ابرة الظهر !!!!!!!!

[ام بسمله]

السلام عليكم ورحمة الله وبركاته

اخواتي من استخدمت ابرة الظهر بالسلطنه (سلطنة عمان) بمستشفى الجامعه تخبرني وتقولي اجابياتها وكيف كان وضعها بعد الابره

واي وحده استخدمت ابرة الظهر مو شرط بالسلطنه بس اريد اعرف اجابياتها وسلبياتها

لاني بولادتي الاولى استخدمتها والحمد لله ما صار لي شيء بس آلم خفيف بالظهر وجلست يومين امشي عادي من بعد الولاده لكن عندما اقوم من السرير احتاج لمسانده علشان اقوم وبعدين كل شيء تمام واريد كل وحده استخدمت هذه الابره تكتبلي عن تجربتها .
لاني ناويه بأذن الله استخدمها بولادتي هذه بعد كم شهر انشاء الله .
الموضوع مفتوح لاي وحده جربت هذه الابره لاني شوي متخوفه اسمع يقولوا انها تسبب الشلل والعياذ بالله اذا اخذت بالغلط والله خايفه .

[مياس]

لا تخافين ولا شئ وتوكلي على الله واستخدميها .....
ترى ان شاء الله ماهي بضارتك ....وفائدتها التخفيف عنك...وانا ماخذتها ثلاث مرات بولادتي
في عيالي ...بس بصراحه بامريكا....وممتازه ومريحه جدا .....
وتعلمين لابد من انك تحسي بها لفتره اقصد موضع الابره ..لكن شئ بسيط.....وكذلك كانت الدكتوره تقول ....انك لو دايم تتكرر ما تسبب شئ ....المهم انك ما تتحركين وانت تضربيها ...
واتمنى لك ولاده سهله وميسره........

[ام بسمله]

مشكوره اختي مغتربه وجزاك الله خير

[إيمان علي]

أنا استخدمتها في أول ولادة، والمرتين التاليتين إبرة مشابهة لكنها لا تبقى في الظهر، بل شكة وخلص، والحمد لله ما صار إلا الخير.
عادة الحالات التي تتعرض للشل هي حالات نادرة الحدوث مثل واحد في المليون، والله لا يجعلنا منهم!

[ام بسمله]

مشكوره اختي ايمان وجزاك الله كل خير

[*وردالخال*]

لا يخافي اختي ام بسملة انا استعملت الابرة في ولادتي بس انا جميع ولادتي عمليات قيصرية مع هيك كنت اقوم واتحرك بعد العملية بيومين بس من اضرارها وجع الظهر مثل ما قلتي وخاصة اذا كانت قيصرية ويلك الجرح ويلك وجع الظهر ويلك لما بدك تقومي من التخت وخاصة في الليل بس اختي الموضوع ان شاء الله راح يكون سهل وما بدة قلق وتوكلي على الله .

[الثمال]

بالنسبة لي انا اخذتها في ولادتي الاول ولكن ان شاء الله الولادة الثانية باخذها لانه مريحة وممتازة تخفف الم كثير

[ام بسمله]

مشكورات اخواتي ورد الخال وشير والله ريحتني

[بنت_المطر]

السلام عليكم اختي ام بسمله
انا بعد خذتها في ولادتي الاولى و ناويه اخذها هاي المره بعد .. لما خذتها المره الاولى الحمد لله ما اثرت سلبيا فيني و قمت على طول من السرير اقدر اسوي اي شي .. و لا اي الم الحمد لله .. بس اثناء الولاده راح مفعولها من الجنب الايسر من جسمي .. و هذا علشان عطوني الابره من بدري -لما كان الرحم مفتوح عندي 2 سم و المفروض يعطونك اياها بعد 4 سم ، بس انا كان عندي احتمال قيصريه-
المره هاي مصره اخذها .. لاني بكون وحيده في امريكا و بعتني بطفلين اقل من سنتين .. يعني بحتاج لقوتي بعد الولاده .. و الابره طبعا ما تخليج تبذلين جهد .. توفرين جهد و طاقه ، و هاذيل شيئين مهمين لبعد الولاده ، اذا ما عندك حد يساعدك
الحمد الله اعتقد ان الابره اختراع رائع ليش ما نستغله .. لو ما فيها فايده او مضره كان ما اكتشفوها العلماء و ما انتشر استخدامها
و الله يقومك بالسلامه

[لميس 2000]

والله انا ماجربتها لاني خوافه جدا اخاف تسبب لي شلل مثل مايقولون
وكل شي بيد الله بس الواحد ياخذ بلاسباب

[ام بسمله]

ايه والله اختي بنت المطر كلامج صج بأن الابره اختراع رائع ليش ما نستغله بس يحتاج لدكتور مختص مو اي كلام انتي بامريكا وهناك الطب متطور .......وانا ناويه اخذها لانها ريحتني بولادتي الاولى بس خايفه يجي دكتور غير الدكتور الاول ويلعب بظهري او يضرب غلط

بنت ابها صح ان كل شي بيد الله بس الواحد ياخذ بلاسباب بس تعرفي آلم الولاده وتعبها من دون الابرة صعب والله يعين

ان شاء الله قبل بصلي صلاة الاستخاره وعسى خير:) :) :)

[بنت_المطر]

السلام عليكم اختي ام بسمله
بعد انا اعرف كذا وحده في الامارات خذوا الابره في مستشفيات حكوميه و ما تأذوا منها الحمد لله .. انا اعتقد ان العيب يمكن يكون في النسوان الي مسوين دعايات سلبية عنها .. عشان كذا ما يفكرون ياخذونها او يخافون منها

[samara95]

السلام عليكم ورحمة الله وبركاته
بصراحة انا عندي 3 بنات ولم اجربها لاني اخاف كتير
وسمعت انها يمكن تسبب شلل اذا اعطيت غلط لذا تحملت الالم
بس الان شجعتوني واذا شاء الله وحملت سوف اخدها وكلو بامر الله سبحانه وتعالى

[رمز الوفاء]

أختي أم بسمله إذا أنت خوافه أكيد راح تضربينها في ذاك الوقت إذا هي في بالك؟ أنا ضربتها من ثلاث شهور في ولادتي وطبعا أول مره وفرق كبير وهي عندنا في السعوديه سعرها 1000 ريال......

[لميس 2000]

رموز الوفاء مافي في المستشفيات الحكوميه بسعوديه
ابرة الظهر
اذا كان عندك خبر قولي لي

[ام بسمله]

مشكوره غاليتي بنت المطر للاطلاله الحلوه اعتقادك صحيح يمكن الحريم مسوين عنها دعايه سلبيه وبجذيه ما يفكرون يأخذونها لانه بيني وبينك والله منطقة الظهر تخوف اي شيء يصيبها لانها اساس الجسم

وان شاء الله احتمال كبير اخذها بولدتي الثانيه بعد جم شهر لانها تريح:) :) :)

[ام بسمله]

وعليكم السلام ورحمة الله وبركاته

اهلا عزيزتي سمارا مشكوره على المشاركه اختي بما انك في امريكا اتكلي على الله واخذيها لان الطب هناك متطور كثير وتقريبا الكل يأخذها بامريكا الله معك .


مشكوره عزيزتي رمز الوفاء على المداخله الجميله هاه ما خبرتينا كيف هل ريحتك الابرة وما سببت لج مضاعفات .خبرينا لانج سويتيها بالسعوديه
نسيت عيوني مبروك ما جاك والحمد لله على السلامه

بعمان انا سمعت انا يسونها بحدود 700 ريال عماني والله مبلغ كبير بس انا سويتها بمستشفى حكومي ومتطور كثير وببلاش واحتمال اولد بنفس المستشفى لانه فيه راحه كثير ومنتقطي بعيده بس بروح وقت الولاده بأذن الله

[رمز الوفاء]

أختي بنت أبها أنا كنت في مستشفى خاص جميع المتشفيات الخاصه فيها. أما الحكوميه ماعندي فكره إذا رحت لمواعيد أستفسري وردي علينا أكيد فيها بالطلب .

[ام بسمله]

عزيزتي رمز الوفاء ما قلتي لنا تجربتك كيف كانت الابرة وما سوت شيء علشان اطمأن اكثر

اختي بنت ابها اكيد موجوده بالمستشفيات الحكوميه بس مثل ما قالت اختي رمز الوفاء يمكن بالطلب

[ابسط الحلول]

السلام عليكم ورحمة الله وبركاته
الله يقومك بالسلامة ياام بسملة ,انا اخذتها في ولادتي هنا بامريكا وكانت ولادتي قيصرية وسألت كثير عنها والكل اكد انها سهلة جدا ولا لها اثار جانبية بس احيانا تسبب غثيان وصداع
لكن لازم الي يعملها اخصائي تخدير مواي احد لانها تتطلب دقة ومكان معين من الظهر ,انا عن نفسي ولله الحمد الي عملها لي رئيس قسم التخدير بس كنت أ تألم وهو يعطيني اياها لانه كان في نفس الوقت يقيسون ضغطي بشكل متواصل بس بعدها اختفى الالم تماما واذكر جلس عندي الدكتور واخذ دبوس ويشك جسمي كله ويسألني تحسين بألم او لا فما عملوا لي القيصرية حتى تخدرت منطقة الجذع ,لكن بعد انتها ء تأثير المخدر مانفعت معي جميع انواع المسكنات .الحمدلله كل شي بأجره .
بس الي اعرفه للي تولد طبيعي لازم ينفتح عندها الرحم حد معين قبل ما تاخذ الابرة .

[ام بسمله]

مشكوره اختي ابسط الحلول على اخبارنا تجربتك

صح لان الدكتوره سوت لي تحاميل لين انفتح عندي الرحم سته سنتي وبعدين اخذت الابرة

والحمد لله على كل شيء الله يسهل ويهون علينا جميع

[رمز الوفاء]

ا سفه أختي ام بسمله ماأنتبهت للصفحه الثانيه إللي فيه ردك أنابصراحه ريحتــني واجد وقت الولاده يعني غير عن ولاداتي السابقه بس حسيت بألم اخرشيئ وقت الولاده يعني خفيف مع أن أخت زوجي أضربتها مرتين وتقول بالمره ماحست بشيي أبد حتى مع طلعت........وبعدين تقولك الدكتوره تنامين على ظهرك 24 ساعه متتحركين وبعد الولاده ماشفت أي اعراض مو زينه إلى اليوم والحمد لله ...........

[ام بسمله]

الحمد لله اختي رمز الوفاء ومشكوره غاليتي