منين اشتري سلك معدني يا بنات:[MM

[زهرة82]

السلام عليكم اخواتي..

ياريت اللي تعرف منين اشتري سلك معدني رفيع جدا وطيع في الأستخدام تقولي بارك الله فيكم.

انا من الجيزة وعايزه اعرف السلك المعدني العادي والملون بس يكون رفيع جدا وطيع في الاستخدام يعني مش يكسر بعد كام تنيه اشتريه منين بالظبط. :confused::confused:


جزاكم الله كل خير..

[((new loOok))]

إن شاءا لله البنات يساعدوك
وانا كمان اسأل فين تنباع في السعوديه

[زهرة82]

يارب يا نيو لوك .. ادينا منتظرين :)

[رويدا2005]

لو عايزة النحاسى من عند محلات لف المواتير لكن لو للاشغال الخرز من اى محلات خردوات
فى منه الدهبى والفضى والاحمر والاخضر من الموسكى والازهر

[زهرة82]

تسلميلي يا روايدا بارك الله فيكي .. طب برضه اسمه سلك معدني ولا ليه اسم تاني؟؟

[رويدا2005]

هو سلك للاعمال الخرز اسة سلك ههههه
لو عايزه النحاسى اسمه سلك نحاسى وبيبقى مقاسات مختلفة
سوال عايزاه لية

[ام حسين المصرية]

انا جبت سلك لونه فضى المونيوم من الموسكى فى الشارع اللى فيه الادوات الصحيه
ولوازم الديكور اسألى هناك وفيه تخانات مختلفه ويباع بالكيلو
بس بكام مش فاكره
وممكن سلك النحاس يبقى سلك لف المواتير

[زهرة82]

شكرا يا روايدا يا حبيبتي علي متابعتك لموضوعي وجزاك الله خير يا ام حسين يا قمر دايما سباقة بالخير والردود علي الأخوات..
شوفوا حبيباتي انا اصلا شفت في الموقع شغل كروشيه بس بالسلك المعدني وبصراحه عجبني اوي ، بيتعمل اكسسورات وكدا وانا هتجنن واشتريه من ساعتها بس كل ما اسأل حد يقولي معنديش ، طب فين يا عمو بيتباع يقولي مش عارف :( نفسي اجرب الموضوع دا بس طبعا السلك لازم يكون رفيع جدا عشان يكون مرن علي ابرة الكروشيه .. عرفتوا بقي انا محتاره ليه !!!!!