قاعة أفراح حلوة واسعار طقاقات بالرياض

[عبير الشوق ~]

السلام عليكم ورحمة الله

كيفكم

بنات أبي قاعة للنساء بس تصير حلوه وتواجه وأكلهم زين

لزواره

واذا تعرفون عن الاوتيلات مو مشكلة بس أبي اسعار الكرسي الله يعافيكم

وتعرفون خدمات اليخت نفكر ناخذها ؟

والفررسان ووش الافضل اليخت أو الفرسان ؟

وبعد بسألكم كان تعرفون طقاقات وكم أسعارهم ؟

الله يعاافيكم يـارب ويجزاكم خيرر : ) .

[مبشرة بالخير]

يا أختي وين موقعك ؟ :D

[عبير الشوق ~]

في الرياض : ) .

[مبشرة بالخير]

كنت أتمنى مساعدتك :)

لكني بمكة

لكن لوتدورين بقوقل بتلقين ملياااان !

ادخلي مثلا ( قاعات في الرياض ) في قوقل

و بيطلع لك مواضيع كثيرة

[عبير الشوق ~]

دخلت
بس أبي شيء مضمون ومجرّب

[عزوتي ابوي]

وعليكم السلام ورحمة الله بركاته
حياك الله اختي :)

بالنسبه للقاعات في الرياض كثير اشياء تواجه منها
فندق الهوليدي ان القصر روووعه وسعر الكرسي حسب ماسمعت فيه
بـ 270 للكرسي ,,
وانت تقدرين من الاستعلامات تستفسرين ويمدحون مررره برج الاميره العنود قاعة الافراح اللي فيه
يقولون مره حلوة وتواجه اللي هو فندق النوفتيل ..
اما اليخت انا مره انعزمت فيه مااعجبني ابداااا مااحس انه راقي !!
كأنك داخله مطعم مأكولات بحريه !

والله ييسر امرك

[عواطف الشمري]

اختي لو تبحثين عن دليل شامل للعاصمه اكيد فيها ارقام
تهمك ....
وتقبلي مروري ...

[أسيرة الغربة]

فيه صالة نيارة سمعت انها حلوة وراقية
والمقصورة وسعر الكرسي فيها 100 ريال على ما اعتقد .
الطقاقة سمعت عن نورية انها كويسه .

[عبير الشوق ~]

شكراً بنات الله يعافيكم
أنا كلّمت حق اليخت قال ميدي انتي اللي تختارين الديكور

بس ودي اشوف كيف عشاهم بوفيهم راقي او لاء

من هذي نوريه وبكم ؟

[عزوتي ابوي]

اتوقع ان اليخت يقصد ديكور الطاولات لان الجدار ثاابت وفيه رسومات جبسيه
على اشكال نجمة البحر و اشياء للبحر عموما روحي شوفي القاعه بنفسك افضل ,,

مو نوريه هذي قاعة نيّاره لكنها غاااااليه هي والفورسيزون من اغلى القاعات في الرياض ..

الله ييسر لكم اللي فيه خير

[عزوتي ابوي]

مااتذكر عشاء اليخت !!
لاني كنت معزومه فيه قبل سنتين تقريبا !

[عبير الشوق ~]

وش غير اليخت تنصحوني فيه بس يكون سعرها معقول ؟


بعدين نوريه أنا أقصد الطقاقه :D


والطقاقات من تعرفون وكم أسعاررهم الله يعافيكم :) .

[عزوتي ابوي]

جربتي تكلمين على الهوليدي ان القصر ؟
فيه قاعات نعومه مثل درة الليالي و غناتي
و قاعة الريان ...

الطقاقات اعرف ام فهد بس اعتقد انها غاليه بحدود 16 الف تجي !!
بس ممكن اسأل لك عن طقاقات

[عبير الشوق ~]

الله يعافيك يارب ماتقصرين :) .

[باتريسيا2010]

عندك قصر غناتي مرره حلو وراقي وضيافته راقيه..

[مبشرة بالخير]

ورآ هوليدي إن عندكم غالي
بجدة الكرسي بـ 135 !

أعوذ بالله يا الأسعار بالرياض !

وش ذا
طقاقة بـ 16 !
و الله ما أجيبها

[الغزيل]

وش ذا
طقاقة بـ 16 !
و الله ما أجيبها



يا حبي لك ياشيخة :)

<< ما أقدر أفيدكم لأن مالي خبرة في الرياض بس دخلت أشجع ميمي وأطلع << كف

..

[مبشرة بالخير]

<< ما أقدر أفيدكم لأن مالي خبرة في الرياض بس دخلت أشجع ميمي وأطلع << كف


^^
يآآآحبي للي جت تشجع
:):)
ربي يسعدك دوومـ يا غزولة يا عسل

[ال جوهر]

فرقه قيثار فنانات و فنانين (( طبعن الرجال يكون بر ا )) وواحد على الاورق
عليهم طق خطير ويحمسون الواحد على الرقص من قلب
هو الفرقه الكامله ولها اغاني بموقع الحان اسمعي الصوت واحكمي بنفسك حقت طرب شعبي طقاقة
شي رهيب الطق والصوت بسم الله عليها


هذا رقمهم


0545459781
0552574431

[مركزحلم]

يعطيكم الف اعافيه