عروسات المستقبل تعالوا اقولكم.. جزء 2

[هنودة هنانيدو]

السلام عليكم يا بنات
طبعا موضوعنا " عروسات المستقبل تعالوا اقولكم" الجزء الاول اتقفل عشان عدد الصفحات اكتمل ,,,النهاردة حنبتدى بالجزء الثانى ان شاء الله,,,,,
وده ياقمرات رابط الجزء الاول

ازيكم يا عرايس ياقمرات عايزة اقولكم نهاردة على شوية نصايح انا جربتها تنفع اى عروسة وفى نفس الوقت حابة اعمل معاكم نقاش فى اسئلة ساعات بتشغل بالنا يمكن محتاجين معايا المتزوجات كخبرة ومحتاحين االعرايس الحلوين عشان يستفيدوا .. الموضوع مش خاص بالخلطات اكتر من انه خاص بنصايح مفيدة عملية

http://lakii.com/vb/showthread.php?t=546598

[هنودة هنانيدو]

ده كان اخر حاجة فى الجزء الاول

زى ما طلبت رورو وبسبوسة وsooo حنتكلم على ازاى نخلى شكلنا حلو خاصة فى اول ايام الجواز من الشعر وريحة الفم والاهتمام بالجسم والوقت المناسب لكل ده .؟؟


اول حاجة ياقمرات خلنا متفقين انه بلاش تخلى زوجك يشوفك وانتى بتعملى اى حاجة من الاهتمام بنقسك زى اسويت وعمل ماسكات عشان زى ما انكلمنا قبل كدا انه خليكى دايما فى عين زوجك البنت الامورة اللى بشوفها زى القمر دايما خليه لما يبقى في شغله يقتكر شكلك الجميل اما لو انتى عودتيه يشوفك وانتى بتعملى سويت ولا ماسكات لما يجى يفتكر حيلاقى الصورة ديه غصب عنه جاية فى خيالة ...عشان اقربلكم الفكرة انا وانتم لما نيجى مثلا نشوف مطربة ما او ممثلة طالعة على تى فى جميلة بتبقى معجبة بيها بس لو شوفتيها وهى بتعمل عملية تجميل او بتعمل شعرها انجذابك لها بيقل صح ؟؟هو ده نفس الفكرة اللى اقصدها مع زوجك خليكى دايما فى الاهتمام بالنفس غامضة هليه يشوف بس الصورة النهائية متفقين ؟؟؟


تعالوا بقى نتكلم على الفم .. لو ريحة فمك مش حلوة بشكل كبير يبقى لازم تروحى دكتور اسنان وبلاش تقزلى اجرب وصفات ليه ؟؟ لان لو ريحة كريهة اوى يبقى موضوع ليه علاقة بحاجة فى الاسنان او المعدة تمام ؟؟ يبقى لازم تشوفى دكتور


طيب لو ريحة عادية اللى بتبقى الصبح اول ما تصحى ؟؟
في كذا حل اما تبقى حاطة جنبك لبان ( مستيكة بلغة الاسكندرانية ) بالنعناع اول ما تصحى امضغى واحدة كدا كام ثانية وارميها حتخلى ريحة فمك حلوة اوى ..


فيه انك تاكلى قبل ما تنامى عيدان بقدونس لانها فعلا بتخلى ريحة الفم حلوة مع استمرار لانها بتنظف المعدة او انك تصحى قبل زوجك ب 5 دقايق واغسلى اسنانك بمعجون


ولو تحبوا تسمعوا راى الشخصى لو ريحة الفم عادية مش جامدة خليكى عادى على طبيعتك بمعنى انه زوجك هو كمان حيحصى وريحة فمه زيك طيب ليه تحسسيه انك عندك مشكلة وانك عايزة تخبيها يعنى انتوا الاثنين زى بعض وطبيعى لما تصحى من النوم بتبقى ريحة الفم متغيرة صح ولا ؟؟ كمان لو قولنا انك حتعملى اى فكرة من دول فى اول ايام الجواز خلينا واقعين بعد شهر حتكسلى تعملى كدا يبقى ساعتها جوزك حيلاحظ الفرق لانه اتعود يصحى يلاقى ريحة فمك معطرة وساعتها مش حيقول ان ده طبيعى حيقول انك بقيتى بتهملى نفسك


كدا خلصنا موضوع الفم وبالنسبة لتبيض الاسنان زى ما اتكلمنا عليها انك تعملى مرتين فى الاسبوع طريقة ديه


تحطى عسل نحل بكمية صغيرة على فرشاة مجرد طبقة بسيطة وعليها معجون الاسنان بتاعك وتغسلى اسنانك كويس ديه بتبيض جدا وبتنظف الفم ولو عندك جير كتير على اسنانك روحى لدكتور اسنان قبل الفرح يعملك ازالة للجير وكمان لو عندك اى اسنان بتوجعك روحى خلصيها من دلوقتى عشان مش تتعبك بعد الجواز وعشان جوزو ميقولش من اولها تعبانة .. نلتقى كمان شوية مع بقية الموضوع والشعر .. حاروح بس اكل كنتالوب وارجعلكم

". وتكملة للموضوع نقلتلكم الموضوع ده عن ريحة الفم
http://lakii.com/vb/showthread.php?t=551542

[هنودة هنانيدو]

حبيبتى انا فتحت الجزء الثانى تعالى على هناك

[sooo008]

اوك انا جيت حبيبتي عن السيروم هل ليه اضرار للشعر ولا لا عشان انا مسمعتش عنه قبل كده وبعدين احطه كام مره وخصوصا لما نكون عرايس هيبقي غسيل الشعر كتير هل كل مره نغسل فيها الشعر عادي ولا ايه وبعدين انا بغسل شعري بشامبو جونسون وبعدين بحط ليسيون هير ستابيل عشان شعري خفيف ومستمريه عليه وبعدين بحط زيت زيتون كدهان للشعر وجايب معايه الحمد الله نتيجه كويسه هل بعد الزيت ينفع احط السيرو م ولا لا لازم يكون الشعر مفهوش حاجه ياريت تفيدني عشان بجد شعري خفيف موت ومش عايز اعما استشوار ولا مكواه ايام الجواز وانا اصلا مفكرتش اشتريهم وبيتهيالي لو عملت كده الحبه اللي فاضلين من شعري هيقعو من المكواه هههههههههههههههه شكرا ليكي بجد انا في حيره جامده خصوصا انا وحيده ومعنديش اخوات بنات ومعنديش حد سبق له الجواز ياريت نبقي اصحاب ونفيد بعض

[هنودة هنانيدو]

sooo008
هنوده انا زعلت جدا ان الموضوع اتقفل انتي ممكن تفتحي موضوع تاني ونعمل تكمله ان شاء الله يعني تجهيز عروسه 1 و2 وهكذا عشان بجد موضوع مفيد وكل واحد عنده خبره في حاجه يكلم فيها ومعلش عندي سوال تاني لغايه ماتفتحي الموضوع عن السيروم هل ليه اضرار للشعر ولا لا عشان انا مسمعتش عنه قبل كده وبعدين احطه كام مره وخصوصا لما نكون عرايس هيبقي غسيل الشعر كتير هل كل مره نغسل فيها الشعر عادي ولا ايه وبعدين انا بغسل شعري بشامبو جونسون وبعدين بحط ليسيون هير ستابيل عشان شعري خفيف ومستمريه عليه وبعدين بحط زيت زيتون كدهان للشعر وجايب معايه الحمد الله نتيجه كويسه هل بعد الزيت ينفع احط السيرو م ولا لا لازم يكون الشعر مفهوش حاجه ياريت تفيدني عشان بجد شعري خفيف موت ومش عايز اعما استشوار ولا مكواه ايام الجواز وانا اصلا مفكرتش اشتريهم وبيتهيالي لو عملت كده الحبه اللي فاضلين من شعري هيقعو من المكواه هههههههههههههههه شكرا ليكي بجد انا في حيره جامده خصوصا انا وحيده ومعنديش اخوات بنات ومعنديش حد سبق له الجواز ياريت نبقي اصحاب ونفيد بعض

اهلا حبيبى السيروم ملهوش اى اضرار للشعر ده حاجة زى الكريم والزيت بالعكس مفيد جدا للتقصف والهيشان وبيطرى اشلعر بس من غير ما يكون دهنى تستخدميه على اشعر مبلول او ناشف او قبل الاستشوار عشان يمنع التقصف
فيه انواع زى زيروفريز وكريستال حتلاقيهم 42 جنيه تقريبا

طبعا غسيل الشعر فى الاول حيبقى كتير عشان الشعر ميضرش اكتر مش كل مرة حتستخدمى شاميو او سيروم او كريم

بالنسبة لطريقتك فى الاهتمام بشعرك ماشاء الله جميلة بس انتى فى اول الزواج حيبقى صعب تعمليها يعنى اول اسبوعين فى الزواج حتوقفى الكلام ده مجرد شامبو وبعده سيروم او كريم لغاية ما زوجك يبتدى ينزل شغله حيبقى عندك وقت تعملى حمامات زيت وماسكات لشعرك وتعملى ساعتها طريقتك وان ش ءا الله حنتكلم حالا على الشعر زى ما وعدتك ..
طبعا ياقمر انا يشرفنى نبقى اصحاب انا كمان مليش اخوات بنات

[noran_87]

مبروك الجزء الجديد يانودي
طبعا منقدرش نستغني عن معلوماتك الجميله ياقمر

[sooo008]

انا عارفه ان انا سولاتي كتير بص بجد انا مرتاحه جدا للموضوع انا اول مره اجاوب في موضوع كده وارد عليه اكتر من رد وابقي مهتمه قوي كده بس عندي حاجه تانيه ياقمر بالنسبه للوشن والكريمات بتاعت الجسم والشاور جيل ياريت تقولي اسماء واحسن نوع بصي انا كنت بستخدم دوف هو كويس بس ياريت تفيديني وبالنسبه لكريمات الوجه اللي هي ليل ونار ايه الانواع الكويسه عشان انا كنت بستخدم كريم من اروفليم هي عباره عن صابونه وكريم ليل وكريم نهار بس مكنوش حلوين معايا طلعلولي حب شباب ومش بستعمل اي حاجه دلوقتي في وشي كريمات ولا الحاجات ديه غير غسول دووف للبشره وماشيه عليه كويس مع مسكات طبيعه زي العسل والزبادي والحاجات ديه جايبين الحمد الله نتيجه معايا كويسه بس زي مانتي قولتي بعد الجواز مش هينفع نحط ماسكات قدام الزوج فياريت تقوللي نوع كريم يكون كويس خصوصا ان الحبوب بتسيب اثر فعايزه حاجه تفتح بشرتي شكرا ليكي يارب يصلح حال بنات المسلمين اجمعين (امين يارب العالمين)

[basbosa.2]

هنوووووووووووووووده مبروووووك حبيبتى الجزء التانى وعقباااااااااال الجزء........مش عارفه الكام حاسه اننا هنعمل كتااااااااااااب هههههههه

[هنودة هنانيدو]

مبروك الجزء الجديد يانودي
طبعا منقدرش نستغني عن معلوماتك الجميله ياقمر

ربنا يخليكى يا نور ياقمر وكلامك الجميل

[سديم العنزي]

مشكوووووووره

[هنودة هنانيدو]

انا عارفه ان انا سولاتي كتير بص بجد انا مرتاحه جدا للموضوع انا اول مره اجاوب في موضوع كده وارد عليه اكتر من رد وابقي مهتمه قوي كده بس عندي حاجه تانيه ياقمر بالنسبه للوشن والكريمات بتاعت الجسم والشاور جيل ياريت تقولي اسماء واحسن نوع بصي انا كنت بستخدم دوف هو كويس بس ياريت تفيديني وبالنسبه لكريمات الوجه اللي هي ليل ونار ايه الانواع الكويسه عشان انا كنت بستخدم كريم من اروفليم هي عباره عن صابونه وكريم ليل وكريم نهار بس مكنوش حلوين معايا طلعلولي حب شباب ومش بستعمل اي حاجه دلوقتي في وشي كريمات ولا الحاجات ديه غير غسول دووف للبشره وماشيه عليه كويس مع مسكات طبيعه زي العسل والزبادي والحاجات ديه جايبين الحمد الله نتيجه معايا كويسه بس زي مانتي قولتي بعد الجواز مش هينفع نحط ماسكات قدام الزوج فياريت تقوللي نوع كريم يكون كويس خصوصا ان الحبوب بتسيب اثر فعايزه حاجه تفتح بشرتي شكرا ليكي يارب يصلح حال بنات المسلمين اجمعين (امين يارب العالمين)

يا قمر انتى اسالى براجتك اعتبرى البيت بيتك هههههههه انا مبسوطة بجد بكلامك ويارب تبقى اجمل عروسة .. تعالى بقى نجاوب على اسئلة

بالنسبة للشاور والكريمات واللوشن حاقوك على منتجات المتوافرة فى مصر وتكون كويسة لان فيه حاجات زى منتجات بودى شوب ونكتار مش موجودة هنا الا فى القاهرة فى ستى ستارز

شاور عندك من اوريفليم اللى ب جوز الهند جميل وبينعم وكمان اللى بالكتشمير اللى بيبقى لونه وردى وفيه من فا اللى باللبن والعسل واللى بريحة البرتقال وفيه من لوكس الازرق وفيه كمان فروتنى ده بالفواكه بالفروالة والشبكولاتة وفيه من نيفيا وكل حاجات ديه اسعارها متوسطة من 20 ل 30 جنيه

اللوشن فيه لوشن نيفيا واختارى مناسب لبشرتك وفيه بردو من اوريفيلم وفيه بيبى اويل جونسون جميل اوى وفيه جرجنز بالمسك بس موجود فى صيدلية العزبى 45 جنيه وفيه كمان فازلين اللوشن الوردى واللى بزبدة الكاكاو وفيه لوشن جليوسليد

كريمات عندك دو المرطب بالخيار حلو اوى وعندك فروتنى بالفواكه وعندك كريمات معطرة من اوريفليم واجملهم جيوردانى بس ده معتمد على ريحة البرفيوم لو بتحبيه او لا يعنى لو بتحبى مثلا جيوردانى هاتى كريم بتاعه.. كمان كريم ميلك اند خانى بتاع اوريفليم جامد بينعم جدا البشرة

بالنسبة كريمات البشرة والغسول هى معتمدة على نوع بشرتك يعنى مثلا عندك مجموعة نيفيا وفيه اولاى وفيه اوريفليم ولو عايزة حاجات اغلى فيه طبعا لوريال ماركة جامدة جدا
وكريمات تفتيح عندك اولاى بالتوب البرى للتفتيح بس الاصلى موجود فى صيدليات الكبيرة لان اللى فى اسوق 25 و 30 جنيه مش الاصلى ... االاصلى ب 97 جنيه

[هنودة هنانيدو]

هنوووووووووووووووده مبروووووك حبيبتى الجزء التانى وعقباااااااااال الجزء........مش عارفه الكام حاسه اننا هنعمل كتااااااااااااب هههههههه

الله يبارك فيكى يا بسبوسة ويارب يكمل الموضوع وانتم راضين عنه وتبوقا اجمل عروسات

مشكوووووووره

مشكورة يا سديم يا قمر

[ميويا86]

السلام عليكم
مبااااااااااااااارك ياهنودة ع الجزء التاني ربنا يوفقك ويجعله ف ميزان حسناتك
ويااااااارب يكون فية تفاعل اكتر من الاخوات والمتزوجات خاصةعشان تعم الفائدة.
كنتي نصحتيني بسكراب ملح مع ليمون عشان الحبوب اللي ف كتفي.كنت عايزة اسالك بحط تقريبا كدة قد اية ملح ؟مع كام ليمونة؟وبسيبه شويه ع جسمي ولا اشطفه بعد ما خلص توزيعه علي الجسم كله؟.وجزاكي الله خيرا ع الافادة
ع فكرة انا كنت مسافرة واول موضوع فتحته موضوعك لانه فعلا رااااااااااااااائع
وأحب أشكر المنتدي كمان لانه ماشاء الله عليه حسيته بيفيدنا فعلا غير بقه الاهم اني حسيت فيه بالالتزام بالدين ربنا يوفق الجميع ويجعلنا من أهل جنته.

[ريهـــام ~]

الف مبروووك الجزء الثاني هنوده ،، وعقبال ما نشوفكم كلكم عرايس



:::

[the 1st queen]

نوده الف مبروووووووك ع الجزء الجديد بجد انتى سكر اوى وعسوله وميرسى ع اليكنات اللى بعنهالى بجد متشكره اوى