اريد نصيحه سياحيه [الأرشيف] - منتديات لكِ النسائية

الغرام.

23-10-2002, 02:40 AM

عزيزاتي عضوات المنتدى
انا بسافر للسياحه وارجوكم اريد نصيحه من الي سافرو عن اماكن سفرهم لاني صراحه محتاره وين اروح

Dandosh

24-10-2002, 01:00 PM

عزيزتي هذا الموقع ممتاز كله صور و فيديو لكل البلاد بالعالم
www.mytravelguide.com

اما اذا بدك تجربة شخصية، بالنسبة الي حبيت من البلاد العربية لبنان، و من اوروبا المانيا .. جدا حلوين ..
بس اكيد بيعتمد الاختيار على ميزانيتك، مثلا بدك تروحي سياحة تتفرجي على آثار مثلا? و لا بدك شواطيء? و لا مناظر و طبيعة حلوة?? و لا تسوق??
بصراحة مو لاني عايشة بالاردن بس كمان الاردن ممتازة مهما كان هدفك من السياحة و مثل ما قلت لك لبنان رووعة

الغرام.

26-10-2002, 08:50 PM

شكراعزيزتي dandosh
انا اعجبت بنصيحتك وياليت تقولي لي كم كلفتك الرحلتين كل واحده على حده علما باني احب اتعرف على كل ماهو مميز في كل بلد ولا يهمني ان اتسوق فيا ليت تكتبين اسامي الفنادق والاماكن الرائعه اللي زرتيها في هذي البلدين ..................مع الشكر

Dandosh

27-10-2002, 10:11 AM

عزيزتي الغرام اكيد يسعدني اني اكتب لك كل ما اعرف عن هالموضوع لكن بحب احكي لك ان موضوع التكاليف و كون البلد حلو او لا موضوع نسبي ممكن نختلف عليه .. و التكاليف اكيد بتعتمد على وقت السفر و درجة الاوتيل و مدة الرحلة و كل هالحكي ..
انا رحت على المانيا لمدة شهر و نصف ما اعتقد انك رح تطولي كل هالوقت لو رحت انا رحت دراسة و سياحة مع بعض.. لكن على فرض بدك تروحي، تذكرة السفر بتعتمد على الخطوط الجوية لكن هالايام التذاكر رخيصة و احسن طيران بيكلفك 350 دولار تقريبا .
المانيا بلد كبير جدا مقسم الى 16 ولاية يعني مش ممكن اكتب لك كل الاشياء الحلوة فيها لانه كل ولاية مميزة باكتر من شي.. لكن عموما طبيعة مناطق الجنوب احلى بكتير من الشمال.. منطقة ميونيخ و كونستانز و شتوتغارت ... بينما الشمال معظمه مناطق صناعية مع انه في مناطق بتجنن كمان. اما الآثار و المناطق القديمة معظمها موجود في برلين و المناطق اللي كانت تابعة لالمانيا الشرقية .. بس كمان في كل مدينة تقريبا في مكان اثري.. يعني صعب الواحد في سنه يشوف كل شي في المانيا..
شواطيء بالمانيا ما في غير شاطيء واحد في اقصى الشمال بيطل على حر الشمال و غالبا مو مناسب للسباحة لانه المنطقة باااااردة كل الوقت ..
بالنسبة للتسوق كمان رح تلاقي محلات بتجنن و فيها الغالي و الوسط و الرخيص.. افضل محلات هي Karstadt, Galeria Kaufhof, H&M, C&A و كلها department stores.
برايي ترجعي للموقع اللي كتبت لك ياه بتشوفي صور و ممكن تقرري احسن. الفنادق بالمانيا كمان متنوعة من الرخيص للغالي جدا جدا.. للاسف ما رح اقدر افيدك لاني كنت بسكن للجامعه و مو بفندق.

ما بالنسبة للبنان فممكن المعلومات تكون اوضح.. كنت بفندق اسمه كونكورد بشارع الحمرا ببيروت يعني منطقة ممتازة و مع هيك ما كان غالي كتير حوالي 26 دولار بالليلة مع افطار.. المناطق المعروفة بلبنان متل مغارة جعيتا (بتجنن) و المناطق الجبلية و التليفريك و حريصا .. بصراحة ما رحت على بعلبك بس الكل بيوصف جمالها .. طبعا لا تنسي الروشة و الشواطيء اللي بصراحة منظرها بيجنن لكن للاسف ما في نظافة...
اهم شي اذا رحت للبنان لا تركبي بتكسي الا بعد ما تتفقي معه على الاجرة لانه ما في عداد.. و يفضل تشوفي اكتر من سعر لانه البعض بيشوفك من برة البلد فبيغلي السعر عليك. و لو استاجرتي سيارة سياحية يعني انت او اللي معك يسوقها للمسافات البعيدة بيكون افضل و ارخص.
الاكل بلبنان لذييييييذ جدا و خاصة بمنطقة شتورة يا سلام شو زاكي و حتى ببيروت و المطاعم عموما مو كتير غالية بعكس اللبس الي اسعاره مو معقولة .
هاد كل اللي تذكرته هلا عن لبنان.. بس انا بنصحك تروحي قبل ما تبرد الدنيا كتير .. بالمانيا الجو هلا كل الوقت مطر احسن فترة هي شهر 3 و 4 او 8 و9 بيكون الجو ممتاز..
اذا قررت وين بدك تروحي خبريني ممكن احط لك صور او معلومات اكتر و اكيد الانترنت فيها معلومات احسن من هيك ..

ام حميد

27-10-2002, 11:00 PM

الغالية الغرام السلام عليكم ورحمة الله وبركاته هذي الايام الواحد لو وده يسافر يدورله على دولة اسلامية عربية يصرف فيها فلوسه ويمتع نفسة المتعة اللي حللها ربنا لان في بعض الدول العربية اللي يحصل فيها مصيبة لكن بعد نرد ونقول ان احنا في دولة عربيه اسلامية نقدر نتصدق ونعطي ولانفكر ان فلوسنا راحت عند واحد يهودي اوحتى ما نلاقي مسجد نصلي فيه ارشحلك الوطن العربي والاسلامي كله تزورينه وياريت لو تنزلين ضيفه في بلدك الامارات واهلا بيج وبالمسلمين كلهم .

الغرام.

28-10-2002, 02:01 AM

مشكوره اختي dandosh
حقيقه انك افدتيني في هذا الموضوع كثير عزيزتي الفندق اللي بلبنان خمس نجوم والسعر للغرفه اللمزدوجه ولا كيف
والاجواء متى تكون مثلجه بلبنان
اما باالنسبه لتا ريخ الي ذكرتيه بالمانيا هوبالهجري ولا الميلادي وياليت اذا ماكان فيه تعب عليك تفرجيني على الصور الي عندك للبلدين

الغرام.

28-10-2002, 02:14 AM

مشكوره اختي ام حميد على نصيحتك
لكن انا جربت زي مايقولون السياحه الداخليه حصلت الاسعار خياليه ففضلت اسافر للخارج اتعرف على اماكن جديده افضل لي
وبعدين ممكن اني اعطي صوره جيده للاسلام اذاحصلت فرصه لي
اما بالنسبه لدعوتك لي فا مشكووووووووووووووووووره عليها حبيبتي
لكن انا منحاشه من الحر؟؟؟؟؟؟؟؟؟؟؟؟؟؟؟؟؟؟؟؟؟؟

Dandosh

28-10-2002, 09:39 AM

اولا لبنان ..
بخصوص الاوتيل هو تلات نجوم ديلوكس يعني اربع نجوم فيك تحكي خدمتهم كويسة و بما انه الواحد رايح سياحة فما رح يحتاج ااوتيل غير للنوم .. و السعر للغرفة المزدوجة مع افطار هو 42 دولار.

الصور ما بعرف ابعتهم سوا لازم كل وحدة لحال.. هلا ببعت لك صور لبنان اول و بعدها بنشوف المانيا رح ياخدو وقت اطول..
بس انا بالنسبة الي بشجعك فعلا على السياحة الخارجية يعني حتى لو بلد عربي بس الواحد ما بيسافر الا يتعلم شي و متل ما حكيت انت ممكن تعطي الصورة الصحيحة عن الاسلام الله يجزيك الخير..

هلا اول شي منظر لبيروت بالليل

Dandosh

28-10-2002, 09:40 AM

التلفريك بجونيه تجربة راااائعة فعلا و المنظر سبحان الله العظيم مو معقول شو حلو

Dandosh

28-10-2002, 09:41 AM

و اخر مكان بيوصل له التليفرك تمثال سيدة حريصا و بجنبها شجرة الارز و هم رمز للبنان

Dandosh

28-10-2002, 09:43 AM

مغارة جعيتا .. ما بيقدر الواحد يعلق عليها .. سبحان الله .. المغارة ممتدة للداخل حوالي كيلومتر و مناظر الاعمدة الجليدية شيء و لا اروع .. هاي مغارة جعيتا العلوية .. لتوصليها بتطلعي بتلفريك .. و داخلها بتمشي

Dandosh

28-10-2002, 09:44 AM

و هاي المغارة التانية . ارضيتها مليانه مي و هي اصغر بكتير من الاولى لكن سبحان اله المي شو صافية و باردة .. بياخدك القارب لجولة للداخل

Dandosh

28-10-2002, 09:45 AM

من آثار بعلبك.. هي احلى من هيك بكتير و الآثار متنوعة اكتر بس هاي الصورة الي عندي

Dandosh

28-10-2002, 09:46 AM

بيت الدين جنوب بيروت ..

Dandosh

28-10-2002, 09:51 AM

احلى منظر ببيروت الروشه .. موجودة مقابل المنارة على الكورنيش و منظرها بيجنن بس للاسف حواليها ما في اهتمام

Dandosh

28-10-2002, 09:52 AM

صيدا بالجنوب

Dandosh

28-10-2002, 09:52 AM

طرابلس

Dandosh

28-10-2002, 09:53 AM

ان شاء الله يكونو عجبوكي صور لبنان و اكيد لبنان احلى من هيك بكتييير .. بس الصور مابتعبرعن كل شي موجود ..

Dandosh

28-10-2002, 11:46 AM

انا اسفة نسيت احكي لك ان التلج بيبدا في لبنان غالبا في شهر 12 و كل التواريخ اللي بكتبها بالميلادي للاسف ما بعرف الهجري كيف..

في المانيا الجومتل ما قلت لك هلا بارد و ماطر و ممكن تبدا التلج بعد اقل من شهر .. و كمان الاشهر اللي ذكرتها بالميلادي..

عندي صور كتيرة كتيرة لالمانيا سبحان الله هالبلد شو حلوة ... بس ما رح احطهم كلهم رح احط احلى صور و اي سؤال انا بالخدمة

Dandosh

28-10-2002, 11:48 AM

ما في مدينة بالمانيا ما فيها قلاع و قصور قديمة .. معظمها بالجبال و الغابات و مبنية على الطراز الغوطي او الروماني .. هاي القلعة موجودة بالجنوب بمدينة اسمها ايشتيت

Dandosh

28-10-2002, 11:50 AM

هاد منظر لمدينة هايدلبرج من احلى المدن و كلها قصور قديمة و كروم عنب بتجنن .. اشهر شي ممكن يعمله السائح ركوب الباخرة في رحلة نهرية و بيشوف معظم معالم المدينة

Dandosh

28-10-2002, 11:56 AM

هالمنظر موجود باحد القصور في بايرويت بالجنوب

Dandosh

28-10-2002, 12:04 PM

كمان ما في اكتر من البحيرات في المانيا هاي البحيرة موجودة بدوسلدورف في الغرب

Dandosh

28-10-2002, 12:05 PM

من اشهر معالم مدينة كولونيا

Dandosh

28-10-2002, 12:06 PM

احلى شي ان كل المساحلت الفاضية مساحات خضراء او غابات

Dandosh

28-10-2002, 12:07 PM

بحيرة بجانب جبال الالب

Dandosh

28-10-2002, 12:10 PM

احلى مكان شفته بالمانيا و بنصح الكل يروح له هو جزيرة مايناو في اقصى الجنوب موجودة في بحيرة كونستانس و هي عبارة عن جزيرة مزروعة بالورد بكل مكان و بمناظر سبحان الله بتجنن

Dandosh

28-10-2002, 12:10 PM

نفس الجزيرة

Dandosh

28-10-2002, 12:11 PM

لسه احنا عالجزيرة

Dandosh

28-10-2002, 12:12 PM

ختامها مسك

زهر النسرين

28-10-2002, 02:47 PM

السلام عليكم ورحمة الله
أختي الكريمة الغرام ’ شخصيا أنصحك بزيارة سورية وبعدها الدخول إلى لبنان عن طريق بولمان سياحي او تاكسي المسافة ليست بعيدة جدا
و هدا ما قمنا به نحن هدا الصيف فمكثنا بسورية مدة اسبوع وبعدها دهبنا الى بيروت مع وكالة سياحية لمدة 3 ايام و تزورين خلالها بيروت وضواحيها ( جبيل جونييه ضبيه ) و في اخر يوم ياخدوك الى الضيع ...
ما شاء الله الاخت dandosh على الصور وهي المناطق التي زرناها
(سؤال هل الصور الملتقطة داخل مغارة جعيتا لك .؟
:rolleyes: لاننا منعنا من التقاط الصور بداخلها )

وبعد عودتنا الى سورية دهبنا الى اللادقية لمدة يوم وكان يوما رائعا مناطق رائعة خاصة بصلنفة ومشقيتا ...
اتمنى ان اكون افدتك
:)

Dandosh

28-10-2002, 02:53 PM

زهر النسرين صور المغارة ليست من عندي لانهم منعونا من التقاط الصور و من اللمس كذلك داخل المغارتين.. يقولون ان الفلاش يؤثر على التركيبة الكيميائية للصخور..

Dandosh

28-10-2002, 03:59 PM

الغرام بدنا نحيرك ... انا بقترح بشدة انك تيجي للاردن .. بصراحة فيها مناطق سياحية راااائعة . و بما ان الصور موجودة موجودة، رح ابعت لك ياها لتاخدي فكرة عن هالمناطق..

Dandosh

28-10-2002, 04:02 PM

:cool:
بدنا نبدا بصورة حلوة عن الطبيعة بالاردن خاصة مناطق الشمال.. بس للاسف هالمنظر بنشوفه وقت الربيع بس

Dandosh

28-10-2002, 04:08 PM

عمان العاصمة .. وسط البلد منطقة مزدحمة و شعبية بعكس غرب عمان .. هذه الصورة للجامع الحسيني الكبير و هو جامع قديم جدا في وسط عمان .. و حوله سوق كبير جدا يوجد فيه كل ما يفكر فيه المرء و باسعار اقل من بقية الاماكن خاصة الذهب و لملابس

Dandosh

28-10-2002, 04:10 PM

شمال عمان منطقة اثرية رومانية هي جرش و المعروفة بقيام مهرجانات الثقافة و افنون فيها كل عام .. المهرجان بيكون بشهر يوليو و اغسطس من كل عام.. لكن الآثار تستاهل الزيارة كل العام

Dandosh

28-10-2002, 04:13 PM

الى الجنوب من عمان منطقة مادبا و فيها اقدم خريطة بالفسيفساء لفلسطين

Dandosh

28-10-2002, 04:15 PM

من اروع المناطق الطبيعية بالاردن و العالم منطقة وادي رم لا يملك الانسان الا ان يقول سبحان الله العظيم ..

Dandosh

28-10-2002, 04:15 PM

صورة اخرى لوادي رم

Dandosh

28-10-2002, 04:17 PM

البتراء مدينة نبطية قديمة مبنية بالصخر الوردي و منحوتة بالصخر بشكل رهيب . بعد المشي في ممر ضيق عل الاقدام او بواسطة العربة التي تجرها الخيول او على ظهر الحصان نصل الى الخزنة المنحوتة في الصخر

Dandosh

28-10-2002, 04:20 PM

المنفذ البحري الوحيد في الاردن هو مدينة العقبة القريبة من الحدود السعودية و تقع على البحر الاحمر و فيها الكثير من الفنادق و المطاعم السياحية

Dandosh

28-10-2002, 04:22 PM

لوحة اخرى من ابداع الخالق في البحر الاحمر

Dandosh

28-10-2002, 04:23 PM

البحر الميت اخفض منطقة في العالم و اكثر البحار ملوحة .. هنا غروب الشمس منظر لا ينسى

Dandosh

28-10-2002, 04:25 PM

القصور الصحراوية التي تعود للعهد الاموي و معظمها في شرق الاردن. هذه الصورة لقصر عمرة

الغرام.

29-10-2002, 01:17 AM

الف الف شكر عزيزتي حقيقه ماني عارفه وش اقولك بصراحه الصور بتجنن ومره ثانيه اقولك مشكوره كثيييييييييييييييييييييييييييير

الغرام.

29-10-2002, 01:26 AM

صور الاردن كثير حلوه ماتوقعت انها حلوه كذالاني سمعت انها غاليه كثير على لاشي لاكنك غيرتي الفكره الي كانت عندي

الغرام.

29-10-2002, 01:35 AM

عزيزتي زهر النسرين مشكوره على نصيحتك لي وان شا الله اضع سوريا في القائمه

الغيورة على الدين

29-10-2002, 10:56 AM

أخواتي يقول الرسول صلى الله عليه وسلم سياحة أمتي الجهاد في سبيلي
ونادرا الوحده إذا ما سافرت ما تلقى إثم على الاقل نظرها هي وزوجها للمتبرجات
ويقول عليه الصلاة والسلام من ترك شيئا لله عوضه الله خيرا منه

Dandosh

29-10-2002, 11:29 AM

عزيزتي الغيورة على الدين معك حق لكن بتعرفي انه هون بتشوفي البنات العربيات بيلبسو يعملو اكتر من الغربيات .. و الله اني شفت هون شغلات ما شفتها باليونان مع اني كرهت هالبلد من كتر ما في فظائع باللبس و التبرج و ما نصحت اي حدا يروح له لهالسبب .. لكن متل ما حكيت لك التبرج موجود مكان ما احنا موجودين بالعمل بالشارع فما بنقدر نحكي ما بدنا نسافر حتى ما نشوف تبرج

بنت النوخدة

29-10-2002, 05:11 PM

اختي الغالية ... غرام
انا بنصحك تزوري ماليزيا. انا زرتها في شهر العسل وبصراحة روعة . الدولة اولا اسلامية يعني يمكن تأكلين وانتي مطمئنة . ثانيا سياحة ممتازة برخص التراب والجو رائع . فنادق الخمس نجوم والي تعيشين فيها كانك اميرة وايد اسعارها مناسبة اما عن التسوق فحدث ولا حرج وبصراحة ما خليت شي ما شريته وخاطري ازورها مرة ثانية وعلى فكرة يمكن تروحين الى الجزر الي تبعها رائعة .

اذا عندك اي استفسار ترى حاضرة

اختك : بنت النوخدة

الغرام.

29-10-2002, 05:15 PM

عزيزتي الغيوره على الدين خلينا نحكي بصراحه احنا لما بنسافر صحيح بنشوف تبرج لكن بنفس الوقت المتبرجات برا غير مسلمات فما راح يعنينا امرهم
لكن المشكله عندنا هنا نشوف مناظر يشيب لها الراس ومن مين من مسلمات
فانا برايي اسافر اشوف اللي برا لاني ماراح اتضايق
بعكس لما اكون هنا اكيد لاني هنا راح اشو ف مسلمات متبرجات وهنا المشكله

الغرام.

29-10-2002, 05:20 PM

مشكوره اختي بنت النوخذه
انا زرت ماليزيا من سنتين وفعلا كانت روعه انا مثلك انصح بزيارتها لانها فعلا مثل ماقلتي

توتة الحلوة

25-06-2005, 10:24 AM

شوفي حبيبتي السفر متعة حقيقية بالنسبة لي ...... انا زرت بعض الدول الخليجية وماليزيا وأوربا ... وكل شخص يحدد وجهة السفر على حسب ما يحب (طبيعة - جو - تسوق - مزارات اسلامية - مغامرة - عروض ومهرجانات - رحلات بحرية....)
سفرتي بالصيف اللي طاف كانت ماليزيا صج رحلات وأماكن حلوة بس شنو عاد حررررر مووت ورطوبة وشخصيا ما أفكر أروح لها مرة ثانية أو أي دولة لها نفس طبيعة الجو ..... يعني نطلع من الحر والرطوبة ونروح للخسية والرطوبة بعد ..... يعني متعة الرحلة كلها تروح من كثر الرطوبة اللي تحسينها هناك .. حتى العيال تشوفينهم يحنووون ( يماااا حررر .. يمااا حرررر)تلوع جبدج من الطلعة .... فقررت اني أرجع لحبيبتي أوربا |(بصراحة جو - طبيعة - براد شغل عدل - وناس اسلوب وتعامل .. بغض النظر عن خرابيطهم - حتى السوق حلو ) يعني على حسب الميزانية اخطط اي دولة اروح لها واحدد الفترة اللي اقعد فيها والسكن سواء بفندق أو شقة .
مثلا : الدول الإسكندنافية (السويد-النرويج- فنلندا- الدنمارك) دول حلوة وطبيعة لا توصف بس غالية شوي بس تستاهل ز
الدول اللي كانت تحت الحكم الشيوعي ( التشيك- سلوفاكيا- بولندا - باغاريا- رومانيا ...) طبيعة هادئة متعة للي يدور على الهدوء والإستجمام.. وخدمات العلاج هناك من افضل ما يمكن .. لكن السياحة قليلة قيها مقارنة بباقي دول اوربا لكن يمكن زيارتها لمن لا يملك ميزانية كبيرة لتغيير الجو والبحث عن الراحة النفسية والهدوء.
اما بالنسبة للدول اللي تطل على البحر المتوسط (ايطاليا- اسبانيا ... ) بما انها على الساحل البحري فحرارة الجو اكثر بقليل من الدول اللي بوسط وشمال اوربا .
وشخصيا فأحب الدول اللي رحت لها (سويسرا: - زيوريخ ... جنة لكن نار ) (المانيا :- ميونيخ - فرانكفورت - كولون - دزلدووف.... فعلا دولة تستحق الزيارة) (هولندا:- امسترادام .... اشجع السفر لها وبقوة) (بلجيكا: بروكسيل .. يازينها) (لوكسمبورج .... تاريخ وطبيعة تاخذ العقل) (السويد: جوتنبيرج ..... اما هذي الديرة بكل مدنها فهي حقا دولة رائعة بكل المقاييس ..جو طبيعة شي لا يوصف شعب راقي متحضر وبشوش حيل خدوم ونظام نظافة عجيبة هالديرة وعندهم بضاعة ذات جودة عالية .. البلد هذا حسيت فيه برومانسية عجيبة غير عن كل الدول اللي زرتها ) اتمنى كل من تحصل له فرصة انه يزور السويد .

anna

31-01-2006, 12:40 PM

thankxxxxxxxxxxx

انا رايحة للبنان مدة اربع ايام للمرة الاولى بماذا تنصحوني
و كيف البروده
اي فندق احسن للعائلات اربع بنات و امهم هوليدي ان او مونرو او راديسون او فينيسيا
و فيه عندكم سائق نستطيع الاعتماد عليه
و كم اتوقع انه يكلفني
و كم تكلفة سائق المطار
افضل الاسواق
افضل المطاعم
لعام 2006
و كل ما تجود به انفسكم و دمتم سالمين غانمين

الاردنية

16-02-2006, 10:30 PM

عزيزتي الغرام

انا شخصيا افضل الاردن مو لانها بلدي لا والله ... الاردن للي يعرف يتفسح فيها جنان مرة ... جربي روحي الاردن وخصوصا البتراء ( المدينة الوردية ) حتشوفي روعة الحضارة القديمة وهناك القصور الاموية والمعالم السياحية واذا بدك مساعدة انا في الصيف اروح الاردن وممكن اساعدك واعطيك اسماء اناس يقدرون يساعدونك بالسياحة في الاردن