هديه مميزة لزوجي العزيز

[أم تغريد]

أبي منكم تعطوني هدايا مميزه وغريبه جــــــــــــــداً

ودي أقدمها لزوجي أي شي المهم إنها جميله



وحلوة بالمرة بالله تكفون الله يسعدكم ويزوجكم قولوا اَميــــــــــــــن

وردولي بسرعه في أقرب وقت ممكنW:

[بقايا همس]

اولاً حياك الله أخت ام تغريد معانا00وياهلا0

اما الهديه : اقترح عليك تجيبي له شيء ماخطر على باله ولاتوقعه يوم من الايام ،،

وإذا تبين هديه مميزه وغاليه اشتريله ((لاب توب)) اعتقد مافيه هديه ارقى من كذا 00صح ؟

[أم تغريد]

لوسمحتي إيش هي لاب توب يعني كم قيمتها



شكــــــــــــــــــــــــــــــــــــــراً

[بـنت الأمارات]

السلام عزيزتي الاب توب هو الكمبيوتر المحمول اللي يكون مثل الشنطة مالت رجال الأعمال

سعره ممكن بين 4الآف وطالع......

شوفي هذا الرابط اتمنى تحصلين اللي تبينه:

افكار لهدايا (http://lakii.com/vb/showthread.php?s=&threadid=45325)

[بقايا همس]

جاوبت بنت الامارات مع الشكر

[أم تغريد]

شكراً لك يابنت لأمارات

وشكراً لك أنتي ياصحبة الأسم أمل العتيبي

لكن أنا أبي منك شي في الخيال بس هادي وأنيق وخفيف

إذا عندكم مانع تكـــــــــفـــــــــون

[أم تغريد]

شكراً لك يابنت لأمارات

وشكراً لك أنتي ياصحبة الأسم أمل العتيبي

لكن أنا أبي منكم شي في الخيال بس هادي وأنيق وخفيف

إذا عندكم مانع تكـــــــــفـــــــــون

[شمعة نجد]

حياك الله ام تغريد

وش رايك بالجوال؟؟؟؟

[دانةالكويت]

اختي ام تغريد ممكن الهدية تكون بسيطة وعادية لكن طريقة لفها وتقديمها هي اللي تعطيها قيمة مميزة ...

اشرايج في بيجامة قطنية ناعمة تغلف بطريقة حلوة في علبة انيقة مع ورد مجفف وشكولاته وقلوب صغيرة... او ممكن روب حمام أنيق

أو غترة ماركة حلوة .... أو قلم ... أو ساعة أنيقة ... أو تفصلين له دشداشة بمساعدة احد اخوانج او الوالد ...

أو شرايج في طقم محفظة مع ميدالية المفاتيح مالتها ؟؟

أو جاكيت شتوي حلو بما أن الشتا قرب .. أو تكرمين جوتي أو نعال مميز ..

اذا كان زوجج رياضي جربي تاخذين له بدلة رياضة كامله ..

او اذا كان يحب الالكترونيات اخذيله موبايل جديد أو مفكرة رقمية صغيرة ( انا مفكرة اخذها حق زوجي لأني شفته مرة يسأل عنها في احد المحلات) .. أو كاميرا حديثة وانتي المستفيدة ..

ممكن تسوين له مفاجأة بأنك تحجزين لك معاه عطلة نهاية الاسبوع في شاليه او فندق او منتجع على البحر ...

ممكن تاخذين له كريستالة او ميدالية تتعلق على مراية السيارة .. محلات شواروفسكي عندها اشياء وايد حلوة من هالنوع مادري اذا كانت موجودة عندكم بالسعودية او لأ ..

اخر فكرة عندي هي مجموعة عطر مميز مع اللوشن والشورجيل .... او عطور شرقية بخور ودهن عود اذا كان يحب هالاشياء .... او عدة حلاقة كاملة من بودي شوب ..

بصراحة كل شي يعتمد على شخصية زوجج وهاذي مجرد اقتراحات منها المكرر ومنها الجديد واتمنى انها تعجبج وتلقين بينها اللي تبينه .....

[*ريف*]

الصراحة دانة الكويت كفت ووفت

اللة يعطيها العافية

[الجنرالة]

طيب ياحبايب مافيه غير الاشياء لاني انا كلها قدمتها ابغى شي جديد

[وردة الربيع]

انا قبل يومين اشتريت له ميداليه على شكل عوده
وكتبت عليها اسمه وطلعت روووعه

[Ghdoo]

السلام عليكم ورحمة الله وبركاته
اخواتي العزيزات انا اليوم جبت لزوجي ( هو خطيبي في هذه الفتره ) طقمين كاملين بنطلونات وبلايز انا كونتها مه الاحزمه والشراريب لانو يلبس في عملو بنطلونات وبلايز ، وتراها هديه رايقه ، اشتريت علبه لتقديم الهدايا تلاقوها في محلات الالعاب بشكل قلب ولونها احمر ورتبت الاطقمه فيها وحاهديه هي انشاء الله قبل العيد باسبوع علشان لو كانت طويله يقدر يجري التعديلات عليها
كمان مقرره انو اهديه في يوم الزواج يعني بعد كم شهر ( بقشه كامله ) معروفه عندنا كل عروسه تهديها لزوجها في المنطقه الغربيه مكونه من ثوب وغتره وعقال وطاقيه ومناديل جيب وشراب والله يكرمكن جزمه جلد حلوه وكلها تنحط في قماش ستان مطرز وتلف مثل البقشه وتقدم والله قمة الرووووووووووعه
اتمنى ان تعجبكم الافكار
اختكم غدووووو

[بريتي]

طيب ليه ماتسوي بحث هنا او في ركن الافكار الدنيا مليانه

[noor2002]

عزيزتي انا بعد ما اعرف شو اشتري حق زوجي وهو عيد ميلاده بيكون بعد 18 يوم بس فكرت اشتري له موبايل جديد من نوعه اعرف ان بيكلفني بس عادي ما يغلا عليه، عندي لك فكرة تشتري علبه جميلة بحجم الكرتوتن بشكل مدور او على شكل قلب وتقومين بتفصل بعض الملابس التي يفضلها او جلابيات نوم او شماغ وبقومين بوضع هذا كله في العلبة الجميلة وتزينيها بشرايط وتقومين بنفس اليوم يعني المناسبة التي سوف تقديمنها له بصنع العشاء وصنع كيكع له إٌذا كان عند ميلاده فوقمي بشراء الكيكة الجاهزة وتكتبين عليه عيد ميلاد سعيد يا حبي وتزينين المكان وتلبسين ملابس مثيرة وجميلة لم يراها عليك من قبل وسوف يتفاجئ وبفرح انا افكر ان اعمل كذا في عيد ميلاده اتمنى ان تعجبك الفكرة و بالتوفيق.....

[مضـاوي]

اختى دانة الكويت

ممكن اسالج عن محلات شواروفسكي وين موجوده بالكويت بالضبط ؟؟؟؟

[نهاوند]

أختي noor2000فكرتك جدا رومانسيه.....


بس.....



ليش عيد الميلاد...
كفانا تقليدا لأعداء الأسلام...
أما آن الأوان أن ننتصرلديننا ونترك ما دون ذلك من تفاهات!!!

(حتى لو دخلوا جحر ضب لدخلتموه)
هذا ما تنبأ به المصطفى عليه السلام قبل أكثر من 1400سنه..
لماذا لا نرتفع بانفسنا وهممنا عن هذه الوحول اللتي تغرق صاحبها في الظلمات
وفقنا الله واياك لما يحبه ويرضاه..


وما دعاني للرد سوى الغيرة على الدين
ثم على منتدانا الغالي..

[دانةالكويت]

اختي نور محلات شواروفسكي موجودة في مجمع الفنار بالسالمية .. وممكن تلقين بعض منتجاتهم في محلات تاناغرا بالصالحية او الثريا او المهلب او الفنار نفسه ... بس انصحج تروحين لمحلهم الأصلي بتلقين فيه تشكيلة اوسع وتعليقات روووووووووووووعة للسيارة ...

[مضـاوي]

محلهم الاصلي وين ؟؟؟ اي صوب بالفنار ؟ لايكون اللى فوق

من زمان مارحت الفنار ... مادري ان في محل شواروفسكي في الكويت

اموت بالكريستال عشان جذي اسال ... مشكوره على التجاوب

[khakhou68]

أختي المحل اللي ذكرته شوارفيسكي - محلهم الرئيسي هو الصالحية - محلات تاناغرا - بجانب ستاربكس

[ذات الفضول]

بالتوفيق