من فضلكم اللى عندها فكره عن شراء الاثاث من دمياط تدخل تفيدنى

[زوووزا]

السلام عليكم ورحمه الله
رواد المنتدى الرائع من فضلكم اللى عندها فكره عن دمياط اواشترت عفشها من هناك تقولى تجربتها الله يكرمكم انا ان شاء الله سوف اشتري عفشى قريب وعمري ما رحت هناك لا انا ولا زوجى من فضلكم قولو لى تجربتكم فى الشراء
فى ناس قالت اروح الورش احسن من المعارض فى السعر بس بصراحه احنا ما نعرفش هناك حاجه وخايفه ينضحك علينا
وقرات عن ارض المعارض بمدينه نصراثاث دمياط هناك بس مش عارفه دى كويسه ولالا
وهو يوم واحد اللى حنروح نشتري فيه لان احنا من محافظه بعيده وده يوم سفر مش عرفه حنلحق نلف ونتفرج ولا لا
من فضلكم اللى عندها تجربه او نصيحه تحكى لنا
وجزاكم الله خيرا

[وقتي لزوجي]

عزيزتي ....ربي يقدرني وافيدك
ان لسة شارية عفشي من دمياط من 4 اشهر فقط
وهناك تجدي جميع الاذواق متاحة امامك
بس نصيحة لابد ان يكون معاك نجار معرفة وواحد شاطر في الاخد والعطا (الفصال)
احنا اخدنا خامات كويسة ومتينة باسعار متوسطة حوالي من(10-20 )للغرفة الواحدة طبعا في اقل وفيه اكتر
وهذا طبعا لايتنافى مع الجودة والمتانة(احنا غرفنا كبيرة)
عموما ونصيحة قيمة لفي كويس في منطقتك قبل ما تروحي دمياط (منه تاخدي فكرة عن الاسعار والاشكال عشان لما تروحي ما تنبهري من اول معرض)
موفقة بامر الله

[زوووزا]

الاخت الكريمه وقتى لزوجى
جزاك الله خيرا على اهتمامك وردك وربنا يجعلهولك عفش الهنا والسعاده يارب
كنت عايزه اعرف انت اشتريت من معارض على طول ولا رحت الورش اللى بيقولو عليها دى
وهل فى منطقه معينه ننزل عليها على طول او شارع معين ولا نلف عشوائى كده
ربنا يباركلك

[شذىالعطور]

ان شاء الله لاخوات فى دمياط يساعدوكى

الى ركن ساعدونى ستجدى ضالتك

[زوووزا]

السلام عليكم ورحمه الله
معقول يا جماعه اكتر من 100 قرءوا الموضوع ومفيش واحده اشترت عفشها من دمياط طب قولو حاجه اي حاجه ...................:[MM:[MM:[MM
:[MM:[MM:[MM:[MM:[MM:[MM

[≈ احـتِـوٍآءْ ≈]

يا حبيبتي دمياط مليانة معارض وورش
خدي معاكي نجار ثقة وانزلي لفي الشوارع مليانة معارض
جنب بعض مش هتوهي
وكمان كل معرض عنده ورشة علشان تشوفي الخشب ابيض قبل الدهان

ومعلومة هامة ممكن تلاقي الغرفة في مكان فخم بسعر غالي
وتتلاقيها في معرض اصغر بسعر اقل بكتير
فحاولي تلفي كتير ومن اول اليوم

وربنا يوفقك

[زوووزا]

السلام عليكم ورحمه الله
الاخت الكريمه عهد الامانى
بجد انا مش عارفه اشكرك ازاي انك نورت موضوعى ورديت عليا ده انا كنت فقدت الامل ان حد يكتب حاجه ويبل ريقى بكلمتين
جزاك الله خيرا على النصيحه ربنا يكرمك

[سكييينة]

اختي انا جبت عفش من دمياط من 3 اشهر من محل اسمه ابوعطايا جبت منه غرفة نوم فخمة جدا ب32 و غرفة نوم لابني ب12 و غرفة ضيوف ب12 وصالون مدهب ب13 وسفرة ب 26 وكونصول فخم باظن 6 وكم حاجة تانية وباقي العفش جبتو من برا مصر شغله حلو كتيرعجبني كتير رحت انا وزوجي بس يعني محدش ساعدنا لانه قبلها بيوم بعثنا صديق زوجي من دمياط ودانا لمعارض شغلها لم يعجبني و عملولنا اسعار نهاءية اغلى ما اشترينا و معانا واسطة فرحنا لوحدنا تاني يوم اشترينا من محل واحد و رجعنا الف مبروك زواجك انشاء الله تتوفقي في اختيار الاتات

[هناء روح]

السلام عليكم ورحمة الله

اختي زوووزا

انا دمياطيه .. وكلامي مش هيفرق كتير عن الاخوات

خذي نجار ثقه
وانزلي على الورش .. بلاش المعارض لانهم بيزودو الضعف ع الاقل

النجار يطمنكم من ناحية جودة الخشب والخامات
والباقي على ذوقكم والمبلغ اللي حاطينه لكل غرفه حبيبتي

والله لو انا في دمياط كنت خدمتك بعيوني ودليتك بنفسي لانو حمايا يعرف ناس ثقه واصدقاء لنا نزلو اشترو معانا من دمياط وانبسطو كتير بالاسعار

بصى عشانه يوم واحد
انزلي على السنانيه مليانه ورش
وكمان الشعرا

وتاني هقولك بلاش المعارض خصوصا الكبيرة صحيح موبلياتها بتبهر بس اسعارهم بتصدم ههههههه

بالتوفيق حبيبتي وربنا معاكم

[زوووزا]

السلام عليكم ورحمه الله
الاخت العزيزه سكيينه بارك الله فيك وربنا يجعله لك عفش هنا وفرح يارب انت واسرتك الصغيره ويبارك لك يارب
شكراا انك حكيتى عن تجربتك واشكر لك مشاركتك وعلى فكره انا مش فرحى قريب ولا حاجه انا متزوجه من زمان بس الحمد لله بجهز شقه جديده وبشتريلها عفش جديد ربنا يكملها على خير وشكرا تانى لك
جزاك الله خيرا

[زوووزا]

الاخت الكريمه هنا
جزاك الله كل الخير يارب بجد انت افادتينى كتير وجاوبت بالضبط على الاسئله اللى كانت فى دماغى ربنا يباركلك
ان شاء الله نروح على طول على المنطقتين دول الشعرا والسنانيه وربنا يكتب الخير يارب
اشكرك جزيل الشكر وبارك الله فيك

[rodyqueen]

انا من دمياط ولسة بشترى عفشى بس بنصحك بلاش المعارض بتغلى فى الاسعار جدا وكمان الخشب اللى عندهم مش باين اذا كان حلو ولا وحش لانه مدهون جاهز يعنى ممكن تنخدعى فيه روحى للنجارين اسعارهم معقولة وتطلبى اللى انتى عايزاه ولو محتاجة انى ادلك على نجار قوليلى وانا اديكى العنوان هو عموما منطقة الاعصر مليانة نجارين وربنا يوفقك

[زوووزا]

السلام عليكم ورحمه الله وبركاته
الاخت الكريمه رودى كوين جزاك الله خيرا على اهتمامك وردك واشكرك عالنصيحه وياريت لو تعرفى نجار كويس تقوليلى عشان ما لفش كتير انا كنت ناويه ا ش الله انزل على الشعرا على طول ا ش الله معظم الناس قالو ان دى اصل دمياط
جزاك الله كل الخير ومبروك عليك مقدما يارب تتهنى فيه يارب
والسلام عليكم ورحمه الله وبركاته

[smsmy]

زوووزا
انتى لسه ماتقدريش تستخدمى خاصية الرسائل الخاصه؟

[زوووزا]

الاخت الكريمه
smsy ازيك يا حبيبتى عامله ايه انا صراحه معرفش حاجه عن خاصيه الرسائل الخاصه بس ياتري ليه بتسألى؟؟؟؟؟؟؟؟؟؟

[smsmy]

الاخت الكريمه
smsy ازيك يا حبيبتى عامله ايه انا صراحه معرفش حاجه عن خاصيه الرسائل الخاصه بس ياتري ليه بتسألى؟؟؟؟؟؟؟؟؟؟
ازيك انتى ياقمر
انا تمام الحمد لله
ياستى الرسايل الخاصه علشان ارقام التليفونات ممنوع توضع فى المواضيع
مش عارفه الرساله اللى بعتلك فيها نمرة النجار وصلتك ولالا ياريت تطمنينى

[amar elzaman]

حبيبتى قبل ما تروحى دمياط انزيلى المناصره
انا اشتريت عقشى كله من معرض اسمه محمود شعبان
بصراحه شغله تحفه واسعاره حلوه جدا اشتريت منه سفره تجنن كنت شوفت زيها عند محسن بركات اللى قى ش شهاب اللى ف المهندسين ب 36000 جنيه
واشتريتها من عندهم ب 17000 جنيه وكان معايا نجار وقلى ان شغل المعرض ده هايله واسعاره معقوله جدا
ووفرت مصاريف السفردمياط وشحن الموبيليا

لو عايزه العنوان بالضبط ابعتهوليك
والف مبروك حبيبتى

[زوووزا]

السلام عليكم ورحمه الله الاخت الكريمه smsmy شكرا ليكى على اهتمامك ومساعدتك انا شفت الميل عندى بس بصراحه مفيش حاجه وصلت لو ممكن تحاولى تانى جزاك الله خيرا

[زوووزا]

الاخت الكريمه عمار الزمان
مبروك عليك عفشك ربنا يفرحك ويهنيك يارب
شكرا ليكى على ردك ونصيحتك بس انا مش عارفه فين المناصره دى ياريت لو تقوليلى العنوان بالتفصيل
جزاك الله خيراااااااااااااااااا

[smsmy]

طيب ياقمر انا هابعتهالك تانى
لما يطلعلك نافذة استقبال الرساله اضغطى ok وببعدين cancel
بس قوليلى انتى اصلا من محاقظة ايه ياقمر؟

[smsmy]

اعتقد انك تقدرى ترسلى رسايل خاصه بس لما يوصل عدد ردودك 300

[smsmy]

بعتهالك تانى وصلت ولالا

[مروه هادى]

دليل افضل شركات شراء الاثاث والخدمات المنزلية في المملكة


انصح الجميع بالتواصل معها
كشف تسربات المياه الرياض (https://al-qmah.org/detect-water-leaks-in-riyadh-company/)
شراء الاثاث المستعمل (https://al-qmah.org/company-purchase-used-furniture-in-riyadh/)
شركات شراء الاثاث المستعمل (https://alsal7ya.com/company-buy-used-furniture-in-riyadh/)
محلات شراء اثاث مستعمل (https://al-qmah.org/company-purchase-used-furniture-in-riyadh/)
ارقام شراء الاثاث المستعمل (https://al-qmah.org/company-purchase-used-furniture-in-riyadh/)
شراء الاثاث المستعمل (https://alsal7ya.com/company-buy-used-furniture-in-riyadh/)


نقل اثاث بالرياض (https://alsal7ya.com/detect-water-leaks-in-taif-company/“]شركة كشف تسربات بالطائف[/URL]
[URL="https://al-qmah.org/transfer-furniture-company-in-riyadh/)
شراء اثاث مستعمل بجدة (https://nile-company.org/%D8%B4%D8%B1%D9%83%D8%A9-%D8%B4%D8%B1%D8%A7%D8%A1-%D8%A7%D8%AB%D8%A7%D8%AB-%D9%85%D8%B3%D8%AA%D8%B9%D9%85%D9%84-%D8%A8%D8%AC%D8%AF%D8%A9/)
شركة مكافحة البق الرياض (https://al-qmah.org/insect-control-company-in-riyadh/)
كشف تسربات (https://www.tsrib.com)
شراء اثاث مستعمل بمكة (https://al-qmah.org/company-buying-user-mecca-furniture/)