تقيمك لمدرسه ابنك او بنتك ايه

[أودي]

*** *** *** *** *** *** *** *** *** *** *** *** *** ***
هذا التقيم غير قاصر على الكجي فقط بل جميع السنوات الدراسيه ويراعى ان هذه السنه بها الفلونزا الخنازير H1 N1 وسوف نتقابل مره ثانيه لاعاده التقيم بعد شهر او شهرين اخريين

يذكر قبل الاجابه:

- اسم المدرسه مع ذكر هل لغات ام عربي ام خاص او ازهري اسلامي
- السنه الدراسيه
- الفصل

اسف لو كررت في الاسئله او لم اذكر سؤال مهم فالرجاء التعديل بما يتناسب مع التقييم واضافه الاسئله ليتم الاجابه عنها.
*** *** *** *** *** *** *** *** *** *** *** *** *** ***
1- التحصيل الدراسي في كل من :
1* عربي
2* انجلش
3* ماس
4* دراسات اجتماعيه
5* سينس
6* رسم وانشطه اخرى

مع ذكر اسم المدرس او المدرسه وتقيمك لهم؟

*** *** *** *** *** *** *** *** *** *** *** *** *** ***
2- النشاط داخل الفصل وخارجه وتتضمن pe؟
*** *** *** *** *** *** *** *** *** *** *** *** *** ***
3- الاغاني والترديد -عربي و انجلش؟
*** *** *** *** *** *** *** *** *** *** *** *** *** ***
4- طريقه النطق في العربي والانجلش؟
*** *** *** *** *** *** *** *** *** *** *** *** *** ***
5- حب الذهاب للمدرسه؟
*** *** *** *** *** *** *** *** *** *** *** *** *** ***
6- حب المدرسات؟
*** *** *** *** *** *** *** *** *** *** *** *** *** ***
7- الخوف هل يخاف ابنك من المدرسه او المدرسات ام لا؟
*** *** *** *** *** *** *** *** *** *** *** *** *** ***
8- الباص هل يجلس ابنك في كرسي لوحده ؟
*** *** *** *** *** *** *** *** *** *** *** *** *** ***
9- هل مستمتع بالمشرفه وبوجوده بالباص؟
*** *** *** *** *** *** *** *** *** *** *** *** *** ***
10 - النظافه ... هل يرجع ابنك نظيف من المدرسه؟
*** *** *** *** *** *** *** *** *** *** *** *** *** ***
11- هل تشعر بان المدرسه تتطبق احتياطات الامان بالنسبه لاستخدام المطهرات؟
*** *** *** *** *** *** *** *** *** *** *** *** *** ***
12- هل تعطي ابنك مصروف وماذا يشتري من المدرسه؟
*** *** *** *** *** *** *** *** *** *** *** *** *** ***
13- هل طالبته المدرسات والمشرفات بان يحضر معه اموال للشراء من الكانتين؟
*** *** *** *** *** *** *** *** *** *** *** *** *** ***
14- مستوي المشرفه في الفصل هل متفاعله مع الطفل ام لا؟
*** *** *** *** *** *** *** *** *** *** *** *** *** ***
15- هل ياكل الطفل الاكل الذي ارسلته معه ام لا مه تحديد النسبه العامه؟
*** *** *** *** *** *** *** *** *** *** *** *** *** ***
16- هل يستمتع الطفل بالجاردن؟
*** *** *** *** *** *** *** *** *** *** *** *** *** ***
17- مميزات المدرسه من وجهه نظر الاب والام؟
*** *** *** *** *** *** *** *** *** *** *** *** *** ***
18- عيوب المدرسه؟
*** *** *** *** *** *** *** *** *** *** *** *** *** ***
19- هل تتفاعل المدرسه مع مشاكلك وتحلها ام لا؟ الرجاء ذكر نسبه التفاعل؟
*** *** *** *** *** *** *** *** *** *** *** *** *** ***
20- هل يتم تلقي المشكلات بسهوله ويسر عندما تذهب للمدرسه او بالتليفون؟
*** *** *** *** *** *** *** *** *** *** *** *** *** ***
21- اذا كان المدرس في الفصل ممتاز او جيد جدا اذكر اسم المدرس او المدرسه المجتهدين؟
*** *** *** *** *** *** *** *** *** *** *** *** *** ***
22- اذكر اسم المدرس غير المتفاعل والذي لا يستفيد الطالب منه؟
*** *** *** *** *** *** *** *** *** *** *** *** *** ***
23- هل يتعرض طفلك للضرب؟
*** *** *** *** *** *** *** *** *** *** *** *** *** ***
24- اذكر اسم المشرفات سواء في الباص او في الكلاس وقيمهم؟
*** *** *** *** *** *** *** *** *** *** *** *** *** ***
25- مارأيك في مدير المرحله وتقيمك له؟
*** *** *** *** *** *** *** *** *** *** *** *** *** ***
26 - هل زاد ابنك اجتماعيا اوصفه بعد ما دخل المدرسه؟ يذكر درجه العنف ايضا؟
*** *** *** *** *** *** *** *** *** *** *** *** *** ***
27- هل يتعلم ابنك سلوكيات من المدرسه؟
*** *** *** *** *** *** *** *** *** *** *** *** *** ***

[nashwa1]

اودى موضوعك رائع
وانا هبدء فيه ان شاء الله

[rony_83]

اودى طبعا الموضوع تحفة بس الاسئلة كتير قوى
عموما انا هاحاول ارد عليها والله المستعان
يمكن اى حد يستفيد وانتى فين تقييمك؟؟؟
*تاريخ التقييم : 15/12/2009 ( مر تقريبا شهرين على بداية الدراسة )
* اسم المدرسه: جينيس للغات - Genuis language school
*السنه الدراسيه والفصل: Kg 1-c

1. التحصيل الدراسي في كل من :

1* عربي: مس سماح (ممتازة – مشجعة جدا للطالب علطول استيكرز وكلام حلو )
- كل اسبوع حرف بيكتبوا فى الclass work فى الفصل طبعا
- الواجب بيكون صفحة فى كراسة الواجب وصفحتين فى البوكليت الخاص بالمدرسة مع التلوين
- كل اسبوع املاء كل الحروف طبعا الحاجات دى على مدار الاسبوع

2* انجلش: : مس إيناس (ممتازة)
- كل اسبوع حرف بيكتبوا فى الclass work فى الفصل طبعا وبيشرحوا من الكتب فى الفصل
- فى البوكليت بيكون الواجب على 4 ايام اول يومين الحرف وتلوين الصورة بتاعته مثلا(a- apple ).. نلون الapple وهكذا فى اليوم التانى ..واليوم الثالث بناخد صفحة تلوين فيها كل صور الحرف مثلا ( arm – apple – axe – ant ) وكتابه tracing على النقط واليوم الرابع نكتب صفحة فى البوكليت وصفحة فى كراسة الواجب .
- كل اسبوع املاء كل الحروف طبعا الحاجات دى على مدار الاسبوع .

3* ماس مس إيناس (ممتازة)
- كل اسبوعين تقريبا رقم بيكتبوا فى الclass work فى الفصل طبعا
- فى البوكليت بيكون الواجب على تلوين واشكال زى المثلث والمربع و... وكتابة الرقم فى صفحة فاضية فى البوكليت وفى كراسة الواجب كمان صفحة counting هوه يعد ويكتب الرقم ويلون

4* سينس مس إيناس (ممتازة)
كله نظرى يتعلموا كلمات عن الزرع والحيوانات والخضار والفاكهة ...
الكتاب بيجى لى يوم الخميس للمراجعة فقط
5* رسم وانشطه اخرى
- معنديش تعليق معين على الانشطة والرسم
- همهه بيروحوا الموسيقى ويلعبوا الكراسى الموسيقية .
- الرسم مش حاسة انه بياخد رسم ولو اخدوا نشاط المدرسة هيه الى بتعمله يعنى تعمل وردة وتديهم يلونوا يعنى حاجات كده بس بسيطة
- مرة راحوا المطبخ وعملوا سلطة
- فيه رحلة تبع النشاط وبتكون من غير فلوس ( دفعنا اول السنة 100 ج مصاريف اضافية للنشاط ) همه راحوا مرة مدينة مبارك ودخلوا اعتقد المركز الاستكشافى للعلوم. ومرة ركبوا حصان فى مزرعة وراء المدرسة اعتقد انه ابتاعت صاحب المدرسة بس كده

*** *** *** *** *** *** *** *** *** *** *** *** *** ***
***** بيكون فيه امتحان كل شهر توصيل وتحديد الحرف واختيار الصورة الى تدل على الحرف وهكذا
***** فيه شهادة اسمها Star week بياخدها الطفل المميز كنوع من التشجيع بتكون كل اسبوع واحنا اخدناها الحمد لله مرة
*** *** *** *** *** *** *** *** *** *** *** *** *** ***
2. *النشاط داخل الفصل وخارجه وتتضمن pe؟
- بيلعبوا مرة كل اسبوع العاب فى الgarden وبيقولى بننام على الارض يعنى بيعملوا تمرينات
*** *** *** *** *** *** *** *** *** *** *** *** *** ***
3. الاغاني والترديد -عربي و انجلش؟
- هيه الاغانى قليلة شوية هوه اخد اغنية فيها 8 صفات ( good-bad – tall-short-….. ) واغنية كمان فيها اجزاء الجسم واغنية واحدة فرنساوى وواحدة عربى.
*** *** *** *** *** *** *** *** *** *** *** *** *** ***
4. طريقه النطق في العربي والانجلش؟
- الحمد لله كويس فى الانجليزى و فى العربى لانه بفضل الله حافظ قران فنطقه حلو الحمد لله
*** *** *** *** *** *** *** *** *** *** *** *** *** ***
5. حب الذهاب للمدرسه؟
ممكن يجراله حاجة لو مراحش كل يوم وبيبقى بالخناق
*** *** *** *** *** *** *** *** *** *** *** *** *** ***
6- حب المدرسات؟
جيد جدا
*** *** *** *** *** *** *** *** *** *** *** *** *** ***
7- الخوف هل يخاف ابنك من المدرسه او المدرسات ام لا؟
لا
*** *** *** *** *** *** *** *** *** *** *** *** *** ***
8- الباص هل يجلس ابنك في كرسي لوحده ؟
احنا مش مشتركين فى الباص باباه بيودي هوانا بجيبه
*** *** *** *** *** *** *** *** *** *** *** *** *** ***
9- هل مستمتع بالمشرفه وبوجوده بالباص؟

*** *** *** *** *** *** *** *** *** *** *** *** *** *** ____
10- النظافه ... هل يرجع ابنك نظيف من المدرسه؟
نعم
*** *** *** *** *** *** *** *** *** *** *** *** *** ***
11- هل تشعر بان المدرسه تتطبق احتياطات الامان بالنسبه لاستخدام المطهرات؟
معقول
*** *** *** *** *** *** *** *** *** *** *** *** *** ***
12- هل تعطي ابنك مصروف وماذا يشتري من المدرسه؟
مصروف فى المرواح اما يكون اكل كل الفطار وبيجيب الى يعجبه بسكوت كيك شيبسى اى حاجة يحبها
*** *** *** *** *** *** *** *** *** *** *** *** *** ***
-13هل طالبته المدرسات والمشرفات بان يحضر معه اموال للشراء من الكانتين؟
لا
*** *** *** *** *** *** *** *** *** *** *** *** *** ***
-14 مستوي المشرفه في الفصل هل متفاعله مع الطفل ام لا؟
نعم
*** *** *** *** *** *** *** *** *** *** *** *** *** ***
-15 هل ياكل الطفل الاكل الذي ارسلته معه ام لا مه تحديد النسبه العامه؟
بياكل بنسبة 70 % هوه طبيعته مش بياكل كويس
*** *** *** *** *** *** *** *** *** *** *** *** *** ***
16- هل يستمتع الطفل بالجاردن؟
جدا
*** *** *** *** *** *** *** *** *** *** *** *** *** ***
17- مميزات المدرسه من وجهه نظر الاب والام؟
استجابة الادارة وتفاعلها مع اولياء الامور
اللقاءات الدورية مع اولياء الامور لمتابعة الطلبة
الاهتمام بكراسة المتابعة
*** *** *** *** *** *** *** *** *** *** *** *** *** ***
18 -عيوب المدرسه؟
انه لو عاوزة تقابلى المدرسة تتكلمى تاخدى معاد معاها وممكن المعاد ده يبقى بعد 5 ايام فطبعا لو فيه مشكلة بتعتمدى على الكتابة فى كراسة المتابعة*** *** *** *** *** *** *** *** *** *** *** *** *** ***
19 -هل تتفاعل المدرسه مع مشاكلك وتحلها ام لا؟ الرجاء ذكر نسبه التفاعل؟
على قدر الامكان – 60 %
*** *** *** *** *** *** *** *** *** *** *** *** *** ***
20-هل يتم تلقي المشكلات بسهوله ويسر عندما تذهب للمدرسه او بالتليفون؟
فعلا
*** *** *** *** *** *** *** *** *** *** *** *** *** ***
21 - اذا كان المدرس في الفصل ممتاز او جيد جدا اذكر اسم المدرس او المدرسه المجتهدين؟
سبق التقييم لكل مادة
*** *** *** *** *** *** *** *** *** *** *** *** *** ***
22- اذكر اسم المدرس غير المتفاعل والذي لا يستفيد الطالب م
....
*** *** *** *** *** *** *** *** *** *** *** *** *** ***
23 -هل يتعرض طفلك للضرب؟
لا
*** *** *** *** *** *** *** *** *** *** *** *** *** ***
24 - مارأيك في مدير المرحله وتقيمك له؟
جيد
*** *** *** *** *** *** *** *** *** *** *** *** *** ***
25-هل زاد ابنك اجتماعيا اوصفه بعد ما دخل المدرسه؟ يذكر درجه العنف ايضا؟
اعتقد انها مشكلة تواجة الاطفال الى اول تعامل لهم مع الغرب بس ابنى كان بيروح حضانة ومن هوه سنة فمفيش مشكلة خالص الحمد لله ومفيش مجال للعنف هوه بيدافع عن نفسه لو حد ضربه
*** *** *** *** *** *** *** *** *** *** *** *** *** ***
26- هل يتعلم ابنك سلوكيات من المدرسه؟
نعم .. ناكل باليمين – منعليش صوتنا قوى - .....
*** *** *** *** *** *** *** *** *** *** *** *** *** *

[خيرزاد]

موضوع جمييل جدا
وهتابع معاكى اودى
رونى اجابتك افادتنى جدا
ابنى لسه فى البيبى كلاس والمدرسه لسه جديده
ومعنديش خبره بالمدارس خاالص
جزاكم الله خيرا

[rony_83]

رونى اجابتك افادتنى جدا

خير زاد
الحمد لله انك استفدتى ويارب الناس كلها تستفيد وتشارك باجابات موضوعية وطبعا اودى صاحبة الفكرة والطريقة المنظمة :)

[أودي]

جزاك الله خيرا يا نشوى وروني بس بجد التقييم ده هيفدنا جدا جدا وهيفيد غيرنا ان شاء الله

[أودي]

انا بالنسبه لتقيمي للمدرسه وحش جدا بتعتنا فخايفه اكتبه واظلم المدرسه وكمان انا قعدت ابني بدري من العيد ولكن هكتبه واحاول اقيم او غيري يقيم بعد نصف السنه ان شاء الله

[أودي]

المدرسه المصريه الدوليه للغات


كجي 1A


*** *** *** *** *** *** *** *** *** *** *** *** *** ***

1- التحصيل الدراسي في كل من :
1* عربي: جيد جدا اسم المدرسه هاجر ثم دعاء
2* انجلش: سيئ جدا مع احقاق الحق بعض الكلمات والجمل القليله اميره
good mourning
i'm fine thank you
whats your name
toilet plz
age dont knew
مع انه اخد السؤال
مع العلم انه ممكن يكون المستوى عادي ولكن كمدرسه لغات ضعيف جدا

ياخذ الحرف بالكابيتل والسمول تلوين ويلون صوره امام كل حرف تبدأ بهذا الحرف ويتعلم من خلالها الالوان كان تطلب تلوين البقره باللون الاخضر وهكذا

اليوم الثاني ياخذ الكلمات على هيئه صور تلوين
ويكتب الحرف 5 او 6 مرات وغير مطلوب منهم الكتابه

3* ماس: جيد

4* pe ممتعه جدا وياتي يقلدلي ماتعلمه كله

5* الاكتيفتي لايرسلوا الاشياء التي يعملوها عند غيابه، ولكن يعملو تفاحه مراكب بالفلين


*** *** *** *** *** *** *** *** *** *** *** *** *** ***
3- الاغاني والترديد -عربي و انجلش

ارسلت لهم في الديري اريد كلمات الاغاني فرفضوا فارسلت لهم ماهي اسماء الاغاني فارسلت لي 2 انزلت 1 من على النت وبدأ يردد بس بدون كلام مفهوم النغمه فقط


*** *** *** *** *** *** *** *** *** *** *** *** *** ***

4- طريقه النطق في العربي والانجلش.
العربي جيد بس ليس بالفصحى
الانجلش طبعا انا بحس انني التي اعلمه النطق والكتابه والحفظ


*** *** *** *** *** *** *** *** *** *** *** *** *** ***

5- حب الذهاب للمدرس
في الاول يحب الان مش قوي لانهم لاينزلوه الجاردن وفيه ميس بيحبها ولكن عملاله عقده من النوتي تشير


*** *** *** *** *** *** *** *** *** *** *** *** *** ***
6- حب المدرسات
يقول حلوين ولكن الباص يحبها جدا

*** *** *** *** *** *** *** *** *** *** *** *** *** ***
7- الخوف هل يخاف ابنك من المدرسه او المدرسات ام لا
حسيت بتغير في شخصيته بقى يخاف قوي بقى اي حد يضربه ميعملوش حاجه خالص اقوله ليه يقولي مهي الميس هتضربني بس انا بقولها وبتضربهم قلت كويس انها بتتصرف لكن انعكس على شخصيته بالسلب في ان اطفال في العيله تضربوا كان بيضربهم بقى ميعملش حاجه خالص ويقولي مهم هيضربوني تاني لو ضربتهم مش عارفه اعمل معاه ايه في الحته دي لدرجه بقيت اقوله اللي يضربك اضربه

2- يخاف جدا من النوتي تشير لدرجه بكى جدا عندما اخبرته مره اني هقول للميس تاعدك على النوتي تشير فعيط جامد جدا لدرجه طمنته ومبقتش اقول كده تاني

وكمان مسمي ميس بتاعه النوتي تشير تقريبا بتخوفه لدرجه هو مسمعش كلامها فقلتله هاعدك على النوتي تشر فعيط وقلها اروح لماما قالتله مفيش ماما وداخل دماغه ان اللي يقعد على النوتي تشير مش هيروح ويرجع لممته ومرعوب جدا لدرجه لقيته بيكللم نفسه وبعدين عيط وقالي متخلهومش يقعدوني على النوتي تشير تاني لدرجه قلتله ايه يعني لو قعدت عليه وسكت

*** *** *** *** *** *** *** *** *** *** *** *** *** ***

8- الباص هل يجلس ابنك في كرسي لوحده
اوقات واوقات لا

*** *** *** *** *** *** *** *** *** *** *** *** *** ***

9- هل مستمتع بالمشرفه وبوجوده بالباص
يحب المشرفه وينام في الباص


*** *** *** *** *** *** *** *** *** *** *** *** *** ***

10 - النظافه
هل يرجع ابنك نظيف من المدرسه
لا شعره فظيع تراب فظيع بحس انه كان بيكنس المدرسه في الاول في الاخر بياتي نظيف ويغسل يده كل يوم مرتين

*** *** *** *** *** *** *** *** *** *** *** *** *** ***

11- هل تشعر بان المدرسه تتطبق احتياطات الامان بالنسبه لاستخدام المطهرات
يغسل يده بس

*** *** *** *** *** *** *** *** *** *** *** *** *** ***

12- هل تعطي ابنك مصروف وماذا يشتري من المدرسه
لا


*** *** *** *** *** *** *** *** *** *** *** *** *** ***

13- هل طالبته المدرسات والمشرفات بان يحضر معه اموال للشراء من الكانتين
نعم قالي مره انا عايز فلوس اشتري قلتله مين اللي قالك قالي الميس والله اعلم

*** *** *** *** *** *** *** *** *** *** *** *** *** ***

14- مستوي المشرفه في الفصل هل متفاعله مع الطفل ام لا
الاولى كويسه تغيرت الثانيه احسن بقى يرجع عارف اغنيه عربي مع بعض الكلمات المقفاه البسيطه بس ملحقش قعدته

*** *** *** *** *** *** *** *** *** *** *** *** *** ***

15- هل ياكل الطفل الاكل الذي ارسلته معه ام لا مه تحديد النسبه العامه؟
نعم المشرفه مهتمه بهذا الجزء الاولى
الثانيه يعني

*** *** *** *** *** *** *** *** *** *** *** *** *** ***

16- هل يستمتع الطفل بالجاردن؟
لا مش عايز يروح عشان مبيروحش الجاردن ويلعب بالكور

*** *** *** *** *** *** *** *** *** *** *** *** *** ***

17- مميزات المدرسه من وجهه نظر الاب والام؟
راحت كل مميزاتها اللي كانت عندي
من اول يوم فيه مشاكل ومفيش حل للمشكله ولا حتى تليفون اعتذار
هو فيه مميزات بس انا زهقت منهم فمش شايفه الحلو خالص هو فيه موفي عن الـelephant
وكمان نيمو بالانجلش

*** *** *** *** *** *** *** *** *** *** *** *** *** ***

18- عيوب المدرسه؟
المميزات اللي قلناها قبل بدايه العام اجعلها بالنفي ترى كل العيوب
*** *** *** *** *** *** *** *** *** *** *** *** *** ***
19- هل تتفاعل المدرسه مع مشاكلك وتحلها ام لا؟ الرجاء ذكر نسبه التفاعل
لا
جوزي اتخانق واشتكى ولا مشكله اتحلت وكمان انا كلمت مديره الكجي وفي الاخر قالتلي انا هاجد بالي منه وقعدته فملحقتش اشوف عملو حاجه ولا لا
*** *** *** *** *** *** *** *** *** *** *** *** *** ***
20- هل يتم تلقي المشكلات بسهوله ويسر عندما تذهب للمدرسه او بالتليفون؟
تلقي المشكله نعم حل لا
*** *** *** *** *** *** *** *** *** *** *** *** *** ***
21- اذا كان المدرس في الفصل ممتاز او جيد جدا اذكر اسم المدرس او المدرسه المجتهدين؟
ذكرت سابقا في اول سؤال
*** *** *** *** *** *** *** *** *** *** *** *** *** ***
22- اذكر اسم المدرس غير المتفاعل والذي لا يستفيد الطالب منه؟
ذكرت سابقا في اول سؤال
*** *** *** *** *** *** *** *** *** *** *** *** *** ***
23- هل يتعرض طفلك للضرب؟
نعم مره على يده بايد المدرسه
*** *** *** *** *** *** *** *** *** *** *** *** *** ***
24- اذكر اسم المشرفات سواء في الباص او في الكلاس وقيمهم
نيفين كل ماسألها حاجه تقولي اسالي مس منى
جيده جدا
*** *** *** *** *** *** *** *** *** *** *** *** *** ***
25- مارأيك في مدير المرحله وتقيمك له؟
ميس منى مديره الكجي للاسف لاتحل شيئ والضعف واضح في مستوى الاداره لاتدير جيدا
*** *** *** *** *** *** *** *** *** *** *** *** *** ***

[أودي]

ياريت كل اللي عندها اسئله تنضاف الى التقيم تحطها بحيث كلنا نستفيد

[أودي]

ايه ياجماعه مش عايزين تقيموا ولا ايه

[possy26]

موضوع حلو جدا وهيقلب عليا المواجع

[possy26]

انا
بنتى فى مدرسة مودرن سكول مصر الجديدة فى GRADE 2
بالنسبة للتدريس
العربى :السنةدى سىء جدا جدا مع ان السنة اللى فاتت كان ممتاز جدا جدا ومكنتش ببذل معاها اى مجهود فية لكن السنة دى اتغير 3 مدرسات عربى واخر مدرسة بنتى كانت بتخاف منها جدا ولا زالت لدرجة انها بعد اول حصتين جت تعيط ومش عايزة تحضر حصة العربى تانى
فطبعا روحت المدرسة وعملت مشكلة وقلتلهم البنت كرهت العربى من كتر زعيق المدرسة المهم الموضوع اتحسن شوية
الانجليزى المدرسة ممتازة اوى وهى بتاخد منهج برايت ستار لكن عيب المدرسة ان مفيش حصص ريدنج يمكن حصة او اتنين فى الترم كلة لكن الجرامر وكلمات فالميس بصراحة ممتازة
الماث الميس بردة ممتازةوالبنت بتيجى فاهمة كويس يعنى حبة مجهود منى بسيط لان الماث اصلا صعب
ساينس الميس ممتازة بترجع البنت حافظة
الفرينش وحش ودة لان الحصص قليلة وهما لسة اول مرة يخدوة السنة دى
المصروف انا بديها وهى بتشترى اللى هى عايزاة ومحدش قالها فى المدرسة حاجة
حبها للمدرسة بيكون واضح جدا لما بترقص من السعادة انا المدرسة اتقفلت
الاكل مش بتاكل لكن دة طبيعى مع بنتى وبعدين هى كبيرة وطبعا مش بيركزو مع الكبار مش فاكرة فى كى جى كان اية اللى بيحصل لكن اعتقد كان هو هو مش بتاكل
مشرفة الباص مشيت السنة دى للاسف ومفيش حد معين معاهم ؟؟؟؟
المدرسة فيها اهمال جامد اوى اوى يعنى مثلا السنة اللى فاتت كان فى رحلة للسيرك اللى قدام المدرسة مباشرة يعنى هيعدو الشارع يكونو فية المهم انا اصلا كنت برفض اوديها رحلات لانى بخاف لكن هى اتحيلت عليا جامد وكان نفسها تطلع فوافقت وكان المفروض انها هترجع فى ميعاد المدرسة العادى المهم ميعاد المدرسة جة وفات واتصل بالمدرسة مفيش حد بيرد عليا اتصل بمشرفة الباص تقولى لسة موصلوش المدرسة وربنا يستر ههههههههههههههههه
المهم طبعا متصورين انا حالتى كانت ازاى لغاية الساعة 4 اتصلت بية المشرفة بعد ما كنت منهارة وقالتلى وصلو ولما البنت جت البيت سالتها اية اللى حصل قالتلى انهم كانو عند فرعون ههههههههه تقصد القرية الفرعونية وركبت مركب هناك وان الميس قالت لهم اللى هيكلم هترمية فى النيل لكن هى مخفتش علشان هى بتعرف تعوم دة كلا بنتى طبعا ممكن تتخيلو انا عملت اية تانى يوم فى المدرسة واللة دة انا اتعصبت دلوقتى لما افتكرت الحكاية ودى كانت اول واخر رحلة
تحبو اقولكم مساويء تانى ولا كفاية
طبعا هتسئلو لية مش بحولها واللة حاولت السنة اللى فاتت انى احولها المصرية لكن للاسف الباص مش بيوصل عندى لكن هحاول تانى السنة دى وعلشان كمان اخوها اقدملة وهحاول مع مدرسة غريانى ادعولى واحدة فيهم تيجى خاصة المصرية

[أودي]

يارب يابوسي ربنا ينولك الخير انا بردو مع البهدله اللي حصللنا في المدرسه بس بردو صابره على امل يتعدلو واللي عجبني فيهم نظامهم الاسلامي مع انهم مطلعين عيني بس يارب ربنا يعملنا اللي فيه الخير بس المشكله ان السنين دي شكلها مضروبه عشان كده محدش عارف يحكم على المدرسه المهم ان مفيش مدرسه واحده تحسي انها تداركت الازمه كله بيخبط في بعضه وربنا يستر يارب.

بس حولي تصلي صلاه استخاره قبل ماتعملي التحويل السنه الجايه عشان ربنا يجعلك اللي فيه الخير

[possy26]

واللة عندك حق يا اودى لكن انا مش عايزة ادخل ابنى مودرن ويدخل كى جى وتتحسب علية السنة وانا مش مبسوطة من المدرسة وبعدين هو اصلا شقى وفى المدرسة عند بنتى ممكن يضربو الاولاد صحيح انا بنتى مضربتش خالص قبل كدة بس دة لانها هادية لكن فى غيرها بيضرب الاشقية وطبعا انا دة مش ممكن اقبلة ابدا دة انا ممكن اروح اموتهم فيها دى علشان كدة بقول النقل من المدرسة دى من السنة دى احسن علشان كمان المدارس اعتقد السنة اللى جاية هتكون متساهلة شوية فى امتحانات التقديم والنقل وربنا يسهل

[أودي]

ربنا يوفقك للي فيه الخير يا بوسي

[أودي]

ايه ياجماعه محدش بيقيم ليه احنا قلنا تقيم مبدئي ياريت لان الاختيارات هتبدأ من امهات تانيه فياريت اللي عنده اضافه يكتبها

[الابراج]

H.D;L

[talha_alkhair]

أنا كنت على وشك أقيم من العنوان في كلمتين بس اتصدمت من الأسئلة
الرحمةhttp://www.lakii.com/vb/smile/21-309.gif (http://www.lakii.com/vb/smiles/index.php)

[أودي]

ياستي علقي في كلمتين وبس خير الكلام ما قل ودل ... بس قوليلنا كده رايك في المدرسه ايه

[muslium]

تقيمى لأول أسبوع فى التيرم الثانى:

حاسه فى أنتظام و ألتزام افضل من التيرم الأول
_ العربى ميس أمينه كويسه الحمد لله
_الماث ميس جديده لكن كويسه الحمد لله فى نفس مستوى الميس اللى مشيت
_الفرنساوى ميس أيناس كويسه جدا
_الساينس مستر سرحان جديد لأن ميس مرفت تقريبا مشيت كويس الحمد لله
_الدراسات مستر أيهاب ممتاز و البنات بيحبوه اوى الحمد لله
_اما بقى الأنجليزى فأخيرا و لله الحمد جاءت نيس جديده ميس دينا الى الأن ممتازه الحقيقه بتعملهم ليسيننج و بتخليهم يقروا و بتعملهم ديكتيشن و بتكلمهم أنجليزى علطول غير نطقها رحمه بتقولى حلو اوى و كمان بتشجعهم لسه رحمه واخده شيكسو النهارده ههههه
الحمد لله يا رب تفضل كده علطول و تستمر

كده و لله الحمد تعليميا المدرسه أديها عشره على عشره
كمان فى ملحوظات جديده ميس عزه الأسيستنت بتدخل كل يوم تشوف الدايرى بتاع البنات كتبوا فيه الواجب و لا لأ و ساعات ميس عبير هى اللى بتعمل كده بنفسها و بتديهم واجبات من الكتب الخارجيه

بالنسبه للأنشطه:
_ البى اى ممتاز الحقيقه التيرم اللى فات و التيرم ده و الكابتن بيديهم كاراتيه من غير اشتراك و لا حاجه قصدى اقول انى مش مشتركه ليها فى حاجه بفلوس مع انى سألتهم فى المدرسه بس قلولى لسه منزلناش حاجه

_ الرسم عادى بيرسموا و خلاص مرتين تقريبا فى التيرم الأول اللى عملوا اعمال فنيه

_ الأقتصاد بياخدوه بأنتظام لا بأس به

_ الميوزك أبتدوا ياخدوا التيرم ده لكن بيقعدوا يغنوا فقط مش بيدربوا على الالات او يمكن لسه هيدربوهم الله اعلم

_ يتبقى الكمبيوتر و تحفيظ القرأن
و الأتنين مفيش أهتمام كافى بيهم للأسف و ديه أكتر نقطه سلبيه فى الأنشطه
لسه مفيش مدرس للقرأن و مبياخدوش كمبيوتر

ده تقريرى عن الأداء
هقول يعض الملاحظات الأخرى علشان الجداد يستفيدوا معانا و يعرفوا يقيموا المدرسه :
_ 9 حصص كل يوم من 8 الى 2 و نصف
_ حصص الأنجليش يوميه و حصتين كل يوم و ده معدل عالى
أسم السلسله جامب ابورد 3 كتب
student book + work book + grammer book
بالأضافه الى
story + comperhension book
_ حصص الفرنساوى 4 حصص فى الأسبوع بواقع حصه كل يوم ماعدا يوم واحد و الولاد انا شايفه ان مستواهم حلو فى الفرنساوى و مكتفيه تماما بالمدرسه نظرا لأنى مبعرفش فرنساوى خالص
_ال ماث كل يوم حصه
_ال ساينس 3 حصص فى الأسبوع لكن المستر بيدخلوهم اكتر من كده شبه يوميا
_العربى حصتين كل يوم
_القرأن 3 حصص فى الأسبوع
_البى اى حصتين فى الأسبوع و ساعات بينزلوا اكتر لو فى حصص احتياطى

فى فصل بين الأولاد و البنات متهيألى من اول بريمرى وان
فيه سمت دينى و أخلاقى واضح و لو ان بعض المدرسات بيلبسوا ضيق الى حد ما و بيحطوا مكياج

الباص منتظم و لله الحمد و مفيش مشاكل مع انى مدتش المشرفه اى فلوس او هدايا هى ماشاء الله عليها كويسه اوى و اسمها ميس جيهان

فى شيتس بتنزل بشكل دورى مع كل ماده و فى كويزات و فى اخر التيرم بيدوا ملزمه أسئله تغطى اجزاء المنهج كله

الأمتحانات بتاعة الوزاره بتيجى من بره المدرسه و ده بيخليكى تقيمى مستوى ابنك او بنتك بشكل عادل

الحمد لله البنت بتحب المدرسه و بتحب صحباتها و فى مدرسين بتحبهم اكتر من مدرسين و ده طبيعى .
لو فى مشاكل مع اى مدرس او مدرسه البنات بيقدروا يوصلوا لميس عبير بسهوله و يقولولها على اللى مضايقهم و هى بتتخذ اللازم

ده تقيمى الى الأن للمدرسه و طبعا لمرحلة البرايمرى فقط و يا رب تستمر من احسن لأحسن أحنا مش عايزين غير الخير لأولادنا و مجتمعنا
و أذا أتصلحت حتة القرأن و الكمبيوتر يبقى بصراحه كل حاجه تمام اوى و الفضل و المنه لله سبحانه و تعالى

أدعوا معايا و قولوا يا رب تفضل مستواها من احسن لأحسن و يرزقنا بمدرسين كويسين دايما يااااااا رب
أمين

[أم جورى]

السلام عليكم ورحمة الله

اودى موضوع حلو اوى بجد جزاكى الله خيرا بس انتى ماشاء الله متوصية بالأسئلة اوى لأ وكمان عاوزة اضافات الرحمة يا أودى :)

بوسى ازيك وحشتينا

[possy26]

ام جورى مرسى يا حبيبتى على سولك انتو كمان وحشتونى كلكم لكن انا لما بتدخل الدراسة بكون معنديش اى وقت خالص دة غير اللخبطة اللى حصلت هنا فى المنتدى

[أم جورى]

اسم المدرسه: جينيس للغات - Genuis language school
*السنه الدراسيه والفصل: kg2 --p3
1. التحصيل الدراسي في كل من :

بالنسبة للكى جى


1* عربي:

ممتازة ممتازة ممتازة ماشاء الله كويسة جدا وتعاملها مع الولاد رائع وابنى بيحبها الحمد لله عوضت الميس بتاعة السنة اللى فاتت ودلوقتى بقيت ممكن أمليه أى كلمة برة المنهج يسبلها ويكتبها الحمد لله

لسة شغالين مراجعة هما وصلوا لحد حرف الشين فى التيرم الأول

الهوم وورك عبارة عن الحرف و3 كلمات بالفتح والكسر والضم

وفى صفحة فى البوكليت بيكتبوها فى المدرسة

2* انجلش: :

ميس هناء برضو ماشاء الله كويسة جدا انا قابلتها وهى لطيفة أوى فى تاعملها مع الولاد ومش معتمدة على انها مدرسة فقط لأ بتنمى كمان اخلاقيات معينة عند الولاد وبتعدل فى سلوكهم لو غلط وبتاخد بالها من كل حاجة يعنى هى مدرسة انجلش بس أخدت بالها ان ابنى بيرسم كويس وبيقلد أى صورة على الكتاب أو الاستيكر فأخدت الورق اللى رسمه كله وخلت ميس مارى مديرة الكى جى تشوفه وشجعوه جدا

الهوم وورك كل يوم جملة صغيرة i am a dotor
she is a teather

وصفحة فى البوكليت وفى ديكتيشن كل يوم أحد

3* ماس

ميس هناء ممتازة ماشاء الله والحمد لله هو كويس فى الماث مفيش مشكلة

4* سينس

ميس هناء ممتازة وبياخدوا كتاب ظريف جدا يعتبر جزء مصغر من منهج برى 1 كله نظرى

5* رسم وانشطه اخرى
- *** *** *** *** *** *** *** *** *** *** *** *** *** ***

الرسم كويس بس مش بشوف كراسة الرسم علطول فى المدرسة

ال peكويس بيقول انهم بيعملوا تمارين

الأكتيفيتى كويس وبيحب يوم الثلاثاء جدا بيكون 4 حصص أكتيفيتى بتتنوع ما بين مطبخ أو صلصال أو يخرجوا او يروحوا المزرعة يركبوا خيل

فى تقييم اسبوعى حلو جدا شامل كل حاجة تفاعل الطفل فى الكلاس مع أصحابه
تفاعل الطفل مع المدرسات

الpe

يعنى كل حاجة بياخدها وتقييم ليها وده بصراحة عاجبنى جدا

فى اختبارات شهرية وفى اختبارات نص السنة واخر السنة وفى شهادة للتيرم الأول والتيرم التانى

*** *** *** *** *** *** *** *** *** *** *** *** *** ***
2. *النشاط داخل الفصل وخارجه وتتضمن pe؟

معقول جدا وال pe مرة فى الأسبوع والمرة التانية اكتيفيتى
*** *** *** *** *** *** *** *** *** *** *** *** *** ***
3. الاغاني والترديد -عربي و انجلش؟
الاغانى قليلة شوية والترديد كويس .

*** *** *** *** *** *** *** *** *** *** *** *** *** ***
4. طريقه النطق في العربي والانجلش؟

-كويس الحمد لله

*** *** *** *** *** *** *** *** *** *** *** *** *** ***
5. حب الذهاب للمدرسه؟

عمره ما فكر يقوللى اغيب زى السنة اللى فاتت

6- حب المدرسات؟

جيد جدا


*** *** *** *** *** *** *** *** *** *** *** *** *** ***
7- الخوف هل يخاف ابنك من المدرسه او المدرسات ام لا؟
السنة دى لأ

*** *** *** *** *** *** *** *** *** *** *** *** *** ***
8- الباص هل يجلس ابنك في كرسي لوحده ؟

أيوة

*** *** *** *** *** *** *** *** *** *** *** *** *** ***
9- هل مستمتع بالمشرفه وبوجوده بالباص؟

أنا شايفة انك تشيلى السؤال ده لانه بيستمتع بالنوم فى الباص


*** *** *** *** *** *** *** *** *** *** *** *** *** *** ____
10- النظافه ... هل يرجع ابنك نظيف من المدرسه؟
نعم
*** *** *** *** *** *** *** *** *** *** *** *** *** ***
11- هل تشعر بان المدرسه تتطبق احتياطات الامان بالنسبه لاستخدام المطهرات؟

ابنى كان بيقول فى التيرم الأول ان الدادة بتدخل بعد كل حصة تنضف table كلها بالديتول

*** *** *** *** *** *** *** *** *** *** *** *** *** ***
12- هل تعطي ابنك مصروف وماذا يشتري من المدرسه؟
لأ مش بعطيله مصروف بس ممكن مرة أو مرتين فى الأسبوع بيحب يشترى توى بوكس علشان اللعبة اللى فيها
*** *** *** *** *** *** *** *** *** *** *** *** *** ***
-13هل طالبته المدرسات والمشرفات بان يحضر معه اموال للشراء من الكانتين؟
لا
*** *** *** *** *** *** *** *** *** *** *** *** *** ***
-14 مستوي المشرفه في الفصل هل متفاعله مع الطفل ام لا؟
نعم
*** *** *** *** *** *** *** *** *** *** *** *** *** ***
-15 هل ياكل الطفل الاكل الذي ارسلته معه ام لا مه تحديد النسبه العامه؟
بياكل أكله كويس الحمد لله

*** *** *** *** *** *** *** *** *** *** *** *** *** ***
16- هل يستمتع الطفل بالجاردن؟
جدا
*** *** *** *** *** *** *** *** *** *** *** *** *** ***
17- مميزات المدرسه من وجهه نظر الاب والام؟
استجابة الادارة وتفاعلها مع اولياء الامور
اللقاءات الدورية مع اولياء الامور لمتابعة الطلبة
الاهتمام بكراسة المتابعة
*** *** *** *** *** *** *** *** *** *** *** *** *** ***
18 -عيوب المدرسه؟

تصحيحا لكلام رونى انا مش بستنى ميعاد لو فى مشكلة جامدة بروح وبدخل لمدام منال مديرة المدرسة علطول وبيخلونى أقابلها فى نفس اليوم والحمد لله السنة دى ما احتاجتش اقابلها غير مرة واحدة تقريبا فى التيرم الاول

*** *** *** *** *** *** *** *** *** *** *** *** *** ***
19 -هل تتفاعل المدرسه مع مشاكلك وتحلها ام لا؟ الرجاء ذكر نسبه التفاعل؟
على قدر الامكان – 60 % اوافق على نسبة رونى
*** *** *** *** *** *** *** *** *** *** *** *** *** ***
20-هل يتم تلقي المشكلات بسهوله ويسر عندما تذهب للمدرسه او بالتليفون؟
فعلا
*** *** *** *** *** *** *** *** *** *** *** *** *** ***
21 - اذا كان المدرس في الفصل ممتاز او جيد جدا اذكر اسم المدرس او المدرسه المجتهدين؟
سبق التقييم لكل مادة
*** *** *** *** *** *** *** *** *** *** *** *** *** ***
22- اذكر اسم المدرس غير المتفاعل والذي لا يستفيد الطالب م
....
*** *** *** *** *** *** *** *** *** *** *** *** *** ***
23 -هل يتعرض طفلك للضرب؟
لا
*** *** *** *** *** *** *** *** *** *** *** *** *** ***
24 - مارأيك في مدير المرحله وتقيمك له؟
جيد
*** *** *** *** *** *** *** *** *** *** *** *** *** ***
25-هل زاد ابنك اجتماعيا اوصفه بعد ما دخل المدرسه؟ يذكر درجه العنف ايضا؟

هو عادى مفيش صفة معينة ومفيش عنف الحمد لله

*** *** *** *** *** *** *** *** *** *** *** *** *** ***
26- هل يتعلم ابنك سلوكيات من المدرسه؟
نعم - .....

اه يا قلبى حد يجيبلى عصيىر أفطر بقى واديكى تقرير البرى أحسن ده قصة تانية

[rody786]

اودي ربنا يبارك لك على الموضوع

مسلمة مش عارفة اشكرك على ايه و لا ايه بجد مجهودك جبار و مشاركاتك كتير و مفيدة

ام جوري خلتيني نفسي ارجع انا طفلة علشان ادخل المدرسة، ربنا يبارك لك، و ليكي احلى فطار و عصير و شاي و حلو كمان بس الهي يخليكي تقرير البري ده يهمني اوي و مستنياه على احر من الجمر

احم علشان ماحدش يزعل في صينية عصير للكل

[muslium]

رودى رنا يخليكى يا رب على الكلام الحلو ده جزاكى الله خيرا :)

[أم جورى]

رودى انا كدة مش هديكى تقرير البرى انا هاجى أعضك علشان الصور دى انا شغالة بيو اس بى والصور بتخلص الميجات اعااااااااااااااااااااااا بس ولا يهم حاضر من عونيا هنزلك تقرير البرى
هخلص اللى ورايا واعمل كوباية النسكافيه المتينة واجيب شنطة المدرسة وجاية
على فكرة انهاردة كان يوم رياضى فى المدرسة للكى جى
كان سباق كل واحد يجيب عجلته او الاسكوتر بتاعه او العربية واليوم كله كان سباق ولعب والولد مبسوط جدا الحمد لله انهاردة وقاللى انه اخد بونبونى علشان كسب فى السباق

[rody786]

رودى انا كدة مش هديكى تقرير البرى انا هاجى أعضك علشان الصور دى انا شغالة بيو اس بى والصور بتخلص الميجات اعااااااااااااااااااااااا بس ولا يهم حاضر من عونيا هنزلك تقرير البرى
هخلص اللى ورايا واعمل كوباية النسكافيه المتينة واجيب شنطة المدرسة وجاية
على فكرة انهاردة كان يوم رياضى فى المدرسة للكى جى
كان سباق كل واحد يجيب عجلته او الاسكوتر بتاعه او العربية واليوم كله كان سباق ولعب والولد مبسوط جدا الحمد لله انهاردة وقاللى انه اخد بونبونى علشان كسب فى السباق

حقك عليا ام جوري بس بيني و بينك موضوع اليو اس بي ده غلس اوي عند اختي و مش باحبه انا جايبه روتر و فيه وايرليس، و احيانا باشغل الموبايل بتاعي عليه لما بيكون الاولاد قاعدين على الكمبيوتر بيني و بينك احسن و اوفر
و بعدين ما تطلبيش حاجة تانية علشان ايدي بتاكلني و كنت هاحط لك كوباية نسكافيه

[أم جورى]

هههههههههههههه لا يا رودى تسلميلى يا قمر كأنها وصلت انا بستخدمه مؤقتا علشان لسة معزلة ومدخلتش الأرضى وطبعا الدى اس ال احسن مليون مرة

[أم جورى]

اسم المدرسه: جينيس للغات - Genuis language school
*السنه الدراسيه والفصل: p3
1. التحصيل الدراسي في كل من :



1* عربي:

مستر محمد عاطف كويس أوى مفيش مشكلة فى العربى خالص الحمد لله

بياخدوا طبعا الدرس ويحلوا المناقشة فى الكلاس وبياخدوا هوم وورك فى البيت وسيرش على النت وعمل مقال عن كل درس لانهم بياخدوا المخترعات الحديثة



2* انجلش: :

ماكميلان بذات نفسه :)

ميس عزة هى كويسة بس حاسة ان الشغل ممكن يبقى أعلى من كدة شوية

بياخدوا الدرس ويحلوا فى البراكتيس بوك شوية والبوكليت شوية والباقى هوم وورك





3* ماث

مستر احمد وواضح انه بيبذل مجهود معاهم غير السنة اللى فاتت خالص
4* سينس

مستر رامى كويس جدا ومنهج الساينس طبعا لسة مش وزارى بس المدرسة عاملة منهج للساينس من الكى جى علشان تمرنهم عليه وبيمتحنوا فيه طبعا امتحانات شهرية ونصف العام واخر العام

5* رسم وانشطه اخرى

فى حصة رسم وفى رسم فى الاكتيفيتى بس مش دايما لان الاكتيفيتى بيتغير كل مرة
مرة يكون سياحة وده احلى اكتيفيتى فى البرى لأن الولاد بيخرجوا برة المدرسة يروحوا الأهرامات أو متاحف أو مزرعة صاحب المدرسة

او اكتيفيتى زراعة وده برضو جميل جدا كل ولد أو بنت بيختار حاجة يزرعها ويكتب اسمه عليها بتكت وتتحط فى جاردن المدرسة ويتابعوها كل يوم
انما الباقى ممكن موسيقى رسم كدة يعنى
- *** *** *** *** *** *** *** *** *** *** *** *** *** ***



الpe


كويس فى حصة فى الاسبوع

french

للتصحيح هو 3 مرات فى الأسبوع

مدام عبير طبعا كنا عاملين معاها مشاكل كتير السنة اللى فاتت ودى الحاجة الوحيدة اللى ماتغيرتش السنة دى بس هى شغلها السنة دى أفضل بس انا حاسة ان فى أفضل منها خصوصا انهم عاملين منهج قوى جدا للفرنش وبرضو الفرنش مش أساسى لسة ده منهج من المدرسة




*** *** *** *** *** *** *** *** *** *** *** *** *** ***
2. *النشاط داخل الفصل وخارجه وتتضمن pe؟

معقول جدا وال pe مرة فى الأسبوع والمرة التانية اكتيفيتى
*** *** *** *** *** *** *** *** *** *** *** *** *** ***
3. الاغاني والترديد -عربي و انجلش؟
مفيش دلوقتى اغانى فى البرى

*** *** *** *** *** *** *** *** *** *** *** *** *** ***
4. طريقه النطق في العربي والانجلش؟

-كويس الحمد لله

*** *** *** *** *** *** *** *** *** *** *** *** *** ***
5. حب الذهاب للمدرسه؟

موجود الحمد لله

6- حب المدرسات؟

جيد جدا


*** *** *** *** *** *** *** *** *** *** *** *** *** ***
7- الخوف هل يخاف ابنك من المدرسه او المدرسات ام لا؟
السنة دى لأ

*** *** *** *** *** *** *** *** *** *** *** *** *** ***
8- الباص هل يجلس ابنك في كرسي لوحده ؟

أيوة

*** *** *** *** *** *** *** *** *** *** *** *** *** ***
9- هل مستمتع بالمشرفه وبوجوده بالباص؟

أنا شايفة انك تشيلى السؤال ده لانه بيستمتع بالنوم فى الباص


*** *** *** *** *** *** *** *** *** *** *** *** *** *** ____
10- النظافه ... هل يرجع ابنك نظيف من المدرسه؟
نعم
*** *** *** *** *** *** *** *** *** *** *** *** *** ***
11- هل تشعر بان المدرسه تتطبق احتياطات الامان بالنسبه لاستخدام المطهرات؟

بنتى بتعلق ان الحمام مش نضيف اوى بس أنا مش واخدة على كلامها خالص لأنها بتقرف من أقل حاجة مش قادرة اعتبرها مقياس لأن مش معقول مش هيهتموا بنضافة الحمام وانا كذا مرة اروح اجتماعات وادخل ابص الاقيه كويس

*** *** *** *** *** *** *** *** *** *** *** *** *** ***
12- هل تعطي ابنك مصروف وماذا يشتري من المدرسه؟
لأ مش بعطيله مصروف بس ممكن مرة أو مرتين فى الأسبوع *** *** *** *** *** *** *** *** *** *** *** *** *** ***
-13هل طالبته المدرسات والمشرفات بان يحضر معه اموال للشراء من الكانتين؟
لا
*** *** *** *** *** *** *** *** *** *** *** *** *** ***
-14 مستوي المشرفه في الفصل هل متفاعله مع الطفل ام لا؟
نعم
*** *** *** *** *** *** *** *** *** *** *** *** *** ***
-15 هل ياكل الطفل الاكل الذي ارسلته معه ام لا مه تحديد النسبه العامه؟
كويس الحمد لله

*** *** *** *** *** *** *** *** *** *** *** *** *** ***
16- هل يستمتع الطفل بالجاردن؟
جاردن البرى منفصل عن الكى جى وكويس لأنه كبير ماشاء الله ومساحته مناسبة
*** *** *** *** *** *** *** *** *** *** *** *** *** ***
17- مميزات المدرسه من وجهه نظر الاب والام؟
استجابة الادارة وتفاعلها مع اولياء الامور
اللقاءات الدورية مع اولياء الامور لمتابعة الطلبة
الاهتمام بكراسة المتابعة
*** *** *** *** *** *** *** *** *** *** *** *** *** ***
18 -عيوب المدرسه؟

تصحيحا لكلام رونى انا مش بستنى ميعاد لو فى مشكلة جامدة بروح وبدخل لمدام منال مديرة المدرسة علطول وبيخلونى أقابلها فى نفس اليوم والحمد لله السنة دى ما احتاجتش اقابلها غير مرة واحدة تقريبا فى التيرم الاول

*** *** *** *** *** *** *** *** *** *** *** *** *** ***
19 -هل تتفاعل المدرسه مع مشاكلك وتحلها ام لا؟ الرجاء ذكر نسبه التفاعل؟
على قدر الامكان – 60 % اوافق على نسبة رونى
*** *** *** *** *** *** *** *** *** *** *** *** *** ***
20-هل يتم تلقي المشكلات بسهوله ويسر عندما تذهب للمدرسه او بالتليفون؟
فعلا
*** *** *** *** *** *** *** *** *** *** *** *** *** ***
21 - اذا كان المدرس في الفصل ممتاز او جيد جدا اذكر اسم المدرس او المدرسه المجتهدين؟
سبق التقييم لكل مادة
*** *** *** *** *** *** *** *** *** *** *** *** *** ***
22- اذكر اسم المدرس غير المتفاعل والذي لا يستفيد الطالب م

اعتبر مدام عبير فرنش هى أسوأ مدرسة
....
*** *** *** *** *** *** *** *** *** *** *** *** *** ***
23 -هل يتعرض طفلك للضرب؟
لا
*** *** *** *** *** *** *** *** *** *** *** *** *** ***
24 - مارأيك في مدير المرحله وتقيمك له؟
جيد
*** *** *** *** *** *** *** *** *** *** *** *** *** ***
25-هل زاد ابنك اجتماعيا اوصفه بعد ما دخل المدرسه؟ يذكر درجه العنف ايضا؟

هو عادى مفيش صفة معينة ومفيش عنف الحمد لله

*** *** *** *** *** *** *** *** *** *** *** *** *** ***
26- هل يتعلم ابنك سلوكيات من المدرسه؟
نعم - .....



تم الحمد لله بس احب أضيف حاجة بالنسبة لتحفيظ القراّن

كل يوم فى ربع ساعة قبل ما الحصص تبدأ بتديهم ميس منى وماشاء الله هى كويسة اوى وبتحكيلهم قصص عن الصحابة وسيرة الرسول وده طبعا غير منهج وحصة الدين الأساسية
واللى بيحفظ بيتكرم فى الاين وياخد هدية رمزية وبتظهر صورته فى مجلة المدرسة

تحفظى الوحيد على المدرسة هو انها مشتركة أنا كنت سألت أول ما قدمت فيها وقالوا انهم بيفصلوا البنات عن الولاد من برى 4 بس بنتى بتقولى لأ من أولى اعدادى ودى نقطة عاوزة أتأكد منها

لأن بيراودنى فكرة انى أنقلها مدرسة بنات بس لأنها بتحكيلى حاجات عن بنات معاها فى الكلاس مش متخيلة ان ده تفكير برى 3 حب وهدايا عيد الحب بين البنت والولد أنا فاكرة انى لحد ثانوى كنت قطة مغمضة ربنا يرحمنا ويحفظ بناتنا اللهم امين

كان معكم من على كنبة الانتريه ومعاها النسكافيه أم جورى اقعدوا بالعافية
و

[rody786]

تسلم ايدك ام جوري بس استفسار يعني ايه الاكتيفيتي بتتغير مش هم بيطلبوا من كل طفل يحدد الاكتيفيتي بتاعته و يشتغلوا عليها على الاقل طول الترم علشان ينموها؟ و لا ايه؟

[أم جورى]

جزانا واياكى يا رودى

نسيت أقول ان فى اكتيفيتى رياضى باشتراك جمباز وكاراتية وسباحة وركوب خيل

وايوة كانوا بيحددوا اكتيفيتى ويثبتوا عليه طول السنة زى التمثيل الارت الموسيقى مش عارفة السنة دى تقريبا علشان الغياب كان كتير فى التيرم الأول والناس كانت خايفة ماعملوش ده ومبعتوش حاجة فى التيرم التانى بخصوص كدة

[muslium]

أم جورى تسلم ايديك على التقرير يا جميله

بالنسبه للأكتيفتيز انا مش فاهمه اوى هى ازاى فى جينيس

يعنى مثلا رحمه بتاخد حصتين بى اى + حصه ميوزك + حصه رسم + حصه كمبيوتر + حصه أقتصاد +3 حصص قرأن ده كل اسبوع مش بيتغير من اسبوع لأسبوع
و الأنشطه اللى بأشتراك معملوهاش السنه ديه علشان موضوع الأنفلونزا و مش عارفه هيعملوها الترم الثانى و لا لأ

انا سألت واحده معانا فى المدرسه أبنها فى برى 2 قالتلى ان الفصل اولاد بس يعنى مفصولين من اول برى 2

[أم جورى]

ايوة يا مسلمة احنا كدة برضو انا بتكلم عن يوم واحد فى الاسبوع بيبقى 4 حصص أكتيفيتى غير اللى بتقولى عليهم دول اساسى

انا اسفة جدا بخصوص المقابلة جوزى جه الساعة 8 وطبعا منفعش انزل خالص انا رايحة استشارة السبت علشان جوجو كانت تعبانة ووديتها انهاردة

[انسانه تحب الله]

ام جورى ايه يا بنتى الشعر اللى كتبتيه فى المدرسه ده ده انا نفسى ارجع باعمر مارشيدير لورا شويتين وادخلها مشكلتى انها بعيده عنى اوى و الطريق بتاع الهرم او فيصل اجارك الله فى كل الاوقات

[أم جورى]

انسانة يا قمر وحشتينا جدا انتى فين واخبارك ايه

على فكرة جالى ورقة من المدرسة بالاكتيفيتى

رماية وفروسية ب150 فى الشهر

كاراتيه ب85

جمباز ب85 شامل الانتقالات ومرتين فى الاسبوع

[انسانه تحب الله]

انا موجوده فى الدنيا وهانت يا قمر قربت ابقى معاكم على طول ربنا ييسر

[أودي]

نحاول اعاده كل فتره التقييم وذلك لكي لانظلم المدارسه وإذا كان هناك تحسن نذكره

المدرسه المصريه الدوليه للغات

*** *** *** *** *** *** *** *** *** *** *** *** *** ***
كجي 1 الاسبوع الثالث من الترم الثاني بدايه الترم 20/12/2010 الى 9/3/2010

*** *** *** *** *** *** *** *** *** *** *** *** *** ***

1- التحصيل الدراسي في كل من :

1* القران: ميس سلوى بيحبها جدا وهي زي العسل
بسرعه ومش بيحفظ قوي وبيرجعوا على الترم الاول وخلصوا وادوه سوره القدر

2* عربي: ميس دعاء
ممتاز والى الان مراجعه عن ماتم اخذه في الترم الاول الحروف كلها بس لايوجد عبء في الكتابه بس بجد بعد محفظها هو بيكتبها لوحده وبطريقه صحيحه.

ياخد في المره حرفين وكل حرف بكلمتين ويكتب 6 مرات

3* انجلش: ميس اميره وبيحبها جدا وبتشجعه ببلونات بتدهالو واستيكر
اتحسن الحمد لله والى الان مراجعه عن ماتم اخذه في الترم الاول الحروف كلها وفيه اهتمام بابني لاني اشتكيت اكتر من مره وبيخلوه يعمل جزء من الهوم ورك الانجلش في المدرسه.
وبدأ يردد جمل صغيره وكلمات.

المراجعه عباره عن ...
3 حروف انجلش يوم اه ويوم لا (يخدوا مراجعه عربي + ماث) يكتبوه مرتين مع صوره مع شكل الكلمه ثم كتابه 36 مره للثلاث حروف مجمعه .
ثم صفحه توصيل ال3 حروف بثلاث صور.

اليوم الذي يس به مرجعه انجلش يكون فيه مراجعه عربي وماث


4* ماس: الانجلش ... ممتاز مراجعه الارقام وكتابتها حوالي 12 مره
الارقام العربي لسه مرجعوش عليها


5* pe :يحب المستر جدا جدا ويعلمهم الانجلش من خلال اللعب

6* الاكتيفتي: الى الان لم يرسلوا شيئ عن اشتراكات او حتى اي اعمال فنيه.


7* رحلات: يوم الاربعاء ان شاء الله رحله الى Fun Planet في اركيديا مول.

8* احتفالات: مولد النبي شرحلهم وعملولهم مجسمات عن معجزات مولد الرسول وجال بيقولي صلى الله على محمد صلى الله عليه وسلم بنغمه كده وقالي انا رحت المدينه قلتله عملت ايه في المدينه قالي لعبت
وادولو مدليه عليها اسم الرسول


*** *** *** *** *** *** *** *** *** *** *** *** *** ***
2- الاغاني والترديد -عربي و انجلش

اخذوا 3 اغاني وبدأ يحفظهم ونزلتهم من على النت عشان يحفظهم اسرع وعملين عليهم حركات عشان يفهموا الاغنيه من غير ولا كلمه عربي

1- Wheels On the Bus:

*** *** *** *** *** ***


http://www.youtube.com/watch?v=gEtuXrV_KnM&feature=related

http://www.youtube.com/watch?v=4KcWIRTa-BM&feature=related



2- The Hokey Poky:
*** *** *** *** ***


http://www.youtube.com/watch?v=UDmCSvqhhoI

http://www.youtube.com/watch?v=_jW3L1dyEfY



3- Head & Shoulders:
*** *** *** *** ***


http://www.youtube.com/watch?v=gFuZ6LPDYQc&feature=related

http://www.youtube.com/watch?v=QKyncqTa01s&feature=related



*** *** *** *** *** *** *** *** *** *** *** *** *** ***

3- طريقه النطق في العربي والانجلش:

- العربي جيد بس ليس بالفصحى

- الانجلش بقى احسن مش من المدرسه بس لا لان انا كمان وراه وبسمعه اغاني كتير وكمان منزله النطق الكلمات من على النت

*** *** *** *** *** *** *** *** *** *** *** *** *** ***

4- حب الذهاب للمدرسه:

كان مش بيحب خالص الى ان تدخلت ميس جميله هناك رئيسه المشرفات وكلمتها الى انه متعقد من التوتي تشير وكمان من المدرسه ومش عايز يروحها ... فربنا يبارك لها بقت تديلوه حجات حلوه وتزود ثقته بنفسه وورحت انا المدرسه واتكلمت مع المدرسات وقلتلهم يكلموه وميحولوش يخوفوه وفعلا الفرق بان جدا اهو وبقى احسن شويه من الاول واكيد لما ابعته الرحله هتفرق ويحب المدرسه اكتر

*** *** *** *** *** *** *** *** *** *** *** *** *** ***
5- حب المدرسات:

بيحب ميس القرآن جدا وميس الانجلش ميس اميره قوي وبيحب الاسيستنت الجديده
*** *** *** *** *** *** *** *** *** *** *** *** *** ***
6- الخوف هل يخاف ابنك من المدرسه او المدرسات ام لا:

كان بيخاف قوي لما حد يضربه ميعملوش حاجه خالص ودلوقت عشان الفتره اللي فاتت قعدت اقوله اللي يضربك اضربه ودافع عن نفسك ومتضربش حد بدأ يتشجع بس لسه بيعيط يعني يضرب شويه وييط

بس بردوا سعات بيخاف ويرو يقول للميس ب بصراحه الميس بتتصرف بس المشكله المفروض يبقى فيه رقابه اكتر بحيث محدش اصلا يضرب حد

لسه بيخاف من النوتي تشير بس بدرجه اقل من الاول وكمان لما رحت واتكلمت ي الموضوع ده وربنا وقعني في ناس كويسه بقى الموضوع احسن بكتييييييير
*** *** *** *** *** *** *** *** *** *** *** *** *** ***

8- الباص هل يجلس ابنك في كرسي لوحده:

الان نعم
*** *** *** *** *** *** *** *** *** *** *** *** *** ***

9- هل مستمتع بالمشرفه وبوجوده بالباص:

دي مشكلتي الان ان المشرفه مشيت اللي كان بيحبها وجابوا واحده جديده متغيبه في الصبح وبعد الظهر بس اهو كتبتلهم وهشوف هيعملوا ايه لاما هروح وكمان نسيوه يومين ومجاش الباص يخده لما المشرفه مشيت بقلهم 4 ايام

*** *** *** *** *** *** *** *** *** *** *** *** *** ***

10 - النظافه:هل يرجع ابنك نظيف من المدرسه:

معقول بس يوم الـ pe البنطلون فظيع
*** *** *** *** *** *** *** *** *** *** *** *** *** ***

11- هل تشعر بان المدرسه تتطبق احتياطات الامان بالنسبه لاستخدام المطهرات:

يعني سعات وسعات بس بجد ابني جاله اسهال في المدرسه اهتموا بيه وغيروله وكمان غسلولوه هدومه وبعتولي عشان اجي اخده وكان بيبرق (:

والديتول طالع منه كأنه متاخد فمين
*** *** *** *** *** *** *** *** *** *** *** *** *** ***

12- هل تعطي ابنك مصروف وماذا يشتري من المدرسه:

اديته مره ... ولقيت في شنطته جزره حسبته اخدها من حد اتريه اشتراها قلتله ماكلتهاش ليه قالي عشان مش بحبها ... موتني من الضحك قلتله فيه حد يشتري حاجه مش بيحبها

*** *** *** *** *** *** *** *** *** *** *** *** *** ***

13- هل طالبته المدرسات والمشرفات بان يحضر معه اموال للشراء من الكانتين:

مره واحده وبعد كده مقاليش تاني بس هو بيشوف اصحابه بيشتروا فعايز يعمل زيهم بس انا قلتله هديلك مصروف بس تشتري مع بابا وانا هديك اللي انت عايزه
*** *** *** *** *** *** *** *** *** *** *** *** *** ***

14- مستوي المشرفه في الفصل هل متفاعله مع الطفل ام لا؟:

اتغيرت حوالي 3 مرات ودي 4 الاولى والثانيه الثالثه محستش بيها لاني قعدته الرابعه اهي لسه بدأه معانا وربنا يسهل بس بيحبها ميس رشا وبيقول عليها شيرين
*** *** *** *** *** *** *** *** *** *** *** *** *** ***

15- هل ياكل الطفل الاكل الذي ارسلته معه:

اول الترم الثاني مش كان بيخلص اكله بس بعد كده بيخلص كله ممكن يسيب حجات بسيطه
*** *** *** *** *** *** *** *** *** *** *** *** *** ***

16- هل يستمتع الطفل بالجاردن؟

جدا جدا واليوم اللي بينزله بيبقى فرحان قوي
*** *** *** *** *** *** *** *** *** *** *** *** *** ***

17- مميزات المدرسه من وجهه نظر الاب والام؟

- الاسلوب الديني المتمثل في الاحتفالات الدينيه فقط

- حفظ القرآن انا مش بعتبره حفظ هو قراءه يوميه بردوابتقوي صلتهم بالقرآن

- الصلاه الجماعه وده لسه محصلتش الى الان. بس السنوات الكبيره من اولى ابتدائي كل المدرسه بتصلي جماعه وده ممتاز جدا.

- المدرسات كلهم محجبات.

- الشيتس قويه اللي بيدوهالوا وكمان عملو مراجعه قبل اجازه نصف العام قويه بجد يعني لو ذكرتي لابنك كويس وحلها حاسه انها هتفتح مخه قوي وكمان مجهود بجد من اولياء الامور

*** *** *** *** *** *** *** *** *** *** *** *** *** ***

18- عيوب المدرسه:

1- الاستجابه ضعيفه من الاداره او بمعنى اصح بعد ما اروح يتعدل كل شيئ. ولو اتغير شيئ يعود الحال كما هو عليه لازم اروح واظبط بس بجد لما برو واظبط الدنيا بتتعدل والحمد لله اهو بحس بستجابه شويه

وعلى فكره في ناس مش شايفين اللي انا شيفاه وبيقولوا عليها ممتازه الى الان ... بس انا اللي حصل معايا مشاكل من الاول

2- مفيش تركيز على الفونتكس يمكن يبقى موجود قدام

3- مشكله المشرفه بتاعه الباص لما جابو مشرفه جديده تحسي انها مش عارفه تعمل ايه

4- لما مشيت المشرفه القديمه نسيوا يخدوا ابني والباص مفتش عليه بس السواق اعتذرلي جدا جدا وجالي

5- الاحوال اتحسنت احسن من الترم الاول لحد مقعدت ابني قبل العيد
*** *** *** *** *** *** *** *** *** *** *** *** *** ***
19- هل تتفاعل المدرسه مع مشاكلك وتحلها ام لا؟ الرجاء ذكر نسبه التفاعل؟

مش هقدر احط النسبه الا لما اشوف اهو بعد مرحت وظبط الدنيا هشوف اللى هيحصل وارجعلوكوا تاني بتقيم جديد
*** *** *** *** *** *** *** *** *** *** *** *** *** ***
20- هل يتم تلقي المشكلات بسهوله ويسر عندما تذهب للمدرسه او بالتليفون؟

مش هقدر اقول الا لما اشوف
*** *** *** *** *** *** *** *** *** *** *** *** *** ***
23- هل يتعرض طفلك للضرب؟

لا الى الان لم يضرب
*** *** *** *** *** *** *** *** *** *** *** *** *** ***

25- مارأيك في مدير المرحله وتقيمك له؟

مديره الكجي للاسف خبرتها بسيطه بقلها تقريبا 3 سنوات فقط ... بس اهي بتحاول تحسن الدنيا اكتر بس بجد لما بظبط انا مع المدرسات والاسيستنت لوحدي الدنيا بتبقى احسن
*** *** *** *** *** *** *** *** *** *** *** *** *** ***

انا حسه ان المدرسه في تحسن وان كان هناك لخبطه اداريه لكن من مدرسات داخل المدرسه احسبهم على خير حولت اوصلهم شكرولي في المدرسه ومنهجها التعليمي جدا اكتر من مدارس كتير في فيصل والهرم وقالولي ان خرجين المدرسه زي ابن صاحبه المدرسه وبنتها من خرجينها وفعلا انا سمعت بنتها الاكسنت بتعتها ممتازه.

وكمان قالت لهم ان اللي بيحولوا منها كتير قالولي بس اللي بيجولها اكتر عشان سمعتها كويسه

فالله اعلم واهو هكمل لاخر السنه واشوف وربنا يعمل اللي فيه الخير يارب ونفسي نتقابل الشهر الجي في تقيم جديد ويكون الحال اتحسن اكتر مش بقى اوحش

ويارب يكون في عونا ... ويارب فعلا تطلع كويسه

[أودي]

انا حاسه اننا لما بينت في المدرسه المشاكل اللي حصله معايا بقى فيه اهتمام اكثر معايا وبيسألوا ديما على ابني وكمان لما وضحت الصوره ووصلت صوتي ومستسلمتش بجد بجد فرق معايا كثير وانا مش مع القول اني بلاش اعمل مشاكل عشان ابني او بنتي لا انا بقول لا محدش يستسلم وكمان خصوصا ان فيه نسبه كبيره جدا بتشكر في المدرسه تعليميا واخلاقيا فاكيد لما تحصل المشاكل دي ونعديها يبقى احنا بنساهم ان شيئ اسلامي كويس يتحول لكلام براق قفط لجذب الناس فالحمد لله بينت كل الكلام ده للاداره والحمد لله انا حسه بتحسن كتير بس يارب يدوم واهو نا معاكم لاخر الترم ان شاء الله

ويبقى التقييم شامل

[muslium]

أودى فرحنى تقيمك يا رب
يا ريت الناس كمان تدخل على الجروب بتاع المدرسه و تشوف الكلام عن البرى الوضع بقى احسن كتير الحمد لله
و فى اهتمام واضح
حتى النهارده رحمه نسيت تاخد اللنش باج معاها ميس عبير حبتلها سندوتش و حاولت تأكلهولها بنفسها و تحيلها و تقولها هزعل منك لكن انا معوداها متاكولش حاجه من حد لحد ما باباها راح وودلها الأكل الحمد لله

يعنى بجد الناس كويسه و لما بتحصل حاجه و تنبيهيهم ليها بياخدوا بالهم لأن الخطأ البشرى وارد جدا و ملوش حل

أودى مهما حصل و كان فى اشراف لازم هيحصل ضرب و منواشات بين الولاد
اذا كانوا البنات ساعات بيغلسوا على بعض امال الولاد هيعملوا ايه
الحل المضمون ان عبد الرحمن ينشف كده شويه و يخوف اللى يقرب منه
و ده هيجى بالتدريب ان شاء الله :)

[أودي]

اهو عملين ندرب فيه انا وابوه والحمد لله باخد علقه كل يوم (:

والحمد لله ان المدرسه في تحسن بس اللي مزعلني ان مجاش التحسن معايا بالنسبه لحلته وتحتيها 100 خط الا لما اتخانقت خناقه كبيره للاهتمام به وبصحته.

اما تعليميا فلسه المشوار طويل ولسه مبدؤوش يدو جديد الى الان ... وعشان الواحد يقدر يحدد هي برفكت ولا لا ... لازم التقييم الجي يجي في اخر الترم ....

فربنا يارب يسهل بس انا مش عارفه هل كل المدارس كده لازم تظبطي كل حاجه بنفسك ولا المدارس اللي في الرنج ده مش عارفه بصراحه بدأت اتقبل المدرسه لما واحده من داخل المدرسه كلمتني وقعدت تهدي فيا ... فعشان كده حسيت ان الدنيا الحمد لله بدأت تتحسن.

في امهات تانيه مش حسين بكل ده اللي حصل معايا بدليل ... فبقول سبحان الله عسى ان تكرهوا شيئا ويجعل الله فيه خيرا كثيرا.

لاني الى الان بصلي استخاره للاستمرار في المدرسه من عدمه.

وكنت في يوم اللي هنقله فيه ربنا بعتلي الشخصيه دي وسهلتلي امور كتير وحست بيا وبابني وباللي بهاتي فيه عشان يتصلح وبلغ الامر مدير المدرسه .... وقالتلي انه زعل من حجات حصلت معايا... والله اعلم

بس تلاقي الاداره الجديده في الكجي تقريبا لسه خبرتها قليله ... فحصل الدروب ده ... وكمان انفلونزا الخنازير ... والغريبه اني لما عملت مشاكل وتكاد تكون كبيره كبيره ... الحمد لله الحال اتحسن.

ويارب اعملي ولكل الامهات الخير لينا ولاولادنا... وانا بجد مستنيه لاخر السنه هشوف التحسن في نطقه وفي التفاعل مع اللغه وربنا ييسر لان اهم حاجه القيه متفاعل مع اللي بيخده وبيردده

[muslium]

عارفه يا اودى على الرغم من كل المشاكل اللى حصلت معاكى و اللى انا عارفه منها نسبه كبيره طبعا ما احنا اصحاب و احلى اصحاب كمان
بس لفت نظرى حاجه كويسه ان المدرسه كان ممكن تقلب عليكى بسهوله و يقرفوا الولد و يزهقوكى و يقولولك اخبطى دماغك فى الحيط و امشى سورى متزعليش من الكلام الدبش اللى بقوله ده :)
و على فكره فى مدارس بتعمل كده و غاليه مش رخيصه

بس هم على النقيض أهتموا بيكى و بيحاولى يهدوكى و يصفوا نفسك من ناحية المدرسه و ديه حاجه تدل على انهم كويسين او على الأقل بيحاولوا و مش بلطجيه ههههه
بصى انا اتعلمت ان اى حاجه معتمده على البشر نسبة الخطأ فيها بتبقى عاليه ووارده جدا و على حسب البنى ادم اللى حظك جيه معاه
يعنى ممكن تبقى مدرسه حلوه اوى و كل الناس بتشكر فيها و ييجى حظك مع مدرس معندوش ضمير يكرهك فى كل حاجه و فى التعليم ذات نفسه و تبقى كاره المدرسه

انا حصل معايا كده فى سنه من السنين و كانت المدرسه اللى بتدى لبنتى فظيعه اعوذ بالله و لحد دلوقتى مش مسمحاها على اللى عملته فى نفسية بنتى و حاولت معاها كذا مره بس كان الموضوع بيسوء أكتر مع ان باقى السنين كنت مرتاحه و بقول المدرسه كويسه طبعا ده كان قبل ما انقلها للمصريه - هرم

بس فعادى انك تحتاجى تظبطى حاجات مع الميس او مع الأفراد عموما أولا لأن أحنا فى مصر يا عبله و الأداره مهما كانوا كويسين هم فى الأخر مصريين و المدرسين مصريين و اللى بيحصل ده هو احد السمات الرئيسيه للشخصيه المصريه فى الوقت الحالى هههههه

هو الموضوع بيحتاج ذكاء و صبر أمته تدخلى و امته تسيبى الموضوع يتحل لوحده
يعنى مثلا لسه حاصل معايا موقف
بنتى تعبت اوى الأسبوع اللى فات و غابته كله . طبعا اخدوا حاجات كتيره اوى و كنا بنذاكر مع نفسنا انا و هى ماعدا الفرنساوى لأنى ميح فيه و كنا بنعرف الحاجات اللى بيخدوها كل يوم بالتليفون من صحباتها و بنتصل بأكتر من واحده

بعد ما رجعت ميس الأنجلش كانت زعلانه منها و قالتلها كتر غيابك هيأثر على مستواكى و بلاش تغيبى تانى و انتى شطوره و كده
المهم طلعوا أخدوا حاجات و البنات مقلولناش عليها و كان ميعاد تسليمها فبنتى قالتلها يا ميس انا كنت غايبه
تقوم واحده من صحابتها و اللى كانت بتقرفنا عقبال ما نعرف منها الواجب ايه تقولها ليه مش انا كنت بقولك كل يوم الواجب ايه و هى البنت كذابه

فطبعا قدام الميس بنتى كانت عارفه الواجب و بتستهبل

المهم كتبتلها كلمتين حلوين فى الدايرى و فهمتها اللى حصل و حسستها ان انا مهتمه بيها و بتابع و مهتمه انها تعمل واجباتها و مذاكرتها و ان احنا فعلا محدش قلنا على اللى أخدوه بشكل كامل
ردت على بكلام حلو اوى الحقيقه و قالت لبنتى برده كلام حلو و باستها و بقت تعاملها بشكل فى ود و حب

فهو ده اللى اقصده بالتدخل
لازم هتضطرى تعملى كده و ده بينسحب على مواقف تانيه كتيره اوى
طبعا انا الموضوع مختلف شويه معايا لأن بنتى كبيره و خلصنا مواضيه النظافه و الحمام و الأكل
فالمشوار لسه قدامك طويل خلى عندك طول نفس و صبر و اهم حاجه سعة صدر لأنك بجد هتقابلى حاجات كتيره اوى متاخديهاش كلها على اعصابك و انتى واحده واحده هتتعودى و تعرفى ايه اللى تزعلى عليه بجد و بنسبة اد ايه

على فكره انا بقولك الكلام ده علشان انا كمان كنت باخد حاجات كتيره على اعصابى مع بنتى و كنت ببقى حاسه ان الدنيا سوداء قدام عينى لكن مع الوقت ......

و هى ديه مصر يا عبله
و هو ده حال التعليم فى مصر يا عبله

لك الله يا مصر
و اقولك ايه هم يضحك و هم يبكى :)

[أودي]

والله انا زعلانه بجد من اللي بيحصل لاني الى الان حاسه اني مش عايشه ديما تصوراتي للاشياء برفكت وبصدق الناس ... مع اني اشتغلت حوالي 6 سنوات لكن متخيله الدنيا وردي ... وكمان كنت متخيله عشان ظروفنا يبقى فيه اهتمام اكثر من كده ...

بصي الحمد للله وصلت دلوقت للنتيجه اللي كنت عيزاها من الأول وسبحان الله انا طبيعه شغلي فيها تخطيط وتنظيم

وبحب الحاجه برفكت على قد ما أقدر بردو ... وبحب اصلح للكل مش ليا بس ... بس بحب الحاجه اللي مبذول فيها مجهود ... حتى لو مش غاليه بقول لو الشيئ بسيط بس متقن وفيه ضمير هيبقى كل شيئ تمام.

بصي اصول المدررسه ورسالتهم كويسه احسبهم كذلك والله أعلم ... بس الاداره عندنا في مصر بتحبو يعني بتزحف ... والتنظيم والتطوير بيموت ... موجود صحيح بس عشوائي ومتخبط وغير منظم.

المشكله انهم مدوش العيش لخبازه في حاله ابني.

ومشكلتي اتحلت لما رئيسه المشرفات ادخلت لما عرفت اللي حصل وموضوع اللي بالي بالك تقريبا وصل للاداره لما رحت وزعقت مع اللي بالي بالك التانيه ... الله اعلم باللي حصل فحاولت تخفف عليا بصي يعني بجد باقل حاجه... وتقريبا عليا توصيه من الاداره .... والله اعلم

تدخل بسيط ... منها جازاها الله كل خير حول في حب ابني للمدرسه 180 درجه كان مش بيطيق المدرسه ولا الهوم ورك ومش بيلعب هناك بجد دلوقت العكس تماما ...

وكنت يومها رايحه خلاص اشوف مدارس تانيه وفعلا زرت الوادي والاهرامات بس المشكله اني حاسه ان كله واحد ومش هلاقي اللي انا عيزاه الا في رنج اعلى ويمكن كمان ملقهوش ...

النهائي ... لا يوجد تدريب كافي للهيئه التدريسيه ولا تربوين من المشرفات المقيمات بداخل الفصول ... ولا رؤيه متكامله للنظام ككل. الخلل واضح كمنظومه والكلام ده مش على مدرستنا لا والله هما بيحولوا على قد ما يقدرو التعليم كله كده

ده حتى جي بيقولي حفظيني القران عشان الميس متزعلش وده بجد تغير كبير لانه مكنش بيطيق يقعد على مذاكره مع اني بلعبه مش بذكرله ومكنش يقدر يقعد يحفظ ... بقت تديه مصاصه بعد المدرسه بقو بشويه كلمات واهتمام الدنيا اتغيرت خالص معاه.

تصدقي لو اقولك ان الدنيا بقت عال العال بس بردو حسه بقبضه مش عارفه ليه وبصلي استخاره وهعيدها تاني ...

والله رحت النهارده الرحله معاه من بعيد كده وكان مخلينله مع مشرفه مع 3 اولاد فقط الباقي مثلا مشرفه لكل 10 او 15 طفل.

ومدرساته والاسيستنت بتاعه الفصل كلهم زي العسل بس سبحان الله مش عارفه فيه ايه واهو هواظب على الاستخاره وربنا يعمل اللي فيه الخير.

انا بحب قوي الانظمه الاسلاميه ... بس بزعل قوي قوي لما القيها لما كبرت تخبطت ... وبزعل اكتر لما اعرف ان الصوت العالي هو اللي بيوصل ... ولازم كده تخدي حقك بالقوه ومتسبهوش بس زي ما قلت مش في كل الاحوال بتصيب دي ممكن تخيب وقوي .... بس ربنا ستر مع اختك ... ووقفلي ولاد الحلال ... لان الموضوع بيني وبنهم تأزم جدا بس اهو بحس انهم بيحولوا يرضوني وانا بردو خفيت وبحاول اثبت اني عايزه المصلحه العامه.

ويمكن تدخل اللي بالي بالك كان فيه خير كتير الواحد مش عارف ... بس بقول رب ضاره نافعه لاني عرفت ان الشخصيات اللي تدخلت معايا حد منهم اتشد في موضوعي جامد وتقريبا من هنا بدأ التغير.

يابنت دنا بقيت اشهر من نار على علم لقيت اسيستنت هناك بتقولي مش انت مامه عبد الرحمن... انت شبهه قلت ربنا يستتر حد يخبيني ياجماعه (:

ربنا يهدي يارب ويصلح الأحوال ... مش عايزه اكتر من الوفاء بالوعود اللي قطعوها على نفسهم وبجد الترم ده احسن بكتير حتى ماشاء الله لما بقى يحب المدسه بقى يجي يرددلي اغاني وكلمات الحمد لله وكل مبشوفه مبسوط الدنيا كلها بتتصلح في عيني ... وبجد المشرفه قالتلي انا بسيبه يتشاقه ويطلع اللي جواه لانه قبل كده كان محبوس ياعيني لمده سنتين بجد ادعوله ربنا يهون علينا المشوار ويخف يارب

طلب مني بجد لكل اللي يقرأ كلامي ادعولنا بظاهر الغيب ان ربنا يخلهولي ويقر عيني وعين ابوه ويطلع من علماء المسلمين انا معزتش حاجه غير اهتمام ونظام.

وربنا ييسر الاحوال يارب وكرمه وفضله بجد واسع واسع واسع الحمد لله كما ينبغي لجلال وجهه وعظيم سلطانه

[muslium]

يااااه يا اودى
رب ضارة نافعه وربنا سبحانه و تعالى دايما بيعمل اللى فيه الخير لعبده حتى لو كان الظاهر غير كده
ربنا يا رب ييسرلك امورك كلها و يباركلك فى اودى و تشوفيه من علماء المسلمين هو و بنتى يا رب و كل اولاد و بنات المسلمين
بس عجبانى اوى حكايه اللى باللى باللك الأولى و اللى باللى باللك الثانيه
اضحك الله سنك :)

[أودي]

بنحاول نتفادي كل حاجه .... انت فاهمه حاجه

[muslium]

بنحاول نتفادي كل حاجه .... انت فاهمه حاجه

هههههههههههههه

[girlzone]

انا حاسه اننا لما بينت في المدرسه المشاكل اللي حصله معايا بقى فيه اهتمام اكثر معايا وبيسألوا ديما على ابني وكمان لما وضحت الصوره ووصلت صوتي ومستسلمتش بجد بجد فرق معايا كثير وانا مش مع القول اني بلاش اعمل مشاكل عشان ابني او بنتي لا انا بقول لا محدش يستسلم وكمان خصوصا ان فيه نسبه كبيره جدا بتشكر في المدرسه تعليميا واخلاقيا فاكيد لما تحصل المشاكل دي ونعديها يبقى احنا بنساهم ان شيئ اسلامي كويس يتحول لكلام براق قفط لجذب الناس فالحمد لله بينت كل الكلام ده للاداره والحمد لله انا حسه بتحسن كتير بس يارب يدوم واهو نا معاكم لاخر الترم ان شاء الله

ويبقى التقييم شامل


انا اسفه جدا يمكن يكون سؤالي مكرر بس انا لم اعثر عليه فاود اولا شكر حضرتك علي موضوعك الرائع وعايزه اعرف المصريه للغات دي الي في التجمع الخامس

طب هيه اسعار مصاريفها ايه
انا عندي كيجي 1 وجريد 2 وجريد4
انا مغتربه وانوي النزول نهائي واسكن بمدينه نصر وكان بودي اعرف اقرب مدرسه لغات جيده لابنائي
يا تري التجمع الخامس يبقي قريب من مدينه نصر خلف النادي الاهلي ولا لا ؟

معلش اثقلت عليكم بالاسئله بس اتمني اجد رد عندكم
وجزاكم الله خيرا

[أودي]

girlzone (http://www.lakii.com/vb/member.php?u=207484)

لا احنا هنا بنتكلم عن المصريه الدوله للغات في الهرم التانيه اللي في التجمع ومدينه نصر اسمها المصريه للغات

[أودي]

لو عايزه تسألي عن المصريه للغات في دينه نصر ادخلي اللنك ده http://www.lakii.com/vb/showthread.php?t=636559&page=14

وهى تقريبا ي حدود 9000 بالباص تقريبا وهتلاقي هناك ناس فيها هما هيدلوكي زي سادينا ونوجا ونشوى وكوكي

[oshy1899]

من فضلك يا اودي تقيمك للمدرسة المصرية الوليه الي بجوار المجزر الالي ده فعلا ؟ حاجة تخوف افيديني افادك الله انا حقدم لبنتي فيها السنة الجاية دي ايه الاخبار الله يباركلك يا رب لحسن كلامك خوفني اوي

[oshy1899]

اودي انا عضوة جديدة في المنتدى دخلته بحثا عن المدارس عجبني جدا بس لما قريت تقييمك عن المدرسة المصرية الدولية اتخضيت لاني كنت عاوزة اقدم لبنتي فيها ومحتارة بينها وبين جينيس او الوادي يا ترى ممكن تقبلوني صديقة لكم وتفيدوني لما فيه الخير لطفلتيك

[oshy1899]

ارجو من يعرف المدارس دي يفيدني ام جوري افيديني في مدرستك انت ايضا جزاكم الله عني كل الخير

[muslium]

أوشى أدخلى على جروب المدرسه على الفيس بوك و هتلاقى اراء ناس كتير اولادها فى المدرسه
انا بتكلم عن المصريه الدوليه هرم
جروب المدرسه هبعتهولك على الخاص

[oshy1899]

الاخت العزيزة مسلمة جزاكي الله عني كل خير لسرعة ردك ولكن بعد الكلام اللي سمعته من اودي عن المدرسة قلقت منها جدا جدا وخاصة انني ام قلوقة جدا بطبعي فقررت اروح مدرسة جينيس وفعلا روحتها النهارده الصراحة عجبتني جدا جدا ومن كلام ام جوري وروني عنها عليت كفة المدرسة من وجهة نظري عن المصرية لذلك لو ربنا اراد انشاء الله حقدم لبنتي فيها ادعيلي ولكن اريد بعض الاستفسارات من الاخوات لتاكيد كافة المدرسة المرجحة عندي ولكم جميعا جزيل الشكر وبارك الله لكم في اولادكم :confused:

[أودي]

اوشي معلش ياحبيبتي اتأخرت على الرد عليك بس انا عامله تقيميين واحد في الترم الأولاني والأخر في الترم الثاني وفعلا في تقدم في حاله المدرسه كتير كتير عن الأول بصي اللخبطه كانت موجوده في الاداره لكن لما اتعرفت على المدرسات وكمان الاسيستنت بتاعه الكلاس الحمد لله الامور اختلفت خالص خالص لدرجه ابني لما اهتمو بيه اختلفت شخصيته وبقى يحب المدرسه وكمان الهوم ورك لان المدرسا الترم ده بجد عاملين مجهود وبدأ يظهر على الولد تقدم الحمد لله انا اعتراضاتي كانت نتيجه الحاله الصحيه طبعا كان فيه اهمال جدا ولكن بردوا احقاقا للحق الترم الاو ل كان انفلونزا خنازير لكن الان الظروف مستقره ونقطه عدم الغصل بين الاولاد والبنات في جنيس هي اللي خلتني اتراجع عن فكره نقله وكمان لما بدأ يأخذ السوند وجه كمان معليمينوه يقرأ مقدرش اقولك فرحتي كانت قد ايه لاني معملتش معاه مجهود وكنت خايفه اني انا اللي اعلمه القرآءه والكتابه بس هما من الناحيه دي اثبتوا انهم كويسين والحمد لله

وادخلي على الجروب وهناك ممكن نتناقش بالتفاصيل ... ونصيحتي لك صلي استخاره وشوفي الاثنين وربنا اكيد هيسرلك الخير ... لاني حاسه ع كثره امشاكل اللي حصلت معايا ان فيه تحسن واضح وكل ما انوي انقله تحصل حاجه كويسه تخليني اقول لا هما كويسين مع اعتراضاتي الى الان على بعض الوعود التي لم تنفذ ... بس في النهايه اهو لحد دلوقت مستمره

ممكن تضيفيني على المسنجر ونقدر نتكلم بشكل اوسع ولو عايزه ابعتلك تليفوني ونتكلم

[أودي]

كمان يا اوشي انا حسه ان اللي بيحبوها وبيقولوا عليها كويسه اكثر من اللي بيشتكوا منها فتوكلي على الله وروحي شوفيها واستخيري

انا بحاول ابقى عقلانيه واحده غيري كانت تقولك اجري ومتروحيهاش بس بجد بجد الدنيا بقت احسن من الاول ... بصي المشاكل اللي كانت بيني وبنهم كتير بس بجد دلوقت في كل وقت من اول سواق الباص ومشرفه الباص واسيستنت الكلاس السكر والمدرسات كلهم الحمد لله كويسين جدا وبمجهود مني كمان بيبقى الحال افضل ورئيسه المشرفات بتطمن علينا ولو غاب بتتصل بيا وتسأل عليه فالحمد لله انا هعوز اكثر من كده ايه وبصراحه الفصل ده احسن حاجه وصلاه الظهر جماعه لكل المدرسه تحسي ان فيهم الخير ده احساسي والحمد لله انا بصلي استخاره على طول فلو نقلت ده الخير ليا ان شاء الله ولو بقيت ان شاء الله يكون الخير ليا.

مش بقولك روحي قدمي علطول من نتيجه كلامي لا روحي شوفي وعيني الموضوع ككل واتكلمي في كل حاجه ودققي على كل حاجه مش في المدرسه دي بس لا في كل المداس ومتخديش الكلام مسلم بيه دده كله دعايه روحي يوم دلوقت والايام الدراسيه شغاله واسألي اولياء الامور وخدي تليفوناتهم واسألي ان شاء الله ربنا يجعلك الخير الاول كان صعب بالنسبالي لكن دلوقت الدنيا بقت احسن كتير لو عزتي رقم تليفوني قوليلي بس وربنا ييسر

[muslium]

الاخت العزيزة مسلمة جزاكي الله عني كل خير لسرعة ردك ولكن بعد الكلام اللي سمعته من اودي عن المدرسة قلقت منها جدا جدا وخاصة انني ام قلوقة جدا بطبعي فقررت اروح مدرسة جينيس وفعلا روحتها النهارده الصراحة عجبتني جدا جدا ومن كلام ام جوري وروني عنها عليت كفة المدرسة من وجهة نظري عن المصرية لذلك لو ربنا اراد انشاء الله حقدم لبنتي فيها ادعيلي ولكن اريد بعض الاستفسارات من الاخوات لتاكيد كافة المدرسة المرجحة عندي ولكم جميعا جزيل الشكر وبارك الله لكم في اولادكم :confused:

جزانا و اياكى حبيبتى
و أهى اودى ردت عليكى رد كافى وافى

انا بالنسبه لى مقدرش أتكلم عن كى جى لأن بنتى فى برايمرى و الحمد لله الحال كويس و المدرسين كلهم كويسين

و بعدين انتى داخله على موضوع طويل و ياخد سنين فسيبى القلق على جنب لأنك مهما روحتى و جيتى هتلاقى ساعات سلبيات لأننا كلنا فى الأخر بشر فيه الحلو و فيه الوحش و فيه الحلو اللى بيحصلوا دروب و يرجع حلو تانى و العكس

أستخيرى ربنا وروحى شوفى كل المدارس اللى حطاها فى القايمه بتاعتك و أسألى أولياء الأمور
و أحصلى منهم على اجابات محدده مش بس كلمة حلوه او وحشه
لأن اللى يصلح لغيرك ممكن ميصلحلكيش و العكس
وربنا يوفقك يا رب

و خليكى معانا علطول علشان تكتبلنا تقارير عن المدرسه اللى هتروحيها ان شاء الله و تضيفى لملف المدارس معانا ان شاء الله

[أودي]

مبروك يامسلمه الموقع معلش برد عليك هنا لان هناك مش رادي يتحمل ... عيزاك ضروري ضروري جدا جدا ... بجد مش هزار

[أودي]

مبروك يامسلمه الموقع معلش برد عليك هنا لان هناك مش رادي يتحمل ... عيزاك ضروري ضروري جدا جدا ... بجد مش هزار

[راندا صالح]

موضوع حلو

لي عوده

[أودي]

ياريت يارندا مستنينك

[ام روفى]

السلام عليكم يا اودى وياجماعه ساعدونى انا روحت اليوم المصريه بس مادخلت المدرسه بس الاداره وكلامهم جميل ومريح وتحسى ناس فاهمه اوى بس قالولى تعالى يوم سبت اشوف المدرسه
وروحت كمان جينيس جميله جدا برضو وورونى المدرسه وتكلمت مع المسئولين وارتحت لها برضو
وكمان روحت علوى لاتمت للتعليم بصله اصلا مش مهتمين الزوار كيف هيهتمو بالاطفال
واخيرا روحت رويال اكاديمى دى بئى عجبتنى اوى اوى اوى ودخلت دماغى هى مصاريفها عاليه بس زوجى قال لو عجباكى ولا يهمك المهم انا محتاره بين التلاته مع العلم انا المصريه ماعجبنى مكانها وجينيس مكانها كويس ورويال بس المصريه مكانها ماريحنى نفسيا افيدونى انا عايزه ادخل بنتى رويال اكاديمى دى اللى سامع عنها شئ يفيدنى بالله عليكم

[أودي]

أم روفي ... ازيك حبيبتي واهلا بيك معانا.

اول حاجه تعمليها قبل ماتختاري مدرسه:

* اولاً : صلاه الاستخاره مره واثنين وميه.

* ثانيًا: ترتيب اولوياتك في المدرسه التي ترغبي بها مثلا: الدين، الالتزام، التعليم ، درجه اللغه، الكثافه، المنهج الدراسي، المصاريف وغيرها.

*ثالثًا: عند زياره المدرسه سيقال لك مميزات المدرسه لاتنبهري ولكن خذيها برويه ... لان هناك مدارس مش جميع الامكانيات مستغله فهناك مدارس عندها مسرح ومعامل كمبيوتر وحمام سباحه وتري في النهايه انها غير مستغله، او يكون الكلام تسويقي بحت.

*رابعًا : اسألي اولياء الامور وخذي باغلب الرأي، وتذكري ان مايعجب غيرك قد لايعجبك وما قد يعجبك قد لايعجب غيرك.

*خامسًا:تذكري انه مهما كانت امكانيات المدرسه، فالدور الاكبر عى البيت من حيث الاهتمام بالطفل والمذاكره والمراجعه. ودور المدرسه الاساسي في اكساب الطفل المحادثه باللغة الانجليزيه واكسابه مهارات التحدث.

* سادسًا: توكلي على الله وصلي استخاره واختاري.

ميزه هذه المدرسه من وجهه نظري بعيدا عن ماقالوه ولم ينفذ ...

الالتزام انهابيئه ملتزمه نوعا ما وانا اتكلم بالنسبه لكجي لا استطيع ان احكم على السنوات الاعلى من حيث...

فصل الاولاد عن البنات في 4 ابتدائي - الصلاه في الجامع - الاحتفال بالمناسبات الدينيه فقط (هذا الجزء خاص بكجي من حيث عمل الحفلات)

وان هناك اولياء امور معجبين بها جدا بالرغم من السلبيات التي ذكرناها في الجروب على الفيس فانت تابعيناhttp://www.facebook.com/group.php?v=app_2373072738&gid=69144562083#!/group.php?gid=69144562083 (http://www.facebook.com/group.php?v=app_2373072738&gid=69144562083#%21/group.php?gid=69144562083)

واقرأي كل مافات وسوف تصلين ان شاء الله للرأي الصواب

وفقك الله

بس رأي بعد المده دي ان الاداره ملخبطه ولو حصلت مشكله بيخبو بجميع الطرق ومش بيوصلوكي لمديره المدرسه ده حتى اسمها الكامل مش عيزين يقولوه ... لكن انت لو دخلت فيها من اول يوم بتخدي ارقام التيتشر والاسيستنت بتاعه الفصل وكده في الحاله دي الامور بتمشي تمام وعلى العموم مقدرش بردوا احكم حكم منصف عليها لاني بحكم بحكم وجود انفلونزا H1N1 في الترم الاول.
انت ياريت تدخلي على الجروب واقرأي ما فات عشان ربنا يسهلك وتختاري صح هي اختياري الحالي لاني مش لقيه البديل اللي بيفصل الاولاد عن البنات جنيس وريال لا ... ولو ميزانيتك كويسه الاحسن من رويال يقال والله اعلم ايجيبت دريم في منيل شيحه بس هيا مختلطه بس يقال عنها ممتازه صحبتي ابنها فيها ومعجبه بيهاا جدا

[ام روفى]

جزاكى الله كل خير اودى بس ايجيبت دريم بعيده اوى انا بفكر فى رويال اكاديمى بس مش عارفه حد سامع عنها والا لالالا

[rody786]

ام روفي انا اسمع كمان ان مدرسة الواحة حلوة اوي و كان في واحدة بتشكر فيها جدا و هي ضمن رينج المدارس المرتفع يعني اغلى من المصرية و جينيس

[أودي]

ام روفي بعتلك رساله على الخاص

[سى سى]

بجد يا جماعة مجهود رائع جدا وجزاكم الله خير فينا احنا الامهات الجداد لانى لولا توفيق ربنا انى اقرا تعليقاتكم على المدارس ولا كنت عرفت اى حاجة بس ربنا يخليكو عايزة حد يقولى رايه فى مدرسة الملكة للغات هى اقرب مدرسة لية حتى مش هحتاج باص لو اى حد عنده تعليق عليها يقولى وربنا يجازيكم خير جميعا

[oshy1899]

الاخت العزيزة ام جوري من فضلك ولاخر مرة لان الوقت قذف فعلا لو رجع بك الزمان للوراء حتدخلي بردو مدرسة جينيس ارجوك واستحلفك بالله ان تساعديني لم يتبقى على بداية التقديم سوى يومين اتوكل على الله وادخل بنتي فيها ولا اعمل ايه ارجوكي افيديني تقييمك للمدرسة مريحني نوعا ما لكن قلقي الشديد على ابنتي مخليني عاجزة عن التفكير ماذا افعل بالله عليكي افيديني ولك عظيم الاجر عند الله

[أودي]

اوشي ام جوري تلاقيها هنا ...
يمنع وضع روابط لمنتديات اخرى

[أودي]

ياجماعه كل ام بنتها او ابنها في مدرسه ياريت يساعدنا ويقيمها ياريت تسعدونا

[زقزوقة و زقزوق]

وحشتوني جدا جدا جداhttp://www.lakii.com/vb/images/icons/1431/30.gifhttp://www.lakii.com/vb/images/icons/1431/30.gifhttp://www.lakii.com/vb/images/icons/1431/30.gifhttp://www.lakii.com/vb/images/icons/1431/30.gif

أخيرا يا جماعة دخلت النت بعد ما نقلت http://www.lakii.com/vb/images/icons/1431/11.gif

و أول حاجة عملتها اني قعدت أدور عليكو http://www.lakii.com/vb/images/icons/1431/46.gif

و الحمد لله اني لقيتكم ، أنا فرحانة قــــــــــــــــــــوي http://www.lakii.com/vb/images/icons/1431/18.gif

و بصراحة حلو قوي الموضوع ده يا أودي ، و ربنا يكرمك و يجازيك خير عليه :-s

و ان شاء الله هجاوب على الأسئلة دي كلها و هاعمل التقييمhttp://www.lakii.com/vb/images/icons/1431/33.gif

[سى سى]

وانا كمان معاكى يا اوشى محتارة بين جينيس ورويال اكاديمى ومحتاجين رايك ضرورى يا ام جورى ارجوكى ردى علينا لانى هاروح اقدم يوم الاربع يعنى بكرة ان شاء الله ومحتاجة رايك انا بعد ما قدمت فى الملكة رجعت فى كلامى وهقدم فى مدرسة تانية ومحتارة بين الاتنين دول ارجو الافادة ضرورىىىىىىىىىىىىىىىىىىىىى

[سى سى]

وكنت عايزة اعرف جروب المدرسة اللى على الفيس بوك اسمه ايه ممكن تضيفونى عايزة اتواصل معاكم عشان اعرف اكترررررررررررررررررر

[oshy1899]

سي سي يا حبيبتي لو بتقيمي بين رويال و جينيس فرويال سمعت انها احسن بس انا فضلت جينييس لانها قريبة مني ومصاريفها مناسبة اما رويال فهي اغلى شوية ومش عارفة ليه ام جوري مش بترد علينا عشان نستفاد منها في مدرسة جينيس

[أم جورى]

انا اسفة بجد يا جماعة منقطعة عن هنا خالص والحمد لله انكم عرفتوا طريقى وأى استفسار انا تحت امركم ويارب تتوفقوا ان شاء الله للى فىه الخير

[نجلا الجمل]

السلام عليكم ورحمة الله وبركاته

انا كنت عايزة اسالكم عن مدرسة اسمها ويزنس بعد جينيس حد يعرف حاجة عنها او عن مستواها

[dinahahmed]

لو عايزة تعرفى معلومات عن ويزنسادخلى هنا هتلاقى معلومات
http://www.lee4u.com/vb/forumdisplay.php?f=77

[أودي]

ياريت ياجماعه تكتبو تقييم نهائي واحننا في اخر السنه

[dr.r]

W:انا سعيدة جدا انى قدرت اشارككم الموضوع الرائع ده
لانه فعلا فعلا هيفيد ناس كتير
و يا ريت لو حد ابنه و بنته فى مدرسة النزهةاللغات يضع تقييمه لانى باذن الله هنقل طفلى فيها
و الاوقع يا جماعة انكم تقييموا دلوقتى بعد ما تابعنا الدراسة للاخر
- اسم المدرسه مع ذكر هل لغات ام عربي ام خاص او ازهري اسلامي
مودرن سكول اللغات
كى جى تو
- التحصيل الدراسي في كل من :
1* عربي
المستوى ضعيف جدا رغم جهد مدرسة الفصل الا ان المنهج عقيم
تصورو يا جماعة ان مفيش كتب الا كتب الوزارة
اما الماس فمدرسة الفصل سيئة جدااااااااااااااااااااااااااااااااااااااااااا و بردو مفيش منهج محدد
و بيقولو ان المنهج كل اسبوع بتقولوه المشرفة للمدرسات و كأنه سر قومى المفروض اولياء الامور مايعرفوش
ده غير ان مفيش رسم او موسيقى او اى نشاط و لا رحلات طبعا
مفيش اى نوع من الانشطة متاحة للكى جى لدرجة ان الولد اصبح حلمه انه ينزل بريك فى الجاردن
الاغانى فى العربى و الانجلش مستواها عادى لكن المذاكرة و الحفظ معتمد عليا انا فقط
ابنى بيحب المدرسة عشان اصحابه لكن عمره ما تعلق بمدرسة فصله
بالنسبة للباص فباباه بيودى و انا اجيبه و انا راجعة من شغلى
النظافة شبه معدومة فى المدرسة دى
ابنى بيطالبنى دايما بالمصروف و الكانتين تباع فيه اسؤا و ارداء الانواع
ابنى بياكل اكله بنسبة 75%
الحمد لله انا ابنى مش عنيف بطبعه
لكن ختاما اخوتى الاحباء انا مش شايفة اى مزايا فى المدرسة دى و يا ريت تفيدونى برأيكم فى مدارس تانية عشان انقل ابنى و على الاخص مدرسة النزهة و شكرا لتقبلكم عضوة جديدة
ام عبد الله

[أودي]

ربنا يارب معاك يا دكتوره ر

[nonare2010]

افيدوني ياسى سى وياأوشا
عن مستوى رويال اكاديمي التعليمي

[nonare2010]

وانا كمان معاكى يا اوشى محتارة بين جينيس ورويال اكاديمى ومحتاجين رايك ضرورى يا ام جورى ارجوكى ردى علينا لانى هاروح اقدم يوم الاربع يعنى بكرة ان شاء الله ومحتاجة رايك انا بعد ما قدمت فى الملكة رجعت فى كلامى وهقدم فى مدرسة تانية ومحتارة بين الاتنين دول ارجو الافادة ضرورىىىىىىىىىىىىىىىىىىىىى

[QUOTE=oshy1899;10099910]سي سي يا حبيبتي لو بتقيمي بين رويال و جينيس فرويال سمعت انها احسن بس انا فضلت جينييس لانها قريبة مني ومصاريفها مناسبة اما رويال فهي اغلى شوية ومش عارفة ليه ام جوري مش بترد علينا عشان نستفاد منها في مدرسة جينيس[/QUO

ارجو افادتي عن رويال اكاديمي ومستوى اللغة فيها

[nonare2010]

محدش برده يعرف رويال اكاديمي

[nonare2010]

لا اله الا الله

[أودي]

نونار هتلاقي سيسي في لي في الجزء الخاص تقريبا والله اعلم بتاع جنيس تقريبا استقرت هناك

[أودي]

http://www.lee4u.com/vb/showthread.php?t=4025

او ابعتلها رساله على الخاص

[nonare2010]

اشكرك يا اودي كتير على تعبك معايا

[كنوز مصر]

مساء الخير طيب ممكن رائيكم في مدرسة بيراميدز للغات

[nonare2010]

ربنا يبعت لك اللي يطمئنك يا كنوز
انا اتصلت بيهم مرة قبل مااقدم في رويال لكن مرحتش شفتها بصراحة
ممكن ياكنوز تفتحي موضوع منفصل علشان البنات تشوفه وترد عليكي