زوزو
27-06-2001, 02:30 AM
بسم الله الرحمن الرحيم
أختي علياء طريقة عمل بخار الوجه في البيت ما يحتاج لها كثير لكن الافضل أنه يكون عندك أبرة التنظيف( أسمها كذا لكن هي مهيب ابره فلا تخافين هاهاها ) و هذا تساعد كثير في عملية التنظيف أما لو ما كان عندك فراح تتعبين شوي لأنك راح تستخدمين أيديكي .
على العموم الطريقة هي كالتالي :
سخني الماي لدرجة الغليان وفي هذه الاثناء عليكي بالتالي :
أغسلي وجهك بالماي العادي و بعدين نظفية بلوشن تنظيف اللي زي الماي مهوب اللي زي الكريم ، و بعدين أستخدمي الكريم المرطب اللي تستخدمينه بالعاده علشان يرطب وجهك واذا كنتي ما تستخدمين فأنا أفضل أنك تستخدمين كريم - بالمز كاكاو - أمسحي على وجهك بهذا الكريم لكن تجنبي منطقة العينين تماماً ، و في هالاثناء راح يكون الماي سخن فحطيه في مله كبيره و تعرضي لبخار الماي الحار و هذا بأنك تقربي وجهك من المله علشان يجيكي البخار و لازم تكونين حاطه فوطه تغطين فيها راسك و المله علشان البخار ما يطلع في كل جهة ، و لازم تظلين متعرضه للبخار لغاية ما تشوفين أن الكريم اللي حطيتيه ساح و بدأتي تعرقين في وجهك ، عندها مسحي وجهك بخفة جداً بالمنديل يعني لا تضغطين وانتي تمسحين طيب ، وبعدين لو كانت عندك الابره فشوفي المناطق اللي فيها شوية سواد أو رؤس سوده و مرري هالابرة عليها لكن مع الضغط عليها و راح تشوفين ان الاوساخ بدأت تطلع ... أما لو ما كان عندك الابرة فبيديكي الثنتين بالسبابه حاولي تضغطين على هالمناطق و راح تتخلصين من الاوساخ لكن طبعاً مهوب مثل براعة الابرة ، و المناطق هذه هي اكثر شيء تكون حوالين الانف و الذقن و شوية عند الخدين وهذا طبعاً كلٍ على حسب بشرته ، و قعدي عندها سوي هالشيء لين ما تلقين انه كل ما ضغطي على المنطقة ما تطلع لك وساخه وبس لما تشوفين كذا بعدها شتسوين ، جيبي قطنه و حطي فيها مرة ثانيه اللوشن المرطب اللي زي الماي و نظفي وجهك عدل و بعدها فيه في المحلات و حتى في البندات سائل مائي أسمه (( اسكينول )) وهذا جداً ممتاز بعد بخار الوجه بعد اللوشن المرطب و لما تخلصين أغسلي وجهك بماي الورد الابيض ، و بس .
راح تلقين فعلاً نتائج مرضيه أنا أستخدمها من زمان و هي فعلاً ايجابيه لكن ابتعدي عن المكياج بعد عمل بخار الوجه على الاقل لمدة 5 ساعات طيب لأن المسامات تكون مفتوحه .
أتمنى انك تستفيدي .
و لكم تحياتي .;)
أختي علياء طريقة عمل بخار الوجه في البيت ما يحتاج لها كثير لكن الافضل أنه يكون عندك أبرة التنظيف( أسمها كذا لكن هي مهيب ابره فلا تخافين هاهاها ) و هذا تساعد كثير في عملية التنظيف أما لو ما كان عندك فراح تتعبين شوي لأنك راح تستخدمين أيديكي .
على العموم الطريقة هي كالتالي :
سخني الماي لدرجة الغليان وفي هذه الاثناء عليكي بالتالي :
أغسلي وجهك بالماي العادي و بعدين نظفية بلوشن تنظيف اللي زي الماي مهوب اللي زي الكريم ، و بعدين أستخدمي الكريم المرطب اللي تستخدمينه بالعاده علشان يرطب وجهك واذا كنتي ما تستخدمين فأنا أفضل أنك تستخدمين كريم - بالمز كاكاو - أمسحي على وجهك بهذا الكريم لكن تجنبي منطقة العينين تماماً ، و في هالاثناء راح يكون الماي سخن فحطيه في مله كبيره و تعرضي لبخار الماي الحار و هذا بأنك تقربي وجهك من المله علشان يجيكي البخار و لازم تكونين حاطه فوطه تغطين فيها راسك و المله علشان البخار ما يطلع في كل جهة ، و لازم تظلين متعرضه للبخار لغاية ما تشوفين أن الكريم اللي حطيتيه ساح و بدأتي تعرقين في وجهك ، عندها مسحي وجهك بخفة جداً بالمنديل يعني لا تضغطين وانتي تمسحين طيب ، وبعدين لو كانت عندك الابره فشوفي المناطق اللي فيها شوية سواد أو رؤس سوده و مرري هالابرة عليها لكن مع الضغط عليها و راح تشوفين ان الاوساخ بدأت تطلع ... أما لو ما كان عندك الابرة فبيديكي الثنتين بالسبابه حاولي تضغطين على هالمناطق و راح تتخلصين من الاوساخ لكن طبعاً مهوب مثل براعة الابرة ، و المناطق هذه هي اكثر شيء تكون حوالين الانف و الذقن و شوية عند الخدين وهذا طبعاً كلٍ على حسب بشرته ، و قعدي عندها سوي هالشيء لين ما تلقين انه كل ما ضغطي على المنطقة ما تطلع لك وساخه وبس لما تشوفين كذا بعدها شتسوين ، جيبي قطنه و حطي فيها مرة ثانيه اللوشن المرطب اللي زي الماي و نظفي وجهك عدل و بعدها فيه في المحلات و حتى في البندات سائل مائي أسمه (( اسكينول )) وهذا جداً ممتاز بعد بخار الوجه بعد اللوشن المرطب و لما تخلصين أغسلي وجهك بماي الورد الابيض ، و بس .
راح تلقين فعلاً نتائج مرضيه أنا أستخدمها من زمان و هي فعلاً ايجابيه لكن ابتعدي عن المكياج بعد عمل بخار الوجه على الاقل لمدة 5 ساعات طيب لأن المسامات تكون مفتوحه .
أتمنى انك تستفيدي .
و لكم تحياتي .;)