تجمع مغتربات المانيا الثالث

[جوتشي]

السلام عليكم
كيفكم حبيباتي انشاء الله
نضل نفتح تجمعات ونضل نتواصل
صعوبات الغربة ان شاء الله بتهون مع
احلى صحبه والله يبارك في الكل ونبقي
صحبة خير ولله امين يارب
العالمين

[zomorod]

يارب يا جوتشي
هذه الصحبة تخفف قساوةالغربة
تحياتي ليك ول hala و jien ونسمة و حدامي

[جوتشي]

اهلين زمرد كيفك خير وين الغيبه
كيف الاولاد اليوم ؟

[hala.ph]

السلام عليكم
مبروك التجمع الجديد
كيفك جوتشي والاولاد
كيفك زمرد اشتقنالك وين غايبة كل هالفترة

[جوتشي]

وعليكم السلام ورحمة الله وبركاته
اهلين هاله شو اخبارك
انا كله تمام والاولاد الحمد لله
بالف خير

[hala.ph]

والله الحمد لله ماشي الحال
والله ما بعرف ايمتى لازم انقطع عن الدوام بالجامعة
كل يوم عم فيق متل المكسرة
الله يمرق هالفترة على خير

[جوتشي]

ان شاء الله من غير ما تحسي الايام ركض
هم بيقولي بس الوحده تفوت بشهرها
بيصير اليوم بسنه عشان النطره بس
ما تردي كله بيعدي واللي باوانه باوانه
هاله ليش ما بتيجي تلعبي معنا
في كتير العاب حلوه ما بشوف اسمك

[hala.ph]

والله يا ريت بس صايرة بكتب بمشرعي
وبسرقلي هيك كم دقيقة استراحة بحكي معك فيها
لانو لازم خلصو قبل ما انقطع عن الجامعة وسلمو للدكتور
بس اكيد بس لاقي وقت بلعب
هو انا بقرا كتير بهالمنتدى كتير بحبو بس قليل ما علق
كلشي فيو حلو

[جوتشي]

هاله بعدك هون نسيت احكيلك
شفت الرابط مش نفس شكل الجهاز بس نفس
مبدا عمله عن جد اذا ممكن جيبيه روعه

[hala.ph]

والله ان شاء الله بجيبو
لانو ما بقدر سجل بشي نادي فبالبيت جهاز احسن
لاني عنجد كتير زايد وزني عالحمل
يا ستي هلا همي انو اخلص مو اكتر وااااااااااااااااااااااااع

[zomorod]

أهلا هالا
أهلا جوتشي
آسفة على الإنقطاع
لكن رغما عني
مهمومة على أختي
حسبي الله على حماتها
والله يهديلها زوجها

[جوتشي]

زمرد الله يفرج هم اختك ويهدي زوجها
هي اختك اللي ساكنه فوق عندك
خير ليش الهم في هالبلد
.. سامحيني تكون قويه وما تهتم

[hala.ph]

خير ان شاء الله زمرد شبها اختك
اكيد حماتها مو تاركتها بهمها ما
الله يهون عليها وعنجد متل ما قالتلك جوتشي لازم تكون قوية وما تهتملها

[جوتشي]

السلام عليكم
كيف الكل وكيف اصبحتوا ان شاء الله الامور
ماشيه تمام
زمرد كيفك وكيف اخبارك طمنينا على اختك
الله يكتبلها الخير
هاله شو اخبارك وكيف نمت امبارح ان شاء
الله ما تعزبت بالنومه الله ياخد بيدك

[zomorod]

صباح الخير يا أحلى مغتربات
يا رب تكونو كلكم بخير
لالا مش أختي ألي هون
بل عندي أختي متزوجة في فرنسا
كلامك صح في هذ الزمان الضعيف
مايعش لكن حسبي الله ونعم الوكيل
على الظالم
أما حكايتي أنا وأختي ألي هون فهي
حكاية لو ما ستر الله وكنت متمسكة بيه
لكنت الأن من فاقدي العقل أو شيئ والعياذ بالله
وأشكر كثيرا بعد الله الصحبة التي لقيتها في المنتدى
الله ينولهم ما يريدون

[جوتشي]

اتكلي على الله زمرد عقلك ما شاء الله كبير
بس سبحان الله الله ابتلاكم انت واخواتك
بحموات صعبين الله يكون بعونكم

[zomorod]

آمييين يارب
المهم
كيفك جوتشي
وكيف حال الأطفال
آففف الجو عندنا مقلوب
hala ,نسمة ,jien الله يعينكم

[جوتشي]

الحمد لله الكل بخير لسه ما وديتهم
الروضه للاسبوع القادم ان شاء الله
ربطوني في البيت حتى شغل مش
عارفه اشتغل .. اليوم في شوية
هوا عنا

[hala.ph]

السلام عليكم
مرحبا جوتشي وزمرد
زمرد قلبي معاكي انتي واخواتك الله ياخد بيدكم ولا تفكري عند رب العالمين ما بضيع شي
بس انتي خلي املك فيه كبير دايما
جوتشي الله يكون بعونك والله الاطفال بدن تعب وشغل كتير وخصوصا بهالعمر
صدقي كانك معي مبارح والله مانمت للساعة 5 لاالصبح من وجع ظهري مو طبيعي كان
صدقي فكرت حالي ولادة وبعدين قدرت نمت بصعوبة واليوم ماقدرت روح ع الجامعة
شكلي رح انقطع من الاسبوع الجاي

[jien]

السلام عليكم و رحمة الله و بركاته

أخواتي في الله جوتشي زمرد نسمة هالة

كيفكم أنشاء الله تكونو بخير

جوتشي و زمرد كيف الأولاد

هالة كيف البيبي ربي يقومك بالسلامة

نسومة شوو الأخبار

عن نفسي أنا تعبانة من وجع اللوزتين

هلأ عم آخد دوا لأنها ملتهبة و بعدها لازم عملية

أدعولي ربي يخليكون

[hala.ph]

اهلا حبيبتي جين سلامة قلبك ما على قلبك شر
ان شاء الله معافاية
والله شغلة هاللوز شغلة وهالجو بدو الواحد يدير بالو كتير
وان شاء الله يتتعافي وما بتحتاجي لعملية
انا الحمد لله بخير والبيبي بسلم عليكي

[جوتشي]

صباح الورد والفل والياسمين ولو انه مش موسمه بس
انتوا بتكفوا وبتوفوا ...... كيفكم جميعا
هاله كيف اصبحتي وكيف الصحه اليوم
جين الف سلامه عليكي ان شاء الله معافايه ابقي
طمنينا عنك
زمرد شو اخبارك والاولاد ونفسيتك ان شاء الله احسن
ام حدامي وينك كيفك وشو اخبارك الله يسعدك يا خدومه
نسومه شكلك كتييييييييييير مشغوله باللغه ان شاء
الله بالتوفيق احكيلنا اخر الاخبار

[zomorod]

صباحكم سعيد يا عزيزاتي
أهلا jien الله يشافيك ويعافيك يا أختي
ها لا الله يكون في عونك يا أختي
نسمة بالتوفيق
جووووووتشي أنا سلمت أمر أختي لله
موطالع في يدي شي حسبي الله ونعم الوكيل على الظالم
أنا أبذل جهدي لكي أتناسى حتى لا أؤذي حالي
الأطفال راحو للروضة أخذو معاهم لعبهم اليوم عندهم
spielzeug tag
جمعة مباركة على الجميع

[جوتشي]

بس يا زمرد الوحده بتتحمل زوجها مش مشكله في شي يربطها فيه
بس حماتها ليش وخاصه انه في بلد اوروبي الوحده بتعرف مكانها
والله صاحبتي جاءت عندها حماتها من الاردن تعبتها كتير حتى حبت
انه ابنها يطلق صاحبتي قامت صاحبتي قالت له اطلع بره انت وامك
وصار يترجى عشان يصلح الوضع وطلب من امه تسافر
الله يصلح الحال

[zomorod]

عزيزتي
ماني عارفا واشنقول
أختي ماعندها خبرة كافية في الحياة
على جالها مرضة
قلنالها تتخذ قرار وشو صار يصير
أموت وما أقبل الذل
الله ما قال هيك
الحماة على الراس والعين لكن كل واحد يعرف
قدر نفسه

[جوتشي]

ادعولها يا زمرد اذا لسه ما في اطفال فرصه
من الان تصلح حياتها بس لو تقدر واحده
فيكم تروح تزورها وتخليهم يحسوا انه هي
مش مقطوعه وانه لها اهل يزوروها ويعرفوا
مشاكلها .. انتوا اكيد تعرفوا اكتر الله يختار
الاحسن ويفرج همها

[zomorod]

الله الله
عندها طفل
وهي حامل ببنت
قلنالها إذا تطلب الأمر راح نجي وحتى قبل ما نوصل عندك
نأتي ب polizei إذا تطلب الأمر لأنو الكل طايحين عليها
لكن لا حياة لمن تنادي هي خايفا إدا يطلقها
تعبنا من الكلام معها دون فايدا

[نسمة داليا]

السلام عليكم بنات
كيف حالكم ان شاء الله بخير
كيفكي يا جوتشي اشون الاولاد ان شاء الله
كيفكي يا زمرده ان شاء الله غمه وتنزاح منكي
هاله كيفكي
جين كيف الحال ان شاء الله بتقومي بسلامي بعيد الشر عنكي
انا الحمدلله عم اداوم في المعهد وما بيحكو غير الالماني
اليوم انا ما داومت لان عندي وجع اسفل العمود الفقري
هذا صارلوا الوجع من شهرين بيروح فتره وبرجع علي
وانا عندما داومت مشيت اكثير بحيث رجع علي مره اخرى واليوم اقضينوا كل نوم تعبني اكثير ظهري

[جوتشي]

وعليكم السلام نسمة الف سلامه عليكي
ديري بالك من البرد لانه من اهم اسباب
الام الظهر اذا طبعا ما في اسباب تانيه
بس ليش ما تروحي على الطبيب لا تهملي
نفسك ابدا ابدا والله يوفقك وتصيري
تحكي الماني احسن من الامان كمان

[jien]

و عليكم السلام نسومة

تسلميلي و الف سلامة عليكي كمان

ربي يوفقك بالمعهد

جوتشي زمرد هالة ربي يسلم قلبكم و جمعة مباركة عليكم

[hala.ph]

السلام عليكم ورحمة الله وبركاته
ان شاء الله جمعة مباركة عليكم جوتشي زمرد جين ونسمة
جوتشي ان شاء الله دايما رايقة
زمرد حبيبتي الله يصبركن ويصلح الحال يعني انا كمان من راي جوتشي لازم انتوا تكونوا دايما بالصورة لانو اذا غير هيك بيت حمى اختك بيستضعفوها
نسمة ديري بالك على حالك الله يعافيكي يارب
جين كيف لوزك اليوم ان شاء الله احسن
اليوم كنت مشغولة عم جهز شنطة المستشفى
بدي اسالكن بالمشفى كم يوم بتقعدوا اذا ولادة طبيعية ان شاء الله
لانو ما بعرف انا هون كيف المشافي وشو الاغراض يلي لازم اخدها بالزبط وما بعرف اذا بحمموا الطفل او لا
بنات شو رايكن حسب تجاربكن فيدوني الله يجزيكن الخير

[جوتشي]

اهلا هاله شو اخبارك مبين بدا الجد معك ..
انا هيك بجهز اغراضي اول ما افوت شهري
بس ما بعبي اواعي عشان يضلوا مهاوايين
ولما احس بالطلق بعبيها لانه لسه بيكون
في معك فرصه ... افضل انك تقعدي ادا
كل شي تمام 3 ايام بيعاملوكي احلى
معامله وبعلموكي اشياء كتير وكيف تعملي
تمارين بعد الولاده وبديروا بالهم عليكي
وبيضلوا يغيروا للبيبي طول ما انت بالمشفى
ما بيحمموه ابدا وبيضلوا يلبسوه كل شي
من عندهم بس لما تطلعي من لازم ياخده
اغراضهم ويلبسوا من اللي انت جايبتيه
والاغراض اللي بدك تاخديها وزيدي عليها
اذا حبيتي شي زياده بس انا هيك باخد
بشكير صغير
معجون اسنان وفرشايه
فرشايه شعر
عطر وماكياج خفيف عشان شكل الارهاق بعد الولاده
غيارات داخليه قليله لانه هم بيعطوكي قطعه خاصه بتستعمليها وبتكبيها
بيجاما للمسا
ملابس للقعده طول النهار شي مريح بس مرتب لانه راح يكون في ناس
علكه وشغلات بتحبيها لانك من الرضاعه راح تحبي تاكلي اكتر من اللي بيحطولك اياه
مرايه صغيره عشان ما تضلي تقومي على الحمام تزبطي حالك
اشارب صغير ادا كنت محجبة عشان الزوار اللي بخصوا اللي جنبك
ملابس البيبي خليهم كذا غيار لحتى يشوفوا المناسب
شحاطه خفيفه حلوه
انا هاي اغراضي اللي باخدها انتي شوفي شو بتحتاجي كمان
وخلي اغراضك بس شنطه ملابس صغيره وشنطه لوازم التجميل والنتظيف كمان صغيره
وحاولي تبقي الثلاث ايام احسن لك لانك بكريه بتاخدي راحتك اكتر

[جوتشي]

نسيت احكيلك
بيطلع لك قابله 10 زيارات تيجيك على البيت
هاي التامين بيدفعها كتير كتير كتير بتفيدك
وهي اللي بتحمم البيبي طول ما هي
بتيجي

[hala.ph]

حبيبتي جوتشي الله يجزيكي الخير يا رب كفيتي ووفيتي بجد الله يحفظك ويليلك اولادك
ان شاء الله بعمل يلي قلتيلي عليه
بيني وبينك كل يوم اصعب من اللي قبلو عم يمرق علي
فبقول والله اعلم ماني مطولة ما بعرف على الله
قالولي ع القابلة يلي بتيجي ع البيت وانها منيحة كتير
الله يقدم يلي فيو الخير

[zomorod]

الله الله يا جوتشي
عجبتيي كفيتي و وفيتي
الله يسهل يا هالة
فقط لما يجيك الطلق كوني قوية
تشجعي ok

[نسمة داليا]

يلا يا هاله قرب ايام المولود الجديد ان شاء الله الولد الصالح وكمال الشكل ان شاء الله
كوني قويه
يلا حتى انا اسألكي كيف كان حملكي وانتي اتقولين كلش سهل وشجعيني على الولاده
بصراحه انا اخاف ادخل مشفى النساء على شان ما اشوف وحده بتولد بخاف اكثير
بس الي يفرح انو الالمان بديروا بالهم على المرضى
قابل مثل مشفى الي بالعراق ما اتشوفين الا المـأسي كلش ما بدارون المرضى الدكاتره والممرضات بس بصيحوا على المرضى
فتخيلوا يرعاكم الله

[hala.ph]

شكرا الكن زمرد ونسمة
اخ قال شجاعة قال انا اجبن مني مافي وااااااااااااع
بس يعني بسمع انو هون الاعتناء كتير وهادا مخفف من خوفي شوي
الله يمرق هالدهر قصدي هالشهر على خير

[hala.ph]

صبا حكن عسل يا مغترباتنا الحلوين
اليوم ع اساس فايقة بكير ومصصحة بس الحقيقة اني مانمت
اخ يا بنات عنجد امهاتنا شو صبروا والوحدة ما بتعرف قيمة امها غير لما تصير ام
هي انا بحكي هيك ولسا بعدني باول الطريق
المهم اليوم عطلة والدنيا برا ثلج اول مرة بشوف ثلج هون
لاوالنكتة وين انو هلا لازم كل يوم اطلع امشي شي ساعة
الله يعين
وجعتلكن راسكن انا
الله يحلي ايامكن وطمنونا عنكن شو عاملين اليوم

[جوتشي]

صباح الخير والبرد والثلج
كيفكم جميعا
من غير ما اسالك هاله عرفت اخبارك ..هي قلة النوم مش بس تقل ووجع هي كمان
نفسية البكريه ما في في بالها الا هالموضوع بس لما يكون في اولاد بتمرق الشغله
بسرعه بدون ما تحس الوحده ... ما وجعتي راسنا انا بحب اسمع اخر اخبارك
كتير عندك ثلج ؟ على فكره يا هاله انظف جو تطلعي فيه هو جو الثلج انا كنت اطلع انا
وزوجي واولادي نمشي ونلعب بالثلج وبنتي الكبيره تحديدا كنت اطلع بالثلج معها وهي عمرها
شهر بس انت البسي حذاء خاص لهيك شغله واطلعي
قبل شوي طلعت جبت كرات ثلج للبنات عن البالكون لانه البالكون عنا مفتوح من فوق
ما عليه سقف ..

[jien]

صباح ريحة الريحان

كيفكم

شو عم تحكو عن الولادة ربي يقومك بالسلامة أنتي والبيبي

والله عم بقرأ كلامكم و جسمي بيرجف

أخاف من سيرة الولادة

ربيييي يكون معك يا هاااالة

[جوتشي]

سلااااااااااااااام كيفك امسيتوا
زمرد ما بينتي اليوم شو عامله
لازم تعرفوا انه لما يشد الوجع
لدرجه انه بيصير لا يحتمل بتكون
لحظه نزول البيبي عشان هيك
بس تفكروا بهاي الطريقه بترتاحوا
لانه عند قمه الوجع بيكون اخره
وبعدها راحه وممكن تكون كتير هوينه

[hala.ph]

بالفعل حبيبتي جوتشي كلامك مزبوط مية بالمية
وانا الحمد لله متاكدة انو رب العالمين اعطى المراة كرامة عظيمة
وخصها بهاشي عشان قيمة المراة الحامل عندو كتير كبيرة
والله يقوينا يا رب
والله اليوم كان صعب علي كتير
من خمسة الصبح و وعندي وجع فظيع بكليتي كاني ااخدة برد اوشي
بس الحمد لله هلا احسن
والله يستر

[جوتشي]

اهلين هاله الله يعافيكي يا رب
اذا عندك وجع بالكلية
هاي بتيجي من الحمل انا
نمت بالمستشفى 3 ايام
بالشهر السادس بسببها
بس حلها الوحيد تشربي
باليوم 3 لتر ماء انا بعد ما
عرفت هيك شي ما عدت رحت
على الطبيب صرت اعرف واشرب
ماء زياده وتروح وهي فعلا الام
فظيعه بتتعب كتير
كتير راح ترتاحي بعد الماء ادا كان
صايبك متلي

[hala.ph]

والله كلامك مزبوط جوتشي لانو فعلا جوزي قلي لازم تشربي مي كتير
وفعلا والله مافي حطلي القنينة وقلي بدك تخلصيها ما في مجال
والله لايورجيكي بجد وجع رهيب
الحمد لله بالعفل بعد ما شربت الحمد لله تحسنت كتير

[zomorod]

صباح الخير جميعا
كيفكم
جوتشي, وهالة ,نسمة, jien
البارحةخرجت وإشتريت لوازم لتزين
kinderzimmer بتاع بنتي طليت الجدران وعملت
bordureوزينت الحائط بالعرائس ولم أنتهي بعد
لازم أشتري ستاير وبعض الأشياء الخفيفة
للمكتب

[جوتشي]

اهلين زمرد صباح النور انا الحمد لله بخير انت كيفك
ما شاء الله يا زمرد مبارك عقبال عندي انا حابه اركب
ستائر واشتري طقم كنبايات جديد بس اول شي
التلفزيون لانه اللي عندي صار قديم .. بس قوليلي
بنتك ما شاء الله السنه راح تروح مدرسه ؟
سلمي عليها وباركيلها

[hala.ph]

السلام عليكم
كيفك جوتشي وزمرد
نيال بنتك عليكي زمرد ماشاء الله نشيطة والله يفرحك فيها يا رب
جوتشي شو ناوية تعملي تعزيلة للبيت مبين عليكي مقيمة دائمة بالمانيا
انا هيك حابة كمان غير غرفة القعدة بس بقول لحالي مو محرزة كلها كم سنة وبنرجع ع سورية
بس شكلي رح اغيرهن بالاخير لانو مو مريحين ابدا
انا الحمد لله اليوم احسن حالة من هاليومين يلي مضوا
يوم الاحد يوم التنضيف العالمي للبيت اسمو ما بفضى بقلب الاسبوع انا وزوجي
مبارح كل الليل وهي تتلج واليوم الاولاد صبحوا يلعبوا بالتلج ما احلا منظرو سبحان الله

[zomorod]

تسلمو عزيزاتي جوتشي وهالة
هي راح تدخل المدرسة بعد schullferien
الصيفي فقلت من الأحسن أبدأ
الترتيبات من الحين أحسن ما
يداهمني الوقت
الله يسعدكم بأولادكم يارب
وعقبالكم في التجديد
هالة على ما أتذكر نتي ساكنا
في oberhausenصح ,ألي متذكرو أنك قريبة مني
فقلت لما تولدي أتي لزيارتك في
المستشفى

[zomorod]

الله يسهلك يا هالة وماتحسي
بهالأيام ألي باقيتلك قبل الولادة

[جوتشي]

سلام على البردانين احححححححححح
كيفكم وشو اخر الاخبار الله يعطيكي العافيه
زمرد فرحه الاولاد بتسوى الدنيا وما فيها
وانشاء الله بالتوفيق موسم المدرسه انا
بحبه فيه حركه ونظام ..
هاله الحمد لله على سلامتك وانك اليوم
احسن ... انا يا هاله مقيمه على طول
في المانيا بس جوزي مفكر بمصر كل
فتره بنحكي بهالموضوع والله اعلم
حابه اغير الكنبايات بدي اجيب جلد
واركبلهم ستائر واعلقلي شويه اشياء
بس المشكله انه البيت اللي انا فيه
لشركه بيوت وغالي كتير علينا ولانه
المالك شركه بيكون كل شي بشروط
استلمناه بيبرق برق وموكيت غالي
كتير يعني بيت بيجنن وكل شي اخر
موديل ومن الشروط انه لما نسلمه
نرجعه جديد متل ما كان عشان هيك
اي تخزيق او تعليق زياده راح يحتاج
شركه عشان ترجعه زي ما كان
وطبعا راح تكون التكاليف كبيره عشان
هيك دايما بقول في البيت الجديد
بس الان عم نحكي في موضوع
انه نغير هون وعمره لا حدا حوش
المهم اعمل جو جديد في البيت

[hala.ph]

حبيبتي زمرد الله يسلمك يا رب
انا ساكنة في برلين يا ريت تكوني قريبة مني والله
وتيجي تزوريني بتونس فيكي والله بس قوليلي وين ساكنة انتي
عشان اعرف
جوتشي ما في احلا من التجديد خاصة اذا في مصاري ههههههه
بس اه وينك نحنا بدنا نجمع حق بيت بالشام ووين بدنا نغير الفرش ولا المصاريف هون
الله يعين
بس بالنسبة الكن مستغربة ليش جوزك بدو مصر مع انو قلتيلي انو اهلو بالشام
وانتي اهلك بالاردن
يا ستي المهم تكونوا مرتاحين ومبسوطين هادا اهم شي برايي وكل شي بصير سهل بعدين

[جوتشي]

السلام عليكم كيفكم
شو اخبارك هاله كيف اصبحت طمنيني عنك
متل ما قلتي حلو التجديد خاصه اذا ما في مصاري
المصاري هي المشكله
بس احنا مفكرين بمصر لانه زوجي اذا بتحكي قدامه
الاردن مرتين بيغمي عليه وانا كمان ما بحب اعيش
بسوريا لانه صار معي ظروف هناك فما بحب اكون هناك
رغم انه اختي هناك وطول عمري اروح وانبسط وكمان
اهلي معمرين بيت هناك
بس بعد هاي الحادثه حتى حماتي ما بزورها
بس تنزل على الاردن بشوفها كتير بحاول جوزي
يقنعني بس انا ما بقبل خلص ما عدت اتصور هيك شي

[hala.ph]

صباح الخير
اهلا جوتشي انا الحمد لله اكيد مافي نوم ووجع الظهر كل مالو بزيد الحمد لله
اليوم انا بالبيت ما قدرت روح ع الجامعة
بس والله حرقصتيني صرت بدي اعرف شو صاير معك بسورية حتى حتى زيارة ماحابة تروحي
و بيني وبينك الواحد احيانا اذا صار معو موقف صعب بيكره البلد كلها
بس انا بتوقع بعد كل هالفترة انتي وزوجك بالمانيا صعب ترجعوا تتاقلموا ببلد عربي ما بعرف
لانو انا بالنسبة الي صحيح الغربة صعبة والها اضرار كبيرة بس احيانا بتكوني مرتاحة فيها اكتر من بلدك انا بحكيلك بصراحة عن تجربة
يعني بكفي هون العالم تاركتك بحالك مو اذا كنتي مجرد انك ما شية مع زوجك ما حدا بيتركك بهمك

[جوتشي]

اهلين هاله حبيبتي والله معك حق العيشه هون من كتير نواحي افضل
انا ما بتصور اني ارتاح باي بلد عربي وخاصه رغم انه الحمد لله ملتزمين
دينيا انا وزوجي نوعا ما بس بعتبر نفسي عشت اول ما تزوجت مع رجل
الماني بكل طباعه كتير كان متشرب من الالمان لانه زوجته كانت المانيه
وعنده اولاد وعاش فتره طويله يعني تعرفي الالتزام بالقوانين الدوله او
البيت حتى هذا شي متل ما تقولي مقدس وتعلمت منه وهيني عايشه
ومرتاحه واللي حرقصك بس توصل ردودي لل 300 ببعتلك على الخاص
بحكيلك وبعطيكي ايميلي

[hala.ph]

يا ستي ما يهمك بس كلو ولا يكون شي خطير لا سمح الله
هو اصلا مين يلي بيتعب ببلادنا العربية غير الملتزم دينيا لانو صدقيني احيانا بطلعو الواحد عن دينو استغفر الله
يعني انا مع يلي بقول انو هون في اسلام بس مافي مسلمين وببلادن العربية في مسلمين بس مافي اسلام
لانو الله وكيلك كل مالو الشعب العربي لورا بيتمسك بسخافات الاجانب والامور الجوهرية بيتركها
ومن ناحية زوجك يعني انتي مستقلة بعد 25 سنة انو يقدر يرجع يتاقلم ببلد عربي انا من ناحيتي مارح يقدر يطبق شهر وحتى انتي بعد هالكم سنة اكيد بتكوني اخدتي من طباعة
يعني انا برايي انو اذا الواحد ملاقي راحتو ببلد حتى لو كانت اجنبية واولادو عم يربيهم صح
فوين المشكلة
انا من ناحيتي لو مو زوجي مضطر انو يرجع ع سورية لانو منحتو من الدولة بقلك هون احسن واريح رغم صعوبات الغربة

[جوتشي]

بس هاله الي صديقه زوجها كان عم يعمل دكتوراه وكمان منحه ولما خلص ما حب يرجع
اشتغل هون عند الدكتور المسؤول عنه وهياته عايش وعامل اقامه
انت احسن شي جوزي جوزك شي المانيه خليها تجنسه وتعيشي هون ههههههههه
الله لا يقدر
لما سافرت على الاردن اول مره ما الاقيلك جوزي الا داير ورا الاولاد اللي بالبنك اللي
كنا عم نسحب منه مصاري وبيحكيلهم لموا الورق اللي كبيتوه وورقه العلكه يلا
ومعصب عليهم حتى ابوهم قالهم ردوا على عمو يلا اوام
هو ما بيسافر حتى على سوريا جوزي عايش هون وبيتنقل بس في اوروبا واهله
هم بييجوا هون او على الاردن بس هو راح الاردن بس مرتين مره خطبني فيها
ومره عشاني لما نزلت

[hala.ph]

لاهو بعرف انا انا في ناس بتطنش المنحة وبتقعد بس حبيبتي انا زوجي بحب المثاليات كتييييييييييييير وعند قاعدة انو انا طلعت ادرس بشان افيد بلدي مو بشان افيد الاجانب وعندو طموحات انو يغير بالبلد لما يرجع بس انا دايما بقلو لا تتفاءل كتير ما رح تغير شي وهو بقلي بكرا بتشوفي
يا ستي الحمد لله متل ما قلتلك المهم راحة البال
ومنيح منك ما شاء الله على زوجك انو قبلتي وضعو متزوج وعندو اولاد وكتير اكيد بكون في فرق بالطباع سبحان الله رب العالمين بدو يحط الوفق الله يسعدكن يا رب

[جوتشي]

والله يا هاله وليش لا اذا طموحاته هاي بيكرسلها وقته وجهده ليش ما يطلع بايده ما هو
اي تغيير بيكون بايد شخص من هالناس وليش ما يكون هو الله ياخد بايده ويوفقه ويدخل
التاريخ كمان ما هم كل الناجحين والمبدعين واصحاب القوانين الكونيه واللي غيروا مسارات
في الحياه لا كانوا رؤساء ولا اصحاب قرار كانوا من عامه الشعب ويمكن الفقراء منهم

هاله انا لما تزوجت زوجي كان مطلق الو 10 سنين وعنده ولدين هلا شباب ما شاء الله
ولو تشوفي زوجي ما بتصدقي ابدا انه عنده اولاد كبار الكل بينصدم بس يعرف
جوزي بيبين صغير واحنا حبينا بعض بعدين عرفنا ظروف بعض

[نسمة داليا]

ااسلام عليكم بنات
كيف حالكم ان شاء الله بخير
ياهاله عدكم ثلج نحن عدنا شمس ههههههه
البارحه اشوويه تلجت بس الصبح شمس كان الجو
بس بارد اويييييييييييي
والله ياجوتشي صدقتي وكمان صدق زرجكي ياهاله
لازم الواحد بيفيد بلده
نحن مهما كان العراق مدمر ان شاء الله بينهض من اول وجديد
طبعا بتكون النهضه من الشعب . نحن بس بدنا بيطور بلدنا وما بنعمل شي
هذه المانيا كيف كانت في الحرب العالميه بالنسبه الى مدينتي بيقولوا انها كانت مدمره الى الاخر
ولو اتشوفيها هسع ما شاء الله حلوه كلش بس منظر الخليج بيفتح القلب
هسع هال السنين الي عايشيها مثل ما بيقول عمرو خالد فترة كسوف مؤقت

[نسمة داليا]

سمعت عن الرسول عليه الصلاة والسلام
انه قد اشار الى بلاد الشام وقال من هنا يأتي النصر
نيالكم ياهل الشام
والله انا الي اريد اعرف بيقولوا انه الموصل(مدينتي ) كانت جزء من الشام
الله يجعل يارب

[جوتشي]

صباح الخير كيفكم يا حلوين
نسومه الحمد لله انك بخير كيف المدرسه والناس اللي بالمدرسه اكيد عملت صداقات
الصداقات بالمدرسه بسرعه بتصير لانه الهم واحد
حبيبتي الله يفرج كرب اهلنا في بلادنا المنكوبه هو كربنا كلنا بس كل ابن بيئته يعني
احنا عايشين ومرتاحين بس هم اللي بيعانوا الله يكون معهم ويهدينا
بس والله يا نسومه اذا احنا ما نصرنا الله الله ما رح ينصرنا التغيير لازم يبدا من عنا احنا
واول شي نغيره الانانيه اللي عمرت قلوبنا وصرنا اللهم نفسي الله يهدينا
هاله كيفك شو اخبارك طمنينا عنك اليوم شو في عندك تغيرات
ديري بالك على حالك ولما تطلعي من المستشفى ان شاء الله بعد الولاده وانت طالعه
حاولي انه البيبي ما يلتفح ابني مرض وهو عمره 10 ايام هلك مسكين هاي طلعه المستشفى
شوي بتخوف بالشتا

[hala.ph]

السلام عليكم
اهلا نسمة وجوتشي
حبيبتي نسمة الله يسلمك يا رب وينصر اهلنا بالعراق و فلسطين لانو كلنا امة وحدةهي امة لا اله الا الله محمد رسول الله لازم كلنا نفكر بهالطريقة طمنيني كيف مدرسة السواقة معك ان شاء الله عم تستفيدي
عزيزتي غوتشي انا الحمد لله بخير واخباري ما عادت غريبة عليكي يمكن صرتي تتوقعيها
مبارح جبت سرير البيبي وغيرت طقم الكنب صحيح مستعمل بس كتير نضاف وحلوين يعني بضلوا احسن من القدمى وكلو مبارح تعزيل
بس مبارح اتصلنا بشركة التامين على قولتك بشان الواحد يتاكد
بس ما ببتوقعي شو ردوا علينا قالوا ما بيدفعوا ولا باي حال من الاحوال مع انو حكينالهم انو مسجلين نحنا من اول شهر اربعة وبالعقد لازم يمرق شي 8 اشهر على التسجيل وبشهر 12 بصيروا اكتر من 8 فقالوا لا يعني شو بدي قلك مبارح متل كانو واحد خبطني كف انا وزوجي وكل الليل ونحنا ندعي عليهم يعني تصوري هلا صرت بس بدي اولد بالمشفى وامشي اسرع ما اقدر
ما بعرف بس اكيد بعد الولادة رح نبعتلهم ع الحالتين لنشوف والله يقدم يلي فيه الخير
متل ما قلتي الجو ها الايام بخوف ان شاء الله بحاول قد ما اقدر ما يمرض وكلو من رب العالمين خير
الحمد لله

[zomorod]

سلام الله عليكن
يارب تكونو بخير أنت وأحبابكم

[جوتشي]

السلام عليكم كيفكم جميعا
سبحان الله يا زمرد كنت افكر فيكم وفي بنات البيت الفلسطيني واجيتي في بالي ودخلت
النت اشوفكم لقيت اخر رد لك كنت بقول انه زمرد غايبه من غير شر مشغوله بالتجديد
والترتيب الله يهنيكم شو اخبارك طمنينا عنك
هاله كيفك مبارك التجديد شو جبتي لون الكنب ؟
انا كمان عم ادور على مستعمل لانه اللي بدي اياه ثمنه جديد 4000 اويرو وكتير غالي
فوق استطاعتي اذا بلاقيه مستعمل ب 1000 منيح عندي يا هاله بوفيه مفصله صاحبه
ومعه كل فواتير التفصيل ب 10000 اويرو وكانوا عارضينه لانه صاحبه بدو يخلص منه بسرعه
ب 1200 اويرو بس ما كان معي حقه وضليت اروح واجي واقول الله يجعله من حظي ونصيبي
لحد ما صار معي ولما رحت اشوفه ولا منزلين سعره ل 700 اشتريته واجيت وبصراح
ما حدا شافه الا بيسالني منين لقطيه لانه حتى متله ما في في السوق لانه تفصيل

[hala.ph]

يا هلا فيكي زمرد وينك ما عم بشوفك كتير وشو اخبار التزيين معك
جوتشي الكنب يلي جبتو مديل قديم بس كتير حلو ومرتب ومنجد بطريقة حلوة لونه معرق سكري والماسي بالنسبة الي فرقت معي كتير
بس والله ما شاء الله حظك حلو ع البوفيه يلا عقبال عندي بس بسورية لانو هون ما الي طموح اكتر من هيك يعني تزبطي هون وبعدين تسافري مو محرزة

[نسمة داليا]

اهلا بالصبحه الجميله
كيفكي يا زمرده الف مبروك على التغير
كيفكي يا هاله ان شاء الله بخير
انا عم اداوم في مدرسة لغه وليس مدرسة سواقه
كيفكي يا جوتشي ان شاء الله بخير انا الحمدلله عم اداوم وتأقلمتوا مع الوضع .طبعا صار لي صديقات من كولومبيا والصين وعراقيه( بنات ما شاء الله زينين )
بدي اسألكم اشون اصل الى حد بحكي بالالماني بطلاقه لان بس بتحكي المدرسه الماني وانا ما افهم عليها .
الى اي مستوى او ليفل بصل حتى احكي بطلاقه
سوال اخر من وين بتجيبوا الاغراض المستعمله من flo markاو من اي مكان
انا بصراحه اريد فرن مستعمل وسعره مناسب ما بدي جديد لان انا ما راح اطول في المانيا .
والفرن كلش ضروري بالبيت

[جوتشي]

اهلين نسومه كيفك ما شاء الله تاقلمت بسرعه الحمد لله .. انت يا نسومه اذا بتحكي لغه
انجليزيه كتير بتساعد في فهم اللغه الالمانيه بس انصحك نصيحه ما تفكري بالوقت اللي
راح تحكي الماني كويس لا تشتتي تفكيرك ابدا تعاملي مع اللغه متل انك كل يوم في
جديد وبدك تعرفيه وعم تعرفيه وهم 3 اشهر اذا بتركزي وبترجعي على البيت وتراجعي
ومع هذا تشوفي برامج المانيه بالتلفزيون .. لسه من غير شر ما عندك اولاد يشغلوك
بسرعه راح تتعلمي .. انا ما تمكنت من اللغه بصراحه لاني من اول ما اجيت حملت
وتعبت بس انت هاي فرصتك الله يوفقك

[جوتشي]

مسا الخير هاله كيفك
سامحيني انا ما علقت على موضوع التامين لانه اضطريت ابعت اللي كتبته وقلت برجع
اليوم كانوا عندي اولاد جوزي كنت واعدتهم ببيتزا بمناسبه حصول ابنه الصغير على اجازه
السواقه وكنت بكتبلك وهم بدهم يروحوا
هاله انا كنت احكي انا وزوجي عن موضوعك قبل شوي بيسالني زوجي انه انت شو تامينك
يعني تامين طالب وانت اجيتي على انك طالبه ولا زوجه انا اللي فهمته انه عملك لم شمل
طبعا زوجي بيسال اسئله عاديه وبيحكيلي انه بدو يسال عشان يستوضح عن هيك شي
مستغرب .. بس شوفي والله انه ربنا بيختار الخير دايما بس هي الثقه بالله اللي بتجيب
الفرج

[hala.ph]

اهلا نسمة حبيبتي الله يعطيكي العافية يا رب والله شغلة هاللغة شغلة انا عملت بسوريا4 دورات وهلا صارلي بالمانيا 10 شهور ويا دوب افهم هاللغة وبالجامعة بدرس بالانكليزي اريحلي بصراحة
بالنسبة للاغراض المستعملة هون عنا ببرلين في محلات متخصصة بالاغراض المستعملة واكيد بتوقع عندك هيك شي بس انتي وحظك احيانا ما بتلاقي يلي بدك اياه وبدك نضلط تطلي ع المحل حتى يجيهن اغراض جديدة
حبيبتي جوتشي ما يهمك انا مقدرة بالعكس الله يعطيكي العافية بالعكس انا عم زيدها عليكي الله يجزيكي الخير يا رب
بالنسبة الي انا الفيزا تبعي هي فيزة زوجة يعني لم شمل بس التامين النا نحنا لانو زوجي طالب
بكون تحت مسمى طالب الي واله وهادا بسموه Reiseversicherung وفي شركات كتير ما رضيت تامنا لانو هو طالب وما رح يقعد كتير بالمانيا وهي بصراحة الشغلة معقدة ونحنا تهنا فيها
والحمد لله متل ما قلتي نحنا ثقتنا بالله كبيرة و وما حدا بيعرف الخير وين الحمد لله

[hala.ph]

وهي الشركة يلي نحنا مامنين فيها http://www.mawista.com/siae/

[نسمة داليا]

هالا بيكي جوتشي وهاله
بس اريد منكي ياهاله اسم المحل الي بيبيع الاغراض المستعمله
بدون زحمه

[K.S.A..]

السلام عليكم ورحمة الله وبركااتة ..





اختبر شيطانك http://content.sweetim.com/sim/cpie/emoticons/00020077.gif (http://www.sweetim.com/s.asp?im=gen&ref=10)






تبي تعرف تقدر على الشيطان ولايقدر عليك http://content.sweetim.com/sim/cpie/emoticons/000202C2.gif (http://www.sweetim.com/s.asp?im=gen&ref=10) ؟؟؟






قم بإرسال هذه الرسالة






http://content.sweetim.com/sim/cpie/emoticons/000202C6.gif (http://www.sweetim.com/s.asp?im=gen&ref=10) ولنرى إن كان الشيطان قادرا على إيقاف هذا الأمر






//لا اله الا الله عدد ما كان لا اله الا الله عدد ما يكون لا اله الا الله عدد الحركات والسكون //





// سبحان الله وبحمدة سبحان الله العظيم //




// لاإله الاأنت سبحانك إني كنت من الظالمين //




// استغفرالله الذي لاإله الاهو الحي القيوم وأتوب اليه //
// اللهم اغفرللمؤمنين والمؤمنات والمسلمين والمسلمات الاحياء والاموات //



// سبحان الله و الحمد لله و لا اله إلا الله و الله أكبر //




// لا حول ولا قوة إلا بالله //




// اللهم صلي وسلم على نبينا محمد //




//سبحان الله و بحمده عدد خلقه و رضا نفسه و زنة عرشه و مداد كلماته //




// لاإله الاالله //



http://www.tvquran.com/ (http://www.tvquran.com/)



بعد بضع ساعات تكون جمعت حسنات كثيرة جدا
بإذن الله










لأنك سبب في قيام الناس بذكر الله عز وجل

[جوتشي]

السلام عليكم
صباح الخير للجميع كيفكم وكيف اصبحتوا .. اهلا فيك KSA تسلمي وبارك الله فيكي
هاله شو اخر الاخبار عندك كيف صحتك اليوم ... والله يا هاله خلص ارمي حمولك على
الله وتوكلي عليه وان شاء الله تقومي بالسلامه انت والبيبي هاي بتسوى فلوس
الدنيا كلها ....
نسومه كيفك بتعرفي احسن شي تشتري هيك اشياء من الانترنت من الeBay
كل شي بدك اياه بتلاقيه بس بدك تكوني مشتركه او تخلي حد مشترك يشوفلك
ما بتتصوري كل شي ممكن يخطر على بالك بتلاقيه كنت دايما اجيب لاولادي
متل كرسي البيبي والعربايه للبيت من السوق جبت مره واحده لبنتي الكبيره
ب50 اويرو لما خربت رحت جبتها نفسها من الاي باي باويرو واحد لانها بتعتمد
على المزاد زوجي لو عنده شويه مسامير ببيعهم لو عنده اشياء بدو يرميها
بيلاقيلها طالب لو تستدلي على الاي باي حتى ما بتعودي تشتري جديد الا
الملابس والاكل اشياء بميه اويرو ممكن ترسى عليكي ب5 اويرو انت وحظك

[hala.ph]

صباح الخير
نسمة ما بعرف والله شو اسم المحل بس يلي عم تقلك عليه جوتشي كتير منيح وبتستفيدي كتير
K.S.A (http://www.lakii.com/vb/member.php?u=310678) اهلا فيكي اختي الله يجزيكي الخير يا رب
جوتشي عزيزتي انا الحمد لله منيحة ونفسيتي الحمد لله احسن بكتير مبارح كنت عند الدكتورة والحمد لله كلو بخير ونعمة ما في اكرم من رب العالمين
انتي كيفك طمنيني عنك شو عاملة هالايام وكيف اطافيلك الحلوين

[jien]

مرحباااا

كيفكم جميعا

جوتشي زمرد هالة نسومة

جوتشي أنا شفت في هذه المنتدى عم يحكو عن التبخر بالشاي

من خامس يوم للدورة وهلأ أنا برابع يوم بدي رأيكم هل أجرب أتبخر بالشاي ام لا

عم أنتظركم

[نسمة داليا]

السلام عليكم بنات كيف حالكم ان شاء الله بخير
كيفكي يا jienان شاء الله بخير
مع الاسف انا ما بعرف عن هذه المعلومه حتى افيدك
ان شاء الله البنات هوني بيفيدوكي
بتعرفي والله انتي بنت حلال اليوم كنت افكر بيكي عم اقول اشو ما في اخبار عنه
ان شاء الله ما بنسمع عنكي الا الطيب
ويفك كربكي يا الله
بدي افيدك بشغله يارب اتكون خير الكي
انا مره قرأت دعاء وحتى سجلته في الدفتر مالتي
اذا قرأت( بسم الله) 100.000 مره واحده تحقق امالك
ولاتنسين اعملي صلاة الاستخاره وما الا بتشوفي رؤيه في المنام
بتخلي همك ومسألتكي لله وهو بسخرك
اذا ما عندك دعاء الاستخاره قوليلي بنطيكوه وتدللي .....

[جوتشي]

اهلين جين كيفك شو اخر اخبارك ان شاء الله خير
جين انا بسمع بالتبخير انه للتنظيف ما سامعه انه بيعالج الالتهابات اذا انت سمعت هيك معلومه
انا ما بقدر افيدك لاني ما عندي فكره بس على كل الاحوال هي الاعشاب وخاصه مغاطس
البابونج كتير مفيده للالتهابات بس مش التهابات عنق الرحم ممكن الخارجيه
لانه صار مع سلفتي هون في المانيا التهاب بول عالجته بمغاطس البابونج
كمان انا بعد الولاده والخياطه وصفتلي اياه الدكتوره عن جد ما شفت اسرع ولا اروع من هيك
بعدين انت مش خسرانه شي ما راح يضر اذا جربت التبخير بالشاي الله يوفقك ويرزقك
الذريه الصالحه يارب

[نسمة داليا]

جوتشي يا ريت بتوضحيلي اسم الموقع واشون بسجل بيه اتمنى تفاصيل اكثر اذا بدك
وجزاكي الله كل الخير

[zomorod]

والله فكرتيني بيها
مرة قبل ما أحمل بإبني عملتهالي ماما
-ربي يعطيها الصحة وطول العمر -لأنوكنت سقطت مرتين:confused:
ولله الحمد حملت ورزقني الله بالهاشمي
وبعدها حملت وسقطت مرة أخرى:confused:
والآن نفسي أجرب أحمل , وقرأت الموضوع لكني نسيت الكثير
يقولو يتبخر في اليوم 5 من الدورة 5 6 7 ثلاث مرات
وهذا معروف عند جداتنا
أنا عن نفسي راح أجربها وأرى

[zomorod]

قبلاتي ليكم كيفكم جوتشي,نسمة,hala

[جوتشي]

كيفك نسومه
والله حبيت احكيلك عن شغله مهمه انا كنت متلك اتابع هاي الكتب واحفظ منها كتير اشياء
بس مره بعد ما كنت كتير معتمده عليها سمعت شيخ موثوق بكلامه انه كلها هاي الادعيه
ما وردت عن الرسول صلى الله عليه وسلم وهي من البدع استغربت كتير بس فكرت ارجع
اشوف شيوخ تانيه والله بحثت كتير في هذا الموضوع لحتى تاكدت انها كلها كتب
القصد منها الربح التجاري وانت كمان تاكدي افضل شي تاخدي الادعيه اللي وردت
عن لسان الرسول صلى الله عليه وسلم والله انا بنصحك عشان ما تكوني تايهه في
هيك كتب متل ما كنت انا

[zomorod]

ما خاب من إستخار
jienوأيضا الإستغفار :إستغفري بنية الحمل
وربي يرزقك ويفرحك بأولادك

[hala.ph]

يا هلا باخواتي الحبيبات جوتشي جين زمرد نسمة
جين حبيبتي انا ما بعرف بالخلطات هي بس انا بقلك احسن وصفة هي الدعاء صدقيني لما باخر الليل بتصلي وبتقراي قران وبتدعي رب العالمين من قلبك قبل صلاة الفجر الا ما تجيبلك نتيجة باذن الله
جوتشي ابقي خبريني عن المغاطس يلي بعد الولادة كيف بتعمليها

[جوتشي]

نسومه موضوع الاي باي ما بينفع هيك من بعيد بدك تشوفي حد بيفهم في هدا الموضوع
عشان ما تتلخبطي بالنسبه للغه
على كل الاحوال هو بتفوتي على الموقع بتكتبيه www.eBay.de وبعدين بتدخلي على
التسجيل وهناك راح يطلب منك رقم حساب وعنوان وكل شي بس ما انصحك تعمليه
لوحدك
اهلين زمرد كيفك طمنينا شو صار معك وين وصلت ان شاء الله كل اموركم ماشيه تمام

[zomorod]

في أي شي جوتشي ما فهمت?

[جوتشي]

ان شاء الله هاله وان شاء الله ما بيصير معك خياطه وما تحتاجيها لاهي ولا المغاطس حتى
بس ممكن اهون من المغاطس بهالبرد كانت تحكيلي تعملي متل كمادات البابونج
بس انا ما عملتها عملت المغاطس بس لانه كان وقتي معي وكان عندي بس هالبنت

[hala.ph]

الله يسلمك جوتشي ان شاء الله الله يسمع منك يارب بس على قولتك هون بالمشافي دارجة الخياطة ولا مو كتير

[zomorod]

راح أروح أعشي الأطفال وأعود لما ينامو
أترككم في رعاية الله

[جوتشي]

زمرد بسالك انه امورك تمام لانه كان عندك شغل وما كنت مخلصتيه في غرفه بنتك
والله يا هاله لا مش ضروري تحتاجي الخياطه بس ساعات بيجرحوا عشان يكون في
مجال لينزل المولود او كمان عشان ما يصير في جروح عشوائيه انا تخيطت بس
في بنتي الاولي ومن بعدها اي جروح كانت تصير ما كانت تحتاج يعني مش كل جرح
بيتخيط

[jien]

شكراا لكم


زمرد بما أنك جربتيه يا ريت تحكيلي كيف عم تستعملي


و أيمتى الصبح ولا المسا

و جزاكي ربي الف خير

[jien]

جوتشي مو مشان الألتهابات راح أعملها لأني تعبت من حكي الدكاترة

حكولي لازم أعمل عملية تنظير و عملت الحمد لله كان منيح

و مبارحة طلبوا مني أعمل عملي مشان يعرفوا ليش لما يعطوني منشطات للمبايض عم

يكتروا قلت ما راح أعمل هل عملية و الله جسمي ما بقى يتحمل

[نسمة داليا]

بس يا جوتشي صلاة الاستخاره هذه معرفي
جوتشي هذا اشون بشتري منه او بعرف الاغراض

[jien]

نسومة كيفك

و شكرا لألك ربي ينولك اللي تتمنيه

[جوتشي]

لا لا يا نسومه مش قصدي الاستخاره اعوذ بالله انا بقصد انه يقول الواحد بسم الله 100000 مره
هاي الاعداد وكتير اشياء كنت اقراها عفوا انا ما قصدت الاستخاره
الاستخاره انا الحمد لله حتى لو احب اشتري شي كبير تلفزيون مثلا او ثلاجه بصلي
الاستخاره
بالنسبه للموقع انت بتكتبي اسم الغرض اللي بدك اياه بيطلع لك كل الاغراض الموجوده
لو بقدر ابعتلك على الخاص كنت ممكن اعطيكي ايميلي ومن ثم تلفون زوجي يفهم
زوجك شو يعمل ما تنسي الله يرضى عليكي اسالي حد كتير ناس بتعرفه وبتتعامل
معه واذا بدك انا بعرفلك تفاصيل دقيقه ممكن تفيدك من زوجي وبحكيلك لانه ممكن
بدون ما تنتبهي توقعي بالغلط

[jien]

زمرد وينك أحكيلي عن تبخر بالشاي أي نوع منها مشان بكرا بأذن الله راح أجرب

[zomorod]

كما أنا عملت
في أي وقت حتى أنو العادة ما كانت عندي
لكن كماقلتلك: ألي قلتي عليه أنا قرأتو في موضوع
وشفت النسوة شكرة الطريقو مليح
فتوكلي على الله وإشتري شاي liptonأو kamille tee
وضعي مقدار واحد في قدر وماء يغلي حتى تشوفي أنو البخار
بدأيطلع كثير ثم ضعي القدر في الأرض بين رجليك وأنت واقفا
حتى يخف البخار ويارب الشهر القادم ماتجيك العادة وتفرحينا
بخبر حملك

[zomorod]

جوتشي
باقي الستائر
راح أشتريهم من نوع
الخزانة ما راح أشتريها الآن
لأنو ربما هذا الشهر راح أتعلم سياقة
على كل حال يوم الجمعة زوجي عندو frei
يا رب يوافق و يروح معي يسجلني
اليوم إشتريت سلة المهملات ألي ترمي فيها
الأوراق تصورو أمس لقيتها 10 euro في محل واليوم
لقيتها 3euro في محل آخر شوفو الفرق
آآآ وفاظلي الفراش لل bett

[jien]

من تمك لباب السما يااااارب ربي يوفقك مع زوجك و يخليلك أولادك و يفرج هم كل ناس

بس أخت زمرد أنا سمعت أنو عم يتبخروا بالشاي على الفحم

شووو رأيك أنتي

[جوتشي]

صباح الخير
كيفكم كانكم نمتوا بكير مبارح انا مبارح تعبت كتير ونمت متاخره
واليوم صحيت محلحل علي التعب بطريقه صعبه كتير بس
الحمد لله الله قدرني وقمت وديتهم على دواماتهم
طمنوني عنكم شو اخباركم اليوم بعده باوله

[hala.ph]

صباح الخير
اهلا جوتشي سلامتك ان شاء الله شو عديتك شكلي ما نمتي منيح
هو الجو اليوم كتير غائم وغليظ انا ما بحب هيك جو بيعطيني كاابة
شو مشاريعك اليوم

[. تيوليب***]

http://www.dgreetings.com/newimages/goodmorning/goodmr23.gif

صباح الخير عليكم يا بنــات ألمـانيـــا

وأحلى صبـــاح لأحــلى

جـوتشــــــي http://lakii.com/vb/images/icons/icon19.gif

[zomorod]

صباح النور تيوليب
صباح الخير جميعا
أولا jien أظن أن الماء أحسن
جوتشي سلامتك ألف سلامة وربي يعينك على تربية أطفالك يارب
هالة , نسمة كيفكم اليوم ربي يهنيكم
بالنسبة لي كل ما أصنع شي في البيت وأقول: إرتحت والبيت أصبح
مو لازمو شيئ, تطلعلي أشياء أخرى
لما إشتريناالبيت زوجي فتح غرفتين على بعض وعملناهم صالون
و الآن نحتاج الغرفة لأبني ولازم نغلق الجدران وزوجي مو فاضي
لكي يدور على بناء

[جوتشي]

صباح الخير والورد تيوليب حبيبتي
كيفك وكيف الاولاد
زمرد صباح الفل كيفك الله يعطيكي العافيه
ما شاء الله انت بيتك ملك الله يهنيكي
والله البيت بيضل لازمه اغراض وفرش
ما دام بيتك الك باي وقت بتغيري خلي
وقتك معك

[جوتشي]

السلام عليكم كيفكم يا حلوين
زمرد هاله نسومه جين وينكم
هاله ما بينتي اليوم ان شاء الله تكون الغيبه خير
ونسمع الاخبار الطيبه يا رب

[hala.ph]

اه جوتشي الحمد لله بعدني عايشة
والله ولاشي بس صايبني نوع من الاكتئاب ما تشوفي شر
ستي الحمد لله انتي كيفك اليوم الصبح كنتي تعبانة

[جوتشي]

هاله انا بالصدفه هلا شفت ردك تبع الصبح
كيف ما شفته الا هلا بتعرفي لاني فتحت
اخر صفحه دغري عاد كان حكيت معك الصبح
لاني طولت على النت وطبخت بوقت متاخر
الحمد لله انك بخير والله هذا الاكتئاب من الحمل
ويمكن يصيبك بعد الولاده انا كنت اقعد اشكي
على جوزي لامي على التلفون بعد الولاده وهو
قاعد جنبي وبطبطب على كتافي كانه ما اله دخل
بالموضوع هلا برجع اذا لقيتك ببعتلك بس اقوم
انيم ابني الصغير

[جوتشي]

هاله بعدك هون

[hala.ph]

جوتشي حبيبتي انا اسفة قلقتك علي وخليتك تستنيني بس اجا زوجي وطلعني شوي
وفوق هيك كان الاكل تقيل ع معدتي فاستفرغت وحالتي حالة الحمد لله ما يهمك
اصل انا من لما قعدت بالبيت فعم يديق خلقي كتير وزوجي ما عم ييجي للسبعة المسا
ولا الحمد لله اموري بخير بس متل ما قلتي يمكن اكتئاب الحمل او اني حاسة بغربة
قبل شوي كنت عم ابكي من غير سبب وزوجي حرام عم زيد همو فوق مانو مهموم علي كتير
والله ما بحكي همي غيركن ما الي غير الله وانتوا
الله يخليلك اولادك ويفرحك فيهن يا رب

[K.S.A..]

http://www.lakii.net/images/Aug08/hanaa_3ntcUD0.gif








أختاه..أحباب رسول الله صلى الله عليه وعلى آله وسلم ..كل دموع الناس لا تبل ظمأ القلب القاسي ولو انحدرت كالسيل .




عجباً لمن هو حاضر الذهن في الدنيا فإذا جاء الدين تعكر..




هيا: افتح قلبك وعقلك لحظات وتفكر..




هيا بنا إذا !!





**نجوم سطعت في سماء الشكر**




نوح عليه السلام:




أثنى الله عليه: ( ذُرِّيَّةَ مَنْ حَمَلْنَا مَعَ نُوحٍ إِنَّهُ كَانَ عَبْداً شَكُوراً ) (الاسراء:3) .. ويُعلق محمد بن كعب " كان نوح إذا أكل قال: الحمد لله .. وإذا شرب قال: الحمد لله .. وإذا لبس قال: الحمد لله .. وإذا ركب قال: الحمد لله فسمّاه الله عبداً شكوراً ".




أيوب عليه السلام:




قال الحسن البصري: " كان أيوب عليه السلام كلما أصابته مصيبة ، قال: اللهم أنت أخذت وأنت أعطيت ، مهما تبقى أحمدك على حسن بلائك ..".




وقيل: لما ابتلى الله عز وجل أيوب بذهاب المال والولد والأهل فلم يبق له شيء أحسن من الذِكر والحمد لله رب العالمين ثم قال: " أحمدك رب الأرباب الذي أحسنت إليّ ، قد أعطيتني المال والولد فلم يبق من قلبي شعبة إلا قد دخله ذلك ، فأخذت كله ، وفرّغت قلبي ، فليس يحول بيني وبينك شيء ، فمن ذا تعطيه المال والولد فلا يشغله حب المال والولد عن ذكرك لو يعلم إبليس بالذي صنعت إليّ حسدني !! ".




إبراهيم عليه السلام:




قال الله تعالى: ( إِنَّ إِبْرَاهِيمَ كَانَ أُمَّةً قَانِتاً لِلَّهِ حَنِيفاً وَلَمْ يَكُ مِنَ الْمُشْرِكِينَ – شَاكِراً لَأَنْعُمِهِ اجْتَبَاهُ وَهَدَاهُ إِلَى صِرَاطٍ مُسْتَقِيمٍ) (النحل:120-121) .. وتحدّث علامة الزمان ابن القيّم في هذه الآية قائلاً " فأخبر عنه سبحانه بأنه أمّة أي قدوة يؤتم به في الخير .. وأنه قانت لله ، والقانت: هو المُطيع المقيم على طاعته ، والحنيف: المُقبل على الله المعرض عما سواه .. ثم ختم هذه الصفات بأنه شاكر لأنعمه فجعل الشكر غاية خليله ".




سليمان عليه السلام:




قال الله على لسانه: ( وَقَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)(النمل: من الآية19).




علي بن أبي طالب:




عن الأصبغ بن نباته قال: كان علي إذا دخل الخلاء قال: " باسم الله الحافظ المؤدي وإذا خرج مسح بيديه على بطنه ، ثم قال: يا لها من نعمة لو يعلم العباد شكرها ".




ابن تيمية:




عن يونس بن عبيد قال: قال رجل لأبن تيمية " كيف أصبحت .. قال: أصبحت بين نعمتين لا أدري أيهما أفضل .. ذنوب سترها الله فلا يستطيع أن يُعَيّرني بها أحد .. ومودة قذفها الله في قلوب العباد لم يبلغها عملي ".




علي زين العابدين:




كان من دعائه بمنى " كم من نعمة عليّ قلّ لك عندها شكري ! ومن بلية أبليتني بها قلّ لك عندها صبري !




فيا من قلّ شكري عند نعمته فلم يحرمني ، ويا من قلّ صبري عند بلائه فلم يخذلني ، ويا من رآني على الذنوب العظام فلم يفضحني ولم يهتك ستري ، ويا ذا المعروف الذي لا ينقضي ، ويا ذا النعمة التي لا تحول ولا تزول ، صلّ على محمد وعلى آل محمد واغفر لنا وارحمنا ".




حبيب بنمحمد:




كان عاصياً فسمع الموعظة فرق قلبه ، ودمعت عينه ، وتاب إلى الله ، وكان لديه أربعون ألف درهم فتصدّق بهم على أربع مرات .. فتصدّق الأولى وقال: إني اشتريت نفسي منك .. ثم الثانية .. وقال: هذا شكر لما وفقتني إليه ثم تصدّق الثالثة .. وقال: وهذه صدقة إن لم يقبل الله الأولى والثانية ، ثم تصدّق الرابعة ولم يبق معه شيء ، قائلاً: وهذا شكري على الثالثة !!.




حمّال فقِه المعنى ..




رأى بكر بن عبد الله المزني حمّالاً عليه حمله وهو يقول: الحمد لله .. استغفر الله .. فانتظرته حتى وضع ما على ظهره ، وقلت له: أما تُحسن غير هذا ؟! قال: بلى أحسن خيراً كثيراً أقرأ كتاب الله ، غير أن العبد بين نعمة وذنب فأحمد الله على نعمه السابغة وأستغفره لذنوبي ، فقلت: الحمّال أفقه من بكر ".




محمد بن واسع:




وكثير منا بل كلنا لا يسمع عن هذا العابد العملاق ولعلك تتعرف أكثر عليه من خلال بلوغ عبادته لربه الذروة إذ " خرج له في رجله قرحة شديدة فقال له رجل من أصحابه .. والله إني لأرحمك من أجل هذه ، فرد محمد قائلاً: إن كنت تحبني يا أخي فاشكر الله تعالى معي الذي لم يطلعها في لساني أو في عيني أو في أذني أو تحت إبطي !! ".




أبو بكر المزمني ..




يحكي لك عمرو بن عثمان: " ما رأيت أحداً من المتعبدين في كثرة من لقيت بمكة المكرمة حرسها الله تعالى ، ولا أحداً ممن قدم علينا في المواسم أشد اجتهاداً ولا أدوم على العبادة ، من المزني رحمه الله تعالى ، ولا رأيت أحداً أشد تعظيماً لأوامر الله تعالى منه ، وما رأيت أحداً أشد تضييقاً على نفسه وتوسعه على الناس منه ".




لقد ظهرت عليهم بركات العبادة .. وسطعت على مُحياهم آثار الهداية ..




وفاح من نفوسهم عبير الإيمان ..



ألا من مُتبع ؟ ألا من مُقلد ؟ ألا من مُشارك ؟

[hala.ph]

استغفر الله العظيم
الهم صلي وسلم على نبينا محمد
الحمد لله
اختي K.S.Aجزاكي الله الف خير والله اعلم انكي خففتي عني اللهم اجعلنا من عباده الصابرين التائبين الشاكرين  

[جوتشي]

السلام عليكم وصباح الخير كيفكم جميعا
زمرد شو عامله
نسومه احكيلي شو صار معك وطمنيني
هاله هلا كيفك منيح انك طلعت بتغيري جو
معلش يا هاله هي الغربه مع تقل الحمل
مع الانتظار هادا كله بيضيق الخلق وبخلي
الواحد مش عارف يركز على شي معين
والله يا هاله ما حدا بكي في هالبلد قدي
انا كنت احس حالي غريبه في بيتي ولما
ولدت كنت ليل ونهار ابكي واشكي لامي
بس كلها كانت اوهام لاني ما اولد بيتصيب
جوزي حاله كنت افكرها غريبه كانت تصيبه
حاله صمت بس يحمل الطفل ويحطه على
صدره ويصفن ولا كاني موجوده وكاني بس
موجوده عشان اخلف وكنت احس متل اللي
بدو يضل يحمله وما يعطيني اياه وكنت ابكي
لامي على التلفون وهو يسمع بس ما يغير
شي تمر علينا هاي الحاله شي 3 اسابيع
بس بعدين مع المرات والسنين عرفت انه
هو بيحب يعيش هيك جو مع هدوء وخصوصيه
بينه وبين المولود وخلص هلا بقول ما نابني
الا العذاب وكتر البكا يا ريت هلا ياخد كل اولاده
ويعيش معهم سنه من الخصوصيه بعيد عني هههههههههه
ممكن ييجيكي اكتئاب وشعور بالضيق وممكن لا
اذا بتعمل لنفسك جو بعد الولاده بيكون احسن

[hala.ph]

صباح الخير
عزيزتي جوتشي الحمد لله على كل حال والله يصبرنا على هالغربة
والله هالبلد بدها كتيرحتى اتعود عليها
بس صدقيني انا اول مرة بسمع بحالة زوجك انو بحب يعيش مع المولود اول ما ييجي بهالطريقة يمكن هو حنون كتير
واحساس الابوة عندة حساس زيادة

[hala.ph]

اخ جوتشي
عندي حرقة فظيعة بالبول شو اعمل
وموعدي الجاي مع الدكتورة لبعد اسبوعين
والله بحس متل سيخ النار

[نورة الجزائرية]

الى حبيبات قلبي وغاليات روحي وعزيزات فؤادي واخواتي الحنونات الطيبات البسبوساااات اقووووووللكن
جمعة مباااااااااااركةةةةةةةةةةةة وطيبة وربي يتقبل منكن الدعاء والصلاة
وبحول الله سابدا الصيام من الغد
هي اول ايام العشر فمن منكن ما عندها اي مانع ان نبدا سويا ونتذكر بعضنا بالدعاء لنا ولامة محمد بالثبات والغفران يا حبيباتي

[جوتشي]

اهلا فيكي اخت نوره ان شاء الله احنا صيام
الله يقدرنا
هاله ما تستني موعد الطبيبه اعملي موعد جديد وخليها تشوفك لانه ادا بكون عندك التهاب
المثانه بدك علاج لانه تطوره بيصير مزمن انا هيك مره حكتلي الطبيبه وكتير نسوان بييجوا
في الشتا من بنات بلادنا وجونا واول ما ييجوا بتصيبهم هاي الشغله
ما تخافي مش راح تصير مزمنه بيومين بس انا بحكيلك عشان ما تهمليها
هاله بالنسبه لزوجي عنده المولود الجديد لو يصحله يعزله ما بقول لا وهو كتير حنون
وبحب يضم اولاده لحضنه لو تشوفي ابنه الكبير عمره 20 سنه كيف بنام بحضنه
كانه بيبي صغير انا هاي الشغله كتير بحبها فيه الحمد لله
المهم ديري بالك على حالك وما تهملي الطبيبه خليها تشوفك

[نسمة داليا]

السلام عليكم بنات كيف حالكم
ان شاء الله بخير
كيفكي يا جوتشي وزمرده وهاله وجين

[نسمة داليا]

أهلا بيكي نوره الجزائريه

[hala.ph]

اهلا فيكي اختي نورة الله يجزيكي الخير ويعلها ايام خيرة ع الجميع يا رب
ان شاء الله جوتشي بدي اسمع منك واعمل موعد قريب والله هالوضع مو مريح ابدا
الله يخيلك زوجك بتعرفي قليل امثالو انو يكونوا بهالحنية سبحان الله بتعرفي حتى انا بحس زوجي كتير حنون رح يكون لانو من هلا متل ما بتقولي بحب الاطفال كتير وخاصة هي انو يضم البيبي ع صدره عندو اياها شغلة كبيرة
اهلا فيكي نسمة طمنينا عنك وكيف اللغة ان شاء الله ماشية منيح على كل حال بدها صبر كتير ولجتهاد الله يوفقك

[hala.ph]

اه يا بنات وينكن انتوا ادعولي الله يخفف عني
اليوم صابتني بردية قوية وجسمي هدني هد شكلو جريب قوي ولولا المسكن ما اقدرت احكي معكن
الحمد لله كلو بييجي مع بعضو

[جوتشي]

صباح الخير والبرد اليوم برد كتير
هاله الف سلامه عليكي الحقي حالك بالسوائل و شاي الاعشاب واعملي موعد عند
الطبيبه بسرعه بلاش تيجي الولاده وانت هيك الله يعينك
لانه بدك تشدي بكره وشويه جهد يعني وخدي نفس وطلعي نفس خليكي باذن الله
تكوني صحيتي الله ياخد بيدك يا ريتك جنبي كان جيت ساعدتك في شي
لو حتى طبختلك

[hala.ph]

صباح الخير
الله يسلمك حبيبتي جوتشي ويخليلك اولادك يا رب والله ما بتقصري انت بنت حلال وقليل امثالك
صدقي طول الليل وانا نازلة بالمي والبابونج الله يعين ولا يدوقها لحدا الجمد لله
الطبيبة راحت للاثنين ما في حدا اليوم وبكرا
قال شد والله مالي حيل ارفع حالي وهالنوع من الجريب كتير ثقيل نازل ع ركبي بالذات
يا ستي وقت الولادة الله معي شو اعمل هيك نصيبي

[zomorod]

صباح الخير
هالة سلامتك يا عزيزتي
وربي يكون في العون
جوتشي فيك الخير والله
نسمة كيفك شو الأخبار
jien شو, عملتي البخار ? طمنينا

[جوتشي]

السلام عليكم كيفكم
زمرد شو عامله ان شاء الله بخير
هاله كيف صرت ما اظن تقدري تشوفي النت
هاله حاولي تروحي المستشفى لا تستني
يوم الاثنين يومين بيغيروا كتير
الله يشفيكي ويعافيكي يا رب

[zomorod]

أسعد الله صباحكم
وأعطاكم ماتتمنون بجاه رب العالمين

[jien]

مرحباااا

كيفكم زمرد جوتشي نسومة

هالة كيف صرتي

زمرد أي أختي عملت متل ما قلتيلي ربي يسعدك دنيا و آخرة

[جوتشي]

مسا الخير كيفكم يا جماعه الخير احنا مش عم نلتقي في وقت واحد الا ما ندر
شو اخباركم زمرد هاله جين نسمه
هاله والله عدم طلتك بتقلق هالاد تعبانه الله يعينك طمنينا عنك شو صار معك
رحتى على المستشفى ولا مستنيه لبكرا الله ياخد بيدك ويشفيك ويعافيكي

[جوتشي]

مسا الخير كيفكم يا جماعه الخير احنا مش عم نلتقي في وقت واحد الا ما ندر
شو اخباركم زمرد هاله جين نسمه
هاله والله عدم طلتك بتقلق هالاد تعبانه الله يعينك طمنينا عنك شو صار معك
رحتى على المستشفى ولا مستنيه لبكرا الله ياخد بيدك ويشفيك ويعافيكي

[نسمة داليا]

اهلا جوتشي كيف حالكي
انا بخير
كيفكي جين وزمرده وهاله
اليوم كان عندي كله شغل عم اشتغل بالبيت صارلي اكثير ما اشتغلت من ظهري
اليوم حسيت نفسي احسن اشتغلت ورجع علي فوقفت الشغل

[zomorod]

صباح الخير
والله يعينكم جمبعا
الله يسمعنا الخير على هالة
نسمة شفاك الله أعانك
jienربي يسهل وتكوني حامل بجاه رب العالمين الذي لا يعلوه جاه
جوتشي كيفك عزيزتي أريد رأيك ورأي الجميع
في الحقيقة أنا تعبت من قعدت البيت بحثت عن شغل وما لقيت
ففكرة أني أعمل مشروع صغير لكن ما ني عارفا شو هالمشروع
ساعدوني بأفكاركم وربي يجيب ألي فيه الخير

[جوتشي]

السلام عليكم كيفكم جميعا
نسومه الف سلامه عليكي والله يعطيكي العافيه بس من غير شر ما في اطفال اجلي الشغل
لحتى تصحي على الاخير رحتى الطبيب ولا لسه طمنينا عنك
هاله كيفك شو صار معك الله يعينك ويشفيكي
زمرد كيفك والله يا زمرد ما انصحك تشتغلي اذا وضعك المادي كويش الا اذا بدك تشتغلي
شي عليه القيمه بس تعرفي انا قبل فتره متت عشان اعمل مشروع Partyservice لاني
بطبخ كتير كويس الحمد لله وطبخ عربي راح يطلبوه الالمان كتير وبيدفعوا كتير كويس يعني شغله مربحه وكتير شجعوني بس المشكله انه بتحتاجي مطبخ تابع لمكان
خارج البيت متل مطعم او هيك اشياء عشان يقبلوا ويعطوكي الرخصه لقيت حالي
ماديا مش مستعده ادفع ايجار مطبخ بس شغله روعه ما بعرف كيف رايك بتربح اضعاف
وكلها على الطلبيات في مواسم الحفلات

[zomorod]

فكرتك قريبة من فكرتي
أنا كنت فكرت في مشروع حلويات عربية
لكن لقيت نفسي لوحدي وتعبت من التفكير
ثم رفعت الراية البيضا وتناسيت الأمر

[جوتشي]

انت حابه يكون معك شريك والله يا زمرد لحالك وعلى الخفيف احسن
بس بتعرفي بعد التجربه الالمان بيطلبوا اكلاتنا اكتر من الحلويات انا
كنت اعمل الدجاج المحشي وورق العنب وكتير اكلات عربيه جيراني
المان اكلوها عندي صاروا بس يعملوا حفلات او عزومات تطلب مني
اعملها وهي معي بس بدون فلوس وهي كمان تطبخلي طبخ ياباني
لانها يابانيه وزوجها بس الماني وحتى الناس اللي ياكلوا عندها يدقوا
الباب علي يعبرولي عن شكرهم وانه الاكل مميز

[zomorod]

قالي زوجي: أنا مش فاضي
فكري أنتي ودبري حالك
لكن كيف أبدأ ومن وين ما عندي فكرة
لو أنك قريبة مني لعملنا المشروع
أنا ووأنت
عندي أحلام كثيرة ولا يمكن تتحقق إلا بالمال الوافر
الله يرزقنا الرزق الحلال الواسع يارب

[zomorod]

على فكرة جوتشي
لو حابة نتواصل علىmesenger
أعطيني ال ok
وراح أبعثلك إمايلي في رسالة
على الخاص

[جوتشي]

امين يا رب العالمين
يا ريت والله كنا شكلنا حتى بالاكل انا الي صديقه جزائريه كانت دايما تحكيلي انا معك
بس للاسف حتى هي فكرت مثلي انه لازم يكون في راس مال كبير الاكل مش مشكله
ممكن 200 اويرو تبدئي فيهم عند اول حفله بس المشكله عندي كانت المطبخ لو تستطيعي
تشوفي حد عنده مطبخ في مطعم انا كان صاحب زوجي عنده بس الله يسامحه طلب ايجار غالي كثير اول مره وبعدين غير رايه قال لزوجي انا احب ابيع بيع لانه هو عنده مطبخ لعمل
الاكل بس محله بجنبه بس بيبيع اشياء غير الاكل هو طمع حس بحاجتنا للمطبخ قام عمل
هاي الحركه الله يسامحه وخربلي كل شي

[جوتشي]

اوكي زمرد ما في اي مشكله نتواصل ان شاء الله

[zomorod]

الله يعوض عليك
بعثتلك الرسالة وأنا في إنتظارك

[جوتشي]

وصلك زمرد مني ايميل

[zomorod]

وصل عزيزتي

[نسمة داليا]

كيفكي يا زمره ان شاء الله بخير انا من قبل عم فكر مثل هذه الفكره بس مش طبخ
انا اعرف اعمل كروشي وعندي كيول بيه ففكرت لو اعمل بالبيت واتعامل مع محل بس انا ما اعرف اي محل اقدم عدكم اي فكره على جمعيه او محل انتو تعرفوه بعمل مثل هيك شي


اهلا جوتشي كيف حالك اليوم داومت والحمدلله ظهري بيوجعني لكن وجع مستحمل
انا رحت على الدكتور وطعاني كريم بس اضعه على ظهري انام بس ما فاد شي


كيفكي هاله ان شاء الله الله يسهل عليكي
كيفكي جين طمنينا عليكي

[hala.ph]

مرحبا يا بنات
طولت عليكن
بس سبحان الله ما بعد الشدة الا الفرج
تاخرت عليكن بس جبتلكن معي اخبار حلوة
الحمد لله
ولدت وجبت احلا بلال والحمد لله ما طولت كتير وكانت ميسر والحمد لله وهادا الحكي ب 30 الشهر
واليوم انا بالبيت بس الحمد لله اموري بخير
وشكرا لالكن لسؤالكن علي

[جوتشي]

صباح الخير واحلى والدين
هااااااااااااااااااااله االف الف الف الحمد لله على السلامه ومبارك قدوم احلى بلال
يا رب لك الحمد كما ينبغي لجلال وجهك وعظيم سلطانك .......
يا الله شو فرحت طمنيني كيفك هلا وشو عامله
وكيف بلال وفرحه ابو بلال فيكي وفيه هم وانزاح الحمد لله ...
ما شاء تبارك الله بسرعه الامور صارت وما كملت شهرك وطلعتي بسرعه والله اني مبسوطه
كتير ما انا بعرف انتظار هيك شغله بتتعب نفسيا بس شوفي ربنا قديش كريم
يلا بس ترتاحي خبرينا كيف صار معك باي وقت ولدت وقديش وزن المولود وكيف احساسك
هلا وكيف صحتك انت وبلال حبيبي الله يحفظلكم اياه يا هاله وتشوفوا خيره ويجعله يارب
من الذريه الصالحه ويكون سبب لدخولكم الجنه مستنيه ردك وبوسيه بوسه خفيفه كتير
على ايده مني لاني مرشحه
والف الحمد لله على سلامتك

[zomorod]

الحمدلله رب العالمين
مبروك يا أم بلال ألف مبروك
وربي يفرحكم بيه و يكون من الذرية الصالحة
يا رب ويرفع راسكم دايما
يالله لما ترتاحي خبرينا كيف الأمور
إهتمي بفسك وببلال
أأأأأ ه لو كنا قراب منك كنا ساعدناك
لكن الله يكون معاك ويهنيكم يارب بالمولود

[zomorod]

http://www.dreamtype.com/msp/fabricsmile2.aspx?manifest=e2_fireworks&quality=75&message=mabrouk ya om bilal&acct=55F44D33-7363-402A-98D0-79DE4509C315

[zomorod]

نسمةأفكر لك في حل أوأبحث في النت
جوتشي بالنسبة للمشروع
هل يمكن أن نبدأ به في البيت وتتأتي الطلبات
وأحنا نحضرها ونبعثها

[جوتشي]

السلام عليكم
زمرد كيفك وشو هالحلو هاد مبروك يا ام بلال كيف عملتيها عن جد حلوه بتستاهلها ام بلال
واحسن منها كمان الله يبارك فيكي
زمرد ما هي الطلبات راح تكون تبع لقانون معين وعن طريق التليفون او الايميل بس التليفون
اكتر ممكن حد يطلب وما ياخد الطلبيه هاي وارده وبدها تكون بالحسبان
بس يمكن صدف ....... المشكله الاكبر يا زمرد انه لازم يكون في ترخيص وما بيعطوكي اياه
الا اذا بتامني مطبخ خارج البيت يكون صحي وفي شروط لازم الالتزام فيها هاي اذا بتقدري
تحصلي على مطبخ كتير بتنجح يعني لازم شويه اجراءات لانه بدنا ننتبه انه اي واحد في
الحفله يصير عنده وجع بطن او راح مستشفى اول ما يسالوا شو اكل عشان هيك لازم
ناخد بالقوانين عشان ما يكون في اي مسئوليه راح تخسرنا كثير الطبخ ولا اسهل منه
بس المشكله في هاي الاجراءات ولعلمك الفلوس بتحل كل هاي المشاكل الله يعطينا
ويرزقنا الحلال ادرسيها انت شوي وخلينا نشوف ..... على فكره امبارح زوجي كان متضايق
شوي ما حبيت اشغله بموضوع الماسينجر

[zomorod]

بالنسبة للصورة لقيت رابط
أكتب ما أريد وأنقر تطلع لي الصورة
والله يا أختي تعبت من التفكير
http://www.dreamtype.com/msp/fabricsmile2.aspx?manifest=money-web&quality=75&message=joutchi&acct=55F44D33-7363-402A-98D0-79DE4509C315

[zomorod]

الله يفرج ضيقتو عزيزتي جوتشي

[نسمة داليا]

الف الف الف الف مبروك يا هاله
والله تستاهلين كيفكي هسع ان شاء الله بخير وكيفه بلال ان شاء الله اسم على مسمى
ان شاء الله تفرحين بيه

كيفكي جوتشي ان شاء الله بخير

كيفكي زمرده ان شاء الله بخير كيف الاولاد
اشكركي أختي على مساعدتكي بس اقول اكيد في هوني جمعيه او سوبر ماركت تركي بيقبل هيك اشياء
يا زمرده اشوف مشروع الطبخ كلش مربح بس اشويه متعب
انا سمعت وحده عراقيه متفقه مع مطعم بتعمل كبب عراقيه وبيقولون بترح اكثر من زوحها هههههههه

[نسمة داليا]

هذه الك يا هاله ان شاء الله تعجبكي
وان شاء الله يوم الي نسمع جين حاملي قولوا امين......................



http://www.albdoo.info/imgcache2008/a7030b5b9ffe3836a5b9b19ea246f293.gif

[hala.ph]

حبيباتي جوتشي وزمرد ونسمة
شكرا لالكن كتير اع التهاني الرائعة والله يعلم انكم اخواتي واحبكم في الله
الحمد لله صحة الولد كتير منيحة ووزنو 2800 غ
يعني شو بدي احكي سبحان الله صارت الشغلة مفاجئة والله انا وزوجي فرحتنا مو واسعيتنا
يعني بتعرفوا كنت مكربة كريب قوي ويوم السبت ما نمت الليل من الحرارة للساعة 7 الصبح وما في يا دوب غفلت ولا عم حس بسائل عم ييجيني فقمت وقفت والا زاد وكانو حنفية وانفتحت و هون قلت اكيد ولادة وصرت ارجف وخفت ودغري فيقت زوجي قلتلو يلا ع المشفى هون ما كان لسا في وجع حتى وصلنا المشفى بلش الساعة 11 خفيف هيك و كان الرحم فاتح 2 سم فقالولي روحي تمشي شوي وارجعي هيك للاربعة بلش يقوى كتير بعدين عطوني محرض للرحم حتى يفتح وحطولي بالمي السخنة وهي كانت منيحة و وفادتني كتير حتى ارخي اعصابي وكان مجال للرحم حتى يفتح اكتر وهيك للساعة 6 ما عاد تحملت الوجع صار يزيد كتير
بعدين فحصوني كان فاتح 6 سم بعدين عطوني كمان ابرة تحريض صاروا الطلقات مستمرين واقوى واخدوني ع غرفة الولادة
والحمد لله كان الجنين نازل بالحوض منيح وراسو مبين بس الرحم ما عم يفتح بسرعة وكان شي 8 سم وبلش الجنين يدفع ويزيد الوجع هيك للساعة 7 حتى قالتلي القابلة ادفعي وانا هون ما صدقت حتى قالتلي ادفعي والحمد لله اجا احلا بلال وضميتو ع صدري وعنجد ما في احلا من احساس الامومة بتنسي كل الالام بس تضمي ابنك ع صدرك
الله لا يحرم هلاحساس لكل مشتهي يا رب والك بالاخص حبيبتي جين
ووالله يا بنات الحمد لله طول فترة الولادة وانا استغفر وادعي واقرا ايات قران واقول يا رب يا لله ورب العالمين ما بينسى حدى بس تكون الثقة كبيرة برب العالمين
جوتشي حبيبتي سلامتك ان شاء الله ما ع قلبك شر وما يهمك وصلت البوسة

[جوتشي]

صباح الخير لاحلى مغتربات احبكم في الله
كل عام وانتم بالف خير وتقبل الله طاعاتكم
الحمد لله على سلامتك يا هاله والله فرحنالك
وما شاء الله امورك تيسرت سبحان اللي
بعين وما بينسى حدا وما شاء الله وزن البيبي
كويس انا اولادي اجو هيك بهاي الاوزان واشي اقل
واشي اكتر المهم انه الصحه كويسه
ان شاء الله يكون ابوه اذن باذنه اليمين وحنكتوه بالتمر
واذا ما عملتوا هيك اعملوا هلا احسن خليه يسمع
الاذان سنه عن الرسول صلى الله عليه وسلم
انا راجعه بس اشوف ابني

[jien]

أنشاء الله الف مبروك و حمد لله على سلامتك أنتي و بلال

و يتربى بعزكم و دلالكم ياااااارب

أعذريني حبيبتي أتاخرت بالمباركة بس و ربي كنت أفكر فيكي

بشكرك من كل قلبي على الدعاء

[zomorod]

الف الف الف الف مبروك يا هاله
والله تستاهلين كيفكي هسع ان شاء الله بخير وكيفه بلال ان شاء الله اسم على مسمى
ان شاء الله تفرحين بيه

كيفكي جوتشي ان شاء الله بخير

كيفكي زمرده ان شاء الله بخير كيف الاولاد
اشكركي أختي على مساعدتكي بس اقول اكيد في هوني جمعيه او سوبر ماركت تركي بيقبل هيك اشياء
يا زمرده اشوف مشروع الطبخ كلش مربح بس اشويه متعب
انا سمعت وحده عراقيه متفقه مع مطعم بتعمل كبب عراقيه وبيقولون بترح اكثر من زوحها هههههههه

نسمة سلام يا أختي
والله فكرة جميلة ليش ما عملي زيها تتفقي مع محل
يعرضلك ما تصنعيه وتتفقون على النسبة
بالنسبة لي ما في حد مشجعني من العائلة
ما في حماس
ربما راح أ عود أكمل في sprachschuleلتتحسن اللغة عندي

[zomorod]

jienعقبال عندك أختي
ونفرح بيك وبالمولوديارب عاجلا عاجلا عاجلا

[zomorod]

جوتشي الله يفتحلك أبواب الخير والرزق وين ما تلفتي
أنت و نسمة و jienوهالة وأنا أيضا
عاجلا ليس آجلا

[hala.ph]

السلام عليكم
الله يسلمك جوتشي اي والله الحمد لله كانت ميسرة وهاد فضل وكرم من رب العالمين
زوجي حضر الولادة معي والحمد لله دغري بس اعطتنا اياه القابلة ادنلو بس لسا ما حنكناه بالتمر بس اكيد ان شاء الله رح نعملها بهالوقت طمنيني عنك كيف الرشح معك اليوم
صدقي اليوم عنا تلج كتير واليوم بالذات اخدنا بلال ع الدكتور بشان يعملو فحص كامل وكلومنيح والحمد لله
اختي جين ما يهمك الله يبارك فيكي يا رب وان شاء الله تعالى اكيد رح يكرمك وهو ادرى بكل شئء وبيعرف حاجتنا بس بدو يشوف صبرك وايمانك
زمرد كيفك حبيبتي انتي ونسمة شو عاملين هالايام عنكن تلج متل عندي

[zomorod]

الله يهنيكم ببلال يا هالة
شوفي بالنسبة لحليب الأم ولكي يكون كثير
روحي عندمحل مغربي وإبحثي عن حبة الحلاوة
مليحة كتير أنا كنت جربتها
ضعي كمية ملعقة كبيرة في 2لتر من الماء وتركيه يغلي
حوالي 15 دقيقة حليه بالسمر وإشربي طول النهار
بارد أو دافئ كبف ما تريدي
وتغدي مليح وإشربي حليب .....:):):)

[zomorod]

هون ما عندنا ثلج فقط برد ومرة على مرة مطر

[jien]

السلام عليكم

كيف الصحة جميعا

جوووتشي زمرد نسومة أم بلال

زمرد تسلميلي و ربي يفرحك بأولادك و ينور طريقك يااااارب

جوتشي شوو أخبارك

نسومة كيفك شو مشان الأولاد أنتي عم تمنعي الحمل ؟

[نسمة داليا]

:) السلام عليكم
كيفكي ياهاله ان شاء الله بخير
كيف ابنكي بلال
كيفكي زمرده وجوتشي وجين
الله يفرحكم بأولادكم وحياتكم وأخرتكم
اليوم رحت على المستشقى لان ظهري من يومين اكثير زاد
عملت فحص بالادرار وما في شي الحمدلله
زمرده على امر الشغل حكيكي صح بس انا ما اصور انجح بمشروع الطبخ لكن الكروشي شي يفرحني عندما اشتغل بيه
ولا يهمكي يازمرده الهمه يكون منكي واذا ما في حواليكي حد بيشجعوكي انتي شجعي نفسكي .
انا فتت على الشوله مش بس حتى اعرف الماني واحكي بيه فقط
انا اداوم في العراق بكلية علوم حياة ونجحت اول سني
واجلت هالسني
اتمنيت اكمل دراستي لان اذا حياتي بدون دراسه اتكأب
فقدمت هذا الامر في الانتر نشنل فقالوا يجب ان تحصلي على اعلى مستوى بالالماني حتى يحقلي ادخل في الكليه
فهذه يحتاجله سني كامله تحضير
ولهذه ما بدي ادخل مشاريع مثل الطبخ احس بتبعدني عن هدفي
ومن الله التوفيق
راح اروح هسع ادرس لان صارلي يومين ما درست شي واكيد سبقوني بالمعهد
السلام عليكم

[نسمة داليا]

يا هاله اليوم الجو كلش بارد والصبح ثلجت كلش قليل وهسع في مطر

[جوتشي]

صباح الخير على الحلوين
كيفك زمرد شو اخبارك الي يومين وانا بدرس الموضوع شايفته بدو شغل وفي شويه صعوبات
من ناحيه الضمان وعدم تحمل المسئوليه اتوقع هيك مشروع لازم يشتركوا في كذا شخص
لو عندك اصدقاء شايفه لو كنا قراب صدقي كنا اعتمدنا على بعض ولمينا معنا شويه ناس
كل واحد بياخد نصيبه يا زمرد اذا الله كاتب لنا هالشغله
هاله كيفك اليوم وكيف بلال كويس انه الفحص ايجابي والف الحمد لله وكيف الرضاعه
قولي ما شاء الله دايما انت اكيد بتعرفي كل شي بس احنا بنذكرك الله يكمل فرحتك
ويكبر بالصحه والسلامه وكيف النوم معه هلا راح ينام ساعات طويله طمنينا عنكم كل
ما طليتي على النت
جين الله ييسر امرك طمنيني عنك كيف امورك ان شاء الله نسمع اخبارك الطيبه قريبا
ما تنسي كتر الاستغفار خليها دايما على لسانك وقيام الليل وانا يا جين طلبت من
ناس يجيبولي ماء زمزم ما وعدوني لانه بالسعوديه صايرين يسمحوا بكميه محدوده
بس انا طلبتها علشانك حتى لو قنينه صغيره راح ابعتلك اياها ادا جابوها
نسمه يا حلوه كيفك الحمد لله انه الفحوصات بتطمن وما فيكي شي يعني هو الارهاق
بيعمل وجع في كل شي انا كمان وجع الظهر هذا حدث ولا حرج بس يمكن لاني كنت
ارضع بالليل الان بعد ما فطمت ابني عم يخف وعندي اوجاع برجلي كله من الارهاق
انت بس ادرسي وجيبيلنا احلى نتائج بتنسي الوجع كله الله يوفقك

[hala.ph]

السلام عليكم
اهلا فيكم جوتشي وزمرد ونسمو جين
جوتشي الحمد لله كل الامور تمام والحمد لله عم برضعو منيح وعم يحجر صدري كتير صاير مو مشكلة فداه
متل ما قلتي مزبوط هلا ببرضع وبينام كتير
اليوم حممناه والله ما شاء الله عليه ما بكي وروق ع الحمام يمكن تذكر حالو لما كان ببطني هههههههه
جوتش وزمر ناويين تعملوا مشروع والله مو غلط الله يوفقن يا رب و ييسرلكن اموركن
نسمة سلامتك ان شاء الله انتي لازم ترتاحي وكيف اللغة عك
جين شو عم تشتغلي بالمانيا احكيلي عنك كتر

[hala.ph]

زمرد حبيبتي شكرا كتير ع الوصفة اكيد انتي بتقصدي حبة الحلاوة هي الشومر عنا ما
ان شاء الله بدي اجيبهن واطبقها تسلميلي يا رب
الله يسلمك ويخليلك اولادك

[جوتشي]

السلام عليكم ورحمه الله وبركاته
كل عام وانتم بخير وتقبل الله طاعاتكم
كيف اخباركم اليوم شو عاملين
زمرد ويييييييييييييييينك خبرينا عنك
هاله طمنين شو اخر اخبارك تعودتي
على الامومه اكيد حسيتيها قبل الولاده
الف الحمد لله كيف البوبو وكيف عم تنامي
بالليل ان شاء الله يكون كل شي تمام
بعد ثلاث اشهر بتبدئي تتنظمي اذا الله
راد وما تردي عللي بقولك خليه يبكي
يعني يبكي بس مش لحتى ينام هدا
حكي المان بس الطفل بحاجه للحضن
انا اولادي ما بيبكوا ابدا بس اسمع صوتهم
انا او ابوهم بنركض نحملهم لحتى يكبروا
ويصيروا يمشي يعني سنه زمن الله
يقدرك ويكون معك

[l!Nda]

http://www.khairomah.com/na/ta5.jpg

[hala.ph]

السلام عليكم
جمعة مباركة عليكم جميعا في هذه الايام الفضيلة
طمنونا عنكن يا بنات كيف تحضيراتكن للعيد انا من ناحييتي هالعيد مكرس لبلال ما معي مجال اعمل شي
اه يا جوتش الحمد لله صدقي احساس الامومة متل ما قلتي من وقت الحمل ببلش بس سبحان الله من اول لحظة شفتو فيها قلبي صار بخفق حفق
حتى زوجي حضر معي الولادة قلي يلي بشوفك وانتي عم تطلقي ما بشوفك لما اعطوكي اياه ع صدرك سبحان الله احلا شعور
من ناحية النوم صدقي ما عم نام متل العالم يعني انتي ادرى بدو عناية كتير بس سبحان الله ع قلبي متل العسل ومتل ما قلتي انا وابوه بس يبلش بدو يبكي بنركض عليه
بس ان شاء الله ينتظم بعد 3 اشهر لانو لازم ابلش دوام بالجامعة باذار ومن هلا هكلانة هم كيف بدي حطو بالحضانة الله يكون بالعون الحمد لله
انتي شوعاملة مع الاولاد وكيف قادرة تسيطري عالوضع لانو انا بقول هيك ويادوبني فكيف بلي عندو 3 او 4

[كرز وتوت]

http://images.abunawaf.com/2006/12/d6aed3c247.gif

[zomorod]

تشرفنا بمروركما حبيبة والطيور المهاجرة
سلام يا غالية
يارب تكونو جميعا بخير
والله يسعدكم دنيا وآخرة يا رب
أنا كنت مرضانا أنا والأطفال
وتوي قدرت أتحرك الحمد لله أحسن من قبل
وحتى الأطفال أحسن
البارحة أخذتهم عند الطبيبة
قلتلها أعطيني دواء جيد حتى ولو دفعت الثمن من جيبي
لأنهم دايما مرضانين

[jien]

السلام عليكم

زمرد ما على قلبك شر أنتي و الأولاد ربي يعطيكم الصحة و السلامة

هالة ربي يباركلك في بلال ويجعله من الصالحين

[hala.ph]

زمرد سلامة قلبك انتي والاولاد ما ع قلبكن شر بتعرفي هو الجو كتير بخوف الله يعافيكن يا رب
جين تلمي يارب كيفك شو عاملة هالايام
وين نسمة وجوتشي شو عاملين

[jien]

جوتشي أختي أشكرك منن كل قلبي على أهتمامك بي

ربي يسعدك و يوفقك في دنيتك و أخرتك

[hala.ph]

السلام عليكم
كيفكن اليوم
جوتشي قلقتيني عليكي بالعادة دايما بتكوني السباقة يوميا بالتجمع وينك اليوم الله يجعلو خير يا رب طمنينا عنك
زمرد كيفك اليوم انت والاولاد ان شاء الله تحسنتوا ان شاء الله الف سلامة عليكن
نسمة طمنين عنك وكيف اللغة ما حاسة حالك عم تتحسني الله يوفقك
حبيبتي جين تسلمي يارب ومعك حق جوتشي ما في منها الله يوفقها ويخللها اولادها دايما حاملة هم الكل رغم مسؤلياتها الكبيرة

[نسمة داليا]

السلام عليكم ورحمة الله وبركاته
كل عام وانتم بألف خير ويعيده عليكم بخير وبصحه
ويحفظ الامه العربيه من كل شر
كيفكم على العيد
بالنسبه الي راح اكمل دوامي خلال العيد
انتم شو عاملين



http://taihatodalam.jeeran.com/card11.jpg

[جوتشي]

السلام عليكم كيفكم يا حلوين
زمرد الف سلامه عليكي عزيزتي وسلامه الاولاد الف سلامه وكيفكم الان ان شاء الله احسن
والله انا ما صدقت ولله الحمد انه طلعنا من حاله المرض اللي كنا فيها الكل كان تعبان بس
فضل ربنا وكرمه لا اله الا هو طمنينا عليكي
هاله شو اخبارك ان شاء الله كله تمام بدي اسالك عم تعطي بلال اسم الله عليه مساعده
قصدي قنينه ؟ وعملتوا شي بالنسبه للتامين ؟ طمنيني عنكم
انا والله يا هاله كنت افوت النت هاليومين بس بصراحه ما كنت اقدر اكتب بصراحه نفسيتي
كانت اجلك الله متل الزفت ومقفله معي على الاخر كنت افتح النت بس لاني متوتره
ومش عارفه شو بدي بس الحمد لله هلا انا كويسه الله يسعدك يا هاله ويكتبلك الخير
بس قوليلي انت بدك تحطي بلال بحضانه تابعه للجامعه ولا كيف .. توكلي على الله
ومتل ما بتتيسر بكل شي راح تتيسر بهاي كمان ان شاء الله كله خير
جين الله يسعدك ويهنيكي كيفك شو اخبارك يا رب نفرح معك بخبر حلو كله بوقته بيكون
حلو ان شاء الله اقدر افيدك ويصح لهالجماعه يجيبوا الماء
نسمه حبيبتي وانت بالف خير ان شاء الله ينعاد علينا وعلى امه المسلمين بالخير
والسلامه واليمن والبركه الله يوفقك يا رب هو هون العيد مش متل بلادنا حتى انا
السنه مش راح اروح على الصلاه ولا على الحفله الخاصه بالعيد حاسه حالي
راح اتغلب بس يرجعوا من الصلاه جوزي وبناتي ان شاء الله بعملهم مشروع
طلعه وفتح هدايا وشويه صور اكتر من هيك حتى ما الي مزاج السنه اعمل

[hala.ph]

اهلا حبيبتي جوتشي معليش هو الجو بهالوقت بيعطي كابة كتير وبدنا نطول بالنا كتير بس الحمد لله انك هلا احسن
انا ما عم بعطيه شي لسا بالمستشفى قالولي لاتعطيه شي وخصوصا اول اسبوع بس رضاعة طبيعية بس ما بعرف شو رايك انتي لازم ابلش اعطيه شي يعني انا جبتلو يانسون خصوصا لالو هلا بس رضاعة صدقي هلكت وخصوصا بالليل كتير عم بتعب عم فكر اشتري شفاطة حليب ورضعو من القنينة
بالنسبة للتامين لهلا ما بنعرف قالولنا بالمستشفى رح يبعتوا الفاتورة ع شركة التامين واذا ما دفعوها بيبعتولنا اياها الله يقدم يلي فيو الخير
والحضانة في وحدة قريبة ع الجامعة بدي حطو فيها بس يصير عمرو 3 اشهر ان شاء الله

[hala.ph]

ان شاء الله كل عام وانتم بخير ويجعلو اضحى مبارك علينا جميعا وينعاد عليكم بالصحة والسلامة اخواتي جوتشي وزمرد ونسمةوجين
نسمة انا بالنسبة الي معيدة مع بلال بالبيت لا طلعة ولا فوتة يعني رضاعة ونوم غيار

[جوتشي]

اهلين هاله بعدك هون ...؟
والله يا هاله هو افضل طبعا انه يرضع طبيعي وانت كلي واشربي السوائل هي اللي بتجيب
الحليب مستثنى منها طبعا القهوه والشاي لانهم راح يتعبوا البيبي وما ينام وكمان اصلا
بينزلوا السوائل اللي بالجسم ما بعرف اذا بتعرفي انه المنبهات لازم بس الصبح او بالنهار
بكير عشان ما يسهر بالليل .. بس بالنسبه للقنينه انا بحب اعطي الطفل لو بس شاي
فنشل او يانسون او مليسه كمان هاي المليسه بتهدي الاعصاب وبنام الطفل منيح بالليل
بس ابني والله ما حب ياخد قنينه بس اول فتره اخدها لاني كنت اشفط واعطيه لانه صار
عنده صفار وصار لازم ياخد قنينه عشان بتنزله الحليب بدون ما تتعبه

[جوتشي]

السلام عليكم وينكم يا غوالي كيفكم شو اخباركم
كل عام وانتم بخير ....... زمرد وينك طمنينا شو صار
معك وكيف الاولاد الان ان شاء الله احسن

[hala.ph]

السلام عليكم ورحمة الله وبركاته
عيد اضحى مبارك عليكم جميعا اخواتي الغربات ولعائلاتكم بدوام الصحة والعافية
اهلا حبيبتي جوتشي انتي كيفك والاولاد ان شاء الله بخير
معك حق جوتشي ان شاء الله هالغيبة تكون فرحة العيد

[sosoooo]

http://www.molhem.com/mypic/555.jpg

[cernilia]

ضيفة.......................

[jien]

أدام الله لكم الاعياد دهورا

و ألبسكم من تقواه نورا

و جعل أوقاتكم كلها سرورا

عيدكم مبارك

[جوتشي]

اصبحنا واصبح الملك لله
كل عام وانتوا بالف خير ينعاد علينا وعليكم بالصحة والسلامه
حبيت اصبح عليكم كيفكم كلكم راحوا على الصلاه من الصبح
بكير وانا تعبانه شوي مش عارفه كيف بدي اعملهم برنامجهم
اليوم بالعيد ...... ان شاء الله تشوفوا بهاليوم كل ما تحبوا وتتمنوا

[TOUNISSIA]

السلام عليكم كل عام وانتم بخيربنات ان شاء الله راحي اجي قريب على بون على حسب فيزاو حابة اسالكم على المدينة كيف اجواءها وبالنسبة للغة انا درست START DEUTSCH 1 شوالمستوى اللي لازم اكمله للدراسة بالجامعة انا دارسة ببلدي لغة انقليزية بس ماكملت وحابة اني كمل بالمانيا ينفع ويبغالي اعيد من اول? اسفة على كثرة استفسارات والله يجزاكم خير

[TOUNISSIA]

عيد اضحى مبارك

[lone~ly]

كل عام وانتم بخير
وجعل الله أيامكم جميعها أعياد وسعاده وتحقيق أمانى
وفرج كرب المسلمين وجمع كلمتهم على الحق
واعاد كل بعيد الى اهله وبلده

[jien]

السلام عليكم

و كل عام و أنتم بخير

أخواتي اليوم الصبح كنت في velen كان عندي موعد و حددلي الدكتور يوم العملية يوم

الأثنين الجاي لأنو في تكيسات على المبايض حكالي أذا ما بعمل هالعملية بعمري ما راح

احمل سؤالي لكم اخواتي هل سمعتم بهذه العملية و ما هي نتائجها

أنا خايفة من العملية لأنو قبل10 شهور عملت عملية تنظير و تعبت موت

دعواتكم لي ربي يوفقكم

[نسمة داليا]

السلام عليكم يابنات
كل عام وانتم بألف خير
يارب ينعاد علينا وعليكم بخير واليمن
جين الله معاكي دعواتكي الكي ان شاء الله ما تنقطع يارب
الله يفرج كربكي وكرب المكروبين

[نسمة داليا]

السلام عليكم كل عام وانتم بخيربنات ان شاء الله راحي اجي قريب على بون على حسب فيزاو حابة اسالكم على المدينة كيف اجواءها وبالنسبة للغة انا درست START DEUTSCH 1 شوالمستوى اللي لازم اكمله للدراسة بالجامعة انا دارسة ببلدي لغة انقليزية بس ماكملت وحابة اني كمل بالمانيا ينفع ويبغالي اعيد من اول? اسفة على كثرة استفسارات والله يجزاكم خير



السلام عليكم اختي تونسيه ان شاء الله تجين باقرب وقت وتنضمين النا
من ناحية معرفة بون انا لا ادري عليها اي شي :[]L
اما بخصوص الدراسه انا خلصت في العراق سنه اولى علوم حياة
وسافرت فاردت ان اكمل فى المانيا
وفعلا قدمت كلشي وقالوا لي يجب ات تحصلي على اعلى مستوى في اللغه الالمانيه .
اما بالنسبه الى جدول اللغه انتي بتحصلي b1وبعدها اذا انتي في كليه علميه تدخلين وتكملين الكورسات العلميه
اما اذا ادبيه تكملين كورساتكي بالادبي يعني كورس خاص لتخصصكي
وبعدها يحقلكي تدخلين الكليه الي تبين من اول سني

[hala.ph]

السلام عليكم
عيدكم مبارك اخواتي جوتشي وزمرد وجين ونسمة
وانتي بخير جوتشي طمنيني عنك كيف صحتك بعدك تعبانة سلامتك
حبيبتي جين الله ييسرلك يا رب ويكتبلك حمل قريب باذن الله
نسمة كل عام وانتي بخير كيف حاسة العيد مع الدوام
اختي TOUNISSIAاهلا وسهلا فيكي بالنسبة لمدينة بون انا ما بعرف عنها بس بالنسبة للدراسة اذا بدك تبلشي من بداية الجامعة بتوقع بدك ع الاقل شهادة zertifikat Deutsch وهي عنا بسوريا بناخدها بعد 6 دورات ويمكن حتى بالمانيا يطلبوا منك شهادة اعلى اسمها DSHبالنسبة الي انا بدرس ماجستير باللغة الانكليزي ببرلين بس اذا بدي بلش من البداية بيطلبوا مني DSH يعني الماني بس انتي خبريني اكتر شو حابة تدرسي هون ومن وين بدك تبلشي وشو اسم الجامعة بلكي اقدر افيدك

[minoucha87]

shonen fest jeder mina marokkanerin

[TOUNISSIA]

السلام عليكم
عيدكم مبارك اخواتي جوتشي وزمرد وجين ونسمة
وانتي بخير جوتشي طمنيني عنك كيف صحتك بعدك تعبانة سلامتك
حبيبتي جين الله ييسرلك يا رب ويكتبلك حمل قريب باذن الله
نسمة كل عام وانتي بخير كيف حاسة العيد مع الدوام
اختي TOUNISSIAاهلا وسهلا فيكي بالنسبة لمدينة بون انا ما بعرف عنها بس بالنسبة للدراسة اذا بدك تبلشي من بداية الجامعة بتوقع بدك ع الاقل شهادة zertifikat Deutsch وهي عنا بسوريا بناخدها بعد 6 دورات ويمكن حتى بالمانيا يطلبوا منك شهادة اعلى اسمها DSHبالنسبة الي انا بدرس ماجستير باللغة الانكليزي ببرلين بس اذا بدي بلش من البداية بيطلبوا مني DSH يعني الماني بس انتي خبريني اكتر شو حابة تدرسي هون ومن وين بدك تبلشي وشو اسم الجامعة بلكي اقدر افيدك
اختي الله يجزاك خير على الرد انا مخلصة باكالوريا ادبي وكملت مرحلة اولى بجامعة في تونس لغةانقليزية مرحلة اولى اقصد سنة اولىوثانية .سوالي اقدر اكمل سنتين اللي باقية للتخرج في المانيا يعني انا دارسة انقليزية وناوية اكملهايعني مفكرة ماني علمي او تخص يحتاج الماني يعني اقدر اتعلم الماني بس مو حق دراسة بالجامعة دروس راح تكون انكليزي يعني بتونس هيك كانت بس كان عندي بس كورس بالفرنسي فلسفة والباقي انكليزي? وفي مشكلة بحجاب?

[zomorod]

عيدكن مبارك للجميع
والله يهني ويسعد الضيفات ألي طلو علينا
يارب تكونو جميعا بخير
جوتشي ,نسمة, هالة jien وعائلاتكن وكل أحبتكن
jienليس عندي فكرة لكن عندي لك الدعاء لله, يا أختي لا تخافي وتأملي في الله خيرا والحمد لله على كل شيئ

[جوتشي]

السلام عليكم كيفكم
زمرد وين كنت شو اخبارك طمنينا كيف الاولاد الان ان شاء الله انشغالك يكون خير شو عملتي بالعيد
هاله جين نسومه كيفكم شو عملتوا بالعيد الدنيا برد والعيد بدون الاهل صعب
انا ما عملت شي كنت مريضه بس طبختلهم كوسا وورق وجبت للاولاد هدايا حتى مش غاليه
عشان التضامن مع اهالي غزه ووعدتهم بس الله يفرجها عليهم راح نحتفل اكتر وبقينا بالبيت
اهلا باخواتي الجداد كل عام وانتم بخير ونورتوا
جين انا صاحبتي عملت هاي العمليه كمان كان عندها كيس كبير على المبيض وكتير بسمع
نساء بيعملوها وفي منهم بالعلاج اذا الكيس صغير بدون عمليه بس اذا حكالك بدك عمليه
اعمليها لانه هو طبيب بيحكي اللازم حبيبتي خذي بالاسباب وتوكلي على الله وان شاء
الله نسمع اخبارك الطيبه

[zomorod]

عزيزتي جوتشي
ماعملت شي
كنا مرضانين و هذا هو اليوم الأول
لنمارس حياتنا طبيعيا والحمد لله
يوم السبت الماضي أخذني زوجي ليلا
للمستشفى طلع مع bronchit
لكن الحمد لله اليوم أحسن بكثير
الله يعطيكم ويعطينا الصحة والعافية
يارب

[hala.ph]

السلام عليكم
جوتشي وزمرد اهلا فيكم
جوتشي انا معيدة مع بلال بنام بالنهار وبيقعدلي بالليل وشغال فيني رضاعة وغيار والله معك حق العيد بلا الاهل صعب بس الحمد لله بتواصل معهم ع النت بخفف شوي الحمد لله وبرافو عليكي ع التضامن مع اهل غزة حتى الاولاد عم تحسيسيهم بهالشي الله يفك الحصار عنهم يا رب
زمرد حبيبتي سلامة قلبك انتي والاولاد بس ما فهمت شو طلع معك اللله يبارك فيكي يا رب
اختيTOUNISSIAبالنسبة لدراستك اكيد بدك لغة الماني واذا حابة تكملي بنفس المجال بتوقع بيعملولك تعديل للمواد يلي مقدمتيها مسبقا ببلدك وبتقدري بعدين تكملي حسب هنن ما بحطوكي باي مرحلة بس اللغة اهم شي ولازم توصلي لمستوى كتير منيح حتى يقبلوكي بالجامعة متل ما قلتلك قبل
بالنسبة للحجاب ما بتوقع ابدا رح يكون في مشكلة انا بجامعة برلين محجبة وبعملوني معاملة كتير منيحة وما بتوقع حتى ببون يكون في مشكلة خاصة اذا البلد فيها مسلمين كتير او اتراك

[hala.ph]

السلام عليكم
جوتشي وزمرد اهلا فيكم
جوتشي انا معيدة مع بلال بنام بالنهار وبيقعدلي بالليل وشغال فيني رضاعة وغيار والله معك حق العيد بلا الاهل صعب بس الحمد لله بتواصل معهم ع النت بخفف شوي الحمد لله وبرافو عليكي ع التضامن مع اهل غزة حتى الاولاد عم تحسيسيهم بهالشي الله يفك الحصار عنهم يا رب
زمرد حبيبتي سلامة قلبك انتي والاولاد بس ما فهمت شو طلع معك اللله يبارك فيكي يا رب
اختيTOUNISSIAبالنسبة لدراستك اكيد بدك لغة الماني واذا حابة تكملي بنفس المجال بتوقع بيعملولك تعديل للمواد يلي مقدمتيها مسبقا ببلدك وبتقدري بعدين تكملي حسب هنن ما بحطوكي باي مرحلة بس اللغة اهم شي ولازم توصلي لمستوى كتير منيح حتى يقبلوكي بالجامعة متل ما قلتلك قبل
بالنسبة للحجاب ما بتوقع ابدا رح يكون في مشكلة انا بجامعة برلين محجبة وبعملوني معاملة كتير منيحة وما بتوقع حتى ببون يكون في مشكلة خاصة اذا البلد فيها مسلمين كتير او اتراك

[نسمة داليا]

السلام عليكم
اشونكم خواتي
جين وهاله وزمرده وجوتشي وتونسيه
انا بالنسبه للعيد عادي عنداوم انا وزوجي
بس لازم فرحة العيد على وجهننا ان شاء الله يجي يوم ونرجع على اهلنا
اختي تونسيه انا مثل حالتكي خلصت سني اولى في العراق
وان شاء الله اكمل في المانيا على شرط احصل على dshالي هو اعلى مستوى في المانيه
راح ياخذ معي سني كامله حتى احصل الدراسه
واذا اردتي التفاصيل انا اصور كتبتلك كل التفاصيل في الرد السابق
ولا اتخافين على مسألة الحجاب في المانيا انا محجبه واداوم كلش عادي
بالعكس تعكسين صورة الاسلام في الحجاب والدراسه و التعليم
طبعا بالمناسبه اليوم صار في المعهد مناقشه حول الحجاب فتحت الموضوع وحده تايلنديه سالت صديقتي عراقيه بس غير محجبه
وقالت لها انتي من العراق وصديقتكي من العراق لماذا انتي ما تلبسين الحجاب وهي تلبس الحجاب
وصار نقاش حلو وحاولت اوصل الاسلام على صورته الجميله

[نسمة داليا]

هاله بدي اسالكي كم المبلغ الي كلفتكي في الولاده؟

[hala.ph]

اهلا فيكي حبيبتي نسمة
بشان فاتورة المستشفى لسا ما وصلتنا لانو قالولنا بالمستشفى رح يبعتوها ع شركة التامين واذا ما قبلوا يدفعوها بيبعتولنا اياها
والله نحنا بنستنى ان شاء الله تدفعها شركة التامين ونخلص من هالهم
ادعولنا انتوا يا بنات
والحمد لله وكلنا امرنا لله كلشي منيح من رب العالمين

[جوتشي]

صباح الخير كيفكم
زمرد الف سلامه عليكي وما تشوفوا شر مرض الاولاد مرض للكبير فوق مرضه الله يعينك
ويشفيكم ويعافيكم ان شاء الله اليوم انت احسن..؟ انا والله من يوم الوقفه ما بعرف شو
صار في جوزي بحكيلي يمكن من الصيام بس لا ما اظن بدي اروح الطبيب انا شاكه انه
صار عندي الشقيقه لاني صرت ابكي متل الاطفال من الصداع اللي عمري ما شعرت
في بهالشكل الغريب حتى عيوني ما صرت اشوف فيهم الحمد لله على كل حال

[جوتشي]

هاله كيفك وكيف بلال ان شاء الله كله تمام معلش يا هاله بكره بيتنظم كل شي كمان
بس تحطيه بالحضانه راح يتنظم اكتر لانه في عندهم اساليب خاصه وكويسه بس هلا
الحضانه كمان بدها تكلفك مصاري كتير ؟ الله يعينكم وان شاء الله بيدفع التامين كل شي
انا عم اكتب واسكر عيوني مش شايفه فيهم شي ما عارفه ليش هيك المهم طمنيني
عنكم ............................

[hala.ph]

السلام عليكم
اهلا فيكي حبيبتي جوتشي سلامة راسك لازم تراجعي الطبيب ولا تسكتي ع حالك لانو يلي بتحكي عنو بصير معك اعراض شقيقة لا سمح الله انا بعرف من هيك لانو زوجي وحماتي عندهم شقيقة وهيك بصير معهم تقريبا بس هي اذا بتسكتي بتزيد الاعراض لاسمح الله بصير بدك تستفرغي وتدوخي الله لا يجيبو عليكي يا رب بس انتي طمنيني عنك
والله يا جوتشي بعرف انو الحضانة بدها تكلف بس شو بدي اعمل ماعندي حل تاني وصدقي انا من هلا نفسيتي تعبانة بشانو كيف بدي اقدر اركتو بحضانة بعمر 3 اشهر بس متل ما بقلك ما عندي حل والله المعين ع كل شئ
الحمد لله

[جوتشي]

هااااااله انا هون هلا فتحت النت شفتك

[جوتشي]

كيفك هاله
ما انا هدا اللي صار معي وجع راس مش طبيعي مع استفراغ وبطلت اقدر افتح عيوني
وانا فكرت انه من الصيام بس عمره ما صابني هيك والله قبل الافطار بنص ساعه كنت ابكي
واصرخ جوزي فطرني وعطاني دوا وما كنت طابخه شي ونمت ما صحيت الا وهو بصحيني
اكل صحن شوربه بعد وقت الافطار بشي ساعه والله لازم اروح افحص
بتصدقي لليوم معدتي من الاستفراغ عم توجعني متل اعراض الحمل صايبني

[hala.ph]

والله حبيبتي جوتشي بجد لازم ما تسكتي ع حالك لانو انا بعرف والله زوجي يا حرام كمان بس تيجي الشقيقة ما بيقدر حتى قعدة انو يقعد بس بيتسطح لحالو وحتى حكي ما بيقدر يحكي واحيانا بياخد مسكن وما بيستفيد فلذلك بقلك والله لا تسكتي ع حالك
الله يعافيكي يا رب وان شاء الله تكون عابرة من الصيام وما تكون شقيقة

[hala.ph]

وين نسمة وزمرد وجين طمنونا عنكم
جوتشي طمنيني كيف صرتي

[نسمة داليا]

السلام عليكم يابنات كيفكم
ان شاء الله بخير
اشكركي ياهاله على السؤال انا الحمدلله كنت عم ادرس بس حسيت ما اقدر احفظ كلشي فقلت راح افوت عالمنتدى وارفه عن نفسي

[جوتشي]

صباح الخير صبايا حلوين
زمرد كيف امورك وكيف الاولاد الحمد لله على سلامتكم
هاله كيفك وكيف بلال وكيف نمت وقمت الله يحفظلك اياه ما شاء الله تبارك الله
نسمه كيفك شو اخبارك الله يوفقك وييسر امرك
جين شو اخر اخبارك قررت تعملي العمليه ولا لا
يا ريت لو نلتقي في وقت واحد ونكتب اخد وعطي

[zomorod]

صباح الخير
يارب تكونو جميعا بصحة وهنى يارب
جوتشي سلامتك يا عزيزتي لا تنتظري روحي للطبيب
والله يشفيك ويعافيك يا رب
هالة كيفك وكيفو بلال عم يرضع وينام مليح? وأنت
إرتحتي ولا فيه ألم? الله يعينك يا أختي وتكون تربية
بلال سهلة يارب
نسمة بالتوفيق يا عزيزتي
jienننتظر أخبارك الله يرزقك الخلف الصالح يارب عاجلا
بنات زوجي قالي روحي كملي قرايتك عشان تحسني الألمانية
ماني عارفه شو أعمل راح أصلي الإستخارة

[hala.ph]

السلام عليكم
الحمد لله انكن بخير جوتشي وزمرد ونسمة
نسمة الله يسلمك حبيبتي بدك تطولي بالك اساليني انا والله اللغة بدها صبر كتيييير حتى الواحد يمشيها بس انتي اهم شي تتواصليمع الناس بتستفيدي كتير
جوتشي كيف راسك اليوم مبين عليكي احسن ان شاء الله
صدقي بلال بنام بالهار وبيقعدلي بالليل يلا ع قولتك بكرا بينتظم بس والله بتعرفي بسليني كتير من غير شي هاليومين حاسة نفسيتي تعبانة شوي يعني لحالي عم بديق خلقي كتير وزوجي صاير يتاخر بالجامعة ما بييجي للساعة 8 صدقي حتى اني نام ما عم بصيرلي بشان مضي الوقت وصايرة بس بدي اتفشش باي شي بشان ابكي يمكن هي كابة بعد الولادة او شي ما بعرف يا ستي الحمد لله
زمرد حبيبتي الله يوفقك يا رب والله بلال عم يشتغل فيني صاير والحمد لله اوجاع ما كتير يعني كتير خفيفة يعني هو ما كان غير قطبيتين وهلا ما عم حس فيهن كتير الحمد لله
بتعرفي منيحة اللغة بهالبلد وانا من راي بنات زوجك صدقيني بتستفيدي كتير
جين طمنينا عنك الله ييسرلك يا رب

[جوتشي]

اهلين زمرد انا الحمد لله اليوم كويسه بفضل من الله بس بدي اروح ان شاء الله على الطبيب
والله يا زمرد اذا صحلك تروحي المدرسه ما تتاخري انا راح اموت عشان اروح وهيني فطمت
ابني قام جوزي استلم شغل جديد يتعارض ما استطاعتي اني اروح مدرسه وانا كنت انتظر
الفطام بفارغ الصبر بس فرصه يا زمرد هلا لانه ما شاء الله عندك وقت الان الله يوفقك يا رب

[جوتشي]

يا محاسن الصدف كيفك هاله

[hala.ph]

والله الحمد لله ماشي الحال
الحمد لله طمنتيني عنك
قليلي جوتشي كيف اولادك شو اعمارهن واسمائهم

[جوتشي]

ساره 12
جنين 6
اميره 4.5
زينب 2.5
عمر 10 اشهر

[جوتشي]

انا بعمل اكل وباجي بكتب بس شوي احط الصمون بالفرن

[hala.ph]

ماشاءالله الله يخليلك اياهن هي ساره ما شاء الله صارت عروس
معناها انتي ام عمر بتعرفي كتير بحب هالاسم هلا بتلاقي عمورة مدلل كتير
ان شاء الله بتشوفيه شب عريس

[hala.ph]

شو طابخة اليوم
انا محتارة شو اعمل لانو

[جوتشي]

الله يخليكي يا هاله العمر هياته ركض ركض بحس ساره قبل فتره بسيطه ولدت وشوفي
العمر ان شاء الله بتشوفي بلال قدها واكبر
عموره هادا اللي ساحرني يا هاله ولو اني بحكي لكل ولادي هاي الكلمه بس عمر كتير
قريب للقلب بس بدك الصراحه بدون ما حدا يعرف هي زينب وبسسسسسسسسسسس

[جوتشي]

انا عامله همبورجر لسه بدي اخلطهم بس هلا عملت الصمون وحطيته بالفرن

[hala.ph]

الله يخليلك اياهم يا رب نا شاء الله
يلا جوتشي رح تصير ردودك 300 عم استنى

[جوتشي]

اه طبعا ولا يهمك حتى كمان اوضحلك شويه شغلات

[hala.ph]

جوتشي هاد الصمون تبع الهمبرغر بتجيبيه متلج او انتي بتسويه
لانو مرة جبت صمون للهمبرغر ما عجبني مو متل يلي ببلادنا فما طلع الهمبرغر طيب كتير

[جوتشي]

سامحيني هاله انا شفت ردك تاخر طفيت الكمبيوتر وهلا شفت
والله انا بعجن وبخبز وبيطلع بجنن بس ما بعمله متل الصمون اللي
بيدوب من نقطه مي بعمله عادي طري بس مش متل الحرير مش
عارفه يمكن فهمتي قصدي

[ام البنات 7]

السلام عليكم ورحمة الله وبركاته
اخواتى المحترمات
تسعدنى دعوتكن ومن ترغبن للمشاركة
والتفاعل فى منتدااى الخاااااص


منتديات الجـــــورى النسائية

وهذا الرابــط اذا حبيتـــــن ذلك
http://aljory1279.kalamfikalam.com/
اختى لــى امل فى تشريفكن وزيارتكن وتسجيلكن معانا سلامى واحترامى
اختكم ام البنات 7