♥ أفراحنا الفلسطينية ♥ عبق التاريخ روعة التراث ولمسة من الحاضر ♥

[um almajd]

http://www.lakii.net/images/Mar07/um-walaa_0giWK3.gif


http://img530.imageshack.us/img530/636/23jz0.gif


غالياتـي .. لكم مني دعوه .. من عروس محاطة بالحب والحنان مع عائلتها وعائلة زوج المستقبل .. ولن تكتمل فرحتي إلا بوجودكم
معي .. أعز الصديقات وأغلى الأخوات .. فاقبلوا دعوتي لكم اليوم لحضور حفل زفافي .. في القدس .. في غزه .. في الخليل
في جنين .. في طولكرم .. وفي وفي وفي .... الكثير من المدن .. هل عرفتم من أنا ؟؟
أنـــــــــــا


http://img151.imageshack.us/img151/1734/ganageno3ys2.gif



فيا مرحبابكم معنا في
http://img72.imageshack.us/img72/3070/49722890ct7.gif


http://www.lakii.net/images/Nov08/summer_ikUMEn.gif



http://www.lakii.net/images/Nov08/summer_the-new-one.gif


وقصتي .. هي قصة كل عروس فلسطينية .. تبدأ بزيارة من والدة العريس لوالدتي .. وهي زيارة تسمى بـ جس النبض... فترى فيها حماة المستقبل
الصبية .. فإذا أحبتها ومال قلبها لها .. تطلب موافقة الأم على المصاهرة .. وتعطي عائلة العروس مهلة 3 أيام للتشاور وللسؤال عن العريس وحسبه ونسبه
(الآن قد يأخذ السؤال عن العريس وقتا أطول .. وذلك يعتمد على وجود العائلتين في نفس المدينة او لا) .. فإن كان هناك قبول .. أخذت والدة العريس ابنها
كي يرى العروس وتراه بين أهلها .. وتسمى هذه الزيارة بـ الشوفة .. وأبشركم .. كان هناك إعجابا متبادلا .. فنرى عيون الأمهات تلمع من الفرحة
والأخوات يهتفن لبعضهن مبرووووك .. والقبلات تنهمر على العروس ووالدتها


http://www.lakii.net/images/Nov08/summer_the-new-one.gif


وتأتي أيضا زيارة أخرى غير رسمية .. وهي الآن من والد العريس وولده .. الى والد العروس .. فيتم
الإتفاق على كل ما يتعلق بأمور العرس من أمور مالية كالمهر
والصداق .. ومواعيد الحفلات التي ستقام .. ولوازمها من حلى وعصائر وخلافه


http://www.lakii.net/images/Nov08/summer_the-new-one.gif


الجاهـــة أو الطلبــــة


http://www.lakii.net/images/Nov08/summer_JjxUD0.jpg


وصلنا إلى الزياره الرسمية للخطبة .. وتسمى لدينا بـ الجاهـة (الطلبة) حيث يتم تعيين موعد معين يتجمع فيه أهل العريس واعمامه
وخلانه وكبار العائلة من الذكور .. ووجهاء القرية او المدينة .. فيقوم أكبر الموجودين مقاما من أهل العريس بطلب يد العروس بشكل رسمي
وتتم هنا قراءة الفاتحة ............. تمت الخطبة
فتنطلق الزغاريد من داخل المنزل


آآويهاا يا ريتو مبارك .... آآويهااا والسبع بركات
آآويهاا كما بارك محمد .... آآويهااا على جبل عرفات


http://www.lakii.net/images/Nov08/summer_LM0nKB.gif


آآويهااا جيت أغني وقبلي ما حد غنا .... آآويهااا بقاع وادي فيه الطير بيستنا
آآويهااا وريتك يا عريس بهالعروس تتهنا .... آآويهااا وتضل سالم ويضل الفرح عنا


آآويهااا اسم الله عليكي واحده .... آآويهااا والتانية تنتين
آآويهااا والتالتة خرزة زرقااا .... آآويهااا ترد عنك العين


وتخرج صواني الحلى من كنافة ومبرومة وغيرها (تعتمد على مقدرة العريس)


http://www.lakii.net/images/Nov08/summer_mKYH4q.gif


http://www.lakii.net/images/Nov08/summer_HPIM1819.gif



يتبع بإذن الله


http://www.lakii.net/images/Nov08/summer_the-new-one.gif

[um almajd]

http://img516.imageshack.us/img516/826/31cn5.gif


ومن ثم يقام احتفال بالخطبة .. وقديما كانت تقام في المنازل .. وتلبس العروس وبقية النساء
الثوب الفلسطيني المطرز .. بكل ألوانه ودلالاته

http://www.lakii.net/images/Nov08/summer_OYczVi.gif

أما الآن فإنها تقام في الصالات والفنادق إن كانت حالة العريس تسمح بذلك

ومن الأغاني التي تقال في تلك المناسبة

تهانينا تهانينا ... يا عروستنا تهانينا
ان شاالله بدوم الأفراح ... وبتعلى مبادينا
الله الله الله

كلنا فرحنا ليكي ... وبفرحك بنهنيكي
ومبروك ان شاالله عليكي ... وعقبال كل محبينا
الله الله الله

رح نبقى ندعي ليكم ... الله يتمم عليكي
ويحميكي ويخليكي ... بس انت ما تنسينا
الله الله الله

http://www.lakii.net/images/Nov08/summer_the-new-one.gif

أحيانا يتم كتب الكتاب في نفس ليلة الخطبة .. فيأتي الشيخ (المأذون) إلى المنزل أو يذهب العرايس الى المحكمة .. وعلى جميع الأحوال يتم كتب الكتاب
بحضور جميع الأهل والأقارب وفي جو من الفرحة والسعادة والاحتفالات .. فيتم شبك العروس ويقوم العريس بتلبيسها مصاغها وهذا ما نسميه بـ التلبيسة

http://www.lakii.net/images/Nov08/summer_M5jbxU.gif

http://www.lakii.net/images/Nov08/summer_LqvnK7.gif

وتوزع مره أخرى الحلويات والعصائر
ومن عاداتنا توزيع المطبقيات (التوزيعات) وكانت عادة ما تكون بهذا الشكل

http://www.lakii.net/images/Nov08/summer_ynskc3.gif

ولكنها تجددت .. وأصبحت تظهر بشكل أجمل وبها إبداع أكثر

http://www.lakii.net/images/Nov08/summer_kDdAWj.gif

http://www.lakii.net/images/Nov08/summer_the-new-one.gif

ومن أغانيها (وأقترح اسم صبا مثلا كي أضعه في الأغاني والزغاريد)

لمين مصموده يا صبا ... لمين مصموده يا غزالة
أبو البرودة يا صبا ... أبو البرودة يا خية

عريسنا يا بو بدلة وجرافة ... عروستك من الحارة اللفافة
عريسنا يا بو بدلة بنية ... عروستك من الحارة القبلية

http://www.lakii.com/vb/images/icons/icon18.gif

جينا وجينا وجينا ... نقدم تهانينا
جينا يا صبا ... عروسة يا صبا

تحلي تحلي تحلي ... بالقرآن تحلي
تحلي يا صبا ... عروسة يا صبا

http://www.lakii.com/vb/images/icons/icon18.gif

هالمصمودة بنت شيخ العرب .. هالمصمودة بنت شيخ العرب
مدت الصفرة والمعالق دهب .. مدت الصفرة والمعالق دهب
يا صيت أهلها من مصر لحلب .. يا صيت أهلها من مصر لحلب
هالمصمودة بنت شيخ العربان .. هالمصمودة بنت شيخ العربان
مدت الصفرة والمعالق دهبان .. مدت الصفرة والمعالق دهبان
يا صيت اهلها من مصر لعمان .. يا صيت اهلها من مصر لعمان

http://www.lakii.com/vb/images/icons/icon18.gif

اموا يا اموا يخليلوا اموا .. سبع كناين تعبر على اموا
جابتلي بصل وما باكل بصل .. وعلى شهر العسل لحقتني اموا
جابتلي بطيخ وما باكل بطيخ .. وعلى المريخ لحقتني اموا

http://www.lakii.com/vb/images/icons/icon18.gif

والزغاريد

آآويهااا يا عروس يا ملكة ... آآويهااا يا لولو في الشبكة
آآويهااا يسعد البيت اللي رباكي ... آآويهاا ويطرح لعريسك البركة

آآويهااا ارفعي راسك منك ... آآآويهاااا يا فاخرة متل امك
آآآويهاااا خالتك ما حكوا عنها ... آآويهااا ولا قالوا كلمة عنك

آآويهااا قومي معي يا عروس يا نعنا ... آآويهااا ويلي بالذهب مقمعا
آآويهااا ويخليلك أبوكي واخوانك ... آآويهااا وتضلك بالحياة مدلعة

آآويهااا يا قاعدة على المراتب قعدة البنا ... آآويهااا والكحل بعيونك زئفتلوا وغنا
آآويهااا حطي القدم على القدم ما سمعتلوا رنا ... آآويهااا يجعل البطن يللي حملك مسكنوا الجنة

http://www.lakii.net/images/Nov08/summer_hNnK7Z.gif


http://www.lakii.net/images/Nov08/summer_the-new-one.gif

الجهــــاز .. أو الكسوة

يقوم العريس بشراء مستلزمات العروس من ملابس وأدوات للزينة وغيرها .. وقد كانت تنقله قديما داخل صندوق خشب مزين بالنحاس
وصناديق صغيره مطعمة بالأرابيسك

http://www.lakii.net/images/Nov08/summer_2QzOax.gif

لكننا نرى الإختلاف واضحا الآن في طريقة النقل وشكل الحقائب
مع الاحتفاظ بالصناديق القديمة ان وجدت واستعمالها .. لانها تعتبر من التراث الفلسطيني

http://www.lakii.net/images/Nov08/summer_lveYPc.gif


http://www.lakii.net/images/Nov08/summer_the-new-one.gif

يتبع يا غاليات

[um almajd]

http://img516.imageshack.us/img516/826/31cn5.gif


ومن العادات أن يشتري أيضا العريس ملابس على حسب مقدرته لإقربائه من النساء
كأمه وأخواته وخالاته وعماته

في عادات أهل الخليل ترسل حقائب العروس قبل العرس بأسبوع .. وهناك بعض المدن التي
ترسلها قبل العرس بيوم .. أي في ليلة الحنا

على كل الأحوال .. تعزم النساء في يوم تعليق الجهاز .. ويعلق مع الزغاريد والأغاني الحلوه

ومن تلك الأغاني

لامين هالدار الكبيرة ... والفرح فيها كتير
ولا مين هالصحن المدور ... والعسل منه بسيل
وهاي دارك يا صبا ... يا ريتو يتعمر ويطيب

http://www.lakii.net/images/Nov08/summer_the-new-one.gif

ومن الزغاريد

آآآويهااا ويا صحن حليب ... آآآويهااا وكل ما برد بيطيب
آآآويهاااا نحنا أهلية ... آآآويهااا ومافي حدا غريب

آآآويها حصنتك بياسين ... آآآويها يا زهر البساتين
آآويهااا يا مصحف صغير ... آآويهااا على روس السلاطين

http://www.lakii.net/images/Nov08/summer_the-new-one.gif

أعذروني إن كنت أتطرق الى عادات الخليل خاصة .. والسبب في ذلك لأني وبكل فخر من الخليل

تبدأ الإحتفالات في القرى قبل أسبوع من حفلة العرس .. أما في المدن فتبدأ قبل 3 أيام
ومن الممكن أن يختلف الوقت .. وذلك يعتمد على أهل العريس والعروس
ولكن عامة .. تكون حالة من الفرح سائده في الحي او في القرية .. والجميع يريد أن يساعد
في الخليل يبدأ الإحتفال يوم الثلاثاء .. قبل 3 ايام من يوم الجمعه يوم حفلة الزفاف .. فتبقى النساء
والرجال يغنون ويرقصون

ويوم الخميس .. الذي يسبق العرس بليلة واحده تسمى بــ ليلة الحنا للعروس
والليلية للعريس

يقوم أهل العريس بذبح الذبائح .. لعمل الغداء او العشاء .. في ذلك اليوم
كما تحضر بدلة العريس .. بأن تمسكها والدته وتغني له مع أخواته .. يا بدلتك يا فلان
وتدور في المنزل وهي على يديها .. ثم تضعها على السرير بانتظار أن ُتلبس

يأخذ أهل العروس الشمع الى منزل أهل العريس .. وهناك أهل العريس يحضرون الحنا
ويجلسون في أماكن بعيده عن بعضها .. حيث تأتي الحناية الى النساء وتبدأ برسم الحنا على يدا ورجلا العروس

http://www.lakii.net/images/Nov08/summer_85OxUL.gif

http://www.lakii.net/images/Nov08/summer_jgZd5W.gif

والنساء من حولهن يرقصن ممسكات صواني عليها شموع ملونه ومختلفة الأحجام وبينها صرر من الحنا .. مزيج رائع من الأغاني والأناشيد
تلبس النساء في ذلك اليوم أيضا الثوب الفلسطيني المطرز .. لكن الآن تغيرت الحاله .. فتختار العروس أبهى الفساتين وأجملها كي تلبسها في ذلك اليوم
وفي بعض المدن تغير العروس 7 فساتين (بدلات) كل فستان ذا لون مختلف عن الآخر
لكن في عاداتنا نحن .. تغير العروس فساتينها ليلة العرس

http://www.lakii.com/vb/images/icons/icon18.gif

من زغاريد ليلة الحنا

آآويهااا... بحنة مكة جيت احنيكي
آآويهاا... يا بدر ضاوي وألحلى كلو ليكي
آآويهااا... ما بتلبق الحنة إلا لايديكي
آآويهااا... يا صبا زينة العرايس لعريسك اوديكي
آآآويهااا... يا شعرك شعر السلسبيلي
آآويهااا... ويسلمي هالكم الطويلي
آآويهااا... ريتو يحرصك الله
آآآويهااا ... من عين الحاسد والعزولي

http://www.lakii.com/vb/images/icons/icon18.gif

كانت النساء في الخليل تتباهى بأصواتها العذبة فتغني كل واحده منتظرة باقي النسوه أن ترد عليها

هناك أغاني كانت تعبر عن حزن الأم والأهل لابتعاد ابنتهم عنهم

يا صبا يا رفيقتنا يا العال العال .. لو درينا ودعناكي من زمان
يا صبا يا رفيقتنا يا روح الروح .. لو درينا ودعناكي قبل ما انروح
يا صبا يا رفيقتنا يا عزيزة .. لو درينا ودعناكي قبل هالجيزه
يا صبا يا رفيقتنا يا روح النا .. لو درينا ودعناكي قبل الحنى

http://www.lakii.com/vb/images/icons/icon18.gif

صاحت رويدي رويدتها رويدتها
رفقات العروس تعالوا تانودعها
واحنا نودع وهي تسكب مدامعها
خيتا يا عروس لا تبكي وتبكيني
نزلت دموعك على خدك حرقتني

http://www.lakii.com/vb/images/icons/icon18.gif

الأم لإبنتها

لا تطلعي من بويبتي يا معدلتي
يا مركنة أذيال بيتي مع مصطبتي
لا تطلعي من بويبتي غيرتي حالي
لا تطلعي من بويبتي والهوا غربي
يا طلعتك من بويبتي غيرلي حالي

http://www.lakii.com/vb/images/icons/icon18.gif

سبل عيونو وماد ايدوا يحنول
غزال زغير بالمنديل يلفولو

يا امي يا امي عبيلي المخاداتي
وطلعت من الدار وما ودعت خياتي

سبل عيونو وماد ايدوا يحنولو
غزال زغير بالمنديل يلفولو
يالمي يالمي طاويلي المناديلي
وطلعت من الدار وما ودعت انا جيلي
واطلعت من الدار وما ودعت انا امي
انا الغربية وهيلوا يا دمعاتي

سبل عيونو وماد ايدوا يحنولو
غزال زغير بالمنديل يلفولو
يا الاهل يا الاهل لا يجير ليكو خاطر
شو الي عماكو عن ابن عمي هالشاطر
يا الاهل يا الاهل لا يبري ليكو ذمه
شو الي عماكو عن ابن الخال والعم

سبل عيونو وماد ايدوا يحنولو
غزال زغير بالمنديل يلفولو


http://www.lakii.com/vb/images/icons/icon18.gif




والعكس صحيح .. فهناك أغاني تعبر عن الفرحه بهذا اليوم
وعن سعادة اهل العريس بالعروسة وهذا النسب

الليلة حنى العرايس يا سلام سلم .. فتحلك ورد الجناين يا فلان سلم
الليلة حنى العرايس يا لطيف الطف .. فتحلك ورد الجناين يا فلان اقطف
الليلة حنى العرايس يا بنات .. فتحلك ورد الجناين يا فلان شمه

http://www.lakii.com/vb/images/icons/icon18.gif

وتهنئة والدة العريس

لشان أمه حبيت اهني واغني لشان أمه
على كمو وارش قناني العطر على كمو
لاخواته جيت اهني واغني لاخواته
على بدلاته وأرش قناني العطر على بدلاته

http://www.lakii.net/images/Nov08/summer_the-new-one.gif

أما في ليلية العريس .. فيرقص الشباب والكبار الدبكة والسحجة

صلّو صلّو عالنبي يا جيل اليوم
لهالعريس تصويرة بقالب ألبوم

عالحجر برّه .. لاتظلّك قاعد .. عالحجر برّه
عاهدتك بالله .. مابوخذ غيرك .. عاهدتك بالله
عالحنفية .. لاتظلّك قاعد .. عالحنفية
العيشة ذلّية .. من بعد غيابو .. العيشة ذلّية
عالعود الاخضر .. لاتظلّك واقف .. عالعود الاخضر
لا اظل تمرمر .. من بعد غيابو .. لا اظل تمرمر
عالعود اليابس .. لاتظلّك واقف .. عالعود اليابس
ومحدا لابس .. مثلك ياغالي .. ماحدا لابس


http://www.lakii.com/vb/images/icons/icon18.gif

دير الميه ع السريس مبارك عرسك يا عريس
دير الميه ع الليمون مبارك عرسك يا مزيون
دير الميه ع التفاح مبارك عرسك يا فلاّح

http://www.lakii.net/images/Nov08/summer_the-new-one.gif

هناك بعض العائلات التي تجلب العريس معها في تلك الليلة الى منزل أهل العروس
فينزل عندهم ضيف .. والسبب في ذلك على الأغلب أن الفتاه لم تتكلم معه اكثر من مره واحده
خصوصا أن الكثير من العائلات لا تكتب الكتاب الا قبل العرس بأيام قليله
فيريدون الأهل كسر حاجز التوتر قليلا بين العروس والعريس .. وبالطبع يكون ذلك بحضور الأهل حولهم ومعهم


http://www.lakii.net/images/Nov08/summer_the-new-one.gif

يتبع غالياتي

[um almajd]

http://img516.imageshack.us/img516/826/31cn5.gif




في صباح يوم العرس .. يوم الجمعه .. تقوم النساء (أهل العروس)بعمل اللبنية عباره عن لبن ورز



وتحضر والدة العروس صواني كنافة ضيافة لمن ترغب بالقدوم ومساعدة العروس وأهلها




إن لم يكن هناك عشاء في العرس .. يرسل أهل العريس الى أنسبائهم غداء من ذبح قبل بيوم



ولكن على الأغلب يكون هناك غداء وعشاء خصوصا عند العائلات المعروفة في الخليل .. أو عند العائلات الميسورة الحال في باقي المدن




الأن يكون التحضير للعرس أخف .. ذلك لوجود العشاء في صالة الفندق التي سيقام فيها الاحتفال



وعلى العروس واهلها وأنسبائهم تجهيز انفسهم بالذهاب الى الصالونات والحمامات فقط




بالنسبة للعريس .. فيتجمع حوله الشباب من اهله وأصدقاءه .. ويأتون بالحلاق ويغنون له أثناء الحلاقه




حلاق محندق بحلق بيدو اليمين



وياعريسنا اتدّلل عالموجودين




حلاق محندق بحلق بيدو اليسار



بالله تحلق للغالي زين الحضّار




حلاق محندق بحلق ويرشّ عطور



بالله تحلق للغالي وظلّك صبور




حلاق محندق بحلق عصوت العود



ياطير بلادي ينغمك هالليلة جود




http://www.lakii.com/vb/images/icons/icon18.gif




إحلق يا حلاق بالموس الفضية إحلق يا حلاق



تمهل يا حلاق لا تتيجي الاهلية تمهل يا حلاق




إحلق يا حلاق بالموس الذهبية إحلق يا حلاق



تمهل يا حلاق لا تتيجي الاهلية تمهل يا حلاق




إحلق يا حلاق ومسح بشاشاتو احلق يا حلاق



تمهل يا حلاق لا ييجو عماتو تمهل يا حلاق




إحلق يا حلاق ومسحلو بكمو إحلق يا حلاق



تمهل يا حلاق لا تتيجو امو تمهل يا حلاق




احلق يا حلاق احلقلوا لحالو احلق يا حلاق



تمهل يا حلاق تييجوا خوالو تمهل يا حلاق




احلق يا حلاق ونعملو على خدو إحلق يا حلاق



تمهل يا حلاق لييجو ولاد عمو إحلق يا حلاق




إحلق يا حلاق ونعملو شعراتو إحلق يا حلاق



تمهل يا حلاق لييجو رفقاتو تمهل يا حلاق




أحلق يا حلاق تنشوف حالاتو احلق يا حلاق



تمهل يا حلاق تييجو خياتو تمهل يا حلاق




http://www.lakii.com/vb/images/icons/icon18.gif




وبعد الحلاقه يكون قد استأجر حماما .. كي يستحم مع الشباب .. وعند خروجهم يغنون له


طلع الزين من الحمام

الله واسم الله عليه ... ورشوا لي العطر عليه
عريسنا زسن الشباب .. زين الشباب عريسنا

ومن الأغاني التي كانت تردد على ايقاع الدبكة والسحجة

ع اللام لاموني أصحابي .. في حبه حكوا عليه
ع الميم ميلي يا نفسي .. وفراقه يصعب عليه
ع النون نهوني أهلي ... في حبه وغضبوا عليه
ع الهاء هالت دموعي ... وفي حبه زادت عليه
ع الواو ودعت أحبابي ... وتصعب الفرقة عليه
ع الياء يا ربي صلي ... ع ممحمد زين البرية


http://www.lakii.net/images/Nov08/summer_the-new-one.gif


أما العروس فتكون إما تحت أيادي نساء العائلة .. أو حاليا في الصالون والحمام .. ومعها نساء العائلة


وتكون والدة العروس قد حضرت 7 بدلات (فساتين حفلات) منها فستان العرس وباقي الفساتين

بألوان مختلفة .. ستقوم بتغييرها خلال الاحتفال


وهناك أغاني خاصة بأسماء العائلات .. خصوصا ان كانت عائلة مشهورة

فمثلا في الخليل عائلة التميمي من العائلات المشهورة جدا

أما أغنيتها في العرس هي (مع الفرض كنية والد العروس أبوأيمن)


يا هالتميمية ياهالأماراه .. كلهم مناصب وشوارا

روحي يا بو أيمن عيني يا بو أيمن .. مدخل اولاده مدخل أمارا

يا هالتميمية ياهالأماراه .. كلهم مناصب وشوارا


روحي يا بو ........ وتكمل الأغنية بأسماء باقي ذكور العيلة


http://www.lakii.com/vb/images/icons/icon18.gif


على الرباعية يا بو أيمن .. طقوا يا عدا مافينا الرادية

علقوا البارود في باب العمود .. وبو أيمن مسنود بعزوه أويه

على الرباعية يا بوأيمن .. طقوا يا عدا مافينا الرادية

علقوا السلاح في باب الملاح .. وبو أيمن مرتاح بعزوه أوية


http://www.lakii.net/images/Nov08/summer_the-new-one.gif


وجاء بعد طول انتظار .. وقت الاحتفال

فيخرج العريس وأهله وأقاربه وأصحابه في عراضة والفدعوس (طبل وزمامير عند أهل غزه)

ويكون غالبا العريس على حصان .. وأمامه الشباب وباقي الأهل يرقصون الدبكه


http://www.lakii.net/images/Nov08/summer_35i1Tg.gif



http://www.lakii.net/images/Nov08/summer_the-new-one.gif


يتبع بإذن الله تعالى

[um almajd]

http://img516.imageshack.us/img516/826/31cn5.gif


الزغروده التي تقال من أهل العريس لأهل العروس في الزفة

آآآويهااا يا عروس كوني على حذر ... آآآويهااا جايين أهل العريس متل زخ المطر
آآآويهااا جاييين من كبيرهم لصغيرهم ... آآآآويهاااا جايين ينقلوا الشمس لحد القمر

أما أغنية العراضه الإسلامية فهي

صلوا على محمد .. زين زين .. مكحول العين .. واللي عادنا .. الله عليه
أول ما بدينا ... وعلى النبي صلينا
وحركنا ايدينا ... قبل السلام عليكم
جينا الليلة نهنيكم ... نهنيكم ونحييكم
وجمعتنا بتحييكم ...ونعمل ليلة تحييكم
وبسم الله بدينا ... وعلى النبي صلينا
ومبارك عرسك يا زين ... بزواجك كملت الدين
بدنا زوجة يا أحباب ... عقة وحياء وحجاب
ما تعصي رب الأرباب ... بدنا زوجة حالها
ما تظهر جمالها ... الا لحلالها
ويا عروسة يا محبوبة ... اسمك على جبينك مكتوب
يا عريس دينك دينك ... ما تنسى الله يعينك
علم زوجتك القرآن ... علمها بنود الإيمان
وعلمها الله غايتنا ... والنبي طه قدوتنا
وهذي الليلة احنا جينا ... من فرحتنا غنينا
طه زين وذكره زين ... ويا عروس تحية
لك منا وصية ... الزمي طاعة المولى
بتعيشي عيشة هنية ... بتعيشي عيشة هنية
اتلولحيي يا داليا ... يا ام غصون العالية
اتلولحي عرضين وطول ... اتلولحي ما اقدر قول

http://www.lakii.com/vb/images/icons/icon18.gif

ومن الزفات أيضا

بالهنا يا ام الهنا يا هنية
التوت عيني على الشلبية
التوت عيني على العريس بالاول
صاحب الوجه السموح المدور
قالتلو يا عريس يا ابن الكرامي
عيرني سيفك ليوم الكوان
سيفي محلوف عليه ما بعيرو
سيفي ماصل من بلاد اليماني
بالهنا يا ام الهنا يا هنية
شيعوا لولاد عمو يجولو
بالخيول المبرقعة يغنولوا
عددوا المهرة وشدوا عليها
تييجي يا عريس وتركب عليها
عددوا المهرة وهاتو الشبرية
زفولي العريس لباب العلية
عددوا المهرة وهاتوا البارودي
زفولي العريس لباب العمود


http://www.lakii.net/images/Nov08/summer_the-new-one.gif

وعند وصول الزفة الى بيت أهل العروس .. تضيفهم أمها بالحلويات المختلفة
وعند خروج العروس من عند أهلها .. يبدأ أقاربها بتنقيطها بالمال والذهب

ويكونون قد نقطوها أيضا في ليلة الحنا .. ولكن لكي تخرج معززه مكرمه من بيت اهلها

وأربع أساور في أيديها والخير منكم يعطيها
ما خير الا ابوها شنشل اساور في ايديها
وأربع خواتم في أصابعها والخير منكم يطلعها
ما خير الا ابوها شنشل خواتم في اصبعها

http://www.lakii.com/vb/images/icons/icon18.gif

قولوا لأبوي الله يكثر زيته عطى العطية واطلعني من بيته
قولوا لأبوي الله يخلي ولده أعطى العطية واطلعني من بلده
قولوا لأبوي الله يخلي اولاده عمل معروف واطلعني من داره

http://www.lakii.com/vb/images/icons/icon18.gif

ويغنون النساء أهل العروس .. قبل تسليمها لعريسها في الزفة

هذه الأصيلة بنت الأصايل
وهذه التي لا تقال عنها ولا جرى
ولا تعيرت شبابها في المحاضر
ولا حد عيرها ولا حد عابها

أومي طلعي لا تتميلي واهلك ملاة قبيلة
أومي طلعي وايش بدك احنا حطينا شروط ابوك وجدك
أومي طلعي اومي طلعي شو مالك واحنا حطينا شروط ابوك وخالك
أومي طلعي أومي طلعي شو مالك واحنا حطينا شروط ابوك وعيالك

http://www.lakii.com/vb/images/icons/icon18.gif

ويرحبون بالضيوف القادمين

لفت عالبلد ضيوف حيوها .. أفندية حييها يا بوأيمن لو كانوا الف ومية
ولفت عالبلد الأمارة حييها .. يا بو أيمن لو كانوا من الحاره البعيده
ولفت عالبلد ضيوف حييها يا كحيل العين .. حييها يا بوأيمن لو كانوا ألفين

http://www.lakii.net/images/Nov08/summer_the-new-one.gif

وتعود الزفة والعراضة بنفس الأغاني والزغاريد .. لكن مع العروس بجانب العريس
ولأننا نتكلم عن ليالي زمان .. فكانت الحفله على الأغلب تقام في البيوت

أما الزغاريد

آآآويهااا ارفعي راسك يا مرفوعة الراسي ... آآويهااا وراكي مية ضراب رصاصي
آآويهااا وراكي أبوكي واخوتك ... آآآويهاااا بهدوا الجبل لو كان قاسي

آآويهاااا ارفع عينك واقشعها ... آآآويهااا وكل ما حكتلك كلمة اسمعها
آآويهااا كل المال اللي حطيتوا ... آآآويهاااا ما بسوى قعدتك معها

http://www.lakii.net/images/Nov08/summer_hNnK7Z.gif

http://www.lakii.net/images/Nov08/summer_the-new-one.gif

هنا لدي بعض الأمور التي كانت تقوم بها الأسر قديما .. معتقده بأنها قد تفيد في أمور معينه
ولكنها الآن باتت من التراث .. تحكى في الحكايا .. فمع ابتسامه .. تفضلوا معي :)

http://www.lakii.com/vb/images/icons/icon18.gif

وقبل وصول العروس الى بيت أهل العريس بــ 10 أمتار تقريبا
تخرج واحده من أقارب العريس .. ممسكه بيدها ابريق ماء به سكر .. تشرب منه العروس قليلا

ومن ثم تمسكه تلك المرأه .. وتنثر منه على الأرض طول الأمتار العشره .. حتى تصل الى بيت العريس
والعروس تمشي مع عريسها على ذلك الماء

وكانت حكمتهم من تلك الحركه .. أن تكون حياتهم حلوه ومتل العسل :)

مع زغروده معينه

آآآويهااا يا مرحبا ويا هلا .. آآآويهااا بتعوينة الكحلا
آآآويهااا يا نخلة عالية .. آآآويهاااوبتسد باب المعلى

http://www.lakii.com/vb/images/icons/icon18.gif

وعندما تصل العروس الى باب البيت مع عريسها واهله .. تكون والدته قد حضرت ورقة ريحانة
مع وردة من القرنفل مع عجينة صغيره .. تمسكها العروس والعريس ويلصقونها على باب المنزل

وفكرتهم ايضا هنا أن تثبت العروس في حياتها عند عريسها

http://www.lakii.net/images/Nov08/summer_fMve6t.gif

http://www.lakii.com/vb/images/icons/icon18.gif

وأول ما تدخل العروس الى الليوان في المنزل .. (الموزع) .. ايضا تكون والدة العريس قد حضرت
كور صغيره من العجين مخلوط بالحنا .. يمسكها الجميع ويرمونها على السقف حتى تلتصق هناك

والفكره هنا .. أن تأتي العروس لهم بالصبيان والبنات

http://www.lakii.net/images/Nov08/summer_the-new-one.gif

تابعونـــي

[um almajd]

http://img516.imageshack.us/img516/826/31cn5.gif


وأخيرا وصلت الزفة والعروس والعريس الى مكان الاحتفال وهو بيت العريس

فقديما كل الأعراس كانت تقام في المنازل .. لكن الأن الوضع يختلف وهو معروف لدى الجميع :)


http://www.lakii.net/images/Nov08/summer_the-new-one.gif


عندما يصل العروسان .. يتفرقان كل منهما الى مكان مختلف .. الاول خاص بالنساء والثاني خاص بالرجال

وفتبدأ من جديد الزغاريد والأغاني .. الرااائعه

ويحين وقت يدخل فيه العريس الى مكان العروس

هنا تدخل عاده جميلة من عادات اهل الخليل . وهي التجلاية

سميت بذلك اجلالا لمصحف سوف تحمله العروس لاحقا

يغطوا وجه العروس بالطرحه .. وقبل دخول العريس .. تقوم النساء بالرقص حلوها وتحريكها بطريقة التجلاية

فتتحرك العروس ببطء فترفع يدا وتنزل الأخرى بالتوالي .. وتبدأ بالدوران حول النساء في مكان الاحتفال

وتقوم النساء بالغناء


أمينة في أمانيها .. مليحة في معانيها

تجلت وانجلت حقاً .. سألت الله يبقيها


ظفاير شعرها حلت .. على أكتافها دلت

وأملاك السما ابتهلت .. فنظروا في معانيها


جبينٌ كالبدر ياضي .. وذكر شافي أمراضي

لها رب السما قاضي .. فوالله خاطري فيها


لها حاجب كما الأقواس .. وتتمايل كغصن الياس

وما من مثلها في الناس .. أخو المختار حظى فيها


لها خدٌ كما التفاح .. روائح عطرها قد فاح

وناظرها بقي مرتاح .. وعوده حازه فيها


لها عنقٌ كما المرمر .. وريقٌ أحلى من سكر

وهي تمشي وتتبختر .. وحور العين تجليها


جلوها بالحلل والنور .. تجهزها جميع الحور

ونثروا اللؤلؤ المنثور .. وحور العين تجليها


جلوها بالحلل والتاج .. إليها خاطي قد هاج

وهاج الحاج لها محتاج .. ونظروا في معانيها


جلوها ليلة خضراء .. وكانت ليلة قمراء

وهي تضوي كما الزهراء .. أخو المختار حظى فيها


تجلت في قباً أصفر .. وكاحل مسكها العنبر

وحملت بالني الأزهر .. سألت الله يهنيها


http://www.lakii.com/vb/images/icons/icon18.gif


تحضر النساء مصحفا .. مغطى بالورود والشيفون .. فعندما يدخل العريس الى عروسه

تمضي اليه ببطئ وبحركة التجلايه تحركها من الخلف النساء .. تعطيه المصحف .. فيعطيه بدوره الى

امرأه بجانبه .. ثم يرفع عنها الغطاء ويقبل جبينها .. وتبدأ النساء بالزغاريد مره آخرى

وينصمدوا .. أي بمعنى يجلسوا على الكوشه


http://www.lakii.com/vb/images/icons/icon18.gif


يا ناس صلوا على محمد نقرأ و نصلي على الحبيب

بنت الأمارة لبست البدله من بيت أبوها لحرم الخليل

بنت الأمارة لبست البدله من بيت أبوها لبيت العريس


http://www.lakii.com/vb/images/icons/icon18.gif


آأويها جلجلي عالجلجلي .. آآويهااا بنت الكرام بتنجلي

آآآويهااا والسيف حد جبينها ... آآويهااا والبيت منها بيرهجي


http://www.lakii.com/vb/images/icons/icon18.gif


آآويهااا ويا جماعة كلكم .. آآويهااا وما نسينا فضلكم

آآآويهااا واليوم عنا .. آآآويهااا ان شاء الله بكره عندكم


آآآويهااا يا عريس لا تعبس .. آآويهااا افرد هالبقجة والبس

آآآويهااا شورابك عروق الريحان .. آآويهااا وسوالفها عروق النرجس


آآويهااا شو هالنهار اللايق .. أأويهااا وفرحتلنا الخلايق

آآويهااا وطقت قلوب الأعادي .. آآآويهاااا ولمن حقت الحقايق


آآويهااا ديارنا كبيره .. آآآويهااا ودرج الحمام فيها

آآآويهااا وام العريس فرحانة .. آآويهااا ان شاءالله ربنا يهنيها


آآآويهااا عاللعلعي عاللعلعي .. آآويهااا ويا صبايا تجمعي

آآويهااا يا ليل طول طول .. آآويهااا ويا شمس لا تطلعي

http://www.lakii.net/images/Nov08/summer_hNnK7Z.gif


http://www.lakii.net/images/Nov08/summer_the-new-one.gif


وتبدأ العروس بتغيير 7 بدلات (فساتين حفلات) اولا البيضاء ثم باقي الألوان .. وفي كل مره

تغني لها النساء بالأغاني المختلفة الجميله .. ويرقص معها العريس

ومن الفساتين .. فستان حفله لونه أسود .. ويضعون على صدر العروس ورأسها خط به لمبات مضيئة

وتمسك بيديها شموع مضيئه .. وترقص بها ومن وحولها النساء


يا عريس يلي عليك قمباز الصوف دير بالك لا تفرط في العروس

يا عريس يللي عليك قمباز قصب دير بالك لا تفرط في النسب


http://www.lakii.com/vb/images/icons/icon18.gif


يا ابوعقال الموز يا أيمن .. يا بو عقال الموز يا ايمن

ورده بين اللوز عروستك .. ورده بين اللوز يا خيه

يا بوعقال على الراس يا ايمن .. يا بوعقال على الراس ياايمن

ورده بين الناس عروستك .. ورده بين الناس ياخيه

يا بوعقال مرعز يا ايمن .. يابوعقال مرعز ياايمن

بتقلع وبتلبس عروستك .. بتقلع وبتلبس يا خيه

يا بوعقال أصب يا ايمن .. يا بو عقال أصب يا ايمن

يا عز النسب عروستك .. يا عز النسب يا خيه

يا بوعقال بفتي يا ايمن .. يا بوعقال بفتي يا ايمن

ورده في التخت عروستك .. ورده في التخت يا خيه


http://www.lakii.com/vb/images/icons/icon18.gif


وآخر ثوب تلبسه العروس هو قميص النوم الأبيض وتبقى داخل غرفتها في المنزل حتى يدخل اليها العريس

ونساء العائلة .. يحاولن طمئنتها بالكلام والمزاح


http://www.lakii.net/images/Nov08/summer_the-new-one.gif


في الصباح .. الصبحية


يذهب العريس بدون العروس الى بيت حماه .. وتستقبله والدة العروس .. كي تطمئن على ابنتها

وتعطيه صينية حلى بالمسكرات .. عباره عن خبز رقاق مقطع قطع صغيره جدا .. ينقع بالسمن والزيت والسكر

ويغطى بالمكسراااات :) :)


http://www.lakii.net/images/Nov08/summer_the-new-one.gif


وفي المساء .. يذهب أهل العروس لزيارة ابنتهم في بيتها الجديد


في النهاية أحببت أن أضيف .. بأن العرس الفلسطيني مهما دخل عليه من تجديدات

فستبقى فيه الروح القديمه والأغاني والزغاريد وبعض العادات التي لم ولن تندثر أبدا


ربي يجعل كل أيامكم فرح وسعاده وهناء


ان شاء الله تكونوا قد استمتعتم في عرسي غالياتي :)


http://www.lakii.net/images/Nov08/summer_the-new-one.gif



http://img516.imageshack.us/img516/4877/93345703if4.gif

[Rana363]

ماشاء الله تبارك الله
يسعدنى اكون اول ضيفه لفرحكم
ادام الله عليكم الافراح وابعد عنكم كل شر
جزاك الله خير ورزقك الجنه

[حيات روحي]

اويهااااا ويسلم يدك ........... اويها ااا ويطل بيتك عامر

اويهاااا وفرحتي البي ........ اويهااا ورح اورجيها لامي

اويهاا وتدعيلك وتسلمي ..... اويهااا وربنا يفرحك


لي لي يلي لي لي

تحياتي ورح احول احظ الاهات عشان عرس اخي

[&جروح تبتسم&]

ياااااااي يا ام المجد ما احلى موضوعك
عن جد مافي احلى من عراسنا الفلسطينية بتجنن الله يديم علينا وعليكي وعلى السامعين الافراح والسعادة
يسلموا ايديكي حبيبتي وعقبال ما نفرح بولادك يااااااااااارب

[ام بودى2]

ما شاء الله
ربنا يديم الفرح على البيوت الفلسطينية

ويجعل ديارهم عامرة بالفرح والخير

عادات متميزة واصالة ما شاء الله

احيكى يا قمر على الموضوع الاكثر من رائع

بارك الله فيك ورزقك الجنة

[زهره النارنج]

ههههههههههههه
يسلمو يا ام المجد والله زكرتيني بالعادات القديمه زمان ما شفت تجلايه ولا عجينه
الله يسعدك

[moon and stars]

ما شاء الله يا فتوش

لقد اخدتني الى مشاهدة عرس حقيقي

من خلال كل هذه التفاصيل الدقيقة و التسلل
الشيق فاحسست نفسي بانى واحدة من المدعوات
تشارك العروسة الفلسطينية احلى و اجمل اسبوع في حياتها
دامت الافراح و المسرات
و دمت يا احلى فتوش بالف خير

[san79]

وااااااااااااااااااااااااااااااو يا أم المجد عن جد انك رهيبة


يا الله زمنا على هل الاويهات والزفات والزغرودات الله يعيد هل الايام يا رب

بس هاي تحفة من وين جيباها خخخخخخخخخخخخخخخخخخخخ

http://www.lakii.net/images/Nov08/summer_LM0nKB.gif

عن جد انك رهيبة

وانا حبيت اضيف من عندي

يا زايرين النبي وايش وصفتو حجارو

يا بخت من راح لبيت النبي وزارو

يا زايرين النبي وايش وصفتو القبّة

يا بخت من راح لبيت النبي وطَبّه

البدع

قلب العزب لو عنة هِن يا معوّد هَنّة
ريتكن ما تعدمنه زغرتين لابو محمد


كلنو يا كلاب كلنو يومن يموت الهامل
حلن شعركن وانعنو يومن يموت الخيّر


في شك الذهب حطنو زغرتن لابو محمد
وسط القلايد الظمنو زغرتن لابو محمد

السامر في التشكيل البدوي عبارة عن صفين من الرجال وفي والوسط امرأة واحدة ملثمة [ أو امرأتان ] وبيدها سيف وترقص بحركات إيقاعية يفهمها الرجال فيغيرون الحركة حسب حركتها وكانت الصفة بالشكل التالي

رجال رجال
* * *
* امرأة *
* امرأة *
* * *

وهذه مناظرة بين رجلين علىالمرأة التي ترقص في الوسط

ولا توصيفه عليه يا بتوصف الحاشية
ورقبة مثل القنية راسو راس الحميمه
رابي ع كلفة وسقية ونهودو يا فحل الرمان


يومن يدعس ع بنانية واقدامو يا قدام الحمام
سلب جمال عرايشية شعرها على ظهرها
ومجدلهن بطن حية يابو شعور على العرعور


أغاني أخرى

خاتم حبيبي وقع في البير الو رنه

واللي سمع رنته محذوف للجنة

يا صاحب الفراح شيع للبعيد مرسال

وان كان بدو مصاري بشتريه بالمال



يام الوحيد مبارك ما عملتيلو

جوخو جديد وبنت جواد جبتيلو

يا صاحب الفرح بدنا تعمّر هالسامر

بكرة مليحة ولما صلبها ضامر


عند الدبكة

جابت ولد كلو ريش دقدوقة راحت على الهيش
ويلحق ضعن دقدوقة يا ربي يكبر ويعيش
واسمر ومكحل عينو دقدوقة بيني وبينو
والحق ضعن دقدوقة على نومه في حضينو
طير العز مر وفات ع السبات وع السبات
وبيعتينا الارضيات يا امينة جننتينا
في البتية للبنات ويا سرية صبي مية
عيونو سود مكحلات رايح صيدا وجاي من صيدا
حكمو نافذ ع البنات رايح صفد جاي من صفد
على جبيني ذهبات ياابن ديني لا تعاديني
وانا اقولك ودي وهات وان عاديتك لاخرب بيتك



عند زفة العريس

جبنا لك غزال محنى يا عريس عليك اسم الله
شوف الحلوة بيجنن حنن يا قرع حنن
زي البصل المصنن والسمرة لا توخذها
شوفك خلا الناس دهاشا طولك طول عرابي باشا
رجالك شرابين الدم يا محمد لا تهتم
وبنص الليل تعالي خذيه اعطيني توبك ترقص فيه
ما بقيلك حاجة عندي يام الثوب سباغ الهندي
حطيت البلاوي فيه يام الثوب ال الطرزتيه
ولعشيقك فرجيتيه عن جويزك خبيتيه
وامصو مص الزبيب بالسيف لاخذ حبيبي
في الاعدا والدم جاري يا محلا ضرب الشباري
يطلع برة يلاقينا ياويل اللي يعادينا
بالسيف نقطع شاربو ياويل اللي نحاربو
لو وقفت شواربنا ياويل اللي يحاربنا
يازمردة في قلادة محمد يا نور العين
يوم الحبل والولادة ياريت امك جابت اتنين
وخشبة من لديد النجارة بابور على الجسر ممدود
لو صار ع البيض غارة واحنا حزام المتاريس
من فوق ابو عرف مايل يا صاحبي ناديلي نادي
ما يسكنوها قبايل عن خويلفه للبساتين


زفة العروس

يا خدها كما الدوحان يا عينها عين الحور
وحدهن بالدهان يا شعرها كمالف الغمور
واجت نهشتو في الملاية يابنت جملك نهشني
وخلى فطورك عشاية ورمان صدرك دهشني
واطير على جناحو ياريت طيرنا موس
واقول طابت جراحو واهدي ع الخد وابوس

الرزع

ياخوي شوف الحبايب كيف ملتمات

وعيونهن من دقيق الكحل مليانات

طولك قصب مص من شافك نسي حالو

وشد معانيه وخلاكي على بالو

غزلان في حيكو والهن مقانع سود

والقلب شبك المحبة كُثر تين اسدود

يا رايح سلم على نطاّرة الصيفِ

يا بنت سوي جدايل علاق سيفي

مكحولة العين من جالي منعتوها

بيدي بسلّك قناة الورد لو تسدوها

مكحولة العين هاتي ذراعك هاتي

مزاجنا لبعضنا زين بيواتي

انت فلاتي وبتدور ع الفلاتة

والبوش ياخية مطلق بالثلاثة



عتابة

نزل دمعي من عيني على يدك

يا قلبي والحشا ذابن على يدك

انا خايف الغير يقطف ورد خدك

وانا اللي ناطرو اطنعشر سنه



يقول محمد العابد حميتوني

محاور نار على قليبي حميتوني

عجب بستانكو مني حميتوني

ولغيرنا عجب فتحتو البواب



يقول محمد العابد وانا حي

ونفسي عافت المطبوخ والني

حبيبي ما بكى عندي وانا حي

ويش لي بو عند هيلات التراب



ثلاث غزلان بيرعن روس

للتبن مرتعهن نحيل وروس

بالله يا بنات العم حطّن على الروس

على شب غاب تحت التراب



ثلاث غزلان بيرعن قش واقف

سلن لحمي وتم العظم واقف

وانا كرمالكو لظل واقف

عبد مرهون لحين الطلب



بعينك يا ولفي بعينك

وانت مثل جوزي بعينك

تعال شوف واتفرج بعينك

وشوف المتخبي جوة الثياب



انا العطشان واسقيني بغبتي

بلادي عن عيوني ليش غبتي

ما بدري شو صايرلك في غيبتي

تمردن الثعالب ع الذياب



مساء الخير مسيكم رجالي

وانتم عزوتي وانتم رجالي

على الاعادي نهجم يا رجالي

بيوت الاعادي ندعيها خراب



يقول أهلي بفلسطين وانا بغرباي

ودمعي خوّض الوادي بغرباي

انا جلست يااهل الله بين غرباي

تلوج العين ما تشوف الاحباب



لطش منديل واطرافو منسل

وشحم القلب من جوة منسل

بخت من عانق التنتين غُسّل

وطفي نار قلبو واللهاب



ونار الشوق في قليبي شعلتي يافطوم على صالح شُعلتي
ماحد في هالدنيا بيعرف شوعلتي

في عيون الاحباب غير الكحل



يا شجرة الرشراش حاميكي اسد

وتقطمت الغصون من كثر الحسد

زرعنا الزرع واجا الغير حصد

يا حسرتي غير التعب مانابنا



يا شجرة الرشراش حاميكي نمر

واتقطمت الغصون من كثر الحمل

زرعنا الزرع اجا الغير وضمن

يا حسرتي غير التعب مانابنا



وسني لطم خدك سامحينا

ملبوسك حرير وسامحينا

بالله عليكي يا دنيا سامحينا

شباب جهّال ما علينا عتب



الدلعونة

دفتر دلعونة بيدي قريتو

لاحد علمني ولا اشتريتو



البيضة بيضة لو لبست كرداني

والسمرا جحش مربوطة في الخانِ





ياميخذ السمرا وايش بدك فيها

كل برص البحر دوبو يجليها



طلبت الاسم قالت فرحانة

يا قطف العنب على امو ذبلانة

لما نزلنا على الجبّانة

خلينا الميت يتخرفونا



لبست الدواير والبلوزاتِ

خلوني داير طولة حياتي

غنن معاية ياهالبنات

حتى تحضنّي وانا زغنّونا



واصبر يا قلبي وايش اللي صابك

داير متلوّع على فراق حبابك

يارب العالي ما اوسع ابوابك

حرام الجفا ليش بينسونا



والله عيوني لازم اقلعكن

اسباب الجفا والبلا منكن

وان طال العمر غير اتّبعكن

وانا بهواكن دايماً مرهونا



صبي واسقيني من الخمر الطيب

خلينا نسكر والعقل يغيب



صبي واسقيني من الخمر الزاكي

خلينا نسكر أنا واياكي



جفرا

جفرا وهيى يالربع بتقش وتلم

ومفرعة بالقميص ولا استحت مني

ولو بيجوز البدل لابدلك بامي

واخواتي الاربعة واللي تطولو ايدية



جفرا وهيه يالربع ع البير نشالة

ومحزمة بالكمر فوق الكمر شال

والله ان غاب القمر لجيكو بحالي

وانزل على داركو مثل الحرامية



جفرا وهيه يالربع بتحصد في زرع الغاب

والعين عين كحيلة والسالف جنح غراب

طلبت منها الوصال قالتلي ما بهاب

وصالك ياهالمحبوب ع راسي وعينية





جفرا ياهالربع رايحة طريق الدير

والسر اللي بيننا وايش وصلو للغير

وان كان مافي ورق لاكتب ع جنح الطير

وان كان مافي حبر هيلن ياعنية



ياغزيل

باترابة الدلال يا غزيل يا غزالي
يابو حطيطة مقصبة وتمنيتك حلالي


وخيال وراكب زرقة يا غزيل طالع شرقة
على البنت المصاحبا يا خوي ما اصعب الفرقة


بوكل ما بيطعميني يا غزيل على التينة
بكلامك مرحبا يا حلوة جننتيني


في البلد ضيع فكري يا غزيل اسمي شكري
غيرك ماني مصاحبا لاكتب سند على صدري


والبيضا لا تزعلها ياغزيل لا تغزلها
من الصبح للمغربا والسمرا ظل اقتلها


يابو القميص الزم ياغزيل يابن عمي
وديها ع جهنما خذ امك بالله عني

بيضا والصدر دالع ياغزيل طالع طالع
ع البلاد الطيبا لاخذك واظل طالع

قصيدة من اعرابي لآخر لأجل مساعدته في "التشبيب" وتغنّى على الربابة

من القوة تنكت راسها بالعنامِ يا راكبن فوق الحمرا حجل
تنكت بلاد العز هيه يااقوام تركب عليها ديرة الظل لا مال
سلم عليهم كلهم بالتمام تلفي على ربوع لنا كلها وكرام
سلم عليه وخصه بالسلام وتلفي امير العرب يومن تلقاه
وين سيفي عمره ميتن عامِ ابو سالم دامه الله وابقاه
مكيلين تقول صاع الخيام له ولاد في هبة الريح جلاس
سلم ع بو سالم من فوق قرن ويل

ينطح خشومها الخيل من اول شمام

وقله ان سالت عنا احنا

الحمد لله بين الخلق عاليين المقام



في المدح "تقال على الربابة أيضا"

سير يا قلم واكتب لخلي مكاتيب

واكتب حروف ع الورق يعجبنِّ

لاكتب لابو سالم بالمسك والطيب

هالصاحب اللي بيسأل الناس عني

من سبكو بالعيب هو صاحب العيب

فيكو دروب العيب ما يلتقنِّ

وعاداتكو ذبح الثنايا بالمغاصيب

ما تبخلو في سنين لو أجدبنِّ



عند الحصاد



ذري وماتو يا إبراهيم يا مذراتي يا إبراهيم
جانا عونة يا إبراهيم ريح اليوم يا ابراهيم
فيها النصر يا إبراهيم ريح العصر يا إبراهيم
صغرّ روحي يا إبراهيم والفرّوخي يا إبراهيم
لاتنزل القيعان ما قلتلك يا هاني
وسويقها الفوقاني ما تنزل الا غزة
اصحي تقرب توحل ما قلتلك يادوحل
وبالمنجل ماني حصاد بالقلوش لاظل اهوش

غناء رجل كان كريماً وجار عليه الزمن فتخلي الأصحاب عنه

مقدار خطات القلم ساعديني ياعين اللي بشوفكي ما تهنيت
ما ينفع العيان كثر الونين ونِّ العليل وقلتلو ليش ونيت
كلهم برضوني بهز الدقون تسعين شيخ اللي أنا ليهم تغنيت
يمروا عليّ اليوم ما يعرفوني ياما نخوني في عز المضيقات

في الأفراح

يافريش البيت بِلّ التّكل مَي

من الفتيت والعيش والطير يشبع

سمر المسابح ما نبدل غيركو يخلف عليكو كتر الله خيركو

والغنم بيمور والسيف يلعب يا صلاة محمد يا ذكر النور

عيني للغربة شاحت
عيني للغربة طلت
على طناها صاحت اللي تلوم قليبي


يا خوي يا بو محمد يا رفيق الصربة
في بلاد الغربة يا رفيق الصربة
في بلاد الغربة حسك يونس


عاليوم لو انو المحرمة تصير قصب واطويه

واحل واربط واقول ريحة المودة فيه



المسعد اللي عمل طيب تحت ربه

يعيش سلطان ما حدا بالردى سبه



يا هل المحنات حنو من محنتكو

وان متت محروم ادوني محبتكو



يا قلب سكر دكاكين الهوا وارتاح

ارتاح يا قلب ما كل الليالي ملاح



ريت البحر مرقدي والموج انا اريده

طبت كل المدارس في هوى عيده

اربع نعجات معهن بنت غندورة

يا كاتبات الورق ناصرة ومنصورة



بتونّ يا قلب ما ونّة من غير اسباب

اصبر على الغلب يومن بنفَتِحلو باب



ونّيت ونه غريبة ماعرفتوهي

وطلابتي عندكو ياناس هاتوهي



أرزع رزايع من باطني وانا قاعد

كلو كرامات للي لابس الجاعد



يا مرحبا بك على ما تشتهي وما تريد

وتريد غزلان والا من بنات العيد





في الحصاد

ودو شباب تلمه الزرع ودو همة
ان زرتني لأزورك يا معلمي دستورك
وانزل على عرعورك أقطع جريدة خضرا
غير يطرح ظلكو قال حالف ما بحلكو يا معلمي فكنا

قيلت فيها الهوام ظلنا بيّن ومال
مثل صبيب العسل عرقاً مني نَسَلْ



عند الزفة

توا بيتك ينور ياخويا يا محمد باربعين مدورَ جبنا المليحة
على الظما والجوع ياما صبرنا عقب صبري وجوعي يارب عوده

عند الناس انا طيب
وحدي بقول آخ
اخلاقها ضيّق ربي رماني عند ناس

اللي على الغب تجوفه
راعية القرن الطويل
وهي تجدل في اطروفه طلع عليها النهار



الكلمة الأولى وسط الضمير تحوس

والله لخلي كلامي مثل قطع الموس



الخاتم اللي وقع ما بين ايديه وراح

لن لاقيته ولا قلبي الوشوم ارتاح

رجل طاعن في السن يخاطب النساء

الهرش يومن برك جر الرسن منه

يا خايبات الرجا وايش تطلبن منه



في السفر

ياعيال سجو ع الرجلين

والهجن هزل وضعيفاني

يا عيال سجو ع الرجلين

ووردو على بير عماني



الراضة يا الربع الراضة

لو أن اطوّل في الونة

بكرة بتقوم القيامة

والكل اعمالو يرمنه



لتم اسلي في الحاشي لطلوع النجم البدرية

ياخالة يجعل رايتكي منديلي يلي عليه



سقا الله على الوقت الأول

واحنا في بلادنا خيالة

لغنّي في حصان ابوكي

الاشقر ابو سيالة

والله لاسلي حا شينا

قدام الفرح وحصان ابوها الشيالة

لامصومص الزبيب يومن امسك وديدي
في العتمة واروّب حليبو والله لاسلي وديدي
حبيبي ملايم حبيبو يا بيضة عجي الزغاريد

عند الطهور
طهر مويسك وخفف ايدك بالله عليك يا شلبي
لا توجع الصبيان لادعي عليك دعوة على دعوة بتغشى عليك


والي زمان فرحانة واحبابي شرحانة

والي زمان بستنى وحبايبي بتتمنى

الأفراح

الله يمسيكم بالخير ضيوف مع محلية

هذا بيت المفرّح والراية ترفرف فوقية

هذا بيت المفرح هرعي البكارج مغلية

في فرحك والله يا غالي لاغني وارمي الطاقية

في فرحك والله ياغالي لاحفيكن يا كفوف ايدية

من يومٍ ربي نشاني ما نمت النومة الهنية

ياخالة قولي لخالتك شبعانة وكرشي مملية



يرحم روح ابو محمد لاحِبلِن ولا جابنّه

حدّن عليه المزايين حتى ذهبهن رمنّه


طالعات الوادي يا خيل اهلنا يا خيل اهلنا طالعات الوادي
كايدات الاعادي كايدات الاعادي يا خيل اهلنا

ومسجون ظلماً يقول

حبسو المحابيس في عصر الصعيدية

والله يا مسلمين لا ذنب ولا سيّة

الترويدة

علام خيولكم ضُمّر حسنات يا بنى شمر
بناتكم مثل طقش اللوز معالقة على رويس القوز
وقدوركم مصنوعة من نحاس معالقة على روس الناس
يا صفوفهم معبية برمال معالقة على روس الجبال
يا شورهم زين على زين حسنات يا ترابين


ياخي منديلي منديلي منديلي
واسافر على الخليل لالبسك واتزوق
ياخي قميصي قميصي محيصي
واسافر على باريس لالبسك واتزوق


في القناني فتح وماشا الله في القناني يا زارعات الورد
على لبنانِ الله معو الله على لبنانِ سافر أبو محمد

في العلية فتح وماشا الله
في العليّة يا زارعات الورد
على سورية الله معو الله على سورية سافر أبو محمد


كون علينا راضي كون علينا راضي يابو العروس
هات لينا القاضي وهات لينا القاضي يكتب كتابنا

يا عروس اتمشي في بيت ابوكي

جوكي الخطاب عشان يخطبوكي


جاكي المدلل ياخذك بالحلالِ
يا عروس اتمشي بعز ودلالِ
لولاكي زينة والله ماجينا يا عروس اتدللي بالله علينا
طول الشعر وفتحة العينين يا عروس ما اعجبنا منك
احنا اصل اهلك اليوم طالبين


والعرب غفلانة مرت حكومة اربعة هجانة محمد واخوانو
يادوا الوجعان ياتمر هندي أسمر السمرات ياخي محمد
يطلب الذرية من عند ربه مبني على البرية يابيت محمد
غينمة واجواد احنا صادفنا مع جنب الوادي ياما مشينا
عزوة وصقورة احنا صادفنا مع طول البورة واحنا مشينا


يا رفيق النية والله رفيق يا رفيق النية يا خي محمد
يا كحيل العين اذكر نبيك هم الخوالي من دين هم الخوالي


في الغزل

على الألف والألفين والفت صاحبي

كما والفت الابراج طير الحمامِ

الباء بلوني بحب بيضة غريرة

كما ابتلى من قبلي شيوخ وقبايل

على الجيم جاورني على الفخر والثنا

يا ريت جار الهنا على الدوم دايم

على الحاء حويت الضب لما قنصتو

وبلّيت شوقي منه والوبش نايم

على السين سلو قلبي مع ضامر الحشا

كما سلا الطباخ دهن الغنايم

على الراء مني في البوادي لوضحة

غمز العيون زادني سقايم


لفي ابو محمد على الديوان
لفت دوني لفت عربان
لفي ابو محمد على العسكر لفت دوني لفت عسكر

في الحصاد

نقّي السبلة من السويدّ يا حصّاد عويدّ عويدّ
والغدا على راسها المعلم قاسها
بالقالوش لا تمني اهوش بالمنجل ماني حصّاد
سحابة تيجي صبّ يا الله المطر يا ربي
عقاب الليل ضيفنا يام الغيث غيثينا
وانا باشكيك حالي يام الغيث تعالي
وتعالي بالله اسقينا يام الغيث غيثينا
على قلبي لا تتدلليا هويدا لك يا هويدا لي


شعر البنية قصتو ويلي ويلي قصتو
شايب ما اريدو جوز لية راحت لابوها وصّتو


واكثر مابي من اللي اجن ويلي ويلي من اللي اجن
يا سمرة روحي اتفعفليا يا بيضا تعالي بالعجل


قطع ثيابي هالخصر ويلي ويلي من الخصر
واشوف ابو خدودٍ طرية لاقعد على الحارة ناطور


واكلي وشربي من السقط يا ويلي ويلي من السقط
لاخذ عزالي وارحليا وان جوزوني للسقط


والدق الاخضر في الخدود ويلي ويلي يا حمود
رمان على امو مستوية واشحال لو تشوف النهود

من كل اهيلي مابخاف ياويلي ويلي مابخاف
وننّام أنا وحبي سوية هاتي المخدة واللحاف


قطع ثيابي هالنتش يا ويل ويلي من النتش
لاخذ عزالي واحليا والله ان عطوني للبوش


كل البلاوي من امها ويلي ويلي من امها
بين الشباب الهمليا ضحكت وبين سنها


عند خطوبة العروس

لا تقولوا يا أجاويد بعدّ المال انذلينا

دفعنا خمس آلاف وع الكراسي صفينا



لا تقولو يا أجاويد بعد المال فلّسنا

دفعنا خمس آلاف وع الكراسي جلسنا



يوم الحنة - ساعة الحمام

واخليلها الحمام يا عريس يا مرجان
من مبارح العصر حمامها مخلي

يام عين وعين يا هيه
يام عين وعين يا عروسة
من الشباب اثنين يا هيه من الشباب قتلتي


بعد الحمام

حلت جدايلها و الشمس ما طلعت

غاب المغيب الها و نص الشعر محلول



وقع مشطك في طشتي يا فلاحة

ابوكي راضي و اللانزيدو ملاحة



وقع مشطك في طشتي يا شلبية

ابوكي راضي ولا نزيدوا مية


المهاهاة

هوي صلاة النبي على عروستنا

هوي زي القمر ضاوي حارتنا

هوي صلاة النبي على عروستنا

هوي احنا المزيونات والزين عادتن



هوي السمر و البيض لاقِنّا على المية

هوي السمر حواجبي و البيض عينية

هوي و السمر ترياق للي تقرصوا الحية

هوي و البيض فناجين لشرابين القهوة



هوي الطول طول الناقة و الشعر مثل الليل

هوي يا نايمين الضحا انتبهو بالليل

هوي العريس صاد الغزالة

هوي اللي عليها العين



غناء في يوم الحناء

قوليلي وين ربيتي يا عوينات الحية

ربيت في دار ابوية ع العز والغية

قوليلي وين ربيتي يا عوينات العقرب

ربيت في دار ابوية ع العز و الكهرب



وباتي يا عروسة عند ابوكي الليلة

وانني العزيزة الرابية وسط العيلة

وباتي يا عروسة عند ابوكي يا بختكي

و انت العزيزة الرابية عند اختكي



عند اخذ العروس

قومي اطلعي قومي اطلعي ما يهمك

ع شروط ابوكي وعلى شروط عمك



قومي اطلعي قومي اطلعي من حالك

على شروط ابوكي وعلى شروط خالك



يخلف على ابو العروس يخلف عليه في الاول

طلبنا النسب منو اعطانا غزال مصور



في الطريق إلى بيت العريس

حيوا ابونا حيو ابونا

خيرين لا ترعبونا



من الشارع الضيق مرقنا

داخلين عليك يا سيد تحمي جملنا



يوم طلعنا ع الزفة رشينا العطر ع الطربوش

تستاهلها يا عريس و التاكسي ع باب الحوش



يوم طلعنا ع الزفة رشينا العطر ع العقال

تستاهلها يا عريس و التاكسي ع باب الدار



صلوا ع النبي يا للي في الشارع

صلوا ع النبي و العريس طالع

صلوا ع النبي يا للي ع البلكون

صلوا ع النبي على زفتنا اليوم



السامر و الدبكة

يام الفريح و مبارك ما عملتيلو

جوخة جديدة وبنت اكرام جبتيلو



يا بنت عمي قتلني البرد غطيني

بين القلايد و جوة الصدر حطيني



جابولي الكِبِر قلت الثوب بيكفي

واجب على الرجل ان قال كلام يوفي


أغاني الشبابة

لدير الفرح و اغني عندك محمد و العقبة عندك
صاحب الدلعونة و اقف قدامك ياللي بتدلعن زبط كلامك


عند تقديم الغداء يوم العرس


على العيش على العيش يا مين كان جعان

جعان حود عندنا شبعان روح غاد

كرمال ابو العريس ابو محمد يا جاري

هلت علي العرب و الترك في داري



الله يحيي العرب و الترك لو نزلت

كرمال ابو محمد انا اللي اذبح واغديهم

كرمال ابو محمد انا الي افرش و احييهم



عند الحج

على باب حوشو و قفو التكسي

بدو يودع بوشو الوداع الوداع

على باب دارو وقفو التكسي

بدو يودع زغارو الوداع الوداع



ولدتو امينة تحت جذع التينة
سمتو مصطفى ابو الخد الزين


حليمة تلفو امينة ولدتو
نزلت تزفو يا ملوك السما


ولدتو امينة تحت جذع النخلة
مصطفى سمتو ابو عين كحلة
كونن حناين يا نجوم السما كونن حناين
بلن العمايم تيبوخ الندى بلن العمايم



كونن خواتو يا نجوم السما كونن خواتو
بلن عباتو تيوخ الندى بلن عباتو


على وين بدك يا كبير عزوتك

مين يقعد في شقك ومين يحيي الضيوف



للطلاب

مع الدرب بمشي للعلم اخي العزيز

خمسمية بتمشي تحرسلك الطريق

مع الدرب تعبان للعلم اخي العزيز

خمسمية هجان تحرسلك الطريق

وروّحلي على بلادي يا بشير الهنا

وبشر ولادي و قلهم طيبين



عند طهور الأطفال

والي زمان بعملو عملتلو طقية

يا أخي يامحمد يا بو الدلال والغية

والي زمان بعملو عملتلو طراحة

ياخي يا محمد يا بو الدلال و الراحة



وعبر المطهر داري و انا بغربل عدس

واصبر علي يا مطهر لما ازوق فرس

وعبر المطهر داري وانا بعزبل فولِ

واصبر علي يا مطهر لما الحبايب يجولي

عبر المطهر داري و انا بغربل ذرة

واصبر على يا مطهر لما الحبايب ترُدِّ



طاهر ويا مطاهر على القش الاخضر

لبسو يا بيو بدلة العسكر

طاهر ويا مطاهر على القش الناشف

لبسو يا بيو بدلة الكاشف



طاهر ويا مطاهر نادي ولاد جيلو

يا محمد يا غالي بشوقي لا دعيلو



طاهو يامطاهر نادي ولاد عمو

طاهرولي محمد زغرتي يا امو



طاهر ويا مطاهر نادي ولاد ابوه

يا دموع الغالي لولو ولظموه



عند الحصاد

وام الدنادش مش الك يا حصاد اكرب سيرك
و الراعي قلبو داعي و ام الدنادش للراعي


صب للجدعان زيت يا معلمي لن نويت
ولا تقول غديتهم زيتهم من بيتهم
و الله ما بحلكو يا معلمي حلنا
غير يبين ظلكو

وغطى ظهور الحوران ظلنا بين ومال
بتخبز فطير عند دار عمك امي و امك
ريحة بخور من غربا يثور

يا الله ياالله وان راد الله
تخزن حبوبو وتبنو برة
والبنت تقول وحياة راس ابوية
ما أخد الجمال
ونهار عندي و عشرة في الشام


يا بنت لا تبكي ولا تولولي
يا جمال ابوكي في اول المقطري


كل ما ترمي غمور كل ما عرضت وطالت
كا ما هانت الأمور كل ما نذكر محمد
شرق يريد المية شرق جمل حمدية
داقق على زلومو شرق ولا بألومو
غنيتلك غني لي دق الابر بالنيلة
والله قدح سلطاني على قديح الفضة


شرق يريد البطانة شرق جمل سلطانة
داقق على زلومو شرق ولا بلومو
غنيتلك غنيلي دق الابر بالنيلة


لا تنزل القيعان ما قلتلك يا هاني
وسويقها الفوقاني ما تنزل الا غزه


وايش عايد عليك منو مقعد بلا فايدة
واعجنيلو غدا منو اقعد على الرمل


ريحك طايب يا ابراهيم صوبح الله يا ابراهيم
يا خليل الله يا ابراهيم صوبح الله يا ابراهيم
لاخذ حجلك يا ابراهيم ارفع رجلك يا ابراهيم
صبايا ملاح يا ابراهيم وين المراحي يا ابراهيم


للأعراس و استقبال المهنئين
ياما زغرتيلي و انا بهاهي أنا جاي اهني دار خالي
ياما زغرتي وانا بغني انا جاي اهني دار عمي


يا ما زغرتيلي وانا بزيد هاذي فرحتي فرحة جديدة
ياما زغرتي وانا بازيد هاذي فرحتي واليوم عيدي



اهلا وسهلا بالجاي ساحتنا

يا بعد العصير فرشنا حصيرتنا

واذا كان ابو محمد فرشنا وحيينا

واذا كان من العدو ولينا



عريس يا عريس لا تندم على المال

على عروستك حواجب خط الاقلام

على عروستك حواجب خطين محنية

تسوى بنات الحارة مية في المية



نذرٍ علية لو كنّنت يا خية

لا ضوي الشمع واعلقو بايدية



نذر علي لوكننت يا جارة

لا ضوي الشمع و ازين الحارة



نذر علي لو كننت يا ماما

لا ضوي الشمع و اعلقو في الزينة

ع دار ابو محمد لفينا يا ليلة
ع مين لفيتن يا بنات



واشو فرشلكن يا ليلة واشو فرش لكن يا بنات
يكفانا صيتو يا ليلة حرير ما نريدو يا بنات


واشو ذبح لكن يا ليلة واشو اذبح لكن يا بنات
وكفانا صيتو يا ليلة خروف ما نريدو يا بنات



مقصوص جناحو طير في السما

مقصوص جناحو

مبروك نجاحو قولو لمحمد

مبروك نجاحو



ارفعوايديكو وارفعو ايديكو يا ولاد المدارس
الاول عليكو اخذها محمد الاول عليكو



شليشك يا محمد طية ع طية يا حوض النعنع دلي عالمية
وقع في الاوضة وقع في الاوضة ضربنا الفطبل
دارج ع الموضة دارج ع الموضة شلشيك يا محمد
وقع في البير وقع في البير ضربنا الفطبل
شلة حرير شلة حرير شليشك يا محمد


للولادة

يا عقد لولو على الطريق لضمتو

وخي الولايا يا من الله شحدتو



يا عقد لولو على الطريق مديتو

وخي الولايا الله يعمر بيتو

للعودة من الغياب

روح جمل العيلة وبقى غايب تعالو هنوني يا حبايب
روح محمد و الشمل التم تعالي هنيني يا بنت العم
روح محمد وانعدل الحال تعالي هنيني يا بنت الخال
روح محمد نوارتنا تعالي هنينا يا جارتنا
روح محمد وارتفع الراس تعالو هنوني يا كل الناس

أغاني تغنى في مناسبات كثيرة
يا قاصد النذل اقصد الميتين أبقى

وجه القبر يندى ووجه النذل ما يندى



البكرج اللي انتصب رنت فناجيلو

رجلٍ بلا عزوةٍ بطلت مراجيلو



الزين زي الذهب كل الناس بتريدو

والكل من خاطرو يكبش ويدب ايدو



الصيت وصل العجارى و اتعدى الصيت من غاد

واللي شرق من القنطرة لحقو بواقي الزاد





والله يا عين لا حرقكي واداويكي

ياللي ترافقكي الهمل وتسيبي اللي هاويكي



والله يا عين لا حرقكي بالنار

ياللي رافقتي الهمل و الطيبين كثار



خلاف على الميراث بين أخوين

يا مبهر الفنجان بالله سوقه

سوقه على ناس عن ناس

سوقه على اللي عارف حقوقه

فكاك ربعه و الريق يباس

حيف الجمل يا كل بدورة

من يقرعه عن وكله الوتر يا ناس

والله لا رحل ملامي على البروقي

لو يقطع الجثة عن الراس



الاولة آه من القلب والقلبات

والثانية آه كركب يا زمان وهات

والثالثة آه لو سعدت ليالينا

والرابعة آه من حكم العويل فينا

و الخامسة آه من عشرة قليل الزوق

و السادسة آه من واطي طلع لفوق

و السابعة آه من جسمي صبح خصمي

و الثامنة آه تعرفني ونسيت اسمي



عليش يا صاحبي لما تشوفني تِلْفِتْ

هي المودة القديمة بالعجل تلفت

ان كان اهلك و جيرانك عليك حلفت

ابعثلي مكتوب لارفع جانبي عنك

كنت بودك وثلثين البلد عرفت



عليش يا صاحبي تتشوفني تولّي

هي عقدة القش بدها تخسس الحلة

والله يا طبق لاملاك بالشوك و الخلة

ولا اكسر النفس اللي قتلتها القلة



يا نايم الليل مال زرعك صبح ذبلان

لا خير عملتو ولا تقوى ولا ايمان

بكرة تقوم القيامة و ينتصب ميزان

صاحب الامانة يعدي و الشقي حيران



يا نايم الليل وحد ربك الدايم

فاتوك على جنة الفردوس يا نايم

و اللي عمل خير ينوله قصر وجناين

الجحيم نايم و اللي عمل ويل في وادي




في زفة العريس

شوفك في رمضان يفطر يا ام الثوب سباغو يقطر
تشربو خمر اللقاح تشرب وتقول راح


وزيدي للأدهم عليقة يا بنت علقي ع الخيل
وتنقي الحصى من طريقه بكرة ينتصب سوق الاثنين


يا حلو ياللي قميص النوم شكا منك
يا حلو ما أحلا بياضك ع شقار سنك
لو وضعو لي الشرق و الغرب في ثمك
لا دشر الكل و آخذ رغبتي منك
صاحبك اللي تودو وانت عشمان فيه
ثقل عليه بالاسى يظهر جميع ما فيه
طولك قصب مص من شافك نسي حالو
ترك المشاغل وخلاكي على بالو

في القضاء
ان بطّل المكفول وما هو نذالة
اللي كفل ملزوم بالعد و الكيل
ان بطّل الكفلان اكبر رزالة
مثل الولية يحط قنعة ومكاحيل
عيال ابو موسى عليهم ولا له
عند الكفالة تقول حصد مناجيل
جربتهم مشوار لي في كفالة
يا حسرة اللي عدهم بين الرجاجيل
هم الثلاثة الكل مصبوغ شاله
سبغ السواد ع بياض المناديل
الفرق بين الرزع و البدع و الشعر على الربابة
هناك فروق جوهرية بين هذه الالوان،الرزع يقوله اثنان أو واحد، لكنه يتألف من مقطعين على قافية واحدة ، أما البدع فاختلافه الوحيد عن الرزع انه شطرة واحدة لا شطرتان، أما الشعر على الربابة فهو غالبا ما يحكي قصة ما، لذا رأينا وجوب ادراج ملخص القصة عند الحديث عن شعر الربابة
رزع
اللهم صلي وسلم ع النبي الهادي
محمد اللي عليه النور وقاد

الدرس مطلوب صفو واسمعو يا عباد
سبحان من صور الدنيا سما وبلاد

يا حضرة الخير صُفّو واسمعو التدريس
بيطيح في النار من كان التّبَع لابليس

واللي صلاتو قليلة ليلتو سودة
والقبر مفتوح والدبوس مركودة
صبرت صبر الخشب تحت المناشير
صبرت لما استوى لبن العصافير

واجب على الرجل يتغذبل من الشيطان
يفرد عباتو ويصلي ويطلب الغفران

يا مخيطة الثوب تنبيتة على الداير
نريح الرجل ولا نظل في الساير

يامقدم العاطلة قلبي عزم عنك
عقِّد تصرَّف ولا عيوني يشوفنّك

حوار بين اثنين أحدهما قصير و الآخر أقصر
حطوا على النار خلي المنتقي يبيّن
كل البنات عند كبير الدقن بيعين

حطوا على النار وانا بحطها مبسوط
حطوا على النار خليه يبين المسخوط

ع اليوم يا ست لو في مثلكي ستة
والزين زي الذهب بينباع بالحتة

مبارح العصر شفت انسان عند انسان
قاللو يا كاتم السر لك عند الكريم احسان
طرد الهوا بيليع و يليع
واصبحت مثل الخشب منشور ومكوع

يا عين لا تدمعي ع حباب جافوكي
من عقب ما انتي عزيزة اليوم نسيوكي

يا حسرة اللي انشبك مع فاضيين البال
باع بخسارة ودار الحِمِل ع الدلال

سلم علي باربعة و الخامسة الشاهد
روحي وروحك سوا ومفتاحهن واحد

القلب وجلان لفرقة حبايبنا
يالعنة الله على شايبَك و شايبنا

محسن خيالك ومحلا سبلة عيونك
مرخي سناسل ذهب مع جدلة قرونك

البارحة العصر كنت اضحك على وطَّايات السوق
واليوم ما بعرف المشمش من البرقوق

وايش اللي معجلك ع بلاد الحصو و الصوان
يا بنت بلادكو حنجل على مثنان

يا ناس لا تعومو بس في الكلام عوام
ربك جعل كل الارض عند اهلها شام

طالت عليك الليالي يا ظريف الطول
قضيت عمرك معتادي في الكلام بتقول

ونّيت ونّة وقلت يا ستار
جبل الحلال ارتعش من ونّتي واحتار

يا قلب خلك بحر و دروب ممشية
من خاطر اللي معانا ما عمل سيّة

سيفك مبيض مثل العسكري دوار
حقو ثمانين بكرة وبرشقو بحوار
بكرة: ناقة، حوار: قعود، البرشق: ما بين مقبض السيف وحده

ما ابطِّل الون لني ع النعش ممدود
صيّور العظم يبلى أما اللحم للدود

انا بحسب الرفق ماكن مثل حبل التيل
واتراك مثل المطر مع كل وادي تميل

مضيوف في دار كنجا قنقز الطربوش
من شان عشوة مطبق حط ست قروش

مطروق مثل السلق بيمطق شدوقه
يحرم عليك المطبَّق عاد ما تذوقه

اللي زرع زرعته بين الحطب و الهيش
تطرح ذوانين حتى ان الفقير يعيش

سلّم بعينك وخلي ايدك بحنّاها
شوحة يمينك ترد الروح مجراها

يا كلبة العر ما شفتي جراب مطير
ما لُجْت انا شرق الله يصبحك بالخير

في حضور الأتراك مرة
ضابط رطن ع شاويشو وعسكري بالماس
دردم بلا دردمة دردم بلا درماس

دجٍّ طمس طلطمس دج طمس للدج
فكر بعينك لنجوم السما بتلج

العلم هاللي حكيتو ما رضى بوحد
اللي فتح ما مرق لاقى طريقو سد

أحدهم يحذر الآخر من الاقتراب من زوجته - وهي عوراء
ـ يا بدر لا تطب كرمي تنبهر وتموت
والعوسج سياج من خوف الغريب يفوت
ـ كرمك وانا عارفو نص الشجر ناشف
ماحد غيري و غيرك ع الثمر كاشف
في وصف الحبيبة
يومني لقيت اثيرك واتعدك انت ملاقيني
[ اثيرك: أثر خطاك ] قعدت احاكي في اثيرك واثيرك ما هو محاكيني

يجعلك تحسي اللي احسه يا سايق المزنة مع الغين
وتحسي بجمر المودة اللي في قلبي بتكويني

أحدهم يصف قاعوده محذراً الأعداء المغيرين
[ لِرْسِنِّة: جمع رسن ] يا اهيل الزمل المغيرة اعطوهي كرب الرسِنّة

عندي قعود من بيت الجود بيلحق ما بيلحقنّه
اربع ناقات ماهن شينات حنّنْ عليه وربّنّه
ما بياكل غير النوارة وما ياكل العشبة المصنّة
شداقو دق من البلوط دقّ القدوم المنسنّة
أَلْحَقْتِ بُه ستين اوقة قام بْهِنْ ما رجّحنّه
من شرق برير يمشي و يميل ما تفرق زوله من ظلّه
وشرق غزة الملتزِّة صفِّ الغزلان دونٍ منّه
قَلَطْت الدير وحتى الخان العجّة ما طارت عنّه
شرقي رفح زاد و طفح و خزامو تِقَطَّعْ منّه
عند العريش تلقى تفتيش حتى التفتيش فلت منّه
يوم وصل بلاد الأمانة و الهّرش بيسرك ع سنّه

أحدهم شاهد امراة ترقص في السامر

انا اللي مورّد لي بكرة مثل اللهاليب ايداها
[من يأتيني بخبر عنها] و الله لاعطيه خمسة افرنجي اللي يقبسلي طرياها

وانا في وادي الشريعة وان هذا مجرجر عصاها
وانا في وادي الازيرق لقيت خطيوة من خطاها
شوية و المال موجه وان الاصيفر بِحواها
من باعك يا ولد بيعه ولا تعقب ثناها


أحدهم يحرّض حبيبته للهرب معه
[ زقزيقة ] يوم خطبناكي من ابوكي رجلٍ صايديتو زِرْعِدِّة


حطي يميني ف يمينك كان بدكي درب المودة
أنا علي الزوادة اما انتي عليكي العدة
نمرق ع جبل الحلال الكل منوم من حدّه
ونمرق من شرق الجورة و جنزير الدولة نِهِدّه
[ لا تنظري وراءك ] ونمشي ع جبل سيمون اصحى وراكي تِلِدّه

ونوصل ولد القديرات اتراهم ولاد فْهِدّة

بَدْعِ المِجْوِزْ: وفيه بداعان يردان على بعضهما.كل نجمة ترمز الى
تغير القائل
[ قوز: تل ] جيت مشوّر بدوّر من غادي قوز أبو شقافة
[جزء من النخلة] قلبي انشرح طالب بلح دونه جريدة و كرنافة
عندي قعود احمر شرود مثل الفناجيل خفافه
[أرض الطين] زي الريح اوعى تطيح ان جابك ف ارض اللصافة
[ اختصِر الكلام ] يا رضوان يا بو سليمان خلي لي الهرج سنّافة.


أبو عرضية كان بلحية خفيفة
يا ازعر يا بو ذيل مقطوع كيف البلاد الشرقية
زرعة الشويحة خفيفة زي دقنك يا بو عرضية
كانّك بديع وشاطر بتجيب لي وصف البطيخة
الليلة و الله يا مغني بشوفك بدك تمسيخة
هندي يا وليد محيسن وجهك زي قشر الفسيخة
الليلة و الله يا مغني بشوفك بدك تمسيخة
[يا كلب يا إبن الكلبة] هندي يا وليد محيسن يا ضيخ يا وليد الضيخة
أحدهم تلاقى مع عبد لا يمكن مجاراته في البدع و البداية للعبد
انا سعد ولد سعيد من أصيلين الجداد
[ على مهلك ] يا سعد يا بن سعيد هادي يا عبيدي هادي
انا سعد ولد سعيد من اصيلين الجداد
[ جلايب: مثل البضائع ] اهيلك جونا جلايب مع النّوَر و الهنادي
يوم السوق نزلو السوق العبد بأربع صلادي
راية الاحرار جلدة خصاي اللي غمقت السواد
لا قطع خصاك من عند مفساك بسيفي الحامي الجلاد


شعر الربابة: ويعرف بالشعر القصصي، وذلك لان كل قصيدة لها قصة، ونتيجة لارتباط القصة بالقصيدة رأينا ان نورد ملخصا للقصة قبل القصيدة
استجار بعض الناس بشيخ قبيلة فأجارهم، فأعجبته أختهم و إسمها الاعجا، وأحبته وأحبها، لكنه حين خطبها طلبوا منه 80 ناقة مهراً لها ، فسافر ليغزو، وعاد بعد سنين بالمهر فوجد النساء صابغات وجوههن بالسواد لأن أخوة الاعجا قتلوا أخوه، فذهب يبحث عنهم و قتلهم بالاتفاق مع الاعجا، ولما حاول الرجوع طلبت منه ان يأخذها فرفض وعاد إلى قومه، وكان حزام الجلد الذي يلبسه خشنا فمزق بطنه فوصل قومه على مشارف الموت وقال

جَتني الاعجا تلعج القلب و الحشا
وتفطّر في رمضان من كان صايم
ان خطفتها يا ناس قالو طنيبتو
وان خطبتها يا ناس قليل الدراهم
غزيت بغزواتي وجيت بهمتي
وجبت من مال الأعادي غنايم
ثمانين ناقة سقت قدام ناقتي
وهذا من غير البكار الصلادم
الناس تلاقي الناس بالزغاريت
وبنات عمي صابغات اللثايم
قلتلهن اخسن كفى الله شركن
علام العذارى صابغات اللثايم
قالن لي قتلو اخوك ابن والدك
جمل الضحى جلاب كل الغنايم
قلتلها يا بنت ع وين يمموا
لَقِسْمِك بالسيف اربع قسايم
قالت يا بن العم شالو وحملو
يطرون الروضة ومرج ابن عامر
قرطت شداد الهودج من فوق غاربه
قعودي يا زريقات ماضي العزايم
لولا خزامو اللي تضبو خوامسي
لطار بي في الجو و الرب عالم
عَدِيْت على السبعة بسيفي ذبحتهم
وزحت عن القلب المشوم الغمايم
جتني الاعجا وقالت خذني رديفة
لاصيح واهبّ من كان في الحي نايم
قلت الها يا بنت صيحي ونيحي
البَكِر ما يطلع بالردف سالم
وهاذا مطبّ البكر هذا مناخه
وهذا مطب ايداه كيف العلايم

رجل أحب فتاة وأحبته، فلما علم أهل الفتاة أخذوها ورحلوا، فظل يبحث عنها حتى وجدها ودخل إلى خيمتها وقضى ليلة عندها، وفي أثناء عودته غنى هذه القصيدة
متى في متى لا بارك الله في متى
متى أصدف وليفي والتقي ويّاه
متى يزهر الصوان متى يثمر الحجر
ويذوق مرّاق الطريق جَنَاه
متى فارغ من البير يملا من الندى
واسقي وليفي من برودة ماه
[ الحذرب: الوادي ]
من حِذْرِبٍ لحذربٍ بانت مسيرتي

اتبع وليفي واقتفي بخطاه
إلا وبيتٍ مشرعات عوامده
تشوف الخدم عن ميمنه ويسراه
قلبت رواق البيت بالسيف مسعد
إلا وليفي ما رأيت سواه
قالت أهلاً وسهلاً بالدويغر سلامة
واللا ابن عمو واللا نزيل حذاه
قلت لها يا بنت آني سلامة
آني اللي رمشك موّتو واحياه
فضمتني ضم الرضيع لصدرها
ضم الوليف المشتهى ملقاه
ويوم التقى صدر الدويغر صدرها
إيدو ف شعرها و عينها ف عيناه
عصو على البرغوث صرّخ ما بينهم
وولى هروبٍ طالباً نجاة
يومن ضمن روحو صرخ وقاللهم
من أهل الهوى آهين يابياه
الا وديك الصبح قايم يكاكي
يبلاه بنمس ضايعات اجراه
الا و شيخ الصبح قايم يوذن
يا ريت اهيله ناقلين عزاه

خطب رجل إبنة عمه، فوافق أبوها واشترط عليه أن يصبر سنة، وأثناء ذلك خطب الفتاة رجل إالمالكي وهو ذو عزوة لا يستطيع أحد معاداته، فوافق أبوها، وأرسل المالكي لابن عمها رسالة
[ إظهر لي بسلاحكَ ]
قوم يا الحياضي وانقشط لَي بعِدّة

وعلِّق طواطيح الغوابي نحرها
[ أضيا: اسم البنت ] أضيا نجوم الليل واني قمرها


فرد عليه ابن عمها
قم يا الحياضي وانقشط لي بعدة
وعلق طواطيح الغوابي نحرها
[ مزنة: غيمة ] أنا مثل مزنة ترعد رعاد

تغطي نجوم الليل حتى قمرها

وقرر ابن عمها أن يخطفها ليلة زفافها، وجمع الرجال وقال لهم " قهوة حرب " وهذا تعبير معناه أن القهوة ستدور على الشاربين، فمن يشرب سيشارك في الحرب ومن لا يشرب فهو مستنكف، وكان أخوه جالساً، ومدّ الساقي على الأول فرفض وكذلك الثاني والثالث فقال أخوه
هل الهلال وهل دونه هلالين
ثالث هلال خش قلبي شكّية
يا صابّ الفنجان ياشين يا زين
كب الهْلُوف و هات ديره علية
أنا وخوي مقوّمين بألف خيّال
ولكل منا مَقْسَمَه خمسميّة
واسبُدّ من عركةٍ عقب يومين
يومن عجاج الخيل يغدا قطيّة
واسبُدّ من مالكي لاقسمو قسمين
بين اللثام وبين مفرق شفيّة
واسبُدّ من خضرةٍ لاطلق الها الرمح عدلين
يتعشى به سرحان ذيب الخلية

البدع
مبارك فرح المفرّح و العقبى لخيَّه زيَّه
واطلب من ربي يتمم بالذرا و الذرية
وفي فرح ابو مسلم لاحفيكن يا كفوف ايدية
مبارك فرحك يا محمد يا ربي كل سنة شقّة
تلفي ع بيت المفرّح يعطي للمقبّل حقّه

نافع ع حصانو دافع مع الشمالي ونَسّومَه
علمنا بفرح ابو غويص وقلنا نوحل في لحومه
تولى بالحسب كريتون حط اللحم ع كومه
ما خلى غير الفتافت و اصغر من درس الثومة

يا بيت المفرّح مبني ع الدرب ولايح
الميخر في المسعوديات والمقدم في شعف شايح
اطلق للعيش منادي طيارة باربع صفايح
اللي ما معه اخبارية غرق في دم الذبايح

الله يعل طريبيشة عبت ع السمن المشيّح
آذاهم طهر ابن زايد ع فقوس لابو صليّح
خلوا عقّوم ابو سدرة كل عقم ف أخوه يسيّح
يا واقف شمر عن ثوبك أقعد ع الأرض و تريّح

قال احدهم يصف زوجته التي تزوجت باثنين قبله
أضرب بالحربي يا قيسي هذي الهوية المليحة
حطيت البكرة والقعود في قرعة مالها مسيحة
حط الشارب ع الشارب والنخرة كبر البطيحة
أخذت اثنين وانت الثالث ولضرب العود مستريحة

آذاهم طهر ابن زايد
بالسمن ع دهن الحيّل
خلوا عقوم ابو سدرة
كل دهن ف اخوه يسيّل
أربع حرمات مرميات
من برى الشايب والعيّل

جينا فرح المشايخ دنّاعة بلا عزومة
قعدنا في حد الناعوق ياكل ويطشر ع هدومه

أحدهم قام بختان أولاده الأربعة وأولم بديكٍ فقط فقال الشاعر ساخراً
يا قدرة الله يا ابو مصباح مطهر أربع طناوين
لما انه ربي قدر طهر في ديوك النساوين
لمنك تركب على الديك تعدك راكب ع هجين
عليق الديك اربع ارطال من دكاكين المصريين
عرف الديك ع راسه مثل طباق القمر دين
[ زمالات: ناقات ] اربع زمّالات حلبيات دوبهن رمنه من البطين

قوم اركب يا بو حشيش لِمْ العرب و الفلاحين
دبينا وادي القضابة واحنا خلايق مِلْتَمّين
تقشط لا يابو هميسة و نادي على الجزارين
جباليا وحتى بيت لاهيا تِلْفُو من جرّ المصارين
الغطوسة صاحت في القدر اطلقنا ليها العوامين
مية و خمسين ختيار غرقو في الفت السمين
دهن الديك لمنّو سال غرق عواد العطاشين
يا حرمة ودي لاهلكي حقّة من روس الجناحين
[ قبائل بدوية ] قطعة من جناح الديك كفّت تياهة و ترابين

الدهن غرّق الدنيا و لا وِسْعِنّه مواعين
نقطة من دهن الديك هدّت على فريح ابو مدين
دهّن منها بابوره وعبّى سبع فراقين
عظام الديك من غرب البيت مقرطات زي العمادين

وقال شاعر يهجو زوجته
فيهن بعض حلايل شوفتها بتجيب العلّة
الشرط يوصل ذفنتها ما يذكر عليها تِشِلّه
البرقع بلا طواطح و الجبهة ما هي منشلّة
يومنها تبرك ع الذهاب وحيّة هرش ع حلّة
يومنها ما تلقى غموس من باب الجرة بتبِلّه
يومنها ما تلقى وقود بتجيبه من خشم الظلّة
لولا غبر الليالي للحبل من الحبل احلّه

و قال شاعر هجرته زوجته
أسعلكو بالله يا جيران ما شفتو لينا زوالة
الحرمة بتدير الفريق يا فلّ وبيجُرّ اشكاله
فيهن بعض حلايل زي الفردة فوق العتالة
يضرّك يا كليب العرب خليت وهدنا مقيالة
حيلتنا غير صاع الشعير اللي جبناه بالكفالة
جِنّه حمير العرب خلفه في البيت عجالة
جنه دجاج الجارات كل ديك ينقه من جاله

ومما قيل في النساء
الله بلانا بحرمة ثرما طويلة مفقعة
اللي شراشب برقعها مثل خيطان البرذعة
تشلم من جنب الرغيف قبل الصّنّاعة تصنعه
تلزّ الشايب ع البطين القوز الغالي يطلعه

وقال آخر يتمنى زوجة
اللي احنا اثنين خلاوية يرزقنا لينا بعوّاسة
يا رب تسوق النا حوشة ما تعاير بغزّ الطاسة
تعده من دار ابوها الواحد لو جاب غماسه
يومنها تحول في الوهد مثل البهيمة الرفاسة

رأى أحدهم عبداً أسود يفعل الفاحشة مع امرأة مقابل بطيخة فقال
بطيخة روب ثقل الثوب من حنوة مقثاة الشيخة
أنا شفت اثنين ياعالمين فوق بعضهم لطيخة
لمنو جرّد عن ثوبو يشبه لذراع السليخة
يرمي درابي من قفاه حمص و ملاليم طبيخة
يا خسارة عود الصويا يركب ع عود الزنيخة


وقال آخر في عجوز تصرع زوجها
العجوز لاحت الشايب من ثوبه و انها راميته
حطت ركبتها ع صدره و النايم يسمع قنيته
ظلت تخنق في الشايب لما انه أقبل ع الميتة

وقال أحدهم يصف شيخاً كبيراً
الشايب بين الطهّايات مقنبز و الثوب قصيّر
له خصوات مدليات مثل الحمام لما يطير
يطلق من عندو غناني مثل حنين الحويّر
لمنو صلب شغله زي واسط بيت ابو حجيّر
يومن شافنو العذارى غير وان دليلهن متحير

وقال أحدهم في وصف مغامرة تقوم بها دجاجة
شرينا لنا دجاجة من باقي تجرة يهودي
سوينا لها وثر حسيني و حسيني من برى بدودِ
ظليت ادرّج في الفرخة عضودها عضود القعودِ
هودنا ع قرية برقة انا اسوق و الحرمة تقودِ
غرّبنا النا مع شارع لقينا الشارع مسدودِ
طلع اختيار من باب الدار زلّ و قال لها حودي
وهية تلطو بالصنقور و انه في الشارع ممدودِ
الفلاحين جونا مغيرين معهم سيوف و بارودِ
و الفلاحات جنا مغيرات ويلطمن على الخدودِ
واحد ضربها طلقة و انها في الجنح المفرودِ
قالت و ان كانك خايف تمثنى على عنقودي
وجناح يهوش و جناح يروش خلتهم ع الارض رجودِ
طارت بي على شنق جفّلت كل الورودِ
اربع جرات ممليات ما بلن راس العنقودِ
ثلاث ايام وانا بارقى دوبي لحقت القرقودِ

قال رجل مخاطباً غليونه بعد أن وجده وكان ضائعاً
سلامات يا غليوني يا للي زمان لك غايب
خليتك في شِق ابن جومي اللي دخانه صلايب

فرد الغليون
إِن علمتك بالصحيح كل فرقة ليهي سبايب
خذوني ولاد الاحيوات حطوني في خروج الركايب
مرات بيرضعني صبي مرات بيرضعني شايب
ويومٍ يكمل عليقي يكووني بالجمر الذايب
أما من هذا ورايح على يد الله و يدك تايب

وقال آخر يهجو قوماً زوّجوا ابنتهم من شايب
ما عمر كحيلة تشبّت من غوجٍ ما انعرف بيته
طمعتو لزود المصاري و اعطيتو البنت لابو الفيتة
سنانو مثل المبارد يضحك لو شاف الفتيتة

وهجا شاعر قوماً لم يكرموه
ولد يا راكب ع البكرة اللي خطمتها خفيفة
أنا أوصيك و الله يوصيك طرناق الصبخة لا تضيفه
تلقى ولد " الفلانات " على البكارج كييفة
مكر الفردة في قفاه مثل مكر السفيفة
تعدك تقبض في روحه يومنك تقبض رغيفه
أما صرفه فنجاله تعدها سعوط التطريفة
يومن تدهس ع رميّه تعدك داهس ع ليفة

وفي هجاء بخيل آخر
قسم النصيب و مدّينا ع الزمل فوق الأشدّة
وردنا ساقية ابو حسن اسقينا و الزمل مغبّة
لاوِنّا بالبيت المبني ع العالي فوق المشبّه
جيت اهب لمحلي تنحنح و ايده في عبّه
بكرجه في جنب النار و جرابه ما فيه الحبّة
قمنا من عنده مناكيب ما ذقنا و لا دحربّه

وفي هجاء البخلاء أيضاً
غدانا في بيت الأسهب أربع رغفان بدقيّة
فيهن دلادم يباس و فيهن دلادم نيّة
اللّي دنى ما ثنى و الزلم ليها وحيّه

وقال أحدهم يهجو ضيفاً
خليتني ادقدق في قشّي ادقّه و القش مندّي
والله يا ضيف الرحمن فصك فص المتغدّي
الفردة طارت من فصك في الجو وعيّت لتهدّي

وقال أحدهم
مقسوم العبد ما عنا لو انو في جحر لابد
وايش جايب كلب ابو اشتيوي ياكل بيضات ابو عابد

هرب عبد أسود من معركة بين الإنجليز والأتراك فعيّره آخر قائلاً
معرة تشرد يا سالم وانت مع المخلدية

فرد يدافع عن نفسه
جتنا من البحر قلة تدوّر ع كبر الثنية
سمح فاعور الوحيدي والجوخ يهفهف فوقيّة
شرد فاعور الوحيدي واطلقت للأزرق زيّه
أهل السيوف المصاييغ تحوبي مثل الوليّة
عابت من عند الأصايل واشحال اللي امّو مصريّة
وان شردت يا سالم عبد وما فيها ادراكيّة

وآخر يسأل صديقه "حميدان " عن حاله مع " طينة" زوجته

كيف سواتك في طينة سعلتك بالله يا حميدان
فرد حميدان
والكل مثبّت ع دينه سواة المسلم في الكافر
وهذه محاورة بين بدوي وآخر من أهل العريش
ليلة الخميس و المطلة البدوي: ما أكثركو يا شرايكنا
بيقمقم الطبق كله العرايشي: شايبكو لما بيجيبا
تتربع على قطاته البدوي: شريكنا من أكله للفسيخ
الدود مخرب مساته العرايشي: شايبكو من أكل الخبيزي
بكباشه مثل البعارين البدوي: إحنا زرنا الازواره
جديانكو مثل الزنازين العرايشي: تكذب والله يا سعيد
دبّو من الفرح صحاحير البدوي: جونا مشايخ بلدكو
تلحق كرمها معايير العرايشي: عمري ما حسيت البداوة


وقال شاعر
العبد لن شاف الخادم يرزم رزيم الدبابة
يا هنه زي وتد الحديد شارد بشروش جعابه

وقال أحدهم في أصناف الرجال
وناس بتجري في التقى ناس بتجري في الحماد
وفيهم زي ريح الندى فيهم زي ريح الشراويد
وفيهم بيجالى للعرى وفيهم بيحالى للكسوة
غير البومة و اللجا ما تهيا لابوها
يا تقدم يا توخر ورا الولد ما يطلع لابوه
وديمة عرقوب الشقا الفقري خدام المبسوط
في داره ما يداري الطنا في دياره ما يقنى بعير
كان خلى فراشه وسرى في عز النومة اللذيذة

[san79]

خخخخخخخخخخخخخخخخخخخخخ يا خرابي قديش ردي طويل

شكلي ما صدقت بعرس هووون
موضوع كان عاجبني من زمان وكنت مخزنا عندي

[الثمال]

رجعتينا لايام زمان الله يسعدك الله يعطيك الف عافية

[أم مــــالــــك]

ما شاء الله تبارك الرحمن
تسلم ايدك ام المجد كفيتي ووفيتي حبيبتي
وماخليتي شيء غير وحكيتي عنه
الله يسعدك ويبارك لك في اهل بيتك يارب

[المهندسه2009]

ييييي يسلمو ايديكي عنجد متعوب عليه واللله ما في بعد افراحنا وحفلاتنا

عنجد مع انه الايام بتمشي وبتستحدث اشياء بس مافي بعد القديممممممم الفرح كان اله عزه وماشالله مازال

الله يارب يفرجها على فلسطين امين

[د.سوسن]

موضوع رااااااااااااااااااااااااااائع يا قمر
بدعت بكا معنى الكلمه
يعطيكي الف الف الف عافيه
و انا بدي احتفظ فيه للذكرى
و لما تكبر جنى شوي احكيلها عن اعراسنا و عاداتنا

الله يخليلك صبا و هيا و عقبال ما تزغردي بعرسهم و يخليلك مجد و ترقصي بعرسه :)

[ام سهيل]

ماشاء الله الف مبارك على العرسان
ومبروك على صبا عرسها


ماشاء الله اعراسكم حلوة
بس ماشاء الله مليانة حكايات
ومليانة ذكريات


ربي يجمع بين كل عروسين على خير ويرزقهم الذرية الصالحة

اتبسطت كثير ام المجد .

[رندوش]

http://www.lakii.net/images/Nov08/summer_LM0nKB.gif

أويها
أرقصي وديري ظهرك
أويها
وارخي جدايل شعرك
أويها
ويسلمك يا أم المجد
أويها
يا مبيضة شاشات أهلك

http://www.lakii.net/images/Nov08/summer_LM0nKB.gif


أويهـــا
غلينـــا قهـــوة
أويهـــا
طلعـــت مـــرّة
أويهـــا
إلّــي مــا يفرحلك يا ام المجد
أويهـــا
تيجـــي عليهــــا الضّــرّة


تسلمي ام المجد والله ملف جدا مفيد لانه من التراث وتقريبا بدأ ينقرض هههههه
تسلمي يا عسل

[ام صائب]

ما شاء الله
غاليتي ام المجد أنت مبدعة أينما ذهبت
لك تألق وبريق في كل مكان
موضوع رائع ومميز وافراح جميلة
تفاصيل ومعلومات شيقة
دامت افراحنا عامرة
ودمت متألقة لامعة كالالماس

http://www.lakii.com/vb/smile/10-16.gif

[جنتي]

الف الف مبروك ؟ و الله بيجنن عرسكم كتيييييييييير حلو رح اخزنه و اورجيه لبناتي عشان يعرفوا عادات بلادنا , و فعلا كل المناطق بتغني نفس الاغاني بس بلهجتهم الخاصه , بس كله فلسطيني ....و الله قلبي حن و مش مسدقه و ييجي الصيف و انزل و احضر عرس ان شا الله يكون حلو متل عرسكم . اشكرك حبيبتي و ان شا الله ما نعدم عاداتنا الحلوه

[ريم الشرق]

ياي ما احلاه الاعراس الفلسطينيه هلا تغيرت كتير

موضوع كتير حلو يا ام المجد

[hendaaa]

مشاء الله
عادتكم حلوة



ومشكورة على المجهود الحلو الطيب

[RAWAD]

ام المجد .:). ابدعت و تفننت فى عرض العرس الفلسطينى
استمتعنا جدا بالعرس
عشنا مع العروس صبا الفرح وكأننا كنا هناك
العرس الفلسطينى يظل له معانى وطنية و تاريخية كثيرة
و المحافظة على التراث الاصيل من اهم المسؤليات الملقاة على شباب هذا الجيل
حفظا للتاريخ من الاندثار و غرسه فى الاجيل القادمة.:-s

بارك الله فيك
و مبارك عليك و على صبا
عقبال ما تفرحى بولادك يا غالية

[ام ليانة]

ام المجد الله يسعدك ويفرحك باولادك

ما شاء الله عنك يا عسل كفيت ووفيت ورجعتينا للايام الحلوة

الله يعيدها على الجميع ويجعل ايامنا كلها افراح

وانا ما بافتكر الا كام واحدة هاي منهم


http://www.lakii.net/images/Nov08/summer_LM0nKB.gif



آآآآآآآآآآآآآآويها ارفعي راسك يا مرفوعة الراس

آآآآآآآآآآآآآآآآآآآآآآآآآآآآاويهالا فيك عيبة ولا مقالة الناس


آآآآآآآآآآآآآآآآآآآآآآآآآآآآاويها ارفعي راسك لعريسك وقوليله

آآآآآآآآآآآآآآآآآاويها انا خاتم الماس والناس لباسة


http://www.lakii.net/images/Nov08/summer_LM0nKB.gif


طب خذيلك هادي قوية ... مش عارفة اذا حد بيعرفها و لا


آآآآآآآآآآآآآآآآآآآويها طبخنا ملقلقة

آآآآآآآآآآآآآآآآآآآآآويها حركناها بالمعلقة

آآآآآآآآآآآآآآآآآآآآآآآويها و قلينالها تومة

آآآووووووووووووووووووويها الي ما بتدخل موضوعك يا ام المجد تكبس عليها النومة ههههههههههههههههه


http://www.lakii.net/images/Nov08/summer_LM0nKB.gif

وهادي كمان ام المجد علشان ركن الحلويات هههههههه

آآآآآآآآآآآآآآآآآويها ويا صحن رز بحليب

آآآآآآآآآآآآآآآآآآآآآآآآآآآآاويها وكل ما برد بيطيب

آآآآآآآآآآآآآآآآآآآآآآآآآآآآاويها واحنا اهليه


آآآآآآآآآآآآآآآآآآآآآاويها وما في حدا غريب


http://www.lakii.net/images/Nov08/summer_LM0nKB.gif


وهاي كرمال عيونك يا قمر


آآآآآآآآآآآآآآآآآآآآآويها .. ياعرق الماس..

آآآآآآآآآآآآآآآآآآآآآآآاويها .. ومشكول بالراس..

آآآآآآآآآآآآآآاويها .. وام المجد ما في منها


آآآآآآآآآآآآآآآآآآآآآآآآاويها .. وصلو على النبي يا ناس..



http://www.lakii.net/images/Nov08/summer_LM0nKB.gif



تقبلي مروري و تحياتي و محبتي يا غالية

:)

[ام ليانة]

ام المجد .:). ابدعت و تفننت فى عرض العرس الفلسطينى



استمتعنا جدا بالعرس

عشنا مع العروس صبا الفرح وكأننا كنا هناك

العرس الفلسطينى يظل له معانى وطنية و تاريخية كثيرة

و المحافظة على التراث الاصيل من اهم المسؤليات الملقاة على شباب هذا الجيل

حفظا للتاريخ من الاندثار و غرسه فى الاجيل القادمة.:-s



بارك الله فيك

و مبارك عليك و على صبا

عقبال ما تفرحى بولادك يا غالية




بالفعل رواد هاي مسئولية في اعناقنا يجب ان نحافظ عليها من الاندثار


افراحنا جميلة جدا و جمالها لانها نابعة من ارتباطنا بالارض و قضيتنا العادلة


فهي لا تخلو من الدبكات والاهازيج الوطنية التي تزرع الانتماء في القلب فيغدو صعب اقتلاع ذلك الارتباط المقدس بيننا وبين الارض


نسال الله ان يمن على الشعب الفلسطيني بالامن والامان و ان يحقق لاهله العدل والسلام فقد بلغ السيل الزبى و ضاقت الصدور و لم يبق الا وجهه الكريم الذي لايرد دعاء مظلوم ان ينصر قضيتهم ويوحد كلمتهم ويقوي شوكتهم و ان يرد عنهم كيد الكائدين


بارك الله فيك رواد ... كلامك اثار في القلب شجن لا ينتهي و نسال الله الفرج القريب


دمت بود يا غالية

[RAWAD]

بالفعل رواد هاي مسئولية في اعناقنا يجب ان نحافظ عليها من الاندثار


افراحنا جميلة جدا و جمالها لانها نابعة من ارتباطنا بالارض و قضيتنا العادلة


فهي لا تخلو من الدبكات والاهازيج الوطنية التي تزرع الانتماء في القلب فيغدو صعب اقتلاع ذلك الارتباط المقدس بيننا وبين الارض


نسال الله ان يمن على الشعب الفلسطيني بالامن والامان و ان يحقق لاهله العدل والسلام فقد بلغ السيل الزبى و ضاقت الصدور و لم يبق الا وجهه الكريم الذي لايرد دعاء مظلوم ان ينصر قضيتهم ويوحد كلمتهم ويقوي شوكتهم و ان يرد عنهم كيد الكائدين


بارك الله فيك رواد ... كلامك اثار في القلب شجن لا ينتهي و نسال الله الفرج القريب


دمت بود يا غالية

غاليتى ام ليانة اقسم بالله انى كتبت ما كتبت و انا اشعر به
تماماكما شعرتى انت به
سبحان الله
تظل هذه البقعة من الارض اثيرة و عزيزة على نفس كل مسلم
و يشدنا اليها الف خيط و خيط
نسأل الله ان يعجل باليوم الذى نرى فيه فلسطين عادت للاهلها و لنا
و نسأله ان يمّن عليكم بلم الشمل بعد الفرقة
و ما ذلك على الله بعزيز
تقبلى ودى

[ghdghoda]

و عليكم السلام و رحمة الله و بركاته
ماشاء الله عليكى فتووووش الحلوووووة
موضوع راااائع
و عادات و تقاليد جميلة ماشاء الله
و عقبال كل البنات الفلسطنيات ياااااااارب
تسسسلم ايدك فتوش :)


http://img205.imageshack.us/img205/2195/cute2030ug5.gif

[فايزة1]

ما شاء الله تبارك الله فرح مليان بالافراح بارك الله لكم لقد تمتعنا ودبكنا وتمايلنا وزغردنا حتى الحنى نقشنا دامت الافراح وعقبال ما نرقص لعروسنا فلسطين حره ابيه

[ام مالك وعمر]

الله الله يا ام المجد رائعة بكل المعاني

اتحفتينا

انا بموت في اشي اسمه اغني شعبية


الله يجزيك كل خير

[rama1100]

ياعيني عليك يافلسطين
رووووووووووعة ياام المجد
دامت دياركم غامره بالافراح

[um almajd]

يا الله يا صبايا
معلش اعذروني مبارح فصل النت فجأه ما عرفت ادخل غير اليوم :)

شكرا كتير يا رنا على التميز .. وجودك بحد ذاته في الموضوع ميزه يا عسل
تسلمي يا قمر على كلامك الحلو كلك ذوووق يا ذووق :) :)

صبايا تسلمووولي حبياااتي على الردود الحلوه والله اني فرحت كتير لما شفت
الردود .. الصراحه انا لما كنت اجمع للموضوع كنت كتير مبسوطه لاني عرفت
معلومات ما كنت عارفتها قبل هيك .. من ماما ومن بنت عمها .. ومن رندوش العسل
يعني شي كتير حلو .. والأحلى انو نقدر نحافظ على هيك عادات وتقاليد
وما نتركها تندثر أبدا .. بالعكس متل ما حكت دكتورتنا الحلوه .. نستنى على اولادنا
ونحكيلهم عن افراحنا زمان .. ووتراث زمان .. ما بنعرف شو ممكن يطلع منهم بعدين


هلا انا قايمه اعمل ماج قهوه .. وراجعه .. ارد علىكل عسل فيكم
شكرا كتير يا قمرات :) :):):)

[جنة الطيور]

تسلم ايديك ياام المجد حاسة حالي كان كنت بالعرس وانا عم اقرا والله شي حلو عنكم وحسيت احلى من الاغاني ومطربين وهيك البهجة احلى وفي شغلات عندكم كتير حلوة
الله يجعل ايام ولادك كلها فرح متلهون
ويسلمو ايدكي يا غالية موضوع رائع بكل معنى الكلمة
يسلموووووووووووو

[●•°BaSmA°•●]

يعطيكي العافية أم المجد موضوعو متعوب عليه ما شاء الله عنك
ربي يديم أفراحكم وسعادتكم ونفرح بتحرير فلسطين ويعم الأمن والأمان فيها
آمين يا رب العالمين

[um almajd]

رنا
غاليتي شكرا كتير وجودك هو اللي
أسعدني حبيبتي
تسلمي على الدعوه الحلوه متلك يا قمر

حيات روحي
تسلمي على الزغروووده الحلوه يا قمر
والله بسطتيني كتيييييييييييير
واحفظي منيح بدنا ياكي تكوني درجة اولى في الزغاريد هههه

عاشقة الأقصى
ام سوسو يا ام سوسو
حبيبتي قلبي انت .. انت الحلوه آآآه بتجنن هديك الأعراس
الله يرجع هيك ايام بس . الله يسلمك يا عسل انت :)

أم بودى2
الله يسعدلي ياكي يا عسل
تسلميلي حبيبتي كلك ذووووووق
شكرا كتييير على مرورك الروووعه يا قمر

زهرة النارنج
الله يسلمك يا غاليه
شكرا كتير حبيبتي على مرورك
وهوالمطلوب انه ما ننسى هالأمور :)

موني حبيبتي
رااائعه يا قمر بوصفك
وبكلامك .. يسعدلي ياكي حبيبتي
ودامت عندكم يا قمر :)

سنوووووووووووووووء يا قمر
تسلميلي حبيبتي شو انك عسسسسسسسسسسسل
شفتي بالله .. اعراسنا بتاخد العقل يا عسل
هاي
http://www.lakii.net/images/Nov08/summer_LM0nKB.gif

أنا عملتها هاي خخخخخخخخخ حلوه ؟؟؟؟؟
هاي عباره عن هاي الصوره

http://castle-anime.net/upload/uploads/castle-c857908857.gif
كيفني معك بس هههههههههه
حلوه معلش انا سرقتها وقلبتها فلسطينيه
وشو هالاضافات اللي بتعقد هاي
لا اله الا الله .. طب كان حكيتيلي هههههه
لا كان رحت ولا جيت ولا دورت ماشاءالله عنك روووووعه
تسلم ايديكي يا احلى سنووووووووووووء
مووووووووووووووووووووواه

shaier
الله يعافيكي يا قمر
شكرا كتير حبيبتي على مرورك الحلو

هلاااااااا بإم مالك
الله يسلمك يا عسل والله
شو بيطلع مني ولا لا
مادام عجبك يعني بيطلع مني .. منيحه حماة ابنك يعني خخخخخخخ
تسلميلي حبيبتي على دعوتك موووووووووووواه

المهندسة 2009
الله يسلم ايديك يا عسل
شكرا كتير حبيبتي
كلامك كله ذووووووووق والله
ان شا ءالله تعالى بفرجها من عنده على اهلنا وكل البلاد المغتصبه
تسلميلي حبيبتي

سوسن
ياااااااا قمر
انت الأروع حبيبتي خجلتيني عنجد
الله يعافيكي يا قمر
خلص والله انك فرحتني هيك
انا لسه عم بحكي لماما ولبنت عمها .. انه لازم يعملوا كتاب
أد مافي معلومات الواحد ماكان عارفها .. سبحان الله
ان عقبال عند جنى الهي .. واخوتها كمان :) :) :)

هلاااااااااا ويامرحباااااااااا

ام سهيل حبيبتي

الله يبارك فيكي :)
شفتي صبا وهي عروس .. وامها الل بتزغرط :) :)
انت وعيونك الحلوين يا قمر والله
هاد المهم انك تنبسطي حبيبتي
شكرا كتتتتتتتتتتتير يا احلى ام سهيل موووووواه

رندووووووووووش
ايه والله هدول سقطوا سهوا هههههههههه
عنجد ماشاءالله أد ما جمعت زغاريد
بطلت عارفه شو بدي حط لأحط ههههه
بس شو رأيك بالعروس اللي بتزغرط هاي انا :) :)
بتجنن مبيضه شاشات اهلك رووووووووووووووووعه
والله انك شطوووره يا عسل
ماهو عشان ما ينقرض بدنا ياه هون
الله يسلمك والله رندوشه بلاك ما كان طلع شي مووووووووووواه حبيبتي

[ღ ريــم ღ]

ما شاء الله

موضوع راااااااائع مثلك يا قمر


الله يخلي كل فلسطين ويحفظها من كل شر

ادام الله افراح المسلمين في كل مكان

[فرولاية جده]

أسعدك الباري

فعلاآ عادات ير سبحان الله

وكل ين وله طبعاه وعاداته

ومنكم نستفيد


روعه

دمتِ رائعه

شكراً لـ روحك

[تغريد2007]

ولك فتوش كيف حافظه كل هالاغاني والله ضحكت على طول صوتي هههههههههههههههه
يا عني ما عرفتي تكتبي هالاغاني قبل 10-10 على شان انا اغنيها في عرس ابن اخي وبنتي هههههههههههههههههه الله يسعدك يا ام المجد
بتعرفي لسا احنا في رام الله بنغني في البيت شوي قبل ما نروح على القاعه
وعنا الزفه كمان للرجال وللنساء وبغنو في الشارع النساء والرجال
ان شاء الله يا رب تغني لاولادك حبيبتي الله يسعدك ويرضى عليكي يا رب
ويفرح كل الناس امين

[افنان المصرية]

الله يديم افراحكم ويفك الكرب ويذهب الهم والعم ان شاء الله

[لبنانية بجدة]

السلام عليكم

فعلا فرحكم رائع جدا

كان عندي جارة من يافا كانت تحكي لي عن الافراح الفلسطينية

كان كلامها يجذبني لاسمع المزيد

ولما زوجت ولدها شفت فيديو الفرح نفس اللي ذكرتيه بفرحك

الف مبروك

تقبلي تحياتي

[ام صائب]

على فكرة ام المجد العسل
أنا رديت على الموضوع بس كأنو ما انتبهتي
بس دخلت ارد كمان مرة علشان هالصورة



http://www.lakii.net/images/Nov08/summer_LM0nKB.gif

أنا عملتها هاي خخخخخخخخخ حلوه ؟؟؟؟؟
هاي عباره عن هاي الصوره

http://castle-anime.net/upload/uploads/castle-c857908857.gif
كيفني معك بس هههههههههه
حلوه معلش انا سرقتها وقلبتها فلسطينيه
وشو هالاضافات اللي بتعقد هاي


بسم الله ما شاء الله عليك
(قل أعوذ برب الفلق من شر ما خلق ومن شر غاسق اذا وقب ومن شر النفاثات بالعقد ومن شر حاسد اذا حسد )

الله يحميك يا فتوش
بغض النظر عن الصورة دائما ابداعك بلا حدود وافكارك قمة بالتميز والجمال
مين بيتخيل انو نجيب هالصورة ونحولها فلسطينية ههههه

ربي يحميك حبيبتي
وما يحرمنا تواجدك الدائم بيننا
جزاك الله خيرا
قبلاتي واعجابي :)

[رندوش]

ام المجد يا بركه يا لولو بالشبكه
الله يحميك فعلا جددتي فينا التراث اللي بدأ يندثر امس كنت بطلبه و افتكرتك وكان نفسي
افتكر الزغاريد هههههههههه كان شاركتهم قلت لازم اطبعهم وادرب لوقت الحاجه هههههههه
تسلمي يا ست الكل
موضوع اكثر من رائع



رنا
غاليتي شكرا كتير وجودك هو اللي
أسعدني حبيبتي
تسلمي على الدعوه الحلوه متلك يا قمر

حيات روحي
تسلمي على الزغروووده الحلوه يا قمر
والله بسطتيني كتيييييييييييير
واحفظي منيح بدنا ياكي تكوني درجة اولى في الزغاريد هههه

عاشقة الأقصى
ام سوسو يا ام سوسو
حبيبتي قلبي انت .. انت الحلوه آآآه بتجنن هديك الأعراس
الله يرجع هيك ايام بس . الله يسلمك يا عسل انت :)

أم بودى2
الله يسعدلي ياكي يا عسل
تسلميلي حبيبتي كلك ذووووووق
شكرا كتييير على مرورك الروووعه يا قمر

زهرة النارنج
الله يسلمك يا غاليه
شكرا كتير حبيبتي على مرورك
وهوالمطلوب انه ما ننسى هالأمور :)

موني حبيبتي
رااائعه يا قمر بوصفك
وبكلامك .. يسعدلي ياكي حبيبتي
ودامت عندكم يا قمر :)

سنوووووووووووووووء يا قمر
تسلميلي حبيبتي شو انك عسسسسسسسسسسسل
شفتي بالله .. اعراسنا بتاخد العقل يا عسل
هاي
http://www.lakii.net/images/Nov08/summer_LM0nKB.gif

أنا عملتها هاي خخخخخخخخخ حلوه ؟؟؟؟؟
هاي عباره عن هاي الصوره

http://castle-anime.net/upload/uploads/castle-c857908857.gif
كيفني معك بس هههههههههه
حلوه معلش انا سرقتها وقلبتها فلسطينيه
وشو هالاضافات اللي بتعقد هاي
لا اله الا الله .. طب كان حكيتيلي هههههه
لا كان رحت ولا جيت ولا دورت ماشاءالله عنك روووووعه
تسلم ايديكي يا احلى سنووووووووووووء
مووووووووووووووووووووواه

shaier
الله يعافيكي يا قمر
شكرا كتير حبيبتي على مرورك الحلو

هلاااااااا بإم مالك
الله يسلمك يا عسل والله
شو بيطلع مني ولا لا
مادام عجبك يعني بيطلع مني .. منيحه حماة ابنك يعني خخخخخخخ
تسلميلي حبيبتي على دعوتك موووووووووووواه

المهندسة 2009
الله يسلم ايديك يا عسل
شكرا كتير حبيبتي
كلامك كله ذووووووووق والله
ان شا ءالله تعالى بفرجها من عنده على اهلنا وكل البلاد المغتصبه
تسلميلي حبيبتي

سوسن
ياااااااا قمر
انت الأروع حبيبتي خجلتيني عنجد
الله يعافيكي يا قمر
خلص والله انك فرحتني هيك
انا لسه عم بحكي لماما ولبنت عمها .. انه لازم يعملوا كتاب
أد مافي معلومات الواحد ماكان عارفها .. سبحان الله
ان عقبال عند جنى الهي .. واخوتها كمان :) :) :)

هلاااااااااا ويامرحباااااااااا

ام سهيل حبيبتي

الله يبارك فيكي :)
شفتي صبا وهي عروس .. وامها الل بتزغرط :) :)
انت وعيونك الحلوين يا قمر والله
هاد المهم انك تنبسطي حبيبتي
شكرا كتتتتتتتتتتتير يا احلى ام سهيل موووووواه

رندووووووووووش
ايه والله هدول سقطوا سهوا هههههههههه
عنجد ماشاءالله أد ما جمعت زغاريد
بطلت عارفه شو بدي حط لأحط ههههه
بس شو رأيك بالعروس اللي بتزغرط هاي انا :) :)
بتجنن مبيضه شاشات اهلك رووووووووووووووووعه
والله انك شطوووره يا عسل
ماهو عشان ما ينقرض بدنا ياه هون
الله يسلمك والله رندوشه بلاك ما كان طلع شي مووووووووووواه حبيبتي

[خديجة]

يارب عقبال الفرحة الكبيرة ياااارب


احبك فلسطيني الغالية




ياارب نصرك و نفرح فيها كلنا


/
مشكوورة اختي راائعة هي الاعراس الفلسطينية

[إم قتيبة]

ما شاء الله عليك كفيت وفيت والله عرفنا اشياء من العرس الفلسطيني ما كنا منعرفها من اول الله يجعل ايامنا كلها افراح

[SMILE4LIFE]

يسلموا ايديكي أم المجد عن جد موضوع روووووعة

[ganageno2]

ما شاء الله تبارك الله موضوع في غايه الروعه والتنسيق
افراحكم رائعه
وفعلا اول ملاه اعرف عن هذه العاده
http://www.lakii.net/images/Nov08/summer_fMve6t.gif
تسلم ايدك ياقمر
وربنا يجعل ايامنا افراح في افراح

[لامار2008]

الله عالفرح الفلسطيني
عادات وتقاليد رااااائعة
تسلم ايدك اختي ام المجد موضوع ممتع جدااااا
الله يعطيك العافية ويديم افراحكم ويجمع شملكم
وعقبال كل الحبايب والفرحة الكبرى ان شاء الله

[تغريد2007]

لالالالالالالالالالالالالالالالا انا زعلت خلص

[ورق الخريف]

تسلمي يا ام المجد على احياء تراثنا الفلسطيني الرائع .
كم هي حلوة اعراسنا .
بتعرفي انه الجيل الجديد عندنا صار ييحي هذه الاغاني في الاعراس والدبكة والسامر والسيادة
يعطيكي الف عافية حبيبتي
وربنا يجعل ايامنا افراح ويزيل الهم عن قلوبنا .

[ورق الخريف]

يا ريت الموضوع ما يتسكر يضل على طول واللي عندها مشاركة تضيفها .

[ورق الخريف]

يا هالحمولة دايم عزكو دايم
حس الزغاريد هبتني وانا نايم
يا هالحمولة دايم عزكو دوام
حس الزغاريد هبتني وانا نعسان
يا هالحمولة دايم عزكو دغشة
حس الزغاريد هبتني عن الفرشة
يا فلسطينيات يا مات المناديل
يللي الشباب عندكو زي القناديل
يا فلسطينيات يامات الشعر الاشقر
يللي الشباب عندكو زي القمر الاشعل

[حواء فلسطينية]

هههههههههههههههههههههههههههه

حلو كتيـــــــــــــــــــــــــــــــــــــــــــر

الله يديم الافراع باراضينا واراضي العرب كلهم يا رب


مشكورة اختي على هالموسوعة

تجنننننننننننن


وعل فكرة اول مرة بعرف شو الحكي الي بحكي بالاغاني

لاني ولا مرة فهمته

ههههههههههههههههههههه

جد من قلبي بحكيلك الف الف الف شكر

[rawan2006]

بالفعل موضوع كتير رائع و حلو

و في كمان بفلسطين عنا كمان عادات للمدنيين عنا احنا بنعمل بدل الحنة شمع

يسلمو ايديكي على الموضوع المتميز

[um almajd]

هلا فيكم صبايا

الصراحه حقكم علييي اني ما رديت عليكم ابكر من هيك

بس والله صابتني مرضه قوية كتير صارلي قريب الاسبوعين ما دخلت على المنتدى

لكن ماشاءالله ردودكم بتفرح القلب التعبان .. الله يسعدلي ياكم دنيا و آآخره

وشو هالزغاريد شي بياااخد العقل .. والله انه المفروض على هوى ما قريت منكم

انه ينعمل للموضوع جزء تاني :) :) :) ... بس خليها مره تانيه عاد ههههه

شكرا كتير حبيبااااتي على مروركم وردودكم اللي بتجنن

روان حبيبتي انا حكيت يا عسل انه فيه شمع بينحط بوسطه الحنا

انا من الخليل نفسها يا قمر .. يعني مدنيه :) موووووووواه

[rawan2006]

والله معناتو طلعنا قرايب ههههههههه:P
تشرفت والله :)
و مرة تانية يعطيكي العافية و الف سلامة عليكي

[um almajd]

لا ما طلعنا قرايب ههههه .. طلعنا خوات حبيبتي ولو :)

الله يسلمك يا عسل تسلميلي حبيبتي على ذووقك