متابعة kg1 يلة ياماميهاااااات

[يويا بنت ميويا]

ياريت كل اللى ابنها او بنتها فى kg1 تنضم للموضوع هنا

ونشوف اسلوب دراسة كل مدرسة ونكتب مناهج اولادنا واللى بياخدوة كل اسبوع ..

اللى عندها استفسار عن اى حاجة ممكن تسال ونجاوبها ونتناقش كلنا..

واللى ليها اى فكرة ممكن تفيدنا بيها فى مذاكرتنا لاولادنا ياريت ماتبخلش بيها على حد ..

لان هدف الموضوع ان كلنا نستفيد من بعض وخصصوصا الامهات اللى بيجربوا المدارس لاول مرة زى حالاتى

مستنية ردودكوا وتفاعلكو

[بيرى 79]

موضوعك جميل يا يويا وخصوصا للامهات كمان اللى بيذكرو لاولادهم من غير مدرسة علشان الظروف اللى احنا فيها
فامهات كتير مش هتودى اولادها المدرسة وهتذاكر لهم فى البيت
انا عن نفسى بذاكر دلوقتى لبنوتى من غير مدرسة

[BIBOOO]

موضوع جميل يا بنات
بنتي حبيبة في كجي 1 مدرسة الملكة للغات
المنهج اكسفورد
اخدوا في الانجليش A a/B b رتن + الفونكس +كلمتين مع كل حرف بس اورال
العربي اخدوا لغاية حرف ح

[يويا بنت ميويا]

موضوعك جميل يا يويا وخصوصا للامهات كمان اللى بيذكرو لاولادهم من غير مدرسة علشان الظروف اللى احنا فيها
فامهات كتير مش هتودى اولادها المدرسة وهتذاكر لهم فى البيت
انا عن نفسى بذاكر دلوقتى لبنوتى من غير مدرسة

طبعا يابيرى ممكن تستفيدى مننا وتعرفى الدنيا ماشية ازاى فى المدرسة وتذاكرى لبنوتك ..بجد ربنا معاكى المهمة شاقة اوى عليكى

[يويا بنت ميويا]

موضوع جميل يا بنات
بنتي حبيبة في كجي 1 مدرسة الملكة للغات
المنهج اكسفورد
اخدوا في الانجليش A a/B b رتن + الفونكس +كلمتين مع كل حرف بس اورال
العربي اخدوا لغاية حرف ح

اهلا يابيبو منورة الموضوع

انا ملاحظة ان فى مدرسة بنتك شادين جامد فى العربى والانجلش براحتهم شوية مع انها لغات

لان كلمتين بس مع كل حرف بتهيالى قليل شوية ...على العموم انتى ممكن تزودى معاها كلمات من نفسك

انا هكتبلك يويا خدت اية بالظبط

[يويا بنت ميويا]

يويا طبعا فى مدرسة فيوتشر تك فرع الشيراتون
كتابهم اسمة i can
خدوا Aa,Bb,Cc رتن وتقريبا 10 كلمات على كل حرف اورال وخدت كمان كلمات للكلاس زى بورد ودور وويندو وكدة
وخدوا سونج واحدة بتاعة الافابت abcd وستورى بردة واحدة
والعربى أ ب ت مشبوكة وصحيحة وعلى كل حرف كلمتين بردة اورال
والماث خدت فية 1و2 و3 وخدت كمان triangle,squar, circle

[hananany]

انا بقي بنتي رجعتلي امبارح ب30 كلمة انجليزي اخدت المطبخ بمحتوياتة كلها ههههههههههه وكمان الليفينج روم بكل محتوياتها انا هتجن

[يويا بنت ميويا]

اية دة ؟؟؟همة بعتولك كل المنهج من اول الدراسة وللا اية ؟؟؟؟؟؟؟؟

لا بجد ربنا معاكى ...والمصيبة ان الولاد مش عاوزين يركزوا ويذاركوا ابدا..بنتى طول اليوم عاوزة تقضيها تلوين وبس

[يويا بنت ميويا]

اية اخبار امهااات الكى جى وننننننن؟؟

مايا النهاردة خدت حرف ث

المشكلة انى مش عارفة افهمها ان كلمة ثعلب مثلا بتبدا بحرف ث او اى كلمة تانية فى الانجلش والعربى ..اعمل اية يعنى؟؟؟

[UM FARIDA]

انا عندي فريدة في امجاد الدوليه
الكتب اهه
فريدة بتاخد تل كتب مش عارفة هي حتاخد كجي وان ولا هتعمل دكتوراه خدو عندكو
الانجلش
ماجيك تايم ستيودنت بووك
ماجيك تايم ورك بووك
سمارت فونيكس
فن ريتينج
كتاب الوزارة العار
الماث
ماى فريست فريندس
كتب الوزارة العار
الساينس
ساينس فور لايف
العربي
ملزمة المدرسة عملها بس لسة مخدنهاش
كنب الوزارة العار برضو

[UM FARIDA]

خدنا Aa , Bb,Ccاوب وت وكلمات حولي 6 لكل واحدة ده غير ان الحوار كله بالانجلش مع الاطفال يعني فريدة دلوقتي لما تعوز الحمام تقولي تويلت بليز ولو ميه واتر بليز ولو ندهت عليها تقولي ايام هير ولو عاوزة تقول دة باعها تقول لووك مامي اتس ماين
وخدت 1و2 واخدت في الساينس اجزاء جسم الانسان واخدت اللون الريد والسيركل
وفي القران علشان هى كانت داخلة حافظة هما هناك عاملين نظام يكملو للطفل اللي حافظ مع محفظة لوحده ميرجعوهاش لورا فهي اخدت العلق والبينة والتين
دع اللي انا فكراه حاليا

[dodydoooo]

موضوع جميل تسمحولي اشارك خصوصا اني قررت اقعد بنتي من المدرسة من النهاردة بعد ازدياد عدد الحالات في المدارس وانا بنتي طبعا كجي 1 وخايفة عليها اوي وفي نفس الوقت موش عايزة اقعدها في البيت بس اعمل ايه خايفة اوي قولولي يا بنات لو قعدنا في البيت حانعمل ايه

[kouky5]

كويس يا يويا انك عملتي موضوع لكي جي1 ..جزاكي الله خيرا
ابني في المصرية للغات مدينة نصر
المنهج ماكميلان You and me
اخدوا لغاية دلوقتي A, B, C, D وكلمات اورال عليهم و الارقام 1,2
بالنسبة للعربي لسه في الالف
الاشكال circle and square

[yomizo]

كجي وان
مانور هاوس سكول للغات
اخدت في العربي أ , ب, ت, ث
الانجليش Aa ,Bb,Cc وكل حرف بتاع خمس كلمات عليهم وعندهم ملزمه المدرسه عمالها للهوم ورك عباره عن ان كل حرف بيج وسمول عليهم الكلام اللى اخدوه عليهم بس الكلام مرسوم يعنى boy راسمين ولد و bag راسمين شنته وكده وهما يلونولهم
واخدت كمان triangle,squar, circle
والماث مش عارفه بصراحه اخدت ايه لحد دلوقتى لانها غابتلها اسبوعين يمكن يكونوا اثروا فيها
كنت بولد وكانت هى تعبانه

هاكمالكم منهجها بكره ان شاء الله
وبتاخد you & me مكملاين

[يويا بنت ميويا]

انا عندي فريدة في امجاد الدوليه
الكتب اهه
فريدة بتاخد تل كتب مش عارفة هي حتاخد كجي وان ولا هتعمل دكتوراه خدو عندكو
الانجلش
ماجيك تايم ستيودنت بووك
ماجيك تايم ورك بووك
سمارت فونيكس
فن ريتينج
كتاب الوزارة العار
الماث
ماى فريست فريندس
كتب الوزارة العار
الساينس
ساينس فور لايف
العربي
ملزمة المدرسة عملها بس لسة مخدنهاش
كنب الوزارة العار برضو

ام فريدة...انتى متاكدة ان فريدة فى كى جى ون اصل محدش فينا بياخد ساينس