من تعاني من الكلف فال تدخل

[بدوية]

اخواتي العزيزات التي تعاني من الكلف فل تغل لي وراح احط لها الذي يزله بذن الله مهما كان مستعصي هذا الكلف :)

اختكن بدوية

[المــهـا]

اي والله يا اختي الحين الكل يعاني من الكلف وخاصه اثناء الحمل
فاذا عندك الحل ..........فنحن في الانتظاااااار

[بدوية]

هلا بختي المــهـا
من عيوني يا الغالية راح اكتب لك الوصفة وانشاءالله راح تدعيلي انتي واخواتي بعد ان تران النتيجة .
معلقة خل ابيض
معلقة ملح
معلقتين عسل سدر اصلي 100 % 100
وتخلط المقادير مع بعض وتستخدمينها يومين وراح تشوفين النتيجة المرضية انشاءالله

اختج بدوية

[عهود]

مشكوره أختي البدويه على الوصفه السهله
لكن عندي استفسار واسمحيلي على الازعاج .كم دقيقه نضعه على البشره
ولك خالص تحياتي ومحبتي
عهود:)

[بدوية]

ولا شكر على واجب اختي الغالية
يوضع 20 دقيقة ولكن كل ماطولتي كان احسن بس مو اكثر من ساعة :)

اختك بدوية

[جدران الصمت]

تعرفي الأخت بدوية أني تشجعت كثير ، وبما أنه "خطوبتي" ملكتي يوم الخميس القادم أن شاء الله فأعتقد أنه يومين فرصة كافية وبوافيك بالنتائج. وتسلمي

[بدوية]

مرحبا بختي جدران الصمت
بس اختي انتي واجد مستعجلة على النتأج :)
هذا حبيبتي يبي له وقت وصبر ولا فيه شي حبيبتي تشوفي نتأجة في يوم او يومين .. الا اذا كان شي موقت فقط اما العلاج لازم يبي وقت وهذا علاج وليس لتقطية :)
وتمنى ان تصبري على العلاج حتى تحصلي على مايرضيك انشاءالله
والف الف مبروك على الخطوبة عزيزتي

اختك بدوية

[توتي]

تسلمين حبيبتي على هالنصايح .. الله لايخلينا منك ;)
بس .. ما ألقى عندك وصفه للهالات السوداء حول العين ..( شطحت عن الموضوع ) .. صح :eek:
الله يعافيك ..
بس هالمره ماراح احط لك صوره .. لأنها ماتطلع عندك.. :D :p
تحياتي .. ولا تزعلين :confused:

[بدوية]

اي والله راح تحصلين كل ماتبينه عندي يا الغالية :)
عليج بشرايح البطاطس يا الغالية حطيها على عينج مده 10 دقليق كل لليله وراح تشوفين النتيجة انشاءالله الي ترضيك :)

اختج بدوية

[توتي]

ما شاء الله عليك .. عيني عليك بارده
والبطاطس طبعا مو مطبوخ .. أمزح .. :D
طيب عمري.. متى تبدا تظهر النتايج يعني بعد كم يوم ؟؟ ..... _ مستعجله_ ... :p ماعندي سالفه
ومشكووووووووووووره وتسلمين

[بدوية]

بعد سبوع راح تطلع النتيجة انشاءالله :)

[توتي]

ياسلام .. الحمد لله .. انشاء الله تروح
ومشكوووووووره عزيزتي

[رحيل]

ماشاء الله شكلها وصفه حلوة أختي بدويه:)

لكن اذا عرفت وشلون شكل الكلف على الوجه;) لا تضحكين علي

لكن فعلا حتى الحين ماني عارفه ايش هو بالضبط:p

وبالنسبه لوصفة الهالات السوداء الله يبارك فيكي ويحفظك فعلا محتاجتها:cool:

[بدوية]

هلا وغلا والله في يا اختي رحيل
وانشاءالله ماتعرفين الكلف يا الغالية والله يكفيج شرة يارب :)
الكلف يا عزيزتي هو البقع السوداء التي تطلع في الخدود :) واكثر مايصيب الحوامل
او راح اوضح لج اكثر هل تعرفي النمش الذي ترينه في الاجنبيات الاواتي يطلعن في التلفزيون
الكلف يشبهه بس هو اكثر سواد من النمش :) اتمنى اني وصلت لج الصورة بوضوح عن الكلف

وانشاءالله مايجيج يا العزيزة

اختج بدوية

[الخبيره]

أش هالوصفات يالبدويه كل وصفه أحسن من الثانيه
ماشاء الله عليك يالبدويه عيني عليك بارده:) :) :)

[بدوية]

هلا والله اختي الخبيره
واتمنى اني فدتج في شي من هذه الوصفات :)

اختج بدوية

[توتي]

تعلمي يالخبيره من بدويه .. شفتي كيف ..
ماشاء الله عليها اذا سألناها علطول تجاوب ... خبيره بحق وحقيقي ;) :D
الله يوفقها ويعينها علينا

[بدوية]

الله لا يحرمني منج يا غاليتي توتي :)

[توتي]

ولا منك بدوية

[من انا؟]

مشكوره على هذي النصايح
ما تنلامين تردين ابسرعه ، ابدويه ، مساعده سريعه " الفزعه " ، البدو معروفيين بهبت الريح ، اظن ما يحتاج شرح المعنى

المهم : بالنسبة للهالات السوداء اللي تطلع اثناء الحمل ، بعد يستخدم الها البطاطا
وبغيت اسل عن الكلف : انا فكرت الكلف ، هو المنطقة الفاتحه جدا بالوجه ، انا عندي منطقه بيضاء ، افتح عن بشرتي في الوجنتين ، فما اعرف الحل ؟
فالفزعه يالبدويه

[بدوية]

ابشري بالفزعة يا الغالية عند وجهج وانا اختج
اما بنسبة للهالات السوداء التي تطلع تحت العين .. نعم اختي ستخدمي لها البطاطس

اما بنسبة للبقعة البيضاء استخدمي لها النيل والورس لانه يساوي لون البشرة وجعلها لون واحد .

اختك بدوية

[نحله]

أهلا بدويه 00هل وصفتك للكلف مجربه ؟ وهل جربتها شخصيا ؟
وأخيرا 00 كيف أفرق بين الكلف و النمش ؟فقد يكون النمش مشابه جدا للكلف فكلاهما لهما نفس اللون و الحجم ( في بعض الحالات ) ويظهران في نفس المكان 00 صح؟

[مرايم]

أخت بدوية هل هذي الخلطة للكلف بس ولا ممكن تنفع لآثار حب الشباب والبثور؟؟
ومشكووووووووورة

[بدوية]

مرحبا بختي نحله
نعم الوصفه مجربة ونافعة 100 % 100 انشاءالله ولكن كل شي يبي له صبر اختي
وهذه الوفصة جربتها على صديقتي التي تعذبة جدا من كثر تردداتها على مستشفيات الجلد والتي لم تجعل علاج الا وجربته ولكن من غير فايده .. والحمدلله الحين لو ترين وبرشتها لاتصدقين تقولين بشرة طفل ماشاءالله عليها .
اما بنسبة شلون تفرقين بين النمش والكلف هذا سهل عزيزتي
النمش ترينه متنثر على البشرة ولونه افتح من الكلف وهو يطلع في الجسم كامل ليس لهو مكان معين في الجسم اما الكلف يكون على الخدود وهو متماسك مع بعظ واول مايطلع يكون حبه وحده وبعدها تشوفين هذه الحبه تاخذ في التمدد .

اتمنى انني فدتك في ردي هذا :)

اختك بدوية

[بدوية]

مرحبا بختي مرايم
ان هذه الخلطه لا تنفع الا للكلف فقط والكلف المستعصي
اما بنسبه حق اثار حبوب حب الشباب او اي اثار ثانيه سوف اكتب لك العلاج المناسب انشاءالله عن قريب .

اختك بدوية

[بدوية]

اختي مرايم هذا الي وعدتك فية :)
اظغطي هنا (http://www.lakii.com/vb/showthread.php?threadid=6323)

اختك بدوية