ابني وبالفعل عكست لى مستوى التعليم هناك وجهد المدرسبيبان.
http://www.nozhaschools.com (http://www.nozhaschools.com/)
وبتقبلمن سن كام
مش متأكدة من دي بصراحة لانه بيرجع للاقبالوالتنسيق بس لي ابن هايبقى 3ونص في اول اكتوبر قالولي انسي من 4 وانتىطالعة.
كثافة الفصول في فرع الحجاز اولى ابتدائيلغات (فصل ابنى 29)
بس
طولت عليكي بس ده كل اللى اعرفه
اتفرجي على الموقع
مشكلتى معالمدرسة انها ما فيهاش مساحة كبيرة للاولاد كمان انا علشان ابنى حساااااس جدا فبخافعليه من المدرسين الشداد ولكن حاليا اكتشفت ان مدرسينه عرفو ده عنه و احساسي انهموالحمد لله بيراعو ده يعني بيتعاملوا مع كل واحد بصورة مناسبة له. بس كمان ابنى مشبيحكي لي على كل حاجة!!! مرة عرفت من مدرس القرآن نفسه بالصدفة انه زعق له وانالولد عيط ثم المدرس كان هايزنبه لما لقاه عيط واتضايق قعده وما زنبهوش. فيه اكيدبعض الشدة بخاف تزيد بس لما يكبروا ربنا يستر و ناس كتير بتشكي من زحام الباصات بسهم صريحين جدا لو الولد او البنت لهم مكان بيقول لك ولو الباص اتملى بيقولك هايقفوهكذا بيتركوا الاختيار من الاول لولي الامر .
بصى ما اكدبش عليكي كل حاجة فيها مميزات و عيوب
بالنسبة لي نفسي انقله مكان ارقىوفيه انشطة اكتر بس خايفة ده يكون على حساب التعليم مستوى التعليم في النزهة (ابنىفي الحجاز) انا سعيدة به ولكن لاني في مجلس الاباء فشكاوى الناس بتوصلنى و الل اناشايفاه عن حق انها بعض الحالات الفردية و كمان بالنسبة للعدد الكبير للطلبة اللى فيالمدرسة شيئ لا يذكر يعنى لو عندنا 3000 طالب و فيه 10 شكاوى يبقى فعلا ولا حاجة بسعلشان انا برضة زي كل ام باطمع في افضل حاجة لابنى فكرت انقله و لكنى لازلت بابحثالمدرسة اللى نفسي فيها المصرية ودي في التجمع الخامس وبعييييييييييدة عنى جدا وانامش مستعدة اتعب الولد في المشاوير دا البلد دايما زحمة!!
كنت اتمنى ادخله مدرسةزى النزهة كدة علميا وتربية اسلامية ولكن مشتركة (بصراحة مش باحس انه عيب انالاولاد والبنات يتعلموا في مجلس واحد و يتربوا مع بعض مثل الاخوات والله اعلم انالا افتي) ولغات فقط ولهم انشطة رياضية وفنية. حلممممممممممم!
لكن ما باليد حيلة
mrstamer (http://www.lakii.com/vb/member.php?u=475320)
معلش هاجاوبك على قد معرفتي على اسئلتك:
بالنسبة لابنك ان شاء الله يقبلوه ربناييسر لنا امرنا جميعا
بالنسبة لمستوى التعليم يتهيألى المستوى التعليمي في فرعالحجاز اقوى بنسبة كبيرة فطاحل بجد انا حكمت على الاسماعيلية من مقارنة شيتات ابنيبما وجدت على الموقع من شيتات تخص فرع الاسماعيلية. هما عندنا بيجمعوها في كتاب (بوكليت) اكتر من ممتاز بجد مش محتاجة تجيبي معاها اي كتب خارجية.
الاهتمام فيالحجاز ممتاز ولكن في الاسماعيلية العدد اقل بكتير فظني ان ده يخلى الاهتمام اكبر.
اللى هايخليني اكمل في النزهة الحجاز ان اشاء اللهكمان ان النقل الكثير مش حلو لنفسية الولد وخاصة لو حساس زي ابنى.
كمان في اصحابله من مدرسته القديمة هايحولوا ويا رب يتم السنة دي وجايين ان اشاء الله معاه .
فالالم اللى شعر به لانه سابهم هايبقى بامر الله فرحة بانهم اتجمعوا تانى ,
عاوزة اقولك ان ده اخر حاجة في اعتباراتي بس برضه حاجة ممكن تسعده وربنابسعدهم ويقدرنا على حملنا ومسؤليتنا تجاههم.
كنت متألمة جدا وهو حاسس بالقهروالرعب من مدرسين مدرسته الاولى!! واتكسفت لما المدرس اللى ضربه كذب وحاول يخليابني يكذب زيه علشان خايف يعترف يغلطته ونسي ان الطفل مالوش مصلحة انه يفتري عليه!! ياللا ذكريات اليمة الله لا يعيدها لا لنا ولا لغيرنا.
ma3lenahhh
كويسه دينا بس اولا على الطريق و ثانيا عرفت من مصادر شغاله هناك ان مفيش حزم مع الطلبه و بياخدوا راى الطلبه فى المدرسين و لو مش حلو يمشوه يعنى المدرس هناك على مزاج الطلبه
kouky5
03-03-2010, 02:22 PM
لسه واحدة امبارح بتحكي لي ان صاحبتها ابنها في مدرسة النزهة الحجاز بتقول عليها سيئة جدا
noga76
03-03-2010, 02:45 PM
معلش يا جماعة انا هدوشكو معايا بس لصل ان مترددة شوية في موضوع المدارس دة والوقت بيجري مني وكنت عاوزة اديق نطاق البحث عندي
بس في ناس قالولي عن مدرسة الجيل الجديد في القطامية فياترى في حد يعرف عنها حاجة عن مستواها ومصاريفها ولو في حد عنده رقم تليفونها يا ريت يفيدني
اهلا بيكى يا هنا
بوصى انا من سكان المعادى و السنة الى فاتت روحت الجيل الجديد (مش الى هى جنب ميلينيوم و نور) بصراحة معجبتنيش اوى و كل ما اسأل حد عنها ميعرفهاش خالص هى مصاريفها فى حدود 6500 بدون باص(و لما سألت المدرسة ادفع كام ترم اول و كام تانى , قالتلى : كل ما يكون معاكوا فلوس هاتوها , اى حاجه !!! http://1.1.1.3/bmi/www.lakii.com/vb/smile/22-17.gif (http://www.lakii.com/vb/smiles/index.php)). اصل فى واحده تانيه اسمها نفس الاسم بس انترناشونال بس مش فى المعادى دى كويسه
فانتى لو عايزه فى رانج ال 6000 فى المعادى يبقى العروبة و سما احسن منها طبعا
و لو عايزه فى رانج 7000-7500 يبقى عندك سقارة فى الزهراء (بس عيبها بيخدوا 3500 دونيشن) و فى منارة المستقبل و فى ميلينيوم (تيجى بعد سقارة و منارة المستقبل )
muslium
03-03-2010, 03:35 PM
جزاكم الله خيرا يا بنات على المجهود الجميل فى مساعدة الأمهات الجدد معانا
أم عبد الله شكر خاص ليكى انك لقيتى المعلومات ديه عن النزهه انا دورت عليها عندى و ملقتهاش مع ان غالبا انا اللى مجمعاها هههه
jana walid
03-03-2010, 04:53 PM
مساء الخير
اتمنى تكونو فاكرني انا كنت معاكو السنه اللى فاتت وانقطعت عنكو فتره وفضلت ادور كتير عليكو بالمنتدى بس مش عرفت اوصلكو غير دلوقت
مبروك الجزء الجديد
انا بأذن الله هقدم لابني السنه دي وفكرت في المصريه للغات انا من سكان المعادي بس زوجي مش مواففق عليها عشان المسافه وعشان خطر الطريق
وقدامي العروبه عاوزه اعرف ايما افضل انا مش قادره احدد وهل مدرسه سقاره كويسه من ناحيه التعليم ولا لا
ليكن في معلوم الجميع العروبه السنه دي بتاخد 7.500 والمصريه ب 8200
sadina
03-03-2010, 06:39 PM
جنا اهلا بيك يا قمر...لو عاوزة مدرسة حلوة قوي في المعادي يبقى عندك امجاد ..ام فريدة دخلت بنتها فيها وبتشكر فيها جدااااا...سقارة مش عارفة ناس بتشكر فيها وناس نقلت منها...
اهلا بيكى يا هنا
بوصى انا من سكان المعادى و السنة الى فاتت روحت الجيل الجديد (مش الى هى جنب ميلينيوم و نور) بصراحة معجبتنيش اوى و كل ما اسأل حد عنها ميعرفهاش خالص هى مصاريفها فى حدود 6500 بدون باص(و لما سألت المدرسة ادفع كام ترم اول و كام تانى , قالتلى : كل ما يكون معاكوا فلوس هاتوها , اى حاجه !!! http://1.1.1.3/bmi/www.lakii.com/vb/smile/22-17.gif (http://www.lakii.com/vb/smiles/index.php)). اصل فى واحده تانيه اسمها نفس الاسم بس انترناشونال بس مش فى المعادى دى كويسه
فانتى لو عايزه فى رانج ال 6000 فى المعادى يبقى العروبة و سما احسن منها طبعا
و لو عايزه فى رانج 7000-7500 يبقى عندك سقارة فى الزهراء (بس عيبها بيخدوا 3500 دونيشن) و فى منارة المستقبل و فى ميلينيوم (تيجى بعد سقارة و منارة المستقبل )
سلام عليكم انت قولتى سما احسن انت تعرفى عنها اية . يا ريت لو عندك معلومات عن مدرسة سما تقوللى بسرعة علشان التفديم فتح
وياريت حد يعرف معلومات عن مدرسة roots & mse &اجياد يرد ارجوكم
sadina
03-03-2010, 08:18 PM
زودي roots مدرسة حلوة جدا جدا.ومن افضل مدارس مصر..سمعت الكلام من الفايس بوك..في جروب المدارس..
jana walid
03-03-2010, 08:54 PM
شكرا لردك احت سادينا
hana omar
03-03-2010, 09:16 PM
نوجا هو اية بالظبط اللي معجبكيش في مدرسة الجيل الجديد
* زوزا 1981:
** ** ** **
الاسم: مدرسة دار قرطبة
· العنوان: التعاون-الهرم-الجيزة فيصل
· التليفون: 435345 – 234344
· الموقع : http://www.qurtuba.info/App_Forms/default.aspx (http://www.qurtuba.info/App_Forms/default.aspx)
· المصاريف :
§ 2900 تقريبا
§ الباص: 1000 جنيه من التحرير لمدينه نصر- التحرير للجيزه 150 جنيه شهريا
· مواصفات:
مميزات المعهد :
·لا يوجد فرق في المصروفات بين المصري والاجنبي
·تدرس اللغه الفرنسيه من الصف الرابع الابتدائي في قسم اللغات
·يتم تدريس المواد الشرعيه من الصف الاول الاعدادي وهي (فقه، تفسير، سيره، توحيد، تجويد).
·صلاه الظهر جماعه كل يوم.
·ختم القران في المرحله الثانويه
·فصل البنين عن البنات من كجي.
المرحله : تمهيدي : 3 سنوات
اختبار الالتحاق: يتم عمل اختبار مهارات عقليه
المنهج الدراسي : يحفظ سور قصيره - قصص واداب واذكار
·اللغه العربيه: كتاب بستاني
·الحساب: ارقام
·اللغه الانجليزيه : balloons
المرحله: كجي 1 = 3 سنوات و9 اشهر
اختبار الالتحاق: ماتيسر من السور القصيره
iQ + عربي + حساب+ انجلش يختبر الطفل في التعرف على جميع الحروف والارقام بالغتين شفويا ويفضل التعرف على مهاره استخدام القلم
المنهج الدراسي:
·القران: الناس : العاديات
·اللغه العربيه: قطار الايمان
·اللغه العربيه بستان حروفي
·حساب: روضه الارقام والمهارات الحسابيه المستوى الاول.
·اللغه الانجليزيه little pearls
واخت جوزي مدخله ابنها بس بتقول هي كويسه بس الشيتات كتيره يعني لازم شغلك معاه يبقى جامد
**********************************************
· من أقوال المتقدمين للمدرسه:
§ الجزء السابع ... (164) ... نهى 2009 ... هما قابلونا بوجه بشوش و قدموالنا ورقه فيها كل المعلومات زي اللي كتبتيهالي يا اودي ربنا يكرمك و المدرسة جميلة و مصاريفها هادية وو فيها كل مميزات التعليم الازهري الحديت و ليهم كمان موقع على النت عليه كل المعلومات تشمل المصروفات و المناهج, المأخذ اللي اخده عليهم زوجي هو ان فصول الكي جي رطبة غير جيدة التهوية بالأضافة لتوغلها داخل المنطقه السكنية .
possy26
04-03-2010, 12:22 AM
فعلا يا كوكى انا كمان واحدة صحبتى فى النزهة اللى فى الحجاز عايزة تنقل بنتها لان المستوى الاجتماعى سئ لانها فيها كلاسات كتيرة جدا عربى دة غير الضرب والشتيمة وضعف الانجليزى
Om AbdElRahman
04-03-2010, 03:46 AM
طيب فى الفاروق الحجاز و السيدة عائشة مدارس اسلامية و جيدة تعليميا
انا نفسى فى الفاروق بس المشكلة فى السن
عبد الرحمن حايبقى 6 سنين و 4 شهور اكتوبر اللى جاى و باباه عايزه يدخل 1st primary مش 2nd
النزهة مافيهاش المشكلة دى لان التقديم فى 1st primary من اول 6 سنين
بالنسبة للسيدة عائشة معرفشى بياخدوا من سن كام و ماعنديش اى معلومات عنها
angie
04-03-2010, 03:53 AM
:[MMياريت اى معلومات عن مدرسة المقطم للغات ""الادارة-النظام-التعامل مع المشاكل" ضرورى لانى لزم ادفع جزء من المصاريف
Om AbdElRahman
04-03-2010, 04:07 AM
ام عبد الله
بارك الله فيك على اهتمامك معلومات مهمة و وافية بجد
و طبعا شكرا لmuslim اللى مجمعلنا كل الحاجات دى
كوكى و بوسى انا فعلا ملاحظة تكرار الشكوى من المستوى الاجتماعى للمدرسة سواء فى اللى بعتته ام عبد الله او فى اللى انتو قولتوه
حاحاول بقى افكر فى مدرسة تانية اقدم فيها لان لغاية دلوقتى مافيش غير مدرسة الرواد هى اللى ناوية اقدم فيها بس كل الناس قالولى ان risky جدا انى اقدم فى مدرسة واحدة خاصة وانا مقدمة على 1st primary على طول
الله المستعان
و بجد شكرا ليكوا جدا على كل التعب اللى تعبتوه معايا
jana walid
04-03-2010, 08:52 AM
انا بصراحه معجبه جدا بالمصريه للغات وحاسه انها مختلفه عن مدارس كتير بس الطريق انا معرفش زوجي قلقان منه قوى وقالى الدايري
انا عارفا انك يانوجا بالمصريه وانك من سكان المعادي بتعملى ايه بالظبط هل بتوديه بالباص ولا انك الى بتسوقي معلش بغلس عليكي بس عاوزه اطمن انا كمان شكرا
dodo_09
04-03-2010, 09:23 AM
زودى..بالنسبة لروتس الكل بيشكر فيها..mse french هو اللى كويس لكن بيقولو ان القسم الانجليش مش زى الفرنش
dodo_09
04-03-2010, 09:59 AM
لازم يا دودو يكون عند المدرسة طريقة تخليها تشارك معاها..يعني تشجعها..وشوية شوية حتلاقيها ماشية كويس...مش بتك في ولاد كتير كده وده دور المدرسة...
سادو ازيك ..انا كلمت الميس فى التليفون و عرفت منها ان هنا شاغلة وقتها كله بالواتر فلاسك او اللنش بوكس او الباج بتعتها مش بتنتبه الميس بتقول ايه غير ان وقت الc.w كل شوية تقول تويليت بليز!!!! انا بقى بحاول اشجعها فى البيت علشان تنتبه مع الميس و كمان الميس بتحاول و دلوقتى الحمدلله بتكتب ال c.w
noor angel
04-03-2010, 10:34 AM
..................
noor angel
04-03-2010, 10:37 AM
............
انسانه تحب الله
04-03-2010, 11:21 AM
تاسلام عليكم ورحمه اللله وبركاته
وحشتونى اوى اوى
انا بخير ويا رب تكونو كلكم بخير
مسلم ممكن لو تسمحى كنت عيزه اسالك عن كام مدرسه ايه اللى اتكتب عنها
مدرسه مناره المستقبل ومرسه ميلينيوم ومدرسه سما ومدرسه نور واى مدرسه ناحيه كارفور تقريبا فى مدرسه اسمها رواد المستقبل
وشكرا جزيلا ليكى على تعبك ويايا
ازى باقى الشله الجميله
Om AbdoAllah
04-03-2010, 12:11 PM
جزاكم الله خيرا يا بنات على المجهود الجميل فى مساعدة الأمهات الجدد معانا
أم عبد الله شكر خاص ليكى انك لقيتى المعلومات ديه عن النزهه انا دورت عليها عندى و ملقتهاش مع ان غالبا انا اللى مجمعاها هههه
السلام عليكم ورحمة الله وبركاته
يا مسلم لا شكر علي واجب انا اتعلمت منكم العطاء ده والبحث والافادة لاي حد بيسأل عن اي حاجة فالشكر ليكم انتم
Om AbdoAllah
04-03-2010, 12:21 PM
مساء الخير
اتمنى تكونو فاكرني انا كنت معاكو السنه اللى فاتت وانقطعت عنكو فتره وفضلت ادور كتير عليكو بالمنتدى بس مش عرفت اوصلكو غير دلوقت
مبروك الجزء الجديد
انا بأذن الله هقدم لابني السنه دي وفكرت في المصريه للغات انا من سكان المعادي بس زوجي مش مواففق عليها عشان المسافه وعشان خطر الطريق
وقدامي العروبه عاوزه اعرف ايما افضل انا مش قادره احدد وهل مدرسه سقاره كويسه من ناحيه التعليم ولا لا
ليكن في معلوم الجميع العروبه السنه دي بتاخد 7.500 والمصريه ب 8200
الحمد لله عبد الله ابني قدم في العروبة السنة دي وانا كنت في حيرتك السنة اللي فاتت بس انا كانت حيرتي كبيرة شوية انا المدارس اللي رحتها 4 مدارس غير اللي سألت عليها سواء بالتليفون او النت ما تعديش
بصراحة العروبة عجبتني جدا وخصوصا بعد عبد الله مادخلها .. هي جمعت بين الخبرة لانها مدرسة قديمة قوي وعريقة زي ما بيقولوا وفي نفس الوقت مواكبة للأحداث الstuff بتاعها كويس وملتزمين جدا والنظافة.. المستوي التعليمي برضه كويس قوي بصراحة عبد الله لسه في nurssery فمقدرش احكم قوي علي المستوي التعليمي لكن ما شاء الله انا اعرف خريجين منها وكلهم بيشكروا فيها وعبد الله ما شاء الله بيجي عارف حاجات كتير يعني كل يوم بيفرق معاه
علي فكرة هي بتاخد KG1 من 4 سنين بالتمام والكمال عبد الله ما لحقش علي شهر واحد
عندهم مشكلة صغيرة الباص مش بيطلع الكورنيش والا الدائري والا الاوتوستراد...!!!!
ربنا ييسرك الحال ويهديكي لما فيه الصواب لاولادك
Om AbdoAllah
04-03-2010, 12:34 PM
تاسلام عليكم ورحمه اللله وبركاته
وحشتونى اوى اوى
انا بخير ويا رب تكونو كلكم بخير
مسلم ممكن لو تسمحى كنت عيزه اسالك عن كام مدرسه ايه اللى اتكتب عنها
مدرسه مناره المستقبل ومرسه ميلينيوم ومدرسه سما ومدرسه نور واى مدرسه ناحيه كارفور تقريبا فى مدرسه اسمها رواد المستقبل
وشكرا جزيلا ليكى على تعبك ويايا
ازى باقى الشله الجميله
انا رحت مدرسة نور وبصراحة هي كانت عجباني جدا بس كان فيه كام حاجة قلقتني .. اولا انها جديدة فحاسة رغم قوة المناهج انهم بيتخبطوا شوية يعني غيروا منهج الانجليزي مرتين في 3 سنوات .. كانوا شغالين بواحد لقوا التاني احسن فغيروا وكده
المدرسة نفسها مش كاملة يعني المبني دورين والباقي تحت الانشاء بس الحق يقال اللي موجود رائع الكلاسات حلوة قوي ونظيفة عنهم بيسين دافئ مهتمين جدا بالناحية الدينية ودي كانت اكتر حاجة فارقة معايا
حكاية بقي الكهرباء والضغط العالي اللي ادام المدرسة والقيل والقال عليهم ضار مش ضار وكده قلقتني
انا كنت رايحة وكنت عارفة ان المصاريف كانت 4.5 لقتها 7 من غير الكتب واليونيفورم والباص طبعا .. الكتب 750 واليونيفورم 750 والباص 2000 :[]L:[]L:[]L ده السنة اللي فاتت
كلمة حق ممكن المدرسة دي يكون لها شأن كبير بعد كده بس بصراحة انا حاسة ان السنوات الاولي في تعليم الطفل دي مهمة جدا فحبيت ادخل مدرسة مستقرة احسن
om omar2005
04-03-2010, 01:09 PM
ازيكو يا حلويين اخباركو ايه وحشتونى
يا امهات طلبه الرواد انتو فيين و الاولاد عامليين ايه شوفتوا بيجروا ازاى فى الترم التانى
طمنونى عليكو و على اولادكوا
زودي roots مدرسة حلوة جدا جدا.ومن افضل مدارس مصر..سمعت الكلام من الفايس بوك..في جروب المدارس..
منشكرة جدا ياsadina , doda .
noga ياريت تردى عليا بخصوص سما
Ms3sam
04-03-2010, 02:44 PM
انا نفسى فى الفاروق بس المشكلة فى السن
عبد الرحمن حايبقى 6 سنين و 4 شهور اكتوبر اللى جاى و باباه عايزه يدخل 1st primary مش 2nd
النزهة مافيهاش المشكلة دى لان التقديم فى 1st primary من اول 6 سنين
بالنسبة للسيدة عائشة معرفشى بياخدوا من سن كام و ماعنديش اى معلومات عنها
ام عبد الرحمن
بصي مجموعه المدارس اللي بتتكلمي عليهم دول في النزهه معروف ان افضل واحده الفاروق تليها السيده عائشه تليها مودرن والنزهه وفي اخر القائمه السيده خديجه ( الكلام ده من الاداره التعليميه)
بصي السيده عائشه بياخدوا اقل سن للتقديم فى 1st primary هوه 6 سنين بس برده بياخدوا باللي سنه اكبر زي الفاروق بالظبط يعني السنه اللي فاتت بعد 3 تنسيق اصغر سن للKG خدوه 4 سنيين و7 شهور
انا حبيت افيدك بمعلومات اعرفها وربنا معاكي
jana walid
04-03-2010, 07:12 PM
شكرا ياام عبد الله على مهبتك واهتمامك وردك زوجي قدم الحمدلله النهارده بالمصريه للغات وكنت عاوزه الحق تقديم العروبه بس حصلت مشكله بالعربيه عجزتني فقلت باذن اله اروح يوم الاحد لانه كمان اللى عرفته بعد كده انه لازم تقدمي بكذا مدرسه عشان ممكن الولد بترفض
ربنا يسهل الحال ويسترها علينا جميعا امين
tafy80
04-03-2010, 08:43 PM
اهلا بيكى يا هنا
بوصى انا من سكان المعادى و السنة الى فاتت روحت الجيل الجديد (مش الى هى جنب ميلينيوم و نور) بصراحة معجبتنيش اوى و كل ما اسأل حد عنها ميعرفهاش خالص هى مصاريفها فى حدود 6500 بدون باص(و لما سألت المدرسة ادفع كام ترم اول و كام تانى , قالتلى : كل ما يكون معاكوا فلوس هاتوها , اى حاجه !!! http://1.1.1.3/bmi/www.lakii.com/vb/smile/22-17.gif (http://www.lakii.com/vb/smiles/index.php)). اصل فى واحده تانيه اسمها نفس الاسم بس انترناشونال بس مش فى المعادى دى كويسه
فانتى لو عايزه فى رانج ال 6000 فى المعادى يبقى العروبة و سما احسن منها طبعا
و لو عايزه فى رانج 7000-7500 يبقى عندك سقارة فى الزهراء (بس عيبها بيخدوا 3500 دونيشن) و فى منارة المستقبل و فى ميلينيوم (تيجى بعد سقارة و منارة المستقبل )
eh دة يا نوجا انتي فين في المعادي أنا فالزهراء
tafy80
04-03-2010, 08:57 PM
فريق المصرية إزيكو كولكو عملو إيه الولاد في الاكتفتيز...للأسف سلمى كانت عيانة أوي و غابت و محضرتش أول سيشين في الكراتيه
muslium
04-03-2010, 10:51 PM
تاسلام عليكم ورحمه اللله وبركاته
وحشتونى اوى اوى
انا بخير ويا رب تكونو كلكم بخير
مسلم ممكن لو تسمحى كنت عيزه اسالك عن كام مدرسه ايه اللى اتكتب عنها
مدرسه مناره المستقبل ومرسه ميلينيوم ومدرسه سما ومدرسه نور واى مدرسه ناحيه كارفور تقريبا فى مدرسه اسمها رواد المستقبل
وشكرا جزيلا ليكى على تعبك ويايا
ازى باقى الشله الجميله
أنسانه أزيك عامله ايه عاش مين شاف كلامك :)
ده لينك فيه كل المدارس اللى فى المعادى و المقطم اتمنى يفيدك
http://rapidshare.com/files/354542514/maadi-mokatm.rar.html
muslium
04-03-2010, 10:52 PM
السلام عليكم ورحمة الله وبركاته
يا مسلم لا شكر علي واجب انا اتعلمت منكم العطاء ده والبحث والافادة لاي حد بيسأل عن اي حاجة فالشكر ليكم انتم
جزاكى الله خيرا على الكلام الجميل ده
hana omar
05-03-2010, 01:35 AM
يا جماعة حد يعرف حاجة عن مصاريف جرين هايتس التجمع ونارمر المعادي
kouky5
05-03-2010, 01:58 AM
انسانة وحشاني كتير...اخبارك ايه
ازيك تافي... في المصرية مدينة نصر كان في رحلة يوم الاربعاء لمسرح العرائس وكريم راح وانبسط جدا
بالنسبة للاكتيفيتي هو حب الباسكيت بس للاسف مرحش تاني مرة علشان كان عنده برد
أم جورى
05-03-2010, 02:48 AM
على فكرة جالى ورقة من المدرسة بالاكتيفيتى
رماية وفروسية ب150 فى الشهر
كاراتيه ب85
جمباز ب85 شامل الانتقالات ومرتين فى الاسبوع
Om AbdElRahman
05-03-2010, 04:13 AM
ام عبد الرحمن
بصي مجموعه المدارس اللي بتتكلمي عليهم دول في النزهه معروف ان افضل واحده الفاروق تليها السيده عائشه تليها مودرن والنزهه وفي اخر القائمه السيده خديجه ( الكلام ده من الاداره التعليميه)
بصي السيده عائشه بياخدوا اقل سن للتقديم فى 1st primary هوه 6 سنين بس برده بياخدوا باللي سنه اكبر زي الفاروق بالظبط يعني السنه اللي فاتت بعد 3 تنسيق اصغر سن للKG خدوه 4 سنيين و7 شهور
انا حبيت افيدك بمعلومات اعرفها وربنا معاكي
Ms3sam
متشكرة جدا على اهتمامك
كدة ان شاء الله حاحط مدرسة السيدة عائشة فى حساباتى و ربنا يقدم اللى فيه الخير
هى الادارة التعليمية اكيد بتتكلم عن المستوى العلمى
هل عندك اى فكرة عن المستوى الاجتماعى او اخلاق الطلبة شكلها ايه او تعرفى حد متخرج منها
ولو يا ريت حد يعرف ال site بتاعها و رقم التليفون لانى ماعرفتش اوصللهم من الinternet
Om AbdElRahman
05-03-2010, 05:14 AM
Om omar
يا ترى ايه تقييمك لمدرسة الرواد لغاية دلوقتى
Ms3sam
05-03-2010, 07:34 AM
Ms3sam
متشكرة جدا على اهتمامك
كدة ان شاء الله حاحط مدرسة السيدة عائشة فى حساباتى و ربنا يقدم اللى فيه الخير
هى الادارة التعليمية اكيد بتتكلم عن المستوى العلمى
هل عندك اى فكرة عن المستوى الاجتماعى او اخلاق الطلبة شكلها ايه او تعرفى حد متخرج منها
ولو يا ريت حد يعرف ال site بتاعها و رقم التليفون لانى ماعرفتش اوصللهم من الinternet
Om AbdElRahman
بصي يا ام عبد الرحمن
بالنسبه للمستوى الاجتماعي نتيجه لوجودها في المكان ده فطبعا اجتماعيا ممتازين بمعنى اولاد ناس محترمه ومعظمهم ماديا مستريحين رغم ان المدرسه مش غاليه بس نفس نظريه الفاروق اللي قدامها
التحفيظ فيها اكتيفيتيز بس بيدخلوا مسابقات والصلاه جماعه لكل المدرسه
سينيور الانجلش قويه وده سر قوه المدرسه
بصي انا ابن خالي متخرج منها ومخلص اكاديميه السادات دلوقت وهو يعتبر كان ملوش في المذاكره خالص اقصد ان مستواه وحش جدا
بس مش هضحك عليكي واقولك ان الاخلاقيات عاليه قوي لا فيه وفيه دي بقى التربيه (بس مفيش الحاجات اللي تخض)
اما سايت للمدرسه معتقدش تلاقي بس تقديمهم من شهر 5 او 6 مش متاكده
ولو عندك اي سؤال انا في الخدمه
يا muslem ممكن تبعتلى معلوماتك عن اجياد الازهرية والفاروق وياريت تكتبيه لان الlink لا يفتح
معلش انا بتقل عليكى انا اسفة
noga ممكن تقوللى معلوماتك عن سما وهل اقصدك اللى عند كارفور
om omar2005
06-03-2010, 11:04 AM
صباح الخير على الامهات اللى تعبانه مع ولادها زينا ربنا يهونها علينا يارب
أم عبد الرحمن بالنسبة لمدرسة الرواد
بصى انا هقولك اللى انا شايفاه لان عمر باشا مش بيقول عن كل اللى بيعملوه انا بعرف بالصدفة
مدرسة الانجليش ( اللى هى مدرسه الكلاس ) الحمد لله كويسة عمر بيرجع عارف الحرف كويس و معاه 3 كلمات و شوفتها كذا مرة و انا رايحة اخده قاعدة الاولاد كل واحد لوحدة و بتعلمه ازاى يكتب الحرف بس مشفتهاش و لا مرة مع عمر يمكن بتقعد معاه قبل ماجى او مش محتاج كل ما سأل عليه تقولى انو الحمد لله كويس و احسن من ناس كتير بس العيب الشقاوة و ان دا عادى
فى التيرم الاول كان بياخد كل اسبوع حرف و فى التيرم التانى كل اسبوع حرفيين
وصلنا فى الحروف لحد K و الاعداد لحد 7 بالانجليزى
العربى بيقول ان الميس اتغيرت فى الترم التانى بس هى بردوا كويسة الحمد لله بيجى عارف شكل الحرف و حافظ و كمان بتديله دين و دى ميزة فى المدرسة بس مش كثير امبارح و انا براجع معاه لقيته حافظ الفاتحة و النصر و الكافرون و التكاثر ( ملحوظة هو كان واخدهم فى الحضانه و لحد دلوقتى براجع معاه القران فى البيت كل اسبوع تقريبا )
بيدوهم احاديث و ادعية كمان
بالنسبة لللاعداد بالعربى هما مش مركزين عليها خالص و عشان كدا انا هاديهالوا فى الصيف
فيه ساينس عباره عن الالوان و اشارات المرور ووسائل المواصلات
المستوى الاجتماعى للمدرسة شايفة انو متوسط رغم ان المدرسة تعتبر غاليه
المدرسيين بوجه عام اللى انا شوفتهم هاديين و بشوشيين و الحمد لله مفيش مشاكل قابلتنى لحد دلوقتى
المدرسة فيها التزام و نظام
العادى ان عمر بقى شقى زياده بعد المدرسة
بالنسبة للانشطة هما بياخدوا ارت و PE بس مفيش نشاط زياده زى مكانوا بيقولوا كل يوم خميس بيقى فان داى بس الدراسه بتبقى عادى بس بيرحوا بلبس خارجى يوم اخضر و يوم الاحمر و يوم للاحتفال بالمولد النبوى
بصى انا كام عايزة يبقى ابنى فى احسن مدرسة و بطبعتى مستعجله فمش عارفة دا كويس لKG1 و لا ممكن يكون فيه احسن من كدا و طبعا اللى عرفته ان مفيش مدرسة فيها كل حاجة لان دا اول طفل ليا
المصاريف 6100
الباص 1500 مدينه نصر
بس لو احتاجتى حاجة قوليلى اتمنى اكون افدتك
jana walid
06-03-2010, 05:15 PM
مساء الخير على الامهات جميعا
عاوزه اعرف الامهات اللى مقدمه لاولادها بالمصريه للغات وساكنه بالمعادي بتعمل ايه بالظبط في المسافه
الكل بيخوفني من بعد المسافه وخطر الطريق وخاصه ان انا اللى هسوق
انا قدمت لابني في المصريه وحددو موعد للانترفيو وربنا يستر بقا
أم جورى
06-03-2010, 10:41 PM
السلام عليكم ورحمة الله
مسلمة عندى ليكى كام سؤال كدة بعد اذنك بما انك خبرة ماشاء الله
عاوزة اعرف امشى فى نظام المذاكرة ازاى لان بنتى اتعودت على اللامبالاة خالص تعمل الهوم وورك وخلاص على كدة أنا بقى نفسى تحفظ كلمات انجلش فرنش
هى للامانة حافظة الكلمات بتاعة الدروس وبالكتابة بس اسألها معنى دى ايه مش بتعرفهم كلهم وكان حد قاللى ما اترجملهاش الكلمات علشان تتعود على كدة طيب هل تحفظ وخلاص كدة زى الكتبة مش المفروض يبقى عندها خلفية دى معناها ايه وعلشان ايه ؟؟؟؟؟؟
كمان حاجة هى مش بتحب تقعد فترة طويلة على المذاكرة لوحدها الا بقى لو أنا قعدت على راسها وشديت عليها وطبعا بتأفف وأوف زهقت أوف تعبت وطبعا على نهاية القعدة بكون أنا كمان فقفقت ومش طايقة نفسى ولا طايقاها مع انها شطورة بس أنا مش عارفة ليه مابقاش ليا خلق خالص
حاجة كمان عاوزة اعرف أنا لوحدى اللى كدة ولا فى حد متضامن معايا :) طووووووووووووووول النهار متعصبة ومتنرفزة وعلطول عمالة ده لأ كدة غلط كدة عيب ماتعملش كدة اسمعى الكلام ولما بيناموا بأنب نفسى بحس انى الشاويش عطية وطبعا البابا ما بنقوله لأ بيجى يطبطب ويدلع وأنا بقى الساحرة الشريرة
أنا الموضوع ده مضايقنى نفسيا أوى بجد نفسى أهدى نفسى انا زمان ما كانش حد بيسمع صوتى خالص وأنا بتكلم دلوقتى بقى علشان أحتفظ برقتى :) بزعق على جوه وبحس بصداع فظيع على اخر اليوم ده فيروس فى الجو ولا حالة خاصة
دبرنى يا وزير يا حكيم
possy26
06-03-2010, 11:51 PM
ام جورى انا حالتى زيك بالظبط نفس العصبية نفس حالة بنتى هى حالة بنتك بالظبط بالاضافة الى البرود كمان يا ريت حد فعلا يقولنا اية الحل اة على فكرة انا كمان الساحرة الشريرة وباباهم الملاك اللى بجناحات
possy26
07-03-2010, 12:08 AM
بالمناسبة اية احسن طريقة تحفظ بيها جدول الضرب لانى قربت اتجنن
أم جورى
07-03-2010, 01:07 AM
بوسى ازيك يا قمر
جدول الضرب عاوز صبر غير عادى لأنك لو ماصبرتيش ممكن بعد الشر دماغك تضرب وساعتها هتقومى رابطة القمطة فوق دماغك وتبقى ام قمطة
بصى لو بنتك فى برى 2 يبقى لازم لازم تجمع بالعدد
يعنى مثلا تيبل 2 تفهميها انها تفضل تزود 2 ده بعد تجابر مريرة مع بنتى السنة اللى فاتت
لأن الحفظ بالتكرار مش بينفع مع بنتى خالص مش بتعرف تحفظ
السنة دى فى التيرم التانى عليهم الجداول برضو لان هياخدوا القسمة عقبال عندك الموضوع اختلف تماما والحمد لله بدأت تعرف الجدول مش بالترتيب
وبرضو نستنى راى مسلم ونشوف هى اتعاملت مع التحفة الفنية اللى هى الجداول ازاى
kouky5
07-03-2010, 01:47 AM
ام جوري وبوسي
طريقة لحفظ جدول الضرب للارقام فوق الخمسة
http://www.youtube.com/watch?v=kV0pqV4zTQo
طريقة سهلة لجدول 9 تحفففة سهل جدا
http://www.youtube.com/watch?v=gdgGR_3yR58&feature=related
دي طريقة تانية لحفظ جدول 9
http://www.youtube.com/watch?v=3Y8VJesmvg4&feature=related
Om AbdElRahman
07-03-2010, 08:52 AM
ms3sam
انا فعلا كنت قلقانة من موضوع المصاريف انها قليلة لتكون مقصرة جامد على المستوى الاجتماعى
كلامك عن المدرسة ريحنى
انا ان شاء الله حاقدم فيها
و طبعا حاصلى استخارة و ربنا يوجههنا للى عيه الخير
و متشكرة اوى يا ms3sam
Om AbdElRahman
07-03-2010, 09:19 AM
Om Omar
طبعا افدتينى اوى
تقرير وافى جدا
اكيد اخد منك حبة وقت جزاك الله خيرا
المدرسة شكلها كويسة الحمد لله
وفعلا زى مانت قلتى مهما كان الواحد عايز لولاده الاحسن مافيش مدرسة فيها كل حاجة
ربنا يكرمنا جميعا فى ولادنا ان شاء الله
om omar2005
07-03-2010, 09:58 AM
صباح الخير
ربنا يخليك يا أم عبد الرحمن و ان شاء الله يوفقك للى فيه الخير
ام جورى اعتقد ان كلنا فى الهوا سوا انا كمان زيك كدا على طول متعصبه خصوصا وقت المذاكر رغم ان عمر صغير فى السن لكن مفيش فايدة دلع و مش عايز يقعد و لازم نشخط و نزعق و ساعات اضرب و طبعا انا اللى وحشة و بابا هو الملاك اللى مدلعو و حبيب بابى و حاجات كدا و مش عارفة اعمل ايه لسه امبارح كنا بنتكلم و قاللى ان المفروض الشده و الضرب دا من سن 7 سنين و ان الدين بيقول كدا و بعدين قاللى انا هبقى ادور على كتاب عن التربية فى الاسلام و طلعت انا اللى غلطانه
لو عرفتوا طربقة قلولى
Om AbdoAllah
07-03-2010, 11:36 AM
شكرا ياام عبد الله على مهبتك واهتمامك وردك زوجي قدم الحمدلله النهارده بالمصريه للغات وكنت عاوزه الحق تقديم العروبه بس حصلت مشكله بالعربيه عجزتني فقلت باذن اله اروح يوم الاحد لانه كمان اللى عرفته بعد كده انه لازم تقدمي بكذا مدرسه عشان ممكن الولد بترفض
ربنا يسهل الحال ويسترها علينا جميعا امين
السلام عليكم ورحمة الله وبركاته
لا شكر علي واجب يا جنا ربنا ييسر لاولادك الخير انا لقتهم في العروبة لسه بيسجلوا الأسماء والتليفونات وكده ولما يبتدي الانترفيو والتقديم يكلموكي .. انتي رحتي العروبة النهاردة والا لأ؟؟؟؟؟؟؟ انا شفت مجموعة واقفين بيتكلموا عن المدرسة والمدارس وكده قلت دي اكيد مدارس مدارس ..
انتي هتقدمي ان شاء الله KG والا nurssery؟
Om AbdoAllah
07-03-2010, 11:41 AM
يا جماعة حد يعرف حاجة عن مصاريف جرين هايتس التجمع ونارمر المعادي
متهيألي نارمر السنة اللي فاتت كانت 11000 بس خدي بالك بيقفلوا التقديم بدري جدااااااااااااااا السنة اللي فاتت رحت اقدم لعبد الله فيها عشان قرب المكان هي خلف بيتي علطول بروحها مشي .. رحت لقتها قفلوا التقديم وده اللي خلاني جريت ادور بسرعة علي بقية المدارس .. بالمناسبة انا لما عرفت ان دي كانت مصاريفهم استغربت واستغليتها كنت فاكراها أقل من كده.
muslium
07-03-2010, 12:05 PM
السلام عليكم ورحمة الله
مسلمة عندى ليكى كام سؤال كدة بعد اذنك بما انك خبرة ماشاء الله
عاوزة اعرف امشى فى نظام المذاكرة ازاى لان بنتى اتعودت على اللامبالاة خالص تعمل الهوم وورك وخلاص على كدة أنا بقى نفسى تحفظ كلمات انجلش فرنش
هى للامانة حافظة الكلمات بتاعة الدروس وبالكتابة بس اسألها معنى دى ايه مش بتعرفهم كلهم وكان حد قاللى ما اترجملهاش الكلمات علشان تتعود على كدة طيب هل تحفظ وخلاص كدة زى الكتبة مش المفروض يبقى عندها خلفية دى معناها ايه وعلشان ايه ؟؟؟؟؟؟
كمان حاجة هى مش بتحب تقعد فترة طويلة على المذاكرة لوحدها الا بقى لو أنا قعدت على راسها وشديت عليها وطبعا بتأفف وأوف زهقت أوف تعبت وطبعا على نهاية القعدة بكون أنا كمان فقفقت ومش طايقة نفسى ولا طايقاها مع انها شطورة بس أنا مش عارفة ليه مابقاش ليا خلق خالص
حاجة كمان عاوزة اعرف أنا لوحدى اللى كدة ولا فى حد متضامن معايا :) طووووووووووووووول النهار متعصبة ومتنرفزة وعلطول عمالة ده لأ كدة غلط كدة عيب ماتعملش كدة اسمعى الكلام ولما بيناموا بأنب نفسى بحس انى الشاويش عطية وطبعا البابا ما بنقوله لأ بيجى يطبطب ويدلع وأنا بقى الساحرة الشريرة
أنا الموضوع ده مضايقنى نفسيا أوى بجد نفسى أهدى نفسى انا زمان ما كانش حد بيسمع صوتى خالص وأنا بتكلم دلوقتى بقى علشان أحتفظ برقتى :) بزعق على جوه وبحس بصداع فظيع على اخر اليوم ده فيروس فى الجو ولا حالة خاصة
دبرنى يا وزير يا حكيم
أم جورى بجد أضحك الله سنك موتينى من الضحك
متقلقيش يا ستى واضح ان كلنا فى الهوا سوا انا كمان الساحره الشريره و الشاويش عطيه و ابو رجل مسلوخه كمان هههه
و طبعا بابا هو الملاك البرىء الوديع و انا امنا الغوله
هنعمل ايه بقى قدرنا
بنتى برده بقعدها على المذاكره بالعافيه شويه بالترغيب و شويه بالترهيب و شويه باعقاب و شويه بالحرمان و شويه بالزعيق لما خلاص ببقى هاين على انا اللى أذاكر و اخلص من الهم ده
و من اول ما ترجع من المدرسه لحد ما تخلص واجباتها يعنى لحد قبل النوم عملتى سويتى روحى اعملى كده غلط حرام عليكى جبتيلى الضغط و هكذا كل يوم
و طبعا محاضرات طويله عن الألتزام و اهمية الوقت و المسلم الصح يعمل ايه و اهميه العلم و التعلم و فضل العلم و ثوابه و كتير
الحقيقه المحاضره بتبقى فعاله جدا و بتأثر من ساعتين ل 3 ساعات و بعدين كله يتمسح ههههههههه
و الله انا كنت فاكره ان ديه مشكلة بنتى لوحدها و انها لعبيه و بتحب التنطيط
لأنى بشوف بنات تانيه ماشاء الله عليها بتموت فى المذاكره و من غير ما حد يقولها ربنا يحفظهم يا رب
بس مش معنى كده انى بسبها تعمل اللى هى عاوزاه علشان مصلحتها و لو انى انا اكتر واحده بتتأذى من الموضوع ده و علاقتى بيها بتبوظ و ديه حاجه تزعل جدا
بحاول و الله أحافظ على شعرة معاويه ساعات بتتقطع و بلضمها اعمل ايه ربنا يهديهم كلهم يا رب
من رأى هى لازم تعرف معنى الكلمات باعربى كمان علشان تبقى فاهمه بتقول ايه انا بعمل كده
و فى الأنجليزى الميس بتخليهم يدوروا على معانى الكلمات الجديده فى الديكشنرى أنجليزى أنجليزى و ديه برده حاجه كويسه
لازم تذاكر و فهميها الفرق بين المذاكره و عمل الواجب طبعا عمل الواجب هو اللى بياخد الوقت الأكبر لكن المذاكره مهمه برده
انا برده بنتى اكبر فبدأت تاخد حاجات اكتر الواجبات مبتلمهاش كلها يعنى فى الساينس مثلا بياخدوا الجهاز الهضمى و التنفسى و حاجات كده كتيره فيه فلازم تقعد تذاكر و تفهم اللى محتاج يتفهم و تحفظ اللى محتاج يتحفظ
طبعا كتير بقعد معاها ممكن اسألها او اسمعلها او امليها علشان أتأكد انها فاهمه و مذاكره و ساعات بسبها هى اللى تحل و اصحح انا
المقياس اللى بعرف منه اذا كانت عملت اللى عليها و لا لأ هى الأسئله و الأمتحانات اللى فى الكتب الخارجيه
طبعا علشان تقنعى الطفل انه يقعد يحل الحاجات ديه اللى هى غير الواجب بتحتاجى مجهود و صبر لحد ما يتعود و اللى مساعد معايا السنه ديه فى كده ان الميس بتدلهم الواجب حل اسئلة الكتاب الخارجى لكن انا اللى بصحح طبعا من كتاب الأجابات
طبعا ساعات و انا بذاكر معاها او بشوفها بتعمل ايه و تحل ايه صوتى بيسمع جيران الجيران و برده زيكم بعد ما يناموا او اكون لوحدى الصبح ازعل و اندم و احس اد ايه انا ظلماها و هى طفله محتاجه تعيش سنها
لكن ايه البديل حتى لو كتاب المدرسه مش طالب مذاكره كتير المدرسين بيطلبوا و امتحاناتهم و شيتاتهم بتبقى عاوزه مذاكره دقيقه
على فكره اختى اللى بنتها فى كى جى وان برده بتبقى فى هذه الحاله و هى بتذاكر لبنتها
ربنا يعينا و يعينهم
طبعا يا جماعه فى ناس مبتعملش كده مع اولادها و سيباهم للمدرسه بشكل تام و بتتابع المستوى بس من درجات الأمتحانات انا عندى صاحبه بتعمل مع اولادها كده و ممكن كمان متكنش عارفه هم بياخدوا ايه اصلا
و طول ما درجاتهم كويسه خلاص
هى بتحاول تقنعنى ان ده الصح و ان انا اللى خانقه البنت و انا و الله مش عارفه
لكن انا حاسه ان لو سبت بنتى من غير لا رقيب و لا عتيد ممكن اوى مستواها ينزل و متستفيدش باللى بتتعلمه
يمكن ده حرص زياده عن اللزوم مش عارفه انتم ايه رأيكم فى الحكايه ديه؟
ده اللى عندى يا حكيم منك ليه
لو فى حد عنده رأى تانى يقولنا عليه و جزاكم الله خيرا
:)
muslium
07-03-2010, 12:12 PM
بالمناسبة اية احسن طريقة تحفظ بيها جدول الضرب لانى قربت اتجنن
بصى يا بوسى من خبرتى احسن طريقه هى انها تعلميهولها بالجمع
يعنى الأول تفهم ان الضرب عباره عن جمع متكرر
و بعدين تخليها تكتب الجدول كله تحت بعضه من غير الأجابه زى كده
2*1 =
2*2=
2*3=
و هكذا
و بعدين تحل اول واحده و تزود 2 على الحل و يبقى ده هو حل المسأله التاليه و هكذا
و تعمل كده كتير و كذا مره
و كل يوم شويه
و بعدين كل فتره علشان متنساش
و تعرفيها فى الأمتحان تكتب الجدول كله فى ورقه خارجيه و تحله بالطريقه ديه و اى سؤال محتاج حل تبص فى الورقه اللى عملتها
مع الوقت اللى هو مش اقل من سنه يعنى على السنه القادمه ان شاء الله هتلاقيها بتتحسن فى الحفظ بشكل غيبى اكثر و هكذا
وربنا يعينك و يعينا
انسانه تحب الله
07-03-2010, 12:37 PM
انا رحت مدرسة نور وبصراحة هي كانت عجباني جدا بس كان فيه كام حاجة قلقتني .. اولا انها جديدة فحاسة رغم قوة المناهج انهم بيتخبطوا شوية يعني غيروا منهج الانجليزي مرتين في 3 سنوات .. كانوا شغالين بواحد لقوا التاني احسن فغيروا وكده
المدرسة نفسها مش كاملة يعني المبني دورين والباقي تحت الانشاء بس الحق يقال اللي موجود رائع الكلاسات حلوة قوي ونظيفة عنهم بيسين دافئ مهتمين جدا بالناحية الدينية ودي كانت اكتر حاجة فارقة معايا
حكاية بقي الكهرباء والضغط العالي اللي ادام المدرسة والقيل والقال عليهم ضار مش ضار وكده قلقتني
انا كنت رايحة وكنت عارفة ان المصاريف كانت 4.5 لقتها 7 من غير الكتب واليونيفورم والباص طبعا .. الكتب 750 واليونيفورم 750 والباص 2000 :[]L:[]L:[]L ده السنة اللي فاتت
كلمة حق ممكن المدرسة دي يكون لها شأن كبير بعد كده بس بصراحة انا حاسة ان السنوات الاولي في تعليم الطفل دي مهمة جدا فحبيت ادخل مدرسة مستقرة احسن
انا معاكى برده انا مش ناقصه تجريب فى العيال
وجزاك الله خير يا قمر
أنسانه أزيك عامله ايه عاش مين شاف كلامك :)
عشتى يا مسلم
ده لينك فيه كل المدارس اللى فى المعادى و المقطم اتمنى يفيدك
http://rapidshare.com/files/354542514/maadi-mokatm.rar.html
مش عايز يفتح خالص مفيش طريقه تانيه
انسانة وحشاني كتير...اخبارك ايه
شكرا يا كوكى على احتفالك بيا انتى كمان وحشانى اوى اوى هانت قربت ابقى معام على طول
بصى يا بوسى من خبرتى احسن طريقه هى انها تعلميهولها بالجمع
يعنى الأول تفهم ان الضرب عباره عن جمع متكرر
و بعدين تخليها تكتب الجدول كله تحت بعضه من غير الأجابه زى كده
2*1 =
2*2=
2*3=
و هكذا
و بعدين تحل اول واحده و تزود 2 على الحل و يبقى ده هو حل المسأله التاليه و هكذا
و تعمل كده كتير و كذا مره
و كل يوم شويه
و بعدين كل فتره علشان متنساش
و تعرفيها فى الأمتحان تكتب الجدول كله فى ورقه خارجيه و تحله بالطريقه ديه و اى سؤال محتاج حل تبص فى الورقه اللى عملتها
مع الوقت اللى هو مش اقل من سنه يعنى على السنه القادمه ان شاء الله هتلاقيها بتتحسن فى الحفظ بشكل غيبى اكثر و هكذا
وربنا يعينك و يعينا
ربنا معاهم ومعانا
Ms3sam
07-03-2010, 01:06 PM
كوكي
ربنا يكرمك موسوعه متنقله يابنتي لسه اختي وبنت اخويا بيسالوا في موضوع جدول الضرب ده (مش عارفه سموه كده ليه هل عشان لازم تكون دي النهايه ههههه)
Ms3sam
07-03-2010, 01:12 PM
ام عبد الرحمن
ربنا يوفقك يابنتي بصي هيه سعرها قليل عشان مدعمه من جمعيه الخلفاء اللي في المريلاند لكن هيه كمستوى اجتماعي فوق المتوسط بشهاده مدرسين فيها (يعني الاولاد في اعدادي ماسكين احدث موبايل نوكيا نزل والكلام ده............ والاهالي دكاتره وظباط شرطه ورؤساء بنوك......... دول اصحابي اللي ولادهم فيها فمتقلقيش من الناحيه دي الناس بتضيع سنه من عمر ولادهم عشان تدخلهم مدرسه محترمه مش في الاخر يدخلوا مدرسه اي كلام (انا لو كان ينفع ادخل بنتي بس بباها مرضاش يضيع عليها سنه)
noga76
07-03-2010, 02:56 PM
مساء الخير على الامهات جميعا
عاوزه اعرف الامهات اللى مقدمه لاولادها بالمصريه للغات وساكنه بالمعادي بتعمل ايه بالظبط في المسافه
الكل بيخوفني من بعد المسافه وخطر الطريق وخاصه ان انا اللى هسوق
انا قدمت لابني في المصريه وحددو موعد للانترفيو وربنا يستر بقا
جنى انا ساكنه فى المعادى عند كارفور بس انا بودى بالباص بيكون عندى فى نص ساعة
و انا جربت جبته مره المكان مش بعيد لو الشارع فاضى عشر دقائق بس فعلا الطريق صعب بس عادى كل طرق مصر بقت فظيييييييييييييييعة
noga76
07-03-2010, 03:02 PM
يا muslem ممكن تبعتلى معلوماتك عن اجياد الازهرية والفاروق وياريت تكتبيه لان الlink لا يفتح
معلش انا بتقل عليكى انا اسفة
noga ممكن تقوللى معلوماتك عن سما وهل اقصدك اللى عند كارفور
اهلا زودى
ايوه سما الى عند كارفور انا روحتها السنه الى فاتت و عجبتنى بس للاسف ما لاقتش حد عنده اى تجربه معاها !!!!!
هى مصاريفها فى حدود 7000 و مهتمه بالدين
انا رأيى منارة المستقبل احسن هى حنبها و اسلاميه بس اغلى 7500-8000
kouky5
07-03-2010, 05:53 PM
كوكي
ربنا يكرمك موسوعه متنقله يابنتي لسه اختي وبنت اخويا بيسالوا في موضوع جدول الضرب ده (مش عارفه سموه كده ليه هل عشان لازم تكون دي النهايه ههههه)
هههههههههههههههههههههههههههه هي دي بتبقي نهاية مذاكرته فعلا
zoza1981
07-03-2010, 07:04 PM
انتي ساكنة فين يا من تسألين عن روان
جزاكى الله خيرا انا اتبسط اوى لما لقيتك ردتى كنت خلاص يائست انا ساكنة ف المطرية ليه مفيش باص لكل الاماكن
zoza1981
07-03-2010, 07:19 PM
طيب فى الفاروق الحجاز و السيدة عائشة مدارس اسلامية و جيدة تعليميا
السلام عليكم ام عبد الرحمن و دودو انا لقيت فى المنتدى حد بيقول السيدة عائشة مستواها مش حلو اجتماعيا و الفاروق الولاد بينوطو من فوق السور و كنت عايزة اسالكو عن مدارس ازهريةفى حدود 3 بس مش فى المعادى و لا المقطم و ربنا يكرمكو و يوفقنا كلنا ان شاء الله
lolymoon
08-03-2010, 12:07 AM
السلام عليكم ورحمة الله وبركاته
هذه اول مشاركة لي بالباب وارجو ان يفيدني احد
انا بنتي هتدخل اولي بري وهي الان في مدرسة النصر للغات اللى في مصر الجديدة بشارع هارون ممكن حد يقولي المدرسة دي كويسه ولا لا لاني عايزة انقلها منها لاني مش حسيت باى فايدة للبنت فيها وخايفة يكون ده برضوا مستواها فى الا بتدائي
يااااريت لو حد موجود يرد عليا
وشكرا لكم وجزاكم الله خيرا
الدعاء ثم الدعا
08-03-2010, 01:06 AM
السلام عليكم جميعنا أنا طبعا عضوة جديدة بس بجد بحبكو في الله و أستفدت منكم كتير في موضوع المدارس و كنت عايزة أسألكوا علي حاجة بحكم خبرتكم : أنا بنتي إن شاء الله بنتي داخلة kg1 السنة دي و بجد محتارة ما بين 3 مدارس :1- مدرسة دايومند و دي ما شفتش فيها تيتشرز بس هي قريبة مني أوي و حاسة أن مساحتها و إمكانياتها أقل من مصاريفها
2- المدرسة المصرية الدولية و دي أنا كنت متحمسلها من كلامكم القديم و لما روحت شفتوها ما تحمستش أوي حسيت أن الكلاسس ضيقة و مش فيها مراوح أو شمش يس الحقيقي التشيتشر اللي قابلتني كانت كيوت بس الأنجلش بتاعها وحش أوي
3- مدرسة جينيس كمباني طبعا كويسة بس المشلكة تكمن في الميس أللي قابلتني عشان أعمل تور فيها بجد كانت ضايعة في الإنجلش و لما سألتها هو أنتي خريجة إية من كتر صدمتي قالتي أداب إنجلش بجد اتصدمت و ماعرفتش أزاي ميس ماري تقبل بحد الإنجلش بتاعة كدة فياريت تساعدوني هل موضوع النطق و الأكسنت دة ضايع في المدارس دي و لا دي بس مسألة حظ بحكم أن مش ممكن تكون كل المدرسين في أي مدرسة برفكت و ان في و في و أنا حظي اللي وحش طلع مع دول. ياريت فعلا تساعدوني لأني حاسة أن الوقت بيجري مني و شكرا ليكوا معلش رغيت كتير :confused:
أم جورى
08-03-2010, 01:12 AM
السلام عليكم ورحمة الله
لولو ان شاء الله بنات الجهة التانية يفيدوكى ويردوا عليكى وأهلا بيكى عضوة معانا
دعاء اسمك ينم عن الدوخة ثم الدوخة ثم الدوخة فى المدارس
انتى قريت الأجزاء اللى فاتت ؟ الصراع كان على المصرية وجينيس أنا أولادى فى جينيس يا قمر
ودياموند فعلا مصروفاتها اعلى بكتيييييييييييييير من امكانيتها
انصحك تقرى اللينك ده وان شاء الله بعدها تقررى المصرية ولا جينيس
http://www.lakii.com/vb/showthread.php?t=616617
Om AbdElRahman
08-03-2010, 03:43 AM
zoza1981
الف شكر على اهتمامك
و ربنا ييسرلك مدرسة كويسة ان شاء الله
Om AbdElRahman
08-03-2010, 03:57 AM
Ms3sam
انا من خلال كلامك عن المدرسة بقيت متحمسالها جدا
بس انا برده بابا الولد مش عايز يضيع عليه سنة
انا حاقدم فيها اعتمادا على ان الkg1 بتقبل من اول 4 سنين زى مانت قلتى
هو عبد الرحمن حايبقى 6 سنين و 4 شهور
و الله اعلم كام واحد حيبقى مقدم معاه على 1st primary
ربنا يقدم اللى فيه الخير
هل يا ترى تعرفى نمرة تليفون المدرسة؟
أم ملك و مريم
08-03-2010, 04:49 AM
انا ملك بنتي كي جي 1 مدرسة نوتردام ديزابوتر
المدرسين ممتازين خصوصا بتاعة الانجلش اخدو لغاية حرف ال o كبيتال و سموال و حرف ال ن في العربي و في الماث وصلو لغاية 30 و خدو كلمو one حفظ و كل يوم بيسمعوها
في الساينس خدو جسم الانسان و الفواكة و الخضراوات
السلام عليكم
انا اول مره اشارك معاكم وكنت عايزه اسال عن مدرسه النيل جاردن لغات فى طريق كورنيش امبابه
لو حد يعرف معلومات عنها ياريت يقوله
وربنا يبارك فيكم ويجزيكم خير
jana walid
08-03-2010, 10:30 AM
صباح الخير يا ام عبد الله
انا رحت قدمت صح بالعروبه وقالو ليا احنا هناخد الاسماء بس والارقام ويكلمونا على اول 4
بس انا مش هقدر اصبر انا اللى هكلمهم
كتير خيرك
tafy80
08-03-2010, 10:43 AM
فريق المصرية إزيكو جميعاً جتلك ورقة الرحلة؟
om omar2005
08-03-2010, 11:09 AM
صباح الخير
Ms3sam
مدرسة ايه اللى انتى بتكلمى عنها دى فى مصر الجديدة عشان اختى عايزة مدرسة كويسة تقدم فيها لبنتها
و كمان قوليلى هى بنتك فى مدرسة ايه
أم جورى
08-03-2010, 11:13 AM
ام جوري وبوسي
طريقة لحفظ جدول الضرب للارقام فوق الخمسة
http://www.youtube.com/watch?v=kV0pqV4zTQo
طريقة سهلة لجدول 9 تحفففة سهل جدا
http://www.youtube.com/watch?v=gdgGR_3yR58&feature=related
دي طريقة تانية لحفظ جدول 9
http://www.youtube.com/watch?v=3Y8VJesmvg4&feature=related
جزاكى الله خيرا يا كوكو
janjuna
08-03-2010, 11:34 AM
السلام عليكم
الحمد لله أنا قدمت في
ELS
ممكن تقوللولي إيه أخبار
interview
ممكن أعرف رأيكم كمان في مدرسة منارة المستقبل
لأني مش عارفة مدرسة تانية غير المصرية
هي سنها 3.8
Om AbdoAllah
08-03-2010, 11:45 AM
صباح الخير يا ام عبد الله
انا رحت قدمت صح بالعروبه وقالو ليا احنا هناخد الاسماء بس والارقام ويكلمونا على اول 4
بس انا مش هقدر اصبر انا اللى هكلمهم
كتير خيرك
السلام عليكم ورحمة الله وبركاته
ربنا ييسر لك الخير ان شاء الله يا جنا .. اوصيكي بالاستخارة ثم الاستخارة ثم الاستخارة .. ما خاب من استخار ..
لو عرفت اخبار من المدرسة هبقي اقولك ان شاء الله
noga76
08-03-2010, 12:26 PM
فريق المصرية إزيكو جميعاً جتلك ورقة الرحلة؟
ازيك يا تافى
للأ لسه مجتليش
هى لفين الرحله؟؟
الميس بتاعته كانت قايلالى انهم عايزين يودوهم idea الى فى احمد عرابى , هى دى؟
لو هى بتقولى تحفه. هو مكان وبن اير و فى ارت كلب و المكان امان
noga76
08-03-2010, 12:38 PM
السلام عليكم
الحمد لله أنا قدمت في
ELS
ممكن تقوللولي إيه أخبار
interview
ممكن أعرف رأيكم كمان في مدرسة منارة المستقبل
لأني مش عارفة مدرسة تانية غير المصرية
هي سنها 3.8
مبروك يا جنى على التقديم و ان شاء الله بالتوفيق فى الانترفيو و تنضمى معانا لفريق المصرية :)
بالنسبة للانترفيو مش صعب خالص هما بيخدوها يعملولها الانترفيو و بيعدوا معاكى انتى و باباها يعملوا معاكوا انتو كمان انترفيو بالنسبه للانترفيو بتاعك هى بتسألك بالانجليش عن بنتك بتقولك اتكلمى عنها عن شخصيتها؟ و بتسألك لما بتعمل حاجه كويسه بتعملى معاها ايه(طبعا تقولى بكافأها) و لو عملت حاجه غلط(اوعى تقولى بضربها) :) و بتسألك بتحب تخرج فين؟ بتحب تاكل ايه؟
و بالنسبه للبنت : بتسألها الاول بالانجلش و لو مش فهما بتجم عادى دى مش مشكله اهم حاجه انها تكون مركزه و متجاوبه معاها بأى لغة
حالولى تحفظيها اليومين دول تعد من 1 ل 10 بالانجليش و الالوان بالانجليش
بس كده و بتعد تعمل شوية بازل من بتوع edu fun الخشب دول . بس كده
منارة المستقبل حلوه بس السنه الى فاتت مخدوش كاجى 1 خااااااااااااالص اكتفوا بالبيبى كلاس الى عندهم !!!!
هى نظام اليوم الكامل بيخلصوا على 4-5 و بيتغدوا هناك بس بتتفعى فلوس للاكل
انا كنت مقدمه فى سقارة مع المصرية الى فى الزهراء نفس المصاريف الى فى المصرية بس بيخدوا دونيشن 3500 !!!!
ان شاء الله تجيلك المصرية لانها احسنهم
بالتوفيق ان شاء الله
يا جماعه لو حد عارف حاجه عن مدرسه النيل جاردن يساعدنى يا ولاد الحلال هههههههههههههه
janjuna
08-03-2010, 02:56 PM
أنا متشكرة لك جدا يا نوجا
ربنا يطمنك
أنتي ريحتيني أوي بكلامك ده
ويارب يستجيب منك لأني مرتاحة للمصرية أويhttp://www.lakii.com/vb/smile/26_200.gif
noga76
08-03-2010, 03:09 PM
ان شاء الله يا جانجونه
انتى عندك بنت صح؟
ادمتلها فى الco و لا ال girls school ؟
tafy80
08-03-2010, 03:21 PM
ازيك يا تافى
للأ لسه مجتليش
هى لفين الرحله؟؟
الميس بتاعته كانت قايلالى انهم عايزين يودوهم idea الى فى احمد عرابى , هى دى؟
لو هى بتقولى تحفه. هو مكان وبن اير و فى ارت كلب و المكان امان
أيوة يا نوجا هي بس باباها بيقول بعيدة أوي في طريق مصر الإسماعيلية و خايف عليها من الطريق ...انتي هتعملي إيه هي هتكون يوم ١٧
noga76
08-03-2010, 03:38 PM
لأ يا تافى دى فى احمد عرابى الى فى طريق مصر اسماعليه اسمها فاجون
هما كاتبين انهى فى الورقة؟
lolymoon
08-03-2010, 03:39 PM
ميرسي يا ام جوري على اهتمامك
بس يااا ريت فعلا الاقي حد يفيدني في موضوع مدرسة النصر للغات (الانجليزية القديمة) اللى في هارون بمصر الجديدة وهل مستواها كويس ولا اي كلام ياااا ريت حد يطمني وكمان لو حد يعرف حاجة عن مدرسة جابر الانصاري لغات اللى في الزيتون يقوللي لان المدرستين دول هما اقرب المدارس ليا واكون شاكرة ليكم
muslium
08-03-2010, 03:48 PM
أهلا بكل البنات الجداد معانا و ان شاء الله تلاقوا بنات يردوا على استفساراتكم
انا لو عندى معلومات عن المدارس ديه مكنتش أتأخرت
ان شاء الله خير و اهم حاجه روحوا المدارس بنفسكم و أسألوا اولياء امور
muslium
08-03-2010, 03:50 PM
مش عايز يفتح خالص مفيش طريقه تانيه
الطريقه التانيه هى عن طريق الأيميل ابعتيهولى و انا ابعتلك الفايل عليه
و على فكره الفايل بيفتح بس عاوز تجربه كذا مره فى اوقات مختلفه من اليوم و ابقى سمى قبل ما تدوسى هههههه
muslium
08-03-2010, 03:57 PM
السلام عليكم جميعنا أنا طبعا عضوة جديدة بس بجد بحبكو في الله و أستفدت منكم كتير في موضوع المدارس و كنت عايزة أسألكوا علي حاجة بحكم خبرتكم : أنا بنتي إن شاء الله بنتي داخلة kg1 السنة دي و بجد محتارة ما بين 3 مدارس :1- مدرسة دايومند و دي ما شفتش فيها تيتشرز بس هي قريبة مني أوي و حاسة أن مساحتها و إمكانياتها أقل من مصاريفها
2- المدرسة المصرية الدولية و دي أنا كنت متحمسلها من كلامكم القديم و لما روحت شفتوها ما تحمستش أوي حسيت أن الكلاسس ضيقة و مش فيها مراوح أو شمش يس الحقيقي التشيتشر اللي قابلتني كانت كيوت بس الأنجلش بتاعها وحش أوي
3- مدرسة جينيس كمباني طبعا كويسة بس المشلكة تكمن في الميس أللي قابلتني عشان أعمل تور فيها بجد كانت ضايعة في الإنجلش و لما سألتها هو أنتي خريجة إية من كتر صدمتي قالتي أداب إنجلش بجد اتصدمت و ماعرفتش أزاي ميس ماري تقبل بحد الإنجلش بتاعة كدة فياريت تساعدوني هل موضوع النطق و الأكسنت دة ضايع في المدارس دي و لا دي بس مسألة حظ بحكم أن مش ممكن تكون كل المدرسين في أي مدرسة برفكت و ان في و في و أنا حظي اللي وحش طلع مع دول. ياريت فعلا تساعدوني لأني حاسة أن الوقت بيجري مني و شكرا ليكوا معلش رغيت كتير :confused:
أزيك يا الدعاء ثم الدعاء ربنا معاكى
متهيألى حبيبتى هو حظك اللى طلع وحش لأن الناس شكرت فى المدرستين دول جدا و متهيألى هم احسن مدرستين فى رينج الأسعار ديه طبعا فى حاجات كويسه جدا فى رينجات اعلى
و فعلا المدرسين فيهم و فيهم للأسف و انتى و حظك بس لو طلع حظك فى المدرس الوحش يبقى عليكى انك تشتكى لحد ما يتغير
و عموما المدرستين دول بالذات اللى هم المصريه و جينيس قتلوا بحثا فى لينكات سابقه
انا بنتى فى المصريه فى برى 4 و بصراحه من الحاجات الحلوه اللى كانت عجبانى فى المدرسه ان الفصول واسعه و تهويتها جيده و الشمس داخلاها يعنى صحيه بس انا اتفرجت على فصول برى دول حتى لسه مجددين المبنى و بنوا فيه دورين جداد الفصول فيهم حلوه اوى
و الفصل اللى بنتى فيه واسع جدا ده الحال فى برى الحقيقه معرفش كيجى شكله ايه ممكن تدخلى على الجروب بتاع المدرسه و هتلاقى ناس كتيره فى كى جى تفيدك ان شاء الله
jana walid
08-03-2010, 05:06 PM
ياجماعه مسا الخير
اتحدد موعد مقابلتي مع مدرسه المصريهللغات نفسي اعرف هيحصل فيها ايه بيختبرو الطفل ازاى اتمنى تساعدوني
sadina
08-03-2010, 05:40 PM
جنا لما تروحي الانترفيو الافضل تكوني انت وباباها...بيسألوك بالانجليش عن طباع بنتك وازاي بتتصرفي معاها لو عملت حاجة غلط( اوعي تقولي بتزعقي او بتضربيها) ولما تعمل حاجة كويسة بتكافئيها وبيسألوك حاجات عامة عن شغلك وكده...وهي بيسألوها شوية حاجات يعني الالوان وحيوانات وبيعطوها بازل تركبها وكده..ما تخافي هم بيخبرونا احنا اكتر منهم :)
dodo_09
08-03-2010, 06:46 PM
أيوة يا نوجا هي بس باباها بيقول بعيدة أوي في طريق مصر الإسماعيلية و خايف عليها من الطريق ...انتي هتعملي إيه هي هتكون يوم ١٧
ازيكم يا بنات.. الرحلة لفجنون ب هيرجعو الساعة 7.5 متاخر اوى:confused:
مسك2006
08-03-2010, 07:06 PM
السلام عليكم ورحمة اللة
اشكركم جميعا على خبراتكم وتجاربكم التى وضعتوها لنا حتى نستفيد منهالكن انا مشكلتى انى لم اتعلم فى مصر ولا اعرف شئ عن التعليم بها رغم انى خريجة تربية بيولوجى وجولوجيا لكن بعد مارأيست اثناء العملى فى الكلية من مهزلة تعليمية قررت عدم العمل فى مجالى تماما
لكن الان مجبر اخاك لابطل لانى كيوتى الصغير هيدخل بإذن الله KG1السنة اللى جاية وانا مش عارفة اوديه فين سمعت عن مدارس كتير ورحت معرض المدارس وشفت لكن مش قادرة اعرف الغث من السمين يعنى المدارس النشونال ولا سيمى ناشونال ولا المدارس الاسلامية لغات مين الافضل
اهم شئ عندى الاخلاق والانضباط فى المدرسة عشان اللى بعملوا فى البيت ميضعش فى المدرسة وثانيا اللغة واكسنت يعنى النطق يكون فعلا صح وبالطبع الدين لكن انا معتمدة فى موضوع الدين على البيت اكتر لأن هو ده الاساس والمرجع لانى انا اللى بغرس ده فيه اكتر من اى حد تانى
فعايزة مساعدتكم وخبراتكم فى افضل المدارس ياريت تكون فعلا عن تجربة عشان انا مليش مرجع بعد الله غير فى كلامكم فياريت تفيدونى انا فى مدينة نصر
فياريت تقولولى مدارس فى المعادى او مدينة نصر او التجمع تكون كويسة وياريت اعرف رأيكم فى المدارس دى
طيبة ,منارة هليوبلس فى مدينة نصر
سما,رواد المستقبل,نور ,نارمر ,منارة المعادى
غريانى,المصرية,الفاروق
وانا عايزة المصاريف بين 5000حتى 8000
ياريت تفدونى سريعا و ربنا يوفقكم ويسعدكم ويحفظ لكم اولادكم وتكون فعلا خير اعمالكم
Ms3sam
08-03-2010, 07:09 PM
السلام عليكم ام عبد الرحمن و دودو انا لقيت فى المنتدى حد بيقول السيدة عائشة مستواها مش حلو اجتماعيا و الفاروق الولاد بينوطو من فوق السور و كنت عايزة اسالكو عن مدارس ازهريةفى حدود 3 بس مش فى المعادى و لا المقطم و ربنا يكرمكو و يوفقنا كلنا ان شاء الله
السلام عليكم
ياzoza1981
فعلا السنه اللي فاتت اتكلمت مع ام فريده في المنتدى هنا عن مدرسه السيده عائشه وده كان رايها فيها
بس ربنا يشهد على كلامي ان المستويات الاجتماعيه زي ماقلتلها بالظبط لانهم صحابي فوق المتوسط ناس محترمه جدا
الجزء التاني برده كان كلام ام فريده السنه اللي فاتت بس مش عن الفاروق كان عن طلائع الكمال الاسلاميه
بصي في حدود 3 مدارس ازهريه معهد محمد جلاال الدين الازهري هوه تبع مدارس مودن سكول بس ده في عين شمس
انا مش عارفه اقرب مكان ليكي فين؟
Ms3sam
08-03-2010, 07:15 PM
السلام عليكم ورحمة الله وبركاته
هذه اول مشاركة لي بالباب وارجو ان يفيدني احد
انا بنتي هتدخل اولي بري وهي الان في مدرسة النصر للغات اللى في مصر الجديدة بشارع هارون ممكن حد يقولي المدرسة دي كويسه ولا لا لاني عايزة انقلها منها لاني مش حسيت باى فايدة للبنت فيها وخايفة يكون ده برضوا مستواها فى الا بتدائي
يااااريت لو حد موجود يرد عليا
وشكرا لكم وجزاكم الله خيرا
lolymoon
للاسف الانجلش سكول مش زي زمان خالص
انا صاحبتي خريجه المدرسه دي بنت استاذ اورام الله اكبر على نطقها في الانجلش مستواها هيه واخواتها
بس المدرسه بقى مستواها في النازل
noga76
08-03-2010, 07:17 PM
السلام عليكم ورحمة اللة
اشكركم جميعا على خبراتكم وتجاربكم التى وضعتوها لنا حتى نستفيد منهالكن انا مشكلتى انى لم اتعلم فى مصر ولا اعرف شئ عن التعليم بها رغم انى خريجة تربية بيولوجى وجولوجيا لكن بعد مارأيست اثناء العملى فى الكلية من مهزلة تعليمية قررت عدم العمل فى مجالى تماما
لكن الان مجبر اخاك لابطل لانى كيوتى الصغير هيدخل بإذن الله KG1السنة اللى جاية وانا مش عارفة اوديه فين سمعت عن مدارس كتير ورحت معرض المدارس وشفت لكن مش قادرة اعرف الغث من السمين يعنى المدارس النشونال ولا سيمى ناشونال ولا المدارس الاسلامية لغات مين الافضل
اهم شئ عندى الاخلاق والانضباط فى المدرسة عشان اللى بعملوا فى البيت ميضعش فى المدرسة وثانيا اللغة واكسنت يعنى النطق يكون فعلا صح وبالطبع الدين لكن انا معتمدة فى موضوع الدين على البيت اكتر لأن هو ده الاساس والمرجع لانى انا اللى بغرس ده فيه اكتر من اى حد تانى
فعايزة مساعدتكم وخبراتكم فى افضل المدارس ياريت تكون فعلا عن تجربة عشان انا مليش مرجع بعد الله غير فى كلامكم فياريت تفيدونى انا فى مدينة نصر
فياريت تقولولى مدارس فى المعادى او مدينة نصر او التجمع تكون كويسة وياريت اعرف رأيكم فى المدارس دى
طيبة ,منارة هليوبلس فى مدينة نصر
سما,رواد المستقبل,نور ,نارمر ,منارة المعادى
غريانى,المصرية,الفاروق
وانا عايزة المصاريف بين 5000حتى 8000
ياريت تفدونى سريعا و ربنا يوفقكم ويسعدكم ويحفظ لكم اولادكم وتكون فعلا خير اعمالكم
اهلا بيكى يا مسك فى المنتدى معانا
بالنسبه للمعادى: احسن مدرسة نارمر بس هى هتعدى الرنج بتاعك لانها فى حدد 13000 بدون باص و فى 5000 تبرعات و هى اساسا بعيده عنك
التجمع: المصرية ممتازة و ليها كمان فرع فى مدينة نصر بس لحد 6 ابتدائى و بيكمل برضو فى التجمع المصاريف السنة دى 8000 بدون باص
و كمان غريانى ناس كتير فى المنتدى بيشكروا فيها و هى فى حدود 6500
noga76
08-03-2010, 07:21 PM
احنا مبعتوش لينا حاجه عن الرحلة دى ؟؟؟!!!!
و كمان التطعيم بتاع شلل الاطفال بعتولنا الورقة و لسه مطعموش حد !!!!
Ms3sam
08-03-2010, 07:26 PM
Ms3sam
انا من خلال كلامك عن المدرسة بقيت متحمسالها جدا
بس انا برده بابا الولد مش عايز يضيع عليه سنة
انا حاقدم فيها اعتمادا على ان الkg1 بتقبل من اول 4 سنين زى مانت قلتى
هو عبد الرحمن حايبقى 6 سنين و 4 شهور
و الله اعلم كام واحد حيبقى مقدم معاه على 1st primary
ربنا يقدم اللى فيه الخير
هل يا ترى تعرفى نمرة تليفون المدرسة؟
ام عبد الرحمن
ال كي جي السنه اللي فاتت قبل اربعه وسبع شهور
بصي انا سالتلك مخصوص اهم حاجه يعدي الست سنين
نمره تليفونهم
0226232097
بصي هوه المهم اصلا ان يبقى فيه مكان السنه دي لو لقيت مكان ممكن اقولك على شويه حاجات كده
Ms3sam
08-03-2010, 07:27 PM
صباح الخير
Ms3sam
مدرسة ايه اللى انتى بتكلمى عنها دى فى مصر الجديدة عشان اختى عايزة مدرسة كويسة تقدم فيها لبنتها
و كمان قوليلى هى بنتك فى مدرسة ايه
دي ام المؤمنين السيده عائشه
بنتي في امجاد قسم البريتش
Ms3sam
08-03-2010, 07:39 PM
السلام عليكم ورحمة اللة
اشكركم جميعا على خبراتكم وتجاربكم التى وضعتوها لنا حتى نستفيد منهالكن انا مشكلتى انى لم اتعلم فى مصر ولا اعرف شئ عن التعليم بها رغم انى خريجة تربية بيولوجى وجولوجيا لكن بعد مارأيست اثناء العملى فى الكلية من مهزلة تعليمية قررت عدم العمل فى مجالى تماما
لكن الان مجبر اخاك لابطل لانى كيوتى الصغير هيدخل بإذن الله KG1السنة اللى جاية وانا مش عارفة اوديه فين سمعت عن مدارس كتير ورحت معرض المدارس وشفت لكن مش قادرة اعرف الغث من السمين يعنى المدارس النشونال ولا سيمى ناشونال ولا المدارس الاسلامية لغات مين الافضل
اهم شئ عندى الاخلاق والانضباط فى المدرسة عشان اللى بعملوا فى البيت ميضعش فى المدرسة وثانيا اللغة واكسنت يعنى النطق يكون فعلا صح وبالطبع الدين لكن انا معتمدة فى موضوع الدين على البيت اكتر لأن هو ده الاساس والمرجع لانى انا اللى بغرس ده فيه اكتر من اى حد تانى
فعايزة مساعدتكم وخبراتكم فى افضل المدارس ياريت تكون فعلا عن تجربة عشان انا مليش مرجع بعد الله غير فى كلامكم فياريت تفيدونى انا فى مدينة نصر
فياريت تقولولى مدارس فى المعادى او مدينة نصر او التجمع تكون كويسة وياريت اعرف رأيكم فى المدارس دى
طيبة ,منارة هليوبلس فى مدينة نصر
سما,رواد المستقبل,نور ,نارمر ,منارة المعادى
غريانى,المصرية,الفاروق
وانا عايزة المصاريف بين 5000حتى 8000
ياريت تفدونى سريعا و ربنا يوفقكم ويسعدكم ويحفظ لكم اولادكم وتكون فعلا خير اعمالكم
ازيك يا مسك اختيار لطيف للاسم
بصي طيبه اللي في طريق مصر الاسماعيليه لا خالص
نارمر تحفه بس السعر هيبقى اغلى من اللي قلتيه
بلاش نور
مناره المعادي حلوه بيشكروا فيها بس مش عارفه سعرها
غرياني حلوه المصريه حلوه الفاروق طبعا حلوه بش شوفي برده السن غرياني ارخص اللي قلتيه والفاروق بالباص والكتب تدخل في 10 الاف
مسك2006
08-03-2010, 08:24 PM
شكرا على الافادة وربنا يجازيكم خير بس يعنى مين الافضل ممكن ترتبولى المدارس من الافضل للاقل وانا اقصد طيبة اللى فى مدينة نصر دورت عليها فى النت عرفت انها خلف شارع الطيران بس فين بالضبط لسة معرفتش
وعايزة اعرف نور لا ليه عشان انا عجنى كلامهم فى امعرض يعنى لو فعلا صح اللى بيقولوا تكون المدرسة تحفة
ومعلش فى استفسار تانى معلش استحملونى عشان انا معرفش اى حاجة عن نظام التعليم انا سمعت فى منتديات تانية عن المدارس التجريبية المتميزة (زى مدرسة اسمها مجمع الملك فهد )فهل ياترى المدارس دى كويس ولا ايه
وسؤال كخبرة الافضل انى اهتم بيه فى مرحلة الكى جى ولا اهتم بالمدرسة فى مرحلة الابتدائى يعنى بفكر ادخله مدرسة كويسة ومصاريفها معقولة فى الكى جى وبعدين فى الابتدائى احوله مدرسة افضل ولا كدة يبقى الاساس ضعيف ويتعبنى بعد كدة
وشكراااااااااااااااااااااااااا جداااااااااااااااااااااااااااا لردكم عليا وربنا يسعدكم ويحفظكم من كل شر
الدعاء ثم الدعا
08-03-2010, 11:51 PM
[
السلام عليكم ورحمة الله
دعاء اسمك ينم عن الدوخة ثم الدوخة ثم الدوخة فى المدارس
انتى قريت الأجزاء اللى فاتت ؟ الصراع كان على المصرية وجينيس أنا أولادى فى جينيس يا قمر
ودياموند فعلا مصروفاتها اعلى بكتيييييييييييييير من امكانيتها
انصحك تقرى اللينك ده وان شاء الله بعدها تقررى المصرية ولا جينيس
http://www.lakii.com/vb/showthread.php?t=616617
السلام عليكم يا أم جوري و شكرا علي الرد
بالنسية للينكات و مواضيع المدارس أنا متابعاها من زمان لحد ما جالي وشhttp://www.lakii.com/vb/images/icons/1431/33.gifو برضة مش عارفة أقرر موضوع الأهنمام بالدين و اللغة في الوقت نفسة مش عارفة أعمل فية إية بس كنت حابة أسألك عن حبة خاجات من فضلك :
هي المدرسة بتهتم بموضوع الصلاة بمعني الولاد بيصلوا جماعة مع بعض في البريك و لا كل واحد براحتة.
أنا عرفت أنهم مختلطة لحد ثانوي هل الإدارة صارمة في الموضوع دة يعني مش بتسمح بأي تجاوزات.
هل kg بياخدوا حصص فوناتيكس؟ و لازم يكلموا إنجلش طول الوقت في الكلاس معلش هتعبك معايا و شكرا ليكي أوي
الدعاء ثم الدعا
09-03-2010, 12:02 AM
أزيك يا الدعاء ثم الدعاء ربنا معاكى
متهيألى حبيبتى هو حظك اللى طلع وحش لأن الناس شكرت فى المدرستين دول جدا و متهيألى هم احسن مدرستين فى رينج الأسعار ديه طبعا فى حاجات كويسه جدا فى رينجات اعلى
و فعلا المدرسين فيهم و فيهم للأسف و انتى و حظك بس لو طلع حظك فى المدرس الوحش يبقى عليكى انك تشتكى لحد ما يتغير
و عموما المدرستين دول بالذات اللى هم المصريه و جينيس قتلوا بحثا فى لينكات سابقه
انا بنتى فى المصريه فى برى 4 و بصراحه من الحاجات الحلوه اللى كانت عجبانى فى المدرسه ان الفصول واسعه و تهويتها جيده و الشمس داخلاها يعنى صحيه بس انا اتفرجت على فصول برى دول حتى لسه مجددين المبنى و بنوا فيه دورين جداد الفصول فيهم حلوه اوى
و الفصل اللى بنتى فيه واسع جدا ده الحال فى برى الحقيقه معرفش كيجى شكله ايه ممكن تدخلى على الجروب بتاع المدرسه و هتلاقى ناس كتيره فى كى جى تفيدك ان شاء الله
السلام عليكم يا مسلم
ياريت بجد يكون حظي اللي وحش و مدرسين الإنجلش يكونوا فعلا qualified عشان أنا يئست من أللي شفتهم.
كنت عايزة أعرف لو حد أشتكي تيتشر مش ممكن تصتئصد البنت و لا حاجة في الكلاس لو ما تغيرتش.
و معلش ممكن تسمحيلي كنت عايزة أعرف أية رأيك في موضوع الأختلاط أنا عن نفسي شايفة أنة مهم خصوصا في الزمن دة بس قابلت أولياء أمور في المصرية مضايئهم أوي موضوع الفصل دة و بيقولولي أن البنات لوحدها بفسدوا بعض جدا و بيكلملوا في حاجات أكبر من سنهم فياريت بجد أعرف رأيك بما أن بنتك بنات بس في الكلاس و بجد شكرا ليكي أنتي و أم جوري
janjuna
09-03-2010, 01:05 AM
ان شاء الله يا جانجونه
انتى عندك بنت صح؟
ادمتلها فى الco و لا ال girls school ؟
أنا أدمتلها في girls school
وهي كويسة الحمد لله و عارفة الحاجات دي بفضل الله
بس أنا قلقانة لحسن تخاف و متردش على الأسئلة
بس أكيد اللى في خير ربنا حيوفقنا ليه
kouky5
09-03-2010, 02:42 AM
السلام عليكم
الحمد لله أنا قدمت في
ELS
ممكن تقوللولي إيه أخبار
interview
ممكن أعرف رأيكم كمان في مدرسة منارة المستقبل
لأني مش عارفة مدرسة تانية غير المصرية
هي سنها 3.8
ربنا يوفقك يا جنجونة يارب ...نوجا ربنا يكرمها كفت ووفت بالنسبة لللانترفيو
البازل كل حاجة والشادو بتاعها ..الحيوانات والفاكهة دول كمان راجعي عليهم والالوان والاشكال
kouky5
09-03-2010, 02:45 AM
فريق المصرية إزيكو جميعاً جتلك ورقة الرحلة؟
ازيك يا تافي
لو فصدك Idea Art club
ابني طلع الرحلة السنة اللي فاتت بيبي كلاس وهي جميلللللللة جدا اوعي تفوتيها بنوتك هتنبسط اوي
هي في طريق مصر اسماعلية هي بعيدة بس الاولاد بينبسطوا فيها وبيرجعوا عاملين حاجات كتير وجايبنها معاهم زرع وحاجات اشتغلوها بايدهم وبيرجعوا في ميعاد المدرسة
muslium
09-03-2010, 02:53 AM
السلام عليكم يا مسلم
ياريت بجد يكون حظي اللي وحش و مدرسين الإنجلش يكونوا فعلا qualified عشان أنا يئست من أللي شفتهم.
كنت عايزة أعرف لو حد أشتكي تيتشر مش ممكن تصتئصد البنت و لا حاجة في الكلاس لو ما تغيرتش.
و معلش ممكن تسمحيلي كنت عايزة أعرف أية رأيك في موضوع الأختلاط أنا عن نفسي شايفة أنة مهم خصوصا في الزمن دة بس قابلت أولياء أمور في المصرية مضايئهم أوي موضوع الفصل دة و بيقولولي أن البنات لوحدها بفسدوا بعض جدا و بيكلملوا في حاجات أكبر من سنهم فياريت بجد أعرف رأيك بما أن بنتك بنات بس في الكلاس و بجد شكرا ليكي أنتي و أم جوري
و عليكم السلام يا حبيبتى
بصى بالنسبه لموضوع الأنجليزى و المدرسين عموما دول حظوظ فعلا يعنى الترم اللى فات اللى كان بيدى بنتى انجليزى مستر مش اوى و مش مهتم أشتكينا منه و الحمد لله اتغير و اللى بتديها دلوقتى تيتشر حلو اوى الحمد لله و بتخليهم يتكلموا انجليزى علطول و نطقها حلو الحمد لله وربنا يديمها علينا نعمه ههههه
بالنسبه للوضع لما تشتكى طبعا بيعتمد اولا على الأداره لو المدرس بيخاف من ادارة المدرسه حتى لو كان شايل من البنت مش هيقدر يعملها حاجه خصوصا لو محسساه انك متابعه و حطاه تحت الميكروسكوب و برده بترجع لضمير المدرس
بس ايه البديل ان المدرس لما يبقى وحش اسكت و اخاف علشان ميستقصدهاش لو عملت كده مفيش حاجه هتتصلح و لو حد استقصد البنت هشتكيه تانى و اصعد الأمر و ساعاتها المدرسه مش هتخليه فى الفصل و هتنقله يا اما هيظبطوه علشان متحصلش شكوى تانيه
ده رأى فى الموضوع ده
بالنسبه لموضوع الفصل بين الأولاد و البنات انا شايفه انه حاجه اساسيه الحقيقه . انا بنتى كانت فى مدرسه مختلطه و لسه السنه ديه اول سنه تبقى مفصوله عن الأولاد
طبعا و هم صغيرين مش مشكله اوى بالعكس بحس انها بتبقى ناشفه و بتدى الولاد على دماغهم لكن كل ما يكبروا المشكله بتبان
يعنى مثلا انا مره ولد فى الفصل مع بنتى بعتلها جواب غرامى تخيلى فى تانيه ابتدائى و يعمل كده
انا بفضل ابعاد الكبريت عن البنزين مينفعش احطهم هم الأتنين جنب بعض طول 8 ساعات كل يوم لمده 12 سنه و اقول مش هيحصل حاجه و ابقى مطمنه لو انا ضامنه بنتى انا مش ضامنه اللى معاها هيقولولها ايه خصوصا فى مرحلة المراهقه بكل ما فيها من بلاوى زرقه
حكاية ان البنات بتفسد بعضها طيب ما هو الصبيان برده بتفسد بعضها طيب ما هو الصبيان بيفسدوا البنات و العكس
يعنى و جود الصبيان فى نفس الفصل مع البنات هو اللى مش هيفسدهم ليه؟ ايه المنطق ورا كده انا مش فاهمه؟
بالعكس ده لما يبقى البنات و الصبيان فة وش بعض طول الوقت ده انا بسهل عليهم الموضوع زياده و هو مش ناقص
ده غير عدم التركيز أثناء الحصه الناتج عن اهتمام البنت ان ميبقاش شكلها وحش ادام الولاد و العكس و ده هينعكس على مدى استيعابهم و تركيزهم داخل الكلاس و ده مش كلامى ده كلام خبراء فى التعليم فى الغرب لقوا ان الفصول الغير مشتركه نسبة استيعاب الطلاب و تركيزهم فيها اعلى و نادوا بفصل الولاد عن البنات فى المدارس علشان يتعلموا بشكل افضل
فى حاجه كمانلو فى مدرسه عجباكى جدا و واو فى التعليم و اللغه و مش هتلاقى زيها و مشتركه ممكن تفكرى فيها بشرط أنك تبقى ضامنه ان الادارة فيها حازمه جدا فى موضوع الأختلاط ده بالذات و مبتسمحش بأى مهازل ممكن تفكرى فيها بشرط ان يكون مستواها فى التعليم ملوش بديل أمامك
فى ناس هتقول و ايه يعنى احنا كنا فى مدارس مشتركه و كنا زى الفل مفيش حاجه
هقولهم يا جماعه الزمن اتغير و الناس مبقتش زى الأول . الأخلاق مبقتش زى الأول . الأطفال مبقوش زى الأول . الأولاد دلوقتى للأسف بيتفرجوا فى الزفت التلفزيون على بلاوى و لو انا محافظه ان بنتى متشوفش الحاجات ديه غيرى مش محافظ. دلوقتى فى استسهال و تقبل رهيب للغلط و حاجات كتير بقيت عادى زمان كان لو بنت و ولد بصوا البعض كانت بتبقى حكايه وروايه و المدرسه كلها تتكلم عليهم دلوقتى بشوف بنات فى اعدادى و تبقى لسه مطلعتش من البيضه واقفه ترغى فى الموبايل مع حبيب القلب و ما خفى كان اعظم وربنا يرحمنا يا رب
بصراحه مبقاش فى تربيه و ام و اب يقولوا صح و غلط و حرام و حلال و لو قالوا هم من ناحيه التلفزيون بيفسد كل حاجه من الناحيه التانيه و المصيبه الأكبر ان الأب و الأم اللى قالوا لأولادهم غلط و عيب هم نفسهم اللى بيقعدوا يتفرجوا قدامهم على التلفزيون بكل ما فيه من غير غض بصر و لا حياء
جو زى ده هيبقى ناقص احط فيه اولاد جنب بنات فى اعمار حرجه بصراحه لأ مأمنش مضمنش
طبعا مش هو ده اللى هيمنع بس على الأقل هيقلل و لو بنسبه على الأقل ابقى عملت اللى على ابقى سديت باب كان ممكن تجيلى منه مصيبه
ناس تانيه هتقول ايه العقد و الكلاكيع و الكلام الكتير ده على ايه ده كله
هقولهم من الأخر ربنا مأمرش بالأختلاط السيده عائشه قالت خيرا لها الا ترى الرجال و الا يراها الرجال حتى لو حجتى بالنسبه لهم مش مقنعه كفايه ان ربنا قال و الرسول قال و الصحابه قالوا
ده رأى الشخصى جدا و اللى مقتنعه بيه تماما و اسفه على الأطاله بس انتى جيتى على الجرح علشان انا اتناقشت مع ناس كتير اوى فى الموضوع ده و سمعت اراء كتير و كلها متناقضه
و فى النهايه اسأل الله لنا جميعا و لبناتنا و اولادنا العافيه من كل سوء و ان يوفقنا لخيرى الدنيا و الأخره و ان يرضى عنا و يهدينا سواء السبيل
اللهم امين
muslium
09-03-2010, 03:09 AM
فى حاجه نسيت ارد عليها
و اللى هى من واقع تجربتى شايفه ان بنتى و هى فى كلاس البنات احسن و لا ؟
هقولك حاجه ده بشكل اساسى بيرجع لتربيتك ليها من صغرها ووضع النقط فوق الحروف و انك تكونى مفهماها الحرام و الحلال
انا مش فاكره ان بنتى رجعت قالتلى على كلام او حاجه معينه معلقه معايا لكن ممكن اوى يكون حصل حاجه زى كده يمكن فى الفلانتين مثلا و لا حاجه مش فاكره الحقيقه . ايه الحل بقى فى الوضع ده؟
اولا و اخيرا الدعاء لله سبحانه و تعالى بأنه يحميها و يبعد عنها الغث و الفاسد
و بعدين الأخذ بالأسباب بأنها لو حكتلك حاجه زى كده تسمعيها كويس و للأخر و تفهميها بأسلوب متحضر ان اللى البنات دول بيقولوه او يعملوه غلط و حرام و تقوللها احاديث و ايات قرأنيه تنفرها من الحرام و تحببها فى الحلال و تجاوبى على كل أستفساراتها بصدق و امانه و من منطلق الحلال و الحرام
فى النهايه هى هتكره و ترفض اللى البنات دول بيعملوه او يتكلموا فيه و بعد كده هترفض انها تسمع منهم اى حاجه فى الأتجاه ده و بالتالى هيبعدوا عنها
يعنى عاوزه اقولك ان لو فى بنت وحشه مثلا و بتحكى لوحده معاه حاجه مش كويسه لو لقيت منها استجابه هتفضل تحكيلها لو لقت منها صد و نفور خصوصا لو صد صريح زى مثلا لو سمحتى يا فلانه انا مبحبش الكلام ده كده حرام . البنت ديه هتبعد عنها و مش هتكلمها فى حاجه زى كده تانى
يبقى الموضوع معتمد بشكل اكبر على بنتك نفسها و طبعا كل ما غرستى فى نفسها من صغرها و من بدرى حب الله و الحلال و الحرام و كنتى قدوه ليها كل ما الموضوع بقى افضل و اولا و اخيرا ربنا هو الهادى احنا ما علينا الا الأخذ بالأسباب
لكن بالنسبه لبنتى مفتكرش انها جاءت قلتلى على حاجه مهمه كنت افتكرتها دلوقتى و يمكن هى اللى محكتليش الله اعلم
فى الأول و الأخر يا جماعه احنا مش موجودين مع اولادنا 24 ساعه و ممكن اوى حاجات كتير تحصل من ورانا . الحاجه الوحيده اللى نقدر نعملها اننا نزرع فى نفسهم حب الله و حب الجنه و كره المعصيه و الأهم نحسسهم دايما بمعية الله
بمعنى لو بابا او ماما مش شايفك مش هى ديه الكارثه . الكارثه الحقيقيه ان ربنا شايفك
وربنا الهادى
Om AbdElRahman
09-03-2010, 03:32 AM
ام عبد الرحمن
ال كي جي السنه اللي فاتت قبل اربعه وسبع شهور
بصي انا سالتلك مخصوص اهم حاجه يعدي الست سنين
نمره تليفونهم
0226232097
بصي هوه المهم اصلا ان يبقى فيه مكان السنه دي لو لقيت مكان ممكن اقولك على شويه حاجات كده
Ms 3sam
فيك الخير والله
تعبتك معايا جدا
ربنا يوجهنا للى فيه الخير
walaasm2002
09-03-2010, 04:43 AM
لو سمحتم يا بنات انا عاوزة بس اعرف ميعاد التقديم فى المصرية فرع مدينة نصر لانى مقيمة خارج مصر وخايفة يفوتنى ميعاد التقديم وينفع ان والدى هو اللى يقدم لغاية ما يحددوا ميعاد الانترفيو ولا لازم حد من الام او الاب ارجو الرد سريعا وجزاكم اللة كل الخير
السلام عليكم
كلامك جميل اوى يا مسلمه ودا تفكرى انا كمان انا ابنى فى kg1 فى المصريه دخلتوا فيها عشان موضوع الاختلاط فى المستقبل بس للاسف المدرسه بعيده اوى عن البيت والباص بيجيبوا الساعه 5 او بعد كدا كمان فالولد مش بيقدر حتى ياكل ولا طبعا مذاكره الهوم ورك بالعياط اعمل ايه انقله مدرسه مختلطه وتبقى قريبه ولااعمل ايه رأيك ايه انا خلاص هتجنن ومافيش مدارس اسلاميه قريبه بس انا خايفه انقله مدرسه عاديه خالص اندم والولد تعبان اوى المشوار صعب اوى
انصحينى اعمل ايه
وجزاك الله خيرا
Powered by vBulletin® Version 4.2.5 Copyright © 2024 vBulletin Solutions Inc. All rights reserved.