مهرجــان قطــاف الزيتــون..... شاركينا طريقتك في تخليله [الأرشيف] - منتديات لكِ النسائية

وعود الخير

20-10-2008, 09:38 AM

السلام عليكم ورحمة الله وبركاته...
http://www.lakii.net/images/Oct08/wo3ood_olive9fjgDR.JPG

حياكن الله معنا في مهرجان الزيتون
اختص الله جل وعلا الزيتون بفضل عظيم؛ فقد جاء ذكره في القرآن ست مرات صـراحة ومرة واحدة بوصف شجرته، حيث قال تعالى في سورة "المؤمنون": ((وشجرة تخرج من طور سيناء تنبت بالدهن وصبغ للآكلين ))
وينتمي إلى العائلة الزيتونية، وأشجاره معمرة مستديمة الخضرة ومرتفعة، وأوراقه البسيطة مستطيلة وضيقة، جلدية وحادة وذات لون أبيض فضي من أسفل وأخضر قاتم من أعلى، وهى متقابلة متصالبة عديمة الزغب
http://z.about.com/d/judaism/1/5/H/7/jerold_olive.jpg

أما الأزهار فصغيرة كعناقيد إبطية على الفروع الحديثة، والثمار لحمية خضراء وأنواع الزيتون مختلفة، ويستخرج منه الزيت الطيب " زيت الزيتون

http://bp0.blogger.com/_oH7YVmRWh-s/R0_Mfq1drlI/AAAAAAAAAH0/meZRFAsV1uk/s400/Olive+flower.jpg

بلون الزبرجد.... الذهب الأخضر.... الزيتون....

http://i240.photobucket.com/albums/ff94/deliolia/Olive_tree.jpg

وقد نضجت الحبات واكتست بلونها الأسود البراق.....
http://www.foreignremarks.com/essays/olives/images/frantoio00.jpg

وقبل أن نبدأ بطرق حفظ الزيتون
لنقرأ بعض المعلومات
يعتقد البعض أن هناك أشجاراً تنتج زيتوناً أسود 00 وأشجاراً تنتج زيتوناً أخضر

ولكن هذه المعلومة خاطئة 000
إذ أن كل ألوان الزيتون يمكن أن تكون حصيلة شجرة واحدة 00 مع اختلاف الأنواع فقط بين أشجار الزيتون

فكل الزيتون يبدأ باللون الأخضر ثم يتحول إلى البني فالبني المحمر ثم الأسود وهو أقصى درجات النضوج
ويتميز الزيتون الأخضر أنه يحتوي على سعرات حرارية أقل ( 120 سعرة حرارية في كل 100 غرام مقابل 230 سعرة حرارية في حالة الأسود )

فكلما كان الزيتون أكثر نضوجاً وبالتالي أغمق لوناً كلما احتوى مقداراً أقل من الماء وازداد بالتالي تركيز الزيت به
ولكن أيهما أفضل ؟؟؟
الأسود الناضج طبعا

لكن لماذا؟

لأنه يحتوي على زيت أكثر 000

وبالتالي فهو صحي أكثر

كما أن خبراء التغذية يؤكدون أن الزيتون الأسود هاضم ويقوي الأعضاء، ويعتبر أيضاً علاجا جيدا للغدد الليمفاوية والوهن والتهاب المفاصل، هذا بالإضافة إلى أنه يؤخر ظهور أعراض الشيخوخة ويساعد على زيادة الخصوبة.

ويزخر الزيتون بالعديد من الأملاح المعدنية كالماغنيسيوم والبوتاسيوم والكالسيوم والفسفور ، ويعد من أفضل وسائل محاربة الكوليسترول.

يذكر أن الزيتون يحتوي علي 230 سعر حراري لكل 100 جرام ، كما أنه غني بفيتامين E و C ،

كما يحتوي علي مادة الكاروتين الضرورية لصحة الشعر والأظافر والبشرة .

وفي كلا اللونين فالزيتون يعتبر مصدراً جيدا لفيتامين هـ ( E) وفيتامين ج ( C )

يتبع

وعود الخير

20-10-2008, 09:47 AM

http://www.pafu.ps/pafu/files/images/olive_tree_web.jpg

السلام عليكم ورحمة الله وبركاته
على بركة الله تعالى
نستعرض من خلال هذا الملف طرق اعداد مخلل الزيتزن
وغني عن الذكر أن كل بلد ولها طريقتها
ويسرنا في منتدى لك ان نقوم بعمل ملف شامل لطرق تخليل الزيتون في كافة اقطارنا العربية
كي نستفيد جميعا..
وان شاء الله سأبدأ بالطرق الشعبية في بلدي فلسطين... وبانتظار بقية الأخوات بعرض ما لديهن
في فلسطين تعتبر طريقة الرصع من اكثر الطرق المنتشرة وانا هنا اتكلم عن
منطقة جنين بالذات....
وهي تتم عن طريق رص او ضرب ثمرة الزيتون بمطرقة او حجر مع مراعاة عدم هرس الثمرة

كما ذكرت من أشهر انواع الزيتون المخلل في فلسطين الرصيع ....

و يراعى عند تحضير هذا النوع من المخلل اختيار الأصناف المناسبة التي تمتاز بشدة اللحمية وبسهولة انفصالها عن النواة، ومن هذه الأصناف النبالي والنبالي المحسن والصوري والرصيعي.
تقطف الثمار قبيل بدء تغير لونها من الأخضرالى الأسود حيث يميل اللون الى الصفرة. و يتم غسل ثمارالزيتون بنقعها في الماء ثم إخراجها وشطفها.
وكما ذكرنا فإن طريقة الرصع هي الأكثر انتشارا في فلسطين ،ومن مزاياها المحافظة بدرجة عالية على نكهة الزيتون وصفاته الطبيعية.
اويتم لرصع: يتم الرصع بتعريض الثمار لقوة ميكانيكية تؤدي الى عمل شق في ثمرة الزيتون بشكل غير منتظم ويتم ذلك اما يدويا، باستعمال حجر أومطرقة خشبية أو معدنية،
أو آليا بتمرير الثمار بين اسطوانتين متماثلتين تدوران بشكل متعاكس.
والهدف من الرصع هو تسهيل انتقال محلول التخليل الى داخل الثمار وخروج المركبات المرة منها عن طريق الذوبان والانتشار، مما يسرع في التحلية.
كما يفيد الرصع في تسهيل فصل الزيتون عن النواة.
وللحصول على جودة عالية ينبغي أن يكون الرصع وسطا ،
وهذا يعني أن تشج الثمار دون أن تتهشم. وينبغي الاسراع بعد الرصع بوضع الزيتون في الماء أو في المحلول الملحي لتفادي اسوداد الثمار.
اعداد محلول التخليل:
ثبت بالتجارب العلميةأنه من المناسب استخدام محلول ملحي بتركيز 10 % أي باذابة 10 كغم ملح في 9 لتر ماء
(ويراعى أن يتم تصفية المحلول وازالة ما يطفو على السطح من شوائبوتصفيته من خلال قطعة قماش مناسبة. فتركيز الملح له أهمية في نجاح التخليلوالحفظ كما يضاف للمحلول كمية من حمض الليمون)ملح الليمون) أو عصير الليمون أو حمض الخل (روح الخل) بنسبة 5 غرام حمض الليمون لكل 10 لتر محلول أو 10 غرام (ملعقة كبيرة) من روح الخل،
كما يمكن اضافة ملعقة صغيرة من السكر لكل 10 لتر.
ملاحظة/ اذا حفظ الزيتون بعد الرصع مباشرة في المحلول الملحي فانه يحتاج الى وقت طويل من التخزين لتخف مرارته، وللأسراع في التحلية تنقع الثمار المرصوعة في الماء أو في محلول ملحي مخفف ويغير ماء النقع كل 24 ساعة ويعاد ذلك مرة أو بضع مرات حسب الرغبة في مستوى الطعم المر.
التعبئة:
يفضل تعبئة الزيتون المرصوع في مطربان بلاستيكي او زجاجي مع إضافة شرائح من الليمون و أن يكون الزيتون مغمورا في المحلول
ووضع كمية من زيت الزيتون على الوجه لمنع العفن او اسوداد حبات الزيتون الموجودة في السطح.

والطريقة الثانية :هي الزيتون المشقح ويعتبر زيتون مائدة فاخر ويمكن خزنه لمدة تقارب السنة

و يتم تشقيح الثمار بواسطة سكين حاد بعمل 3 او 4 خطوط طولية في الثمرة بانتظام بدلا من رصعها، وهذه العملية تحتاج إلى وقت أطول ويعامل الزيتون بعد تشطيبه بنفس الخطوات السابق ذكرها في الزيتون الرصيع. ويمكن أيضا ثقب ثمرة الزيتون أو وخزها بالإبرة بدلا من تشقيحها بالسكين.

واخيرا هناك طريقة سهلة جدا تسميها ستي رحمها الله خزين الكسلانة

ما عليك سوى غسل الزيتون الأخضر ومن ثم وضعه في مطربان واضافة شرحات من الليمون والفلفل الاخضر وأسنان من الثوم الغير مقشر وعروق من الشبت الأخضر ومحلول ملحي ثم زيت زيتون على الوجه واغلاقه بشكل جيد ثم افتحيه بعد شهر كي تتخلصي من الغازات واضافة محلول ملحي ان لزم ثم اغلقيه ثانية .

يتبع

وعود الخير

20-10-2008, 09:58 AM

http://media.sacbee.com/smedia/2008/01/13/20/907-1M14OLIVES1.standalone.prod_affiliate.4.JPG
اما الزيتون الأسود فتختلف طرقه وان تشابهت

كيلو من الزيتون الأسود
كوب من الملح البحري
الطريقة
ـ يغسل الزيتون الأسود بالماء الساخن ثم يصفى.
ـ ينثر الملح فوق الزيتون ويحرك مع الملح ثم يترك في مصفاة بلاستيكية أو في سلة حتى تصفى عصارته ويترك بالملح مدة 3 أيام مع تقليبه بين الحين والآخر. ـ يحرك الزيتون ويوضع في المطربان ويضغط قليلاً باليد ليصل الزيتون إلى عنق المطربان فقط.
ـ يضاف الماء حتى يغمر الزيتون ثم يضاف قليل من زيت الزيتون حتى يمتلئ المطربان.
ـ يغطى المطربان بإحكام.
ـ يصبح الزيتون صالحاً للأكل بعد شهر.

تخليل الزيتون الأسود (بتجريح الثمار) :
تجرح الثمار بصورة طولية من الجهتين بواسطة سكين حادة ثم تغمر الثمار بالماء ويجري تبديل الماء من وقت لآخر والغرض من ذلك التخلص من الطعم المر وبعدها يغمر الزيتون بمحلول ملحي تركيز 12% لإتمام عملية التخليل.

تخليل الزيتون الأسود بالتمليح الجاف :
نختار ثمار الزيتون التي وصلت إلى مرحلة ما بعد النضج (الجرجير)حيث تغسل وتمزج مع الملح الجاف وتعبأ في صناديق خشبية أو في سلات مع التحريك فتفقد الثمار نسبة من مائها ينتج عنه تجعد الثمرة. وتستمر هذه العملية أسبوع أو أسبوع ونص تميل الثمار بعدها إلى درجة معينة من الحلاوة مع احتفاظها بقليل من المرارة المستساغة نرفعها ونشطفها من الملح ثم نضيف لها قليلاً من الزيت مع دبس الفلفل الحار ويتحفظ لفترة بسيطة لا تتجاوز الشهر.

طريقة خزن الزيتون الأسود بالزيت (الرصيص) :
اذا كانت كميه الزيتون لا تزيد عن 5 كيلو ضعيه بمصفاة لعده ايام حتى يذبل ومن ثم رشيه بكمية وافرة من الملح الخشن وضعي تحت المصفاة جاط لكي يتصفى الماء الخارج من الزيتون الأسود استمري بتقليب الزيتون ولمده شهر او حتى يتوقف نزول الماء من الزيتون ومن ثم اغسليه بالماء الدافئ
يوضع ماء مغلي على الزيتون بعد ان يغسل جيدا من الملح ويترك حتى تبرد الماء ثم يوضع بالمطربان واضيفي له الملح والزيت وعصير الليمون واتركيه لمده شهر آخر حتى يمتص الملح وطعم الليمون والزيت.

طريقة خزن الزيتون بالماء:
بعد غسل الزيتون يتم وخزه أو ثقبه بالشوكة ووضعه بالمطربان ثم نضيف لكل لتر ماء 4 ملا عق كبيره ملح ويفضل الملح البحري (الخشن) مع عصير الليمون بحيث يكون الثلثين ماء مملح والثلث الباقي عصير ليمون وعند غمر المطربان يضاف القليل من زيت الزيتون على الوجه .
http://lakii.com/vb/images/icons/icon17.gif

وعود الخير

20-10-2008, 10:06 AM

وهنا وصفات وطرق وردت في منتدانا
قامت الغالية لونل مشكورة بتجميعها لتسهيل الامر عليكن

مصور
green

من بيتنا ليكم مخلل الزيتون الاخضر لرمضان ... كل سنه وانتم طيبين (http://www.lakii.com/vb/showthread.php?t=480492&highlight=%E3%CE%E1%E1+%C7%E1%D2%ED%CA%E6%E4)

هييييييييييييه ..... عملت مخلل الزيتون الأخضر .... nonamoo تعالى شوفى .... يم يم (http://www.lakii.com/vb/showthread.php?t=490657&highlight=%E3%CE%E1%E1+%C7%E1%D2%ED%CA%E6%E4)

كــــيفية عـــمل الزيتـــون المـــخلل0000بالصـــور (http://www.lakii.com/vb/showthread.php?t=145725&highlight=%E3%CE%E1%E1+%C7%E1%D2%ED%CA%E6%E4)

black

زيتــون طــازج و في اقل من اسبــوع ...حصريا لعضوات منتدى لك (http://www.lakii.com/vb/showthread.php?t=492446&highlight=%E3%CE%E1%E1+%C7%E1%D2%ED%CA%E6%E4)

الزيتون الاسود مصور من مطبخي (http://www.lakii.com/vb/showthread.php?t=401092&highlight=%E3%CE%E1%E1+%C7%E1%D2%ED%CA%E6%E4)

وصفات

مخلل الزيتـــون بالليمــون..... لعيون د. ســوســـن (http://www.lakii.com/vb/showthread.php?t=493384&highlight=%E3%CE%E1%E1+%C7%E1%D2%ED%CA%E6%E4)
خلطه الزيتون الشهيه (http://www.lakii.com/vb/showthread.php?t=450272&highlight=%E3%CE%E1%E1+%C7%E1%D2%ED%CA%E6%E4)

الزيتون الاخضر مخلل. (http://www.lakii.com/vb/showthread.php?t=249638&highlight=%E3%CE%E1%E1+%C7%E1%D2%ED%CA%E6%E4)

زيتون اخضر مخلل(محبش)

الزيتون الاحمر تتعرفوه ؟؟؟؟؟؟؟؟؟ (http://www.lakii.com/vb/showthread.php?t=370854&highlight=%D2%ED%CA%E6%E4)

^^كيف اخلل الزيتون ^^ (http://www.lakii.com/vb/showthread.php?t=355944&highlight=%D2%ED%CA%E6%E4)

الزيتون (http://www.lakii.com/vb/showthread.php?t=33979&highlight=%E3%CE%E1%E1+%C7%E1%D2%ED%CA%E6%E4)

مقبلات بالزيتون

اتفضلوا الزيتون كمقبلات والله روعة بس حار شويه طيبببببب (http://www.lakii.com/vb/showthread.php?t=369334&highlight=%E3%CE%E1%E1+%C7%E1%D2%ED%CA%E6%E4)

http://www.lakii.com/vb/images/misc1/paperclip.gif (http://www.lakii.com/vb/search.php?searchid=1772854&pp=25&page=2#) أول مره بعمل مخلل .. بس عن جد بيشهي (http://www.lakii.com/vb/showthread.php?t=108691&highlight=%E3%CE%E1%E1+%C7%E1%D2%ED%CA%E6%E4)

جزيل الشكر لك لوني http://lakii.com/vb/images/icons/icon19.gif

والآن نحن بانتظار طرقكن ووصفاتكن الشعبية المشهورة في بلدكن
كي تتربع على موائدنا و نستمتع بطعمها
:)

lone~ly

20-10-2008, 10:48 AM

بارك الله فيك
غاليتنا وعود
مقدمه شامله ومعلومات قيمه
لشجرتنا الراسخه عبر مرور الزمن وثمرها الطيب
ونحن بانتظار أجمل وأطيب الوصفات
من أخواتنا الرائعات
كل عام وانتن بخير ونتمنى للجميع موسم زيتون مثمر

حنان(البحرين)

20-10-2008, 10:50 AM

موضوع رائع يالغاليه ومفيد جوزيتي كل خير يالغاليه عليه وأنا أول المستفيدين منه لأني أحب الزيتون وأحب أتعلم المزيد من طرق تخليله بأنتظار مبدعاتنا

shahed60

20-10-2008, 11:04 AM

ياعيني يا وعود قولك برجع هاي السنة ع سوريا ومعي وصفات حلوة ومتنوعة ومن كافة الاقطار

عم ننتظرالوصفات الحلوة

د.سوسن

20-10-2008, 11:05 AM

موضوع مفيد جدا و توقيت رائع
خصوصا و حبات الزيتون الجميله تتلألأ في الاسواق

انا من محبي الزيتون بلونيه و حابه اجرب اخلله السنه...بانتظار ابداعات الصبايا علشان اكون اول المطبقين :)

سمسماية

20-10-2008, 11:20 AM

وعود ياكل الخير
موضوع مفيد
ننتظر الوصفات

طبعا نحن ما عندى زراعة الزيتون
نسبة لطبيعة البلد المناخية
بس منكم نستفيد

جزاك الله كل الخير

**ام البنات **

20-10-2008, 12:38 PM

رااااااائع
موضوع جميل جميييل جدا
نفسي اقوم اشتريلي كم رطل ا خلله

تغريد2007

20-10-2008, 12:44 PM

يعطيكي العافيه وعود موضوع رائع وفي وقته تماما ان شاء الله هاليومين بنزل طريقتي انا في تخليل الزيتون الاخضر وفي اخر الموسم طريقتي فى الزيتون الاسود

لبنان وحبايبه

20-10-2008, 12:50 PM

وعود روعة الموضوع حبيبتي

ربي يجزيك الخير على المعلومات المفيدة

انا بعمري ما عملت زيتون بالبيت بس بحبه بكل أنواعه وأشكاله..بس المفضل يلي بيكون فيه ليمون مممممممم... :)

يعطيك ألف عافية وبانتظار مبدعاتنا ووصفاتهم...

رندوش

20-10-2008, 03:58 PM

ما شاء الله موضوع رائع لنبات اروع تسلمي وعود ولنلونه وباقي المشرفات

إم قتيبة

20-10-2008, 05:34 PM

ما شاء الله معلومات مفيدة وصفات لذيذة

ام ليانة

20-10-2008, 06:17 PM

ما شاء الله تبارك الله وعودتي

الموضوع اكتر من رائع حبيبتي

الله يبارك في خيرات بلادنا ويرد عن شجرة الزيتون كيد الطامعين

رجعتيني لايام كبس الزيتون ... كان الزيتون الاخضر تخصص الماما و الاسود تخصص بابا الله يرحمه

من يوم ما جيت عالسعودية انحرمنا هالعادات الحلوة الله يديم عليكم نعمه ويمن عليكم بالامن والامان يا غالية ويبارك في جهودكم ان شاء الله وان شاء الله نشوف طرق جميلة ومتميزة وكمان بدنا معها شو احسن انواع الزيتون مع الصور لانا هون ما بنعرف كل الانواع و مواصفات الزيتون المكبوس الجيد ومذاقه

مشكورات يا احلى مشرفات

أناغيـم

20-10-2008, 06:47 PM

موضوع حلو وراح يزيد حلاوة بمشاركات بقية الاخوات
خلونا نشوف ونتعلم منكم

ع فكرة انا كتير باحب موسم الزيتون علشان اللمة الحلوة وقت دق الزيتون او شقه بالسكين
يسلموا يا ست الكل ع الموضوع الحلو

أناغيـم

20-10-2008, 06:48 PM

يوم ما جيت عالسعودية انحرمنا هالعادات الحلوة الله يديم عليكم نعمه ويمن عليكم بالامن والامان
ان شاء الله ع الموسم الجاي بتكوني هون وبتشاركي في خزين الزيتون

ام ليانة

20-10-2008, 06:52 PM

الله يسعدك نغومة يا عسل ويوفقك يا رب

كيفك و شو اخر اخبارك الدراسية

وربنا يفرجها عليكم ويتبدل الحال الى احسن الاحوال ان شاء الله

☺أم إبراهيم☺

20-10-2008, 08:13 PM

شو بدي اقول او اضيف
الله يحفظك يا وعود و يبارك فيك على الموضوع
وبارك الله في الاخوات ما شاء الله عليكم

san79

20-10-2008, 11:30 PM

ما شاء الله شو هل المواضيع الشيقة والي كلها فائدة

يا عيني انا بستنى التطبيق بفارغ الصبر ياله يا ستات يا شيفات ويا معدلات اتحفونا بالوصفات

شكرا وعود على الموضوع

um almajd

21-10-2008, 12:28 AM

ماشاءالله يا احلى وعود

موضوع عنجد كامل وما تركتي شي الا وحكيتيه

تسلم ايديكي ويعطيك الف الف عافية يا قمر :)

احكيلك شي بس ما تضحكي علي

كل ما ننزل الأردن .. أخوته لجوزي بيكونوا محضرين النا كمية ممتازه من زيتون أراضيهم
وبنرجع بنجيبوا معنا على هون

زتون لسه مش مكبوس .. احنا شو بنعمل .. بدق نصه (بالشاكوش :) )
والنص التاني بخليه متل ماهو

كل واحد في مرتبان شكل عن التاني .. هلا جوزي بحب الزتون يكون مراره موجود
فعشان هيك نصه ما بندقه بنخليه متل ماهو ليحتفظ بالمرار اللي فيه

هلا بخلط شطة حمرا مع قرون فلفل أخضر .. وعصير ليمون .. مع شرائح ليمون
ملح بحر (ملح خشن) .. ماء .. زيت زيتون

وهاي هي طريقتي :) :) :) .. لكن المره هاي سامحيني بلا صور :)
لانه الكمية اللي عندي معموله وخالصه :) :) :)
مووووووووواه يا قمر

وداد11

21-10-2008, 09:50 AM

بارك الله فيكي وعود على هذا الموضوع الرائع
يا عيني على الزيتون وشغله أنا عمري ما اعملت الزيتون اكيد راح نستفيد من تجارب الاخوات
بتذكر الزيتون المعطون الاسود الوالدة الله يرحمها كانت تعملوا ويطلع طيب وخاصة لما نأكله
مع اللبنة

نسائم فلسطين

21-10-2008, 09:50 AM

على دلعونة وعلى دلعونة

بارك يا ربي شجر الزيتونا

زيتون بلادي ما أزكى حباتة

ما أحلى شكلة وما أغلى زيتاتة

والعالم كلة يرغب أكلاته

الحبة منة أحسن ما يكونا

على دلعونة وعلى دلعونة

بارك يا ربي شجر الزيتونا

في منة الأخضر فية منة الأسمر

من غيرة السفرة ولا مرة بتعمر

القلب بيفرح ساعة ما بيكبر

من منتوجاتة بنعمل صابونا

على دلعونة وعلى دلعونة

بارك يا ربي شجر الزيتونا

على دلعونة وعلى دلعونة

زيتون بلادي أجمل ما يكونا

زيتون بلادي واللوز الأخضر

والميراميا ولا تنسى الزعتر

على دلعونة وعلى دلعونة

زيتون بلادي أجمل ما يكونا

وأقراص العجة لما تتحمر

ما أطيب طعمتها بزيت أل زيتونا

على دلعونة وعلى دلعونة

زيتون بلادي أجمل ما يكونا

الله يسعدك يا ست وعود على هالموضوع الحلو

واحنا الزيتون بجينا من الضفة جاهز وعمري ما سويته

http://lakii.com/vb/images/icons/icon20.gif

ماما الاء

21-10-2008, 10:38 AM

الله يديكم الف عافية
انا عاشقة زيتون من الطراز الرفيع
مجنونة زيتون وفي كل سفرة موجود
والايطالين الزيتون يعتبرو فيه نوع من الخضار وف يكل طبخاتهم الرئيسية موجود
ولازم يكون زيتون اخضر صغير لانه بيعطي نكهة اكثر واقوى
ان شاء الله اقدر اشاركم هذه الاحتفالية بالشجرة العظيمة
وكل موسم وانتم بالف خير

أم أيموني

21-10-2008, 11:33 AM

ماشاء الله .. الله يعطيك العافية يا وعود .. موضوع روعة ..

أنا كتير بحب الزينون (على قولة أيموني) بكل أنواعة خاصة الأخضر الجرجير .. بس ولا مرة سويته بالبيت لأنو زوجي وولادي ما كتير صحبه معو .. فأنا بس يجي عبالي باخد من أهلي وبيكون شغل الشام .. او بشتريه بس يكون فلسطيني ..

نسائم فلسطين ..

تسلميلي على الدلعونه الروعة الله يسعدك ..

وعود الخير

21-10-2008, 11:50 AM

السلام عليكم ورحمة الله وبركاته
اخواتي الفاضلات اشكر لكن تفاعلن مع مهرجان قطاف الزيتون
فتوش...

احكيلك شي بس ما تضحكي علي

http://www.lakii.com/vb/smile/2_122.gif

احكي ومش راح اضحك...http://www.lakii.com/vb/smile/2_41.gif

لكن المره هاي سامحيني بلا صور
ما جزرت بدي صورة للزيتون وهي في الصحن ..http://www.lakii.com/vb/smile/19_105.gif

نسائم فلسطين
احلى دلعونة لاحلى زيتونة
شكرا للمساهمة والكلمات الرائعةhttp://lakii.com/vb/images/icons/icon20.gif

ام ابراهيم

شو بدي اقول او اضيف

اي اضافة منك مكسب لنا
مثلا اي نوع من المطيبات تضيفنه للزيتون
او طريقتك في تخزينه او تقديمه

ماما آلاء

ان شاء الله اقدر اشاركم هذه الاحتفالية بالشجرة العظيمة

ونحن بشوق عظيم في انتظار مشاركتك والتي ستزيدنا معرفة بطرق الاعداد لهذه الثمرة المباركة

وداد 11

بتذكر الزيتون المعطون الاسود
رحم الله الوالدة
المعطون هو نفسه الجرجير يا غالية
شكرا لمساهمتك

أناغيــم

خلونا نشوف ونتعلم منكم

:)

وعود الخير

21-10-2008, 12:01 PM

لبنان وحبايبه

انا بعمري ما عملت زيتون بالبيت بس بحبه بكل أنواعه وأشكاله..بس المفضل يلي بيكون فيه ليمون مممممممم... :)

يعطيك ألف عافية وبانتظار مبدعاتنا ووصفاتهم...
صحتين وعافية يا لولو.... ونحنا معك عم ننتظر

تغريـد 2007

يعطيكي العافيه وعود موضوع رائع وفي وقته تماما ان شاء الله هاليومين بنزل طريقتي انا في تخليل الزيتون الاخضر وفي اخر الموسم طريقتي فى الزيتون الاسود

يعافيك يا عسل
وطالما تغريد وصلت.... احلى زيتون واحلى خزين راح نشوف ...
بانتظارك ....

ام قتيبة..... رندوش..... شكرا على المرورو

سان 79

يا عيني انا بستنى التطبيق بفارغ الصبر ياله يا ستات يا شيفات ويا معدلات اتحفونا بالوصفات
ونحنا بانتظار مشاركتك يا عسل

ام ليانة..

الله يبارك في خيرات بلادنا ويرد عن شجرة الزيتون كيد الطامعين

رجعتيني لايام كبس الزيتون ... كان الزيتون الاخضر تخصص الماما و الاسود تخصص
اللهم آمين...
وان شاء الله بترجعي وبتشاركي الوالدة في خزن الزيتون ...

وعود الخير

21-10-2008, 12:11 PM

ياعيني يا وعود قولك برجع هاي السنة ع سوريا ومعي وصفات حلوة ومتنوعة ومن كافة الاقطار
ان شاء الله يا شهودة

ام البنات ..

نفسي اقوم اشتريلي كم رطل ا خلله
خليهم كم كيلو وبلاش الطمع.... بس الزيتون المغربي له نكهة تانية بدنا طرق اعداده منك يا عسل....

سمسماية... وجودك بحد ذاته مكسب لي شخصيا
لو ما عندكيش زيتون للتخليل ممكن تساعدينا في طرق اعداد اطباق منه

سونة.... وانا بانتظار تطبيقك....

(( ام ماهر ))

21-10-2008, 11:57 PM

يسلموووووووووووووووووووووووووووووو يا اغلى وعود الخير اسمك من صفتك

ما شاء الله عليك فعلا مبدعه ومواضيعك روعه زيك يا قمر

الله يفتحها عليكم ويجمع شملك مع اهلك يا رب ويسر امرك ويفرحك باولادك ولا يضيعلك تعب

جزاك الله الجنه جنه قطوفها دانيه يا غاليه

أم مــــالــــك

22-10-2008, 11:17 AM

ما شاء اللع تبارك الرحمن
مجهود واااااضح جدا غاليتي
تسلم ايدك يارب
انا والله لسه ما جبت زيتون وصيت عليه بس للاسف ما وصلني لسه
والناس بتقول السنه الخير مو كتير
خايفه ما يلحقني الدور

تسلمي على الموضوع جدااا رائع ومفيد

عاشقة الحلويات

22-10-2008, 03:45 PM

آخ يا قلبي

آخ يا رأسي

آخ يا عيوني

فتقت علي المواجع يا وعودة

ذكرتيني بأهلي وبمزرعة أهلي الله يسامحك

كنت أقضي معهم وقتاً طويلاً ونحن نقطف بالزيتون من على الشجر

حتى إذا ذهبت للنوم أغلق عيوني لأرى أغصان الزيتون أمام عيوني

كانت أيام أعادها الله علي برفقة أهلي مرات ومرات

والحمد لله ربي ما حرمني قطاف الزيتون فزوجي وأهله كمان ما شاء الله عندهم

أراضي مليانة زيتون

ومحسوبتك بتموووووووووووووووت بشيء اسمه قطف الزيتووووووووون

وبسبب أنه هنا ما في زيتون فكلي أسف بأنني لن أستطيع المشاركة

بهذا الموضوع بل سأكتفي بالجلوس في مقاعد المتفرجين

معي أني والحمد لله شاطرة كتير بتخليل الزيتون بكل أنواعه والحمد لله

الله يسامحك يا وعودة الله يسامحك

وبنفس الوقت الله يحميك على هالموضوع شو حلو ورائع

وفريد من نوعه كمان

بارك الله بك أخيتي

وحماك يا رب

تغريد2007

22-10-2008, 10:45 PM

هاي المره الثالثه بكتب الموضوع وبطير شو القصه
المقادير

3 كيلو زيتون اخضر
5 قرون فلفل اخضر حراق
5 ورقات ليمون
1 كاسه شاي عصير ليمون
3 حبات ليمون مقطعين مكعبات
2 ملعقه صغيره ملح ليمون لكي يبقى لون الزيتون اخضر وحلو
2 ملعقه صغيره سكر
ماء مملح لكل 1 كاسة ماء كبيره 1 ملعقة طعام ملح مليانه

الطريقه

نغسل الزيتون وندقه بالحجر افضل من الماكنه واحن على الزيتون
نضع الزيتون في وعاء ونعبي عليه ماء
نترك الزيتون مدة اسبوع مع مراعاة تغيير الماء 3 مرات خلال الاسبوع
بعد الاسبوع نصفي الزيتون من الماء ونضيف عليه كل المقادير السابقه ما عدا الماء المملح
نحرك الزيتون باليد جيدا ونعبي الكميه في اوعيه زجاجيه مع مراعاة وضع السوائل كلها يلي على الزيتون
نذوب الملح بالماء كما ذكرنا ونضيفها على الزيتون
نضع كيس نايلون ابيض على وجه الزيتون ونغلق الغطاء
بصراحه زوجي بعد 10 ايام بوكل منه لانه بحبه مر
والف صحه وعافيه يارب http://i278.photobucket.com/albums/kk108/umanas20082/5dba08a7.jpg

lone~ly

22-10-2008, 10:53 PM

هههههههى
لحقتلى مرطبان
تسلم ايدك يارب
زيتونات بشهو ريتهم صحه وهنا مأكول العافيه

تغريد2007

22-10-2008, 10:55 PM

بسم الله الرحمن الرحيم
هاي التطبيق جماعي
المرطبانات هي الرابط للاخت وعود الله يرضى عليها ويسعدها يا رب
بس لا تسالوني كيف الطعم لسا في 18-11 اسالوني هههههههه
عملت زيتون اخضر وزيتون اسود
http://www.lakii.com/vb/showthread.php?t=493384

وكمان عملت الزيتون يلي يؤكل في 3 ايام بس للاسف عنا في رام الله هاليومين برد وما في شمس مليح يعني بدهم زياده يومين
هي الرابط
http://www.lakii.com/vb/showthread.php?t=492446
انا حطيتلكم اول صوره صورة الزيتون بعد 3 ايام
http://i278.photobucket.com/albums/kk108/umanas20082/7ad603bd.jpg

lone~ly

22-10-2008, 11:18 PM

تسلم ايدك يارب
وريته صحه وهنا
تطبيقات رائعه وتاكلوهم بالعافيه

تغريد2007

23-10-2008, 09:38 AM

تسلم ايدك يارب
وريته صحه وهنا
تطبيقات رائعه وتاكلوهم بالعافيه
الله يسلمك يا رب
مشكووووره

تغريد2007

23-10-2008, 09:39 AM

وعود بقدر انزل الموضوع في الركن تحت ولا -لاء انا شايفه الصبايا قليل لينتبهو شو في فوق

لبنان وحبايبه

23-10-2008, 10:11 AM

الله يعطيك العافية يا أم أنس حبيبتي

زيتون بيشهههههههههههي

وخاصة الاخضر بالليمون مممممممممم...

ان شاء الله مأكول الهنا يا رب وتسلم الايادي

- بنت الأحرار -

23-10-2008, 10:27 AM

رررررررررررررررررائع جداااااااااااااااااااااا
اشكركي يا غاليتي وعود الخير
واشكر ايضا الغالية أم أنس (تغريد)
وأنا حطبق ما قامت بعمله
ربنا يسعدكم

وداد11

23-10-2008, 02:39 PM

ماشاء الله ام أنس دائما في المقدمة بارك الله فيكي الله يحميكي ويخليكي للكل
ويسلموا ايديكي وان شاء الله تاكلوهم بالعافية

تغريد2007

23-10-2008, 05:24 PM

لولو القمر الله يرضى عليكي حبيبتي الف شكر ررررررررررررر الله يهنيكي باولادك يا رب
بنت الاحرار نورتي الموضوع حبيبتي الف شكرررررررررررررررر ويسعدك يا رب
وداد 11 الله يسعدك يا رب ويخليكي الف شكررررررررررر عيوني كلك زوء والله حبيبتي

هابي تايم

23-10-2008, 07:52 PM

لؤلؤة فلسطين

24-10-2008, 07:54 PM

يسلمو دياتك خيتي وعود

san79

25-10-2008, 11:39 AM

وااااااااااااااااااااااااااااااااااو

شو هل الابداعات

أم أنس يسلمو هل الايدين
انا على سريع طبقتو

وما شاء الله عن جد بشهي
وهلء بناكل منو
يسلمو هل الايدين يا أحلى خاله

http://up1.k000k.com//uploads/images/k000k.com-f3ccd340e0.jpg

أم مــــالــــك

25-10-2008, 11:41 AM

ما شاء الله عليكم يا صبايا شطورات
سنوئه ياعيني عليكي تطبيق اسرع من السريع
بالعافيه عليكم حبيبتي

وردة في غربة

25-10-2008, 12:00 PM

ام انس كتير حلو موضوعك ورائع ويسلموا ايديك

يسلموا ايدكي سناء بشهوا الزيتونات
انا الحمد لله كل سنة بيت حماي ببعتوا حصتنا ومكدوس وورق دوالي ومخللات

ام مالك وعمر

25-10-2008, 12:04 PM

ان شاء الله كل سنة وانت سالمين
والزيتون من ايدين ام انس ولا احلى من هيك
توكلو بالهنا
انا ما بعمل زيتون
امي بتعمله وبتبعتلي اياه جاهز هم عندهم زيتوزن اما انا فلا
حماي الله يهدي بايعه جميعه

دلوعة صديقتهااا

25-10-2008, 12:33 PM

ما شاء الله عليكم
شطوورااااااااااااااااااااااااااااااااااااااااااااا اااات

&جروح تبتسم&

25-10-2008, 02:05 PM

ما شاء الله
بيشهوا هالزيتونات ناويلنا اطرميز زيتون لندوق هههههههه
يسلموا ايديكي حبيبتي وايديت تغريد السكرة

لؤلؤة فلسطين

25-10-2008, 02:17 PM

يسلمو هالديات مش زي زيتوناتي الهن شهر ولسه ما استون

تغريد2007

25-10-2008, 03:10 PM

ماشاء الله عليكم عيني عليكم بارده احنا ياكثر شجر الزيتون عندنا لاكن خللناه مره ورميناه لان ماتخلل مزبوط اول مره نخلل ومن راسنا الطريقه والحين كل سنه يطيح وماقد خللناه لكن المشكله ان احنا الزيتون عادي مانحبه لكن اتمنى اعرف كيف اصلح زيت زيتون
اهلا بك حبيبتي ممكن اسال ن زيتوناتكم اني منطقه لاني اول مره اسمع الزيتون ما بتخلل وكمان سؤال شو قصدك اصلح زيت الزيتون ما فهمت والله
شكرا لمرورك

ما شاء الله عليكم يا صبايا شطورات
سنوئه ياعيني عليكي تطبيق اسرع من السريع
بالعافيه عليكم حبيبتي
شكرا لك ام مالك على المرور

ام انس كتير حلو موضوعك ورائع ويسلموا ايديك

يسلموا ايدكي سناء بشهوا الزيتونات
انا الحمد لله كل سنة بيت حماي ببعتوا حصتنا ومكدوس وورق دوالي ومخللات
الله يسلمك حبيبتي الف شكر الك
مريحينك دار حماك

ان شاء الله كل سنة وانت سالمين
والزيتون من ايدين ام انس ولا احلى من هيك
توكلو بالهنا
انا ما بعمل زيتون
امي بتعمله وبتبعتلي اياه جاهز هم عندهم زيتوزن اما انا فلا
حماي الله يهدي بايعه جميعه
كلك زوء يا عسل الف شكر حبيبتي
الله يخليلك امك يا رب بس لازم تعملي بيدك على شان تتعودي حبيبتي
الله يهدي جميع المسلمين يا رب

ما شاء الله عليكم
شطوورااااااااااااااااااااااااااااااااااااااااااااا اااات
شكرا لك

ما شاء الله
بيشهوا هالزيتونات ناويلنا اطرميز زيتون لندوق هههههههه
يسلموا ايديكي حبيبتي وايديت تغريد السكرة
وشكرا لك حبيبتي كلك زوء

يسلمو هالديات مش زي زيتوناتي الهن شهر ولسه ما استون
الله يسلمك يا رب الف شكر
بجوز انت بتحب حلو كتير هاي اذواق حبيبتي احنا بنحبه مر شوي
بجوز انت على شان بتحبيه حلو شايفاه لسا ما استوى

san79

25-10-2008, 03:23 PM

خالتو توتو وانا ما الي كلمة ؟؟؟؟؟؟؟؟؟؟؟؟؟؟؟؟؟؟؟؟؟ انا زعلت خلص خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخ

يسلمو ايديكي يا أحلى خالة

تغريد2007

25-10-2008, 03:30 PM

انت ما الك صبر ابدا انا بدي اكتبلك لوحدك مش مع المجموعه بس طنجرتي سفرة رحت اشوفها عندي عزومه هههههههههه
ولك انت احلى بنت اخت في الدنيا وزيتوناتك طالعين احلى من زيتوناتي كمان
ما شاء الله عليكي يعني اها لازم هيك الواحد يتعلم بسرعه كيف يشتغل الاشياء الصعبه
الله يرضى عليكي يا عمري ويعطيكي يلي في بالك وبالي ان شاء الله يا عسل
توكلوه بالهنا ان شاء الله موووووووووووووووووووووووووووووووووووواه هي بوسة صلحه
رضيتي ولا لسا

san79

25-10-2008, 03:41 PM

انا حرام يا خالتو انا صبري صبر أيوب خخخخخخخخخخخخخخخخخخخخخخخخخخخخ مو مس روضة انا هلء خخخخخخخخخخخخخخ

بس حبيت انكش راس

الله يسعدك ويخليكي لاولادك واحفادك وللمنتدى يا أحلى فنانه انتي

lone~ly

25-10-2008, 04:34 PM

تسلم ايدك سنوء
زيتونات بيشهو والشكر موصول لام أنس

رونــق

26-10-2008, 10:05 AM

موضوع رائع كعادتك يا وعود
كل فترة تتحفينا بفكرة ولا اجمل

لكني بانتظار رؤية الزيتون المخلل من تحت دياتك
ما تتأخريش علينا

رونــق

26-10-2008, 10:09 AM

وعود نسيت أسألك
الزيتون الاسباني او اليوناني الاسود
عندك فكرة عن كيفية تخليله
بليز ما تبخلي علي اذا بتعرفي

برنسس لك1

26-10-2008, 02:20 PM

وعوووووووووووود الخير واللة كل مواضيعك خير
ربنا يعينك على دة المجهود
انا اول جوازى عملتة كتير بس ولا مرة فلح وبعد وفاة امى وقفت عمايلة خالص لأنها كانت بتفدنى فى اى زنقة لكن دلوقتى والنية للة عايزة اعملة تانى لانى معنتش قلقانة لانى عارفة لوحزنق حجرى علطول واكلم مين ((((((((((((((اغلى وعود)))))))))))))))))))))
و((((((((((((((احن تغرررررررررررريد))))))))))))))))والف شكر لكم

تغريد2007

27-10-2008, 04:31 PM

عاشقة الحلويات

28-10-2008, 11:24 AM

ما شاء الله عليك يا غرودة

مخللات زيتون بيشهوا عن جد

الله يسلم هالديات يا رب

zineb gharbia

28-10-2008, 07:13 PM

وعليكم السلام ورحمة الله

شكرا اختي الغالية وعود الخيرعلى هذا الموضوع الخير
شكرا تغريد وباقي الاخوات ..اتابع ابداعاتكن ..ومعجبة جد بما تقدمن.
ما شاء الله

موضوع جميل جدا لانه بكل بساطة يتحدث عن محبوب الجماهير ..الزيتون
لي معه ذكريات
كنا في نهاية العطلة الصيفية ونحن اطفال ..نشارك في قطاف الزيتون وكان فعلا مهرجانا ..
كنا نبقى حتى منتصف الليل
نقطف الزيتون على ضوء القمر ..
جزء منه كان يباع ويحتفظ بما يكفي مؤوزنة سنة الى ان يعود الموسم
..
اما الان فنشتريه من الاسواق
لم نشتره بعد لانا كنا ننتظر دخول نوعية جديدة
والزيتون عندنا يختار حسب المناطق ..لكل خصائصه
سنشتريه يوم الخميس ان شاء الله واحضره ..
طريقة تخليل الزيتون الاخضر..
يغسل الزيتون ويمسح ويدق بحجر او مطرقة خفيفة
يوضع في اناء مع ماء ويحكم اغلاقه..
يغير الماء كل يوم _اذا اردت تسريع نضجه او تحليته_
بعد عشرة ايام _تصفية كل يوم_يضاف ايه ملح البحر كمية من الزيت _تغطيةصفحة الاناء_لحمايته من الهواء لانه يفسده .
وبعد اسبوع تضاف ايه طع الليمون الحامض ..او الاترنج_جربته واعطى نكهة افضل من الليمون الحامض.

***ناخذ منه بكميات قليلة ونضعها في قنينات زجاجية مع حبات قزبر +حبات فلفل اسود +وريقات غار +فصوص ثوم + وملح +وشطائر ليمون +رشة سكر+زعتر.+.حبات كمون.
يغطى بزيت الزيتون ويغطى باحكام ويوضع في الثلاجة.

الزيتون الاحمر
يشق بسكين ويهيا بنفس الطريقة .
اذا رغبت في احتفاظ الزتون بقليل من المرارة _الجميلة _لاتغيري الماء في البداية احفظيه في الماء مدة اسبوع وبعدها غيري الماء واضيفي الملح .

الزيتون الاسود
هناك الطريقة التقليدية.. حفظ الزيتون في سلال او اكياس قنب .
وهناك طريقة اخرى استفدتها من حماة اختي
يغسل الزتون ويمسح جيدا
يوضع في برميل بلاستيكي وتضاف اليه كمية من الملح الخشن..ويحرك كل يوم _باستمرار..كان اولادي يلعبون بالبرميل وهكذا يعفونني من التحريك.
ويصفى كلما تجمع الماء..وبعد عشرة ايام يصفى مما تبقى فيه من ماء و ينشر في الشمس طيلة اليوم حتى المغيب ويجمع ..ويعاد نشره صباحا الى ان يجف_ تنكمش الحبات ..يذهن بزيت الزيتون ويخزن ..
موفقات ..وفي انتظار تجارب اخرى .

حنان(البحرين)

30-10-2008, 11:29 AM

تسلم يدكِ غاليتي تغريد ماشاءالله عليكِ رائعه

lone~ly

30-10-2008, 03:57 PM

مرحبا بك عزيزتنا زينب
وشكرا على الوصفات الجميله
نتمنى أن تفيد الاخوات ونرى التطبيقات

لازلنا بانتظار وصفاتكم الرائعه

أم شادى

31-10-2008, 12:53 AM

السلام عليكم جميعا

مشرفاتى العزيزات بارك الله فيكم على جهودكم العظيمه

اخواتى الصبايا ما شاء الله عليكم و صفاتكم اكثر من رائعه

احب اشارك معكم الاحتفال بطريقتى البسيطه فى عمل الزيتون المملح

التى اتمنى ان تعجبكم على هذا الرابط

http://www.lakii.com/vb/showthread.php?p=6968177#post6968177

http://i345.photobucket.com/albums/p381/magy_life/zatun%20memala7/IMAG2122_.jpg

lone~ly

31-10-2008, 02:21 AM

تسلم إيدك غاليتنا أم شادى
كل عام وأنت بخير

أم شادى

01-11-2008, 11:09 AM

تسلميلى حبيبه قلبى يا رب
و انت بصحه و سعاده يا غاليه

أناغيـم

01-11-2008, 04:12 PM

كتير حلو عم نتستفيد اكتر واكتر
بس ما ني شايفة تطبيقات غير سان ربنا يسعدها

أمل وضياء

03-11-2008, 01:05 PM

وعليكم السلام ورحمة الله وبركاته ..
:
:
ماشاء الله .. جهد طيّب ومبارك ..
تعلمت فوائد منكم الزيتون غذاء ودواء ..
رغم أن الزيتون ليس من محاصلينا
فهو يتوفر بـ المناطق الشمالية لمناسبة أجوائها ..
دمتِ بعطاء ..:)

Zelda

03-11-2008, 09:02 PM

نشكركم على الموضوع الملئ ببركة الزيتون

lone~ly

04-11-2008, 06:50 PM

فى انتظار وصفاتكم
يا غاليات
:-s

تغريد2007

05-11-2008, 08:36 AM

انا لسا بدي اعمل الزيتوت الاسود لانه موسمه بالاخر اتاخر شوي هاليومين بنزل الطريقه ان شاء الله

أيار

05-11-2008, 03:54 PM

موضوع حلو وما عليه كلام
بس السؤال وين اختفت صاحبة الموضوع
ما تعودنا على اختفاءها كل هالمدة
يعني صحيح مشاركاتي قليلة بس باتابع معكم من بعيد
ممكن حدا يطمنا عليها بصراحة لها وحشة

lone~ly

05-11-2008, 04:38 PM

الغاليه أم أنس فى أنتظار وصفاتك الاصليه الرائعه

أناغيـم

05-11-2008, 05:33 PM

موضوع حلو وما عليه كلام
بس السؤال وين اختفت صاحبة الموضوع
ما تعودنا على اختفاءها كل هالمدة
يعني صحيح مشاركاتي قليلة بس باتابع معكم من بعيد
ممكن حدا يطمنا عليها بصراحة لها وحشة

أيار
لو وحشتك صاحبة الموضوع اسألي عنها يعني كل هالفترة اللي غابتها وما انتبهت غير عن طريق المنتدى
ما يوحشك غالي يا تانت

تغريد2007

08-11-2008, 10:09 AM

بسم الله الرحمن الرحيم
كيفكم يا صبايا شو اخباركم
معلش اتاخرنا في عمل الزيتون الاسود لانه هو موسمه بكون هيك متاخر على بين ما يصير لون الحب اسود وناضج

المقادير

5 كيلو زيتون اسود
1 كيلو ملح عادي

2 كاس عصير ليمون
2 كاس زيت زيتون
2 كاس خل عنب او الخل الابيض
فلفل اخضر حار وهذا اختياري لمن ترغب
ماء مغلي

الطريقه

يتمع عمل الزيتون على مرحلتين
المرحله الاولى

لا ندق الزيتون بالحجر ولا نعمل به شقوق بواسطة السكين نعمل الزيتون الاسود كما هو حب

نغسل الزيتون جيدا ونضع عليه الملح ونحرك جيدا
نضع الزيتون في كيس بلاستيك شفاف ونعمل فتحات بالكيس بواسطة الشوكه ومن كل الاتجاهات
نضع كيس الزيتون في مصفاه بلاستيك وليس معدن ونضع المصفاه في جاط بلاستيك ايضا لكي ينزل الماء الخارج من الزيتون من الفتحات ثم الى الجاط
نضع الزيتون في مكان معرض لاشعة الشمس ولمدة اسبوع
في خلال الفتره نقلب الكيس يمين وشمال على شان اشعة الشمس توصل لجميع الزيتون سواء

بعد الاسبوع

نغسل الزيتون من الملح المتبقي عليه جيدا ولا نحتاج لملح اخر لانه اخذ كفايته
نضع عليه الخل +الزيت +الليمون +الفلفل لمن ترغب
نحرك جيدا

نعبي الزيتون في مرطبانات زجاجيه او بلاستيك ولاكن يجب ان يكون مصادق عليه من وزارة الصحه مش اي مرطبان بلاستيك تستعملي

بعد هذه المرحله يمكنك عمل الزيتون بطريقتين

الاولى
صبي عليه ماء يغلي جدا لكي ترجع حبة الزيتون تنفخ
اغلقي الوعاء واحفظي اين ما تشائين

الثانيه
صبي عليه زيت الزيتون حتى يمتلىء الوعاء بالزيت
اغلقي الوعاء واحتفظي به اينما تشائين

انا شخصيا اعملت الطريقتين

بامكانك تناول الزيتون بعد ايام عندما يتشرب طعم الليمون والخل والفلفل
والف صحه وعافيه يااااااااااااااااااااااااااااااااااارب
http://i279.photobucket.com/albums/kk127/umanas2008/74cf4f79.jpg

أم مــــالــــك

08-11-2008, 03:03 PM

ماشاء الله ان انس
بتعرفي انا ملحت زتوني اله اسبوع يمكن
وان شاء الله بجرب طريقتك لاني انا بملح مدة شهر تقريبا
بس اسبوع والله ممتاز

lone~ly

08-11-2008, 05:00 PM

أم أنس
تسلم ايدك على الزيتونات
طريقه سهله وسريعه ومشهيه
ريته صحه وهنا

lone~ly

08-11-2008, 05:01 PM

أم مالك وأيار يا هلا فيكم
أنرتم الموضوع

وعود الخير

11-11-2008, 10:07 PM

السلام عليكم
ما شاء الله وصفات طيبة ومنوعة
راح اشوفها على مهل ولي عودة باذن الله

لوني...............شكرا

تغريد2007

11-11-2008, 10:27 PM

السلام عليكم
ما شاء الله وصفات طيبة ومنوعة
راح اشوفها على مهل ولي عودة باذن الله

لوني...............شكرا
وعليكم السلام
والله بدها زغروده ميت مليون الحمدلله على السلامه يا امر

لالي لافندر

12-11-2008, 10:07 AM

غيابي عن المنتدى خسرني اشياء كثيرة
الحمد لله لحقت على هذا المهرجان
مهرجان رائع رائع بكل معنى الكلمة لاني من عشاق الزيتون
تسلمي يا وعود على الفكرة الحلوة الله يبارك فيك
ان شاء الله اتصفح الموضوع من البداية واستفيد

ام انس القمر طريقتك رائعة ان شاء الله اطبقها
ماشاء الله عليك الله يبارك فيك

ماماحميدة

13-11-2008, 06:57 PM

السلام عليكم ورحمةالله وبركاته

غليتي وعود الخير

ماشاءالله موضوع شامل عن الزيتون وكبسه بكل الطرق
تضلي بخير والله يعيطك الف عافية

والان بدي اغمل حوله عندك بالركن مشتائة كتير
لجمعتكن الحلوة والله زمان ماطليت عليك
من خوفي ماتخف الاراده وترجع خليمة لعادتهاالقديمة :)
وقوم اخترع اطباق وتفتح نفسي
ورجع الي خسرتهن بشهور

متابعه معكن يا حبيبة البي

وعود الخير

17-11-2008, 12:48 PM

http://www.hotgardens.net/Olive_tree_Swan_Hill.JPG

في ظل الزيتونة نفرش الحصر
ومعنا الزوادة
زيتون وزيت زيتون ودقة وزعتر
وفي جلسة ودية ....
حبيت اقدم
شكري وتقديري لكل أخت ساهمت في الموضوع ولكل من شاركت ولكل من عبرت ولو بكلمة شكر صغيرة
فنحن نستمر بتواجدكم ومشاركاتكم ودعمكم ....
وأرى نفسي عاجزة عن شكر
سيدة مطبخ لك تغريد 2007
على مجهودها الواضح في إيصال فكرة تخزين الزيتون
واجدد شكري وتقديري للغاليات
الاخت زينب غريب http://lakii.com/vb/images/icons/icon15.gif
الاخت أم شاديhttp://lakii.com/vb/images/icons/icon15.gif
الأخت ام المجدhttp://lakii.com/vb/images/icons/icon15.gif
على مشاركتنا طرقهن في حفظ الزيتون

وشكر خاص للغالية san 79 على تطبيقها السريع :-s

http://lakii.com/vb/images/icons/icon17.gif
لي عودة للرد على استفسارات الأخوات
http://lakii.com/vb/images/icons/icon17.gif

وعود الخير

17-11-2008, 01:43 PM

اختي هابي تايم

ماشاء الله عليكم عيني عليكم بارده احنا ياكثر شجر الزيتون عندنا لاكن خللناه مره ورميناه لان ماتخلل مزبوط اول مره نخلل ومن راسنا الطريقه والحين كل سنه يطيح وماقد خللناه لكن المشكله ان احنا الزيتون عادي مانحبه لكن اتمنى اعرف كيف اصلح زيت زيتون
ان شاء الله تكوني استفدت من طرق الاخوات في تخليل الزيتون وحفظه
اما عن طريقة استخراج اليزت منه فهذه طريقة بحاجة لمعصرة زيت وطرق خاصه بها ولا يمكن ان تتم هذه العملية في البيت
حياك الله

وعود الخير

17-11-2008, 01:46 PM

الاخت زينب غريب

كنا في نهاية العطلة الصيفية ونحن اطفال ..نشارك في قطاف الزيتون وكان فعلا مهرجانا ..
كنا نبقى حتى منتصف الليل
نقطف الزيتون على ضوء القمر ..

احلى ذكريات تبقى معنا ايام قطاف الزيتون وسهرات الزيتون
شكرا لك على المشاركة

وعود الخير

17-11-2008, 01:50 PM

شمس الشموسة في ركننا

ماشاء الله .. جهد طيّب ومبارك ..
تعلمت فوائد منكم الزيتون غذاء ودواء ..
رغم أن الزيتون ليس من محاصلينا
فهو يتوفر بـ المناطق الشمالية لمناسبة أجوائها ..
دمتِ بعطاء ..:)

يا حيا الله من لفانا .... وانا اقول المهرجان قام يلق ... ليش اتاري الشمس ساطعة فيه
اقول اشرايك الموسم الجاي تشرفينا بزيارة لقطف وتخزين الزيتون... اتفقنا

ام شادي
http://i345.photobucket.com/albums/p381/magy_life/zatun%20memala7/IMAG2122_.jpg
يمي .. بيشهوا هالزيتونات
زيلدا... حياك الله واهلا وسهلا بمرورك

وعود الخير

17-11-2008, 01:55 PM

الاخت رونق

لكني بانتظار رؤية الزيتون المخلل من تحت دياتك
ما تتأخريش علينا
ساضع لك صورة نهائية للزيتون بعد تخليله
غالية والطلب رخيص يا رونق... والبركة بالغالية تغريد التي قامت بشرح وافي للتخليل

وعود نسيت أسألك
الزيتون الاسباني او اليوناني الاسود
عندك فكرة عن كيفية تخليله
بليز ما تبخلي علي اذا بتعرفي

عملت بحث ووجدت هذه الطرق:

ينقع الزيتون في محلول قلوي نسبته 2% أي باذابة 20 غرام من هيدروكسيد الصوديوم في لتر من الماء (ينبغي الحذر من القلوي ومحلوله لأنه مادة كاوية يؤذي البشرة). توضع الثمار في المحلول القلوي لمدة 3-4 ساعات يبدأ بعدها الكشف عن مدى دخول القلوي الى اللحمية، ويتم ذلك بعمل شقين متقاربين في عدد من الحبات، (اذ ان حبة واحدة لا تمثل الزيتون)، وفصل مقطع اللحمية الصغير ووضع قليل من محلول الفينول فثالين (محلول كحولي مخفف) على اللحمية المكشوفة في الحبة حيث يشاهد لون أحمر يبين حدود نفاذ القلوي وينبغي أن يتم دخول القلوي بعمق لا يزيد عن ثلثي سمك اللحمية، فالزيادة تؤدي الى فقدان الزيتون طعمه ونكهته المميزة. هذا وقد يتطلب اكمال هذه المعاملة 4-8 ساعات وأكثر حسب صنف ومستوى نضج الثمار.
ينشل الزيتون من المحلول القلوي ويغسل جيدا عدة مرات ثم ينقع في الماء لمدة 12 ساعة ويغير عنه عدة مرات، يمكن تفادي الماء اذا أضفنا كمية كافية من محلول ملح الليمون (ملعقة كبيرة لكل 10 لتر) أو الخل الى ماء النقع لمعادلة القلوي وينبغي التأكد من ذلك عن طريق تذوق الحموضة في ماء النقع. ينقل الزيتون الى محلول الحفظ والتخليل ويعامل كما هو الحال في حفظ الرصيع.
اتمنى ان تكون قد وصلتك المعلومة

تغريد2007

18-11-2008, 03:25 PM

الف شكر الك وعود كلك ذوق حبيبتي
هسا وانت غايبه انكتب موضوع واختلفنا عليه عن عمل زيتون بالقطرونه
في صبايا بحكو انهم بنقعو الزيتون في ماء وقطرونه
انا بحكي مستحيل هاي ماده بتموت وانا شخصيا بعرف حالتين ماتو بس شربو من القطرونه وهي محلوله بالماء
السؤال كيف بدهم يعملو فيها الزيتون
انت عارفه شو القطرونه هاي ------يلي بطبخو فيها الصابون النابلسي اذا عندك فكره
شو رايك انت في الموضوع

زوزوعلي

18-11-2008, 05:40 PM

تحياتي لك نحن في العراق من محبي الزيتون لاكنه يوجد قليل عندنا مع العلم ان شجرته تبعث في نفسي النظارة اشتري الزيتون من محلات بيع المخللات وابقى اكله بسبب اوبدون سبب وتسلمي على المعلومات المفيدة

وعود الخير

19-11-2008, 01:39 PM

هلا زوزو..... والله لوتعرفي احيانا باآكل الزيتون بدل المكسرات من حبي له

تغريد.... غريبة خليني اشوف الموضوع
يعني الصودا الكاوية مصيبة بس يمكن قصدهم الكلس (الشيد) يعني ممكن بس قطرونة
شكرا لتنبيهي

ام سمية

19-11-2008, 02:50 PM

يا سلام الموضوع فتح نفسي عالزيتون ..فقمت واكلت ساندويش بالجبن والزيتون الاخضر:)

في نابلس نحن نخزن الزيتون الاخضر كالتالي
نغسله ثم ندقه بحجارة ثم نضعه في مرطبانات
وخلال رصنا للزيتون نضع قطع الليمون وقطع من الفلفل الاخضر الحار وبعد ان ننتهي نحضر ماء مملح بعيار البيضة ..ثم نضيفه ونضع على الوجه زيت ..هذه الطريقة للزيتون الاخضر ويخزن لعام واكثر ..
اما الزيتون الاسود فبنفس طريقة الفنانة تغريد ام انس
وطريقة وعود للزيتون الذي يؤكل بعد عدة ايام ايضا نعملها للزيتونات وزوجي يحبها كثيرا ويوصي امه دائما تعملها له

عمتي في كفر قاسم تنقع الزيتون لمدة اسبوع وتبدل الماء عدة مرات حتى يخف المرارا ثم تضيف اليه الملح والليمون بالطريقة السابقة ويصبح ممكن اكله بعد شهر

اما اغرب طريقة فوجئت بها ..وهي ان صديقة عزيزة من عصيرة الشمالية اهدتني قنينة زيتون فلما فتحتها وجدتها منقوعة بماء فقط:[MM
فقمت بتصفية الماء ووضعت على الزيتون ليمون مبشور وقرون فلفل اخضر وغمرته بماء مملح وتركته اسبوع
وكان الطعم مش طبيعي ..رائع جدا جدا ..طبعا ماكان فيه مرارة ابدا ..ولكن نسيت اسالها عن السبب في هذه الطريقة من النقع وكم المدة التي يبقى فيها الزيتون مخزن

وشكرا يا وعود على هذا الموضوع الرائع في الحقيقة استفدت منه كثيرا

وعود الخير

20-11-2008, 09:29 AM

ام سمية
اهلا وسهلا بك ونسأل الله ان يكون الموضوع قد افاد الاخوات
اما بالنسبة

اما اغرب طريقة فوجئت بها ..وهي ان صديقة عزيزة من عصيرة الشمالية اهدتني قنينة زيتون فلما فتحتها وجدتها منقوعة بماء فقط:[MM
فقمت بتصفية الماء ووضعت على الزيتون ليمون مبشور وقرون فلفل اخضر وغمرته بماء مملح وتركته اسبوع
للحصول على زيتون سريع التخليل بدون طعم المرارة
ينقع الزيتون لمدة اسبوع مع تغيير الماء كل يوم للتخلص من مرارته
بس اقول لك الصراحة انا بافضله مر يعني مرارة خفيفة.

تغريد2007

20-11-2008, 09:57 PM

وعود انا اليوم فتحت الزيتون يلي عملته على طريقتك يلي طلبته سوسن
يا سلالالالالالالالالالالالالالالالالالام رووووووووووووووووووعه يسلمووووووووووو دياتك والله حبيبتي
كنت عامله لون مايل للاحمر لونه بجنن وطعمه رووووووووووعه
الله يعطيك الصحه يا رب

وعود الخير

21-11-2008, 12:46 PM

صحتين وعافية يا ام انس
يا عيوني نحن منكم ومن خبراتكم نستفيد

رونــق

23-11-2008, 11:48 AM

ساضع لك صورة نهائية للزيتون بعد تخليله
غالية والطلب رخيص يا رونق... والبركة بالغالية تغريد التي قامت بشرح وافي للتخليل

تعقيب:
وعود نسيت أسألك
الزيتون الاسباني او اليوناني الاسود
عندك فكرة عن كيفية تخليله
بليز ما تبخلي علي اذا بتعرفي
عملت بحث ووجدت هذه الطرق:

ينقع الزيتون في محلول قلوي نسبته 2% أي باذابة 20 غرام من هيدروكسيد الصوديوم في لتر من الماء (ينبغي الحذر من القلوي ومحلوله لأنه مادة كاوية يؤذي البشرة). توضع الثمار في المحلول القلوي لمدة 3-4 ساعات يبدأ بعدها الكشف عن مدى دخول القلوي الى اللحمية، ويتم ذلك بعمل شقين متقاربين في عدد من الحبات، (اذ ان حبة واحدة لا تمثل الزيتون)، وفصل مقطع اللحمية الصغير ووضع قليل من محلول الفينول فثالين (محلول كحولي مخفف) على اللحمية المكشوفة في الحبة حيث يشاهد لون أحمر يبين حدود نفاذ القلوي وينبغي أن يتم دخول القلوي بعمق لا يزيد عن ثلثي سمك اللحمية، فالزيادة تؤدي الى فقدان الزيتون طعمه ونكهته المميزة. هذا وقد يتطلب اكمال هذه المعاملة 4-8 ساعات وأكثر حسب صنف ومستوى نضج الثمار.
ينشل الزيتون من المحلول القلوي ويغسل جيدا عدة مرات ثم ينقع في الماء لمدة 12 ساعة ويغير عنه عدة مرات، يمكن تفادي الماء اذا أضفنا كمية كافية من محلول ملح الليمون (ملعقة كبيرة لكل 10 لتر) أو الخل الى ماء النقع لمعادلة القلوي وينبغي التأكد من ذلك عن طريق تذوق الحموضة في ماء النقع. ينقل الزيتون الى محلول الحفظ والتخليل ويعامل كما هو الحال في حفظ الرصيع.
اتمنى ان تكون قد وصلتك المعلومة
وصلت يا اختي
وشكرا لك ما قصرت
هيك اعتقد صعب علي اعمله