اهتمامات سنة اولي مدارس...ياللا يا هوانم

[Ananasa]

نزولا علي رغبة الجماهير قد تم نقل الموضوع من الالعاب والترفيه الي الملتقي العلمي والتربوي
وفي انتظار مشاركتكم

اهتمامات الموضوع :
مستلزمات المدارس - تاهيل الاطفال لاول يوم دراسة - الاهتمام والمتابعة اثناء الدراسة من اكل ومزاكرة و ترفيه ورياضة

[UM FARIDA]

فرى

ايوة بيطلبوا ورق تواليت ومعطر للكلاس بس انا بطنش على المعطر

يعنى لما كل طفل يجيب واحد هيستعملوا 20 زجاجة معطر

بصى حلا ودودو برضه لبسهم سبورتيينج أكيد هاتى كوتشى

بصراحة انا الجزم مش بتنزلى من زور

وبعدين اللى لبسهم مش سبورتنج فى برضه كوتشى شكله كلاسيك شوية

واللى هيجيب كوتشى اوريجينال عليكم وعلى نايك هاااااااااااااااااااااااااااااااااايل


يالهوي حتى الكلنيكس امال بياخدوا المصاريف يجيبوا بيها ايه؟؟؟؟؟؟؟؟؟؟؟؟؟؟

[أم جورى]

تلخيص لما قيل


يا جماعه انا عوزه حد يفدنى فى موضوع ده
بعد اللبس اجيب ايه
الادوات
الاستعداد النفسى ليا و لابنى و......................الخ



بصي يا ام بودي
انا اول سنة لابني في المدرسة كنت مفهماه ان المدرسة دي مكان جميل جدا وفيه مراجيح وفيه كلاسس وتيتشر بتغني معاهم وكدة يعني
وفعلا اول يوم كان فرحان جدا وما عيطش وكان مستغرب من الولاد اللي بيعيطوا

الله يطمنك بس انا خايفه انو ميسوعبش يعنى ايه هوم ورك و مدرسه
ابداء معاه ازاى


لا ما تخافيش هم هيعرفوا يتعاملوا معاه في الكتابة وهيرجع لك بيعرف يكتب الحرف وهتلاقي الهوم وورك دة حاجة بسيطة خالص


طيب يا جماعه فى مدارس قبل الدراسه بتقول عوزه كراريس عمله ازاى و لون الجلاد و الحجات التانيه الى عوزنها حد يعرف ازى كانت الرواد كده ولا لا


بصى يا أم بودى

بالنسبة للأدوات

شنطة المدسة ايه محتوياتها ؟؟

الشنطة طبعا ودى انواع كتيييييييييييييييييييييي يعنى فى شنط عادية وفى شنط ماركات

العادية من 50 ل80 فى السعر طبعا

الماركات تبدأ من 150 وعندك لحد 300 وأكتر كمان

محتويات الشنطة

طبعا الكتب والكراسات

لو المدرسة مش بتطبع كاسات يبقى هتشترى وهما بيبعتوا أول يوم ورقة بالطلبات

لو مش عاوزة تنتظرى تشتى بالدستة وتخليهم عندك

مربعات وانجلش و9 أسطر

وبضه اشتى جلاد الوان مختلفة واقلام صاص وبرايات واستيكات أوك

ولانش بوكس وكوب وزمزمية


طيب انتى تنصحى باى نوع من الشنط الجرار ولا العاديه


بصى انا شايفة ان ابنك لسة صغير والجرار كبيرة عليه وكمان مش بيشيلوا كتي فى كى جى


بس بيتهيائلى كده مش حلو انتى عارفه الزحمه الى فى اول يوم دراسه على الحاجات دى طب ما تقدريش تقوليلى ايه هيا الحجات الى طلبوها منك اكيد هتبقى متشبه المدارس مع بعضها

أم بودى خدى ندك

كراستين لكل مادة

الوان شمع والوان خشب

صلصال

أفرخ كانسون

معطر

ستيكرز

سكتش رسم

اقلام رصاص


جليتر الوان

صابون ديتول

كلينيكس

ورق تواليت

بصي انا بردو قلت هجيب الحاجات بدري
هما طلبوا كشاكيل 9 اسطر
وكشاكيل انجليزي
وكشاكيل مربعات للحساب
كللهم 100 ورقة ولو مالقيتيش 100 يبقي 80
بس معلومة كدة : انا لفيت السنة اللي فاتت علي كشاكيل مربعات 100 او 80 لكن مافيش في السوق غير 60 بس( مربعات)
وطبعا كراستين رسم
وهاتي بقي جلاد احمر واصفر وازرق وابيض وشفاف كلله من البلاستيك الجاهز دة
وتيكيت بقي كتييييير


لا انا ماجبتش الشنط لسة بس شوفت شنط حلوة في سمير وعلي
وفي رشا وراندا


طب ايه رايك فى toysr'usفيها حاجات حلوة انا بفكر اروح اسال هناك


الشنط تحفة جدااااااااااااااااا فى اور كيدز خصوصا بتاعة البنات بس غالية

وكمان فى محل بليز مم فى كايرو مول

لو عاوزة شنط مش ماركة بس حلوة جداااااااااا هتلاقى فى مكتبة الرشيدى

اشكال كتيييييييييييييييير


هو توييز ار اس فين في مدينة نصر
طب والله يا جوجو ممكن اشوف اوركيدز دة بحبه قوي بس الشنط بكام هناك اصلها في سمير وعلي بحوالي 100 جنيه كدة


فى سيتى ستارز الاكستنشن الجديد فى الدور الاول
و فى فى الكوربه قدام حريه مول و هوا ده الى انا روحتو
و بنسبه للجيل هو فعلا حاجه كويسه اوى و انا جبت لبودى منه لانه مش المدرسه بس فى حتت كتير مابنعرفش نغسل ادينا فيها علشان كده هو عملى جدا و انا بنصح الكل انه يجيبه انتو عرفين الايام دى عمله ازاى


ما شاء الله موضوع حلووووووووووووووو جدا
على فكره فى محل اسمه سسم كلب فى مصطفى النحاس عنده حاجات حلوه للاطفال شنط سبايدر ودورا ولانش بوكس وحاجات حلوه واسعاره كويسه


ماشى يا جوجو ملكيش فى العنجليزى
اسمها سيسم كلااااب يعنى جمع كلب قصدى نادى سمسم
الشنطه كانت 70 جم وحلوه جدا
واللانش بوكس من 25 ل50 جم


لا هيا قصدها sesem clubانا عرفاه دى قريب من شارع الطيران و قبل المحكمه يعنى فى النحاس ما بين عباس و الطيران مدينه نصر


حلو اوى اوى الموضوع ده مبروك علينا انتوا عرفيين ان كريم لسه اول تجربه مع المدارس و لوازمها و فعلا مكنتش عارفه اجيب الشنطه منين انتو اولتوا كده سمير و على و اور كيدز هو تويز ار اس ده فين عشان انا معرفش حاجه ناحية مدينة نصر ؟ و لو حد يعرف حاجه ناحية المعادى ؟ و كمان الشوز منين؟ انا اعرف ستب رايت الى فى جراند مول و كمان اور كيدز. حد يعرف حاجه تانيه؟


بصى يا جميل تويز ار اص دا ليه كذا فرع انتى ممكن تكلمى الدليل و هم هيوصلوكى لاقرب فرع ليكى و طبعا لو المعادى يبقى اقرب حاجه كرفور المعادى


صباح الخير يا بنات
ايوة يا مياما انزلي دلوقتي اشتري حاجتك قبل رمضان والزحمة ولبس العيد
ام بودي .... الحلاق في سيسم ب15 جنيه
كوكي ..... ياللا نروح سيسم نبضع ونيجي


بقول ايه انا بقى برضوا اول سنة يعني خيبة بالويبة
دبس الحمد لله المدرسة حتجيب كلللللللللللللللللللل حاجة حتى الاقلام والبرايات والكراسات والالوان مبيطلبوش غير الشنطة والجزمة
بصوا يونيفورم فيدة شكله سبورتس اكتر منه كلاسيك الاحسن اجيب كوتشي ؟؟؟؟؟؟؟؟؟ظ

الشنطة المفروض في كي جي مقاسها اد ايه كده

فرى

ايوة بيطلبوا ورق تواليت ومعطر للكلاس بس انا بطنش على المعطر

يعنى لما كل طفل يجيب واحد هيستعملوا 20 زجاجة معطر

بصى حلا ودودو برضه لبسهم سبورتيينج أكيد هاتى كوتشى

بصراحة انا الجزم مش بتنزلى من زور

وبعدين اللى لبسهم مش سبورتنج فى برضه كوتشى شكله كلاسيك شوية

واللى هيجيب كوتشى اوريجينال عليكم وعلى نايك هاااااااااااااااااااااااااااااااااايل

[أم جورى]

بيجيبولنا كشاكيل وشيتات ايه هنطمع

افترا يا بنتى هنعمل ايه

[أودي]

حد يعرف ماركات احذيه وشنط حجات تستحمل يعني مقاطعه يعني عايزه ابعد عن اديدس ونايك

[أودي]

ياريت اللي يعرف يدلنا لان نايك اثير عليها حجات كتير وحشه للمسلمين واحنا اكيد لما نقاطع على الاقل ربنا لما يسألنا نقول يارب قطعناهم مش هما يبقو مسفهين دنا وبيظهروه في اعلانتهم بشكل وحش واحنا نروح نشتري الحجات دي فده اضعف الايمان لاني شفت صوره لنيك وحشه فياريت اللي يقدر يساعدنا يقول ماركات كويسه ومش مقاطعه

[Ananasa]

ايه الشغل الجامد دة يا جوجو

[أم جورى]

ماشى يا أودى نقاطع

بصى عندك بوما وكمان أكتيف وهو أسعاره مش غالية خالص

يعنى بيبدأ من 120 وفى نفس المحل بتاع أكتيف عنده ريبوك دى أغلى بس حلوة

انا جربتها السنة اللى فاتت

وفى ديادورا دى ماركة جديدة بس حلوة أوى

هتلاقى اكتيف ويبوك فى كايو مول محل أبو علاء

[أودي]

ديادورا الاقيها هناك بردو في كايرو مول

[أم جورى]

أى خدمة يا أنوس

بصوا ده مناسب للكى جى أوى






http://images.amazon.com/images/P/B0007IORFE.16._AA260_SCLZZZZZZZ_.jpg


http://images.amazon.com/images/P/B0007IORJU.16._AA260_SCLZZZZZZZ_.jpg




http://images.amazon.com/images/P/B0007IOREU.16._AA260_SCLZZZZZZZ_.jpg

وده للبرى


http://www.albdoo.info/imgcache/36795660a8c04861c79a221872fc4aa6.jpg


http://www.comparestoreprices.co.uk/images/ri/ripcurl-school-backpack-and-pencil-case.jpg

http://forum.sedty.com/imagehosting/7796_1224261571.jpg

[أودي]

ياريت اللي يكتبيكتب الاول اسم المحل وبعدين العنوان وبعدين الوصف

[أم جورى]

ديادورا الاقيها هناك بردو في كايرو مول


لأ يا أودى

انا شفت فرع فى جراندمول المعادى بس هى غالية زى نايك واديداس كدة

[ام راما و رتاج]

قولوا لى يابنات هو احنا لازم نجيب كل سنة الشنطة بمستلزماتها
السنه اللى فاتت جبت من اور كيدز وبجد الحاجات كانت تجنن صحيح غاليه شويه بس هايلة وفعلا لحد دلوقتى كانها جديده والكوتشى كمان جبته من هناك

[أم جورى]

أكتيف وريبوك

كايرو مول الدور التانى محل أبو علاء

ديادورا

جراند مول المعادى

وفى محل انتر سبورت الدو الأول

جراند مول المعادى وهايبر

برضه فى كوتشات حلوة جداااااااااااااااااا

وفى لطفى كيدز

ده لطفى للأحذية بس أطفال بس

الملحق التجارى لرمسيس هيلتون

الدور اللى تحت الأرضى تنزلى بسلالم هتلاقى الدو هو فى نفس

الممر

[أم جورى]

بصى يا ريتاج

هى الحاجة فعلا بتبقى بحالة جيدة بس الولاد مش هيفهموا كدة

هما هيحسوا انهم رايحين بحاجة قديمة

ممكن تعملى حاجة أنا عن نفسى بعملها

بجيب شنطة عادية جنب الشنطة الاساسية منها تبقى جديدة ومنها انك تبدلى

خلال الأسبوع بينها وبين شنطة السنة اللى قبلها

لكن الكوتشى بصراحة لازم ماركة لأنه بيستحمل وبعدين انتى عارفة المدارس

لعب وجرى وكل يوم فلازم حاجة قوية تستحمل

الانش بوكس كمان بعمل كدة

وعلى فكرة فى اور كيدز فعلا مستلزمات مدرسة تحفة

والانش بوكسات اشكال تهوس ومش غالية أوى

[أودي]

شنط الرشيدي يا ام جوري هيبقى فيها زي الصور كده يعني المقلمه شبه الشنطه يعني الطقم كامل شبه بعضه ولا لا والاقيه فين

[ام راما و رتاج]

ام جورى
فعلا المشكله ان الاولاد مش بيعرفوا فى السنه ده ان الحاجات لسه بحالتها وكمان كل سنة فى مجموعات واشكال جديده بتنزل
انا هحاول انى اجيب بس الشنطة جديده واقنعها تستخدم اللانش باج والبوكس بتاعوا السنه اللى فاتت مجرد محاوله
اما الكوتشى انا بحب اجيب لها 2 وعاجبنى اوى الكوتشيات الخفيفة شكلها حلو اوى للبنات وفيها اشكال تحفة بفكر اجربها مع الكوتشى الرياضى العادى كنوع من التغير

[أم جورى]

شنط الرشيدي يا ام جوري هيبقى فيها زي الصور كده يعني المقلمه شبه الشنطه يعني الطقم كامل شبه بعضه ولا لا والاقيه فين

بصى يا أودى

الحاجات دى بتبقى غالية علشان الشخصيات اللى عليها

الرشيدى عنده شنط حلوة اوى وشخصيات برضه بس مش اصلى لكن متينة انا

جربتها بس ده هيكون فى حالة ان معاها شنطة تانية وتستخدم الاتنين

وكمان عنده المقلمة والمحفظة زى اللى فى الصوة بس لوحدهم

يعنى انتى ممكن تجمعيهم مع بعض

ولو عاوزاها اصلى فى كايو مول هتلاقيها فى محل بليز مم فى الدور التالت

واخد كورنر كدة وكمان هتلاقى عنده اللانش بوكس بأشكال كتير

بس متنسيش تشوفى العلامة سيفتى ولا لأ

[أم جورى]

نسيت أقولكم

لما تجيبوا الانش بوكس بلاش تجيبوا اللى هو بوكس والغطا بتاعه زمزمية مش عملى خااااااااااااااالص

وكمان اللى متقسم كتيييييييير برضه مش عملى

انا اكتر واحد عجبنى اللى هو مفتوح من جوة على بعضه مش متقسم

لأنه بيديكى فصة تحطى كل اللى انتى عاوزاه

والزمزمية كمان الكبيرة بتبقى لخمة أوى

فى زمزميات بتبقى زى الكوباية بس أطول شوية وليها جراب

شيك أوى وصغيرة تتحط فى جيب الشنطة اللى فى الجنب

[noga76]

يعنى الانش بوكس ده مفروض اجيبه كبير و لا الحاجات الصغيره يعنى هو مفروض يكفى ايه جواه انا حاسه ان الكبير هياخد مكان كبير فى الشنطه و الصغير حاسه انه مش هياخد حاجه جواه

[noga76]

حلوه اوى الشنطه الى فيها جيب بره للزمزمه . هلائى زيها فى اور كيدز أو سمير و على ؟

[noga76]

الزمزميه الى بتحتفظ بالحراره احسن و لا العاديه؟ معلش الواحد أصلوه لسه اول مرة

[nashwa1]

استونى عليه انتوا عاوزين قاعده واكتب كل حاجه براحه علشان احنا مستجدين

[UM FARIDA]

بقول ايه هو اللنش بوكس بيطحط جوه الشنطة ولا بيتشال وحده وبعدين الله يرحم ورق اللحمة

[Ananasa]

بقول ايه هو اللنش بوكس بيطحط جوه الشنطة ولا بيتشال وحده وبعدين الله يرحم ورق اللحمة
هاهاهاها
لا اللنش بوكس جوة الشنطة يا فري

[أم جورى]

بصى يا نوجا

الانش بوكس الكبير لخمة على الاخر

الوسط حلو يعنى ولا كبير ولا صغير

أو كيدز اشكال وهمية وانتى هتعرفى تختارى

بصى المفروض ساندوتش وانا بحط جزر وخيار أو موزة مثلا كدة يعنى

ولو انتى هتجيبله حلويات وده يكون افضل بحط واحدة مندولين مثلا أو قطعة كيكة

على حسب انتى هتديله ايه بس عودية على الخضراوات خس خيار جزر فلفل رومى علشان الوجبة تكون متكاملة

بالنسبة للشنط موجودة طبعا وكلها فيها جيبيبن من الجنب

ومن ادام كمان

يعنى انا بحط الانش بوكس فى السوستى اللى ادام مش مع الكتب خالص

والزمزمية فى جنب ولو عصير فى الجنب التانى فاهمانى

وفى كمان فى اور كيدز زجاجات للعصي حلوة أوى لو هتعملى عصي فى البيت

والزمزمية اللى بتحتفظ بالحرارة حلوة بس انا مشفتش منها غير حجم كبير

فبعمل ايه بجيب زمزمية عادية واتلج الميا يعنى قبل ما انام احطها فى الفريزر

وطبعا بصحها قبلهم احاول لو اتجمدت افكها شوية بحيث انها تكون ساقعة

وبعدين فى المدرسة كولدير ساقع لو خلصت يملوا منه

[UM FARIDA]

طب يا جوجو اللنش بوكس ده ميسعش الزمزمية

[أم جورى]

نسيت حاجة انا عمالة افتكر علشان تعرفوا كل حاجة

وانتو بتشتروا المستلزمات اساسىىىىىىىىىىىىىىىىىىىى

خرامة ودباسة وسوليتيب وفى منه دلوقتى اشكال يعنى مش سادة زى ايامنا

السودا لأ عليه شخصيات وعرايس ودبدوب كدة يعنى

وكمان تجيبوا فايلات ملونة وبرضه مش بتاعة زمان لأ فى دلوقتى باربى وفلة

وميكى وحاجات لذيذة تيجبوا منها

علشان لما ياخدوا شيتات من المدرسة يبقى كل مادة ليها فايل

ما تبقاش العملية سايحة على بعضها

زبلوك نوت وأظرف علشان لو عاوزة تفقعى زمبة فى تيتشر مضايقاكى هههههههههه

وستيكرز علشان لو التيتشر طنشت انتى تشجعى الولاد

وكمان الهوم وورك لما يتعمل كل صفحة الزقى فى الاخر ستيكر

بيبقى الشكل منظم وجميل أوى والولاد بيفرحوا جداااااااااا

[أم جورى]

طب يا جوجو اللنش بوكس ده ميسعش الزمزمية


بصى يا فرى فى لانش بوكس عبارة عن بوكس للسندوتشات والغطا زمزمية

بس مش عملى خالص لأن الزمزمية هى اللى بتقفل البوكس وكمان لازم يتشال

لوحده

هقوم اصورهلكم علشان مش تيجيبوه

السنوتشات بتتعجن جدااااااااااا

احسن حاجة لانش بوكس متوسط برضه هصورهلكوا وزمزمية صغنونة تتحط فى الجيب
هو العيل هيشيل ايه ولا ايه

روحى اور كيدز هتلاقى العجب كله هناك شنط ومستلزمات وأدوات وزمزميات

[UM FARIDA]

انا مش عاوزة غالي اوي لان اليونيفورم مريييييييييييييع بالف جنيه

[أم جورى]

انا مش عاوزة غالي اوي لان اليونيفورم مريييييييييييييع بالف جنيه

هو ايه اللى مش عاوزاه غالى ؟؟

الشنط فى مكتبة الشيدى اسعارها حلوة أوى يعنى اغلى شنطة ممكن تكون ب100

[Ananasa]

استونى عليه انتوا عاوزين قاعده واكتب كل حاجه براحه علشان احنا مستجدين
انوششششششششششششششششش
ازيك اخبار محمد ايه؟؟؟؟؟

[أودي]

الزمزميه دي والانش بوكس من فين يا ام جوري

[UM FARIDA]

سواء الشنطة اللانش بوكس الزمزمية انا مستنيه مهرجان المدارس بتاع كارفور

[أم جورى]

ما انا قلتلك يا أودى فى كايو مول كله

وكمان زى ما فرى بتقول تابعى موقع كارفور بينزل كل مستلزمات المدارس


ايه رأيكم نتقابل هناك ههههههههههه

هو ده المكان اللى هيسعنا كلنا

كل واحد تقلب ولادها فى باسكت وتجر

والاسماعيلات يروحوا يقعدوا على اى كافيه

[UM FARIDA]

ايوه صح بس ده ممكن نلاقي بعض ازاى

[أم جورى]

سهلة أوى معانا الموبايلات ونتفق على اليوم والساعة وعلى مكان نقف عنده

[UM FARIDA]

لا في اسهل نسال الست الحامل بتاعت غوغو

[Ananasa]

لا في اسهل نسال الست الحامل بتاعت غوغو
هاهاهاها
الست هتولد مننا
الرحمة عليها

[أم جورى]

بصوا ده الوسط ومش متقسم عملى بصراحة


http://up.arab-x.com/July09/Qpj88528.jpg

ده جزئين فوق بعض ومتقسم من جوة برضه كويس


http://up.arab-x.com/July09/4OE88528.jpg


ده اللى غطاه زمزمية بس بعد الحادثة ده بأة وحش جدااااااااااااااااا

http://up.arab-x.com/July09/F0F88528.jpg

ده للعصير

http://up.arab-x.com/July09/1mt88780.jpg

[UM FARIDA]

اهههههههههههههههههههههههه طيب يا جوجوزمان وانا صغير كان عندي لانش بؤس قصدي بوكس وكانت الزمزاميه بتتحط جواه

[أم جورى]

فرى مش فاهمة جد ده ولا هزار انتى عاوزة ايه يعنى دلوقتى:[MM

[UM FARIDA]

لا بجد والهي كان عندي لانش بوكس بس الزمزامية بتتحط جوة مش راكبه في الغطى لا ليها مكان جوة وكانت صغيرة بس بصراحة كان حلو اوي مافيش زيه دلوقتي

[UM FARIDA]

زى ده http://blog.epromos.com/archives/class-of-3000-lunch-box.jpg

[nashwa1]

انتوا هنا وانا هناك عماله اكلم نفسى
انوس ازيك
يا بنات حلوه اوى فكرة كارفور اننا نتقابل هناك عند الست الحامل وواحده واحده تعدى عليها تسألها على الباقيين
ايه رأيكم

[أم جورى]

اهااااااااااااا فهمت قصدك لأ يا بنتى موجود

أنا شفته وأخت جوزى جايباه لابنها فعلا كان تايه عن بالى خاااااااالص

موجود فى أور كيدز برضه هو صاج مش بلاستيك

[nashwa1]

اتفضلوا يمكن ينفع
http://bernasos.net/catalog.aspx?GUID=bd517b5b-e6cd-43a6-8592-efbf04d889b5&res=1024

[أودي]

بس بشرط يا ام فريده اخر واحده تسأل الست الحامل بتاعت غوغو تبقى دكتوره عشان تولدها

[ghofran2009]

هههههههههههههه ...........موضوع حلووووووو اوى
بس يا جبابرة اتقوا الله فى الست الحامل وادعولها ربنا يقومها بالسلامة لانها تعبانة
وبعدين متهيالى انها هاتولد قبل ما تتقابلوا
وابقوا دوروا على واحدة حامل تانى
اناناسه كانت شورى اننا نشوف بعض ..........

شورى عووووووووووووووووووورة

[GalB o5taha]

بالتوفيق :) ..

[kouky5]

السلام عليكم يا حبايبي

طبعا الواحد مش هيلاقي حاجة يقولها بعد مع ام جوري ربنا يكرمها قالت كل حاجة

الانش بوكس فعلا زي ما ام جوري قالت بلاش اللي متقسم وحجمه يكون متوسط احسن والبلاستيك افضل من اللي عامل زي الشنطة
الشوز يفضل اللي نعلها يكون زي كوتشي السبورت علشان ما يزحلقهمش اثناء الجري

[om omar2005]

صباح الخير يا امهات ربنا يخليكوا حلوة الحاجات اللى انتو قلتوها هتساعدنى جدا لانى اول سنة مدارس و ربنا يستر

[lolymd]

على فكرة يا جماعة كمان التوحيد و النور فيه شنط حلوة قوى و أسعارها أكتر من رائعة و بتعيش في حدود 30 و 40 جنيه يعني ممكن الواحدة تجيب 2 أو 3 يبدلوا فيهم وأهو كله تغيير

[lolymd]

أنا كنت عاملة كدة مع بنتي بس هي كانت preschool وبعدين متنسوش إنه لازم يبقى معاهم في الشنطة فرشة أو مشط وفرشة أسنان ومعجون عشان يتعودو يغسلوا سنانهم بعد الأكل

[om body&yousef]

ازيكو يا هوانم عملين ايه؟
انا جبت لبودى شوز حلو اوى من زلط الى فىعباس و كان حلو جدا و مريح بحوالى110
و فى زى هيبر ماركت متخصص فى ادوات المدرسه اسمه الفيومى على طريق صلاح سالم بيبيع الحجات دى بسعر الجمله

[odo2da]

السلام عليكم من فضلك يام بودي هو الفيومي ده موجود فين بالضبط في صلاح سالم

[nashwa1]

السلام عليكم
اسمه محسن الفيومى قبل مطلع الكوبرى لو انتى جايه من بعد نفق الازهر بتكملى ومتطلعيش الكوبرى وتلفى من تحته واول ش يمين هتلاقى اليافطه بتاعته واضحه جدا

[أم جورى]

صباح الخير

افتكرت حاجة كمان

تحطى فى شنطة المدرسة بيبى ويبس اللى هى المناديل المعطرة بس طبعا

الحجم الصغير وفى كمان منها ديتول معقمة يعنى مناديل برضه

وتعوديه انه يمسح ايده بيها قبل الاكل وبعده

وحاجة مهمة بجد بس ما تتريأوش عليا

تفهموهم كويس جدااااااااااااااااااااااااااااااا ان محدش يدخل معاه التويلت

يعنى الدادة ممكن تساعده برة لكن ما تدخلش معاه او ما تلمسوش

فاهمنى طبعا لأن بلاوى بتحصل وبنا يستر على ولادنا كلهم

[أودي]

ام جوري .... كلامك صح وفيه كتير حذروني بردو وكمان في الباص بتاع المدرسه وياريت تفضلي تزني على المشرفه انها تاخد بالها كويس لان في بعض المشرفات في الطراوه وبتحصل مشاكل خصوصا السن الصغير .

طيب لو مسمعش الكلام طيب يبقى التعامل ازاي وخصوصا ان ابني واحنا في البيت غلبت اقله غطي نفسك لكن حاسه انه مش مستوعب اعمل معاه ايه واعلمه ازاي

[noga76]

Om gory ana wa2na hena fe el masyaf la2et me7alat laha foro3 fe city stars la2et 3andohom el shanta ely 2olty 3aleha we kaman el zamzameya benafs el shakl ely gowa gerab besara7a 7elween awi we 3alehom sha5syat spacetoon. Bas ana 7asa en el 2s3ar maghalyenha 3ashan el masyaf ya3ny el shanta fe 7odod 150 bas el zamzameya ghalya be 80. Heya el as3ar keda wala astana lama arga3 a7san ?

[أم جورى]

نوجا

اولا ترجعى بالسلامة يا قمر

لأ غالية أوى كدة

ده أور كيدز اللى هو اصلا غالى اسعاره حلوة أوى يعنى اغلى زمزمية كانت ب70

تقريبا

أنا شايفة انك تجيبى من هنا افضل وكمان زى ما أم فريدة قالت كارفور هيعمل

عروض للمدارس وأنا متابعة أول ما يبدأ هقولكم

أودى

بصى لازم تفهميه كويس أو خوفيه بأى طريقة احنا فى زمن ما يعلم بيه الا ربنا

كويس انك فكرتينى بمشرفة الباص

بصى لازم تشوفيها بمعنى انك كل فترة تديها مبلغ بسيط

يعنى أنا بديها ظرف فيه مثلا 20 أو على حسب انتى هتديها ايه

فى الاعياد مثلا هى هترفض فى الأول بس اضغطى عليها لأن الحاجات دى ممنوعة

بس هتاخد بالها منه كويس أوى

وكمان لو احتاجتيها فى أى حاجة هتعملهالك

طبعا بتاخدوا رقم تليفونها علشان ترن الصبح عليكم

وبعد الضهر كمان احنا بيعملوا عندنا كدة

وانا كتييييييييييير بتزنق فى حاجات ومش بقدر اروح

كنت اتصل بيها تعملى اللى انا عاوزاه بصراحة

[om body&yousef]

لا الاسعار غاليه لو مش ماركه طبعاو الزمزميه غاليه جدا

[odo2da]

السلام عليكم يااحلويين
انا روحت انهاردة عالم سمسم اللي في مصطفى النحاس وسألت على حاجة المدرسة لاقيتها لسه مانزلتش قالولي على اول شهر 8 انشاء الله وكمان اور كيدز اللي في مصطفى النحاس قالوا على نص 8

[om body&yousef]

صباح الخير يا جماعه عملين ايه
بصو بقى ليه نجيب للولاد شنطه جديده السنه الجايه لو هو الشنطه زى الجديده احنا كده هنفسد اخلاقهم ويتعودوا على كده بالعكس المفروض انه نعودوا على تحمل المسؤليه بس مايبقاش عقاب انه حافظ على الشنطه بس نقوله بالفلوس بتاعت الشنطه هانجبللك ساعه شوزاى ماركه جامد او اى مكافاه يقدر يوريها لاصحابه فى المدرسه علشان يبقى فى حاجه جديده يروح بيها المدرسه و ما تكونش عنده يا جماعه دا فى ناس ممعاهاش يجيبوا ثمن شنطه ب10 جنيه مش 100و150.لازم نحس بيهم هما و اولادنا ولا رايكم ايه

[ام راما و رتاج]

صباح الخير يابنات
ام يوسف والله انا معاكى جدا وخصوصا ان بنتى عايزه كل يوم حاجه جديده وانا عايزه ابطلها العادة دى. انا فكرت انى اغير بس الشنطة لكن الباقى انا شايفه باقى الحاجات زى ما هى تقريبا علشان كده هتفق معاها اننا نجيب 2 شوز بدل الانش بوك والانش باج والمقلمة وبرضه هتفق معاها اننا نجيب اقلام حلوة و استيكرز وحاجات كده بتمن الحاجات التانية


بس عايزه اسالكم سؤال بايخ يابنات موضوع مصروف المدرسة بتعملوا فى ايه يعنى بتتدوا اولادكم فى السن ده كام تقريبا الموضوع ده مضايقنى لان الحاجات ف المدرسه بتكون غاليه شويتين عن بره ساعات بقول لها مفيش مصروف معاكى كل حاجة بس هى بعد يومين بتقولى كل اصحابى بيشتروا اشمعنى انا! فبصراحة محتاره

[om body&yousef]

صباح الخير يابنات
ام يوسف والله انا معاكى جدا وخصوصا ان بنتى عايزه كل يوم حاجه جديده وانا عايزه ابطلها العادة دى. انا فكرت انى اغير بس الشنطة لكن الباقى انا شايفه باقى الحاجات زى ما هى تقريبا علشان كده هتفق معاها اننا نجيب 2 شوز بدل الانش بوك والانش باج والمقلمة وبرضه هتفق معاها اننا نجيب اقلام حلوة و استيكرز وحاجات كده بتمن الحاجات التانية


بس عايزه اسالكم سؤال بايخ يابنات موضوع مصروف المدرسة بتعملوا فى ايه يعنى بتتدوا اولادكم فى السن ده كام تقريبا الموضوع ده مضايقنى لان الحاجات ف المدرسه بتكون غاليه شويتين عن بره ساعات بقول لها مفيش مصروف معاكى كل حاجة بس هى بعد يومين بتقولى كل اصحابى بيشتروا اشمعنى انا! فبصراحة محتاره
انا فكرت اديلو فى الاول 5 جنيه بس بعد كده قلت ده صغير اوى على انه يفهم الفلوس انا اشتريلو الى عوزه من بره ياخده معاه لحد ما يستوعب يعنى ايه مصروف و كمان يعرف ايه الحاجه الى يشتريها والحاجه المضره و ميشترهاش

[أم جورى]

أم راما

موضوع المصروف ده صعب جدااااااااا

انا بنتى فى برى 2 السنة اللى فاتت جاية تقوللى فى بنات بياخدوا مصروف 10

جنيه اشمعنى هما ولما سألتها قالتلى هما كبار

انا بحل الموضوع ده

انا بجيب حاجات بالكرتونة يعنى مثلا علبة ماندولين علبة كيك علبة مولتو

بجيب 3أو 4 انواع وبجيب باكت عصير

بديهم كل يوم اللى هما يختارروه

وبعملهم يوم واحد فى الاسبوع يختاروا اللى هما عاوزينه من السوبر ماركت

زبادو مثلا كانز اى حاجة هما عاوزينها

ويوم الخميس بديهم 5 جنيه يجيبوا من المدرسة لأن برضه دول أطفال وعاوزين

يجيبوا زى اصحابهم بس فى حدود وكدة هما بيفرحوا وبيكونوا مستنين يوم

الخميس علشان ياخدوا المصروف

بس اهم حاجة انك تنوعى فى الحاجات اللى بتجيبيها وهما اللى يختاروا كل يوم

علشان ما يحسوش انه اجبار

[الاميرة طماطم]

ازيكم يا قمرات...
حلو قوى الموضوع ده

بس اسمحولى انا ليه رأى فى موضوع الشنط والاحذيه والادوات الغاليه الى بتتكلموا فيها

اولا .. الطفل مش هيفهم الحاجة دى بكام ولا هيفهم دى ماركة ولا غيرو
فى الى هيقولى الغالى تمنه فيه والماركة بتعيش اكتر

ارجع اقولكم انه مش شرط .. وحتى لو كان... السنه حوالى 7 او 8 شهور على ترمين يبقى اجيب منى كل حاجة 2 والطفل بيفرح اكتر بالحاجة الجديدة يعنى السنه الى فاتت جبت لبنتى كوتشى من التوحيد والنور كان بـ حاجة و 40 جنيه اسمه ارك شوز والله لسه لغاية دلوقتى بحالته محصلوش حاجة بس علشان افرحها جبت لها واحد تانى فى الترم التانى
ونفس الفكرة فى الشنط
وبالتالى اهم حاجة تكون الحاجات متينه واسعارها معقولة
لو مصرة تدفعى ال 150 جنيه فى الكوتشى يبقى هاتى تلاته او حتى اربعة

يا جماعة لموا ايديكم شويه فى المصاريف اولادنا اولى بفرق السعر الزمن دة مش مضمون لازم تعملوا لكل واحد فيهم دفتر توفير او وثيقة فى اى بنك .. انا عن نفسى بحوش لولادى من دلوقتى علشان عايزة ادخلهم جامعة محترمة وانا لو النهاردة ربنا ميسرها معانا بكرة فى علم الله
وفى نفس الوقت هم مش محرومين من اى حاجة

دى نصيحة لوجه الله تعالى ..اللهم بلغت اللهم فاشهد

[ام راما و رتاج]

ام يوسف انا برضوا حسيت انها صغيره اوى على انها تاخد 5 جنيه كل يوم هى كانت كى جى 2 ربنا يعينا لما وهما لسه فى جى كى ياخدوا 5 جنيه لما يدخلوا اعدادى هياخدوا كام ؟!
ام جورى حلوة فكره المصروف يوم فى الاسبوع لانى فعلا بحس انه صعب اقول مفيش مصروف خالص وعلى فكره انا كده كده بجيب لها حاجات حلوة معاها غير المصروف وكانت ايام كتير هى بنفسها تقولى انا مش صرفت حاجة وبعد الغدا تنزل تشترى من السوبر ماركت وده كان افضل لى بكتير على الاقل كنت بشوف هى هتجيب حاجه كويسه ولا لا هحاول اتفق معها وربنا ييسر

[أم جورى]

طمطم كلامك واقعى جدااااااااااااا انا هفكر فيه بجد

[miama]

عجبني قوي كلام الاميره طماطم وجوجو

جزاكم الله خير

[om body&yousef]

يا جماعه لازم نفهم اولادنا حاجه مهمه ان فى اولاد بياخدوا 5و6و10 جنيه زى ما بتاقولوا بس فى ناس برضوا بيخدوا50 قرش او ما بيخدوش خالص هما صحيح مش معاه فى المدرسه بس احنا لازم نعودهم زى ما فى ناس بتاخد كثير فى ناس ما بتخدش خالص علشان يقدر يعيش فى الزمن ده و انه يكون قنوع بالمصروف بتاعه و ما يبصش لغيره
وبعدين فى نقطه مهمه لازم المصروف مايكنش اكثر من حاجته حتى لو فى مقدرتك تديله الى عوزه لان ده خطر جدا و انتو عرفينhttp://www.lakii.com/vb/smile/22-57.gif

[muslium]

على فكره يا بنات انا مع ام بودى و يوسف فى حكاية المصروف و مع الأميره طماطم فى موضوع الحاجات الغاليه
و الحمد لله انا عندى تجربتى فى الموضوع ده او لا الطفل على ما تعوديه و انتى اللى هتعوديه يصرف أزاى و بأى معدل و على ايه انا شايفه ان 5 جنيه لطفل صغير فى اليوم كتير تخيلو هيشترى ايه بيهم كلها حاجات خطر جدا على صحته و هيضر نفسه و مش هيبنى جسمه كويس فى مرحله هو محتاج فيها يبنى نفسه بدنيا و الأهم ثقافيا يعنى ايه اللى يشتريه و ايه اللى ميشتريهوش

انا معوده بنتى من صغرها و معرفاها ان الحاجات ديه مضره جدا و لما نحب نجبها بنجبها على فترات بعيده و فعلا فضلت كده فى كى جى و اولى و تقريبا مرتين فى الأسبوع و حاجه واحده بس علشان انا فعلا خايفه على صحتها و مكنتش بديها مصروف خاااالص لكن بديها الفلوس فى ايديها و اروح معاها و هى بتشترى و اخليها تدفع للراجل و لما كانت بتقولى اصحابى كنت بفهمها انهم غلطانين و مش هو ده الصح و المفروض بدل انتى ما تعملى الغلط زيهم تعلميهم ايه هو الصح و كده هتاخدى ثواب و الحمد لله ربنا وفقنى و اقتنعت
ده غير ان باباها فى اخر الأسبوع بيجيب لينا كلنا حاجات حلوه و متنوعه فكده كفايه اوى

لما كبرت شويه بقيت و بقت تفهم يعنى ايه فلوس بقيت اديها مصروفها بالشهر و هى حره تشترى بيه اللى هى عاوزاه بس المصروف ده أساسا مش علشان الحاجات الحلوه لأ ده علشان تقدر تحوش منه و تشترى منه اللى هى عاوزاه يعنى مثلا هى اشترت لنفسها لعب كتير اوى بيه و كمان بتحوش علشان تجيب عجله مثلا او اى حاجه تحبها و طبعا كل اسبوع باباها بيجيب الحاجات الحلوه و انا كمان بجبلها مرة واحده فى الأسبوع من عندى يعنى من بره المصروف و فى حاجه كمان عملالها حوافز ثابته يعنى مثلا لو حفظتى جزء القرأت تاخدى كذا لو قراتى جزء قرأن تاخدى كذا لو طلعتى الأولى على الفصل تاخدى كذا و كده يعنى
و هى بعد فتره حست بقيمة الفلوس يعنى مثلا فى الأول كانت تتسرع و تشترى اى حاجه تعجبها حتى لو مكنتش كويسه لعبه مثلا هتتكسر علطول او اى حاجه مش متينه و لما لقت كده بدأت تحس بقيمة انها تتريث قبل الشراء و مش معنى انى اقدر اجيب الحاجه اجيبها و خلاص و ده سلوك مهم جدا جدا لأنى لحد دلوقتى بلاقى ناس بتشترى حاجات كتير لمجرد انها تقدر تشتريها مش علشان هى ذات قيمه و كمان تطبيقا لقول سيدنا عمر او كلما اشتهيت اشتريت !!
مش معنى كده انها محرومه لا ابدا خالص ساعات انا و باباها بنكملها على اللى معاه و تشترى اللى هى عاوزاه طالما انها ملتزمه فعلا و تستاهل كده بس هى تربيه و متقولوش صغيرين أنا بدأت ده مع بنتى من قبل حتى ما تدخل كى جى و ده لازم قبل ما يختلط بالمجتمع و يبدا يستقى ثقافته منه لازم انتى تكونى كونتيلوا ثقافته

معلش طولت عليكم اتمنى انى يكون كلامى مفيد حبيت انقل لكم تجربتى
مع حبى :)

[muslium]

بالنسبه لموضوع الحاجات الغاليه بتاعة مستلزمات المدارس انا بعمل زى ما طماطم بتقول انا ممكن اجبلها شنطتين مثلا بس مش مع بعض بمعنى طول ما الشنطه مثلا كويسه و شغاله اوكى اول ما يحصلها حاجه على اللى بعده يعنى ممكن اتنين فى السنه و لو كانت الشنطه زى ما هى بحالتها مفيش مانع تاخدها السنه اللى بعدها و مبتبقاش مضايقه و لا حاجه هى فاهمه كويس اوى يعنى ايه موارد و اهميه المحافظه على الموارد و عدم الأسراف و ده مش بالنسبه لموارد الأسره لا ديه موارد الكره الأرضيه كلها يعنى مثلا الشنطه مصنوعه من ايه خامات بتروليه مثلا طيب مهو معنى كده اننا نستخرج بترول اكتر علشان نغطى اسرافنا و البترول فى الأرض ينضب مع اننا كان ممكن نرشد و نستخدمه فى حاجات افيد و هكذا و ده بينطبق على كل الحاجات اللى عندها فكرة ان لازم جديد ديه مش موجوده عندى خاااالص جديد اوكى على عينى وراسى لما القديم يخلص حرام ارمى حاجه جديده او حتى اديها لمحتاج و انا اقدر اديه حاجه جديده فاهمين قصدى ممكن بالفلوس ديه اشترى حاجه لحد محتاجها و اوديهاله و اخليها تشاركنى فى كده و تعرف ان ديه كانت حاجه اهم و اسمى فرحت ناس معايا بدل ما افرح انا لوحدى و شاركتهم و شاركونى و ده اهم و يبنى شخصيه يعتمد عليها و من الصغر
يا ريت يا جماعه نحط فى دماغنا و احنا بنربى اولادنا اننا بنريى صلاح الدين و عمر و عثمان و على عايزنهم كده
على فكره كان فى منهم الغنياء جدا جدا و اللى كان بيجهز جيش بحاله و فى نفس الوقت فى الأعتدال فى الأنفاق بل و الزهد فى الدنيا اللى هعوده على الأعتدال دلوقتى هو اللى يقدر يزهد فى الدنيا بعدين و هو اللى يقدر يدير بلد مواردها محدوده و يخلى منها بلد متقدمه ان شاء الله و الله المعين
و يا رب يوفقنا كلنا لصالح اولادنا و امه المسلمين و يتقبل منا عملنا و تعبنا معاهم و يبارك فيهم أمين يا رب

[noga76]

نوجا

اولا ترجعى بالسلامة يا قمر

لأ غالية أوى كدة

ده أور كيدز اللى هو اصلا غالى اسعاره حلوة أوى يعنى اغلى زمزمية كانت ب70

تقريبا

أنا شايفة انك تجيبى من هنا افضل وكمان زى ما أم فريدة قالت كارفور هيعمل

عروض للمدارس وأنا متابعة أول ما يبدأ هقولكم

أودى

بصى لازم تفهميه كويس أو خوفيه بأى طريقة احنا فى زمن ما يعلم بيه الا ربنا

كويس انك فكرتينى بمشرفة الباص

بصى لازم تشوفيها بمعنى انك كل فترة تديها مبلغ بسيط

يعنى أنا بديها ظرف فيه مثلا 20 أو على حسب انتى هتديها ايه

فى الاعياد مثلا هى هترفض فى الأول بس اضغطى عليها لأن الحاجات دى ممنوعة

بس هتاخد بالها منه كويس أوى

وكمان لو احتاجتيها فى أى حاجة هتعملهالك

طبعا بتاخدوا رقم تليفونها علشان ترن الصبح عليكم

وبعد الضهر كمان احنا بيعملوا عندنا كدة

وانا كتييييييييييير بتزنق فى حاجات ومش بقدر اروح

كنت اتصل بيها تعملى اللى انا عاوزاه بصراحة

الله يسلمك يا ام جورى انا مش عارفه الشنطه د ماركه و لا لأ انتو تقصدوا بالماركه نايكى و أديداس و لا فى ماركات تانيه لشنط المدرسه ؟ هى الشنطه عليها شخصيات سبيستون هو المحل اسمو KAMS له فرع هنا فى الساحل وفى سيتى ستارز و فرع فى الماظه على فكره انا اتصلت بفرع سيتى ستارز قالى نفس الاسعار. استنى أحسن ينكن الاقى حاجات أحسن لما ارجع ؟

[أم جورى]

لا يا نوجا هى زى ما بتقولى كدة غالية علشان الشخصيات اللى عليها

وبعدين طالما سألتى ولقيتى نفس السعر هاتيها هى مش هترخص ولا حاجة

[kouky5]

الله يسلمك يا ام جورى انا مش عارفه الشنطه د ماركه و لا لأ انتو تقصدوا بالماركه نايكى و أديداس و لا فى ماركات تانيه لشنط المدرسه ؟ هى الشنطه عليها شخصيات سبيستون هو المحل اسمو KAMS له فرع هنا فى الساحل وفى سيتى ستارز و فرع فى الماظه على فكره انا اتصلت بفرع سيتى ستارز قالى نفس الاسعار. استنى أحسن ينكن الاقى حاجات أحسن لما ارجع ؟

نوجااا يا جميلة ..كامز محل حاجته حلوة بس الحاجات دي غالية علشان اصلي يعني ديزني او حسب الشخصية اللي علي الشنطة ..لو عجبتك هاتيها لان كامز اسعاره واحدة في كل الفروع وهتلاقيها برضه في المحلات التانية بنفس السعر طالما اصلي ..يعني كل المحلات هتلاقيها بنفس السعر لو نفس الماركة

[ghofran2009]

ما شاء الله عليكى يا مسلم
كلامك كله صح والله ربنا يباركلك فى بنتك يا رب وتشوفيها من الصالحات
على فكرة انا باعمل حاجات كتير من اللى بتعمليها مع بنتك
وعلى فكرة يا جماعة انا الدكتورة كانت حذرتنى جااااااااامد من الحاجات بتاعة الاطفال دى الشيبسى والمصاصات والحاجات دى اللى بيحبوها كلها الوان صناعية وبلاوى وخطرها كبير اوى
وانا مفهمة بنتى ان الحاجات دى خطر ومؤذية
بس برضه مش حرماها منها بجبلها بس على فترات مش كل يوم
واللى باقدر اعمله فى البيت باعمله لان الدكتورة قالتلى حاولى كل حاجة تبقى فريش وتعمليها بايدك يعنى العصير اعمله فى البيت حتى الايس كريم بجيب بودرة دريم دى وبضربها مع لبن بمضرب البيض والله بيبقى تحفة وبنتى بقت بتحبه اكتر من اللى برة وممكن تحطى معاه شوية كريم شانتيه بس جيبوه الفانيليا بلاش الحاجات التانية يكون احسن يعنى عشان الاوان الصناعية
الشيبسى انا باعمل البطاطس فى البيت بيبقى طعمها زى اللى فى ماكدونالدز
وبتحبها اوى برضه وكدة يعنى اللى تقدروا تعملوه بايدكم فى البيت اعملوه عشان صحتهم قبل اى حاجة تانيه
وكلام طماطم عن شراء مستلزمات المدارس والتوفير للاولاد عين العقل والله
ربنا يكملكم بعقلكم يا بنات

[أم ملك و مريم]

السلام عليكم يا بنات انا معاكم ان الواحد ادام معاه يصرف و يجيب كل حاجة عجباة بس انا مثلا و انا صغيرة ماما عودتني تشتري لي كل حاجو ماركة مثلا كوتشي اديداس لو حزاء يبقي من سمراء او محل مشهور في مصر الجديدة غير في كل حاجة بدأ من الملابس الي حتى الملابس الداخلية عارفين اه الي حصل ان لما اتجوزت لو معايا 200 جنية مقدرش اجيب حاجة لان كل حاجة عجباني ماركة و مفيش طقم ماركة ب 200 جنية انا بتعامل مع اور كييدز الدقي مع مركة اسمها جيجلز اقل بلوزة فيها ب 90 جنية لو انا ست عاديه كنت مش هعود بنتي على الماركات عشان متغلبش طووووووول عمرها مفيش حاجة هتملا عنيها غير البرند دا انا دخلت بنتي الراهبات عشان تعتبر ماركة ههههههههههههههه

[miama]

جزاكي الله خير يا مسلمه::HH::
بجد كلامك مقنع جدا
ربنا يقدرنا نربي ولادنا صح
وكمان فعلا احنا مش عارفين المستقبل بطريقة مسلمه دي الولاد هيتعلموا ازاي يواجهوا اي مصاعب هتواجهم

[bent masr]

ما شاء الله يا طماطم و مسلم على كلامكم.............

[bent masr]

مسلم
هى بنتك عمرها أد ايه؟؟؟؟ ما شاء الله على تربيتك....يعنى عشان البنت تكون فاهمة الموارد و البترول و الكلام ده...........بسم الله ماشاء الله,ربنا يبارك فيكى و فى أولادك

[bent masr]

بصوا بصراحة أنا ابنى مدمر شويتين فى استعماله للحاجات, و بالتالى لو حاجة مش ماركة..مش هاتكمل معاه أسبوع على بعض
ده أنا فى أول سنة جبتله كوتشى من لطفى عليه باتمان و كان ب 125 تقريبا......يا دوب ما كملش ترم على بعضه,و الترم التانى دوب 2 كوتشى أنواع مضروبة!!!!!!!!!!!!
السنة اللى فاتت جبتله من أكتف كوتشى تقريبا ب 120 لكن ماشاء الله لسه شغال لحد دلوقتى
أنا بأحب أكتف أوى لينا كلنا...سعر معقول و جودة عالية

[bent masr]

لكن بنتى أحسن الحمدلله
يعنى أنا كنت جايبالها شنطة من شارع هارون فى مصر الجديدة,كان تمنها أقل من 20 جنيه,يمكن 17 أو 18........فضلت معاها سنة كاملة فى الحضانة, و كمان ترم فى المدرسة, و لما اتدمرت جبتلها واحدة تانية نفس الرينج......و لسه كويسة

[bent masr]

لكن الكوتشى بصراحة اللى مش ماركة مش بيعيش مع أولادى خااااااااااااااااااااالص

[kouky5]

ازيك يا بنت مصر وحشاني
قوليلي فين الاقي محل اكتيف ؟

[muslium]

مسلم
هى بنتك عمرها أد ايه؟؟؟؟ ما شاء الله على تربيتك....يعنى عشان البنت تكون فاهمة الموارد و البترول و الكلام ده...........بسم الله ماشاء الله,ربنا يبارك فيكى و فى أولادك


ههههههههههههه

ربنا يكرمك يا حبيبتى يا رب ايوه بترول و موارد كلام كبير فعلا
هى عندها 8 و نصف ورايحه برى 4 بس الحمد لله بتحب تقرأ فى المجالات العلميه كتب من المكتبه و كده يعنى

و الله الواحد بيحاول يعمل اللى عليه طبعا مش كل حاجه بتمشى تمام بس الغالب المفروض يكون كده

و على فكره انا مش ضد خالص ان الواحد يشترى حاجه غاليه و ماركه كمان طالما هو يقدر و الحاجه كويسه و متينه يعنى انا مثلا ملابسى الداخليه ممكن اصرف عليها اى حاجه المهم تبقى مريحانى ههههههههه

أنا بس ضد رمى الحاجات و هى لسه بصحتها و أجيب غيرها لمجرد ان عام جديد بدأ يعنى فلوس على الأرض حرام و كمان موارد مهدره :)

[muslium]

غفران حبيبتى ربنا يكرمك يا حبيبتى يا رب و يباركلك فى اولادك و اولاد المسلمين جميعا

مياما جزانا و اياكى حبيبتى و الحمد لله ان قصدى و صلك فعلا لازم الولاد ينشفوا شويه مش لو حصلتلهم اى حاجه يضيعوا لا قدر الله وربنا يتقبل عملنا خالصا لوجهه الكريم

[أودي]

مسلم وطماطم كفيتو ووفيتو الواحد مش هيقول كلام بعد اللي قولتوه ... هو الواحد يوزنها وبس ميعلمش اولاده ان كل حاجه مجابه لمجرد ان اصحابه معاه في المدرسه بيجيبو بس المهم اني اخلي حجتهم نضيفه وكويسه ومتينه وكمان محسسهوش انه اقل من احد وكمان اعلمه ان فيه ناس اقل منه وحلو فكره انك نشتري مستلزمات مدرسه وتديها لحد غلبان حلوه قوي يا مسلم

[miama]

انا عايزه اسألكم هو الكوتشي لازم يبقى لونه اسود ولا ايه؟

[الاميرة طماطم]

الله ينور يا مسلم

عارفة الانتين كوتشى بتوع بنتى لسة بحالتهم .. بس انا بفكر اوديهم رسالة علشان افرحها بالجديد
وفى الحالة دى مش هيبقى اهدار بالعكس الحاجة الى بتديها للفقير بتدعيلك طول ما هى على جسمة شوفتى استثمار احسن من كدة

[الاميرة طماطم]

اما بالنسبه للحلويات والمصروف فدى ليها حكايه

قبل ما بنتى ما تدخل المدرسة ماكنتش معوداها على الحلويات كتير وكنت منظمه الحكايه دى مع اهلى واهل جوزى
بس لما دخلت المدرسة مابقتش عارفة احكمها علشان هى شايفة الاولاد قدامها بقيت مش قدره افهمها خطورتها لانها صغيرة وفى نفس الوقت مش عايزاها تحس انها اقل منهم بقيت اعمل زى جوجو واجيب الحاجة بالكرتونه علشان اكون عارفة هى بتاكل ايه وبقت تاخد كل يوم حاجتين ويمكن اكتر
تتصوروا النتيجة طول الشتاء عندها حساسية ورشح وفى الاخر الدكتور قالى انها من الحلويات ودى اقل مشاكلها واخذها على جنب وفهمها انها حاجات وحشة وبتوجع البطن وممكن تخليها تاخد حقنه كبيرة وانها بس ممكن كل فترة تاخد حاجة واحدة مش كل يوم

وطبعا علشان هو الدكتور اقتنعت بكلامة وبقت تسألنى احنا بقينا فترة ولا لسه

ودى احد اوائل الحاجات الى خلتنى اقتنع بالمدرسة المصرية الدولية لانهم مانعين السويتس خالص

[الاميرة طماطم]

مى

الكوتشى مش لازم اسود ممكن يكون زى الوان اليونيفورم بيكون شكله اجمل

[الاميرة طماطم]

لكن الكوتشى بصراحة اللى مش ماركة مش بيعيش مع أولادى خااااااااااااااااااااالص

اذيك يا بنوته
طبعا كل واحد ادرى بظروفه وطباع اولادة
بس المهم يكون للحاجة الغاليه احتياج حقيقى علشان ربنا بيحاسبنا على الاسراف الى فى غير محلة

[أم جورى]

والله يا مسلم انتى عسسسسسسسسسسسسسسسسل

هى وصلت للبترول وهى لسة هتستنى لما اشرحلها البترول والموارد

ده انتى طيبة أوى

بصى طبعا الواحد لازم يحافظ على نعم ربنا ويحمده ويشكره عليها وكمان يحافظ

عليها

بس فى حاجات معينة فى سن معين مينفعش معاهم كدة

يعنى مثلا ابنى اللى فى كى جى 2 لما اقوله بترول هيقول عليا عبيطة

انا بعمل زى طمطم بوزع الشنطة القديمة وهى والله مش قديمة بتبقى حالتها

كويسة جدااااا واجيب للسنة الجديدة شنطة جديدة وربنا يهدى ولادنا ويهدينا

احنا كمان

[muslium]

أودى اى خدمه يا جميله :)

طماطم كده كده حتى لو الكوتشى لسه بحالته اكيد هيكون صغر عليه و طبعا ده احلى اسثمار

أم جورى هى كبيره رايحه برى 4 يعنى فاهمه يعنى ايه بترول لكن ابنك طبعا لسه صغير على الموضوع ده :)

[odo2da]

السلام عليكم يابنات لكي كنت عايزة استفسر عن حاجة ياريت اللي تعرف تقوللي ,,, في ناس قالولي ان في مكان في العتبة او وسط البلد كله شنط مدرسية ياريت لو سمحتم اللي تعرف تقوللي لان بصراحة الاسعار اللي شوفتها اليومين اللي فاتوا وانا بسأل على الشنط اسعار خيالية يعني مش معقول اشتري لبنتي شنطة ومقلمة وزمزمية ولانش بوكس ب 480 جنيه انا حاسه انه كتير الشنطة لوحدها ب 290 جنيه وشكرا

[أم جورى]

اودوا انتى ساكنة فين

وعموما فى شنط اسعارها حلوة جداااااااااااااااا فى مكتبة الرشيدى

يعنى فى ب40 و50 و60 وكمان فى التوحيدوالنور شنط حلوة

[kouky5]

نوجااا رجعتي من المصيف ولا لسه ياقمر ...واخبار الشنطة ايه جبتيها من هناك ولا لسه
انا رحت امبارح تشايلد مول علشان اتاكد من اللبس بتاع المصرية اذا كان اختلف عن السنة اللي فاتت ..لاقيته زي ما هو ..واتفرجت علي الشنط هناك اسعارها من 150 اللي من غير جرار 250 اللي بالجرار بس اشكالهم مكنتش عجباني اوي

[odo2da]

السلام عليكم

اام جوري شكرا ع الاهتماام
انا ساكنة في مدينة نصر.انا رحت التوحيد والنور بس الشنط ماعجبتنيش خااااااااالص انا عادي شغال معاايا لغاية 250 او 300 الشنطة واللانش والزمزمية بس اناا مش لاقية غير يا شنطة ب40 او 50 يا شنطة ب250 او 300 هووا ماافيش وسط؟

[أم ملك و مريم]

انا بقترح يا odo2da تروحي اور كيدز او محلات روكسي

[UM FARIDA]

او استني مهرجان كارفور بيبقى فيه الغالي والوسط والرخيص كله كله

[أم جورى]

ايوة فعلا عروض كارفور تقريبا هتبدا 3 اغسطس

اعتقد هتبقى رمضان والمدارس مع بعض

[odo2da]

شكرا ل ام ملك ومريم ول ام فريدة ول ام جوري ووشكلي كده هاستنى عروض كاررفور
شكرا لاهتمامكم

[noga76]

نوجااا رجعتي من المصيف ولا لسه ياقمر ...واخبار الشنطة ايه جبتيها من هناك ولا لسه
انا رحت امبارح تشايلد مول علشان اتاكد من اللبس بتاع المصرية اذا كان اختلف عن السنة اللي فاتت ..لاقيته زي ما هو ..واتفرجت علي الشنط هناك اسعارها من 150 اللي من غير جرار 250 اللي بالجرار بس اشكالهم مكنتش عجباني اوي

انا هرجع ان شاء الله اول 8 . لا و الله ماجبتهاش قولت لما ارجع يمكن اشوف حاجات اكتر و اهو له فرع فى سيتى ستارز ممكن ابقى اروحه و انا باجيب لبس المدرسه. انتى جبتى اللبس و لا لسه ؟ نزلوا اللبس الجديد و لا لسه؟ و بالنسبه للشوز انا شوفت الولاد لابسيين شوز اسود بس كأنه كوتشى على لبس المدرسه فلأيته ماشى اكتر مع لبس المدرسه عن الشوز الاسود العادى و كمان ماشى مع لبس الالعاب عشان انتى عارفه انه اخضر فى كحلى . انتى هتعملى ايه فى موضوع الشوز ؟ هتجبيها منين ؟

[Ms3sam]

-----------------------------------------------------------------------------------------------------------------------------------------------------------------------------------------------السلام عليكم
والله ليكم وحشه يابنات
وبعدين موضوعاتكم جميله قوي وافكار متقولوش
اخباركم ايه؟
بصوا انا استفدت كتير من الكلام اللي قلتوه
بس موضوع كارفور ده اولا هيبقى متاخر شويتين عاوزيين نخلص وبعديين وزحمه وانا من النوع اللي بيتخنق ده غير الرجاله انتوا عارفينهم همه لوحدهم مخنوقين
انا كنت بجيب مع اختي شنط ولادها كل سنه
من التوحيد والنور بس مش اي توحيد ونور بروحه يعني بالنسبه لي اللي في صلاح سالم ده حاجته حلوه والكوالتي مش مضروبه زي بتاع ميدان الاسماعيليه مصر الجديده
والغالي عمره مابيوصل للاسعار اللي بتقولوها يوصل ل100 اقصاها ده السنه اللي فاتت الله اعلم السنه دي هيبقى ايه؟ربنا يجعل كلامنا خفيف عليهم
اما الشوز فانا مع الرأي انها تبقى ماركه عشان تستحمل وربنا معانا بقى في الضغوط الكتيره اللي علينا-------------------------------------------------------------------------------------------------------------------------------------------------------------------------

[أم جورى]

ميس عصام انتى كمان وحشتينا أوى

[kouky5]

مسز عصام انتي وحشاني اوي..اخبارك ايه واخبار الحضانة بتاعة الاولاد ايه مستنيه ردك في موضوع الحضانات


انا هرجع ان شاء الله اول 8 . لا و الله ماجبتهاش قولت لما ارجع يمكن اشوف حاجات اكتر و اهو له فرع فى سيتى ستارز ممكن ابقى اروحه و انا باجيب لبس المدرسه. انتى جبتى اللبس و لا لسه ؟ نزلوا اللبس الجديد و لا لسه؟ و بالنسبه للشوز انا شوفت الولاد لابسيين شوز اسود بس كأنه كوتشى على لبس المدرسه فلأيته ماشى اكتر مع لبس المدرسه عن الشوز الاسود العادى و كمان ماشى مع لبس الالعاب عشان انتى عارفه انه اخضر فى كحلى . انتى هتعملى ايه فى موضوع الشوز ؟ هتجبيها منين ؟

تيجي بالسلامة ان شاء الله يا نوجا.. اللبس في تشايلد مول نزل فعلا بس انا مجبتش لاني لاقيت اللبس الصيفي بتاع كريم علي مقاسه لانه كان كبير عليه السنة اللي فاتت بس ممكن اجيب طقم كمان علي اللي عنده علشان يبدل فيهم بس اكيد الشتوي هحتاج بس لما ينزل في اكتوبر ان شاء الله ...بالنسبة للشوز فعلا زي ما قلتي اللي بتكون اسود بس من تحت عامله زي الكوتشي مش الكلاسيك هي دي اللي عملية اكتر بتنفع مع اليونيفورم العادي ووكمان مع لبس الالعاب ...لسه مش عارفة سمعت من بنت مصر بتقول علي ماركة حلوة اسمها اكتيف بس مش عارفة اجيبها منين ...تشايلد مول عنده شوز حلوة بس غالية انا عجبتني اوي بس كانت ب 250 بس هدور في اماكن تانية لو مالاقيتش هاضطر اجيبها ..السنة اللي فاتت جبت من لطفي وزلط اللي مصر الجديدة هي كويسة وسعرها معقوا كانت في حدود 160 تقريبا

[odo2da]

على فكرة انا سمعت ان اكتيف كان منزل السنة اللي فاتت شوز حلوة اوي وكانت في حدود 120 بس اتنسفت ,, واحدة صاحبتي قالتلي انها سمعت عنها من واحدة وشافتها وعجبتها ولما راحت تجيبها قالولها ديه نزلت اسبوعين وخلصت...
الظاهر اننا لازم نشتغل مخبرين اليومين الجايين علشان نلحق نجيب حاجات المدرسة..!!

[أم جورى]

على فكرة انا سمعت ان اكتيف كان منزل السنة اللي فاتت شوز حلوة اوي وكانت في حدود 120 بس اتنسفت ,, واحدة صاحبتي قالتلي انها سمعت عنها من واحدة وشافتها وعجبتها ولما راحت تجيبها قالولها ديه نزلت اسبوعين وخلصت...
الظاهر اننا لازم نشتغل مخبرين اليومين الجايين علشان نلحق نجيب حاجات المدرسة..!!

على فكرة اكتيف دايما بيعمل خصومات انا جربته فى حاجات كتير

وفعلا بيستحمل جدااااااا وسعره حلو معقول

وكمان بيكون فى كوتشات ريبوك عليها خصومات انا جبت السنة اللى فاتت للولاد

وشغالين حلو أوى

بس نصيحة لما تجيبو كوتشى مش تجيبو الشكل اللى من أودام تحسى ان فى

جزء طالع كدة لفوق مش عارفة فاهمنى ولا لأ يعنى هاتوه فلات

والمقدمة بتاعته حتة واحدة مع الكوتشى

لانه بيتخلع والكوتشى كله بيكون سليم

[أم جورى]

بصو زى ار كدة ده لأ بيتقطع واللزق بيفك حتى نايك

http://img401.imageshack.us/img401/1672/shoe206io4.jpg

http://img401.imageshack.us/img401/5314/shoe209rd3.jpg

اللى بيكون قطعة واحدة كدة افضل زى كدة

http://www.alsowar.com/Upload/youyou/thumb_1733-229165-p3252009113632.jpg

[UM FARIDA]

مس عصااااااااااااااااااااااااااااااااااااااام وحشتينييييييييييييييييييييي
فينك جبتي اليونيفورم ولا لسه


يابنات كنت عاوزة اسال انتوا بتفطروا الاولاد قبل ماينزلو وبيرضوا ياكلو ولا لا ؟؟؟؟؟؟؟؟؟؟؟؟؟؟

[nashwa1]

اه يا فرى كنت لسه هسأل انا عندى مشكله ان محمد مش بيرضى ياكل اى حاجه لما يصحى اعمل ايه

[miama]

مس عصااااااااام ازيك انت مختفيه فين وحشانا :)

كوكي في اكتيف في سيتي ستارز المحل اللي جنب سينابون علطول وفي في جنينه بس مش عارفه مكانه بالظبط واسعاره حلوه وفي فروع في مصر الجديده هبقى اسألك مكانها فين

فري و نوشا انا بنتي مش بترضى تااااااااااااااكل خالص مش عارفه اعمل ايه بس قرأت هنا في المنتدى ان لازم الاطفال يصحو بدري شويه علشان يفوقوا و يصحصحوا كده ممكن ياكلوا
وممكن الصبح يأكلوا حاجات بسيطه بس تدي طاقه زي تمر ولبن او كورن فليكس دي حاجات خفيفه ممكن يتقبلوا يأكلوها غير الاكل العادي:[MM

جوجو جزاكي الله خير

[noga76]

مرسى اوى يا كوكى و لو أكتيف فى سيتى ستارز الواحد يعدى عليه لما يروح يجيب اللبس نشوى روحتى جيبتى اللبس و لا لسه كوكى بتقول انه نزل ؟ انا ان شاء الله هروح على الاسبوع الجاى

[nono caty]

انا لسه قدامي حوالي 4 سنين على ما بنتي تكبر وادخلها مدارس

[kouky5]

ميوش ربنا يخليكي يا قمر

[om body&yousef]

يا جماعه انا كنت عوزه اعرف اول يوم فى المدرسه اعمل ايه و ايه الى مطلب منى يعنى اروح المدرسه الاول قبلها بكام يوم اشوف النظام ايه ولا استنى لاول يوم طيب الولد اخليه يستعد ازى لاول يوم خصوصا انه هيكون لسه خارج من عيد و فسح يا خد ايه معاه فى الشنطه غير لساندوتش و السناك طبعا http://www.lakii.com/vb/smile/2-124.gifhttp://www.lakii.com/vb/smile/2-124.gif يعنى يا جماعه ايه الى بيحصل اول يوم دراسه بضبط يعنى من اول ما اقوم من النوم لحد ما يرجع الولد من المدرسه لو فى هانم مشكوره عندها التفاصيل يا ريت لو تفدنى(و كمان اعمله ساندوتش ايه معاه اول يوم)http://www.lakii.com/vb/smile/2-124.gifhttp://www.lakii.com/vb/smile/2-124.gif

[muslium]

ميس عصام و حشتينى أوى

أم جورى جيتى على الوجيعه انا كل كوتشيات بنتى و كوتشياتى بتفك من الحته اللى قدام و باقى الكوتشى سليم و مفيش فايده حتى النوع اللى فى الصوره الأخيره برده بيفك
فى أشكال جديده نازله بقالها فتره اللى هى كعبها كله حته واحده فلات و مرتفع شويه بحس أنها أمتن عموما انا شاريه واحده و بلبسها و لما تفك هقولكم :)

بالنسبه بقى لأفطار الصبح ده مهم جدا و على حسب ما تعودى طفلك يعنى من قبل المدرسه كده و تاخديه براحه و تفهميه انه هييه المدرسه قربت و احنا كلنا فرحانين و تقعدوا تباركولوا و تحسسوه ان المدرسه ديه حاجه حلوه اوى و يا باخته رايح المدرسه و انتم لأ و حاجات من ديه (كذب أبيض ههههههه)

و المدرسه لها طقوس و من ضمن الطقوس ديه فطار الصبح لازم لازم علشان تبقى نشيط و حلو و امور و الميس تحبك و صحتك تبقى قويه و تجرى و تلعب و حاجات كده

الفطار بقى الصبح يبقى بعد ما تشربيه شويه ميه تبقى محضراله مثلا تفاحه مقطعه او موزتين تلاته او شرائح خيار و طماطم و معاهم 3 تمرات مثلا يعنى اى حاجه فاكهه او خضار بسيطه و تكون طبق واحد صغير كده علشان يرضى ياكل و متكتريش و تحطيله كذا حاجه ممكن لو خلص و عايز تانى تديله حاجه تانيه المهم خليه يحس ان ديه حاجه بسيطه هينجزها فى السريع و ممكن يكمل أكل و انتى بتلبسيه مثلا او و انتى مودياه المدرسه و بس خلاص

و أرجوكم نصيحه لوجه الله متتهاونوش فى موضوع الفطار الصبح ده مهم جدا جدا و حاولوا تقنعوا اولادكم بأى شكل و الله المستعان :)

[nashwa1]

وانا كمان يا ام بودى عاوزه حد يقولى معاكى ايه اللى بيحصل بالظبط اول يوم انا هاخد اجازه كام يوم علشان ابقى معاه
ويا ترى بيكون فى يوم تعارف قبل الدراسه ولا ايه
نوجا لسه ما اشترتش اللبس بس مستنيه الجديد يكون نزل علشان الموجود بيكون قديم من السنه اللى فاتت

[أم جورى]

فرى

غالبا مش بيرضوا نهااااااااااااااااااااااااااائى بس لازم ياخدوا أى حاجة

يعنى بيضة مسلوقة ده لو رضيت أنا ساعات بيرضوا وساعات لأ

أساسى معلقة عسل الصبح أو مربى وأوقات معلقة شيكولاتة اللى هى كريمة

وممكن أم على لو بتحبها تتحط مع اللبن زى الكورن فليكس كدة وعليها معلقة

عسل بتبأة حلوة أوى

أو موزة على حسب بس لازم ياكلوا حاجة الصبح

أم بودى ونوشا

بصوا

أول حاجة تهيأيه نفسيا للمدرسة وتعرفيه انه هيتبسط ويلعب ويقابل صحاب كتير

وبعدين لازم طبعا توصليه انتى وباباه اول يوم

وماتنسيش تصوريه قبل ما ينزل بلبس المدرسة

وكمان تصوريه فى المدرسة دى هتبأة ذكرى حلوة

بالنسبة للشنطة هو الساندوتشات وعصير ومش هياخد حاجة خااااااالص معاه

هو هيرجعلك بالكتب والكراسات لو المدرسة عاملة كراسات

لو مش عاملة هيبعتولك ورقة فيها كل الطلبات بتاعتهم

وكمان المفروض فى جدول بالحصص لو مش هيسيب الحاجت فى اللوكر

احنا عندنا جدول حتى للكى جى بس فى كتب اصلا مش بتيجى من المدرسة

خالص

ولما تروحى أول يوم تعرفى ابنك تبع باص رقم كام ومين المشرفة وتاخدى رقم

تليفونها علشان تتابعى معاها لو تاهت فى العنوان ولا حاجة

لأن أول يوم بيكون فى هرجلة شوية علشان لسة جداد

[أم جورى]

انا لسه قدامي حوالي 4 سنين على ما بنتي تكبر وادخلها مدارس

ربنا يخليهالك وتشوفيها فى المدرسة ان شاء الله

[أم جورى]

معلش سامحونى بأة مش قادرة اكتب تانى

المشاركة اهى فى موضوع نوشا

http://www.lakii.com/vb/showthread.php?t=573898&page=42 (http://www.lakii.com/vb/showthread.php?t=573898&page=42)

[odo2da]

السلام على كل اهل البيت! ايه يابنات لكي مافيش اخبار جديدة عن استعدادات المدارس,انا اشتريت لبنتي اليونيفورم بس الصيفي بس لانهم بيقولوا ان الشتوي هاينزل نص 11 بس لسه ماجبتش الشوز ولا الشنطة,,,ربنا معانا!!

[nashwa1]

يا بنات لبس المصريه اسعاره كالاتى :
تى شيرت صيفى 50 جم
شورت صيفى 56 جم
تريننج الرياضه الشتوى 114 جم
شورت الرياضه الصيفى 35 جم
تى شيرت الرياضه الصيفى 32 جم
جاكت خريفى 74 جم
كاب 15 جم
وكله كوم والمايوه كووووووووووووووووووم 76 جم ولا يسوى 10 جم
ولسه اللبس الشتوى هينزل نص شهر 10
انا لما شفت خامات اللبس اتصدمت

[kouky5]

انا عملت زيك كدة يا نشوي السنة اللي فاتت ...قلت علي المبلغ ده اقل حاجة تكون الخامات احسن من كدة
نشوي استاذنك انزل الاسعار في جروب المصرية علي الفيس بوك

[nashwa1]

طبعا يا كوكى نزلى الاسعار براحتك

[أم ملك و مريم]

السلام يا بنات انا كنت امبارح في وسط البلد لقيت ان احذية المدارس نزلت شفت شوز جميل 90 جنية تحفة بس مشترتوش في محل على باب شارع شريف امام العبد عندة بناتي و اولادي يجنن

[noga76]

نشوى انتى عرفتى محمد فى kg ايه ؟ و جبتى اللبس ؟

[Ms3sam]

السلام عليكم
معلش يابنات انتوا عارفيين الصيف ولخمته............فمش بلحق اقرى كويس........التمس لاخيك عذرا.............ازيكوا كلكوا والله فرحانه قوي انكوا لسه فاكريني.........
كوكي باشا........حضانه ديزني هاوس تحفه بجد متمسكيش عليهم غلطه في النظام والنظافه ونوعيه الاكل كله كله........العيب الوحيد وهو عيب غير عادي......القران............
السن الوحيد اللي بيحفظوه هو سن بري سكوول يوم واحد في الاسبوع نصف ساعه بعد المواعيد الاساسيه للحضانه يعني من 4 الى 4 ونصف طبعا يوم الطفل ينام ويوم ناخدها بدري والحصيله نسيت حتى اللي حافظاه ولسه بدور على اي مركز لتحفيظ القران الصديق عاوز سن كبير مش عارفه شكلي هكمل انا معاها لغايه لما المدرسه تبتدي ان شاء الله بس المشكله في الولد هوه اللي صعبان علي هيطلع مش عارف حاجه
على فكره: السمر كورس بتاعهم غير عادي بيودوهم زيارات لدور ايتام واكوا بارك .......من الاخر ليهم جدول غير الحضانه نفسها بجد تحفه هيه مريحه نفسيا وطيبين قوي مش مناظر على الفاضي لا مناظر وكمان طيبين بس المشكله اللي قلتهالك
ام فري يا قمر وحشاني كتيييييييييييييررررررررررررررر
اخبارك
بصي لسه مجبتش اليونيفورم
انا عاوزاكي تقوليلي الاسعار مفرطه كده زي ما نوشي عامله معلش هتعبك لان جوزي راح مخدتش منه عقاد نافع غير اللون وبطلوع الروح عشان اعرف هجيب قد ايه ؟ يعني هل الطقم على بعضه ب 360 ولا كل حاجه لوحدها

[Ms3sam]

--------------------------------------------------------------------------------------------------اه يا حبايبي نسيت اقولكوا من خبره اختي هي بتجيب شوز المدرسه هاف بووت عشان الشراب يفضل نظيف من السطح+ كوتشي للمدرسه ---------------------------------------------------------------------------------------------------------------------------------------------------------------

[noga76]

على فكره انا كلمت أور كيدز قالولى ان حاجات المدرسه نزلت و قالولى ان عندهم الشنطه الى ام جورى كانت بتقول عليها الى فيها جراب من الجنب للزمزميه و الزمزميه الى جوا جراب و شخصيات سبيس تون عوزا اروح اشوفهم

[kouky5]

مسز عصام وحشاني اوي ..الحمد لله ربنا يوفقك يارب وميرسي علي اهتمامك بموضوع الحضانة
كمان ميرسي لام فري كتيييييييييييييييييييير جداااا بصراحة كانت بترد عليا في اي حاجة كنت بستفسر فيها عن الحضانات

نوجا جوزي سال امبارح في التليفون قالوله ان في حاجات عندهم بس مش كل الشركات وصلت ...فبقول نستني كم يوم كمان عبشان تكون التشكيلة كلها وصلت ولا ايه رايكم .. ولا ممكن تخلص؟؟؟

[kouky5]

انا رحت محسن الفيومي وجبت من هناك شوية حاجات زي اقلام وفايلات ( يفضل الفايل يكون بيتفقل ) وشوية رفايع هو عنده كل حاجة وجبت كمان الزمزمية اللي بجراب بس مش عارفة هي دي اللي قصدها عليها ام جوري ولا لا هي الغطا بتاعها بيتشد لفوق عند الشرب وبعدين نضغط عليها تنزل وبس كدة هي ب 27 جنيه ...ياريت لوعندك صورة يا جوجو للزمزمية تحطيها
بالنسبة للشنط في عندهم تشكيلة لحاجات ديزيني زي اللي موجودة في سمير وعلي بس سمير وعلي التشكيلة عنده احلي بكتير والاذواق احسن ..بصراحة ماعجبنيش عنده الشنط وقلت استني اور كيدز

[nashwa1]

لسه يا نوجا كلمت المدرسه معرفتش اوصل لرد هو فى اى فصل وان شاء الله اللبس هجيبه الاسبوع ده واخلص وبرضه هروح محسن الفيومى والله جوزى قالى امبارح نروح قلتله لا لسه الحاجه مجتش

[noga76]

كوكى طيب الشنط الى فى سمير و على حلوه اجيب منها و لا أور كيدز احسن؟ انا لما سألت فى اور كيدز قالى ان عنده الشنطه و الزمزميه بنفس الشكل و الزمزميه لها مكان فى الشنطه الى فى سمير و على زى كده؟

[noga76]

نشوى انا كمان من امبارح بحاول اكلم المدرسه محدش بيرد عليا !

انتو بتجيبوا الفيلات و الحاجات دى دلوقتى و لا المدرسه بتطلبها مع الطلبات ؟

[noga76]

على فكره يا نشوى الاداره ردت عليا حالا و قالتلى ان مس دينا هى الى مسؤله عن موضوع الفصول فى كاجى بس هى فى اجازه و راجعه الاسبوع الجاى. و قالتلى ان احنا هنجبهم اول يوم و هيرجعوا بالباص
و الله انا خايفه موت من كريم انا مودتهوش حضانه قبل كده ربنا يستر

[nashwa1]

يا نهار ابيض يا نوجا يعنى دى اول مره يسيبك فيها
ربنا يقويكى انتى معانا فى التجمع صح يبقى ان شاء الله نتقابل اول يوم يا رب نكون فى نفس التوقيت علشان محمد وكريم يتعرفوا على بعض ويلاقى حد يلعب معاه ويصاحبه

[nashwa1]

انا مش عارفه برضه اجيب من سمير وعلى ولا اور كيدز
لازم نروح نشوف الاتنين ونقارن هو ده الحل
مش بتيجى معانا ليه هناك فى الرغى

[nashwa1]

يا بناااااااااااااااااات نجيب مستلزمات الكلاس من فايل واقلام والوان دلوقتى ولا لما المدرسه تطلب

[noga76]

اه شوفتى يا نوشا اول مره يسيبنى
اه ان شاء الله انا و انتى و سادينا بنتها اسمها لارا هى جايا من لبنان كمان اسبوعيين
انتى حاطه صور ليكى على الفيس بوك عشان اعرفك ؟ و كمان عايزيين ناخد موبيلات بعض

[noga76]

انا هشوف سمير و على و اوركيدز الاول و لو مفيش حاجه يبقى و انا رايحه اجيب اللبس اعدى على سيتى ستارز

نشوى انتى هتجيبى الشوز منين؟ عشان تبقى سودا و مش كلاسيك.

[nashwa1]

هشوف اكتيف البنات قالوا عليه كويس وكلارك مدينة نصر
انا كنت حاطه صور على الفيس بوك بس شيلتها هبعتلك رقم تليفةنى فى رساله
مردتيش عليه ليه مش بتيجى الرغى معانا

[noga76]

نشوى انا خدت نمرة و هرنلك حالا
انا كمان ناويه أروح يوم الجمعه ان شاء الله عشان اللبس

[noga76]

وصلت ؟

[kouky5]

نوجا ونشوي بصوا يا قمرات استنوا لما المدرسة تديكم ورقة الطلبات اول يوم علشان تجيبوا الحاجات كلها مرة واحدة ...انا جبت شوية حاجة بسيطة زي اقلام وفايلات ولسة ليا نزلة تانية ان شاء الله لما اخد منهم الورقة ... انا جبت الفايلات علشان لاقيتها هناك بالصدفة وعارفة انهم بيطلبوها
سمير وعلي عندهم ادوات مكتبية جميلة جداا ومحسن الفيومي كمان عنده حاجات كتيرة بس هو المفروض اسعاره بالجملة بس ممكن تشتري كل حاجة لوحدها عادي ...يعني لو هتشتري كمية ولا حاجة يبقي احسن محسن الفيومي لكن لو مش كتير يبقي مش هتفرق ممكن سمير وعلي في اي فرع ليهم
بالنسبة للشنط سمير وعلي عندهم شنط ديزني انا عجبني عندهم حاجات بس برضه قلت استني اوركيدز لان الكل بيشكر فيه قلت يمكن الاقي حاجة تانية ..مش عارفة بقي لو حد راح اور كيدز يقولنا ايه الاخبار

[kouky5]

انوش انا شفت في محسن الفيومي الساندوتش ميكر ب 180 ماركة black & decker
بس انتي كنتي جايباه ب 113 اي ماركة؟؟ وجربتيه ولا لسه ..يعني عملي ولا ايه ؟؟

[nashwa1]

بصى يا كوكى انا جبت سندوتش ميكر ماركه بالسون وجمييييييييييل
بصى يا ستى بياخد اتنين توست وبعد ما يخلص تقريبا 2 دقيقه بيكون عمل اجمل سندوتش بيقسم التوست لاتنين مثلث وتكون الجبنه ساحت ومقرمش خفيف كده
بجد حلو جدا

[noga76]

http://www.lakii.com/vb/showthread.php?t=582273&page=20

كوكى تعالى معانا فى لينك الرغى

[noga76]

انا ناويه اروح النهارده يا أور كيدز يا سمير و على بس المهم ان جوزى يرضى و ما يقوليش (يوم تانى ان شاء الله انا تعبان النهارده)

كوكى انتى هتجيبى اللبس أمتى؟ انا يمكن أروح الجمعه

[nashwa1]

هنتستنى بكره يا نوجا لو روحتى تقوليلنا عملتى ايه وخدى ورقه وقلم واكتبى الاسعار

[أم جورى]

ايوة يا نوشا وياريت باة يكون تقرير مصور

أنا اى حتة هروحها بعد كدة هصور واجيب الصور والاسعار

بس انتو ادعوا لعقلة الاصبع اللى عندى يتحرك معايا شوية

[kouky5]

جميل يا نوشا ان شاء الله هجيبه علشان ساندوتشات المدرسة بس المهم الباشا اللي عندي بعد كل ده يعجبه لحسن مطلع عيني في الاكل

نوجااا انا عندي لبس المدرسة من السنة اللي فاتت ومقاسه مضبوط ...لاني كنت جايبة كذا واحد علشان يبدل فيهم والحمد لله شكلهم جداد وهما كانوا كبار عليه السنة اللي فاتت مع اني كنت جايبه اصغر مقاس ..ممكن بعد فترة اجيب طقم لليونيفورم وواحد للالعاب كمان بس مقاس اكبر شوية

[miama]

هالووووووووووووووووووووز
وحشتوني كلكم موووووووووووووووووووووت يا حلويييييييييييييين

روحت النهارده كارفور وطبعا مووووووووووووووت

بس هيبدؤا بكره يا حلوين هيرصوا حاجات المدارس هم رصوا كده شوية حاجات بس الشنط بكرررررررررررررررره والراجل قلي على يوم السبت ان شاء الله هكون خلصت ورصيت كل حاجه:)

[noga76]

مش هتصدقوا روحت أوركيدز و سمير و علي و كارفور !! جوزي كان ربنا هديهولي صحيح منزلش من العربيه في كله بس المهم اني خدت فكره. أور كيدز هايل عنده تشكيلات كتير الشنط الي مش اصلي في حدود 50 و الأصلي من 100 لي 200 و الزمزميه الي بجراب غاليه ب 79 بس الي من غير اسعارها حلوه . الانش بوكس هايجي كمان يومين تشكيله اكتر من الي هو علبه . سمير و علي حاجات أوليله الي عجبتني هما قالولي هيجلهم تشكيله جديده بكره. كارفور انا روحت متأخر كانوا حاطين شنط زي الي في سمير و علي بس اسعارها اقل. يعني الزمزميه الي بجراب في سمير و علي ب حاجه و عشرين في كارفور ب 17 بس انا عرفت ايه الفرق بينهم و بين بتاعة أور كيدز الي ب79 الجراب متبطن بعازل للحراره .بس علي فكره الحاجه بتخلص تخيلوا !

[kouky5]

انتي تجنني يا نوجااااا برافو عليكي يا جميلة ..حلو الانجاز ده ...قوليلي بقي اشتريتي ايه من اور كيدز ..وكان زحمة ولا ايه ؟؟ربنا يسهل واعرف اقنع جوزي اننا نروح بكرة او بعده ان شاء الله

ميوش يا قمر هاتجنن اروح كارفور بس انتي عارفة طبعا اسماعيل بيه :)

[UM FARIDA]

انا قلت ا\لااخويا يجبلي الشنطة واللانش بوكس والزمزمية من كندا وهو جي في نص رمضان تفتكروا لو مجبش هلحق اشتري ولا هتسوح؟؟؟؟؟؟؟؟؟؟؟؟؟؟؟

[noga76]

و الله ما جبتش حاجه عشان روحت أور كيدز الأول أولت أشوف سمير و علي و كارفور يمكن الاقي حاجه أحسن بس ماعجبنيش في سمير و علي غير شنطه و مالاقتش مقاس كاجي . مش عارفه اجيب من أور كيدز و لا استني يوم الجمعه و انا رايحه اجيب اللبس يمكن أعدي علي سيتي ستارز

[nashwa1]

يبقى لازم نلحق ننزل بقى ونشوف الدنيا فيها ايه بدل م نروح نلاقى الحاجات الحلوه خلصت ونتسوح

[أم جورى]

بصوا من الاخر أور كيدز تحفة زى ما قلتلكم

بيتهيألى يافرى هاتى انتى افضل لأن معظم الناس هتجيب قبل رمضان

يا جماعة الزمزمية اللى بجراب ما انصحكوش بيها

اولا غالية جدا ب79

ثانيا معرضه انها تضيع لأنى بجيب زمزميات طول السنة بتكسر وساعات ينساها

وبعدين المفاجأة بأة ان الزمزمية دى عبارة عن ازاة عادية خاااااااااااااالص

زى ازازة الشويبس الصغيرة كدة السعر ده علشان الجراب

[om body&yousef]

بصو يا جماعه انا روحت ستى ستار الزحمه مش طبيعيه الناس هناك كثير اوى اكثر من كرفور 100مره علشان كارفور بارضو عايز عربيه غير سيتى ستار انا حتى فكر اروح كارفور الى فى داندى مول لانه يعتبر اخف واحد فى الزحمه لان الزحمه مش هتخلينا نعرف نشترى حاجه و كمان الحاجه هتلائيها كثير و متوفره هو بعيد شويا بس احسن

[Ms3sam]

السلام عليكم
نشوى زي ام عمر ما قالتلك اوعي تروحي سيتي ستارز ده الساعه 10 الصبح ولا تتخيلي الزحمه عشان عروض رمضان............

ام فري
طبعا حاجات بره حلوه بس ممكن متكونش على زوقك لان نفس الموضوع معايا بش انا عارفه زوق الرجاله لان بره غالي وهنا غالي برده فاشتري اللي انت عاوزاه من هنا لكن لو ليكي في نظام المركات زي معظم الناس يبقى استني........

[odo2da]

السلام عليكم!! يعني لو ممكن عايزة اعرف كده الحاجات نزلت في كارفور واور كيدز كلها والا لسه استنى شوية؟؟؟ واور كيدز اللي بتتكلموا عليه ده فرع ايه؟ والا كل الفروع زي بعض؟؟

[kouky5]

ام جوري
اهيء اهيء انا جبت الزمزمية اللي بجراب علشان فهمت انك بتشكري فيها ولو انها زي ما بتقولي بالضبط كدة زجاجة عادية خالص وحتي مش عارفة هاغسلها من جوا ازاي بفرشة البيبرونات ولا ايه ...طيب ايه احسن حاجة عملية لحسن انا جربت كل الانواع والماركات السنة اللي فاتت وكله نتيجة واحدة انه اتكسر

[kouky5]

ام فري لو قدرتي تنزلي تجيبي انتي علي ذوقك يكون افضل علشان الرجالة مش شاطرة اوي في الحاجات دي...ولو جاب حاجات وعجبتك ابقي خليها للسنة الجاية

[kouky5]

بليز حد يعرف منين اجيب desk لكي جي مايكنش كبير ومايكنش صغير ويستحمل طبعا العمايل اللي هتتعمل فيه وبادراج وشكله يكون ظريف

[kouky5]

odo2da
اور كيدز له فرعين واحد في مدينة نصر والتاني في الدقي

[noga76]

كوكي انتي جبتي الي ب 79 و لا الي ب 25 هو الفرق بس في خامة الجراب بس الزمزميه واحده. جبتي الشوز ؟

[kouky5]

اللي ب 27 ديزني ...الشوز لسه ان شاء الله اروح اور كيدز النهاردة واحاول اعدي علي اكتيف

[nashwa1]

كوكى ابقى قوليلنا الاخبار فى اكتيف
بصى الديسك هتلاقيه فى سيسم كلاب اللى فى مصطفى النحاس

[kouky5]

من عينيا يا نوشا يا جميلة

جوزي راح عالم سمسم بس كان عندهم واحد صغير للاسف بس حلو اوي والتاني كان عجبه جداا بس قالي انه مش خشب ومش هيستحمل خالص بس فعلا اشكالهم حلوة

[nashwa1]

بينزلوا كل فتره حاجات جديده تابعيهم دايما
تسلم عينيكى يا جميله

[أم جورى]

أودو أور كيدز فى المساحة فى الدقى

انا هستنى لأول الاسبوع علشان اجيب كله مرة واحدة

كوكى

انا قلتلك اشترى زمزمية بجراب أعمل فيكى ايه

انا كنت بقول على أنواع الزمزميات اللى موجودة

انا بجيب زمزمية عادية يعنى شكلها كويس وحجمها مناسب وخلاص

لان ابنى بيستهلك زمزميات وتاقلام وبرايات واساتيك طول السنة مش ممكن

بمعدل كل يومين قلم وبنبه عليه ياخد باله من ادواته وبرضه مفيش فايدة

[odo2da]

بصي ياكوكي بنتي عندها ديسك من education 4 fun هو حلو اوي من الخشب وليه درج مفتوح زي الديسك بتاع المدرسة بصراحة هما عندهم حاجات حلوة اوي

[noga76]

انا كمان بدور علي ديسك . انا روحت edu fun هو ده الي تقصديه ملائتش غير الترابيزات الملونه زي بتاعة الفصل و معاها كورسين بحوالي 300 بس مافيش ديسك بدرج . و روحت أور كيدز عندهم دسكات حلوه أوي الي هو الدسك ماسك في الكرسي ب400 - 500 هو خشب بس مش متين خالص.

[miama]

هالوووووووووووووووووووو:)

يصوا يا بنات انا هاروح اوركيدز و سمير و على الاول بس مش هشتري بعدين هاروح كارفور ابص لو لاقيت حاجات هشتري مش لاقيت هارجع اوركيدز واشتري
لاني بصراحه كذا مره اشتري منهم و بعدين اروح الاقي الحاجات هي هي في كارفور وارخص بصراحه بيتحرق دميq)

عايزه اسأل ايه فايدة الجراب في الزمزميه بيحمي الكتب مثلا من الميه لو كانت الزمزميه صاقعه ولا بيحفظ الحراره ولا ايييييييييييييه؟؟؟؟؟؟؟؟؟؟؟؟؟؟؟

[أم جورى]

هو حافظ للسقوعة بس

طيب انا شفت الديسك ده فى التوحيد والنور

[om body&yousef]

انا جبت ديسك لابنى بائله سنه زى ما هوا الى هو البلاستك بتاع الهلالو النجمه تحففففففففففففففففففففففففه و خفيف اوى وهو بيقدر ينقله من مكان لى التانى بسهوله قلت يكفيه kgوممكن سنتين كمان بعديها لحد ما نعمله دسك كبير عموله علشان نضمن ان الخشب بتاعه متين و كمان الدسك ده ممكن يتفك بعد كده بسهوله ويتعان فى اى دلاب وكان ثمنه 100جنيه

[kouky5]

يا بنوتات رحت النهاردة اور كيدز بصراحة التشكيلة اللي عنده كبيرة اووي اكتر من اي محل تاني رحته واشكالها حلوة في منها اللي موجود في المحلات التانية وفي حاجات مختلفة ..بصراحة مفيش داعي للف كله موجود هناك ...اللانش بوكس والزمزميات بس اللي معجبونيش بس قالوا في تشكيلة تانية جايالهم ...لكن الشنط عندهم كل الاشكال والاحجام
انا عجبتني كذا واحدة..في واحدة كانت عجباني اوي بس لاقيتها صغيرة في الطول ودي كانت 119 وفي واحدة بتاعة cars بس حسيتها كبيرة اوي علي طفل في كي جي تنفع برايمري اكتر وسعرها 159..اللي لقيتها وسط بين الاتنين وفيها جرار وشكلها حلو كانت 65 بس... ودي اللي جبتها انا كنت مترددة بينها وبين الكبيرة بس حسيت ان دي مقاسها احسن بالنسبه له وعجبته الحمد لله

بالنسبة للشوز بقي ...انا رحت اكتيف اللي قدام الميرلاند بس معندهمش للاطفال مجموعة كبيرة وماركة جديدة مش فاكرة اسمها بس معجبتنيش زاكبر مقاس 28 كان كبير علي الولد وسالت اذا كان عندهم ريبوك قالوا لا ده سحب توكيله من عندهم من فترة
فلما رحت اور كيدز اشتريتها من هناك ماركة اسمها r-strike كنت جبت منها السنة اللي فاتت في الترم التاني ولسه موجودة بس طبعا المقاس اختلف ...الشوز ب 189 شكلها علي كلاسيك بس من تحت عاملة زي الكوتشي يعني تنفع كمان الالعاب

بالنسبة للديسك عندهم اشكال حلوة جداااا عجبنا واحد هناك ب 600 فيه كل حاجة وممكن يبقي مستويات بس عيبه برضه زي ما نوجا قالت تحسيه ضعيف رغم انه خشب MDF فعلشان كدة اترددنا لانه سهل يتكسر

معلش طولت عليكم

نوجا صحيح شفت الزمزمية اللي بحاجة وسبعين اللي بجراب هي شكلها بالضبط زي اللي اشتريتها ب 27 بس نسيت اسال ايه الفرق...لكن اعتقد زي ما قلته انها بتحفظ الحرارة بس هي نفس الشكل والماتيريال من بره مع التانية

[kouky5]

odo2da ميرسي يا قمر بس اديو فان انا شفت اللي عند الميريلاند ماكنش عنده غير ترابيزات زي اللي بتبقي في الكلاس من غير ادراج او اي حاجة

[odo2da]

بصراحة ياكوكي جدها وجدتها هما اللي جابوهلها علشان كده ما اعرفش السعر كل اللي اعرفه انه من فرع مكرم عبيد انا تقريبا معايا عنوانه هادور عليه واقولك هوا ديسك زي بتاع المدرسة فيه درج مفتوح

[kouky5]

ربنا يخليكي يارب ..ميرسي يا حبيبتي علي اهتمامك ...انا عارفة قصدك يا جميلة شفته قبل كدة بس انا ما ينعنيش درج مفتوح علشان الباشا الصغير تخصص اقلام فافضل اجيبه بادراج علشان الم فيها الالوان والاقلام اللي بيرموها في كل حته وامشي الم وراهم

[nashwa1]

كوكى مبروك الشنطه والشوز وعقبال باقى الادوات يا رب
بصى انا بقى ريحت دماغى من موضوع الديسك ده ومش هجيبه دلوقتى لان الحضانه بتاعته القديمه لما جت تقفل اديتله الترابيزه والكرسى وبحالتهم جداد والاوضه عندى مش مستحمله صغيره جبت وحدة الادراج البلاستيك وهخليها لكل حاجه تخص المدرسه على الاقل اول سنتين وبعد كده نجيب مكتب متكامل للباشا

[noga76]

مبروك يا كوكي عقبالي . انتي جبتيها الي عليها رسمة ايه؟ طيب الجرار أحسن و لا العادي ؟ و فرع أور كيدز الي في مدينة نصر فين بالظبط ؟ عشان لو روحت اجيب اللبس هيبقي اقرب.

[nashwa1]

نوجا يا قمر
اوركيدز اللى فى مدينة نصر اخر ش مصطفى النحاس هتلاقيه فى شارع على اليمين على ناصيته بيتزا

[kouky5]

انوش الله يبارك فيكي وعقبالك وعقبالكم كلكم :)
صح يا جميل ..طالما كويسين يبقي مش محتاجة تجيبي دلوقتي ديسك جديد لما يكبر شوية

نوجا جبت اللي عليها رسمة Cars لونها احمر وشكلها عسول بس الازرق بتاعها مكنش حلو زي الاحمر
العنوان انا معرفش غير انه في مصطفي النحاس او بعده ممكن نشوي تفيدك اكتر لاني ما بعرفش الشوارع من بعضها هو جوزي اللي عارف الطريق بالشكل كدة نمرة المحل :24702030

[أم جورى]

مبروك يا كوكى

بقولكو ايه هو لازم اجيب الديسك ده يعنى ولا ايه انا عمرى ما فكرت أجيبه

[Ms3sam]

السلام عليكم
مبروووك ياكوكي عقبال باقي الحاجات
بصوا شكل اكتيف اضرب السنه دي لان اللي قدام نادي الشمس برده عنده خصومات بس الحاجه نصف نصف...............نفسي اخلص من القصه دي من غير ما تخم لان دي اكتر حاجه تغيظ.........شكلي هروح اور كيدز اتفرج الاول ويبقى كده احسن من غير حسب الله جوزي مش كده..........
أم جوري يابنتي فكرتك حلوه متجبيش حاجه تانيه وتزنقي الاوده الا الخنقه
طالما فيه واحده تقضي الغرض خلاص انا اعتقد اهميتها تكمن في تعود الطفل على المذاكره فكبري دماغك المصاريف جايه جايه متقلقيش

[nashwa1]

مس عصام ازيك يا قمر
ان شاء الله ناويه اروح كارفور النهارده لو رحت بكره اجيبلكم التفاصيل

[أم جورى]

السلام عليكم
مبروووك ياكوكي عقبال باقي الحاجات
بصوا شكل اكتيف اضرب السنه دي لان اللي قدام نادي الشمس برده عنده خصومات بس الحاجه نصف نصف...............نفسي اخلص من القصه دي من غير ما تخم لان دي اكتر حاجه تغيظ.........شكلي هروح اور كيدز اتفرج الاول ويبقى كده احسن من غير حسب الله جوزي مش كده..........
أم جوري يابنتي فكرتك حلوه متجبيش حاجه تانيه وتزنقي الاوده الا الخنقه
طالما فيه واحده تقضي الغرض خلاص انا اعتقد اهميتها تكمن في تعود الطفل على المذاكره فكبري دماغك المصاريف جايه جايه متقلقيش

مس عصام فكرة ايه ؟؟انا اصلا مش عندى ديسك خالص

الزهايمر اشتغل ولا ايه معاكى هزاااااااااار

[nashwa1]

متخديش فى بالك يا جوجو اكيد تقصدى علشان انا اللى جبت وحدة ادراج مع الترابيزه اللى عند محمد

[Ms3sam]

فعلا يانوشي
اصلي راجعه من الشغل والحر والكباري بتاعه صلاح سالم عاديكي الا الوقفه بس انتوا ادمان مقدرتش مسلمش
اما الهايمر فعندي باقي ادخل المرحله التالته وابقى في التمام

[kouky5]

ام جوري ومس عصام ..ربنا يخليكم ويبارك فيكم يا رب عقبال ما تنتهوا من قصة اللف دي وتتوفقوا في حاجات كويسة يارب

ام جوري مش عارفة بالنسبة للديسك علشان يقعد يرسم ويلون عليه علشان ضهره ..بس جوزي برضه بيقولي مش لازم ديسك ممكن ترابيزة صغيرة زي اللي موجودة في اور كيدز او عالم سمسم اللي بتطبق دي ورجلها معدن علشان ما تخدش مساحة انا بفكر فيها جديا..واخلي الديسك ده لما يكبر شوية وابقي اجيب وحدة ادراج اشيل فيها الحاجات اللي زي الاقلام والالوان..اعتقد كدة احسن

[nashwa1]

صح كده يا كوكو اعملى زى ما انا عامله لسه صغيرين على الديسك وبعدين هو مش هيقعد ساعه فى اليوم على بعض

[أم جورى]

فخمتو

انا اوضه الولاد اصلا فيها مكتب بس من غير كرسى

وفعلا مش بيرضوا يقعدوا عليه

بس هما ممكن يفرحو بموضوع الديسك بس استحالة افكر فيه

لانى لو جبت واحد هيتخانقوا عليه ولو جبت اتنين هيكركبوا الأوضة

وانا عندى فوبيا من الكركبة دى

[noga76]

انا احتمال انزل مدينة نصر النهارده عشان اللبس. شوفتي يا نوشا يعني لما اروح عندك تيجي انتي عند كارفور. انا عمارتي جنب بنزينة إمارات مصر .

[noga76]

علي فكره يا نوشا في في كارفور دلوقتي المعرض السوري في حاجات حلوه . عاملينوا في الباركنج تحت.

[kouky5]

انا روحت النهاردة اور كيدز علشان اغير مقاسات الشوز وجبت نمرة اكبر ... الماركة صحيح اسمها s- right اانا كنت كاتباها غلط المرة اللي فات لاني كنت مش شايفة قدامي وعايزة انام كنت كاتباها strike :)

وجبت الترابيزة اللي قلتلكم عليها هي عملية جدا وبتطبق ودي احسن حاجة وعليها صورة سبايدر مان

[odo2da]

السلام عليكم انا رحت انهاردة سمير وعلي اللي في الثورة واشتريت اخيرا لبنتي مجموعة كاملة(زمزمية-مقلمة-شنطة بتروللي-لانش باج-لانش بوكس صغير اوي) عليها disney prinsess وكان فيه هانا مونتانا وmusical school بس هي اختارت الاميرات لان لونها بينك انا مالحقتش الف لاني كنت مستعجلة وجوزي كان مستنيني تحت بس هما اللي هناك قالولي ان الحاجات ديه لسه نازلة انهاردة لما سألته عن الاسعار لانه كان عمال يدور على قايمة الاسعار ...
ربنا معانا جميعا!!

[أم جورى]

مبروك يا أودو كل سنو وانتم طيبين

مبروك يا كوكىىىىىىىىىى

جبتى الترابيزة دى بكام

[noga76]

بركولىىىىىىىىىىىىىى انا روحت النهارده مدينة نصر و جبي اللبس بس ملاقيتش الشورت بتاع لبس الالعاب فطبعا لسه هروح تانى جبت اللبس و الجاكت الخريفى و التى شرت بتاع لبس الالعاب و الكاب (مش عارفه ايه لازمته؟) و شرابات بس بصراحه مجبتش المايو هو لازم بتاع المدرسه يا كوكى ؟

و بعدين روحت أور كيدز الى هناك (على فكره بتاع المساحه فيه تشكيله اكبر) بس لنا كان فى شنطه عجبانى هناك و لاقتها برضو فى فرع مدينة نصر فجبتها هى ديزنى و عليها ميكى و دونالد بس بعد ماجبتها حاسه انها كبيره شويه عليه بصراحه انا مش عارفه مقاس جاجى وان ايه؟ هو كان فى مقاس اصغر الى هو اصغر مقاس هو ده لكاجى و لا ده بابى كلاس انا كنت حاسه انه مايخدش الفيلات الى بتقولوا عليها و لا اللانش بوكس و لا مقلمه !! انا جبت المقاس الى اكبر منه على طول جوزى عمال يقولى كبير عليه اصل انا ابنى عينه !!!!!!!!!
دا أنا فى لبس المدرسه جبتله مقاس 2 و كان مريح أوى عليه و انا عارفه من سادينا انه بيكش.

كوكى ماركه step right طبعا ماركه حلوه انا باجيب منها من المحل نفسه فى جراند مول . انا شوفت المودلات دى فى أور كيدز و عجبتنى أوى بس جوزى عايز يجبها كوتشى سودا مش عايز الجلد بس انا شايفه الجلد الى كعبها زى الكوتشى اشيك ؟ مش عارفه كوكى نوشا رأيكوا ايه احسن مع لبس المدرسه؟؟

و النبى ردوا عليا فى موضوع مقاس الشنطه ؟ و الشوز ؟

[kouky5]

odo2da مبروك يا جميلة ...انا شفت الحاجات في سمير وعلي والبنوتات فعلا حاجتهم تجنن

الله يبارك فيكي يا ام جوري ...الترابيزة بالكرسي ب 195 والميزة كمان انه ممكن يقعد يا كل عليها وممكن كمان حد تاني يقعد قادمه من الناحية التانية

نوجا انا كنت في اور كيدز النهاردة بس قبل المغرب ياريتني كنت شفتك هناك ...انا كل ما اروح اقعد ابص في وشوش الناس اقول يمكن اقابل حد منكم هناك ولا حاجة وكل ما لاقي واحدة بصتلي ابقي عايزة اسالها هو انتي في منتدي لك هههههههه بس بخاف تضربني

الشنطة بتاعتك اللي هي ازرق في احمر في لمعة خفيفة وعليها ميكي ودونالد ؟؟؟ اذا كانت دي حلوة اوي ومقاسها حلو اللي هو المتوسط ...انا كانت عجباني جدااا وكنت هاخدها بس عارفة ان ابني بيحب شخصية cars فعلشان كدة جبت دي ...وكان فيه كمان واحدة عجباني اوي عليها ميكي وميني بس حجمها صغير الراجل بيقول انها كي جي بس لا دي ما تنفعش خالص علشان الكتب بتبقي طويلة ومش بتدخل في الشنطة دي تنفع بيبي كلاس ..اعتقد المقاس المتوسط اللي انتي جايباه هو نفس اللي انا جايباه ..بلاش اصغر علشان ما تحتاسيش بعد كدة
بالنسبة للشوز انا في الاول كنت هجيب الكوتشي السودا عجبني شكلها اوي بس جوزي هو اللي قالي اجيب اللي شكلها مدي علي كلاسيك علشان تنفع فورمال وللالعاب ...بس انا شايفةالكوتشي برضه تمشي وحلوة ليه لا
المايوه معنديش فكرة لان فرع مدينة نصر مفيهوش بسين اصلا ..ممكن بنت مصر تفيدك اكتر
والف مبروك علي لبس المدرسة يا نوجا ..الكاب عندي من السنة اللي فاتت ومالبسوش ولا مرة ..وبالنسبة للمقاس ابني برضه مقاس 2

[miama]

كوكييييييييييييييييي مبروك حاجات المدرسه الحمدلله خلصت عقبالنا):K

نوجا مبرووووووووووووووك ليكي عقبالنا و شوفي اللينك ده
http://www.lakii.com/vb/showthread.php?t=573898&page=46

odo2da مبرووووووووووووووك:)

[kouky5]

الله يبارك فيكي يا جميلة عقبالكم جميعا.... ان شاء الله نشوي تقولنا بكرة علي عروض كارفور بتاعة المدارس

[noga76]

كوكي انا كمان كنت هناك علي المغرب يا خساره كان نفسي نتقابل. ايوه هي الي لونها أحمر في أزرق و من أودام بتلمع كان في منها بجرار و من غير انا جبت الي من غير. يعني الحجم ده كويس طيب الحمد لله دا أنا كنت ناويه أغيرها مرسي أوي يا كوكي.

[nashwa1]

يا حيرتنا وغلبنا فى المدارس
مبروك يا نوجا ويا كوكى عقبالى
كوكى انتى تقصدى CARS دى اللى عليها عربيه لونها احمر فى اسود
لو دى هى اللى عجبتنى امبارح فى كارفور 90 جم واللى جرار 110 جم

نسيت كمان فى محل اسكابا اللى فى كارفور لقيت عنده الشوز جلد والنعل كوتش شيك جدا 100 جم
انا لسه مش عارفه هجيب ايه بس باباه بيقولى بلاش اللى بيتلزق عاوز برباط
انا هجيب 2 واحد للمدرسه وواحد كوتشى عادى للالعاب ولا ايه رايكم

[nashwa1]

بصوا بقى يا حلوين انا رحت كارفور امبارح كنت عاوزه صن بلوك وطبعا عديت على حاجات المدارس
الشنطه اللى عجبتنى 90 جم حلوه ومتينه بس لسه ما اشتريتش
لقيت لانش بوكس ومعاه الزمزميه شكل بعض حلوين وعليهم العلامه بتاعة البلاستيك الامن الاتنين 28 جم عجبونى برضه
المهم اشتريت فايل بس مش مقفول حرف L اشكال ديزنى 1.5 جم الواحد
جلاد الوان 10 افرخ 2.5 جم
كيس فى 4 اصابع صمغ 6 جم
مقص صغير 4 جم
برايه 7.5 جم ورجعتها
برايه شكل عربيه 3.5 جم
علبه فيها 4 اقلام رصاص ملونين حلوين 2 جم اشتريت 2
محمد شبط فى طقم صغير باتمان فى مسطره وبرايه واستيكه 10 جم
والوان خشب المالى 12 لون 12 جم
وفى طبعا انواع كتير
فى علبه فيها 50 قلم جاف ازرق 13 جم
علبه فيها 50 قلم رصاص 12 جم

[nashwa1]

نوجا يا قمر انا رحت معرض سوريا فى اول يوم اتعمل بس حر نااااااااااااااااار ومحمد زهق وقالى عاوز اروح ملحقتش 10 دقايق

[الاميرة طماطم]

مبروك يا نوشا
مبروك يا بنوتا
مبروك يا كوكى

عقبالنا

[noga76]

مبروك نوشا عقبال باقى الحاجه و الله يبارك فيكوا

انا جبت من اور كيدز اللانش بوكس حلو اوى نفس شكل الشنطه متوسط و بيتفتح من ناحيه واحده احسن...... لسه فاضل الزمزميه و الشوز

نوشا لو كنتى لسه ما جبتيش اللبس قوليلى عشان اقولك على شوية حاجات

كوكى هو اللبس اللوانه بتبهت ؟
و لما بيكون عندهم اللعاب بيروحوا من الصبح بلبس الالعاب ؟

[nashwa1]

لسه يا نوجا مجبتش اللبس
قولى يا حبيبتى
بقولك ايه اللانش بوكس جبتيه بكام وشكله عامل ازاى انا اللى شفته زى العلبه المتوسطه كده وعليه رسمة العربيه الحمرا فى اسود

[kouky5]

طمطمومة الله يبارك فيكي عقبالك

ماتقلقيش يا نوجا طالما المقاس المتوسط مش الصغير خالص تبقي حلوة كدة والالنش بوكس اللي بمفصله واحدة ده احسن لانه اسهل في الفتح والقفل بالنسبة للاطفال


نوشا الف مبروك علي الحاجات يا جميلة ...ايوة الشنطةاللي احمر في اسود بتاعة cars
سعر الزمزمية والانش بوكس حلو اوي يا نوشا
الفايل هما بيطلبوا مقفول مش مفتوح علشان بيحطو جواه الورق والحاجات اللي عملوها طول الاسبوع
وبيحتاجوا مقص بلاستيك كويس انك جبتيه وكمان علبتين صمغ والوان شمع وميه ..طبعا انا بقول الحاجات اللي كانوا طالبينها في بيبي كلاس معرفش يمكن تختلف في كي جي

الالوان كويسة مش بتبهت الحمد لله ...ايوة هما بيلبسوا لبس الالعاب من البيت وبيروحوا بيه في يوم الالعاب

[lolymd]

أنا كمان روحت أور كيدز بصراحة أنا أول مرة أتعامل معاه أنا عرفته منكم ربنا يباركلكم في أولادكم حاجتهم فعلا جميلة وعاجبني أوي كمان عندهم ركن التوك عشان أنا أعز أوي توك الشعر بس هما لسة منزلوش توك المدارس أنا جبت من عندهم الشنطة والزمزمية لقيت زمزمية لطيفة كانت بحاجة وتلاتين والمفروض انها بتحفظ الحرارة وفي كمان حاجات حلوة عند المعايرجي اللي عند وندر لاند

[noga76]

نوشا اللانش بوكس ب 33 هو وسط و عليه ميكي و من ناحيه واحده معاه طبق و معلقه بس انا شلتهم عشان يبقي حته واحده. اللبس بقي اولا في عندهم القديم و الجديد الفرق في الكود الجديد هتلاقيه واضح مش بهتان و أوله 106 أو 108 علي حسب الحاجه القديم اوله زيرو. خدي بالك أوي من البولو شرت ساعات تلاقي خياطة الجيب فكه أو الياقه. انا بتاعي بعد ما روحت لاقيت بقعه هغيره وأنا بجيب شورت الألعاب عشان مقاس 2 كان خلص.

[noga76]

حلو الفايل الي بيتقفل حرف L ؟ أحسن من الكبسونه ؟

[odo2da]

شكرا ليكوا كلكو وعقبال اللي لسه ماجابش بس انا لسه فاضلي الشوز ومش عارفة اروح فين انا من مدينة نصر ومش عايزة الف كتير علشان جوزي بيبقى معايا وبيتخنق بسرعة... ايه رأيكم في ابو علاء السراج؟؟ وياترى حد اشترى منه او راح هناك واتفرج؟؟

[noga76]

نوشا انتي رايحه امتي السخنه ؟

[nashwa1]

يوم الجمعه مش بكره الجايه ان شاء الله
الفايل اللى جبته مش بيتقفل
هجيب اللانش بوكس من كارفور هو علبه بغطاء والزمزميه شكله بالظبط

[nashwa1]

هو احنا هنحتاج طبق ومعلقه للمدرسه اعتقد لا ولا ايه يا دى الدوخه يا ربى

[noga76]

لأ مش هيحتاجوا طبق و معلقه. انا اللانش بوكس الي عجبني كان معاه طبق و معلقه بس انا شلتهم و خاليتوه من غيرهم. تروحي و ترجعي بألف سلامه يا نوشا رسيتي علي بلميرا و لا هوريزون ؟

[kouky5]

نوجا ونشوي هما بيشترطوا الفايل يكون مقفول بكبسونة ..وبيحتاجوا طبق بلاستيك علشان لو بياكلوا في الكلاس الصبح اول ما بيروحوا ..فكانوا طالبين منا طبق بلاستيك
برضو دي معلوماتي بالنسبة للبيبي كلاس معرفش الكي جي هيختلف ولا لا

[noga76]

كوكى انا جبت الشوز من step right . قعدت امبارح الف على كوتشى اسود روحت الستوك بتاع اديداس و تمبرلاند مفيش اسود مقاسه فى نايكى لاقيت حاجات حلوه اوى بس مقاس كريم قالى كمان اسبوعين . جوزى كان مصمم يجبها كوتشى و خلاص . قولت اعدى على step right عشان الى كانت عجبانى فى اور كيدز ملقتش المقاس فلاقيته فى ستب رايت قولت انفد بيها لان الحاجات و المقاسات بتخلص و الراجل هناك قالى خلاص مش هيجلهم دفعه تانى. هى برضو نفس سعر بتاعتك و برباط و نعلها كوتشى .

[noga76]

وصلتك الرساله يا نوشا

[noga76]

كوكى ازيك اخبار ابنك ايه؟

[bent masr]

فعلا يانوشي
اصلي راجعه من الشغل والحر والكباري بتاعه صلاح سالم عاديكي الا الوقفه بس انتوا ادمان مقدرتش مسلمش
اما الهايمر فعندي باقي ادخل المرحله التالته وابقى في التمام

مس عصام انتى ساكنة فين؟؟؟
شكلك كده مصر الجديدة أو مدينة نصر مادام بتعانى من كبارى صلاح سالم

[bent masr]

انا روحت النهاردة اور كيدز علشان اغير مقاسات الشوز وجبت نمرة اكبر ... الماركة صحيح اسمها s- right اانا كنت كاتباها غلط المرة اللي فات لاني كنت مش شايفة قدامي وعايزة انام كنت كاتباها strike :)

وجبت الترابيزة اللي قلتلكم عليها هي عملية جدا وبتطبق ودي احسن حاجة وعليها صورة سبايدر مان

مبروك يا كوكى
الماركة دى اسمها step-right و ليهم محل فى سيتى ستارز و كمان فى معادى جراند مول و فعلا حاجتهم متينة و كويسة

[bent masr]

بركولىىىىىىىىىىىىىى انا روحت النهارده مدينة نصر و جبي اللبس بس ملاقيتش الشورت بتاع لبس الالعاب فطبعا لسه هروح تانى جبت اللبس و الجاكت الخريفى و التى شرت بتاع لبس الالعاب و الكاب (مش عارفه ايه لازمته؟) و شرابات بس بصراحه مجبتش المايو هو لازم بتاع المدرسه يا كوكى ؟

و بعدين روحت أور كيدز الى هناك (على فكره بتاع المساحه فيه تشكيله اكبر) بس لنا كان فى شنطه عجبانى هناك و لاقتها برضو فى فرع مدينة نصر فجبتها هى ديزنى و عليها ميكى و دونالد بس بعد ماجبتها حاسه انها كبيره شويه عليه بصراحه انا مش عارفه مقاس جاجى وان ايه؟ هو كان فى مقاس اصغر الى هو اصغر مقاس هو ده لكاجى و لا ده بابى كلاس انا كنت حاسه انه مايخدش الفيلات الى بتقولوا عليها و لا اللانش بوكس و لا مقلمه !! انا جبت المقاس الى اكبر منه على طول جوزى عمال يقولى كبير عليه اصل انا ابنى عينه !!!!!!!!!
دا أنا فى لبس المدرسه جبتله مقاس 2 و كان مريح أوى عليه و انا عارفه من سادينا انه بيكش.

كوكى ماركه step right طبعا ماركه حلوه انا باجيب منها من المحل نفسه فى جراند مول . انا شوفت المودلات دى فى أور كيدز و عجبتنى أوى بس جوزى عايز يجبها كوتشى سودا مش عايز الجلد بس انا شايفه الجلد الى كعبها زى الكوتشى اشيك ؟ مش عارفه كوكى نوشا رأيكوا ايه احسن مع لبس المدرسه؟؟

و النبى ردوا عليا فى موضوع مقاس الشنطه ؟ و الشوز ؟

ينفع ارد أنا يا نوجا؟؟
اولا مبروك يا جميلة على ابنك
بالنسبة للشنطة,أعتقد المقاس اللى جبتيه مناسب أوى عشان زى ما بتقولى يكفى الفايلز و الكتب و يلم حاجته كلها........الصغير أوى ده بيكون للحضانة .

بالنسبة للبس المدرسة.............
الكاب و الجاكيت الخريفى و الشرابات و التوك و المايوة و كل الهكص ده مالوش لازمة..........
الجاكيت الخريفى ممكن أوى يلبس بداله جاكيت التريننج
و أى شراب كحلى أو أبيض سادة,مش طالبة الشراب بتاعهم أبو 15 جنيه ده.
للبنات أى توك أبيض أو كحلى أو أخضر
و طبعا أى مايوه.........ده المايوة اللى عندهم مالوش أى لازمة و بحاجة و سبعين جنيه.............حرام طبعاً

[bent masr]

شكرا ليكوا كلكو وعقبال اللي لسه ماجابش بس انا لسه فاضلي الشوز ومش عارفة اروح فين انا من مدينة نصر ومش عايزة الف كتير علشان جوزي بيبقى معايا وبيتخنق بسرعة... ايه رأيكم في ابو علاء السراج؟؟ وياترى حد اشترى منه او راح هناك واتفرج؟؟


أنا رحته من كام يوم بس ماعندوش حاجة جديدة..........نفس حاجات السنة اللى فاتت
بس عنده كام حاجة أسعارهم حلوةأوى,فى حدود 100
لكن أنا جبت نفس الشكل ده السنة اللى فاتت,فعايزة أغير

[kouky5]

بنت مصر
الله يبارك فيكي وعقبال ما تجيبي كل الحاجات وتخلصي من الدوخة دي

نوجاا
الف مبروك علي الشوز الجديدة step right ماركة حلوة فعلا ...بس انا جبت اللي بلزق بس بفكر كمان اشتري واحدة كوتشي اسود عادية للالعاب احتياطي بس ما تكنش غالية زي التانية

[noga76]

بنت مصر الله يبارك فيكى متشكره أوى على معلومات اللبس طيب كويس انى ما اشترتش المايو بس الجاكت الخريفى عجبنى اصل انا لسه ما جبتش الترننج و الشراب انا فعلا جبت ابيض و كحلى ساده لان ماكنش موجود بتاع المدرسه. بس لما روحت البيت لقيت ان الابيض احلى على الشوز السودا مع الشورت. هو الكحلى يبقى احلى فى الشتا عشان مع البنطلون.كنت عايزه اعرف طاقمين كفايه ؟
و هى لازم الشوز بتاعت الالعاب تبقى سودا ؟


كوكى الله يبارك فيكى . انا كمان ناويه اعمل كده ان شاء الله و اجيب واحده تانيه للالعاب لأن الجلد هيتجرح بتاع التانيه بس انا بصراحه بفكر اجيبها بيضا او كحلى فى ابيض عشان تنفعه فى الخروج برضو عشان الى عنده صغرت عليه

[noga76]

نوشا فينك عملتى ايه امبارح؟

[أم ملك و مريم]

حد يا حماعة يقولي الشوز البناتي ال step reight بتكون في حدود كام و لو حد عندة صور للشوز ياريت ينزلها

[nashwa1]

صباح الخير
معلش يا بنات انى مدخلتش اقولكم الاخبار ايه امبارح كان عندى مليون حاجه وملحقتش
بس انا هحكى وهقول بالتفصيل

[nashwa1]

نزلت من البيت اول مكان كان اور كيدز
عاملين تخفيضات حلوه جدا زى ما قالت نيمو اشتريت قميص كتان تحفه لمحمد 45 جم وتى شيرت كت حلو برضه 37 جم الشنط هناك غاليه والزمزميات واللنش بوكس اللى فى كارفور مثلا 18 جم عندهم 28 جم او 30 جم
لقيت الشنطه الكارز فيها اللانش بوكس والزمزميه وشنطه صغيره بتاعت الرحلات 280 جم
بعد كده التوحيد والنور لقيته فرع جديد جنبه قلت اشوف الشنط وطبعا علشان انا داخله التوحيد والنور البيه مبصش على حاجه اصلا قلتله لو لقيتها اصلى وغاليه مش هتجيبها برضه علشان من هنا ومشينا
رحنا بعد كده كلارك اللى فى عباس العقاد لقيت حاجات المدارس هتنزل يوم 15/8
وبعد كده محل اسمه لولى بوب برضه فى عباس العقاد علشان اجيب بنطلون جينز ملقتش حاجه عجبتنى
واخر حاجه رحت نادى سمسم اللى فى مصطفى النحاس
بجد ميفتكوش عامل تخفيضات على اللبس كله واشيك محل تشتروا منه هدوم هو المحل ده
يعنى ماركة كوالا وجيجلز الخصم 20 % لحد 30%
تى شيرت فوق الرائع لجيجلز 68 جم والبنطلون كوالا جينز شيك جدا 80 جم
حاجات المدارس عنده بنفس الاسعار بتاعت كارفور بس الشنط اغلى شويه
جبت الطقم بتاع الزمزميه واللانش بوكس كارز 28 جم والمقلمه كارز 12 جم ولقيت الشنطه 180 جم مجبتهاش
خلصت كده مدينة نصر واتجننا ورحنا كارفور اجيب الشنطه بالمره كارز علشان اخلص جبتها من هناك 120 جم
وربنا ما يوريكم كارفور وعمايله السوده
بس تعبت خلاص

[nashwa1]

نسيت اقولك يا نوجا
الشوز الستيب رايت لقيته برضه فى نادى سمسم 189 جم وبعد الخصم 170 جم
بس مجبتش لسه الشوز مستنيه كلارك بيقولوا بيكون عنده حاجات حلوه

[miama]

نوشااااااااااا مبروك قوليلي انت جبت الشنطه ترولي ولا ايه؟

وهي نفسها اللي موجوده في سيسمي كلاب ب 180 ؟؟؟؟؟جيبتيها 120 ولا ايه؟:)

[nashwa1]

ميوش يا قمر
مجبتش تروللى حسيت انها صعبه اوى على الكى جى كبيره عليهم
اللى فى سيسم كلاب 180 جم تروللى كبيره فى كارفور 140 جم
وقالى معندوش من غير تروللى ماركة كارز بس لقيتها فى كارفور اللى انا جبتها

[miama]

مرسي يا نانوووووووووووش:)

[الاميرة طماطم]

مبروك يا نوشا الحاجات باين عليها حلوه وتجنن
يعيش ويدوبها ويدوب غيرها كمان وكمان

[nashwa1]

تؤمرى يا قمر

[nashwa1]

ربنا يخليكى يا طمطم وعقبالك يا قمر

[noga76]

مبروك يا نوشا شكلك تعبتي انا عارفه كارفور ما يترحش في الويك إند ابدا يلا عقبال الشوز . انتي جبتي اللبس ؟

[noga76]

نوشا علي فكره شنطة Cars بتبقي ماركة Disney Pixar و دي حلوه أوي و بتستاحمل و لما بتبقي في ال Range ده بتبقي أصلي انا جايته نفس الماركه بس عليها ميكي و دونالد. قربتي كانت جايبه نفس الماركه بس عليها Pooh بقبلها سنتين مع إبنها و زي ما هي.

[nashwa1]

لسه يا نوجا مجبتش اللبس
كنت ناويه النهارده ان شاء الله
انا شفت اشكال كتر اوى من الشنطه دى وعجبتنى بس هو اللى اختار دى
عجبتنى اوى بووه

[noga76]

كلهم اشكالهم حلوه أوي مبروك عليه و عقبال الباقي هانت . نوشا هي الزمزميه الاحسن الي بكوبايه و لا بشاليمو اصل الي بكوبايه كريم مش بيعرف يقفلها كويس انا جبت الي بشالمو بس هي من ابلاستك الشفاف الجامد عايزه ارجعها حاسه انها سهل أوي تكسر

[nashwa1]

بصى يا نوجا انا اللى جبتها بشاليموه وكوبايه بس صغيره
هغيرها واجيب الاكبر شويه اللى بشاليموه
هى برضه كارز وشكلها جميل

[أم جورى]

نوشا مبروك ياقمر عقبال لبس الجامعة وساعتها هتجيلك الحاجة فى البيت

تتفرجى عليها بس

اوصفيلى بأة سيسم كلوب ده فين بالظبط بس وصف دقيق مش الوصف الرائع

بتاع بلانت أوف افريقا

وبعدين مش هو اسمه سمسم ايه سسم دى بأة

أصلى نويت افرك مدينة نصر مش هفضل انا كيس جوافة فى القعدة كدة

وفى لبس حلو بنوتاتى يا نوشا لحلا وجوجو وأسعاره ايه زى أور كيدز كدة وياريت بأة لو فى فرع تانى تقوليلى مش لسة هدور فى اللى فات كله

[أم ملك و مريم]

يا جماعة في زمزمية حلو قوي في اور كيدز و لا هي بشلموة و لا بكوباية عبارة عن زجاجة زي الي بيستعملها الرياضيون يدوب الطفل يرفع الفوهة لفوق تفتح علطول و بعد كدة يضغط لتحت تقفل و اجمل حاجة فيها مبتسربش المية او العصير اسعارها من 20 الي 40 جنية

[nashwa1]

الله يبارك فيكى يا جوجو
بجد والله اشيك محل للبس شفته وللاسف ملوش فرع تانى
هو فى ش مصطفى النحاس بعد سوبر ماركت المحمل على الشارع الرئيسى مفيش فيه لف